գործ No ԵԱՔԴ/0118/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

05.10.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Շ.Վանոյանի
մասնակցությամբ`
մեղադրող Ա.Մնացականյանի
ամբաստանյալ Մ.Գրիգորյանի
պաշտպան Հ.Գրիգորյանի
տուժողի իրավահաջորդ` Օ.Սահակյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի` Միքայել Վարուժանի Գրիգորյանի (ծնված 20.06.1988թ., ք.Գորիս, ազգությամբ հայ, ՀՀ քաղաքացի, միջնակարգ կրթությամբ, չամուսնացած, դատվածություն չունեցող, չի աշխատում, բնակվող ք.Երևան, Կասյան փող. 6շ., բն. 32):
Մեղադրվում է ՀՀ քրեական օրենսգրքի 242-րդ հոդվածի 2-րդ մասով:

Պ Ա Ր Զ Ե Ց

1.Գործի դատավարական նախապատմությունը
2011 թվականի մայիսի 8-ին հարուցվել է թիվ 60111211քրեական գործը:
2011 թվականի հուլիսի 25-ին Մ.Գրիգորյանի նկատմամբ որպես խափանման միջոց է ընտրվել ստորագրություն չհեռանալու մասին և նրան մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով:
2011թ. օգոստոսի 12-ին թիվ 60111211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Միքայել Վարուժանի Գրիգորյանին ՀՀ քրեական օրենսգրքի 242-րդ հոդվածի 2-րդ մասով մեղադրանք է առաջադրել այն արարքի համար, որ ՙնա ոչ սթափ վիճակ չհանդիսացող աստիճանի ալկոհոլ օգտագործած վիճակում, չունենալով համապատասխան կարգի վարորդական իրավունքի վկայական, առանց սաղավարտիª ՙՃանապարհային երթևեկության անվտանգության ապահովման մասին՚ ՀՀ օրենքի 24-րդ հոդվածի 5-րդ կետի ՙա՚ և ՙգ՚ եթակետերի պահանջների խախտմամբ, 2011 թվականի մայիսի 8-ին, ժամը 21:00-ի սահմաններում իրեն պատկանող ՙՀոնդա՚ մակնիշի 0010 APA պ/հ մոտոցիկլետով Երևան քաղաքի Հր.Քոչար փողոցի երթևեկությամբª Կիևյան, Բաղրամյան և Կասյան փողոցների հետ հատման Խաչմերուկին հասնելուց հետո, աջ շրջադարձով մուտք է գործել Էստակադային հարակից Կասյան փողոցի ճանապարհահատված ու ընթացել Կոմիտաս պողոտայի ուղղությամբª ճանապարհի կենտրոնական մասով, 30-40 կմ/ժ արագությամբ: Իր ընթացքի ուղղության նկատմամբ ձախից դեպի աջ կողմª էստակադայի սկզբնամասից, կողք-կողքի Կասյան փողոցը հատող 3 անձանց նկատելուց հետո, Գրիգորյանն արագությունը նվազեցրել է և շարունակել է ընթանալ մոտ 30 կմ/ժ արագությամբª տեսնելով, որ նրանք կանգնել են ճանապարհահատվածի ձախ եզրային մասում: Հետիոտներից գործով տուժողª Ժիրայր Մնացականի Գևորգյանը կանգնած տեղից սկսել է նույն ուղղությամբ հատել փողոցըª հանգիստ վազքով, ձախ ուղղվածությամբ շեղանկյան տակ: Վարորդ Գրիգորյանն իր երթևեկության համար վտանգ առաջացրած, փողոցի հատումը վերսկսող հետիոտն Գևորգյանին նկատելուց հետո, մինչ նրան հասնելը մոտոցիկլետը կանգնեցնելու տեխնիկական հնարավրություն ունենալով, խախտել է նաև ՃԵԿ-ի 67 կետի պահանջըª ուշացումով է դիմել արգելակման, շրջանցելու նպատակով աջ, ապա ձախ է մանևրել, որի հետևանքով էլ թիվ 4 շենքի դիմաց վրաերթի է ենթարկել իր երթևեկության համար վտանգի սկզբնապահից 4.9 մետր տարածություն անցած Ժիրայր Գևորգյանին և անզգուշությամբ պատճառել նրան մահ՚:

3. Արագացված դատական քննություն
Մինչև դատաքննությունն սկսելն ամբաստանյալ Միքայել Գրիգորյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Հ.Գրիգորյանը:
Մեղադրող Ա.Մնացականյանը դատական քննության արագացված կարգ կիրառելուն չի առարկել:
Տուժողի իրավահաջորդ Օլյա Սահակյանը ևս չի առարկել արագացված դատաքննության կարգ կիրառելուն և հայտնել է, որ պատճառված վնասն ամբողջությամբ հատուցված է և Մ.Գրիգորյանից որևէ բողոք կամ պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Միքայել Գրիգորյանի մեղավորությունը ՀՀ քրեական օրենսգրքի 242-րդ հոդվածի 2-րդ մասի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Միքայել Գրիգորյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, լիովին հատուցել է տուժողի իրավահաջորդ Օ.Սահակյանին պատճառված նյութական վնասը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով Միքայել Վարուժանի Գրիգորյանի նկատմամբ նշանակվող պատժին, դատարանը գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, պատասխանատվությունն ու պատիժը մեղմացնող հանգամանքների համակցությունը:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ, 379-րդ հոդվածներով, դատարանը

Վ Ճ Ռ Ե Ց

Միքայել Վարուժանի Գրիգորյանին մեղավոր ճանաչել ՀՀ քրեական օրենսգրքի 242-րդ հոդվածի 2-րդ մասով և նրա նկատմամբ պատիժ նշանակել ազատազրկում 1 /մեկ/ տարի ժամկետով` զրկելով տրանսպորտային միջոցներ վարելու իրավունքից` 1 /մեկ/ տարի ժամկետով :
Կիրառել ՀՀ քրեական օրենսգրքի 70-րդ հոդվածը և Միքայել Գրիգորյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 1 /մեկ/ տարի ժամկետով` զրկելով տրասնպորտային միջոցներ վարելու իրավունքից 1 /մեկ/ տարի ժամկետով:
Միքայել Վարուժանի Գրիգորյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: