Հետ

Հիմնական

Գործի համար: ԵԱՔԴ/0126/01/11

Վիճակագրական տողի համար : 17.4

Պատասխանող

Վաչե Դավթյան

Կարեն Կունգուրցև

Կարեն Ալեքսանդրի Կոնգուրցև

Վաչե Ալեքսանդրի Դավթյան

Վաչե Դավթյան

Դատավոր

Քրեական վերաքննիչ

Արշակ Խաչատրյան

Արաբկիր Քանաքեռ-Զեյթուն

Արթուր Մկրտչյան

Վճռաբեկ

Դավիթ Ավետիսյան

Ելիզավետա Դանիելյան

Դատավոր

Քրեական վերաքննիչ

Արշակ Խաչատրյան

Արաբկիր Քանաքեռ-Զեյթուն

Արթուր Մկրտչյան

Վճռաբեկ

Դավիթ Ավետիսյան

Ելիզավետա Դանիելյան

Մեղադրական եզրակացության համառոտ բովանդակություն: Կարեն Ալեքսանդրի Կոնգուրցևին մեղադրանք է առաջադրվել այն բանի համար, որ նա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ին ընդգրկված լինելով վերակարգում որպես գումարտակի օրապահ, ստորադաս հարաբերությունների բացակայության պայմաններում, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցաված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով:

Դատարան	Օր	Ժամ	Դատարանի դահլիճի համար
Քրեական վերաքննիչ	2011-12-15	12:00	3
Արաբկիր Քանաքեռ-Զեյթուն	2011-09-19	12:00	5
Արաբկիր Քանաքեռ-Զեյթուն	2011-10-27	12:00	5

Գործ հ. ԵԱՔԴ/0126/01/11

Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ ՈՒ Ն
Վ Ե Ր Ա Ք Ն Ն Ի Չ Ք Ր Ե Ա Կ Ա Ն Դ Ա Տ Ա Ր Ա Ն

Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

15 դեկտեմբերի 2011թ. ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Ա.ԽԱՉԱՏՐՅԱՆԻ
ԴԱՏԱՎՈՐՆԵՐ` Ա.ՀՈՎՀԱՆՆԻՍՅԱՆԻ
Ա. ԴԱՆԻԵԼՅԱՆԻ

ՔԱՐՏՈՒՂԱՐՈՒԹՅԱՄԲ` Մ.ՄԱՀՏԵՍՅԱՆԻ

ՄԱՍՆԱԿՑՈՒԹՅԱՄԲ՝
ՄԵՂԱԴՐՈՂ` Գ.ԳԱՍՊԱՐՅԱՆԻ
ՊԱՇՏՊԱՆՆԵՐ` Ս.ՀԱԿՈԲՅԱՆԻ
Ս. ՀԱՐՈՒԹՅՈՒՆՅԱՆԻ

Դռնբաց դատական նիստում ամբաստանյալ Կարեն Ալեքսանդրի Կոնգուրցևի և նրա շահերի պաշտպան փաստաբան Սիրանուշ Հարությունյանի, ամբաստանյալ Վաչե Ալեքսանդրի Դավթյանի և նրա շահերի պաշտպան փաստաբան Անժելա Հոբոսյանի վերաքննիչ բողոքների հիման վրա քննության առնելով քրեական գործն ըստ մեղադրանքի Կարեն Ալեքսանդրի Կոնգուրցևի` ՀՀ քրեական օրենսգրքի 359-րդ հոդվածի 2-րդ մասի 3-րդ կետով, Վաչե Ալեքսանդրի Դավթյանի` ՀՀ քրեական օրենսգրքի 359-րդ հոդվածի 1-ին մասով

Պ Ա Ր Զ Ե Ց

1.Գործի դատավարական նախապատմությունը

2011 թվականի հունիսի 8-ին ՀՀ ՊՆ քննչական ծառայության 4-րդ կայազորային քննչական բաժնում ՀՀ քրեական օրենսգրքի 359-րդ հոդվածի 1-ին մասով հարուցվել է թիվ 90264811 քրեական գործը:
2011 թվականի հունիսի 11-ի որոշմամբ` սույն գործով Վաչե Ալեքսանդրի Դավթյանը ճանաչվել է որպես տուժող:
25.06.2011թ. որոշմամբ Կարեն Կոնգուրցևը ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 1-ին մասով:
Նույն օրը, վարույթն իրականացնող մարմինի որոշմամբ Կարեն Կոնգուրցևի նկատմամբ որպես խափանման միջոց է կիրառվել ստորագրություն չհեռանալու մասին:
14.07.2011թ. որոշումներով Կարեն Կոնգուրցևին առաջադրված մեղադրանքը փոփոխվել է և նա ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 2-րդ մասի 3-րդ կետով:
10.08.2011թ. որոշմամբ Վաչե Դավթյանը ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 1-ին մասով:
Նույն օրը, վարույթն իրականացնող մարմինի որոշմամբ Վաչե Դավթյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը:
2011թ. օգոստոսի 23-ին թիվ 90264811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
Դատարանի 2011 թվականի հոկտեմբերի 27-ի դատավճռով՝ Կարեն Ալեքսանդրի Կոնգուրցևը մեղավոր է ճանաչվել ՀՀ քրեական օրենսգրքի 359-րդ հոդվածի 2-րդ մասի 3-րդ կետով և նրա նկատմամբ պատիժ է նշանակվել ազատազրկում 1 /մեկ/ տարի ժամկետով:
Կարեն Կոնգուրցևի նկատմամբ ընտրված խափանման միջոցը` ստորագրություն չհեռանալու մասին, թողնվել է անփոփոխ, մինչև դատավճռի օրինական ուժի մեջ մտնելը:
Վաչե Ալեքսանդրի Դավթյանը մեղավոր է ճանաչվել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ է նշանակվել կալանք` 1 /մեկ/ ամիս ժամկետով:
Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելու մասին` թողնվել է անփոփոխ, մինչև դատավճռի օրինական ուժի մեջ մտնելը:
Դատավճռով վճռվել է քրեական գործով իրեղեն ապացույց հանդիսացող սվին դանակը հանձնել ՀՀ ՊՆ 31549 զորամասի հրամանատարությանը:
Վերոհիշյալ դատավճռի դեմ 24.11.2011թ. ամբաստանյալ Կարեն Կոնգուրցևը, իսկ 22.11.2011թ. վերջինիս պաշտպան Սիրանուշ Հարությունյանը, 17.11.2011թ. ամբաստանյալ Վաչե Դավթյանը, իսկ 18.11.2011թ. նրա պաշտպան Անժելա Հոբոսյանը բերել են վերաքննիչ բողոքներ:
Վերաքննիչ բողոքների առթիվ գրավոր պատասխաններ չեն ստացվել:
Վերաքննիչ դատարանի 05.12.2011թ. և 09.12.2011թ. որոշումներով վերաքննիչ բողոքներնը ընդունվել են վարույթ և գործը նշանակվել քննության Վճռաբեկ դատարանում գործի քննության համար սահմանված կանոններով։

2. Գործի փաստական հանգամանքները

Կարեն Ալեքսանդրի Կոնգուրցևը, հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ի սահմաններում ընգրկված լինելով վերակարգում որպես գումարտակի օրապահ, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնակարգի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` <<զինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կապտություն>>, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով:
Վաչե Ալեքսանդրի Դավթյանը, հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային, 18.05.2011թ. ժամը 21:30-ի սահմաններում ընդգրկված լինելով ճաշարանի վերակարգում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` <<զինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշի զինծառայողների նկատմամբ թույլ չտալ կոպտություն>>՚, սեռական բնույթի հայհոյանք է տվել համածառայող, շարքային Կարեն Ալեքսանդրի Կոնգուրցևի հասցեին` ստորացնելով նրա պատիվն ու արժանապատվությունը, ինչի պատճառով էլ վերջինս իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանին ձախ ազդրին` նրա առողջությանը պատճառելով թեթև վնաս` առողջության կարճատև քայքայումով:

3.Վերաքննիչ բողոքի հիմքերը, փաստարկները և պահանջը.

Վերաքննիչ բողոքները քննվում են հետևյալ հիմքերի սահմաններում, ներքոնշյալ հիմնավորումներով:
Ամբաստանյալ Կարեն Կոնգուրցևը վերաքննիչ բողոքում նշել է, որ իր նկատմամբ դատարանի դատավճռով նշանակված պատիժը խիստ է, չի համապատասխանում իր կողմից կատարված արարքի ծանրությանը և իր անձին, բերելով հետևյալ պատճառաբանությունները:
Կարեն Կոնգուրցևը նշել է, որ դատարանն որպես իր անձը բնութագրող տվյալներ, պատասխանատվությունն ու պատիժը մեղմացնող հանգամանքներ հաշվի է առել այն, որ ընդունել է մեղքը և անկեղծորեն զղջացել կատարած արարքի համար, խնամքին են գտնվում անաշխատունակ մայրը և մակահասակ եղբայրը, ընտանիքի միակ կերակրողն է, նախկինում դատված չի եղել իր կողմից հանցագործության կատարմանը նպաստել է նաև ամբաստանյալ Վաչե Դավթյանի հակաիրավական գործողությունները, վարքագիծը:
Իր պատասխանատվությունն ու պատիժը ծանրացնող հանգամանքներ դատարանը չի արձանագրել: Ինչպես նաև հաշտվել են ամբաստանյալ Վաչե Դավթյանի հետ և բողոք և պահանջ չունեն միմյանցից:
Դատարանը հաշվի չի առել ՀՀ քրեական օրենսգրքի 70-րդ հոդվածը, որը սահմանում է պատիժը պայմանականորեն չկիրառելու հիմքերը և այն նույնիսկ քննարկման առարկա չի դարձրել և իրեն դատապարտել է ազատազրկման մեկ տարի ժամկետով:
Բողոքի հեղինակը վկայակոչելով ՀՀ քրեական օրենսգրքի 70-րդ հոդվածի համապատասխան դրույթները, ինչպես նաև իր անձը բնութագրող տվյալները, պատասխանատվությունն ու պատիժը մեղմացնող հանգամանքները նշել է, որ դատարանը իր նկատմամբ նշանակել է անարդարացի պատիժ, որն ակնհայտ խիստ է:
2011թ. հունիս ամսից զորացրվել է և անցել քաղաքացիական կյանքի:
Վերոգրյալից ելնելով խնդրել է բեկանել և փոփոխել դատարանի դատավճիռը` նշանակված պատիժը մեղմացնել, նշանակված պատիժը պայմանականորեն չկիրառել և սահմանել ՀՀ քրեական օրենսգրքի 70-րդ հոդվածով նախատեսված փորձաշրջան:

Ամբաստանյալ Կարեն Կոնգուրցևի պաշտպան Սիրանուշ Հարությունյանը գտնում է, որ դատարանի կողմից Կարեն Կոնգուրցևի նկատմամբ սահմանված մեկ տարի ժամկետով ազատազրկում պատիժը ակնհայտ խիստ է և չհիմնավորված, որը չի բխում գործի հանգամանքներից, ինչպես նաև հակասում է ՀՀ քրեական օրենսգրքի 10-րդ, 48-րդ, 61-րդ և 70-րդ հոդվածների պահանջներին:
Բողոքի հեղինակը, վկայակոչելով ՀՀ քրեական օրենսգքրի 10-րդ, 48-րդ, 61-րդ և 70-րդ հոդվածների համապատասխան դրույթները նշել է, որ այս պայմաններում ակնհայտ է, որ նախկինում դատվածություն չունեցող, դրական բնութագրվող, միակողմանի ծնողազուրկ և ընտանիքի միակ կերակրողը հանդիսացող երիտասարդը, որը խնամում է անաշխատունակ և նորածին երեխա ունեցող մորը, ազատազրկման ձևով պատժի դատապարտելը ակնհայտ խիստ, անարդարացի և չհիմնավորված պատիժ է, շատ ավելի արդարացի կլիներ նրա նկատմամբ կիրառել ՀՀ քրեական օրենսգրքի 70-րդ հոդվածի դրույթները, նպատակահարմար չէ այս անձի մեկուսացումը հասարակությունից և նրան կալանավայր ուղարկելը և դա ամենևին էլ ուղղված չի լինի նրա ուղղմանը և վերադաստիարակմանը:
Վերոգրյալների հիման վրա բողոք բերած անձը խնդրել է բեկանել և փոփոխել ընդհանուր իրավասության դատարանի դատավճիռը Կարեն Կոնգուրցևի նկատմամբ ազատազրկման ձևով սահմանված մեկ տարի ժամկետով պատիժը պայմանականորեն չկիրառել, կիրառելով ՀՀ քրեական օրենսգրքի 70-րդ հոդվածը:
Ամբաստանյալ Վաչե Դավթյանը գտնում է, որ դատարանը դատավճիռ կայացնելիս ամբողջությամբ չի մեկնաբանել ՀՀ քրեական օրնեսգրքի 61-րդ, 62-րդ հոդվածների դրույթները:
Բողոքի հեղինակը նշել է, որ իր կողմից կատարված արարքը հանրության համար վտանգավորության աստիճանով չի դիտվում որպես ծանր հանցագործություն, նախկինում դատված չի եղել, ընդունել է իր մեղքը և անկեղծորեն զղջացել, այժմ գտնվում է զինվորական ծառայության մեջ և բնութագրվում է դրական, պատասխանատվությունն ու պատիժը ծանրացնող հանգամանքներ չկան:
Բացի այդ, բողոք բերած անձը կարևորում է նաև այն փաստը, որ իր գործողությունները` հայհոյելը արդյունք է եղել Կարեն Կոնգուրցևի գործողությունների, որը պայմանավորված է եղել նրա վարքագծով: Ինքը նման արարքով որևէ մեկին վնաս չի պատճառել, այլ ցանկացել է պաշտպանել իր ինքնասիրությունը, և գտնում է, որ իր ուղղվելը հնարավոր է առանց կալանքի ձևով պատիժը կրելու:
Վերոգրյալի հիման վրա, ամբաստանյալ Վաչե Դավթյանը խնդրել է մասնակիորեն բեկանել և փոփոխել ընդհանուր իրավասության դատարանի դատավճիռը իր մասով, կիրառել ՀՀ քրեական օրենսգքրի 70-րդ հոդվածը` որոշում կայացնել պատիժը պայմանականորեն չկիրառելու մասին:
Ամբաստանյալ Վաչե Դավթյանի շահերի պաշտպան, փաստաբան Անժելա Հոբոսյանը գտնում է, որ ընդհանուր իրավսության դատարանը թույլ է տվել դատական սխալ` նյութական իրավունքի այնպիսի խախտումներ, որոնք ազդել են գործի ելքի վրա, խախտվել է ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ, 70-րդ հոդվածների պահանջները:
Բողոքի հեղինակը վկայակոչելով ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ, 70-րդ հոդվածների պահանջները նշել է, որ իր պաշտպանյալը իր ընտանիքի միակ կերակրողն է, բնութագրվում է դրական զորամասի հրամանատարության կողմից, նախկինում դատված չի եղել, անկեղծորեն ընդունել է իր մեղքը, աջակցել նախաքննությանը և խորապես զղջացել կատարածի համար, ինքն է մարմնական վնասվածք ստացել, ներկայումս հաշտվել են միմյանց հետ, դատապարտելով ազատազրկման, փաստացի դատապարտվում է նրա ընտանիքը անտանելի զրկանքների ու ծայրահեղ ծանր սոցիալական վիճակի:
Ըստ բողոքի հեղինակի` ամբաստանյալ Վաչե Դավթյանի պատիժն ու պատասխանատվությունը ծանրացնող հանգամանքներ չկան:
Բողոք բերած անձը գտնում է, որ դատարանը ամբաստանյալի նկատմամբ պատիժ նշանակելիս պետք է ղեկավարվի անհատական մոտեցման սկզբունքով, որպեսզի պատժի տեսակը և չափը ընտրելիս համոզվի, որ դրանով կհասնի պատժի նպատակներին:
Ըստ պաշտպանի` ամբաստանյալ Վաչե Դավթյանի անձը բնութագրող տվյալները հիմք են տալիս դատարանին, արդարության և պատասխանատվության անհատականացման սկզբունքով ամբաստանյալին դատապարտելով ազատազրկման, միաժամանակ կիրառել ՀՀ քրեական օրենսգրքի 70-րդ հոդվածը` այսինքն պատիժը պայմանականորեն չկիրառել:
Բողոք բերած անձը վկայակոչելով ՀՀ Վճռաբեկ դատարանի 2007թ. հունիսի 12-ի թիվ ՎԲ-124/07, 2008թ. փետրվարի 1-ի թիվ ՎԲ-01/08 նախադեպային որոշումները , ՀՀ քրեական դատավարության օրենսգրքի 8-րդ հոդվածը, նշել է, որ Վճռաբեկ դատարանի նախադեպային որոշումները պարտադիր են դատարանի համար նույնանման փաստական հանգամանքներով գործի քննության ժամանակ, բացառությամբ այն դեպքերի, երբ վերջինս ծանրակշիռ փաստարկների մատնանշմամբ հիմնավորում է, որ դրանք կիրառելի չեն տվյալ փաստական հանգամանքների նկատմամբ:Թեև դատարանը դատավճռի մեջ նշել է ամբաստանյալ Վաչե Դավթյանի պատասխանատվությունն ու պատիժը մեղմացնող հանգամանքները, սակայն հաշվի չի առել Վճռաբեկ դատարանի նախադեպերը և չի կիրառել ՀՀ քրեական օրենսգրքի 70-րդ հոդվածը:
Վերոգրյալներից ելնելով բողոք բերած անձը խնդրել է կիրառել ՀՀ քրեական օրենսգրքի 19-րդ հոդվածը և ամբաստանյալ Վաչե Դավթյանին ազատել քրեական պատասխանատվությունից կամ կիրառել ՀՀ քրեական օրենսգրքի 72-րդ, 74-րդ հոդվածները և ազատել քրեական պատասխանատվությունից կամ կիրառել ՀՀ Վճռաբեկ դատարանի նախադեպային որոշումները և ամբաստանյալի նկատմամբ կիրառել ՀՀ քրեական օրնսգրքի 70-րդ հոդվածի դրույթները:

4.Վերաքննիչ դատարանի պատճառաբանությունները և եզրահանգումը

Վերաքննիչ բողոքի հիմքերի և հիմնավորումների սահմաններում, վերլուծելով քրեական գործով ձեռք բերված ապացույցները, վերաքննիչ դատարանը գտնում է, որ ամբաստանյալ Վաչե Դավթյանի և նրա շահերի պաշտպան Անժելա Հոբոսյանի վերաքննիչ բողոքները պետք է բավարարել, իսկ ամբաստանյալ Կարեն Ալեքսանդրի Կոնգուրցևի և նրա շահերի պաշտպան Սիրանուշ Հարությունյանի վերաքննիչ բողոքները մերժել հետևյալ պատճառաբանությամբ.
ՀՀ քրեական օրենսգրքի 10-րդ հոդվածի 1-ին մասի համաձայն. <<1. Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:>>:
ՀՀ քրեական օրենսգրքի 48-րդ հոդվածում սահմանված են պատժի հասկացությունը և նպատակները:
Համաձայն ՀՀ քրեական օրենսգրքի 48-րդ հոդվածի. <<1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ:
2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:>>:
ՀՀ քրեական օրենսգրքի 61-րդ հոդվածով սահմանված են պատիժ նշանակելու ընդհանուր սկզբունքները:
Վերոհիշյալ հոդվածի 1-ին մասի համաձայն. <<Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:>>:
Նույն հոդվածի 2-րդ մասի համաձայն. <<Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:>>:
ՀՀ քրեական օրենսգրքի 70-րդ հոդվածի 1-ին մասի համաձայն. <<Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին:>>:
Նույն հոդվածի 2-րդ մասի համաձայն. <<Պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները:>>:
Չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, սակայն Վերաքննիչ դատարանը գտնում է, որ իրավասու դատարանները պարտավոր են, ղեկավարվելով ՀՀ քրեական օրենսգրքի 61-րդ հոդվածով նախատեսված սկզբունքներով, հաշվի առնել նաև հանցագործության` հանրության համար վտանգավորության աստիճանն ու բնույթը:
Վերաքննիչ գտնում է, որ ՀՀ քրեական օրենսգրքի 70-րդ հոդվածով ամրագրված` պատիժը պայմանականորեն չկիրառելու չափանիշները սպառիչ չեն: Պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, համաձայն որի` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Ընդհանուր իրավասության դատարանի դատավճռի ուսումնասիրությունը ցույց է տալիս, որ դատարանը ամբաստանյալ Վաչե Դավթյանի նկատմամբ պատիժ նշանակելիս հաշվի է առել ինչպես նրա անձը բնութագրող տվյալները, այնպես էլ նրա պատասխանատվությունն ու պատիժը մեղմացնող հանգամանքները, մասնավորապես այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել բնութագրվում է դրական գտնվում է զինվորական ծառայության մեջ:
Ամբաստանյալ Վաչե Դավթյանի պատասխանատվությունը և պատիժը ծանրացնող հանգամանքներ դատարանը չի արձանագրել:
Ընդհանուր իրավասության դատարանը ամբաստանյալ Կարեն Կոնգուրցևի նկատմամբ պատիժ նշանակելիս որպես նրա անձը բնութագրող տվյալներ, վերջինիս պատասխանատվությունն ու պատիժը մեղմացնող հանգամանքներ հաշվի է առել այն, որ նա ընդունել է մեղքը և անկեղծորեն զղջացել է կատարած արարքի համար խնամքին են գտնվում անաշխատունակ մայրը և մանկահասակ եղբայրը, ընտանիքի միակ կերակրողն է, նախկինում դատված չի եղել, նրա կողմից հանցագործության կատարմանը նպաստել է նաև ամբաստանյալ Վ.Դավթյանի հակաիրավական վարքագիծը:
Ամբաստանյալ Կարեն Կոնգուրցևի պատասխանատվությունը և պատիժը ծանրացնող հանգամանքներ դատարանը չի արձանագրել:
Համաձայն ՀՀ քրեական օրենսգրքի 19-րդ հոդվածի 1-ին մասի պահանջների. <<Ըստ բնույթի և հանրության համար վտանգավորության աստիճանի՝ հանցագործությունները դասակարգվում են՝ ոչ մեծ ծանրության, միջին ծանրության, ծանր և առանձնապես ծանր հանցագործությունների:>>:
Վերաքննիչ դատարանը գտնում է, որ ընդհանուր իրավասության դատարանը թեև նշել է, սակայն ըստ էության բավարար չափով հաշվի չի առել ամբաստանյալ Վաչե Դավթյանի կողմից կատարված հանցագործության հանրության համար վտանգավորության աստիճանն ու բնույթը, մասնացվորապես այն, որ տվյալ հանցագործությունը դասվում է ոչ մեծ ծանրության հանցագործությունների շարքին:
Վերաքննիչ դատարանը միևնույն ժամանակ գտնում է, որ ամբաստանյալ Վաչե Դավթյանի նկատմամբ պատիժ նշանակելիս դատարանը հաշվի չի առել նաև սույն գործի կոնկրետ հանգամանքները, մասնավորապես այն, որ երկուստեք վիճաբանության հախահարձակ է եղել Կարեն Կոնգուրցևը և որ ամբաստանյալ Վաչե Դավթյանի կողմից կատարված հանցագործությանը նպաստել է ամբաստանյալ Կարեն Կոնգուրցևի հակաօրինական վարքագիծը, ինչը Վերաքննիչ դատարանը դիտում է որպես ամբաստանյալ Վաչե Դավթյանի պատասխանատվությունը և պատիժը մեղմացնող հանգամանք:
Վերաքննիչ դատարանը ՀՀ քրեական օրենսգրքի 10-րդ, 48-րդ, 61-63-րդ, 70-րդ հոդվածների պահանջների համատեքստում քննության առնելով ամբաստանյալ Վաչե Դավթյանի նկատմամբ նշանակված պատժի հարցը, հաշվի առնելով վերջինիս կողմից կատարված հանցագործության բնույթն ու վտանգավորության աստիճանը, նրա անձը բնութագրող, պատասխանատվությունն ու պատիժը մեղմացնող վերը նշված հանգամանքները, ամբաստանյալի պատիժն ու պատասխանատվությունը ծանրացնող հանգամանքների բացակայությունը, հանգում է հետևության, որ ամբաստանյալի նկատմամբ նշանակված պատիժը պայմանականորեն չկիրառելու միջոցով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին` սոցիալական արդարության վերականգմանը, պատժի ենթարկված անձանց ուղղմանը և հանցագործությունների կանխմանը: Տվյալ դեպքում դրանով կապահովվեն նաև ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխանատվության անհատականացման և պատիժ նշանակելու ընդհանուր սկզբունքները, ուստի դատավճիռը` ամբաստանյալ Վաչե Դավթյանի նկատմամբ նշանակված պատժի մասով պետք է փոփոխել և այն ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառել` սահմանելով փորձաշրջան:
Վերաքննիչ դատարանը ՀՀ քրեական օրենսգրքի 10-րդ, 48-րդ, 61-63-րդ, 70-րդ հոդվածների պահանջների համատեքստում քննության առնելով ամբաստանյալ Կարեն Կոնգուրցևի նկատմամբ նշանակված պատժի հարցը, հաշվի առնելով վերջինիս կողմից կատարված հանցագործության բնույթն ու վտանգավորության աստիճանը, նրա անձը բնութագրող, պատասխանատվությունն ու պատիժը մեղմացնող հանգամանքները, ամբաստանյալի պատիժն ու պատասխանատվությունը ծանրացնող հանգամանքների բացակայությունը, ինչպես նաև գործի վերը նշված կոնկրետ հանգամանքները, գտնում է, որ դատարանի կողմից ամբաստանյալ Կարեն Կոնգուրցևի նկատմամբ ՀՀ քրեական օրենսգրքի 359-րդ հոդվածի 2-րդ մասի սանկցիայի շրջանակներում նշանակել է արդարացի և համաչափ պատիժ և այն մեղմացնելու, այդ թվում ՀՀ րեական օրենսգրքի 70-րդ հոդվածի կիրառմամբ հիմքեր չկան, ուստի դատավճիռը` ամբաստանյալ Կարեն Կոնգուրցևի նկատմամբ նշանակված պատժի մասով պետք է թողնել օրինական ուժի մեջ:
Ելնելով վերոգրյալներից և ղեկավարվելով ՀՀ քրեական դատավարության օրենսգրքի 393-395-րդ, 399-րդ հոդվածներով Վերաքննիչ դատարանը

Ո Ր Ո Շ Ե Ց

Ամբաստանյալ Վաչե Դավթյանի և նրա շահերի պաշտպան Անժելա Հոբոսյանի վերաքննիչ բողոքները բավարարել:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011թ. հոկտեմբերի 27-ի դատավճիռը` քրեական գործով ըստ մեղադրանքի` Վաչե Ալեքսանդրի Դավթյանի` ՀՀ քրեական օրենսգրքի 359-րդ հոդվածի 1-ին մասով, ամբաստանյալ Վաչե Դավթյանի նկատմամբ նշանակված պատժի մասով փոփոխել:
Ամբաստանյալ Վաչե Դավթյանին մեղավոր է ճանաչել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ նշանակվել կալանք` 1 /մեկ/ ամիս ժամկետով:
ՀՀ քրեկան օրենսգրքի 70-րդ հոդվածի կիրառմամբ նշանակված պատիժը պայմանականորեն չկիրառել` սահմանելով փորձաշրջան 1 /մեկ/ տարի ժամկետով:
Ամբաստանյալ Վաչե Դավթյանի վարքի նկատմամբ վերահսկողությունը դնել համապատասխան զորամասի հրամանատարության վրա, իսկ զորացրման դեպքում ՀՀ ԱՆ ՔԿՎ այլընտրանքային պատիժների կատարման բաժնի նրա բնակության վայրի համապատասխան ստորաբաժանման վրա:
Ամբաստանյալ Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ` մինչև սույն որոշման օրինական ուժի մեջ մտնելը:
Ամբաստանյալ Կարեն Ալեքսանդրի Կոնգուրցևի և նրա շահերի պաշտպան Սիրանուշ Հարությունյանի վերաքննիչ բողոքները մերժել
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011թ. հոկտեմբերի 27-ի դատավճիռը`քրեական գործով ըստ մեղադրանքի Կարեն Ալեքսանդրի Կոնգուրցևի` ՀՀ քրեական օրենսգրքի 359-րդ հոդվածի 2-րդ մասի 3-րդ կետով, ամբաստանյալ Կարեն Կոնգուրցևի նկատմամբ նշանակված պատժի մասով թողնել օրինական ուժի մեջ:
Ամբաստանյալ Վաչե Դավթյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը:
Որոշումը կարող է բողոքարկվել ՀՀ Վճռաբեկ դատարան՝ այն հրապարակելու պահից մեկամսյա ժամկետում։

ՆԱԽԱԳԱՀՈՂ ԴԱՏԱՎՈՐ՝ ստորագրություն
ԴԱՏԱՎՈՐՆԵՐ՝ ստորագրություններ
Իսկականի հետ ճիշտ է՝

ՆԱԽԱԳԱՀՈՂ ԴԱՏԱՎՈՐ՝ Ա.ԽԱՉԱՏՐՅԱՆ

ՆԱԽԱԳԱՀՈՂ ԴԱՏԱՎՈՐ` Ա.ԽԱՉԱՏՐՅԱՆ

ԴԱՏԱՎՈՐՆԵՐ` Մ.ՍԻՄՈՆՅԱՆ

Ս.ԱՎԵՏԻՍՅԱՆ

գործ No ԵԱՔԴ/0126/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

27.10.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Գ.Գասպարյանի

ամբաստանյալներ Կ.Կոնգուրցևի
Վ.Դավթյանի

պաշտպաններ Ա.Հոբոսյանի
Ս.Հարությունյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Կարեն Ալեքսանդրի Կոնգուրցևի /ծնված 26.05.1991թ. Վանաձոր քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուրի, չդատված, չի աշխատում ՀՀ ՊՆ 31549 զորամասի նախկին ժամկետային զինծառայող, բնակվում է ք.Վանաձոր, Տերյան փ. 2-րդ շ. բն. 17/:
Մեղադրվում է ՀՀ քրեական օրենսգրքի 359-րդ հոդվածի 2-րդ մասի 3-րդ կետով:
Վաչե Ալեքսանդրի Դավթյանի /ծնված 13.05.1992թ. Դիլիջան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուրի, չդատված, ՀՀ ՊՆ 31549 զորամասի ժամկետային զինծառայող, շարքային, բնակվում է ք. Դիլիջան Շահումյան 2-րդ նրբ. տուն 2/:
Մեղադրվում է ՀՀ քրեական օրենսգրքի 359-րդ հոդվածի 1-ին մասով:

Պ Ա Ր Զ Ե Ց

Գործի դատավարական նախապատմությունը
Քրեական գործը հարուցվել է 08.06.2011թ.:
25.06.2011թ Կ.Կոնգուրցևին մեղադրանք է առաջադրվել և նրա նկատմամբ որպես խափանման միջոց է ընտրվել ստորագրություն չհեռանալու մասին:
10.08.2011թ. Վ.Դավթյանին մեղադրանք է առաջադրվել և նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելու մասին:
22.08.2011թ. թիվ 90264811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Կարեն Ալեքսանդրի Կոնգուրցևին ՀՀ քրեական օրենսգրքի 359-րդ հոդվածի 2-րդ մասի 3-րդ կետով մեղադրանք է առաջադրել այն արարքի համար, որ ՙնա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ի սահմաններում ընգրկված լինելով վերակարգում որպես գումարտակի օրապահ, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնակարգի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` ՙզինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կապտություն՚, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով՚:

Վաչե Ալեքսանդրի Դավթյանին ՀՀ քրեական օրենսգրքի 359-րդ հոդվածի 1-ին մասով, մեղադրանք է առաջադրվել այն արարքի համար, որ ՙնա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային, 18.05.2011թ. ժամը 21:30-ի սահմաններում ընդգրկված լինելով ճաշարանի վերակարգում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` ՙզինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշի զինծառայողների նկատմամբ թույլ չտալ կոպտություն՚, սեռական բնույթի հայհոյանք է տվել համածառայող, շարքային Կարեն Ալեքսանդրի Կոնգուրցևի հասցեին` ստորացնելով նրա պատիվն ու արժանապատվությունը, ինչի պատճառով էլ վերջինս իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանին ձախ ազդրին` նրա առողջությանը պատճառելով թեթև վնաս` առողջության կարճատև քայքայումով՚:

Ապացույցների հետազոտում
Առաջադրված մեղադրանքում մեղադրյալ Կարեն Ալեքսանդրի Կոնգուրցևն իրեն լիովին մեղավոր է ճանաչել, ըստ էության պնդել է նախաքննական ցուցմունքներն այն մասին, որ 18.05.2011թ. ժամը 21:30-ի սահմաններում ընդգրկված լինելով վերակարգում որպես գումարտակի օրապահ, հանդիպել է համածառայող, շարքային Վաչե Դավթյանին և սկսել է կատակով հայհոյել նրան: Վ.Դավթյանը նույնպես կատակով հայհոյել է իրեն, որի ընթացքում ինքը նրան ՙլակոտ՚ է անվանել, դրան ի պատասխան` Վ.Դավթյանը հայհոյանք է տվել իր հասցեին: Լսելով հայհոյանքը զայրացել է և իրեն ամրակցված սվին դանակով հարվածել է շարքային Վ.Դավթյանի ձախ ազդրին: Տեսնելով, որ նրա ազդրից արյուն է հոսում, նրան ուղեկցել է լվացարան: Զղջացել է կատարած արարքի համար, խնդրել է մեղմ վերաբերվել:
Առաջադրված մեղադրանքում մեղադրյալ Վաչե Ալեքսանդրի Դավթյանն իրեն մեղավոր է ճանաչել մասնակիորեն, սակայն առաջադրված մեղադրանքում ընդունել է իր մեղավորությունը և ցուցմունք է տվել այն մասին, որ 18.05.2011թ. ժամը 21:30-ի սահմաններում գումարտակի միջանցքում հանդիպել է գումարտակի օրապահ, շարքային Կարեն Կոնգուրցևին, որը կատակով հայհոյել է իրեն: Ինքը նույնպես կատակով հայհոյել է նրան, որի ընթացքում վերջինս ՙլակոտ՚ է անվանել իրեն, ինքն էլ ի պատասխան` հայհոյանք է տվել Կ.Կոնգուրցևի հասցեին: Վերջինս լսելով հայհոյանքը զայրացել է և իրեն ամրակցված սվին դանակով հարվածել է իր ձախ ազդրին պատճառելով մարմնական վնասվածք: Կ.Կոնգուրցևի հետ հաշտվել է և նրա նկատմամբ բողոք, պահանջ չունի: Զղջացել է կատարած արարքի համար և խնդրել է իր նկատմամբ մեղմ վերաբերվել:

Ամբաստանյալներ Կարեն Կոնգուրցևին և Վաչե Դավթյանին առաջադրված մեղադրանքը հիմնավորվել է նաև դատաքննությամբ հետազոտված հետևյալ ապացույցներով.

Վկա, նույն զորամասի ժամկետային զինծառայող, եֆրեյտոր Գևորգ Միքայելի Սարգսյանի ցուցմունքով այն մասին, որ 2011թ. մայիսի 18-ին իրենք ընդգրկված են եղել վերակարգում որպես գումարտակի օրապահներ: Իրենց հետ միասին վերակարգում է եղել նաև համածառայող, շարքային Կարեն Կոնգուրցևը: Իրենք միմյանց 2 ժամը մեկ փոխարինել են, սակայն գումարտակում որևէ արտառոց դեպք չեն նկատել: Դրանից 10 օր անց ՌՈ բաժնի աշխատակիցները բերման են ենթակել Կ.Կոնգուրցևին և Վ.Դավթյանին, որից հետո տեղեկացել են, որ 18.05.2011թ. Վ.Դավթյանը և Կ.Կոնգուրցևը կատակով հայհոյել են միմյանց, որի ընթացքում վերջինս իրեն ամրակցված սվին դանակով հարվածել է Վ.Դավթյանի ձախ ոտքին` նրան պատճառելով մարմնական վնասվածք: Նշված օրը իրենք Վ.Դավթյանին և Կ.Կոնգուրցևին վիճաբանելիս չեն տեսել, Վ.Դավթյանի մարմնի վրա վնասվածք նույնպես չեն նկատել: Մինչ նշված դեպքը նրանք չեն վիճել և թշնամական հարաբերությունների մեջ չեն գտնվել:
գ.թ 49-50

Նախաքննության փուլում նույնաբովանդակ ցուցմունք է տվել նաև քրեական գործով վկա, ժամկետային զինծառայող Գևորգ Սերյոժայի Ճաղարյանը:
գ.թ 46-47

Վկա, նույն զորամասի 2-րդ կապի գումարտակի, 2-րդ վաշտի հրամանատար, կապիտան Մկրտիչ Միսակի Գասպարյանի դատաքննության փուլում տված ցուցմունքով այն մասին, որ 28.05.2011թ. վաշտի անձնակազմի մարմնի արտաքին զննման ժամանակ, շարքային Վաչե Դավթյանի ձախ ազդրի շրջանում հայտնաբերել է մարմնական վնասվածք` վերքի տեսքով: Վերջինիցս տեղեկացել է, որ 18.05.2011թ. կատակել է համածառայող, շարքային Կարեն Կոնգուրցևի հետ, որն այդ օրվա գումարտակի օրապահն է եղել: Կատակելու ընթացքում միմյանց հայհոյել են, որի պատճառով Կ.Կոնգուրցևը սվին դանակով մեկ անգամ հարվածել է Վ.Դավթյանի ձախ ազդրին: Սակայն վերջիններս վախից դեպքը թաքցրել են, հրամանատարությանը չեն հայտնել: Դեպքը տեղի է ունեցել 18.05.2011թ. ժամը 21:30-ի սահմաններում, երբ անձնակազմը մասնակցել է երեկոյան անվանականչին, այդ իսկ պատճառով դեպքին ականատես անձիք չեն եղել:

Դատաբժշկական փորձագետի թիվ 1403 եզրակացության համաձայն Վ.Դավթյանի ստացած մարմնական վնասվածքը` ձախ ազդրի ծակած-կտրած վերքի ձևով պատճառվել է սուր ծակող-կտրող գործիքի ներգործության հետևանքով, հնարավոր է նշված ժամանակին և հանգամանքներում, որն առաջացրել է առողջության թեթև վնաս` առողջության կարճատև քայքայումով:
գ.թ 35-36

Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Կարեն Կոնգուրցևի մեղավորությունը ՀՀ քրեական օրենսգրքի 359-րդ հոդվածի 2-րդ մասի 3-րդ կետի, և Վաչե Դավթյանի մեղավորությունը ՀՀ քրեական օրենսգրքի 359-րդ հոդվածի 1-ին մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նրանք ենթակա են քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Կ.Կոնգուրցևի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար խնամքին են գտնվում անաշխատունակ մայրը և մանկահասակ եղբայրը, ընտանիքի միակ կերակրողն է, նախկինում դատված չի եղել, նրա կողմից հանցագործության կատարմանը նպաստել է նաև ամբաստանյալ Վ.Դավթյանի հակաիրավական վարքագիծը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:

Ամբաստանյալ Վ.Դավթյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել բնութագրվում է դրական գտնվում է զինվորական ծառայության մեջ:
Ամբաստանյալ Վ.Դավթյանի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցի տնօրինման հարցին, դատարանը գտնում է, որ քրեական գործով իրեղեն ապացույց հանդիսացող սվին դանակը պետք է հանձնել ՀՀ ՊՆ 31549 զորամասի հրամանատարությանը:

Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 379-րդ հոդվածներով դատարանը

Վ Ճ Ռ Ե Ց

Կարեն Ալեքսանդրի Կոնգուրցևին մեղավոր ճանաչել ՀՀ քրեական օրենսգրքի 359-րդ հոդվածի 2-րդ մասի 3-րդ կետով և նրա նկատմամբ պատիժ նշանակել ազատազրկում 1 /մեկ/ տարի ժամկետով:
Կարեն Կոնգուրցևի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:

Վաչե Ալեքսանդրի Դավթյանին մեղավոր ճանաչել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ նշանակել կալանք` 1 /մեկ/ ամիս ժամկետով:
Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելու մասին` թողնել անփոփոխ, մինչև դատավճռի օրինական ուժի մեջ մտնելը:
Պատիժը պետք է կրեն ՀՀ ԱՆ համապատասխան քրեակատարողական հիմնարկում:
Քրեական գործով իրեղեն ապացույց հանդիսացող սվին դանակը հանձնել ՀՀ ՊՆ 31549 զորամասի հրամանատարությանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

Դատական գործ N: ԵԱՔԴ/0126/01/11

Արաբկիր Քանաքեռ-Զեյթուն

Նոր քրեական գործ

Մեղադրյալ
Երբ է գործը ստացվել	25-08-2011
Քրեական գործի համարը	ԵԱՔԴ/0126/01/11
Ինչ կարգով է գործը ստացվել	Առաջին անգամ
Դատախազություն	ՀՀ Զինվորական դատախազություն
Նախաքննական գործի համարը	90264811
Մեղադրական եզրակացության համառոտ բովանդակություն	Կարեն Ալեքսանդրի Կոնգուրցևին մեղադրանք է առաջադրվել այն բանի համար, որ նա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ին ընդգրկված լինելով վերակարգում որպես գումարտակի օրապահ, ստորադաս հարաբերությունների բացակայության պայմաններում, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցաված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով:
Անձ
Անուն	Կարեն
Ազգանուն	Ալեքսանդրի
Հայրանուն	Կոնգուրցև
Հասցե	---------------
Ծննդյան օր	---------------
Սոցիալական քարտ	---------------
Հոդված_1
Հոդված	359 Մաս 2 Կետ 3
Մեղադրյալ
Անձ
Անուն	Վաչե
Ազգանուն	Ալեքսանդրի
Հայրանուն	Դավթյան
Հասցե	---------------
Ծննդյան օր	---------------
Սոցիալական քարտ	---------------
Վիճակագրական տողի համարը	17.4
Չափահաս	Այո
Չափահաս	Այո

Մակագրել

Նախագահող դատավոր
Երբ	25-08-2011
Անուն	Արթուր
Ազգանուն	Մկրտչյան

Ընդունվել է վարույթ

Երբ	26-08-2011
Որոշումը ուղարկվել է կողմերին	26-08-2011
Ուղարկվել է հուշաթերթիկ/որոշումը	26-08-2011

Նշանակվել է դատական քննություն

Դատավարության կողմեր
Երբ	19-09-2011
Դատավարության կողմեր	Մեղադրյալ
Դատավարության կողմեր	Մեղադրյալ
Անուն	Կարեն
Ազգանուն	Կոնգուրցև
Հասցե	---------------
Սեռ	1
Դատավարության կողմեր
Անուն	Վաչե
Ազգանուն	Դավթյան
Հասցե	---------------
Սեռ	1
Ժամ	12:00
Նիստերի դահլիճի համարը	5

Նշանակվել է դատական նիստ/դատական քննություն

Երբ	05-10-2011
Ժամ	12:00
Նիստերի դահլիճի համարը	5

Նշանակվել է դատական նիստ/դատական քննություն

Երբ	17-10-2011
Ժամ	16:00
Նիստերի դահլիճի համարը	5

Նշանակվել է դատական նիստ/դատական քննություն

Երբ	24-10-2011
Ժամ	16:00
Նիստերի դահլիճի համարը	5

Նշանակվել է դատական նիստ/դատական քննություն

Երբ	27-10-2011
Ժամ	12:00
Նիստերի դահլիճի համարը	5

Կայացվել է դատավճիռ

Ամսաթիվ	27-10-2011

Մեղադրական

Մեղադրյալ
Անուն	Կարեն
Ազգանուն	Կոնգուրցև
Հասցե	---------------
Սեռ	1
Ամսաթիվ	27-10-2011
Այլ հանցագործության հոդվածներ
Այլ հանցագործության հոդվածներով	Դատապարտվել է
Հիմնական պատիժ	Որոշակի ժամկետով ազատազրկում

Մեղադրական

Մեղադրյալ
Անուն	Վաչե
Ազգանուն	Դավթյան
Հասցե	---------------
Սեռ	1
Ամսաթիվ	27-10-2011
Այլ հանցագործության հոդվածներ
Այլ հանցագործության հոդվածներով	Դատապարտվել է
Հիմնական պատիժ	Կալանք

Դատական ակտ

Դատական ակտի բովանդակությունը	գործ No ԵԱՔԴ/0126/01/11 Դ Ա Տ Ա Վ Ճ Ի Ռ Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն 27.10.2011թ. ք.Երևան Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը նախագահությամբ` դատավոր Ա.Մկրտչյանի քարտուղարությամբ` Օ.Կիրակոսյանի մասնակցությամբ` մեղադրող Գ.Գասպարյանի ամբաստանյալներ Կ.Կոնգուրցևի Վ.Դավթյանի պաշտպաններ Ա.Հոբոսյանի Ս.Հարությունյանի Դատարանում, դռնբաց դատական նիստում քննեց քրեական գործն ըստ մեղադրանքի` Կարեն Ալեքսանդրի Կոնգուրցևի /ծնված 26.05.1991թ. Վանաձոր քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուրի, չդատված, չի աշխատում ՀՀ ՊՆ 31549 զորամասի նախկին ժամկետային զինծառայող, բնակվում է ք.Վանաձոր, Տերյան փ. 2-րդ շ. բն. 17/: Մեղադրվում է ՀՀ քրեական օրենսգրքի 359-րդ հոդվածի 2-րդ մասի 3-րդ կետով: Վաչե Ալեքսանդրի Դավթյանի /ծնված 13.05.1992թ. Դիլիջան քաղաքում, ազգությամբ հայ, Հայաստանի Հանրապետության քաղաքացի, միջնակարգ կրթությամբ, ամուրի, չդատված, ՀՀ ՊՆ 31549 զորամասի ժամկետային զինծառայող, շարքային, բնակվում է ք. Դիլիջան Շահումյան 2-րդ նրբ. տուն 2/: Մեղադրվում է ՀՀ քրեական օրենսգրքի 359-րդ հոդվածի 1-ին մասով: Պ Ա Ր Զ Ե Ց Գործի դատավարական նախապատմությունը Քրեական գործը հարուցվել է 08.06.2011թ.: 25.06.2011թ Կ.Կոնգուրցևին մեղադրանք է առաջադրվել և նրա նկատմամբ որպես խափանման միջոց է ընտրվել ստորագրություն չհեռանալու մասին: 10.08.2011թ. Վ.Դավթյանին մեղադրանք է առաջադրվել և նրա նկատմամբ որպես խափանման միջոց է ընտրվել զորամասի հրամանատարության հսկողությանը հանձնելու մասին: 22.08.2011թ. թիվ 90264811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան: Գործի փաստական հանգամանքները Նախաքննության մարմինն ամբաստանյալ Կարեն Ալեքսանդրի Կոնգուրցևին ՀՀ քրեական օրենսգրքի 359-րդ հոդվածի 2-րդ մասի 3-րդ կետով մեղադրանք է առաջադրել այն արարքի համար, որ ՙնա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ի սահմաններում ընգրկված լինելով վերակարգում որպես գումարտակի օրապահ, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնակարգի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` ՙզինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կապտություն՚, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով՚: Վաչե Ալեքսանդրի Դավթյանին ՀՀ քրեական օրենսգրքի 359-րդ հոդվածի 1-ին մասով, մեղադրանք է առաջադրվել այն արարքի համար, որ ՙնա հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային, 18.05.2011թ. ժամը 21:30-ի սահմաններում ընդգրկված լինելով ճաշարանի վերակարգում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` ՙզինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշի զինծառայողների նկատմամբ թույլ չտալ կոպտություն՚, սեռական բնույթի հայհոյանք է տվել համածառայող, շարքային Կարեն Ալեքսանդրի Կոնգուրցևի հասցեին` ստորացնելով նրա պատիվն ու արժանապատվությունը, ինչի պատճառով էլ վերջինս իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանին ձախ ազդրին` նրա առողջությանը պատճառելով թեթև վնաս` առողջության կարճատև քայքայումով՚: Ապացույցների հետազոտում Առաջադրված մեղադրանքում մեղադրյալ Կարեն Ալեքսանդրի Կոնգուրցևն իրեն լիովին մեղավոր է ճանաչել, ըստ էության պնդել է նախաքննական ցուցմունքներն այն մասին, որ 18.05.2011թ. ժամը 21:30-ի սահմաններում ընդգրկված լինելով վերակարգում որպես գումարտակի օրապահ, հանդիպել է համածառայող, շարքային Վաչե Դավթյանին և սկսել է կատակով հայհոյել նրան: Վ.Դավթյանը նույնպես կատակով հայհոյել է իրեն, որի ընթացքում ինքը նրան ՙլակոտ՚ է անվանել, դրան ի պատասխան` Վ.Դավթյանը հայհոյանք է տվել իր հասցեին: Լսելով հայհոյանքը զայրացել է և իրեն ամրակցված սվին դանակով հարվածել է շարքային Վ.Դավթյանի ձախ ազդրին: Տեսնելով, որ նրա ազդրից արյուն է հոսում, նրան ուղեկցել է լվացարան: Զղջացել է կատարած արարքի համար, խնդրել է մեղմ վերաբերվել: Առաջադրված մեղադրանքում մեղադրյալ Վաչե Ալեքսանդրի Դավթյանն իրեն մեղավոր է ճանաչել մասնակիորեն, սակայն առաջադրված մեղադրանքում ընդունել է իր մեղավորությունը և ցուցմունք է տվել այն մասին, որ 18.05.2011թ. ժամը 21:30-ի սահմաններում գումարտակի միջանցքում հանդիպել է գումարտակի օրապահ, շարքային Կարեն Կոնգուրցևին, որը կատակով հայհոյել է իրեն: Ինքը նույնպես կատակով հայհոյել է նրան, որի ընթացքում վերջինս ՙլակոտ՚ է անվանել իրեն, ինքն էլ ի պատասխան` հայհոյանք է տվել Կ.Կոնգուրցևի հասցեին: Վերջինս լսելով հայհոյանքը զայրացել է և իրեն ամրակցված սվին դանակով հարվածել է իր ձախ ազդրին պատճառելով մարմնական վնասվածք: Կ.Կոնգուրցևի հետ հաշտվել է և նրա նկատմամբ բողոք, պահանջ չունի: Զղջացել է կատարած արարքի համար և խնդրել է իր նկատմամբ մեղմ վերաբերվել: Ամբաստանյալներ Կարեն Կոնգուրցևին և Վաչե Դավթյանին առաջադրված մեղադրանքը հիմնավորվել է նաև դատաքննությամբ հետազոտված հետևյալ ապացույցներով. Վկա, նույն զորամասի ժամկետային զինծառայող, եֆրեյտոր Գևորգ Միքայելի Սարգսյանի ցուցմունքով այն մասին, որ 2011թ. մայիսի 18-ին իրենք ընդգրկված են եղել վերակարգում որպես գումարտակի օրապահներ: Իրենց հետ միասին վերակարգում է եղել նաև համածառայող, շարքային Կարեն Կոնգուրցևը: Իրենք միմյանց 2 ժամը մեկ փոխարինել են, սակայն գումարտակում որևէ արտառոց դեպք չեն նկատել: Դրանից 10 օր անց ՌՈ բաժնի աշխատակիցները բերման են ենթակել Կ.Կոնգուրցևին և Վ.Դավթյանին, որից հետո տեղեկացել են, որ 18.05.2011թ. Վ.Դավթյանը և Կ.Կոնգուրցևը կատակով հայհոյել են միմյանց, որի ընթացքում վերջինս իրեն ամրակցված սվին դանակով հարվածել է Վ.Դավթյանի ձախ ոտքին` նրան պատճառելով մարմնական վնասվածք: Նշված օրը իրենք Վ.Դավթյանին և Կ.Կոնգուրցևին վիճաբանելիս չեն տեսել, Վ.Դավթյանի մարմնի վրա վնասվածք նույնպես չեն նկատել: Մինչ նշված դեպքը նրանք չեն վիճել և թշնամական հարաբերությունների մեջ չեն գտնվել: գ.թ 49-50 Նախաքննության փուլում նույնաբովանդակ ցուցմունք է տվել նաև քրեական գործով վկա, ժամկետային զինծառայող Գևորգ Սերյոժայի Ճաղարյանը: գ.թ 46-47 Վկա, նույն զորամասի 2-րդ կապի գումարտակի, 2-րդ վաշտի հրամանատար, կապիտան Մկրտիչ Միսակի Գասպարյանի դատաքննության փուլում տված ցուցմունքով այն մասին, որ 28.05.2011թ. վաշտի անձնակազմի մարմնի արտաքին զննման ժամանակ, շարքային Վաչե Դավթյանի ձախ ազդրի շրջանում հայտնաբերել է մարմնական վնասվածք` վերքի տեսքով: Վերջինիցս տեղեկացել է, որ 18.05.2011թ. կատակել է համածառայող, շարքային Կարեն Կոնգուրցևի հետ, որն այդ օրվա գումարտակի օրապահն է եղել: Կատակելու ընթացքում միմյանց հայհոյել են, որի պատճառով Կ.Կոնգուրցևը սվին դանակով մեկ անգամ հարվածել է Վ.Դավթյանի ձախ ազդրին: Սակայն վերջիններս վախից դեպքը թաքցրել են, հրամանատարությանը չեն հայտնել: Դեպքը տեղի է ունեցել 18.05.2011թ. ժամը 21:30-ի սահմաններում, երբ անձնակազմը մասնակցել է երեկոյան անվանականչին, այդ իսկ պատճառով դեպքին ականատես անձիք չեն եղել: Դատաբժշկական փորձագետի թիվ 1403 եզրակացության համաձայն Վ.Դավթյանի ստացած մարմնական վնասվածքը` ձախ ազդրի ծակած-կտրած վերքի ձևով պատճառվել է սուր ծակող-կտրող գործիքի ներգործության հետևանքով, հնարավոր է նշված ժամանակին և հանգամանքներում, որն առաջացրել է առողջության թեթև վնաս` առողջության կարճատև քայքայումով: գ.թ 35-36 Դատարանի իրավական վերլուծությունները Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Կարեն Կոնգուրցևի մեղավորությունը ՀՀ քրեական օրենսգրքի 359-րդ հոդվածի 2-րդ մասի 3-րդ կետի, և Վաչե Դավթյանի մեղավորությունը ՀՀ քրեական օրենսգրքի 359-րդ հոդվածի 1-ին մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նրանք ենթակա են քրեական պատասխանատվության և պատժի: Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները: Ամբաստանյալ Կ.Կոնգուրցևի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար խնամքին են գտնվում անաշխատունակ մայրը և մանկահասակ եղբայրը, ընտանիքի միակ կերակրողն է, նախկինում դատված չի եղել, նրա կողմից հանցագործության կատարմանը նպաստել է նաև ամբաստանյալ Վ.Դավթյանի հակաիրավական վարքագիծը: Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել: Ամբաստանյալ Վ.Դավթյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել բնութագրվում է դրական գտնվում է զինվորական ծառայության մեջ: Ամբաստանյալ Վ.Դավթյանի պատասխանատվությունը և պատիժը ծանրացնող հանգամանքներ դատարանը չի արձանագրել: Անդրադառնալով իրեղեն ապացույցի տնօրինման հարցին, դատարանը գտնում է, որ քրեական գործով իրեղեն ապացույց հանդիսացող սվին դանակը պետք է հանձնել ՀՀ ՊՆ 31549 զորամասի հրամանատարությանը: Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 379-րդ հոդվածներով դատարանը Վ Ճ Ռ Ե Ց Կարեն Ալեքսանդրի Կոնգուրցևին մեղավոր ճանաչել ՀՀ քրեական օրենսգրքի 359-րդ հոդվածի 2-րդ մասի 3-րդ կետով և նրա նկատմամբ պատիժ նշանակել ազատազրկում 1 /մեկ/ տարի ժամկետով: Կարեն Կոնգուրցևի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը: Վաչե Ալեքսանդրի Դավթյանին մեղավոր ճանաչել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ նշանակել կալանք` 1 /մեկ/ ամիս ժամկետով: Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելու մասին` թողնել անփոփոխ, մինչև դատավճռի օրինական ուժի մեջ մտնելը: Պատիժը պետք է կրեն ՀՀ ԱՆ համապատասխան քրեակատարողական հիմնարկում: Քրեական գործով իրեղեն ապացույց հանդիսացող սվին դանակը հանձնել ՀՀ ՊՆ 31549 զորամասի հրամանատարությանը: Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատական ակտի ամսաթիվը	27-10-2011

Գործը հանձնվել է գրասենյակ

Գործը հանձնվել է գրասենյակ	30-11-2011
Էջերի քանակ	122, 77

Գործը հանձնվել է դատարանի արխիվ

Ամսաթիվ	30-11-2011
Էջերի քանակը	122, 77

Գործն ուղարկվել է

Գործը ուղարկվել է	30-11-2011
Էջերի քանակը	122, 77
ՈՒր(դատարան)	Քրեական վերաքննիչ
Ելքի գրության համարը	Ե-14524/11

Գործը բողոքարկվել է

Ամսաթիվ	02-12-2011

Գործը ստացվել է (կատարումն ապահովելու համար, և ... )

Ամսաթիվ	15-02-2012

Դատավճռի, որոշման կատարում

Ամսաթիվ	20-02-2012

Դատական որոշման վերաբերյալ կասկածների և անհստակությունների լուծում

Ամսաթիվ	05-03-2012
Բովանդակություն	ԵԱՔԴ/0126/01/11 ՈՐՈՇՈՒՄ դատավճռի անհստակությունները վերացնելու մասին 05.03.2012թ. ք.Երևան Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը նախագահությամբ` դատավոր Ա.Մկրտչյանի քարտուղարությամբ Օ.Կիրակոսյանի Քննության առնելով թիվ ԵԱՔԴ/0126/01/11 քրեական գործով ՀՀ ԱՆ ՙՎանաձոր՚ քրեակատարողական հիմնարկի պետ Ա.Մխոյանի 28.02.2012թ. N Ե 40/20-3-359 գրությունը. ՊԱՐԶԵՑ ՀՀ ԱՆ ՙՎանաձոր՚ քրեակատարողական հիմնարկի պետ Ա.Մխոյանը 2012թ. փետրվարի 28-ին գրություն է ներկայացրել դատարան այն մասին, որ ՙ27.10.2011թ. դատավճռի և այն ի կատար ածելու մասին կարգադրության մեջ գրված է Կարեն Ալեքսանդրի Կոնգուրցև, սակայն անձնագրի տվյալներով նա հանդիսանում է Կարեն Ալեքսանդրի Կունգուրցև՚: Ելնելով վերոգրյալից, ՀՀ ԱՆ ՙՎանաձոր՚ ՔԿՀ պետը դիմել է դատարան` դատավճռում տեղ գտած անճշտությունը վերացնելու խնդրանքով: Գրությանը կից դատարան է ուղարկվել նաև Կարեն Ալեքսանդրի Կունգուրցևի անձնագրի պատճենը: Դատարանը գտնում է, որ դատավճռում տեղ գտած անճշտությունը պետք է վերացնել և դատավճռի բոլոր պարբերություններում ՙԿոնգուրցև՚ բառը փոխարինել ՙԿունգուրցև՚ բառով: Ղեկավարվելով ՀՀ քրեական դատավարության օրենսգրքի 430-րդ հոդվածի 1-ին մասի 4-րդ կետով, դատարանը ՈՐՈՇԵՑ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 27.10.2011թ.-ի դատավճռում կատարել հստակեցում, այն է. Դատավճռի և այն ի կատար ածելու մասին կարգադրության մեջ ՙԿոնգուրցև՚ բառը փոխարինել ՙԿունգուրցև՚ բառով: ԴԱՏԱՎՈՐ Ա.ՄԿՐՏՉՅԱՆ

Գործը հանձնվել է գրասենյակ

Գործը հանձնվել է գրասենյակ	27-03-2012
Էջերի քանակ	122, 158, 22

Գործը հանձնվել է դատարանի արխիվ

Ամսաթիվ	28-03-2012
Էջերի քանակը	120,158,22

Դատական գործ N: ԵԱՔԴ/0126/01/11

Քրեական վերաքննիչ

Ստացվել է վերաքննիչ բողոք

Բողոքը բերող անձը
Ամսաթիվ	24-11-2011
Ամսաթիվ	22-11-2011
Ում կողմից է բերվել բողոքը	Ամբաստանյալ
Անուն	Կարեն
Ազգանուն	Կոնգուրցև
Հասցե	---------------
Սեռ	0
Բողոքի բովանդակությունը	Կարեն Կոնգուրցև մյուսը` Վաչե Դավթյան Վաչե Ալեքսանդրի Դավթյան Բեկանել և փոփոխել Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի` Կարեն Ալեքսանդրի Կոնգուրցևի /ՀՀ քր.օր-ի 359 հոդ. 2-րդ մասի 3-րդ կետով - ազատազրկում 1 տարի ժամկետով / վերաբերյալ 27.10.2011թ. դատավճիռը , նշանակված պատիժը մեղմացնլ , պայմանականորեն չկիրառելով պատիժը և սահմանելով ՀՀ քր.օր. 70 հոդվածով նախատեսված փորձաշրջան :
Բողոքի ստացման կարգը	Հանձնվել է փոստին
Չափահաս	Այո

Մակագրել

Նախագահող դատավոր
Ամսաթիվ	30-11-2011
Անուն	Արշակ
Ազգանուն	Խաչատրյան

Քրեական գործի մուտքագրում

Ամսաթիվ	02-12-2011
Կից փաստաթղթեր և իրեղեն ապացույց	չկա

Ընդունվել է վարույթ

Ամսաթիվ	05-12-2011

Նշանակվել է դատական քննություն

Երբ	15-12-2011
Ուղարկվել է ծանուցագիր	05-12-2011
Ժամ	12:00
Նիստերի դահլիճի համարը	3

Վերաքննիչ բողոքը բավարարվել է մասնակի

Ամբաստանյալ
Ամսաթիվ	15-12-2011
Ամսաթիվ	15-12-2011
Ստորադաս դատարանի ակտը բեկանվել է մասնակի	Մասնակի փոփոխվել է ստորադաս դատարանի դատական ակտը և պատիժը մասով մեղմացվել է
Անուն	Վաչե
Ազգանուն	Դավթյան
Հասցե	---------------
Սեռ	1
Ամբաստանյալ
Անուն	Կարեն
Ազգանուն	Կունգուրցև
Հասցե	---------------
Սեռ	1
Քր. դատ. օր. հոդված
Քր. օր. հոդված

Դատական ակտ

Դատական ակտ	Գործ հ. ԵԱՔԴ/0126/01/11 Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ ՈՒ Ն Վ Ե Ր Ա Ք Ն Ն Ի Չ Ք Ր Ե Ա Կ Ա Ն Դ Ա Տ Ա Ր Ա Ն Ո Ր Ո Շ Ո Ւ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 15 դեկտեմբերի 2011թ. ք. Երևան ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ ՆԱԽԱԳԱՀՈՂ ԴԱՏԱՎՈՐ` Ա.ԽԱՉԱՏՐՅԱՆԻ ԴԱՏԱՎՈՐՆԵՐ` Ա.ՀՈՎՀԱՆՆԻՍՅԱՆԻ Ա. ԴԱՆԻԵԼՅԱՆԻ ՔԱՐՏՈՒՂԱՐՈՒԹՅԱՄԲ` Մ.ՄԱՀՏԵՍՅԱՆԻ ՄԱՍՆԱԿՑՈՒԹՅԱՄԲ՝ ՄԵՂԱԴՐՈՂ` Գ.ԳԱՍՊԱՐՅԱՆԻ ՊԱՇՏՊԱՆՆԵՐ` Ս.ՀԱԿՈԲՅԱՆԻ Ս. ՀԱՐՈՒԹՅՈՒՆՅԱՆԻ Դռնբաց դատական նիստում ամբաստանյալ Կարեն Ալեքսանդրի Կոնգուրցևի և նրա շահերի պաշտպան փաստաբան Սիրանուշ Հարությունյանի, ամբաստանյալ Վաչե Ալեքսանդրի Դավթյանի և նրա շահերի պաշտպան փաստաբան Անժելա Հոբոսյանի վերաքննիչ բողոքների հիման վրա քննության առնելով քրեական գործն ըստ մեղադրանքի Կարեն Ալեքսանդրի Կոնգուրցևի` ՀՀ քրեական օրենսգրքի 359-րդ հոդվածի 2-րդ մասի 3-րդ կետով, Վաչե Ալեքսանդրի Դավթյանի` ՀՀ քրեական օրենսգրքի 359-րդ հոդվածի 1-ին մասով Պ Ա Ր Զ Ե Ց 1.Գործի դատավարական նախապատմությունը 2011 թվականի հունիսի 8-ին ՀՀ ՊՆ քննչական ծառայության 4-րդ կայազորային քննչական բաժնում ՀՀ քրեական օրենսգրքի 359-րդ հոդվածի 1-ին մասով հարուցվել է թիվ 90264811 քրեական գործը: 2011 թվականի հունիսի 11-ի որոշմամբ` սույն գործով Վաչե Ալեքսանդրի Դավթյանը ճանաչվել է որպես տուժող: 25.06.2011թ. որոշմամբ Կարեն Կոնգուրցևը ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 1-ին մասով: Նույն օրը, վարույթն իրականացնող մարմինի որոշմամբ Կարեն Կոնգուրցևի նկատմամբ որպես խափանման միջոց է կիրառվել ստորագրություն չհեռանալու մասին: 14.07.2011թ. որոշումներով Կարեն Կոնգուրցևին առաջադրված մեղադրանքը փոփոխվել է և նա ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 2-րդ մասի 3-րդ կետով: 10.08.2011թ. որոշմամբ Վաչե Դավթյանը ներգրավվել է որպես մեղադրյալ և նրան մեղադրանք առաջադրվել ՀՀ քրեական օրենսգրքի 359-րդ հոդվածի 1-ին մասով: Նույն օրը, վարույթն իրականացնող մարմինի որոշմամբ Վաչե Դավթյանի նկատմամբ որպես խափանման միջոց է կիրառվել զորամասի հրամանատարության հսկողությանը հանձնելը: 2011թ. օգոստոսի 23-ին թիվ 90264811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան: Դատարանի 2011 թվականի հոկտեմբերի 27-ի դատավճռով՝ Կարեն Ալեքսանդրի Կոնգուրցևը մեղավոր է ճանաչվել ՀՀ քրեական օրենսգրքի 359-րդ հոդվածի 2-րդ մասի 3-րդ կետով և նրա նկատմամբ պատիժ է նշանակվել ազատազրկում 1 /մեկ/ տարի ժամկետով: Կարեն Կոնգուրցևի նկատմամբ ընտրված խափանման միջոցը` ստորագրություն չհեռանալու մասին, թողնվել է անփոփոխ, մինչև դատավճռի օրինական ուժի մեջ մտնելը: Վաչե Ալեքսանդրի Դավթյանը մեղավոր է ճանաչվել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ է նշանակվել կալանք` 1 /մեկ/ ամիս ժամկետով: Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելու մասին` թողնվել է անփոփոխ, մինչև դատավճռի օրինական ուժի մեջ մտնելը: Դատավճռով վճռվել է քրեական գործով իրեղեն ապացույց հանդիսացող սվին դանակը հանձնել ՀՀ ՊՆ 31549 զորամասի հրամանատարությանը: Վերոհիշյալ դատավճռի դեմ 24.11.2011թ. ամբաստանյալ Կարեն Կոնգուրցևը, իսկ 22.11.2011թ. վերջինիս պաշտպան Սիրանուշ Հարությունյանը, 17.11.2011թ. ամբաստանյալ Վաչե Դավթյանը, իսկ 18.11.2011թ. նրա պաշտպան Անժելա Հոբոսյանը բերել են վերաքննիչ բողոքներ: Վերաքննիչ բողոքների առթիվ գրավոր պատասխաններ չեն ստացվել: Վերաքննիչ դատարանի 05.12.2011թ. և 09.12.2011թ. որոշումներով վերաքննիչ բողոքներնը ընդունվել են վարույթ և գործը նշանակվել քննության Վճռաբեկ դատարանում գործի քննության համար սահմանված կանոններով։ 2. Գործի փաստական հանգամանքները Կարեն Ալեքսանդրի Կոնգուրցևը, հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային 18.05.2011թ. ժամը 21:30-ի սահմաններում ընգրկված լինելով վերակարգում որպես գումարտակի օրապահ, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնակարգի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` <<զինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կապտություն>>, հայհոյել է համածառայող, շարքային Վաչե Ալեքսանդրի Դավթյանին` ստորացնելով նրա պատիվն ու արժանապատվությունը և լսելով իր հասցեին ուղղված պատասխան հայհոյանք, իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանի ձախ ազդրին` նրա առողջությանը պատճառելով թեթև վնաս` առողջության կարճատև քայքայումով: Վաչե Ալեքսանդրի Դավթյանը, հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային, 18.05.2011թ. ժամը 21:30-ի սահմաններում ընդգրկված լինելով ճաշարանի վերակարգում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` <<զինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշի զինծառայողների նկատմամբ թույլ չտալ կոպտություն>>՚, սեռական բնույթի հայհոյանք է տվել համածառայող, շարքային Կարեն Ալեքսանդրի Կոնգուրցևի հասցեին` ստորացնելով նրա պատիվն ու արժանապատվությունը, ինչի պատճառով էլ վերջինս իրեն ամրակցված սառը զենք հանդիսացող սվին դանակով հարվածել է շարքային Վ.Դավթյանին ձախ ազդրին` նրա առողջությանը պատճառելով թեթև վնաս` առողջության կարճատև քայքայումով: 3.Վերաքննիչ բողոքի հիմքերը, փաստարկները և պահանջը. Վերաքննիչ բողոքները քննվում են հետևյալ հիմքերի սահմաններում, ներքոնշյալ հիմնավորումներով: Ամբաստանյալ Կարեն Կոնգուրցևը վերաքննիչ բողոքում նշել է, որ իր նկատմամբ դատարանի դատավճռով նշանակված պատիժը խիստ է, չի համապատասխանում իր կողմից կատարված արարքի ծանրությանը և իր անձին, բերելով հետևյալ պատճառաբանությունները: Կարեն Կոնգուրցևը նշել է, որ դատարանն որպես իր անձը բնութագրող տվյալներ, պատասխանատվությունն ու պատիժը մեղմացնող հանգամանքներ հաշվի է առել այն, որ ընդունել է մեղքը և անկեղծորեն զղջացել կատարած արարքի համար, խնամքին են գտնվում անաշխատունակ մայրը և մակահասակ եղբայրը, ընտանիքի միակ կերակրողն է, նախկինում դատված չի եղել իր կողմից հանցագործության կատարմանը նպաստել է նաև ամբաստանյալ Վաչե Դավթյանի հակաիրավական գործողությունները, վարքագիծը: Իր պատասխանատվությունն ու պատիժը ծանրացնող հանգամանքներ դատարանը չի արձանագրել: Ինչպես նաև հաշտվել են ամբաստանյալ Վաչե Դավթյանի հետ և բողոք և պահանջ չունեն միմյանցից: Դատարանը հաշվի չի առել ՀՀ քրեական օրենսգրքի 70-րդ հոդվածը, որը սահմանում է պատիժը պայմանականորեն չկիրառելու հիմքերը և այն նույնիսկ քննարկման առարկա չի դարձրել և իրեն դատապարտել է ազատազրկման մեկ տարի ժամկետով: Բողոքի հեղինակը վկայակոչելով ՀՀ քրեական օրենսգրքի 70-րդ հոդվածի համապատասխան դրույթները, ինչպես նաև իր անձը բնութագրող տվյալները, պատասխանատվությունն ու պատիժը մեղմացնող հանգամանքները նշել է, որ դատարանը իր նկատմամբ նշանակել է անարդարացի պատիժ, որն ակնհայտ խիստ է: 2011թ. հունիս ամսից զորացրվել է և անցել քաղաքացիական կյանքի: Վերոգրյալից ելնելով խնդրել է բեկանել և փոփոխել դատարանի դատավճիռը` նշանակված պատիժը մեղմացնել, նշանակված պատիժը պայմանականորեն չկիրառել և սահմանել ՀՀ քրեական օրենսգրքի 70-րդ հոդվածով նախատեսված փորձաշրջան: Ամբաստանյալ Կարեն Կոնգուրցևի պաշտպան Սիրանուշ Հարությունյանը գտնում է, որ դատարանի կողմից Կարեն Կոնգուրցևի նկատմամբ սահմանված մեկ տարի ժամկետով ազատազրկում պատիժը ակնհայտ խիստ է և չհիմնավորված, որը չի բխում գործի հանգամանքներից, ինչպես նաև հակասում է ՀՀ քրեական օրենսգրքի 10-րդ, 48-րդ, 61-րդ և 70-րդ հոդվածների պահանջներին: Բողոքի հեղինակը, վկայակոչելով ՀՀ քրեական օրենսգքրի 10-րդ, 48-րդ, 61-րդ և 70-րդ հոդվածների համապատասխան դրույթները նշել է, որ այս պայմաններում ակնհայտ է, որ նախկինում դատվածություն չունեցող, դրական բնութագրվող, միակողմանի ծնողազուրկ և ընտանիքի միակ կերակրողը հանդիսացող երիտասարդը, որը խնամում է անաշխատունակ և նորածին երեխա ունեցող մորը, ազատազրկման ձևով պատժի դատապարտելը ակնհայտ խիստ, անարդարացի և չհիմնավորված պատիժ է, շատ ավելի արդարացի կլիներ նրա նկատմամբ կիրառել ՀՀ քրեական օրենսգրքի 70-րդ հոդվածի դրույթները, նպատակահարմար չէ այս անձի մեկուսացումը հասարակությունից և նրան կալանավայր ուղարկելը և դա ամենևին էլ ուղղված չի լինի նրա ուղղմանը և վերադաստիարակմանը: Վերոգրյալների հիման վրա բողոք բերած անձը խնդրել է բեկանել և փոփոխել ընդհանուր իրավասության դատարանի դատավճիռը Կարեն Կոնգուրցևի նկատմամբ ազատազրկման ձևով սահմանված մեկ տարի ժամկետով պատիժը պայմանականորեն չկիրառել, կիրառելով ՀՀ քրեական օրենսգրքի 70-րդ հոդվածը: Ամբաստանյալ Վաչե Դավթյանը գտնում է, որ դատարանը դատավճիռ կայացնելիս ամբողջությամբ չի մեկնաբանել ՀՀ քրեական օրնեսգրքի 61-րդ, 62-րդ հոդվածների դրույթները: Բողոքի հեղինակը նշել է, որ իր կողմից կատարված արարքը հանրության համար վտանգավորության աստիճանով չի դիտվում որպես ծանր հանցագործություն, նախկինում դատված չի եղել, ընդունել է իր մեղքը և անկեղծորեն զղջացել, այժմ գտնվում է զինվորական ծառայության մեջ և բնութագրվում է դրական, պատասխանատվությունն ու պատիժը ծանրացնող հանգամանքներ չկան: Բացի այդ, բողոք բերած անձը կարևորում է նաև այն փաստը, որ իր գործողությունները` հայհոյելը արդյունք է եղել Կարեն Կոնգուրցևի գործողությունների, որը պայմանավորված է եղել նրա վարքագծով: Ինքը նման արարքով որևէ մեկին վնաս չի պատճառել, այլ ցանկացել է պաշտպանել իր ինքնասիրությունը, և գտնում է, որ իր ուղղվելը հնարավոր է առանց կալանքի ձևով պատիժը կրելու: Վերոգրյալի հիման վրա, ամբաստանյալ Վաչե Դավթյանը խնդրել է մասնակիորեն բեկանել և փոփոխել ընդհանուր իրավասության դատարանի դատավճիռը իր մասով, կիրառել ՀՀ քրեական օրենսգքրի 70-րդ հոդվածը` որոշում կայացնել պատիժը պայմանականորեն չկիրառելու մասին: Ամբաստանյալ Վաչե Դավթյանի շահերի պաշտպան, փաստաբան Անժելա Հոբոսյանը գտնում է, որ ընդհանուր իրավսության դատարանը թույլ է տվել դատական սխալ` նյութական իրավունքի այնպիսի խախտումներ, որոնք ազդել են գործի ելքի վրա, խախտվել է ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ, 70-րդ հոդվածների պահանջները: Բողոքի հեղինակը վկայակոչելով ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ, 70-րդ հոդվածների պահանջները նշել է, որ իր պաշտպանյալը իր ընտանիքի միակ կերակրողն է, բնութագրվում է դրական զորամասի հրամանատարության կողմից, նախկինում դատված չի եղել, անկեղծորեն ընդունել է իր մեղքը, աջակցել նախաքննությանը և խորապես զղջացել կատարածի համար, ինքն է մարմնական վնասվածք ստացել, ներկայումս հաշտվել են միմյանց հետ, դատապարտելով ազատազրկման, փաստացի դատապարտվում է նրա ընտանիքը անտանելի զրկանքների ու ծայրահեղ ծանր սոցիալական վիճակի: Ըստ բողոքի հեղինակի` ամբաստանյալ Վաչե Դավթյանի պատիժն ու պատասխանատվությունը ծանրացնող հանգամանքներ չկան: Բողոք բերած անձը գտնում է, որ դատարանը ամբաստանյալի նկատմամբ պատիժ նշանակելիս պետք է ղեկավարվի անհատական մոտեցման սկզբունքով, որպեսզի պատժի տեսակը և չափը ընտրելիս համոզվի, որ դրանով կհասնի պատժի նպատակներին: Ըստ պաշտպանի` ամբաստանյալ Վաչե Դավթյանի անձը բնութագրող տվյալները հիմք են տալիս դատարանին, արդարության և պատասխանատվության անհատականացման սկզբունքով ամբաստանյալին դատապարտելով ազատազրկման, միաժամանակ կիրառել ՀՀ քրեական օրենսգրքի 70-րդ հոդվածը` այսինքն պատիժը պայմանականորեն չկիրառել: Բողոք բերած անձը վկայակոչելով ՀՀ Վճռաբեկ դատարանի 2007թ. հունիսի 12-ի թիվ ՎԲ-124/07, 2008թ. փետրվարի 1-ի թիվ ՎԲ-01/08 նախադեպային որոշումները , ՀՀ քրեական դատավարության օրենսգրքի 8-րդ հոդվածը, նշել է, որ Վճռաբեկ դատարանի նախադեպային որոշումները պարտադիր են դատարանի համար նույնանման փաստական հանգամանքներով գործի քննության ժամանակ, բացառությամբ այն դեպքերի, երբ վերջինս ծանրակշիռ փաստարկների մատնանշմամբ հիմնավորում է, որ դրանք կիրառելի չեն տվյալ փաստական հանգամանքների նկատմամբ:Թեև դատարանը դատավճռի մեջ նշել է ամբաստանյալ Վաչե Դավթյանի պատասխանատվությունն ու պատիժը մեղմացնող հանգամանքները, սակայն հաշվի չի առել Վճռաբեկ դատարանի նախադեպերը և չի կիրառել ՀՀ քրեական օրենսգրքի 70-րդ հոդվածը: Վերոգրյալներից ելնելով բողոք բերած անձը խնդրել է կիրառել ՀՀ քրեական օրենսգրքի 19-րդ հոդվածը և ամբաստանյալ Վաչե Դավթյանին ազատել քրեական պատասխանատվությունից կամ կիրառել ՀՀ քրեական օրենսգրքի 72-րդ, 74-րդ հոդվածները և ազատել քրեական պատասխանատվությունից կամ կիրառել ՀՀ Վճռաբեկ դատարանի նախադեպային որոշումները և ամբաստանյալի նկատմամբ կիրառել ՀՀ քրեական օրնսգրքի 70-րդ հոդվածի դրույթները: 4.Վերաքննիչ դատարանի պատճառաբանությունները և եզրահանգումը Վերաքննիչ բողոքի հիմքերի և հիմնավորումների սահմաններում, վերլուծելով քրեական գործով ձեռք բերված ապացույցները, վերաքննիչ դատարանը գտնում է, որ ամբաստանյալ Վաչե Դավթյանի և նրա շահերի պաշտպան Անժելա Հոբոսյանի վերաքննիչ բողոքները պետք է բավարարել, իսկ ամբաստանյալ Կարեն Ալեքսանդրի Կոնգուրցևի և նրա շահերի պաշտպան Սիրանուշ Հարությունյանի վերաքննիչ բողոքները մերժել հետևյալ պատճառաբանությամբ. ՀՀ քրեական օրենսգրքի 10-րդ հոդվածի 1-ին մասի համաձայն. <<1. Հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոցները պետք է լինեն արդարացի՝ համապատասխանեն հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցագործությունները կանխելու համար:>>: ՀՀ քրեական օրենսգրքի 48-րդ հոդվածում սահմանված են պատժի հասկացությունը և նպատակները: Համաձայն ՀՀ քրեական օրենսգրքի 48-րդ հոդվածի. <<1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից ու ազատություններից օրենքով նախատեսված զրկմամբ կամ դրանց սահմանափակմամբ: 2. Պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:>>: ՀՀ քրեական օրենսգրքի 61-րդ հոդվածով սահմանված են պատիժ նշանակելու ընդհանուր սկզբունքները: Վերոհիշյալ հոդվածի 1-ին մասի համաձայն. <<Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները:>>: Նույն հոդվածի 2-րդ մասի համաձայն. <<Պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով:>>: ՀՀ քրեական օրենսգրքի 70-րդ հոդվածի 1-ին մասի համաձայն. <<Եթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին:>>: Նույն հոդվածի 2-րդ մասի համաձայն. <<Պատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները:>>: Չնայած պատիժը պայմանականորեն չկիրառելու հետ կապված ՀՀ քրեական օրենսգիրքը ինչպես հանցագործությունների, այնպես էլ անձանց շրջանակի որևէ սահմանափակում չի նախատեսել, սակայն Վերաքննիչ դատարանը գտնում է, որ իրավասու դատարանները պարտավոր են, ղեկավարվելով ՀՀ քրեական օրենսգրքի 61-րդ հոդվածով նախատեսված սկզբունքներով, հաշվի առնել նաև հանցագործության` հանրության համար վտանգավորության աստիճանն ու բնույթը: Վերաքննիչ գտնում է, որ ՀՀ քրեական օրենսգրքի 70-րդ հոդվածով ամրագրված` պատիժը պայմանականորեն չկիրառելու չափանիշները սպառիչ չեն: Պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, համաձայն որի` պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները: Ընդհանուր իրավասության դատարանի դատավճռի ուսումնասիրությունը ցույց է տալիս, որ դատարանը ամբաստանյալ Վաչե Դավթյանի նկատմամբ պատիժ նշանակելիս հաշվի է առել ինչպես նրա անձը բնութագրող տվյալները, այնպես էլ նրա պատասխանատվությունն ու պատիժը մեղմացնող հանգամանքները, մասնավորապես այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել բնութագրվում է դրական գտնվում է զինվորական ծառայության մեջ: Ամբաստանյալ Վաչե Դավթյանի պատասխանատվությունը և պատիժը ծանրացնող հանգամանքներ դատարանը չի արձանագրել: Ընդհանուր իրավասության դատարանը ամբաստանյալ Կարեն Կոնգուրցևի նկատմամբ պատիժ նշանակելիս որպես նրա անձը բնութագրող տվյալներ, վերջինիս պատասխանատվությունն ու պատիժը մեղմացնող հանգամանքներ հաշվի է առել այն, որ նա ընդունել է մեղքը և անկեղծորեն զղջացել է կատարած արարքի համար խնամքին են գտնվում անաշխատունակ մայրը և մանկահասակ եղբայրը, ընտանիքի միակ կերակրողն է, նախկինում դատված չի եղել, նրա կողմից հանցագործության կատարմանը նպաստել է նաև ամբաստանյալ Վ.Դավթյանի հակաիրավական վարքագիծը: Ամբաստանյալ Կարեն Կոնգուրցևի պատասխանատվությունը և պատիժը ծանրացնող հանգամանքներ դատարանը չի արձանագրել: Համաձայն ՀՀ քրեական օրենսգրքի 19-րդ հոդվածի 1-ին մասի պահանջների. <<Ըստ բնույթի և հանրության համար վտանգավորության աստիճանի՝ հանցագործությունները դասակարգվում են՝ ոչ մեծ ծանրության, միջին ծանրության, ծանր և առանձնապես ծանր հանցագործությունների:>>: Վերաքննիչ դատարանը գտնում է, որ ընդհանուր իրավասության դատարանը թեև նշել է, սակայն ըստ էության բավարար չափով հաշվի չի առել ամբաստանյալ Վաչե Դավթյանի կողմից կատարված հանցագործության հանրության համար վտանգավորության աստիճանն ու բնույթը, մասնացվորապես այն, որ տվյալ հանցագործությունը դասվում է ոչ մեծ ծանրության հանցագործությունների շարքին: Վերաքննիչ դատարանը միևնույն ժամանակ գտնում է, որ ամբաստանյալ Վաչե Դավթյանի նկատմամբ պատիժ նշանակելիս դատարանը հաշվի չի առել նաև սույն գործի կոնկրետ հանգամանքները, մասնավորապես այն, որ երկուստեք վիճաբանության հախահարձակ է եղել Կարեն Կոնգուրցևը և որ ամբաստանյալ Վաչե Դավթյանի կողմից կատարված հանցագործությանը նպաստել է ամբաստանյալ Կարեն Կոնգուրցևի հակաօրինական վարքագիծը, ինչը Վերաքննիչ դատարանը դիտում է որպես ամբաստանյալ Վաչե Դավթյանի պատասխանատվությունը և պատիժը մեղմացնող հանգամանք: Վերաքննիչ դատարանը ՀՀ քրեական օրենսգրքի 10-րդ, 48-րդ, 61-63-րդ, 70-րդ հոդվածների պահանջների համատեքստում քննության առնելով ամբաստանյալ Վաչե Դավթյանի նկատմամբ նշանակված պատժի հարցը, հաշվի առնելով վերջինիս կողմից կատարված հանցագործության բնույթն ու վտանգավորության աստիճանը, նրա անձը բնութագրող, պատասխանատվությունն ու պատիժը մեղմացնող վերը նշված հանգամանքները, ամբաստանյալի պատիժն ու պատասխանատվությունը ծանրացնող հանգամանքների բացակայությունը, հանգում է հետևության, որ ամբաստանյալի նկատմամբ նշանակված պատիժը պայմանականորեն չկիրառելու միջոցով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին` սոցիալական արդարության վերականգմանը, պատժի ենթարկված անձանց ուղղմանը և հանցագործությունների կանխմանը: Տվյալ դեպքում դրանով կապահովվեն նաև ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխանատվության անհատականացման և պատիժ նշանակելու ընդհանուր սկզբունքները, ուստի դատավճիռը` ամբաստանյալ Վաչե Դավթյանի նկատմամբ նշանակված պատժի մասով պետք է փոփոխել և այն ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառել` սահմանելով փորձաշրջան: Վերաքննիչ դատարանը ՀՀ քրեական օրենսգրքի 10-րդ, 48-րդ, 61-63-րդ, 70-րդ հոդվածների պահանջների համատեքստում քննության առնելով ամբաստանյալ Կարեն Կոնգուրցևի նկատմամբ նշանակված պատժի հարցը, հաշվի առնելով վերջինիս կողմից կատարված հանցագործության բնույթն ու վտանգավորության աստիճանը, նրա անձը բնութագրող, պատասխանատվությունն ու պատիժը մեղմացնող հանգամանքները, ամբաստանյալի պատիժն ու պատասխանատվությունը ծանրացնող հանգամանքների բացակայությունը, ինչպես նաև գործի վերը նշված կոնկրետ հանգամանքները, գտնում է, որ դատարանի կողմից ամբաստանյալ Կարեն Կոնգուրցևի նկատմամբ ՀՀ քրեական օրենսգրքի 359-րդ հոդվածի 2-րդ մասի սանկցիայի շրջանակներում նշանակել է արդարացի և համաչափ պատիժ և այն մեղմացնելու, այդ թվում ՀՀ րեական օրենսգրքի 70-րդ հոդվածի կիրառմամբ հիմքեր չկան, ուստի դատավճիռը` ամբաստանյալ Կարեն Կոնգուրցևի նկատմամբ նշանակված պատժի մասով պետք է թողնել օրինական ուժի մեջ: Ելնելով վերոգրյալներից և ղեկավարվելով ՀՀ քրեական դատավարության օրենսգրքի 393-395-րդ, 399-րդ հոդվածներով Վերաքննիչ դատարանը Ո Ր Ո Շ Ե Ց Ամբաստանյալ Վաչե Դավթյանի և նրա շահերի պաշտպան Անժելա Հոբոսյանի վերաքննիչ բողոքները բավարարել: Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011թ. հոկտեմբերի 27-ի դատավճիռը` քրեական գործով ըստ մեղադրանքի` Վաչե Ալեքսանդրի Դավթյանի` ՀՀ քրեական օրենսգրքի 359-րդ հոդվածի 1-ին մասով, ամբաստանյալ Վաչե Դավթյանի նկատմամբ նշանակված պատժի մասով փոփոխել: Ամբաստանյալ Վաչե Դավթյանին մեղավոր է ճանաչել ՀՀ քրեական օրենսգրքի 359-րդ հոդվածի 1-ին մասով և նրա նկատմամբ պատիժ նշանակվել կալանք` 1 /մեկ/ ամիս ժամկետով: ՀՀ քրեկան օրենսգրքի 70-րդ հոդվածի կիրառմամբ նշանակված պատիժը պայմանականորեն չկիրառել` սահմանելով փորձաշրջան 1 /մեկ/ տարի ժամկետով: Ամբաստանյալ Վաչե Դավթյանի վարքի նկատմամբ վերահսկողությունը դնել համապատասխան զորամասի հրամանատարության վրա, իսկ զորացրման դեպքում ՀՀ ԱՆ ՔԿՎ այլընտրանքային պատիժների կատարման բաժնի նրա բնակության վայրի համապատասխան ստորաբաժանման վրա: Ամբաստանյալ Վաչե Դավթյանի նկատմամբ ընտրված խափանման միջոցը` զորամասի հրամանատարության հսկողությանը հանձնելը, թողնել անփոփոխ` մինչև սույն որոշման օրինական ուժի մեջ մտնելը: Ամբաստանյալ Կարեն Ալեքսանդրի Կոնգուրցևի և նրա շահերի պաշտպան Սիրանուշ Հարությունյանի վերաքննիչ բողոքները մերժել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011թ. հոկտեմբերի 27-ի դատավճիռը`քրեական գործով ըստ մեղադրանքի Կարեն Ալեքսանդրի Կոնգուրցևի` ՀՀ քրեական օրենսգրքի 359-րդ հոդվածի 2-րդ մասի 3-րդ կետով, ամբաստանյալ Կարեն Կոնգուրցևի նկատմամբ նշանակված պատժի մասով թողնել օրինական ուժի մեջ: Ամբաստանյալ Վաչե Դավթյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը: Որոշումը կարող է բողոքարկվել ՀՀ Վճռաբեկ դատարան՝ այն հրապարակելու պահից մեկամսյա ժամկետում։ ՆԱԽԱԳԱՀՈՂ ԴԱՏԱՎՈՐ՝ ստորագրություն ԴԱՏԱՎՈՐՆԵՐ՝ ստորագրություններ Իսկականի հետ ճիշտ է՝ ՆԱԽԱԳԱՀՈՂ ԴԱՏԱՎՈՐ՝ Ա.ԽԱՉԱՏՐՅԱՆ ՆԱԽԱԳԱՀՈՂ ԴԱՏԱՎՈՐ` Ա.ԽԱՉԱՏՐՅԱՆ ԴԱՏԱՎՈՐՆԵՐ` Մ.ՍԻՄՈՆՅԱՆ Ս.ԱՎԵՏԻՍՅԱՆ
Դատական ակտի ամսաթիվը	15-12-2011

Գործը հանձնվել է գրասենյակ

Ամսաթիվ	13-01-2012
Էջերի քանակը	122, 147 թերթ:

Գործն ուղարկվել է

Գործն ուղարկվել է	13-01-2012
Էջերի քանակը	122, 147 թերթ:
Ուր	Վճռաբեկ
Գրության համարը	Ե-273/12

Գործը բողոքարկվել է

Ամսաթիվ	17-01-2012

Դատական գործ N: ԵԱՔԴ/0126/01/11

Վճռաբեկ

Ստացվել է վճռաբեկ բողոք

Բողոք բերող անձինք
Բողոքի ստացման ամսաթիվ	11-01-2012
Բողոք բերող անձինք	Ամբաստանյալի պաշտպան
Անուն	Սիրանուշ
Ազգանուն	Հարությունյան
Հասցե	---------------
Սեռ	0
Լրացուցիչ ինֆորմացիա	ամբաստանյալ՝ Կարեն Ալեքսանդրի Կոնգուրցեվ
Չափահաս	Այո

Գործը ստացվել է վճռաբեկ դատարան

Գործի առաքման ամսաթիվը	13-01-2012
Գրության համարը	Ե-273
Գործի ստացման ամսաթիվը	17-01-2012
Քրեական գործի հատորներ /փաստաթղթեր/	2 հատոր
Գործի համարը	ԵԱՔԴ/0126/01/11
Գործը ստացվել է	Քրեական վերաքննիչ
Պատասխանատվության ենթարկվածների թիվը	1

Մակագրել

Նախագահող դատավոր
Ամսաթիվ	17-01-2012
Անուն	Դավիթ
Ազգանուն	Ավետիսյան
Դատավոր
Անուն	Ելիզավետա
Ազգանուն	Դանիելյան

Բողոքը վերադարձվել է որոշումով

Ամսաթիվ	07-02-2012
Որոշման բովանդակությունը	ԵԱՔԴ/0126/01/11 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՎՃՌԱԲԵԿ ԲՈՂՈՔԸ ՎԵՐԱԴԱՐՁՆԵԼՈՒ ՄԱՍԻՆ 7 փետրվարի 2012 թվական ք.Երևան ՀՀ վճռաբեկ դատարանի քրեական պալատը (այսուհետ` Վճռաբեկ դատարան), նախագահությամբ Դ.ԱՎԵՏԻՍՅԱՆԻ մասնակցությամբ դատավորներ Ե.ԴԱՆԻԵԼՅԱՆԻ Հ.ԱՍԱՏՐՅԱՆԻ Հ.ՂՈՒԿԱՍՅԱՆԻ Ա.ՊՈՂՈՍՅԱՆԻ Ս.ՕՀԱՆՅԱՆԻ քննարկելով ՀՀ վերաքննիչ քրեական դատարանի 2011 թվականի դեկտեմբերի 15-ի որոշման դեմ ամբաստանյալ Կարեն Ալեքսանդրի Կոնգուրցևի պաշտպան Ս.Հարությունյանի վճռաբեկ բողոքը վարույթ ընդունելու հարցը, Պ Ա Ր Զ Ե Ց Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2011 թվականի հոկտեմբերի 27-ի դատավճռով Կարեն Ալեքսանդրի Կոնգուրցևը մեղավոր է ճանաչվել ՀՀ քրեական օրենսգրքի 359-րդ հոդվածի 2-րդ մասի 3-րդ կետով և դատապարտվել է ազատազրկման 1 տարի ժամկետով: Նույն դատավճռով դատապարտվել է նաև Վաչե Ալեքսանդրի Դավթյանը: Ամբաստանյալ Կ.Կոնգուրցևի և պաշտպան Ս.Հարությունյանի վերաքննիչ բողոքների քննության արդյունքում ՀՀ վերաքննիչ քրեական դատարանը 2011 թվականի դեկտեմբերի 15-ի որոշմամբ վերաքննիչ բողոքները մերժել է` օրինական ուժի մեջ թողնելով Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2011 թվականի հոկտեմբերի 27-ի դատավճիռը: Վերոգրյալ որոշման դեմ վճռաբեկ բողոք է բերել ամբաստանյալ Կ.Կոնգուրցևի պաշտպան Ս.Հարությունյանը` խնդրելով բեկանել և փոփոխել ՀՀ վերաքննիչ քրեական դատարանի 2011 թվականի դեկտեմբերի 15-ի որոշումը և ՀՀ քրեական օրենսգրքի 70-րդ հոդվածի հիման վրա` Կ.Կոնգուրցևի նկատմամբ նշանակված պատիժը պայմանականորեն չկիրառել: Բողոքաբերը փաստարկել է, որ բողոքը պետք է վարույթ ընդունվի, քանի որ առկա է ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին կետով սահմանված հիմքը, այն է` բողոքում բարձրացված հարցի վերաբերյալ վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար: Վերլուծելով բողոքի փաստարկները` Վճռաբեկ դատարանը գտնում է, որ դրանք բավարար չեն եզրահանգելու, որ բողոքում բարձրացված հարցի վերաբերյալ Վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար: Հետևաբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին կետով նախատեսված հիմքը հիմնավորված չէ: Բացի այդ, ՀՀ քրեական դատավարության օրենսգրքի 407-րդ հոդվածի 21-րդ մասի համաձայն՝ բողոքին կցվում են բողոքի պատճենը գործը քննած դատարան և դատավարության մասնակիցներին (բացառությամբ քննիչի և հետաքննության մարմնի) ուղարկված լինելը հավաստող փաստաթղթերը: Բողոքի ուսումնասիրությունից երևում է, որ բացակայում է բողոքի պատճենն ամբաստանյալ Վ.Դավթյանին ուղարկված լինելը հավաստող փաստաթուղթը: Այսինքն, պահպանված չէ ՀՀ քրեական դատավարության օրենսգրքի 407-րդ հոդվածի 21-րդ մասի պահանջը: ՀՀ քրեական դատավարության օրենսգրքի 414.1-րդ հոդվածի 1-ին մասի համաձայն` վճռաբեկ բողոքը վերադարձվում է, եթե այն չի համապատասխանում նույն օրենսգրքի 407-րդ հոդվածի և 414.2-րդ հոդվածի 1-ին մասի պահանջներին, ուստի ներկայացված բողոքը ենթակա է վերադարձման: Հաշվի առնելով վերոշարադրյալ հիմնավորումները և ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 414.1-րդ հոդվածի 1-ին և 2-րդ մասերով` Վճռաբեկ դատարանը Ո Ր Ո Շ Ե Ց ՀՀ վերաքննիչ քրեական դատարանի 2011 թվականի դեկտեմբերի 15-ի որոշման դեմ ամբաստանյալ Կարեն Ալեքսանդրի Կոնգուրցևի պաշտպան Ս.Հարությունյանի վճռաբեկ բողոքը վերադարձնել: Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման: Նախագահող՝ Դ.ԱՎԵՏԻՍՅԱՆ Դատավորներ` Ե.ԴԱՆԻԵԼՅԱՆ Հ.ԱՍԱՏՐՅԱՆ Հ.ՂՈՒԿԱՍՅԱՆ Ա.ՊՈՂՈՍՅԱՆ Ս.ՕՀԱՆՅԱՆ

Որոշումը ուղարկվել է կողմերին

Ամսաթիվ	08-02-2012

Գործի առաքում

Գործի առաքման ամսաթիվ	10-02-2012
Դատարան	Արաբկիր Քանաքեռ-Զեյթուն
Այլ նշումներ	2 հատոր՝ 122, 158 թերթ: