գործ No ԵԱՔԴ/0116/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

24.08.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Խ.Բաղդասարյանի
ամբաստանյալ Զ.Ղազարյանի

Դատարանում, դռնբաց դատական նիստում քննեց քրեական գործն ըստ մեղադրանքի Զավեն Անուշավանի Ղազարյանի /ծնված 26.09.1990թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, բնակվում է ք.Երևան Մարկվարդի փող. տուն 45/:
Մեղադրվում է ՀՀ քրեական օրենսգրքի 235-րդ հոդվածի 4-րդ մասով:

Պ Ա Ր Զ Ե Ց

1.Գործի դատավարական նախապատմությունը
13.06.2011թ. հարուցվել է թիվ 14115511 քրեական գործը:
28.07.2011թ. Զավեն Ղազարյանի նկատմամբ որպես խափանման միջոց է ըտրվել ստորագրություն չհեռանալու մասին:
28.07.2011թ. Զավեն Ղազարյանին մեղադրանք է առաջադրվել ՀՀ քրեական օրենսգրքի 235-րդ հոդվածի 4-րդ մասի հատկանիշներով:
2011թ. օգոստոսի 10-ին թիվ 14115511 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Զավեն Ղազարյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրել այն արարքի համար, որ ՙ2011 թվականի մայիսի 15-ին ժամը 00:15-ին Երևան քաղաքի Օրբելի փողոցի 41 շենքի մոտ տաբատի աջ գրպանում առանց իրավունք վերապահող փաստաթղթի ապօրինի կրել է քաղաքացիական շեղբավոր սառը զենքերի շարքին դասվող, 260 մմ ընդհանուր երկարությամբ, 120 մմ երկարությամբ շեղբով գաղտնի փականով ծալովի դանակ՚:



3.Ապացույցների հետազոտում
Առաջադրված մեղադրանքում Զավեն Ղազարյանն իրեն մեղավոր է ճանաչել և խոստովանական ցուցմունքներ է տվել այն մասին, որ որ 2011 թվականի մայիսի 14-ին տանը նշելով եղբոր որդու ծննդյան տոնը ժամը 23:30-ի սահմաններում տանից դուրս է եկել, բջջային հեռախոսով զրուցելով ծանոթուհու հետ քայլելով հասել է Օրբելի 41 շենքի մոտª ֆիզիոթերապիայի ինստիտուտի բակ , որտեղ արդեն ժամը 00:15-ի սահմաններում իրեն են մոտեցել ոստիկանության աշխատակիցներև և հարցրել, թե մոտը սուր կտրող-ծակող գործիք ունի , թե ոչ, միաժամանակ պարզաբանելով, որ եթե կամավոր չներկայացնի կենթարկվի արտաքին զննության:Այդ պահին տաբատի աջ գրպանից հանել և ոստիկաններին է հանձնել գաղտնի փականով ծալովի դանակը, որը մի քանի օր առաջ գնել է Մալաթիայի տոնավաճառից:

Ամբաստանյալ Զավեն Ղազարյանին առաջադրված մեղադրանքը հիմնավորվել է դատաքննությամբ հետազոտված ներքոհիշյալ ապացույցներով©

Գործով վկա Գրիգոր Ավետիսյանի և Ռոման Հովհաննիսյանի նախաքննության փուլում տված ցուցմունքներով այն մասին,որ 2011 թվականի մայիսի 15-ին ժամը 00:15-ի սահմաններում ՊՊԾ գնդի 2-րդ գումարտակի 2-րդ վաշտի 1-ին դասակի 0250 համարի պարեկային ավտոմեքենայով ծառայություն իրականացելով Արաբկիր վարչական տարածքում, Օրբելի փողոցի 41 շենքի մոտª ֆիզիոթերապիայի ինստիտուտի հարևանությամբ նկատել են մի երիտասարդի և մոտենալով նրան հարցրել են, իր մոտ սուր կտրող-ծակող առարկա չունի արդյոք, միաժամանակ պարզաբանելով, որ չներկայացնելու դեպքում կենթարկվի արտաքին զննության: Երիտասարդը տաբատի աջ գրպանից հանել և իրենց է ներկայացրել շագանակագույն բռնակով, գաղտնի փականով ծալովի դանակ, որից հետո հետագա պարզաբանումներ կատարելու համար երիտասարդին բերման են ենթարկել ոստիկանության Արաբկիր բաժին:
գ/թ 26-27, 28

Դատաքրեագիտական փորձաքննության թիվ 1095 եզրակացությամբ պարզվել է, որ փորձաքննության ներկայացված դանակը գործարանային արտադրության է, դասվում է քաղաքացիական շեղբավոր սառը զենքերի շարքին:
գ/թ 14-16

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, հանգում է հետևության, որ ամբաստանյալ Զավեն Ղազարյանի առաջադրված մեղադրանքը ՀՀ քրեական օրենսգրքի 235-րդ հոդվածի 4-րդ մասով հիմնավորված է, որի համար նա ենթակա է քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում կատարած արարքի բնույթն ու հանրության համար վտանգավորության աստիճանը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև ամբաստանյալի անձը բնութագրող տվյալները:
Ամբաստանյալ Զավեն Ղազարյանի անձը բնութագրող ինչպես նաև անձի պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա առաջադրված մեղադրանքում իրեն մեղավոր է ճանաչել,անկեղծորեն զղջացել է կատարածի համար , նախկինում դատված չի եղել :
Դատարանն արձանագրում է, որ ամբաստանյալ Զավեն Ղազարյանի պատասխանատվությունը և պատիժը ծանրացնող հանգամանքներ չկան:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-րդ, 373-րդ, 379-րդ հոդվածներով, դատարանը

Վ Ճ Ռ Ե Ց

Զավեն Անուշավանի Ղազարյանին մեղավոր ճանաչել ՀՀ քրեական օրենսգրքի 235-րդ հոդվածի 4-րդ մասով և նրա նկատմամբ պատիժ նշանակել տուգանք` նվազագույն աշխատավարձի երկուհարյուրապատիկի` 200.000 /երկու հարյուր հազար/ դրամի չափով:
Զավեն Ղազարյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Գործարանային արտադրության, քաղաքացիական շեղբավոր սառը զենք հանդիսացող դանակը թողնել ՀՀ ոստիկանության փորձաքրեագիտական վարչության տնօրինմանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: