ԵԱՔԴ/0105/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ե.Կարապետյանի, Հ.Արտաշեսյանի, Ա.Մկրտչյանի
մասնակցությամբ
մեղադրողներ Կ. Բարսեղյանի, Հ. Մարտիրոսյանի
պաշտպան Ս. Ասլանյանի
տուժող Մ. Գևորգյանի


2011 թվականի սեպտեմբերի 30-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի Լալվար Լևիկի Հարությունյանի, ծնված 1957 թվականի հուլիսի 18-ին, Գեղարքունիքի մարզի Վարդենիկ գյուղում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, նախկինում չդատված, հաշվառված է Քաշաթաղի շրջանի Բերձոր քաղաքի 7-րդ փողոցի 69/1 տանը, բնակվում է Երևան քաղաքի Գրիբոյեդովի փողոցի 1-ին նրբանցքի 11 շենքի թիվ 222 սենյակում, մեղադրվում է ՀՀ քրեական օրենսգրքի 178 հոդվածի 2-րդ մասի 2-րդ կետով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

1.Գործի դատավարական նախապատմությունը.
2011թ. մայիսի 30-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 178 հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել է թիվ 09108111 քրեական գործը:
2011թ. հուլիսի 8-ին Լալվար Լևիկի Հարությունյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 2-րդ կետով, նրա նկատմամբ որպես խափանման միջոց ընտրվել է չհեռանալու մասին ստորագրությունը:
2011թ. հուլիսի 19-ին թիվ 09108111 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Լալվար Լևիկի Հարությունյանին մեղադրանք է առաջադրել այն արարքի համար, որ նա Գերցենի փողոցի 4 հասցեում գտնվող առանձնատունը վաճառելու պատրվակով, 30.01.2011թ. չարաշահելով Միլիտոն Շահիսի Գևորգյանի վստահությունը, որպես կանխավճար, իր տանը, խաբեությամբ վերջինիցս վերցրել է 980.100 ՀՀ դրամ գումարին համարժեք 2.700 ԱՄՆ դոլլար, սակայն 21.02.2011թ. 9.125.000 գումարով առանձնատունը վաճառել է այլ անձի, իսկ Միլիտոն Գևորգյանին վերադարձրել է ընդհամենը 363.000 ՀՀ դրամ գումարին համարժեք 1000 ԱՄՆ դոլլար, իսկ 617.100 ՀՀ դրամ գումարին համարժեք 1700 ԱՄՆ դոլլարը խարդախությամբ հափշտակել է՝ Մ.Գևորգյանին պատճառելով խոշոր չափերի հասնող գույքային վնաս։
3.Ապացույցների հետազոտում.
Առաջադրված մեղադրանքում նախնական քննության ընթացքում Լալվար Լևիկի Հարությունյանն իրեն մեղավոր է ճանաչել լիովին և ցուցմունք է տվել այն մասին, որ 2009թ. վերջերին իր ֆինանսական վիճակը կտրուկ վատացել է, կապված այն բանի հետ, որ երկարատև ծանր հիվանդությունից հետո մահացել է կինը, կատարել է թաղման ծախսեր: Այդ ժամանակ փաստացի ամուսնական հարաբերություններ է հաստատել Մարգարիտա Համբարձումյանի հետ։Քանի որ շատ պարտքեր է ունեցել, իր ծանոթ Աևակ Հենզելի Հարությունյանից պարտքով գումար է վերցրել՝ 24.500 ԱՄՆ դոլլար գումարի չափով։Այդ գումարը պարտքով վերցրել է, որպեսզի կինը՝ Մարգարիտա Համբարձումյանը արտասահմանից հագուստ բերի և վաճառի Հայաստանում: Այդ գումարից նաև մարել է իր պարտքերի մի մասը: Կինը հագուստ է բերել Սիրիայից, սակայն այնպես է ստացվել, որ դրանք չեն վաճառվել, գումարը ծախսվել է։Սևակ Հարությունյանից պարտքով գումար վերցնելու ժամանակ պայմանավորվել են, որ, որպես երաշխիք, իր` Երևանի Գերցենի փողոցի 4 հասցեում գտնվող տունը ձևակերպվի Սևակ Հարությունյանի անվամբ, այնուհետև, երբ կվերադարձնի պարտքը Ս.Հարությունյանին, տունը կրկին կանվանափոխվի իր անվամբ։Այսպես կոչված ՙձևական առուվաճառքի՚ պայմանագիրը իր և Սևակ Հարությունյանի միջև կնքվել է 2010թ. ապրիլի 15-ին: Քանի որ աշխատանք չի ունեցել և չի կարողացել մարել պարտքերը, որոշել է վաճառել Գերցենի փողոցի 4 հասցեում գտնվող իր տունը։ Այդ նպատակով հայտարարություններ է փակցրել փողոցի լուսասյուների վրա։2011թ. հունվար ամսին իր տուն են եկել Միլիտոն Գևորգյանը և կինը։Հավանել են տունը և որոշել են գնել այն։Ինքն ասել է, որ տան արժեքը 27.000 ԱՄՆ դոլլար է։Միլիտոն Գևորգյանը համաձայնել է և ասել, որ 15.000 ԱՄՆ դոլլար գումարը կտա առձեռն, իսկ մնացած 12.000 ԱՄՆ դոլլար գումարը կտա երեք տարվա րնթացքում։Պայմանավորվել են և, քանի որ գումար չի ունեցել, Մ.Գևորգյանից կանխավճար է խնդրել։Հենց այդ օրը՝ 2011թ. հունվարի 30-ին իր տանը Մ.Գևորգյանն իրեն տվել է 2700 ԱՄՆ դոլլար գումար՝ որպես կանխավճար և պայմանավորվել են, որ մեկ շաբաթ հետո կատարեն տան առուվաճառքի հետ կապված գործողությունները։Այդ մասին տեղյակ է պահել Աևակ Հարությունյանին, սակայն վերջինս ասել է, որ այդ տարբերակն իրեն ձեռնատու չէ և իրեն անհրաժեշտ է գումարն ամբողջությամբ։Քանի որ Միլիտոն Գևորգյանը տունը գնելու համար տալու էր գումարի կեսը, իսկ մյուս կեսը տալու էր երեք տարվա րնթացքում, իսկ պարտատեր Սևակ Հարությունյանն էլ պահանջել է պարտքն ամբողջությամբ վճարել, որոշել է տունը վաճառել այլ մարդու, ով կվճարեր տան գումարն ամբողջությամբ։ Ինտերնետի միջոցով տունը վաճառելու վերաբերյալ հայտարարություն է տվել և 2011թ. փետրվարի 21-ին 25.000 ԱՄՆ դոլլար գումարով իր տունը վաճառել է Սուսաննա Թումասյանին։Այդ գումարից 24.500 ԱՄՆ դոլլար գումարը տվել է Սևակ Հարությունյանին պարտք եղած գումարը, իսկ մնացած 500 ԱՄՆ դոլլար գումարի վրա ավելացրել է 900 ԱՄՆ դոլլար գումար, որը պարտքով վերցրել է իր ընկերներից և այդ 1400 ԱՄՆ դոլլար գումարը տվել է Հայկուհի Կարապետյանին, ով իր ընտանիքին հարազատ մարդ է և օգնել է իրենց տունը վաճառելու հարցում, որպեսզի նա այդ գումարը փոխանցի Միլիտոն Գևորգյանին, ումից կանխավճար էր վերցրել 2700 ԱՍՆ դոլլար գումարի չափով՝ տունը նրան վաճառելու համար։Իր տված 1400 ԱՄՆ դոլլար գումարից Հայկուհի Կարապետյանը 400 ԱՄՆ դոլլար գումարը խնդրել է պարտքով վերցնել, իսկ մնացած 1000 ԱՄՆ դոլլար գումարը պետք է փոխանցեր Միլիտոն Գևորգյանին։Ինքը Միլիտոն Գևորգյանին պարտք է 1700 ԱՄՆ դոլլար գումար։ Չի հրաժարվում իր պարտքից, կաշխատի ու կվերադարձնի պարտքը։
Դատական քննության ընթացքում Լալվար Հարությունյանն ըստ էության ընդունեց Միլիտոն Գևորգյանից գումար վերցնելու հանգամանքը և իրեն մեղավոր չճանաչեց, հայտնելով, որ ինքը որևէ հանցանք չի կատարել և աշխատելու առաջին իսկ հնարավորության դեպքում կվերադարձնի Միլիտոն Գևորգյանի ողջ գումարը:
Ամբաստանյալ Լալվար Հարությունյանի հանցանքը հիմնավորվել է նաև գործով ձեռք բերված հետևյալ ապացույցներով.
Տուժող Միլիտոն Շահիսի Գևորգյանի ցուցմունքով այն մասին, որ 2010թ. դեկտեմբեր ամսին վաճառել է իր բնակարանը և որոշել է Զեյթուն թաղամասում նոր բնակարան գնել: 2011թ. հունվար ամսին Զեյթուն թաղամասի լուսասյուներից մեկի վրա նկատել է հայտարարություն՝ Գերցենի փողոցի թիվ 4 հասցեում գտնվող տան վաճառքի վերաբերյալ։Զանգահարել է Հայկուհի Կարապետյանին, քանի որ հայտարարության մեջ գրված է եղել վերջինիս բջջային հեռախոսահամարը, և իմացել տան տեղը։Հաջորդ օրր կնոջ հետ միասին գնացել է Գերցենի 4 հասցե և տեսել այդ տունը։Տանտեր Լալվար Հարությունյանից իմացել է, որ տունը վաճառվում է 27.000 ԱՍՆ դոլլար գումարով։Ինքն ասել է, որ 15.000 ԱՄՆ դոլլար գումարը կտա առձեռն, իսկ մնացած 12.000 ԱՍՆ դոլլար գումարը կմարի 3 տարվա րնթացքում։Համաձայնության են եկել և Լալվար Հարությունյանն ասել է, որ որոշակի գումար կանխավճար թողի։2011թ. հունվարի 30-ին Լալվար Հարությունյանի՝ Գերցենի 4 հասցեում գտնվող տանը, առձեռն վերջինիս տվել է 2700 ԱՄՆ դոլլար գումար, որպես կանխավճար, որի վերաբերյալ Լ.Հարությունյանը գրել է ստացական, որն ստորագրել են իր կինը՝ Ռ.Մանուկյանը, Լ.Հարությունյանը և վերջինիս կինը` Մ.Համբարձումյանը: Պայմանավորվել են, որ մեկ շաբաթ անց պետք է կատարեն տան առուվաճառքի հետ կապված գործողությունները։Մեկ շաբաթ անց կնոջ հետ գնացել են Լ.Հարությունյանի տուն, սակայն վերջինս ասել է, որ փաստաթղթերը դեռ պատրաստ չեն և 2-3 օրից պատրաստ կլինեն։2-3 օր անց, երբ կնոջ հետ նորից գնացել են Լալվար Հարությունյանի տուն, վերջինս իրենց ասել է, որ չի կարող տունը վաճառել իրեն, քանի որ տունը գրավի տակ է գտնվում։Ասել է նաև, որ ճիշտ է, տունը չի վաճառել իրենց, սակայն կանխավճարն անպայման հետ կվերադարձնի, սակայն չի վերադարձրել: Միայն 2011թ. մարտ ամսի կեսերին իր համառության շնորհիվ Հայկուհի Կարապետյանն իրեն վերադարձրել է 900 ԱՄՆ դոլլար գումար՝ ասելով, որ այդ գումարը Լալվար Հարությունյանն է տվել և խնդրել է փոխանցել իրեն։Լալվար Հարությունյանը Հայկուհի Կարապետյանին տվել է 1000 ԱՄՆ դոլլար գումար, որպեսզի վերջինս փոխանցի իրեն, սակայն Հայկուհի Կարապետյանը գումարը տալու ժամանակ նշված 1000 ԱՍՆ դոլլար գումարից 100 ԱՄՆ դոլլարը խնդրել է պարտքով վերցնել, սակայն չի վերադարձրել։Հետագայում Լալվար Հարությունյանից իմացել է, որ Գերցենի 4 հասցեում գտնվող տունը վաճառել է այլ մարդու։ Լալվար Հարությունյանն ասել է, որ դա կապ չունի և կվերադարձնի պարտքը, սակայն այդպես էլ չի վերադարձրել։
Միլիտոն Գևորգյանը հայտնել է, որ Հայկուհի Կարապետյանը վերադարձրել է իրենից պարտքով վերցրած 100 ԱՄՆ դոլլար գումարը, վերադարձվել Է նաև 400 ԱՄՆ դոլլար: Ինքը տոկոսներ չի պահանջում, միայն պահանջում է մնացած 1300 ԱՄՆ դոլլար գումարը։
Նույնաբովանդակ ցուցմունք է տվել նաև տուժող Միլիտոն Գևորգյանի կինը` Ռուզաննա Աշիկի Մանուկյանը։
Վկա Հայկանուշ Վաղարշակի Կարապետյանի նախնական քննության ընթացքում տված ցուցմունքով այն մասին, որ շուրջ 2 տարի ճանաչում է Լալվար Հարությունյանին։Քանի որ նախկինում աշխատել է որպես անշարժ գույքի գործակալ, Լալվար Հարությունյանր դիմել է իրեն, որպեսզի օգնի վաճառելու Գերցենի 4 հասցեում գտնվող Լալվար Հարությունյանի տունը։Օգնել է տան վաճառքի հարցում, հայտարարություններ են փակցրել փողոցի լուսասյուների վրա և քանի որ հայտարարության մեջ նշված է եղել նաև իր բջջային հեռախոսահամարը, 2011թ. հունվար ամսվա վերջերին իրեն զանգահարել է Միլիտոն Գևորգյանը։Վերջինիս բացատրել է տան տեղը: 2011թ. հունվարի 30-ին Միլիտոն Գևորգյանը կնոջ հետ գնացել է Լալվար Հարությունյանի տուն։Միլիտոն Գևորգյանը և Լալվար Հարությունյանը միմյանց հետ պայմանավորվել են և տան վաճառքի վերջնական գին է որոշվել 27.000 ԱՄՆ դոլլար գումարը։ Միլիտոն Գևորգյանն ասել է, որ տան գումարի կեսը կտա սկզբում, իսկ մյուս կեսը կմարի երեք տարվա րնթացքում։Պայմանավորվել են և Լալվար Հարությունյանը Միլիտոն Գևորգյանից կանխավճար է ուզել։Հենց այդ ժամանակ Միլիտոն Գևորգյանը որպես կանխավճար անձամբ Լալվար Հարությունյանին տվել է 2700 ԱՄՆ դոլլար գումար։Պայմանավորվել են նաև 10-15 օրվա ընթացքում կատարել տան առուվաճառքի հետ կապված գործողությունները։ 2011թ. փետրվար ամսին Լալվար Հարությունյանի կնոջից՝ Մարգարիտա Համբարձումյանից տեղեկացել է, որ Լ.Հարությունյանն իր տունը վաճառել է մեկ այլ մարդու, ում ինքը չի տեսել և չի ճանաչում։ Տեղեկացել է նաև, որ տունը վաճառվել է 25.000 ԱՄՆ դոլլար գումարով, սակայն չգիտի, թե ինչ է արել այդ գումարը Լալվար Հարությունյանը, ինչպես նաև չգիտի, թե ինչ է արել Լալվար Հարությունյանը Միլիտոն Գևորգյանի տված կանխավճարը։Իր տունը վաճառելուց հետո Լալվար Հարությունյանը գնացել է Լաչին քաղաք՝ աշխատելու և Միլիտոն Գևորգյանի տված կանխավճարը վերադարձնելու նպատակով: Գնալուց առաջ իրեն տվել է 1000 ԱՄՆ դոլլար գումար, որպեսզի ինքը փոխանցի Միլիտոն Գևորգյանին։Այդ գումարը տվել է Միլիտոն Գևորգյանին և քանի որ իր ֆինանսական վիճակը վատ է եղել, Մ.Գևորգյանին խնդրել է այդ գումարից 100 ԱՄՆ դոլլար փոխարինաբար տալ իրեն` ընդհանուր գումարի հետ հետ վերադարձնելու պայմանով։ Միլիտոն Գևորգյանը չի առարկել, 900 ԱՄՆ դոլլար գումարը վերցրել է, իսկ 100 ԱՄՆ դոլլար գումարը պարտքով տվել է իրեն։ Նշել է նաև, որ Լալվար Հարությունյանի տան վաճառքի հարցերում ինքն անշարժ գույքի գործակալի կարգավիճակում չի եղել, գումարային շահ ստանալու նպատակ չի ունեցել և չի ստացել, պարզապես փորձել է օգնել նրան որպես հարազատ և մտերիմ մարդու, որպեսզի նա կարողանա վաճառել իր տունը և փակել իր պարտքերը։Նշել է նաև, որ 400 ԱՄՆ դոլլար գումար պարտքով վերցրել է Լալվար Հարությունյանից և պարտավորվել է վերադարձնել այդ գումարը։
Վկա Մարգարիտա Աղվանի Համբարձումյանի ցուցմունքով այն մասին, որ շուրջ 5 տարի առաջ ամուսնական հարաբերություններ է հաստատել Լալվար Հարությունյանի հետ և աղջկա հետ տեղափոխվել է վերջինիս՝ Գերցենի 4 հասցեում գտնվող տուն։ 2009թ. վերջերին իրենց ընտանիքի ֆինանսական վիճակը կտրուկ վատացել է, մահացել է ամուսնու նախկին կինը, կատարել են թաղման ծախսեր։ Քանի որ շատ պարտքեր են ունեցել, ամուսնու ծանոթ Սևակ Հենզելի Հարությունյանից պարտքով վերցրել են 24.500 ԱՄՆ դոլլար գումար, որպեսզի ինքն արտասահմանից հագուստ բերի և վաճառի Հայաստանում, ինչպես նաև այդ գումարից մարեն իրենց պարտքերի մի մասը։Հագուստ է բերել Սիրիայից, սակայն այնպես է ստացվել, որ դրանք չեն վաճառվել, գումարը ծախսվել է։Ամուսնու և Սևակ Հարությունյանի միջև եղած պայմանավորվածության համաձայն, որպես երաշխիք, ամուսնու՝ Գերցենի 4 հասցեում գտնվող տունը ձևակերպվել է Սևակ Հարությունյանի անվամբ: Երբ կվերադարձվեր պարտքը, տունը կրկին կանվանափոխվեր ամուսնու անվամբ։Քանի որ իրենք աշխատանք չեն ունեցել և չեն կարողացել մարել պարտքերը, ամուսինը որոշել է վաճառել Գերցենի փողոցի 4 հասցեում գտնվող տունը։Այդ նպատակով հայտարարություններ են փակցրել փողոցի լուսասյուների վրա։2011թ. հունվար ամսին իրենց տուն են գնացել Միլիտոն Գևորգյանը և կինը։ Հավանել են տունր և որոշել են գնել այն։ Ամուսինն ասել է, որ իր տան արժեքը 27.000 ԱՄՆ դոլլար է։Միլիտոն Գևորգյանը համաձայնել է և ասել, որ 15.000 ԱՄՆ դոլլար գումարը կտա առձեռն, իսկ մնացած 12.000 ԱՄՆ դոլլար գումարը կտա երեք տարվա րնթացքում։Պայմանավորվել են և, քանի որ գումար չեն ունեցել, ամուսինը Մ.Գևորգյանից կանխավճար է խնդրել։Հենց այդ օրը՝ 2011թ. հունվարի 30-ին իրենց տանը Մ.Գևորգյանը Լալվար Հարությունյանին տվել է 2700 ԱՄՆ դոլլար գումար, որպես կանխավճար և պայմանավորվել են, որ մեկ շաբաթ հետո կատարեն տան առուվաճառքի հետ կապված գործողությունները։Այդ մասին տեղյակ են պահել Սևակ Հարությունյանին, սակայն վերջինս ասել է, որ այդ տարբերակն իրեն ձեռնատու չէ և իրեն անհրաժեշտ է գումարն ամբողջությամբ։Քանի որ Միլիտոն Գևորգյանը տունը գնելու համար պետք է տար գումարի կեսը, իսկ մյուս կեսը տալու էր երեք տարվա ընթացքում, իսկ իրենց պարտատեր Սևակ Հարությունյանն էլ պահանջում էր գումարն ամբողջությամբ, 2011թ. փետրվարի 21-ին 25.000 ԱՄՆ դոլլար գումարով տունը վաճառվել է Սուսաննա Թումասյանին։Այդ գումարից 24.500 ԱՄՆ դոլլար տվել են Սևակ Հարությունյանին պարտք եղած գումարը, իսկ մնացած 500 ԱՄՆ դոլլար գումարի վրա ամուսինը գումար է ավելացրել և 1000 ԱՄՆ դոլլար գումար տվել է Հայկուհի Կարապետյանին, ով իր րնկերուհին է և օգնել է իրենց տունր վաճառելու հարցում, որպեսզի նա այդ գումարը փոխանցի Միլիտոն Գևորգյանին։ Այդպես ամուսինը Միլիտոն Գևորգյանին պարտք է մնացել 1700 ԱՍՆ դոլլար գումար։
Այլ փաստաթուղթ հանդիսացող, ապացույց ճանաչված և քրեական գործին կցված տուժող Մ.Գևորգյանի ներկայացրած 2 ստացականներով և ՀՀ ԿԱ անշարժ գույքի կադաստրի պետական կոմիտեի Զեյթուն տարածքային ստորաբաժանումից առգրավված Երևանի Գերցենի փողոցի 4 տան առուվաճառքի պայմանագրի բնօրինակով, համաձայն որոնց, Լալվար Լևիկի Հարությունյանն իր տունը վաճառելու պատրվակով որպես կանխավճար Միլիտոն Շահիսի Գևորգյանից վերցրել է 2700 ԱՄՆ դոլլար գումար, 2011թ. փետրվարի 21-ին Սևակ Հարությունյանի անվամբ ձևակերպված Գերցենի փողոցի 4 հասցեում գտնվող իր տունը Լալվար Հարությունյանը վաճառել է Սուսաննա Թումասյանին:
Դատարանը գտնում է, որ գործով անթույլատրելի և ոչ վերաբերելի ապացույցներ չկան:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Լալվար Լևիկի Հարությունյանին առաջադրված մեղադրանքը ՀՀ քրեական օրենսգրքի 178 հոդվածի 2-րդ մասի 2-րդ կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 2-րդ կետի հատկանիշներին և արարքի որակումը ճիշտ է:
Ամբաստանյալ Լալվար Լևիկի Հարությունյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Լալվար Հարությունյանը ենթակա է քրեական պատասխանատվության և պատժի:
Հաշվի առնելով Լալվար Լևիկի Հարությունյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 178 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Լալվար Հարությունյանի նկատմամբ ՀՀ քրեական օրենսգրքի 178 հոդվածի 2-րդ մասի 2-րդ կետով նախատեսված արարք կատարելու համար պատիժ պետք է նշանակել ազատազրկման ձևով:
ՀՀ Ազգային ժողովի 2011 թվականի մայիսի 26-ի ՙՀամաներում հայտարարելու մասին՚ որոշման 15-րդ կետի համաձայն, ՙՀամաներում հայտարարելու մասին՚ որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Լալվար Լևիկի Հարությունյանը հանրորեն վտանգավոր արարքը կատարել է 2011 թվականի հունվարին:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ Լալվար Լևիկի Հարությունյանի նկատմամբ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալ Լալվար Լևիկի Հարությունյանի նկատմամբ կիրառելի է ՀՀ Ազգային Ժողովի 2011 թվականի մայիսի 26-ի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշումը:
Դատարանը գտնում է, որ Լալվար Հարությունյանի դեմ ներկայացված տուժող Միլիտոն Գևորգյանի քաղաքացիական հայցի պահանջը պետք է բավարարել և Լալվար Լևիկի Հարությունյանից հօգուտ Միլիտոն Շահիսի Գևորգյանի, որպես հանցագործությամբ պատճառված վնաս, պետք է բռնագանձել 1300 ԱՄՆ դոլարին համարժեք ՀՀ դրամ գումար:
Ապացույց ճանաչված այլ փաստաթուղթ հանդիսացող` տուժող Մ.Գևորգյանի ներկայացրած 2 ստացականները և ՀՀ ԿԱ անշարժ գույքի կադաստրի պետական կոմիտեի Զեյթուն տարածքային ստորաբաժանումից առգրավված Գերցենի 4 տան առուվաճառքի պայմանագրի բնօրինակը պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց

Լալվար Լևիկի Հարությունյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 2-րդ կետով և նրան դատապարտել ազատազրկման երեք (3) տարի ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Լալվար Լևիկի Հարությունյանին ազատել պատժի կրումից:
Լալվար Լևիկի Հարությունյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Տուժող Միլիտոն Գևորգյանի քաղաքացիական հայցը բավարարել. Լալվար Լևիկի Հարությունյանից հօգուտ Միլիտոն Շահիսի Գևորգյանի, որպես հանցագործությամբ պատճառված վնաս, բռնագանձել հազար երեք հարյուր (1300) ԱՄՆ դոլլարին համարժեք ՀՀ դրամ գումար:
Ապացույց ճանաչված այլ փաստաթուղթ հանդիսացող` տուժող Մ.Գևորգյանի ներկայացրած 2 ստացականները և ՀՀ ԿԱ անշարժ գույքի կադաստրի պետական կոմիտեի Զեյթուն տարածքային ստորաբաժանումից առգրավված Երևանի Գերցենի փողոցի 4 տան առուվաճառքի պայմանագրի բնօրինակը պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:


ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ