գործ N ԵԱՔԴ/0120/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

19.10.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Խ.Բաղդասարյանի

ամբաստանյալ Ա. Բախտիարյանի
տուժողներ
Մ.Ջալադյանի
Գ.Մխիթարյանի

Դատարանում, դռնբաց դատական նիստում քննեց քրեական գործն ըստ մեղադրանքի` Արտուր Վալերիի Բախտիարյանի (ծնված 07.09.1987թ. Սյունիքի մարզի Շվանիձոր գյուղում, ազգությամբ հայ, չամուսնացած, չի աշխատում,նախկինում դատված, դատվածությունը չմարված, բնակվում է Սյունիքի մարզի Շվանիձոր գյուղում):
Մեղադրվում է ՀՀ քրեական օրենսգրքի 176-րդ հոդվածի 2-րդ մասի 3-րդ կետով:

Պ Ա Ր Զ Ե Ց

1.Գործի դատավարական նախապատմությունը
2011թ. մայիսի 31-ին ՀՀ ոստիկանության Երևան քաղաքի քննչական վարչության Արաբկիր քննչական բաժնում հարուցվել է թիվ 14113811 քրեական գործը:
2011թ. հուլիսի 16-ին Արտուր Բախտիարյանը որպես մեղադրյալ է ներգրավվել և նրա նկատմամբ որպես խափանման միջոց է ընտրվել կալանքը:
2011թ. օգոստոսի 20-ին թիվ 14113811 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Արտուր Բախտիարյանին ՀՀ քրեական օրենսգրքի 176-րդ հոդվածի 2-րդ մասի 3-րդ կետով մեղադրանք է առաջադրել այն արարքի համար, որ ՙնա 2011 թվականի մայիսի 25-ին ժամը 15:00-ի սահմաններում հափշտակություն կատարելու դիտավորությամբ ապօրինի մուտք է գործել Երևան քաղաքի Ն. Զարյան փողոցի վրա գտնվող, ՙԱվալոն՚ ՍՊԸ-ի կողմից կառուցվող բազմաբնակարան շենքի աշխատողների համար նախատեսված հանդերձարան և նշված շենքի շինարարական աշխատանքներ իրականացնող Իվան Վիրաբյանի, Շահեն Ֆանյանի, Մակիչ Ջալադյանի, Գագիկ Մխիթարյանի և Սաշիկ Ասրյանի Հագուստների գրպաններից հափշտակելով ընդհանուրը 10.200 ՀՀ դրամ գումար և ցանկացել է հեռանալ, սակայն նույն պահին սենյակից դուրս գալիս դռան մոտ նկատվել է աշխատակից Վլադիմիր Իսկանդարյան կողմից և բացահայտ հափշտակելով նշված գումարը դիմել է փախուստի՚:

3.Ապացույցների հետազոտում
Առաջադրված մեղադրանքում ամբաստանյալ Արտուր Բախտիարյանը լիովին մեղավոր է ճանաչել և անկեղծորեն զղջացել է կատարած արարքի համար, տվել է խոստովանական ցուցմունքներ այն մասին, որ կալանավայրից ազատվելուց հետո գումար չի ունեցել Մեղրի գնալու համար, այդ պատճառով էլ կատարել է կողոպուտ:
2011 թվականի մայիսի 16-ին գնացել է Երևանի Նաիրի Զարյան փողոցի վրա գտնվող նորակառույց շենքում աշխատանքի ընդունվելու համար, սակայն շինարարության աշխղեկը աշխատանք չի տվել:Շենքից դուրս գալուց մուտք է գործել բանվորների հանդերձարան և շինարարության բանվորների գրպանից հափշտակել 5000 և 2600 ՀՀ դրամ: Այնտեղից դուրս գալիս իրեն նկատել է աշխատողներից մեկը և ինքը դիմել է փախուստի:

Ամբաստանյալ Արտուր Բախտիարյանին առաջադրված մեղադրանքը հիմնավորվել է նաև դատաքննությամբ հետազոտված ներքոհիշյալ ապացույցներով:

Գործով տուժող Գագիկ Մխիթարյանը դատաքննությամբ ցուցմունք է տվել, որ որպես բանվոր աշխատել է ք.Երևան, Ն. Զարյան փողոցի վրաª Արաբկիրի թաղապետարանի հարևանությամբ կառուցվող բազմաբնակարան շենքում: Իրենց հանդերձարանը գտնվում է ՙԱ՚ մասնաշենքի 3-րդ հարկում, որը փակվում է երկաթյա դռնով: Այդ հանդերձարանից օգտվում են նաև մյուս աշխատողներ Շահենը, Վլադիմիրը, Իվանը, Մակիչը, Սաշիկը և մյուսները:Ընդմիջումից հետո իրեն հարցրել են թե իր գրպանից գումարը պակասում է թե ոչ, ինքը ստուգել է և տեսել , որ իր գրպանից պակասում է 400 ՀՀ դրամ:Հետագայում իմացել է, որ մի երիտասարդ մուտք է գործել իրենց հանդերձարան , հափշտակել է իրենց գրպանի գումարները և տեսնելով, որ իրեն նկատում են դիմել է փախուստի:
Տուժողը նյութական վնասի հատուցման պահանջ չի ներկայացրել:

Դատաքննությամբ նույնաբովանդակ ցուցմունք է տվել նաև տուժող Մակիչ Ջալադյանը:
Գործով տուժող Իվան Վիրաբյանը նախաքննությամբ ցուցմունք է տվել այն մասին, որ աշխատում է ք.Երևան, Ն. Զարյան փողոցի վրաª Արաբկիրի թաղապետարանի հարևանությամբ կառուցվող բազմաբնակարան շենքում որպես բանվոր: Իրենք մի քանի աշխատակիցներով շենքի երրորդ հարկում սենյակներից մեկի մուտքը դռնով ծածկել են և այն օգտագործել որպես հանդերձարան: 2011 թվականի մայիսի 25-ին իրենք սովորականի պես փոխել են հագուստները և գնացել աշխատանքի: Ժամը 15:30-ի սահմաններում լսել է, որ ինչ-որ մի տղա ապօրինի մուտք է գործել հանդերձարան և այնտեղ գտնվող հագուստների գրպաններից հափշտակել գումարներ, սակայն նրան դուրս գալիս նկատել է որպես էլեկտրիկ աշխատող Վլադիմիրը և այդ երիտասարդ տղան հասկանալով, որ բացահայտվել է դիմել է փախուստի, որի ընթացքում գրպանից ընկել է բջջային հեռախոսը:Այդ ամենը լսելով ինքը նույնպես բարձրացել է հանդերձարան, զննել հագուստների գրպանները և նկատել, որ իր հագուստի գրպանից հափշտակվել է 7.500 ՀՀ դրամ գումար:
Տուժողը նյութական վնասի հատուցման պահանջ չի ներկայացրել:
գ/թ 33-34

Արտուր Բախտիարյանին մեղսագրվող արարքը հիմնավորվել է նաև տուժողներ Սաշիկ Ասրյանի և Շահեն Ֆանյանի նախաքննության փուլում տված նույնաբովանդակ ցուցմունքներով:
գ/թ 29,69,76,79-80

Գործով վկա Վլադիմիր Իսկանդարյանը դատաքննության փուլում ցուցմունքներ է տվել այն մասին, որ աշխատում է ք. Երևան, Ն. Զարյան փողոցի վրաª Արաբկիրի թաղապետարանի հարևանությամբ կառուցվող բազմաբնակարան շենքում, ՙԱվալոն՚ՍՊԸ-ում որպես էլեկտրիկ:Հայտնել է, որ իրենք մի քանի աշխատակիցներվ աշխատանքից առաջ հագուստները փոխում են շենքի երրորդ հարկում իրենց կողմից ժամանակավոր որպես հանդերձարան ծառայող սենյակում, որի մուտքին դուռ են տեղադրել և այն կողպելուց հետո բանալին թաքցրել են դռան կողքի պատի մեջ գտնվող անցքում: 2011 թվականի մայիսի 25-ին իրենք աշխատողներով սովորականի պես փոխել են հագուստները և գնացել աշխատանքի:Նույն օրը ժամը 15:00-ի սահմաններում ինքը գնացել է հանդերձարան սուրճ խմելու և տեսել է, որ դուռը բաց է և զարմացել է, քանի որ աշխատողները այդ ժամին աշխատանքի են եղել:Դռան մոտ չհասած հանդերձարանի դռան դիմաց տեսել է մոտ 25 տարեկան, իրեն անծանոթ, բարձրահասակ մի երիտասարդի, ով իրեն տեսնելով հանկարծակիի է եկել: Իր այն հարցին, թե ով է և ինչ գործ ունի այնտեղ, երիտասարդը պատասխանել է, որ աշխատող է և հանդերձարանում փոխվում է: Ցանկացել է իրեն վախեցնել` ասելով թե ինչ է քեզ պետք է ասեմ թե ես որտեղ եմ փոխվում:Նույն պահին վկան բռնել է Բախտիարյանի ձեռքից և ցանկացել ներս մտցնել սենյակ, սակայն երիտասարդը կարողացել է դիմել փախուստի: Հասկանալով , որ հափշտակություն կատարող է վազել է նրա հետևից, բայց չի հասել, իսկ վազելու ընթացքում երիտասարդի մոտից ընկել է բջջային հեռախոսը, որը ինքը վերցրել է : Ապա կանչել է գործընկերներին և նրանք զննելով իրենց գրպանները տեսել են, որ բանվորների գրպաններից հափշտակվել են գումարներ:

Անձին լուսանկարով ճանաչման ներկայացնելու մասին արձանագրությամբ վկա Վ.Իսկանդարյանը ճանաչել է Ա. Բախտիարյանին որպես բացահայտ հափշտակությունը կատարողի և հայտարարել, որ նա է 2011 թվականի մայիսի 25-ին հանդերձարանից կատարել հափշտակություն:
գ.թ. 25

Ա. Բախտիարյանին ճանաչման ներկայացնելու մասին արձանագրությամբ վկա Վ.Իսկանդարյանը ճանաչել է Ա. Բախտիարյանին և հայտարարել, որ նա է 2011 թվականի մայիսի 25-ին հանդերձարանից կատարել բացահայտ հափշտակություն:
գ.թ. 48-49

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Ա. Բախտիարյանի մեղավորությունը ՀՀ քրեական օրենսգրքի 176-րդ հոդվածի 2-րդ մասի 3-րդ կետի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության
հանրության համար վտանգավորության աստիճանն ու բնույթը, ինչպես նաև հանցավորի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Ա. Բախտիարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, ֆիզիկապես վատառողջ է :
Որպես ամբաստանյալի պատասխանատվությունն ու պատիժը ծանրացնող հանգամանք դատարանը դիտում է հանցագործությունների ռեցիդիվը:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 379-րդ հոդվածներով, դատարանը`

Վ Ճ Ռ Ե Ց

Արտուր Վալերիի Բախտիարյանին մեղավոր ճանաչել ՀՀ քրեական օրենսգրքի 176-րդ հոդվածի 2-րդ մասի 3-րդ կետով և նրա նկատմամբ պատիժ նշանակել ազատազրկում 3/երեք/ տարի 3/երեք/ ամիս ժամկետով:
Պատժի սկիզբը հաշվել 2011 թվականի հուլիսի 14-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արտուր Բախտիարյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ