ԵԱՔԴ/0117/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ե.Կարապետյանի, Շ.Վանոյանի, Հ.Արտաշեսյանի
մասնակցությամբ
մեղադրող Կ. Բարսեղյանի
պաշտպան Ս. Սահակյանի
տուժող Վ. Ստեփանյանի
տուժողի ներկայացուցիչ Ս. Մաղաքյանի

2011 թվականի սեպտեմբերի 9-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Գրիգոր Սերգոյի Մկրտչյանի, ծնված 1963 թվականի մայիսի 10-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, նախկինում դատված, դատվածությունը մարված, չի աշխատել, հաշվառված և բնակվել է Երևան քաղաքի Զ.Սարկավագի փողոցի 54/4 շենքի թիվ 6 բնակարանում, մեղադրվում է ՀՀ քրեական օրենսգրքի 177 հոդվածի 2-րդ մասի 3-րդ կետով, 34-177 հոդվածի 2-րդ մասի 3-րդ կետով, 235 հոդվածի 1-ին մասով, արգելանքի տակ է 2011 թվականի հունիսի 22-ից,

Պ Ա Ր Զ Ե Ց
1.Գործի դատավարական նախապատմությունը.
2011թ. հունիսի 22-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 34-177 հոդվածի 2-րդ մասի 3-րդ կետի հատկանիշներով հարուցվել է թիվ 09109611 քրեական գործը:
2011թ. հունիսի 24-ին Գրիգոր Սերգոյի Մկրտչյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 3-րդ կետով, նրա նկատմամբ որպես խափանման միջոց ընտրվել է կալանավորումը:
2011թ. օգոստոսի 6-ին Գրիգոր Սերգոյի Մկրտչյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 3-րդ կետով, 235 հոդվածի 1-ին մասով, ընտրված խափանման միջոցը թողնվել է անփոփոխ:
2011թ. օգոստոսի 8-ին թիվ 09109611 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Գրիգոր Սերգոյի Մկրտչյանին մեղադրանք է առաջադրել այն արարքի համար, որ նա 2011թ. մայիսի 10-15-ն ընկած ժամանակահատվածում, ժամը 2200-ի սահմաններում, տեխնիկական միջոցների գործադրմամբ կոտրել է Ալեքսանդր Արտեմի Միրզոյանի Երևան քաղաքի Վարշավյան 57 հասցեում գտնվող խորդանոցի դռան կախովի փականը, ապօրինի մուտք գործել ներս և այնտեղից գաղտնի հափշտակել 5 հատ մետաղյա թիթեղներ, 3 հատ լինգ և 2 հատ բահ` Ա.Միրզոյանին պատճառելով զգալի չափերի հասնող 20.000 ՀՀ դրամ գույքային վնաս:
Այնուհետև, Գրիգոր Մկրտչյանը ուրիշի գույքի գաղտնի հափշտակություն կատարելու դիտավորությամբ 2011թ. հունիսի 22-ին, ժամը 0330-ի սահմաններում, ալկոհոլ օգտագործած վիճակում, մետաղյա լինգի գործադրմամբ, կոտրել է Վարուժան Գարեգինի Ստեփանյանի Երևան քաղաքի Զ.Սարկավագի 54/5 շենքի 4-րդ մուտքում գտնվող նկուղի դռան կախովի փականը, ապօրինի մուտք է գործել նկուղ և փորձել գաղտնի հափշտակել զգալի չափերի հասնող` 88.000 ՀՀ դրամ ընդհանուր արժողության 1 հատ թողարկիչ, 1 հատ ժամանակի հրահանգավորող ռելե, 2 հատ ջրի փականներ, 1 հատ հղկող գործիք, 2 հատ էլեկտրական անջատիչներ, 1 հատ ջրի պոմպ, 2 հատ եռաբաշխիչ երկարացման լարեր, 1 հատ էլեկտրական մարտկոցի լիցքավորման սարք, 1 հատ լվացարանի խողովակ, 1 հատ էլեկտրական հաղորդալար, 1 հատ կաթսա և 1 հատ թեյնիկ, սակայն իր կամքից անկախ հանգամանքներում ավարտին չի հասցրել հանցավոր մտադրությունը և բռնվել է ոստիկանության աշխատակիցների կողմից:
Բացի այդ, 1991-1994թթ. ընթացքում, Գրիգոր Մկրտչյանը Ղարաբաղյան պատերազմի ժամանակ ապօրինի ճանապարհով ձեռք է բերել ռազմամթերք հանդիսացող 62 հատ գործարանային արտադրության 7.62 մմ տրամաչափի /7.62 x 39/ փամփուշտներ նախատեսված ԱԿ ինքնաձիգների, ՌՊԿ գնդացիրների և դրանց մոդիֆիկացիաների համար ու 4 հատ 9մմ տրամաչափի փամփուշտներ նախատեսված ՊՄ և ԱՊՍ ատրճանակների համար և դրանք ապօրինի պահել է իր` Երևան քաղաքի Զ.Սարկավագի 54/4 շենքի առաջին հարկում գտնվող նկուղում, որոնք 2011թ. հունիսի 22-ին հայտնաբերվել են նրա բնակարանի նկուղում կատարված խուզարկության ժամանակ:
3. Արագացված դատական քննություն .
Մինչև դատաքննություն սկսելն ամբաստանյալ Գրիգոր Սերգոյի Մկրտչյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ս.Սահակյանը:
Մեղադրող Կ.Բարսեղյանը դատական քննության արագացված կարգ կիրառելուն չառարկեց:
Տուժող Ալեքսանդր Միրզոյանի ներկայացուցիչ Ս.Մաղաքյանը նույնպես արագացված քննություն կիրառելուն չառարկեց` ամբաստանյալի դեմ ներկայացնելով քաղաքացիական հայցի պահանջ: Ամբաստանյալը քաղաքացիական հայցի դեմ չառարկեց և մինչև դատարանի խորհրդակցական սենյակ հեռանալը հատուցել է քաղաքացիական հայցը:
Տուժող Վ.Ստեփանյանը հայտնեց, որ ամբաստանյալից քաղաքացիական հայցի պահանջ չունի և չի առարկում արագացված քննություն կիրառելուն:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գրիգոր Սերգոյի Մկրտչյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 3-րդ կետով, 34-177 հոդվածի 2-րդ մասի 3-րդ կետով, 235 հոդվածի 1-ին մասով հիմնավորված է: Նրա կողմից կատարված արարքները համապատասխանում են ՀՀ քրեական օրենսգրքի 177 հոդվածի 2-րդ մասի 3-րդ կետի, 34-177 հոդվածի 2-րդ մասի 3-րդ կետի և 235 հոդվածի 1-ին մասի հատկանիշներին և արարքների որակումը ճիշտ է:
Ամբաստանյալ Գրիգոր Մկրտչյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, բնութագրվում է դրական:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալ Գրիգոր Սերգոյի Մկրտչյանը ենթակա է քրեական պատասխանատվության և պատժի:
Հաշվի առնելով Գրիգոր Սերգոյի Մկրտչյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև տուգանքի ձևով, իսկ ՀՀ քրեական օրենսգրքի 235 հոդվածի 1-ին մասով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Գրիգոր Սերգոյի Մկրտչյանի նկատմամբ ՀՀ քրեական օրենսգրքի 235 հոդվածի 1-ին մասով կատարած արարքի համար պատիժ պետք է նշանակել ազատազրկման ձևով, իսկ ՀՀ քրեական օրենսգրքի 177 հոդվածի 2-րդ մասի 3-րդ կետով և 34-177 հոդվածի 2-րդ մասի 3-րդ կետով կատարած արարքների համար` տուգանքի ձևով: Գրիգոր Սերգոյի Մկրտչյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները լրիվ կամ մասնակի գումարելու կանոնի կիրառմամբ, որը նա պետք է կրի:
Նկատի ունենալով, որ տուժող Վարուժան Ստեփանյանը և տուժող Ալեքսանդր Միրզոյանի ներկայացուցիչ Սոնիկ Մաղաքյանը քաղաքացիական հայցի պահանջից հրաժարվել են, դատարանն այդ հարցը համարում է լուծված:
Անդրադառնալով իրեղեն ապացույցների տնօրինման հարցին, դատարանը գտնում է, որ 2011թ. օգոստոսի 3-ի որոշմամբ իրեղեն ապացույց ճանաչված և տուժող Վարուժան Ստեփանյանին ի պահ հանձնված` 1 հատ մետաղյա իրանով էլեկտրական անջատիչը, 1 հատ կապույտ գույնի, մետաղյա իրանով ՙMARQUIS՚ գրառումով ջրամղիչը, 2 հատ շագանակագույն իրաններով եռաբաշխիչ երկարացման լարերը, 1 հատ մետաղյա իրանով ՙՁժԾկ-3՚ գրառումով էլեկտրական մարտկոցի լիցքավորման սարքը, 1 հատ մետաղյա իրանով ՙկԹԾ 3-25՚ գրառումով էլեկտրական անջատիչը, 1 հատ սպիտակ գույնի պլաստմասե լվացարանի խողովակը, 1 հատ մետաղյա թեյնիկը, 1 հատ մետաղյա կաթսան, էլեկտրական լարերի խառը կտորները, 1 հատ կապույտ գույնի իրանով քանդված էլ. սղոցը, 1 հատ մետաղյա իրանով էլեկտրական անջատիչը, 2 հատ պլաստմասե իրանով ՙնսպՍՑՐՏվՌՍՈ՚ գրառումներով ռադիոընդունիչները, 2 հատ մետաղյա իրանով ՙLAZIO՚ գրառումներով ջրի փականները, 1 հատ շագանակագույն իրանով պղնձալարը, մեկ հատ մետաղյա իրանով էլեկտրական թողարկիչը պետք է թողնել Վարուժան Ստեփանյանի տնօրինությանը:
Իրեղեն ապացույց ճանաչված և քրեական գործին կցված կոտրված կախովի փականի վերին հատվածը, պոլիէթիլենային պարկը, լապտերը և մետաղյա լինգը պետք է ոչնչացնել:
ՀՀ ոստիկանության փորձաքրեագիտական վարչությունում պահվող 66 հատ գործարանային արտադրության տարբեր տրամաչափի փամփուշտները, 4 հատ գործարանային արտադրության 30 մմ տրամաչափի լույսազդանշանային փամփուշտները, հուշանվերային դանակների նմանողությամբ դանակը, ուզբեկական ՙփչակ՚ դանակների նմանողությամբ դանակը, դաշույնիկի նմանողությամբ դանակը և լախտը պետք է թողնել փորձաքրեագիտական վարչության տնօրինությանը:
Գրիգոր Մկրտչյանի անձնական խուզարկությամբ առգրավված առարկաները պետք է վերադարձնել նրան:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Գրիգոր Սերգոյի Մկրտչյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով, 34-177 հոդվածի 2-րդ մասի 3-րդ կետով, 235 հոդվածի 1-ին մասով:
Գրիգոր Սերգոյի Մկրտչյանին ՀՀ քրեական օրենսգրքի 177 հոդվածի 2-րդ մասի 3-րդ կետով դատապարտել տուգանքի հինգ հարյուր հիսուն հազար (550.000) ՀՀ դրամի չափով, ՀՀ քրեական օրենսգրքի 34-177 հոդվածի 2-րդ մասի 3-րդ կետով դատապարտել տուգանքի հինգ հարյուր հազար (500.000) ՀՀ դրամի չափով:
ՀՀ քրեական օրենսգրքի 66 հոդվածի հիման վրա` նշանակված պատիժները մասնակի գումարելու սկզբունքով, Գրիգոր Սերգոյի Մկրտչյանի նկատմամբ պատիժ նշանակել տուգանք վեց հարյուր հազար (600.000) ՀՀ դրամի չափով:
Գրիգոր Սերգոյի Մկրտչյանին ՀՀ քրեական օրենսգրքի 235 հոդվածի 1-ին մասով դատապարտել ազատազրկման մեկ (1) տարի ժամկետով:
ՀՀ քրեական օրենսգրքի 66 հոդվածի հիման վրա` տուգանքի և ազատազրկման ձևով նշանակված պատիժները լրիվ գումարելու սկզբունքով, Գրիգոր Սերգոյի Մկրտչյանի նկատմամբ վերջնական պատիժ նշանակել ազատազրկում մեկ (1) տարի ժամկետով և տուգանք վեց հարյուր հազար (600.000) ՀՀ դրամի չափով:
Պատժի սկիզբը հաշվել 2011 թվականի հունիսի 22-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Գրիգոր Սերգոյի Մկրտչյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Տուժող Վարուժան Ստեփանյանի և տուժող Ալեքսանդր Միրզոյանի ներկայացուցիչ Սոնիկ Մաղաքյանի քաղաքացիական հայցերի հարցը համարել լուծված:
Դատավճիռն օրինական ուժի մեջ մտնելուց հետո, 2011թ. օգոստոսի 3-ի որոշմամբ իրեղեն ապացույց ճանաչված և տուժող Վարուժան Ստեփանյանին ի պահ հանձնված` 1 հատ մետաղյա իրանով էլեկտրական անջատիչը, 1 հատ կապույտ գույնի, մետաղյա իրանով ՙMARQUIS՚ գրառումով ջրամղիչը, 2 հատ շագանակագույն իրաններով եռաբաշխիչ երկարացման լարերը, 1 հատ մետաղյա իրանով ՙՁժԾկ-3՚ գրառումով էլեկտրական մարտկոցի լիցքավորման սարքը, 1 հատ մետաղյա իրանով ՙկԹԾ 3-25՚ գրառումով էլեկտրական անջատիչը, 1 հատ սպիտակ գույնի պլաստմասե լվացարանի խողովակը, 1 հատ մետաղյա թեյնիկը, 1 հատ մետաղյա կաթսան, էլեկտրական լարերի խառը կտորները, 1 հատ կապույտ գույնի իրանով քանդված էլեկտրական սղոցը, 1 հատ մետաղյա իրանով էլեկտրական անջատիչը, 2 հատ պլաստմասե իրանով ՙնսպՍՑՐՏվՌՍՈ՚ գրառումներով ռադիոընդունիչները, 2 հատ մետաղյա իրանով ՙLAZIO՚ գրառումներով ջրի փականները, 1 հատ շագանակագույն իրանով պղնձալարը, մեկ հատ մետաղյա իրանով էլեկտրական թողարկիչը թողնել Վարուժան Ստեփանյանի տնօրինությանը:
Իրեղեն ապացույց ճանաչված և քրեական գործին կցված կոտրված կախովի փականի վերին հատվածը, պոլիէթիլենային պարկը, լապտերը և մետաղյա լինգը ոչնչացնել:
ՀՀ ոստիկանության փորձաքրեագիտական վարչությունում պահվող 66 հատ գործարանային արտադրության տարբեր տրամաչափի փամփուշտները, 4 հատ գործարանային արտադրության 30 մմ տրամաչափի լույսազդանշանային փամփուշտները, հուշանվերային դանակների նմանողությամբ դանակը, ուզբեկական ՙփչակ՚ դանակների նմանողությամբ դանակը, դաշույնիկի նմանողությամբ դանակը և լախտը թողնել փորձաքրեագիտական վարչության տնօրինությանը:
Գրիգոր Սերգոյի Մկրտչյանի անձնական խուզարկությամբ առգրավված առարկաները վերադարձնել նրան:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ