գործ N ԵԱՔԴ/0124/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

24.10.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`


նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
Օ.Կիրակոսյանի
մասնակցությամբ`
մեղադրող Ն.Աշրաֆյանի

ամբաստանյալ Կ.Մարգարյանի

պաշտպան Ա.Հովհաննիսյանի

տուժողներ Լ.Մարգարյանի
Կ.Սևինյանի


Դատարանում, դռնբաց դատական նիստում քննեց քրեական գործն ըստ մեղադրանքի` Կարեն Խաչատուրի Մարգարյանի (ծնված` 26.05.1976թ. ք.Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երկու անչափահաս երեխա, դատվածություն չունեցող, ՙԱրտ-Խաչ՚ ՍՊԸ տնօրեն, ՀՀ փաստաբանների պալատի փաստաբան, հաշվառված ք.Երևան, Շահսուվարյան 8-ա շենք, բնակարան 58):
Մեղադրվում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով:

Պ Ա Ր Զ Ե Ց

Գործի դատավարական նախապատմությունը
2010թ. փետրվարի 3-ին հարուցվել է թիվ 14103910 քրեական գործը:
2010թ. մարտի 29-ին հարուցվել է թիվ 14110210 քրեական գործը:
2010թ. մարտի 31-ին թիվ 14103910 քրեական գործը միացվել է թիվ 14110210 քրեական գործին:
2011թ. հուլիսի 07-ին թիվ 59108311 քրեական գործը միացվել է թիվ 14110210 քրեական գործին:
24.03.2010թ. Կ.Մարգարյանը ներգրավվել է որպես մեղադրյալ, նրա նկատմամբ հայտարարվել է հետախուզում և խափանման միջոց է ընտրվել կալանքը:
26.06.2010թ. Կ.Մարգարյանին առաջադրված մեղադրանքը փոփոխվել և լրացվել է:
29.06.2010թ. քրեական գործով վարույթը կասեցվել է:
07.07.2011թ. Կ.Մարգարյանը կամովին ներկայացել է քննությանը:
22.08.2011թ. Կ.Մարգարյանի վերաբերյալ քրեական գործի վարույթի մասերը` Լ.Մարգարյանից, Կ.Գաբրիելյանից և Ս.Մուշեղյանից խարդախությամբ գումար հափշտակելու վերաբերյալ, կարճվել են:
22.08.2011թ. Կ.Մարգարյանին առաջադրված մեղադրանքի ծավալը լրացվել է:
22.08.2011թ. Կ.Մարգարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 2-րդ կետով:
2011թ. օգոստոսի 25-ին թիվ 14110210 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Կարեն Մարգարյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք է առաջադրել այն արարքի համար, որ ՙ2009թ. մարտի 3-ին, իր` Երևան քաղաքի Մամիկոնյանց փողոցի 6 հասցեում գործող փաստաբանական գրասենյակ իրավական օգնություն ստանալու նպատակով դիմած Արուսյակ Սերգեյի Ազարյանից խաբեությամբ գումար հափշտակելու դիտավորությամբ, վերջինիս օգտին Ռադիկ Եղիշի Ենգիբարյանից գույքի բռնագրավման պահանջով դատարան հայցադիմում ներկայացնելու կեղծ խոստում տալով, իբրև պետական տուրքի վճարման համար պահանջել է 460.000 դրամ գումար, որը, շուրջ 10 օր անց ստանալով հափշտակել է` Ա.Ազարյանի օգտին որևէ աշխատանք չկատարելով:
Այսինքն` Կարեն Խաչատուրի Մարգարյանը Արուսյակ Սերգեյի Ազարյանից, խաբեությամբ հափշտակել է զգալի չափի` 460.000 ՀՀ դրամ գումարը:
Այնուհետև Կ.Մարգարյանը, 2009թ. ապրիլի 26-ին, կրկին Արուսյակ Սերգեյի Ազարյանին խաբեությամբ գումար հափշտակելու նպատակով, վերջինիցս թաքցնելով խոստացված աշխատանքի նկատմամբ իր կողմից դրսևորած անգործությունը և վստահությունը չարաշահելով, նույն գործընթացն իբրև վերջնական դրական արդյունքին հասցնելու համար, պահանջել և ստացել է 2.971.360 ՀՀ դրամին համարժեք 8.000 ԱՄՆ դոլար գումար, որը նույնպես հափշտակել է` Ա.Ազարյանին պատճառելով խոշոր չափի նյութական վնաս:
Այսինքն` Կարեն Խաչատուրի Մարգարյանը, Արուսյակ Սերգեյի Ազարյանի վստահությունը չարաշահելու եղանակավ, 2009թ. ապրիլի 26-ին, խաբեությամբ հափշտակել է 2.971.360 ՀՀ դրամին համարժեք 8.000 ԱՄՆ դոլար գումարը:
Բացի այդ, Կարեն Խաչատուրի Մարգարյանը, Կարեն Արտաշի Սևինյանի վերաբերյալ հարուցված քրեական գործով 19.10.2009թ. որպես պաշտպան ներգրավելով, սակայն 2010թ. հունվարի սկզբին պաշտպանությունը փաստացի դադարած լինելու պայմաններում, խաբեությամբ` իբրև դատարանում պատիժը պայմանականորեն չկիրառելու գործընթացը կազմակերպելու պատրվակով, Կ.Սևինյանի քրոջից, ԱՄՆ-ի բնակչուհի Գոհար Արտաշի Սևինյանից պահանջել 1.110.000 դրամին համարժեք 3.000 ԱՄՆ դոլար գումար, որը 2010թ. հունվարի 13-ից 16-ը ընկած ժամանակահատվածում, բանկային փոխանցման միջոցով ստացել ու հափշտակել է` Գ.Սևինյանին պատճառելով խոշոր չափի նյութական վնաս:
Այսինքն` Կարեն Խաչատուրի Մարգարյանը, խարդախության եղանակով` խաբեությամբ և Գ.Սևինյանի վստահությունը չարաշահելու եղանակով հափշտակել է վերջինիս խոշոր չափի գումարը՚:


Ապացույցների հետազոտում
Առաջադրված մեղադրանքում ամբաստանյալ Կարեն Մարգարյանն իրեն լիովին մեղավոր է ճանաչել և տվել է ցուցմունքներ այն մասին, որ 2009թ. մարտի 3-ին իր` Մամիկոնյանց փողոցի վրա գտնվող փաստաբանական գրասենյակ է դիմել Արուսյակ Ազարյանը, ումից պահանջել է 460.000 դրամ գումար, որպեսզի այդ գումարով վճարի Ռադիկ Ենգիբարյանից հօգուտ Ա.Ազարյանի գումարի բռնագանձման հայցապահանջի համար նախատեսված պետական տուրքը: Շուրջ 10 օր անց Ա.Ազարյանից ստանալով պահանջված գումարը, դատարան է ներկայացրել հայցապահանջ, որը վերադարձվել է պետական տուրքի վճարումը կատարված չլինելու պատճառով: Դրանից հետո, կրկին նույն գործով Ա.Ազարյանից իբրև անհրաժեշտ ծախսեր կատարելու համար պահանջել է ևս 8.000 ԱՄՆ դոլար գումար, որը 2009թ. ապրիլի 26-ին ստանալով` ծախսել է անձնական կարիքների համար և Ա.Ազարյանի օգտին որևէ գործողություն չի կատարել:
Այնուհետև, Արմավիրի քննչական բաժնում քննվող քրեական գործով, 2009թ. հոկտեմբերի 19-ին ներգրավվելով որպես Կարեն Արտաշի Սևինյանի շահերի պաշտպան, և 2010թ. հունվար ամսվա սկզբին իր պաշտպանությունն արդեն փաստացի դադարելուցվելուց հետո, զանգահարել է ԱՄՆ-ում բնակվող Կ.Սևինյանի քրոջ` Գոհար Սևինյանի ամուսնուն` Համլետին, և վերջինիս ու Գ.Սևինյանին առաջարկել է 3.000 ԱՄՆ դոլարի վճարման դիմաց կարգավորել Կ.Սևինյանին դատարանից պայմանական ազատելու գործընթացը: 2010թ. հունվարի 13-ից 16-ն ընկած ժամանակահատվածում, բանկային փոխանցման միջոցով ստացել է ԱՄՆ-ից ուղարկված 3.000 ԱՄՆ դոլար գումարը, որը ծախսել է անձնական կարիքների համար և Կ.Սևինյանի օգտին ոչինչ չի կատարել:

Ամբաստանյալ Կարեն Մարգարյանին առաջադրված մեղադրանքն ապացուցվել է նաև դատաքննությամբ հետազոտված ներքոհիշյալ ապացույցներով.

Տուժող Արուսյակ Սերգեյի Ազարյանի նախաքննական ցուցմունքներով այն մասին, որ 2009թ. մարտի 3-ին դիմել է փաստաբան Կարեն Մարգարյանին, որպեսզի վերջինս դատական ատյանների միջոցով կարգավորի իր և Ռադիկ Ենգիբարյանի միջև առկա գումարային խնդիրը, մասնավորապես` դատարան հայցապահանջ ներկայացնելու միջոցով հօգուտ իրեն բռնագանձում տարածի Ռ.Ենգիբարյանին սեփականությունը հանդիսացող ՙԳյումրու ապակու գործարան՚ ՓԲ ընկերության 80 տոկոս բաժնետոմսերը: Կ.Մարգարյանը խոստացել է կարգավորել այդ գործընթացը և հայցադիմումը դատարան ներկայացնելու պետական տուրքի վճարման համար պահանջել է 460.000 դրամ գումար, որը ինքը շուրջ 10 օր անց տվել է Կ.Մարգարյանին: Դրանից շուրջ 1 ամիս անց, Կ.Մարգարյանը նույն գործընթացի կարգավորման և անհրաժեշտ ծախսեր կատարելու համար պահանջել է ևս 8.000 ԱՄՆ դոլար, որը ինքը Կ.Մարգարյանին փոխանցել է Տարոն Ալեքսանյանի միջոցով 2009թ. ապրիլ ամսին: Հետագայում իմացել է, որ Կ.Մարգարյանը իր օգտին որևէ գործողություն չի կատարել, միաժամանակ կռահել է, որ Կ.Մարգարյանի կողմից իր նկատմամբ խարդախություն է կատարվել:
Տուժող Ա.Ազարյանը նշել է նաև, որ մեղադրյալ Կ.Մարգարյանի նկատմամբ նյութական պահանջ չունի:
հ.2 •̸թ –20-24; 25-29; 30-36; 93-96; 192-193; 200

Տուժող Գոհար Արտաշի Սևինյանի ներկայացուցիչ` Կարինե Արտաշի Սևինյանի դատաքննությամբ տված ցուցմունքներով այն մասին, որ 2009թ. սեպտեմբեր ամսին, եղբորը` Կարեն Սևինյանին, թմրամիջոցներ պահելու համար ձերբակալել են և վերջինիս իրավական օգնություն ցուցաբերելու համար ամուսնու` Լևոն Մարգարյանի հետ դիմել է փաստաբան Կարեն Մարգարյանին, ով խոստացել է Կ.Սևինյանին առաջադրված մեղադրանքի հիմքում դրված հոդվածը համեմատաբար մեղմ հոդվածով վերաորակելու և հետագայում` դատաքննության փուլում կարգավորելու Կ.Սևինյանի նկատմամբ մեղմ պատիժ կիրառելու գործընթացը: Այդ գործողությունների կարգավորման համար Կ.Մարգարյանը մինչև 2010թ. նոյեմբեր ամիսը ընկած ժամանակահատվածում մաս-մաս պահանջել և ստացել է ընդհանուր 36.000 ԱՄն դոլար, սակայն արդեն 2010թ. հունվար ամսին, նկատելով, որ Կ.Սևինյանի գործով դրական տեղաշարժ չկա, ամուսինը` Լ.Մարգարյանը հանդիպել է Կ.Մարգարյանին և, հրաժարվելով նրա հետագա ծառայություններից, պահանջել է վերադարձնել գումարները, որի համար Կ.Մարգարյանը ժամանակ է խնդրել: Դրանից հետո, 2010թ. փետրվար ամսին ամուսնու հետ միասին հեռախոսով զրուցել է ԱՄՆ-ում բնակվող քրոջ` Գոհար Սևինյանի հետ և վերջինիցս տեղեկացել է, որ փաստաբան Կարեն Մարգարյանն իրենից 3.000 ԱՄՆ դոլար գումար է պահանջել, որպեսզի Կ.Սևինյանի գործով վերջնական դրական արդյունք ստանա և, որ նա այդ գումարը փոխանցել է Կ.Մարգարյանին` բանկի միջոցով: Դրանից հետո, ամուսինը` Լ.Մարգարյանը, Կ.Մարգարյանի կողմից կատարած խարդախության վերաբերյալ դիմում է ներկայացրել իրավապահ մարմիններին:

Տուժող Լևոն Հրանտի Մարգարյանի դատաքննության փուլում տված ցուցմունքնրով այն մասին, որ 2009թ. սեպտեմբեր ամսին, թմրամիջոցներ պահելու համար ձերբակալվել է կնոջ` Կարինեե Սևինյանի եղբայրը` Կարեն Սևինյանը: Վերջինիս իրավական օգնություն ցուցաբերելու համար դիմել է փաստաբան Կարեն Մարգարյանին, ով խոստացել է Կ.Սևինյանին առաջադրված մեղադրանքի հիմքում դրված հոդվածը համեմատաբար մեղմ հոդվածով վերաորակելու և հետագայում` դատաքննության փուլում կարգավորելու Կ.Սևինյանի նկատմամբ մեղմ պատիժ կիրառելու գործընթացը: Այդ գործողությունների կարգավորման համար Կ.Մարգարյանը մինչև 2010թ. նոյեմբեր ամիսն ընկած ժամանակահատվածում մաս-մաս պահանջել և ստացել է ընդհանուրը 36.000 ԱՄՆ դոլար, սակայն արդեն 2010թ. հունվար ամսին, նկատելով, որ Կ.Սևինյանի գործով դրական տեղաշարժ չկա, ինքը հանդիպել է Կ.Մարգարյանին և, հրաժարվելով նրա հետագա ծառայություններից` պահանջել է վերադարձնել տված գումարները, որի համար Կ.Մարգարյանը ժամանակ է խնդրել: Դրանից հետո, 2010թ. փետրվար ամսին հեռախոսով զրուցել է ԱՄՆ-ում բնակվող Կ.Սևինյանի քրոջ` Գոհար Սևինյանի հետ, և վերջինիցս տեղեկացել է, որ փաստաբան Կարեն Մարգարյանն իրենից 3.000 ԱՄՆ դոլար գումար է պահանջել, որպեսզի Կ.Սևինյանի գործով վերջնական դրական արդյունք ստանա և, որ նա այդ գումարը փոխանցել է Կ.Մարգարյանին բանկի միջոցով: Դրանից հետո Կ.Մարգարյանի կողմից կատարած խարդախության վերաբերյալ դիմում է ներկայացրել իրավապահ մարմիններին, իսկ 2010թ. մարտի 27-ին իրեն է հանդիպել Կ.Մարգարյանի եղբայրը` Արտակ Մարգարյանը և հատուցել է 10.000 ԱՄՆ դոլարի չափով գումար:
Տուժողը նշել է, որ նախաքննության փուլում ներկայացրել է քաղաքացիական հայց, պնդում է այն և պահանջում է վերականգնել իրեն պատճառված նյութական վնասը:

Վկա Տարոն Ռոմիկի Ալեքսանյանի նախաքննության փուլում տված ցուցմունքներով այն մասին, որ Արուսյակ Ազարյանի հետ գտնվում է բարեկամական կապի մեջ: 2009թ. մարտի 3-ին Ա.Ազարյանի հետ միասին գնացել է փաստաբան Կարեն Մարգարյանի գրասենյակ: Գրասենյակում Ա.Ազարյանը դիմել է փաստաբան Կարեն Մարգարյանին, որպեսզի վերջինս դատական ատյանների միջոցով կարգավորի իր և Ռադիկ Ենգիբարյանի միջև առկա գումարային խնդիրը, մասնավորապես` դատարան հայցապահանջ ներկայացնելու միջոցով հօգուտ իրեն բռնագանձում տարածի Ռ.Ենգիբարյանին սեփականությունը հանդիսացող ՙԳյումրու ապակու գործարան՚ ՓԲ ընկերության 80 տոկոս բաժնետումսերը: Կ.Մարգարյանը խոստացել է կարգավորել այդ գործընթացը և հայցադիմումը դատարան ներկայացնելու պետական տուրքի վճարման համար պահանջել է 460.000 դրամ գումար, որը Ա.Ազարյանը շուրջ 10 օր անց տվել է Կ.Մարգարյանին: Դրանից մոտ 1 ամիս անց, Կ.Մարգարյանը նույն գործընթացի կարգավորման և անհրաժեշտ ծախսեր կատարելու համար Ա.Ազարյանից պահանջել է ևս 8.000 ԱՄՆ դոլար: Նշված 8.000 ԱՄՆ դոլարը, ինքը, Ա.Ազարյանի խնդրանքով ստացել է Սամբել Նազարյանից և նույն օրը փոխանցել է փաստաբան Կ.Մարգարյանին: Հետագայում իմացել է, որ Կ.Մարգարյանը Ա.Ազարյանի օգտին որևէ գործողություն չի կատարել և փաստացի
հափշտակել է այն խաբեության միջոցով:
հ.2 •̸թ -39-44; 45-50; 201-202

Դատարանը գտնում է, որ գործով անթույլատրելի և ոչ վերաբերելի ապացույցներ չկան:

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Կարեն Մարգարյանի մեղավորությունը ՀՀ քրեական օրենսգրքի 178-րդ հոդվածի 2-րդ մասի 2-րդ կետի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև հանցավորի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Կարեն Մարգարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, խնամքին է գտնվում երկու անչափահաս երեխա, ֆիզիկապես վատառողջ է` ունի անկայուն ստենոկարդիա, զարկերակային գերճնշում 3-րդ աստիճան, կրիզային ընթացք, վերականգնել է տուժող Ա.Ազարյանին պատճառած նյութական վնասը:
Ամբաստանյալի պատասխանատվությունն ու պատիժը ծանրացնող հանգամանք դատարանը չի արձանագրել:
Քննության առնելով տուժողներ Լ.Մարգարյանի և Կ.Սևինյանի ներկայացրած քաղաքացիական հայցը, դատարանը գտնում է, որ ամբաստանյալ Կարեն Մարգարյանից հօգուտ տուժողներ Լ.Մարգարյանի և Կ.Սևինյանի պետք է բռնագանձել 3000 ԱՄՆ դոլարին համարժեք ՀՀ դրամ:
Դատարանը գտնում է, որ քաղաքացիական հայցը հիմնավոր է և ենթակա է բավարարման ամբողջությամբ:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 379-րդ հոդվածներով, դատարանը`

Վ Ճ Ռ Ե Ց

Կարեն Խաչատուրի Մարգարյանին մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով և նրա նկատմամբ պատիժ նշանակել ազատազրկում 3 (երեք) տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Կարեն Մարգարյանի նկատմամբ ընտրված խափանման միջոցը` կալանքը, վերացնել և նրան ազատել դատարանի դահլիճից:

Կարեն Մարգարյանից հօգուտ տուժողներ Լ.Մարգարյանի և Կ.Սևինյանի բռնագանձել 3000 /երեք հազար/ ԱՄՆ դոլարին համարժեք ՀՀ դրամ:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: