գործ No ԵԱՔԴ/0111/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

19.08.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Շ.Վանոյանի
մասնակցությամբ`
մեղադրող Ռ.Խաչատրյանի
պաշտպան Լ.Ներսիսյանի
ամբաստանյալներ Պ. Մկրտչյանի
Ռ. Կոխտիևի
տուժող Հ.Հովհաննիսյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Պերճ Արթուրի Մկրտչյանի (ծնված 28.10.1989թ., ք. Երևան, ազգությամբ հայ, ՀՀ քաղաքացի, ամուսնացած, չդատված, թերի բարձրագույն կրթությամբ, չի աշխատում, հաշվառված Գեղարքունիքի մարզ, գ. Ծովինար) :
Ռաֆայել Բագրատի Կոխտիևի (ծնված 31.03.1988թ. 31.03.1988թ., ք.Երևան, ազգությամբ հայ, ՀՀ քաղաքացի, թերի բարձրագույն կրթությամբ, չդատված, չամուսնացած, չի աշխատում, հաշվառված ք. Երևան, Տիգրան Մեծի նրբ. 2 շ., բն. 4):
Մեղադրվում են ՀՀ քրեական օրենսգրքի 258-րդ հոդվածի 3-րդ մասի 1-ին կետով:

Պ Ա Ր Զ Ե Ց

1.Գործի դատավարական նախապատմությունը
2011 թվականի ապրիլի 01-ին հարուցվել է թիվ 14113411 քրեական գործը:
2011 թվականի հուլիսի 23-ին Պերճ Արթուրի Մկրտչյանին և Ռաֆայել Բագրատի Կոխտիևին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով, որպես խափանման միջոց է ընտրվել ստորագրություն չհեռանալու մասին:
2011 թվականի հուլիսի 28-ին թիվ 14113411 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:


2.Գործի փաստական հանգամանքները
Նախաքննության մարմինն ամբաստանյալ Պերճ Մկրտչյանին ՀՀ քրեական օրենսգրքի 258-րդ հոդվածի 3-րդ մասի 1-ին կետով մեղադրանք է առաջադրել այն արարքի համար, որ ՙ2011 թվականի մարտի 23-ի լույս 24-ի գիշերը` ժամը 01:00-ի սահմաններում, Երևան քաղաքի Բաղրամյան փողոցի 21ա շենքի դիմաց անհիմն վիճաբանության մեջ է մտել Մերուժան Մինասյան-Չահարմահալիի հետ, նրա հասցեին հնչեցրել է սեռական բնույթի հայհոյանքներ` դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության` դեպքի վայրին հարակից տների բնակիչների նկատմամբ, բռնություն գործադրելով` բռունցքներով մի քանի անգամ հարվածելով նրանց մարմնի տարբեր մասերին` Մ.Մինասյան-Չահարմահալիի առողջությանը դիտավորությամբ պատճառելով միջին ծանրության վնաս` ձախից ստորին ծնոտի անկյան շրջանի բաց, 8-րդ ատամի ներսային արմատի կոտրվածքների, ձախից գագաթային սալջարդ և բերանի խոռոչի կողմից ձախից պատռված վերքերի ձևով, ուղեկցված գանգուղեղային վնասվածքով, Ա.Աստվածատրյանի առողջությանը դիատվորությամբ պատճառելով թեթև վնաս` ձախ ակնակապիճի դրսային անկյան շրջանի արյունազեղման ձևով, իսկ Հ.Հովհաննիսյանի առողջությանը դիտավորությամբ պատճառելով միջին ծանրության վնաս` կզակային շրջանի ներսային սպիի նախկինում եղած սալջարդ վերքի, աջ ոտնաթաթի 3-4 նախագարշապարային գլխիկների կոտվածքների ձևով՚:

Ամբաստանյալ Ռաֆայել Կոխտիևին ՀՀ քրեական օրենսգրքի 258-րդ հոդվածի 3-րդ մասի 1-ին կետով մեղադրանք է առաջադրել այն արարքի համար, որ ՙնա 2011 թվականի մարտի 23-ի լույս 24-ի գիշերը ` ժամը 01:00-ի սահմաններում, Երևան քաղաքի Բաղրամյան փողոցի 21Ա շենքի դիմաց անհիմն վիճաբանության մեջ է մտել Մերուժան Մինասյան-Չահարմահալիի հետ, նրա հասցեին հնչեցրել է սեռական բնույթի հայհոյանքներ` դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության` դեպքի վայրին հարակից տների բնակիչների նկատմամբ, միաժամանակ իր խուլիգանական գործողությունները զուգորդել է Մերուժան Մինասյան-Չահարմահալիի և վիճաբանությանը միջամտած Ավետիք Աստվածատրյանի և Հայկ Հովհաննիսյանի նկատմամբ, բռնություն գործադրելով` բռունցքներով մի քանի անգամ հարվածելով նրանց մարմնի տարբեր մասերին` Մ.Մինասյան-Չահարմահալիի առողջությանը դիտավորությամբ պատճառելով միջին ծանրության վնաս` ձախից ստորին ծնոտի անկյան շրջանի բաց, 8-րդ ատամի ներսային արմատի կոտրվածքների, ձախից գագաթային սալջարդ և բերանի խոռոչի կողմից ձախից պատռված վերքերի ձևով, ուղեկցված գանգուղեղային վնասվածքով, Ա. Աստվածատրյանի առողջությանը դիտավորությամբ պատճառելով թեթև վնաս` ձախ ակնակապճի դրսային անկյան շրջանի արյունազեղման ձևով, իսկ Հ.Հովհաննիսյանի առողջությանը դիտավորությամբ պատճառելով միջին ծանրության վնաս կզակային շրջանի ներսային սպիի նախկինում եղած սալջարդ վերքի, աջ ոտնաթաթի 3-4 նախագարշապարային գլխիկների կոտրվածքների ձևով:

3. Արագացված դատական քննություն
Մինչև դատաքննությունն սկսելն ամբաստանյալներ Պերճ Մկրտչյանը և Ռաֆայել Կոխտիևը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Լ.Ներսիսյանը:
Մեղադրող Ռ.Խաչատրյանը դատական քննության արագացված կարգ կիրառելուն չառարկեց:
Տուժող Հ. Հովհաննիսյանը ևս չառարկեց արագացված դատաքննության կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Պերճ Մկրտչյանի և Ռաֆայել Կոխտիևի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներով նախատեսված հանցանք կատարելու մեջ ապացուցված է, որի համար նրանք ենթակա են քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Պերճ Մկրտչյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա, ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել:
Ամբաստանյալ Ռաֆայել Կոխտիևի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել:
Ամբաստանյալների պատասխանատվությունը և պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ , 379-րդ հոդվածներով, դատարանը

Վ Ճ Ռ Ե Ց

Պերճ Արթուրի Մկրտչյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և նրա նկատմամբ պատիժ նշանակել ազատազրկում1 /մեկ/ տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Պերճ Արթուրի Մկրտչյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Ռաֆայել Բագրատի Կոխտիևին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և նրա նկատմամբ պատիժ նշանակել ազատազրկում 1 /մեկ/ տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Ռաֆայել Բագրատի Կոխտիևի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: