գործ N ԵԱՔԴ/0161/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

05.12.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`


նախագահությամբ` դատավոր Արթուր Մկրտչյանի
քարտուղարությամբ` Օֆելյա Կիրակոսյանի
մասնակցությամբ`
մեղադրող Լիլիթ Մանուկյանի
ամբաստանյալ Վազգեն Մալայանի


Դատարանում, դռնբաց դատական նիստում քննեց քրեական գործն ըստ մեղադրանքի` Վազգեն Հովհաննեսի Մալայանի /ծնված 29.01.1986թ. ք.Երևան, ազգությամբ հայ, ՀՀ քաղաքացի, տարրական կրթությամբ, ամուսնացած, խնամքին մեկ մանկահասակ երեխա, չի աշխատում, բնակվող ք.Երևան, Նուբարաշեն 3-րդ փող. տուն 39, նախկինում դատված, դատվածությունը չմարված.
1. Արաբկիրի դատարանի 04.12.2000թ. դատավճռով, ՀՀ քրեական օրենսգրքի 86-րդ հոդվածի 2-րդ, 15-86-րդ հոդվածի 2-րդ մասերով դատապարտվել է ազատազրկման 2 տարի 6 ամիս ժամկետով, պատժից ազատվել է 12.06.2001թ.:
2. Արաբկիրի դատարանի 15.04.2002թ. դատավճռով, ՀՀ քրեական օրենսգրքի 15-86-րդ հոդվածի 2-րդ, 86-րդ հոդվածի 2-րդ մասերով դատապարտվել է ազատազրկման 2 տարի 6 ամիս ժամկետով, պատժից պայմանական վաղաժամկետ ազատվել է 30.05.2002թ.:
3. Էրեբունու դատարանի 27.02.2003թ. դատավճռով, ՀՀ քրեական օրենսգրքի 222-րդ հոդվածի 1-ին մասով դատապարտվել է ազատազրկման 1 տարի 8 ամիս 25 օր ժամկետով:
4. Էրեբունու դատարանի 16.02.2004թ. դատավճռով, ՀՀ քրեական օրենսգրքի 178-րդ հոդվածի 3-րդ մասի 3-րդ և 4-րդ, 177-րդ հոդվածի 3-րդ մասի 3-րդ կետերով դատապարտվել է ազատազրկման 6 տարի ժամկետով, պատժից պայմանական վաղաժամկետ ազատվել է 07.09.2005թ.:
5. Էրեբունու դատարանի 17.02.2006թ. դատավճռով, ՀՀ քրեական օրենսգրքի 177-րդ հոդվածի 3-րդ մասի 3-րդ և 4-րդ կետերով դատապարտվել է ազատազրկման 4 տարի 6 ամիս ժամկետով, պատժից պայմանական վաղաժամկետ ազատվել է 18.10.2010թ./:

Մեղադրվում է ՀՀ քրեական օրենսգրքի 268-րդ հոդվածի 1-ին մասով:


Պ Ա Ր Զ Ե Ց

Գործի դատավարական նախապատմությունը
25.08.2011թ. կատարվել է դեպքը:
26.08.2011թ. հարուցվել է թիվ 14126811 քրեական գործը:
26.08.2011թ. Վազգեն Մալայանը ձերբակալվել է:
27.08.2011թ. Վ.Մալայանը ներգրավվել է որպես մեղադրյալ, նրա նկատմամբ խափանման միջոց է ընտրվել ստորագրություն չհեռանալու մասին:
14.06.2011թ.թիվ 13107609 քրեական գործից Աշոտ Եղոյանի վերաբերյալ մասը անջատվել է:
2011թ. նոյեմբերի 11-ին թիվ 14126811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Վազգեն Մալայանին ՀՀ քրեական օրենսգրքի 268-րդ հոդվածի մասով մեղադրանք է առաջադրել այն արարքի համար, որ ՙնա 2011թ. օգոստոսի 25-ին Երևան քաղաքի Արաբկիր վարչական շրջանում գտնվող ՙԿորեայի Ձոր՚ կոչվող տարածքից հավաքել, մանրացրել, չորացրել և գործածման համար ապօրինի կերպով իր մոտ է պահել զգալի չափի` 1,7 գրամ հաստատուն քաշովՙՄարիխուանա՚ տեսակի թմրամիջոց, որն էլ հայտնաբերվել է ոստիկանության Արաբկիրի բաժնում` նրա անձնական խուզարկության արդյունքում՚:

Ապացույցների հետազոտում
Առաջադրված մեղադրանքում ամբաստանյալ Վազգեն Մալայանն իրեն լիովին մեղավոր է ճանաչել, ըստ էության պնդել է նախաքննության փուլում տված ցուցմունքները և նշել, որ 2011թ. օգոստոսի 25-ին գտնվել է Երևան քաղաքի ՙԿորեայի Ձոր՚ կոչվող տարածքում, որտեղից քաղել է կանեփի թուփ և չորացրել դրանք, այնուհետև մանրացրել է և փաթաթելով թղթի կտորի մեջ, այն պահել է գուլպայի մեջ:
2011թ. օգոստոսի 26-ին առավոտյան Երևան քաղաքի ՙԲարեկամություն՚ մետրոյի մոտ իրեն են մոտեցել ոստիկանության աշխատակիցներ և թմրամիջոցներ պահելու կասկածանքով բերման են ենթարկել ոստիկանության Արաբկիրի բաժին, որտեղ էլ անձնական խուզարկությամբ հայտնաբերել են թմրամիջոցը:

Վազգեն Մալայանին վերագրվող արարքը հիմնավորվել է նաև դատաքննությամբ հետազոտված հետևյալ ապացույցներով.

Վկա Ռաֆայել Խոսրովի Մանսուրյանի նախաքննական ցուցմունքներով այն մասին, որ 2011թ. օգոստոսի 20-ին իրեն են մոտեցել ոստիկանության աշխատակիցներ և առաջարկել են որպես ընթերակա ներկա գտնվել անձի անձնական խուզարկությանը: Ինքը համաձայնել է և ոստիկանների հետ միասին գնացել ոստիկանության Արաբկիրի բաժին, որտեղ իր և մեկ այլ ընթերակայի մասնակցությամբ խուզարկության են ենթարկել Վազգեն Մալայանին և վերջինիս գուլպայից հայտնաբերվել է սպիտակ թղթի մեջ փաթաթված կանաչավուն զանգված: Վազգեն Մալայանն ասել է, որ դա ՙՄարիխուանա՚ տեսակի թմրամիջոց է և իրեն է պատկանում:
գ.թ.122

Դատաքիմիական փորձաքննության թիվ 346Ք եզրակացության համաձայն` փորձաքննությանը ներկայացված 2,1 գրամ հաստատուն քաշով խառնուրդը հանդիսանում է 1,7 գրամ հաստատուն քաշով չորացված ՙմարիխուանա՚ տեսակի թմրամիջոց:
գ.թ. 31-34

Դատաքիմիական փորձաքննության թիվ 0701 եզրակացության համաձայն` Վազգեն Հովհաննեսի Մալայանի մեզի փորձանմուշում հայտնաբերվել են կանաբիսի խմբին պատկանող թմրամիջոցի թմրալկալոիդներ:
գ.թ. 67

Գործով իրեղեն ապացույց ճանաչված 1,7 գրամ հաստատուն քաշով ՙՄարիխուանա՚ տեսակի թմրամիջոցով:
գ.թ. 120

Դատարանը գտնում է, որ գործով անթույլատրելի և ոչ վերաբերելի ապացույցներ չկան:

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Վազգեն Մալայանի մեղավորությունը ՀՀ քրեական օրենսգրքի 268-րդ հոդվածի 1-ին մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև հանցավորի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Վազգեն Մալայանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, խնամքին է գտնվում մեկ մանկահասակ երեխա:
Դատարանն արձանագրում է, որ առկա է հանցագործությունների առանձնապես վտանգավոր ռեցիդիվ և Վազգեն Մալայանի նկատմամբ պատիժ պետք է նշանակվի ՀՀ քրեական օրենսգրքի 671-րդ հոդվածի 2-րդ մասի 3-րդ պարբերության համաձայն, այսինքն` նշանակված պատիժը չի կարող պակաս լինել ՀՀ քրեական օրենսգրքի 268-րդ հոդվածի 1-ին մասով նախատեսված առավելագույն պատժի 3/4-ից:
Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց հանդիսացող 1,7 գրամ հաստատուն քաշով ՙՄարիխուանա՚ տեսակի թմրամիջոցը պետք է ոչնչացնել:
Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 379-րդ հոդվածներով, դատարանը`

Վ Ճ Ռ Ե Ց

Վազգեն Հովհաննեսի Մալայանին մեղավոր ճանաչել ՀՀ քրեական օրենսգրքի 268-րդ հոդվածի 1-ին մասով և նրա նկատմամբ պատիժ նշանակել ազատազրկում 9 (ինն) ամիս ժամկետով:
Վազգեն Մալայանի նկատմամբ ընտրված խափանման միջոցը` ստորագրություն չհեռանալու մասին, փոփոխել, խափանման միջոց կիրառել կալանքը և նրան կալանավորել դատարանի դահլիճից:
Պատժի սկիզբը հաշվել 2011 թվականի դեկտեմբերի 05-ից:
Իրեղեն ապացույց հանդիսացող 1,7 գրամ հաստատուն քաշով ՙՄարիխուանա՚ տեսակի թմրամիջոցը ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ