ԵԱՔԴ/0129/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ա. Մկրտչյանի, Ե. Կարապետյանի
մասնակցությամբ
մեղադրող Գ. Շահբազյանի
պաշտպան Ռ. Հովհաննեսյանի
տուժող Հ. Կնյազյանի

2011 թվականի հոկտեմբերի 11-ին, Երևան քաղաքում, դռնբաց դատական նիստում, դատական քննության արագացված կարգով, քննեց քրեական գործն ըստ մեղադրանքի Նաիրի Վալերիկի Գևորգյանի, ծնված 1989 թվականի օգոստոսի 11-ին, Սիսիան քաղաքում, ազգությամբ հայ, ՀՀ քաղաքացի, միջնակարգ մասնագիտական կրթությամբ, ֆիզիկապես վատառողջ, ամուրի, խնամքին մեկ անձ, նախկինում չդատված, չի աշխատում, հաշվառված և բնակվում է Սիսիան քաղաքի Ֆիզկուլտուրնիկների փողոցի 2-րդ շենքի թիվ 37 բնակարանում, մեղադրվում է ՀՀ քրեական օրենսգրքի 177 հոդվածի 3-րդ մասի 1.1 կետով, որպես խափանման միջոց է ընտրվել գրավը,

Պ Ա Ր Զ Ե Ց
1.Գործի դատավարական նախապատմությունը.
2011թ. հուլիսի 25-ին ՀՀ ոստիկանության Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 177 հոդվածի 3-րդ մասի 1.1 կետով նախատեսված հանցագործության հատկանիշներով հարուցվել է թիվ 09111311 քրեական գործը:
2011թ. հուլիսի 27-ին Նաիրի Վալերիկի Գևորգյանը ձերբակալվել է:
2011թ. հուլիսի 29-ին Նաիրի Վալերիկի Գևորգյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 3-րդ մասի 1.1 կետով, նրա նկատմամբ որպես խափանման միջոց կիրառվել է կալանավորումը:
2011թ. օգոստոսի 23-ին Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի որոշմամբ Նաիրի Վալերիկի Գևորգյանի նկատմամբ որպես կալանավորման այլընտրանքային խափանման միջոց կիրառվել է գրավը:
2011թ. օգոստոսի 23-ին Նաիրի Վալերիկի Գևորգյանին առաջադրված մեղադրանքի ծավալը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 3-րդ մասի 1.1 կետով:
2011թ. օգոստոսի 29-ին թիվ 109111311 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Նաիրի Վալերիկի Գևորգյանին մեղադրանք է առաջադրել այն արարքի համար, որ նա 2011 թվականի հուլիսի 23-ին, ժամը 1230-ի սահմաններում, նախապես Հասմիկ Անդրանիկի Կնյազյանից գաղտնի վերցրած բանալիով բացել է Երևան քաղաքի Ռուբինյանց փողոցի 2/3 շենքի 40 բնակարանի մուտքի դուռը, ապօրինի մուտք է գործել բնակարան և այնտեղից գաղտնի հափշտակել ՙՍ.Թարգմանյաց՚ եկեղեցու մանրակերտը և արծաթյա շղթա` Հասմիկ Կնյազյանին պատճառելով խոշոր չափերի հասնող` 508.000 ՀՀ դրամ գույքային վնաս:
3. Արագացված դատական քննություն.
Մինչև դատաքննությունն սկսելն ամբաստանյալ Նաիրի Վալերիկի Գևորգյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ռ. Հովհաննեսյանը:
Մեղադրող Գ.Շահբազյանը դատական քննության արագացված կարգ կիրառելուն չի առարկել:
Արագացված քննություն կիրառելուն չի առարկել նաև տուժող Հ.Կնյազյանը, հայտարարելով նաև, որ ամբաստանյալից քաղաքացիական հայցի պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Նաիրի Վալերիկի Գևորգյանին առաջադրված մեղադրանքը ՀՀ քրեական օրենսգրքի 177 հոդվածի 3-րդ մասի 1.1 կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 3-րդ մասի 1.1 կետի հատկանիշներին և արարքի որակումը ճիշտ է:
Ամբաստանյալ Նաիրի Գևորգյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Նաիրի Գևորգյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, ինքնակամ ներկայացել է վարույթն իրականացնող մարմնին, կամովին հատուցել է տուժողին պատճառված նյութական վնասը, տառապում է ՙՔրոնիկական դիֆուզ մակերեսային գաստրիտ, բուլբիտ, դուոդենոգստրալ ռեֆլյուքս՚ հիվանդությամբ, նրա խնամքին է գտնվում 2-րդ խմբի հաշմանդամ, արցախյան ազատամարտի մասնակից հայրը, բնութագրվում է դրական, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Նաիրի Վալերիկի Գևորգյանը ենթակա է քրեական պատասխանատվության և պատժի:
Հաշվի առնելով Նաիրի Գևորգյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 3-րդ մասի 1.1 կետի սանկցիայով նախատեսված է պատիժ ազատազրկման ձևով, դատարանը գտնում է, որ պատժի նպատակներին հասնելու համար Նաիրի Վալերիկի Գևորգյանի նկատմամբ ՀՀ քրեական օրենսգրքի 177 հոդվածի 3-րդ մասի 1.1 կետով կատարած արարքի համար պատիժ պետք է նշանակել ազատազրկման ձևով: Դատարանը գտնում է, որ նրա նկատմամբ չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը հաշվի առնելով վերը նշված հանգամանքները հանգում է հետևության, որ ամբաստանյալ Նաիրի Վալերիկի Գևորգյանի ուղղվելը հնարավոր է առանց ազատազրկման ձևով նշանակված պատիժը կրելու` պայմանականորեն պատիժը չկիրառելու պայմաններում:
Դատարանը գտնում է, որ Հասմիկ Կնյազյանի քաղաքացիական հայցի հարցը պետք է համարել լուծված, նկատի ունենալով, որ գողացված իրերն ամբողջությամբ վերադարձվել են և տուժողն ամբաստանյալից որևէ նյութական պահանջ չունի:
Անդրադառնալով իրեղեն ապացույցների տնօրինման հարցին, դատարանը գտնում է, որ 2011թ. օգոստոսի 13-ի որոշմամբ իրեղեն ապացույց ճանաչված և տուժող Հասմիկ Կնյազյանին ի պահ հանձնված փայտյա եկեղեցու մանրակերտը պետք է թողնել վերջինիս տնօրինությանը:
2011թ. օգոստոսի 23-ի որոշմամբ իրեղեն ապացույց ճանաչված և քրեական գործին կցված դռան փականի միջուկը և 2 բանալիները պետք է վերադարձնել Հասմիկ Կնյազյանին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Նաիրի Վալերիկի Գևորգյանին մեղավոր ճանաչել ՀՀ քրեական օրենսգրքի 177 հոդվածի 3-րդ մասի 1.1 կետով և նրան դատապարտել ազատազրկման չորս (4) տարի ժամկետով` առանց գույքի բռնագրավման:
ՀՀ քրեական օրենսգրքի 69 հոդվածի կանոններով` նշանակված պատժին հաշվակցել Նաիրի Վալերիկի Գևորգյանի նախնական կալանքի տակ եղած 27 օր ժամկետը և վերջնական թողնել ազատազրկում` երեք տարի տասնմեկ ամիս երեք օր ժամկետով:
Կիրառել ՀՀ քրեական օրենսգրքի 70 հոդվածը և Նաիրի Վալերիկի Գևորգյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան երկու (2) տարի ժամկետով:
Նաիրի Վալերիկի Գևորգյանի նկատմամբ որպես խափանման միջոց կիրառված գրավը թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 900033097016 հաշվեհամարին 23.08.11թ-ին որպես գրավ մուծված 1.000.000 (մեկ միլիոն) ՀՀ դրամը վերադարձնել գրավատու Վալերիկ Գրիշայի Գևորգյանին:
Տուժող Հասմիկ Կնյազյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց հանդիսացող և տուժող Հասմիկ Կնյազյանին ի պահ հանձնված փայտյա եկեղեցու մանրակերտը թողնել վերջինիս տնօրինությանը: Քրեական գործին կցված դռան փականի միջուկը և 2 բանալիները վերադարձնել Հասմիկ Կնյազյանին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ