գործ No ԵԱՔԴ/0114/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

14.10.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Աղայանի
պաշտպաններ Ա.Աթարբեկյանի
Վ. Էլբակյանի
ամբաստանյալներ Ա.Բուլգադարյանի
Կ.Մկրտչյանի
տուժողներ Մ.Ղազարյանի
Ա.Մալխասյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Ալեքսանդր Սարգսի Բուլգադարյանի` ծնված 26.10.1980թ. ք. Երևան, ազգությամբ հայ, Հայաստանի Հանրապետության քաղաքացի, միջնակարգ կրթությամբ,չամուսնացած, նախկինում դատված, դատվածությունը մարված,չի աշխատում ներկայումս ՙՆուբարաշեն՚ՔԿՀ-ի կալանավոր:
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ մասի 1-ին և 2-րդ կետերով և 34-177-րդ հոդվածի 1-ին մասով:

Կարեն Վահանի Մկրտչյանի` ծնված 06.03.1988թ. ք. Երևան, ազգությամբ հայ, Հայաստանի Հանրապետության քաղաքացի, միջնակարգ կրթությամբ,չամուսնացած, նախկինում չդատված, չի աշխատում, բնակվող ք.Աբովյան, Հանրապետության 15ա շենք, 32 բնակարան
Մեղադրվում է ՀՀ քրեական օրենսգրքի 177-րդ հոդվածի 2-րդ մասի 2-րդ կետով:



Պ Ա Ր Զ Ե Ց

1.Գործի դատավարական նախապատմությունը
Հանցագործությունները կատարվել է 2011 թվականի փետրվար և մայիս ամիսներին:
11.05.2011թ հարուցվել է քրեական գործը:
11.05.2011թ Ա.Բուլգադարյանը ձերբակալվել է:
11.05.2011թ Կ.Մկրտչյանի նկատմամբ խափանման միջոց է ընտրվել ստորագրություն չհեռանալու մասին:
14.05.2011թ Ա.Բուլգադարյանին մեղադրանք է առաջդրվել ՀՀ քր. օր-ի 177-րդ հոդվածի 2-րդ մասի 1-ին կետով և նրա նկատմամբ որպես խափանման միջոց է ընտրվել կալանավորումը.:
14.05.2011թ Կ.Մկրտչյանին ՀՀ քր. օր-ի 177-րդ հոդվածի 2-րդ մասի 1-ին կետով մեղադրանք է առաջադրվել:
Թիվ 14105511 քրեական գործի վարույթը վերսկսվել և թիվ 14112211 քրեական գործին է միացել 24.05.2011թ. Կ.Մկրտչյանի նկատմամբ քրեական հետապնդումը դադարեցվել է:
26.05.2011թ առաջադրված մեղադրանքը փոփոխվել և նոր մեղադրանք է առաջադրվել ՀՀ քր. օր-ի 177-րդ հոդվածի 2-րդ մասի 1-ին կետով:
28.05.2011թ Ա.Բուլգադարյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քր. օր-ի 177-րդ հոդվածի 2-րդ մասի 1-ին և 2-րդ կետերով և ՀՀ քր. օր-ի 34-177-րդ հոդվածով:
02.08.2011թ. թիվ 14112211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Ալեքսանդր Սարգիսի Բուլգադրյանին ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ մասի 1-ին և 2-րդ կետերով և 34-177-րդ հոդվածի 1-ին մասով, մեղադրանք է առաջադրել այն արարքի համար, որ ՙ որ 2011թ. փետրվարի 7-ին ժամը 20:30-ից մինչև 2011թ. փետրվարի 8-ի ժամը 09:10-ն ընկած ժամանակահատվածում գողացել է Երևան քաղաքի Գյուլբենկյան փողոցի 19/1 շենքի բակում կայանված` Գեղամ Ռազմիկի Գևորգյանին պատկանող ՙ BMW ՚ մակնիշի 18 SU 979 պետհամարանիշի ավտոմեքենայի կողային հայելիները` վերջինիս պատճառելով խոշոր չափերի հասնող 803.000 ՀՀ դրամի գույքային վնաս:
Բացի այդ, Ա.Բուլգադարյանը 2011թ. ապրիլի 28-ից 30-ը, ժամը 20:00-ից մինչև 22:00-ն ընկած ժամանակահատվածում գողացել է Վ.Փափազյան 17ա հասցեում կայանված Նաիրի Արտաշեսի Մարկոսյանին պատկանող ՙBMW X-5՚ մակնիշի 91 ՍՍ 888 պետհամարանիշի ավտոմեքենայի կողային երկու հայելիները, թաքցրել է դրանք շենքի դիմացի հատվածում գտնվող թփերի մեջ, որպեսզի ավտոմեքենայով վերադառնա և վերցնի, սակայն վերադառնալով նկատել է մի խումբ անձանց և չկարողանալով վերցնել 375.000 դրամ արժողության հափշտակված հայելիները, հանցագործությունը իր կամքից անկախ նանգամանքներում ավարտին չհասցնելով հեռացել է դեպքի վայրից:
Բացի այդ Ալեքսանդր Սարգսի Բուլգադարյանը և Կարեն Վահանի Մկրտչյանը գողություն կատարելու նպատակով նախնական հանցավոր համաձայնության գալով 2011թ. մայիսի 7-ի լույս 8-ի գիշերը գողացել են Երևան քաղաքի Ա.Սերոբ փողոցում կայանված Մերի Վաչագանի Ղազարյանին պատկանող ՙBMW X-5՚ մակնիշի 98 NV 999 պետհամարանիշի ավտոմեքենայի կողային երկու հայելիները` վերջինիս պատճառելով զգալի չափերի հասնող 420.000 ՀՀ դրամի նյութական վնաս:
Բացի այդ, որ Ա.Բուլգադարյանը և Կ.Մկրտչյանը 2011թ. մայիսի 8-ի ժամը 23:30-ից մինչև 2011թ. մայիսի 9-ի ժամը 06:00-ն ընկած ժամանակահատվածում գողություն կատարելու նպատակով նախնական հանցավոր համաձայնության գալով գողացել են Վ.Համբարձումյան 18 հասցեում կայանված Արման Արսենի Մալխասյանին պատկանող ՙBMW X-5՚ մակնիշի 88 ՏԼ 010 պետհամարանիշի ավտոմոքենայի կողային երկու հայելիները` վերջինիս պատճառելով 410.000 դրամի գույքային վնաս:
Բացի այդ, 2011թ. մայիսի 10-ին ժամը 24:00-ից մինչև 8:30-ն ընկած ժամանակահատնածում Ա.Բուլգադարյանը և Կ.Մկրտչյանը գողություն կատարելու նպատակով նախնական հանցավոր համաձայնության գալով գողացել են Մամիկոնյանց 62 շենքի բակում կայանված Անդրանիկ Բենյամինի Քլյանին պատկանող ՙBMW X-5՚ մակնիշի 13 ՏԼ 090 պետհամարանիշի ավտոմոքենայի կողային երկու հայելիները` վերջինիս պատճառելով զգալի չափերի հասնող 400.000 ՀՀ դրամի նյութական վնաս:
Բացի այդ, Ա.Բուլգադարյանը և Կ.Մկրտչյանը գողություն կատարելու նպատակով նախնական հանցավոր համաձայնության գալով 2011թ. մայիսյի 10-ին ժամը 4:00-ի սահմաններում գողացել են Կիևյան 16 հասցեում` ՚Շանթՙ հեռուստաընկերության դիմաց կայանված Արկադի Ցոլակի Մանուկյանին պատկանող ՙMersedes-Benz՚ մակնիշի ՙ C ՚ դասի 16 LL 317 պետհամարանիշի ավտոմոքենայի կողային երկու հայելիները` վերջինիս պատճառելով 225.000 դրամի գույքային վնաս՚:
Նախաքննության մարմինն ամբաստանյալ Կարեն Վահանի Մկրտչյանին ՀՀ քրեական օրենսգրքի 177-րդ հոդվածի 2-րդ մասի 2-րդ կետով, մեղադրանք է առաջադրել այն արարքի համար, որՙ Ալեքսանդր Սարգսի Բուլգադարյանի հետ նախնական հանցավոր համաձայնության գալով գողություն կատարելու նպատակով 2011թ. մայիսի 7-ի լույս 8-ի գիշերը գողացել են Երևան քաղաքի Ա.Սերոբ փողոցում կայանված Մերի Վաչագանի Ղազարյանին պատկանող ՙBMW X-5՚ մակնիշի 98 NV 999 պետհամարանիշի ավտոմեքենայի կողային երկու հայելիները` վերջինիս պատճառելով զգալի չափերի հասնող 420.000 ՀՀ դրամի նյութական վնաս:
Բացի այդ, որ Կ.Մկրտչյանը և Ա.Բուլգադարյանը2011թ. մայիսի 8-ի ժամը 23:30-ից մինչև 2011թ. մայիսի 9-ի ժամը 06:00-ն ընկած ժամանակահատվածում գողություն կատարելու նպատակով նախնական հանցավոր համաձայնության գալով գողացել են Վ.Համբարձումյան 18 հասցեում կայանված Արման Արսենի Մալխասյանին պատկանող ՙBMW X-5՚ մակնիշի 88 ՏԼ 010 պետհամարանիշի ավտոմոքենայի կողային երկու հայելիները` վերջինիս պատճառելով 410.000 դրամի գույքային վնաս:
Բացի այդ, 2011թ. մայիսի 10-ին ժամը 24:00-ից մինչև 8:30-ն ընկած ժամանակահատնածում Կ.Մկրտչյանը և Ա.Բուլգադարյանը գողություն կատարելու նպատակով նախնական հանցավոր համաձայնության գալով գողացել են Մամիկոնյանց 62 շենքի բակում կայանված Անդրանիկ Բենյամինի Քլյանին պատկանող ՙBMW X-5՚ մակնիշի 13 ՏԼ 090 պետհամարանիշի ավտոմոքենայի կողային երկու հայելիները` վերջինիս պատճառելով զգալի չափերի հասնող 400.000 ՀՀ դրամի նյութական վնաս:
Բացի այդ, Կ.Մկրտչյանը և Ա.Բուլգադարյանը գողություն կատարելու նպատակով նախնական հանցավոր համաձայնության գալով 2011թ. մայիսյի 10-ին ժամը 4:00-ի սահմաններում գողացել են Կիևյան 16 հասցեում` ՚Շանթՙ հեռուստաընկերության դիմաց կայանված Արկադի Ցոլակի Մանուկյանին պատկանող ՙMersedes-Benz՚ մակնիշի ՙ C ՚ դասի 16 LL 317 պետհամարանիշի ավտոմոքենայի կողային երկու հայելիները` վերջինիս պատճառելով 225.000 դրամի գույքային վնաս:՚

3.Ապացույցների հետազոտում
Առաջադրված մեղադրանքում մեղադրյալ Ալեքսանդր Սարգսի Բուլգադարյանը իրեն մեղավոր է ճանաչել լիովին, անկեղծորեն զղջացել և խոստովանական ցուցմունք է տվել այն մասին, որ ընտանիքի հետ բնակվում է Երևան քաղաքի Վ.Վաղարշյան փողոցի 20/1 շենքի 1-ին բնակարանում: Կարեն Վահանի Մկրտչյանի հետ ծանոթացել է ինտերնետ ակումբում և նրա ընկերական հարաբերությունների մեջ: Քանի որ 2011թ. սկզբից ունեցել է ֆինանսական խնդիրներ, ուստի որոշել է գողանալ ավտոմեքենայի ետին տեսանելիության կողային հայելիներ և վաճառելով դրանք հոգալ իր նյութական խնդիրները: Այսպիսով նախորոք պայմանավորվելով և տեղյակ լինելով, որ Ա.Սերոբ 11 շենքի բակում կայանվում է սպիտակ գույնի ՙBMW X-5՚ մակնիշի ավտոմեքենա Կ.Մկրտչյանի հետ 2011թ. մայիսի 6-7-ը, կոնկրետ ժամանակը չի հիշել, իր կողմից փաստացի օգտագործվող ՙՎԱԶ-21013՚ մակնիշի 16 ՕՍ 764 պետհամարանիշի ավտոմեքենայով եկել են վերը նշված շենքի բակ, և համոզվելով, որ մեքենան կրկին այնտեղ է Կ.Մկրտչյանի հետ պտուտակահանի օգտագործմամբ քանդել և գողացել են նշված մեքենայի հայելիները և հեռացել: Հայելիներից մեկ հատը Կ.Մկրտչյանը վաճառել է, իսկ մյուսը թաքցրել են վերը նշված ավտոմեքենայի մեջ, որը հետագայում հայտնաբերվել է ոստիկանության աշխատակիցների կողմից: Թե հայելին ում է վաճառել ինքը տեղյակ չե, քանի որ այդ հարցերով զբաղվել է Կ.Մկրտչյանը: Վաճառքից առաջացած գումարից 200 ԱՄՆ դոլարը Կ.Մկրտչյանը տվել է իրեն բնակարանի հետ կապված հարցերը լուծելու համար: Հաջորդ օրը գիշերը Կ.Մկրտչյանի հետ իր կողմից փաստացի օգտագործվող ՙՎԱԶ-21013՚ մակնիշի 16 ՕՍ 764 պետհամարանիշի ավտոմեքենայով Երևան քաղաքի փողոցներով շրջելիս Վ.Համբարձումյան 18 շենքի բակում նկատել են սև գույնի ՙBMW X-5՚ մակնիշի ավտոմեքենա և պտուտակահանի օգտագործմամբ քանդել և գողացել են ավտոմեքենայի կողային երկու հայելիները, որոնցից մեկը ևս Կ.Մկրտչյանը վաճառել է, իսկ մյուսը կրկին թաքցրել են վերը նշված ավտոմեքենայի մեջ, որը նույնպես հետագայում հայտնաբերվել է ոստիկանության աշխատակիցների կողմից: Թե Կ.Մկրտչյանը ում է վաճառել հայելիները ինքը տեղյակ չէ: Մի քանի օր հետո գիշերը նույն եղանակով Կ.Մկրտչյանի հետ գողացել են Մամիկոնյանց 62 շեքի դիմաց կայանված սև գույնի ՙBMW X-5՚ մակնիշի ավտոմեքենայի կողային հայելիները, որոնք նույնպես վաճառել է Կ.Մկրտչյանը: Վերջին անգամ Կ.Մկրտչյանի հետ 2011թ. մայիսի 8-9-ը ընկած ժամանակահատվածում նույն եղանակով գողացել են Կիևյան փողոցում կայանված ՙMersedes-Benz՚ մակնիշի ՙ C ՚ դասի ավտոմեքենայի կողային հայելիները, որոնք 200 ԱՄՆ դոլարով վաճառել են Կ.Մկրտչյանի կողմից նախորոք պայմանավորված անձին, որին ինքը չի ճանաչում: Ա.Բուլգադարյանը նշել է, որ իրեն մեղավոր է ճանաչում մասնակի, մեղադրանքում նշված վեց դեպքերից ինքը Կ.Մկրտչյանի հետ միասին կատարել է գողության չորս դեպք, սակայն մինչև այդ 12.05.2011թ. որպես կասկածյալ և 14.05.2011թ. որպես մեղադրյալ հարցաքննությունների ժամանակ խոստովանել է, որ բացի Կ.Մկրտչյանի հետ կատարած հանցագործության չորս դեպքերից, միայնակ կատարել է գողության երկու դեպք, որոնք են. 2011թ. փետրվարի 7-ին գիշերը գողացել է Գյուլբենկայն 19/1 շենքի բակում կայանված Գեղամ Ռազմիկի Գևորգյանին պատկանող ՙ BMW ՚ մակնիշի 18 SU 979 պետհամարանիշի ավտոմեքենայի կողային երկու հայելիները, իսկ 2011թ. ապրիլի 28-ից 30-նն ընկած ժամանակահատվածում, գիշերը գողացել է Վ.Փափազյան 17ա շենքի բակում կայանված Նաիրի Արտաշեսի Մարկոսյանին պատկանող ՙBMW X-5՚ մակնիշի 91 ՍՍ 888 պետհամարանիշի ավտոմեքենայի կողային երկու հայելիները, ինչպես նաև քննչական փորձարարության ժամանակ մատնացույց է արել նշված հանցագործութունների կատարման վայրերը: Գողացված հայելիների վաճառքով զբաղվել է Կ.Մկրտչյանը և ինքը այդ մասին ոչինչ չգիտի: Ավտոմեքենաների պետհամարանիշերը կամ այլ տվյալներ չի հիշում: Հայտնել է նաև, որ գողությունները կատարել են իր նախաձեռնությամբ:
Ա.Բուլգադարյանը միաժամանակ նշել է նաև որ կատարել է 2011թ. ապրիլի 28-ից, 30-ը, ժամը 20:00-ից մինչև 22:00-ն ընկած ժամանակահատվածում Վ. Փափազյան 17 ա շենքի բակում կայանված ՙBMW՚ մակնիշի 91 ՍՍ 888 պետ համարանաիշի ավտոմեքենայի կողային հայելիների ինչպես նաև 2011թ. փետրվարի 7-ին ժամը 20:30-ից մինչև 2011թ. փետրվարի 8-ի ժամը 09:10-ն ընկած Գյուլբենկյան 19/1 շենքի բակում կայանված ՙ BMW՚ մակնիշի 18 SU 979 պետհամարանիշի ավտոմեքենայի կողային երկու հայելիների գողությունները:
Առաջադրված մեղադրանքում մեղադրյալ Կարեն Վահանի Մկրտչյանը իրեն լիովին մեղավոր է ճանաչել, ինքնախոստովանական ցուցմունք է տվել այն մասին, որ ընտանիքի հետ բնակվում է Աբովյան քաղաքի Հանրապետության փողոցի 15ա շենքի 32 բնակարանում: Ալեքսանդր Բուլգադարյանը հանդիսանում է իր ընկերը, որի հետ ծանոթացել է 2004թ. ինտերնետ ակումբում և մինչև օրս գտնվում են ընկերական հարաբերությունների մեջ: Քանի որ ունեցել է ֆինանսական խնդիրներ 2011թ. մայիս ամսվա ընթացքում Ա.Բուլգադարյանի առաջարկով վերջինիս հետ գողացել և վաճառել են ավտոմեքենաների հայելիներ և այդ գումարով լուծել իրենց ֆինանսական խնդիրները: Գողացված հայելիների վաճառքով զբաղվել է ինքը, վաճառել է պատահական մարդկանց, որոնց հետ պայմանավորվել է` տեսնելով, որ նրանց մեքենաների վրա բացակայում են հայելիները: Գնորդների հեռախոսահամարները կամ այլ տվյալներ չի հիշում, քանի որ վաճառելուց հետո դրանք ջնջել է իր բջջային հեռախոսից: Գողությունները կատարել են գիշերային ժամերին, բայց կոնկրետ ժամ նշել չի կարող:
Այսպիսով առաջին անգամ նախորոք պայմանավորվելով և տեղյակ լինելով, որ Ա.Սերոբ 11 շենքի բակում կայանվում է սպիտակ գույնի ՙBMW X-5՚ մակնիշի ավտոմեքենա Ա.Բուլգադարյանի հետ 2011թ. մայիսի 6-7-ը, կոնկրետ ժամանակը չի հիշել, Ա.Բուլգադարյանի կողմից փաստացի օգտագործվող ՙՎԱԶ-21013՚ մակնիշի 16 ՕՍ 764 պետհամարանիշի ավտոմեքենայով եկել են վերը նշված շենքի բակ, և համոզվելով, որ մեքենան կրկին այնտեղ է Ա.Բուլգադարյանի հետ պտուտակահանի օգտագործմամբ քանդել և գողացել են նշված մեքենայի հայելիները և հեռացել: Հայելիներից մեկ հատը ինքը վաճառել է, իսկ մյուսը թաքցրել են վերը նշված ավտոմեքենայի մեջ, որը հետագայում հայտնաբերվել է ոստիկանության աշխատակիցների կողմից: Հայելին վաճառել է պատահական մարդու, որի տվյալները չգիտի: Վաճառքից առաջացած գումարից 200 ԱՄՆ դոլարը տվել է Ա.Բուլգադարյանին բնակարանի հետ կապված հարցերը լուծելու համար: Հաջորդ օրը գիշերը Ա.Բուլգադարյանի հետ հետ վերջինիս կողմից փաստացի օգտագործվող ՙՎԱԶ-21013՚ մակնիշի 16 ՕՍ 764 պետհամարանիշի ավտոմեքենայով Երևան քաղաքի փողոցներով շրջելիս Վ.Համբարձումյան 18 շենքի բակում նկատել են սև գույնի ՙBMW X-5՚ մակնիշի ավտոմեքենա և պտուտակահանի օգտագործմամբ քանդել և գողացել են ավտոմեքենայի կողային երկու հայելիները, որոնցից մեկը վաճառել է, իսկ մյուսը կրկին թաքցրել են վերը նշված ավտոմեքենայի մեջ, որը նույնպես հետագայում հայտնաբերվել է ոստիկանության աշխատակիցների կողմից: Գնորդի տվյալները կրկին չգիտի: Մի քանի օր հետո գիշերը նույն եղանակով Ա.Բուլգադարյանի հետ գողացել են Մամիկոնյանց 62 շեքի դիմաց կայանված սև գույնի ՙBMW X-5՚ մակնիշի ավտոմեքենայի կողային հայելիները, որոնք նույնպես վաճառել է ինքը: Վերջին անգամ Ա.Բուլգադարյանի հետ 2011թ. մայիսի 8-9-ը ընկած ժամանակահատվածում նույն եղանակով գողացել են Կիևյան փողոցում կայանված ՙMersedes-Benz՚ մակնիշի ՙ C ՚ դասի ավտոմեքենայի կողային հայելիները, որոնք 200 ԱՄՆ դոլարով վաճառել են իր կողմից նախորոք պայմանավորված անձին, որին չի ճանաչում, տվյալները չգիտի: Գողացված հայելիների վաճառքով զբաղվել է ինքը: Ավտոմեքենաների պետհամարանիշերը կամ այլ տվյալներ չի հիշում: Բացի վերը նշված դեպքերից իրենք Ա.Բուլգադարյանի հետ այլ հանցագործություններ չեն կատարել:

Ամբաստանյալ Ա.Բուլգադարյանին և Կ.Մկրտչյանին առաջադրված մեղադրանքը հիմնավորվել է նաև դատաքննությամբ հետազոտված հետևյալ ապացույցներով.


Տուժող Մերի Վաչագանի Ղազարյանի դատաքննական ցուցմունքով այն մասին, որ բնակվում է Երևան քաղաքի Ա.Սերոբ 11 53 բնակարան հասցեում: Շուրջ երկու տարի է վարում է ՙBMW X-5՚ մակնիշի 98 NV 999 պետհամարանիշի ավտոմեքենան: 2011 թվականի մայիսի 7-ին ժամը 11:00 ավտոմեքենան կայանելով Ա.Սերոբ 11 շենքի դիմացի հատվածում բարձրացել է տուն: Հաջորդ օրը առավոտյան ժամը 10:00-ին դուրս գալով բակ նկատել է, որ մեքենայի կողային հայելիները բացակայում են: Կատարված հանցագործությամբ իրեն պատճառել է 223.704 ՀՀ դրամի գույքային վնաս: Տուժողը նշեց որ ներկա պահին նյութական վնասի հատուցման պահանջ չունի:

Տուժող Արման Արսենի Մալխասյանի ցուցմունքով այն մասին, որ բնակվում է Երևան քաղաքի Վ.Համբարձումյան 18 շենք, բնակարան 68 հասցեում: 2010 թվականի մայիս ամսից վարում է ՙBMW X-5՚ մակնիշի 88 ՏԼ 010 պետհամարանիշի ավտոմեքենան: 2011թ. մայիս 8-ին ժամը 20:30-ին ավտոմեքենան կայանել է Վ.Համբարձումյան 18 շենքի բակում և բարձրացել տուն: Հաջորդ օրը առավոտյան ժամը 06:00-ին իջնելով բակ նկատել է, որ մեքենայի կողային հայելիները բացակայում են: Կատարված հանցագործությամբ իրեն պատճառել է 410.000 ՀՀ դրամի գույքային վնաս, սակայն նյութական վնասի հատուցման պահանջ չունի:
Հատոր 1 գ.թ 110, հատոր 2 գ.թ. 74

Տուժող Անդրանիկ Բենիամինի Քլյանի դատաքննական ցուցմունքով այն մասին, որ բնակվում ք.Երևան, Մամիկոնյանց 49/1 շենք, բնակարան 13 հասցեում: Շուրջ չորս ամիս է վարում ՙBMW X-5՚ մակնիշի 13 ՏԼ 090 պետհամարանիշի ավտոմեքենան: 2011թ. մայիսի 8-ի առավոտյան ավտոմեքենան կայանել է Մամիկոնյանց 62 շենքի բակում: Գիշերը ժամը 24:00-ին տուն վերադառնալիս մեքենան նորմալ վիճակում եղել է իր տեղում և ինքը բարձրացել է տուն: Հաջորդ օրը առավոտյան ժամը 8:30-ին իջնելով բակ նկատել է, որ մեքենայի կողային հայելիները բացակայում են: Կատարված հանցագործությամբ իրեն պատճառել է գույքային վնաս սակայն նյութկան վնասի հատուցման պահանջ չներկայացրեց:
Տուժող Արկադի Ցոլակի Մանուկյանի ցուցմունքով այն մասին, որ բնակվում է ք.Երևան, Մամիկոնյանց 49/1 շենք, բնակարան 13 հասցեում: Շուրջ երեք տարի է վարում է ՙMersedes-Benz՚ մակնիշի ՙ C ՚ դասի 16 LL 317 պետհամարանիշի ավտոմեքենան: 2011թ. մայիսի 10-ին ժամը 24:00-ին ինքը մեքենան կայանել է Կիևյան 16 հասցեյում` ՙՇանթ՚ հեռուստաընկերության դիմացի հատվածում և բարձրացել է աշխատանքի: Հաջորդ օրը ժամը 10:00-ից 10:30-ն ընկած ժամանակահատվածում իջնելով ներքև նկատել է, որ ավտոմեքենայի կողային հայելիները բացակայում են: Տուժողը վնասի հատուցման պահանջ չներկայացրեց:

Տուժող Նաիրի Արտաշեսի Մարկոսյանի նախաքննական ցուցմունքով այն մասին, որ բնակվում է ք.Երևան, Ա.Ավետիսյան 36 շենք, բնակարան 19 հասցեում: Շուրջ երեք տարի է վարում է ՙBMW X-5՚ մակնիշի 91 ՍՍ 888 պետհամարանիշի ավտոմեքենան: 2011թ. ապրիլի 28-ից 30-ն ժամը 20:00-ի սահմաներում ինքը մեքենան կայանել է Փափազյան 17ա շենքի բակում և բարձրացել իր բնակարան: Ժամը 22:00-ին իջնելով բակ նկատել է, որ ավտոմեքենայի կողային հայելիները բացակայում են: Կատարված հանցագործությամբ իրեն պատճառել է 375.000 ՀՀ դրամի գույքային վնաս, որը հատուցվել է:
Հատոր 1 գ.թ 155-156, հատոր 2 գ.թ. 123

Տուժող Գեղամ Ռազմիկի Գևորգյանի ցուցմունքով այն մասին, որ բնակվումէ ք. Երևան, Գյուլբենկյան 19/1 շենք, 24 բնակարան հասցեում: 2009թ. սկզբից վարում է ՙBMW X-5՚ մակնիշի 18 SU 979 պետհամարանիշի ավտոմեքենան: 2011թ. փետրվարի 7-ին ժամը 20:30 մեքենան կայանել է Գյուլբենկյան 19/1 շենքի բակում և բարձրացել տուն: Հաջորդ օրը առավոտյան ժամը 9:10-ին իջնելով բակ նկատել է, որ մեքենայի կողային հայելիները բացակայում են: Կատարված հանցագործությամբ իրեն պատճառել է 803.000 ՀՀ դրամի գույքային վնաս: Տուժողը նշեց որ նյութական վնասի հատուցման պահանջ չունի:
Հատոր 1 գ.թ 195, Հատոր 2 գ.թ. 4-5, 34-35
Վկա Արթուր Սամվելի Կուկունյանի ցուցմունքներով այն մասին, որ շուրջ մեկուկես տարի է վարում է ՚Mersedes-Benzՙ մակնիշի ՚ C ՙ դասի ավտոմեքենա: 2011թ. փետրվար ամսին իր մեքենայի ձախակողմյան հայելին չի աշխատել, իսկ 2011թ. ապրիլին ավտոտնակում կայանելիս վնասել է նաև աջակողմյան հայելին, որի պատճառով մեքենայի վրայից հանել է հայելիները և զբաղվել է նոր հայելիներ փնտրելով: Մեքենան միշտ կայանել է Թումանյան 22 շենքի դիմաց: 2011թ. մայիսի 10-ին մոտենալով մեքենային, տեսել է, որ մեքենայի դիմապակուն դեղին գույնի թուղթ է ամրացված, որի վրա գրած է եղել հեռախոսահամար և ՙվաճառվում է հայելի՚ արտահայտությունը: Թուղթը դեն է նետել, իսկ հեռախոսահամարը չի հիշում: Զանգահարել է այդ հեռախոսահամարով և Դավիթաշենի կամուրջի մոտ հանդիպել է Կարեն անունով մի անձնավորության, ում առաջարկով ինքը 200 ԱՄՆ դոլարով գնել է արծաթագույն երկու հատ ետին տեսանելիության կողային հայելիներ: Կարենի հետ եղել է ևս մի անձ, սակայն նրա հետ չի ծանոթացել և ոչ նրան ոչ էլ Կարենին տեսնելիս չի ճանաչի քանի որ նրանց տեսել է մի քանի րոպե: Դրանից հետո նրանց այլևս չի հանդիպել: Իր հարցին, թե որտեղից հայելիները, Կարենը նրան պատասխանել է, որ ներմուծում են Վրաստանի Հանրապետությունից:
Հատոր 2 գ.թ. 78-79
Կ.Մկրտչյանի և Ա.Բուլգադարյանի բերման, անձնական խուզարկության արձանագրություններով, որի ժամանակ հայտնաբերվել են որպես հանցագործության գործիք հանդիսացող պտուտակահանը և գողացված հայելիների վաճառքից ստացված 300 ԱՄՆ դոլար գումարը:
Հատոր 1 գ.թ 4, 6-8
Ա.Բուլգադարայանի կողմից փաստացի շահագործվող ՙՎԱԶ-21013՚ մակնիշ 16 ՕՍ 764 պետհամարանիշի ավտոմեքենայի խուզարկության արձանագրությունով, որտեղից հայտնաբերվել են տուժողներ Արման Մալխասյանին և Մերի Ղազարյանին պատկանող ՙ BMW X-5 ՚ մակնիշի ավտոմեքենաների մեկական հայելիները:
Հատոր 1 գ.թ 9

Ա.Բուլգադարյանի քննչական փորձարարության արձանագրությունով, որի ժամանակ Ա.Բուլգադարյանը մատնացույց է արել Երևան քաղաքի Ա.Սերոբ փողոցի 11 շենքի բակը և հայտնել, որ Կ.Մկրտչյանի հետ գողացել են այնտեղ կայանված սպիտակ գույնի ՙBMW X-5՚ մակնիշի ավտոմեքենայի կողային երկու հայելիները, Վ.Համբարձումյան 18 շենքի բակը, որ Կ.Մկրտչյանի հետ գողացել են այնտեղ կայանված սև գույնի ՙBMW X-5՚ մակնիշի ավտոմեքենայի կողային երկու հայելիները, Մամիկոնյանց 62 շենքի բակը, որ Կ.Մկրտչյանի հետ գողացել են այնտեղ կայանված սև գույնի ՙBMW X-5՚ մակնիշի ավտոմեքենայի կողային երկու հայելիները, Կիևյան 16 հասցեն, որ Կ.Մկրտչյանի հետ գողացել են այնտեղ կայանված արծաթագույն ՙMersedes-Benz՚ մակնիշի ՙ C ՚ դասի ավտոմեքենայի կողային երկու հայելիները, Գյուլբենկյան 19/1 շենքի բակը, որ միայնակ գողացել է այնտեղ կայանված արծաթագույն ՙBMW X-5՚ մակնիշի ավտոմեքենայի կողային երկու հայելիները, Փափազյան 17ա շենքի բակը, որ միայնակ գողացել է այնտեղ կայանված սև գույնի ՙBMW X-5՚ մակնիշի ավտոմեքենայի կողային երկու հայելիները:
Հատոր 1 գ.թ 66-71

Կ.Մկրտչյանի քննչական փորձարարության արձանագրություններով, որի ժամանակ Կ.Մկրտչյանը մատնացույց է արել Երևան քաղաքի Ա.Սերոբ փողոցի 11 շենքի բակը և հայտնել, որ Ա.Բուլգադարյանի հետ գողացել են այնտեղ կայանված սպիտակ գույնի ՙBMW X-5՚ մակնիշի ավտոմեքենայի կողային երկու հայելիները, Վ.Համբարձումյան 18 շենքի բակը, որ Ա.Բուլգադարյանի հետ գողացել են այնտեղ կայանված սև գույնի ՙBMW X-5՚ մակնիշի ավտոմեքենայի կողային երկու հայելիները, Մամիկոնյանց 62 շենքի բակը, որ Ա.Բուլգադարյանի հետ գողացել են այնտեղ կայանված սև գույնի ՙBMW X-5՚ մակնիշի ավտոմեքենայի կողային երկու հայելիները, Կիևյան 16 հասցեն, որ Ա.Բուլգադարյանի հետ գողացել են այնտեղ կայանված արծաթագույն ՚Mersedes-Benzՙ մակնիշի ՙ C ՚ դասի ավտոմեքենայի կողային երկու հայելիները:
Հատոր 1 գ.թ 60-64, 74-76

Ապրանքագիտական փորձաքննության թիվ 361-ԱՊ փորձագետի եզրակացությամբ, որի համաձայն Ա.Բուլգադարայանի կողմից փաստացի շահագործվող ՙՎԱԶ-21013՚ մակնիշի 16 ՕՍ 764 ավտոմեքենայից հայտնաբերված և փորձաքննության ներկայացված ՙBMW X-5՚ մակնիշի ավտոմեքենայի կողային երկու հայելիներից յուրաքանչյուրի միջին շուկայական արժեքը 2010 թվականի մայիս ամսվա դրությամբ, առկա ապրանքային վիճակի հաշվառմամբ գնահատվում է 210.000 ՀՀ դրամ:
Հատոր 2 գ.թ 58-59

Ապրանքագիտական փորձաքննության թիվ 421-ԱՊ փորձագետի եզրակացությամբ, որի համաձայն փորձաքննության ներկայացված ՙMersedes-Benz՚ մակնիշի ՙ C ՚ դասի ավտոմեքենայի կողային երկու հայելիների ընդհանուր շուկայական արժեքը 2010 թվականի մայիսի 10-ի դրությամբ, առկա ապրանքային վիճակի հաշվառմամբ գնահատվում է 225.000 ՀՀ դրամ:
Հատոր 2 գ.թ 99-100


4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Ալեքսանդր Բուլգադարյանի մեղավորությունը ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով և 34-177-րդ հոդվածի 1-ին մասի հատկանիշներով նախատեսված հանցանք կատարելու մեջ և Կարեն Մկրտչյանի մեղավորությունը ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով նախատեսված հանցանք կատարելու մեջ ապացուցված է, որի համար նրանք ենթակա են քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Ալեքսանդր Բուլգադարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, հատուցել է տուժողներին պատճառված նյութկան վնասը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Ամբաստանյալ Կարեն Մկրտչյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկիոնւմ դատված չի եղել վերականգնել է տուժողներին պատճառված նյութական վնասը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:

Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 379-րդ հոդվածներով դատարանը



Վ Ճ Ռ Ե Ց

Ալեքսանդր Սարգսի Բուլգադարյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով և 34-177-րդ հոդվածի 1-ին մասով :
ՀՀ քրեական օրենսգրքի 177-րդ հոդվածի 2-րդ մասի 1-ին և 2-րդ կետերով պատիժ նշանակել ազատազրկում 2/երկու/ տարի ժամկետով :
ՀՀ քրեական օրենսգրքի 34-177-րդ հոդվածի 1-ին մասով նրա նկատմամբ պատիժ նշանակել տուգանք ՀՀ սահմանված նվազագույն աշխատավարձի հարյուրապատիկի` 100.000 ՀՀ դրամի չափով:
ՀՀ քրեական օրենսգրքի 66-րդ և 68-րդ հոդվածների կանոններով նշանակված պատիժները գումարելու միջոցով, Ալեքսանդր Սարգսի Բուլգադարյանի նկատմամբ վերջնական պատիժ նշանակել ազատազրկում 2/երկու/ տարի տարի ժամկետով և տուգանքով 100.000 ՀՀ դրամի չափով:
Պատիժը կրելու սկիզբը հաշվել 11.05.2011թ-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Ալեքսանդր Բուլգադարյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Կարեն Վահանի Մկրտչյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 2-րդ կետով և նրա նկատմամբ պատիժ նշանակել տուգանք ՀՀ սահմանված նվազագույն աշխատավարձի հինգհարյուրապատիկի` 500.000 ՀՀ դրամի չափով:
Կարեն Մկրտչյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ