գործ No ԵԱՔԴ/0098/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

29.08.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Լ.Մանուկյանի
ամբաստանյալ Ա. Ալավերդյանի
պաշտպան Ա. Ավագյանի
տուժողի օրինական ներկայացուցիչ` Ն. Մուսաբեկյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Աբրահամ Երվանդի Ալավերդյանի (ծնված 20.08.1974թ., ՌԴ, ք. Նովոսիբիրսկ, ազգությամբ հայ, ՀՀ քաղաքացի, ութամյա կրթությամբ, ամուսնացած,չի աշխատում, նախկինում հինգ անգամ դատված, դատվածությունը չմարված, հաշվառված`ք. Երևան, Նորքի 2 զանգված, Թոթովենցի փող., 7 շ., բն. 22):
Մեղադրվում է ՀՀ քրեական օրենսգրքի 176-րդ հոդվածի 1-ին մասով:

Պ Ա Ր Զ Ե Ց

1.Գործի դատավարական նախապատմությունը
Հանցավոր արարքը կատարվել է 2011 թվականի մայիսի 7-ին:
2011 թվականի հունիսի 7-ին հարուցվել է թիվ 14114511 քրեական գործը:
2011 թվականի հունիսի 10-ին Աբրահամ Ալավերդյանին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով, որպես խափանման միջոց է ընտրվել կալանավորումը:
2011 թվականի հուլիսի 1-ին որոշում է կայացվել Աբրահամ Ալավերդյանինառաջադրված մեղադրանքը փոփոխելու մասին:
2011թ. հուլիսի 1-ին Աբրահամ Երվանդի Ալավերդյանին կրկին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով:
2011 թվականի հուլիսի 18-ին թիվ 14114511 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Աբրահամ Ալավերդյանին ՀՀ քրեական օրենսգրքի 176-րդ հոդվածի 1-ին մասով մեղադրանք է առաջադրել այն արարքի համար, որ ՙնա ուրիշի գույքի բացահայտ հափշտակություն կատարելու նպատակով, 2011 թվականի մայիսի 7-ին` ժամը 16:30-ի սահմաններում, Երևան քաղաքի Ադոնց փողոցի 7 հասցեում գտնվող թիվ 77 դպրոցի մոտ զանգահարելու պատրվակով,անչափահաս` 1999թ. ծնված Էրիկ Նորիկի Մուսաբեկյանից, վերցրել է վերջինիս պատկանող, 12.500 ՀՀ դրամ արժողությանՙԱՆՈՎԱ-Վ99՚ մոդելի բջջային հեռախոսը ու ձևացնելով, թե խոսում է, քայլել է դեպի թիվ 77 դպրոցի բակ, որտեղ դպրոցի պահակին իբր լուր հայտնելու համար Է. Մուսաբեկյանից պահանջել է կանչել նրան, սակայն վերջինիս հասկանալով , որ Ա. Ալավերդյանը ցանկանում է հափշտակել իր բջջային հեռախոսը հրաժարվել է կատարել նրա պահանջը` պատճառաբանելով, որ հեռախոսը չի թողնի:Տեսնելով, որ իր պահանջը չի կատարվում, Ա. Ալավերդյանը բղավել է Մուսաբեկյանի վրա, ինչի հետևանքով վերջինս վախեցել է ու թողնելով բջջային հեռախոսը Ա. Ալավերդյանի մոտ, գնացել է դպրոցի պահակին կանչելու , սակայն հետ շրջվելով նկատել է, որ Ալավերդյանը դիմել է փախուստի՚:

3. Արագացված դատական քննություն
Մինչև դատաքննությունն սկսելն ամբաստանյալ Աբրահամ Ալավերդյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա. Ավագյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Տուժողի օրինական ներկայացուցիչ Նորայր Մուսաբեկյանը դատաքննության փուլում նշեց ,որ չի առարկում արագացված դատաքննության կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Աբրահամ Ալավերդյանի մեղավորությունը ՀՀ քրեական օրենսգրքի 176-րդ հոդվածի 1-ին մասի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Աբրահամ Ալավերդյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն որ ընդունել է մեղքը և անկեղծորեն զղջացել է կատարած արարքի համար, ֆիզիկապես վատառողջ:
Որպես ամբաստանյալի պատասխանատվությունը և պատիժը ծանրացնող հանգամանք դատարանն արձանագրում է առանձնապես վտանգավոր ռեցիդիվի առկայությունը :
Անդրադառնալով իրեղեն ապացույցների տնօրինման հարցին` դատարանը գտնում է, որ գործով իրեղեն ապացույց ճանաչված ՙԱՆՈՎԱ-Վ99՚ մոդելի բջջային հեռախոսը պետք է վերադարձնել տուժողի օրինական ներկայացուցչին:
Ղեկավարվելով ՀՀ քրեական դատավարության օրենսգրքի 119-րդ, 134-րդ, 357-360-րդ, 3753-րդ և 3754-րդ , 379-րդ հոդվածներով, դատարանը
Վ Ճ Ռ Ե Ց

Աբրահամ Երվանդի Ալավերդյանին մեղավոր ճանաչել ՀՀ քրեական օրենսգրքի 176-րդ հոդվածի 1-ին մասով և նրա նկատմամբ պատիժ նշանակել ազատազրկում 2/երկու/ տարի ժամկետով:
Աբրահամ Երվանդի Ալավերդյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Պատժի սկիզբը հաշվել 2011 թվականի հունիսի 7-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Քրեական գործով իրեղեն ապացույց ճանաչված ՙԱՆՈՎԱ-Վ99՚ մոդելի բջջային հեռախոսը վերադարձնել տուժողի օրինական ներկայացուցչին:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: