գործ No ԵԱՔԴ/0094/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

21.07.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Մ.Հակոբյանի
ամբաստանյալ Կ.Մարկոսյանի
պաշտպան Ն.Մեհրաբյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի Կարեն Լյովայի Մարկոսյանի /ծնված 02.02.1980թ. Կոտայքի մարզ, ք.Հրազդան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 1 մանկահասակ երեխա, չի աշխատել, նախկինում դատված` Կոտայքի մարզի ընդհանուր իրվասության դատարանի 23.02.2004թ. դատավաճռով ՀՀ քր. օր-ի 104 հոդվածի 2-րդ մասի 10-րդ կետով դատապարտվել է 11 տարի ժամանակով ազատազրկման, Վճռաբեկ դատարանի կողմից որպես պատիժ սահմանվել է 9 տարի ժամանակով ազատազրկում, պատժի կրումից պայմանական վաղակետ ազատվել է 07.08.2009թ., ունի 2 տարի 1 ամիս 15 օր պատժի չկրած պատիժ, դատվածությունը չմարված, հաշվառված Կոտայքի մարզ ք.Հրազդան, Կոճոռ թաղամաս, տուն 104, բնակվել է Երևան քաղաքի Արաբկիր 29 փողոց տուն 31, ներկայումս ՙՆուբարաշեն՚ ՔԿՀ կալանավոր/:
Մեղադրվում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 268-րդ հոդվածի 1-ին մասով:

Պ Ա Ր Զ Ե Ց

1.Գործի դատավարական նախապատմությունը
18.01.2011թ. հարուցվել է թիվ 69100111/1 քրեական գործը:
20.01.2011թ. Կարեն Մարկոսյանին մեղադրանք է առաջադրվել և խափանման միջոց է կիրառվել կալանքը:
20.06.2011թ. Կարեն Մարկոսյանին առաջադրված մեղադրանքը փոփոխվել է:
2011թ. հուլիսի 7-ին թիվ 69100111/1 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Կարեն Մարկոսյանին ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 268-րդ հոդվածի 1-ին մասով մեղադրանք է առաջադրել այն արարքի համար, որ ՙառանց իրացնելու նպատակի, իր գործածման համար 2011թ. հունվարի 16-ին ժամը 17:00-ի սահմաններում Երևան քաղաքի Գրիբոյեդով փողոցի գազալցակայանի մոտ Հայկ Հովհաննիսյանից 20.000 ՀՀ դրամ գումարով ապօրինի ձեռք է բերել խոշոր չափի` մոտ 1 գրամ ՙափիոն՚ տեսակի թմրամիջոց, որը նույն օրը կուլ տալու եղանակով գործածել է:
Բացի այդ, Կարեն Մարկոսյանն առանց իրացնելու նպատակի, իր գործածման համար, 2011թ. հունվարի 17-ին ժամը 17:00-ի սահմաններում Երևան քաղաքի Գրիբոյեդով փողոցի գազալցակայանի մոտ Հայկ Հովհաննիսյանից 10.000 ՀՀ դրամ գումարով ապօրինի ձեռք է բերել զգալի չափի` 0.34 գրամ ՙափիոն՚ տեսակի թմրամիջոց և ապօրինի պահել իր մոտ, որը նույն օրը հայտնաբերվել է ոստիկանների կողմից կատարված նրա անձնական խուզարկությամբ՚:

3. Արագացված դատական քննություն
Մինչև դատաքննությունն սկսելն ամբաստանյալ Կարեն Մարկոսյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ն.Մեհրաբյանը:
Մեղադրող Մ.Հակոբյանը դատական քննության արագացված կարգ կիրառելուն չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Կարեն Մարկոսյանին առաջադրված մեղադրանքը ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 268-րդ հոդվածի 1-ին մասով հիմնավորված է, որի համար նա ենթակա է քրեական պատասխանատվության և պատժի:
Կարեն Մարկոսյանի նկատմամբ պատիժ նշանակելիս դատարանը հաշվի է առնում կատարած արարքի հանրության համար վտանգավորության աստիճանը և բնույթը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև հանցավորի անձը բնութագրող տվյալները:
Ամբաստանյալ Կարեն Մարկոսյանի պատասխանատվությունը և պատիժը մեղմացնող հանգամանքներ, ինչպես նաև անձը բնութագրող տվյալներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար:
Դատարանն ամբաստանյալի պատասխանատվությունը և պատիժը ծանրացնող հանգամանք է դիտում հանցագործությունների ռեցիդիվը:
Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց ճանաչված 0.34 գրամ հաստատուն քաշով ՙափիոն՚ տեսակի թմրամիջոցը պետք է ոչնչացնել, իսկ ՙՆոկիա՚ մակնիշի բջջային հեռախոսը` բջջային հեռախոսաքարտով, պետք է վերադարձնել Կ.Մարկոսյանին:
Ղեկավարվելով ՀՀ քրեական դատավարության օրենսգրքի 119-րդ, 357-360, 3753 և 3754 հոդվածներով, դատարանը

Վ Ճ Ռ Ե Ց

Կարեն Լյովայի Մարկոսյանին մեղավոր ճանաչել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 268-րդ հոդվածի 1-ին մասով:
ՀՀ քրեական օրենսգրքի 268-րդ հոդվածի 2-րդ մասի 2-րդ կետով նրա նկատմամբ պատիժ նշանակել ազատազրկում 1 /մեկ/ տարի ժամկետով:
ՀՀ քրեական օրենսգրքի 268-րդ հոդվածի 1-ին մասով` ազատազրկում 6 /վեց/ ամիս ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակի գումարելու միջոցով Կ.Մարկոսյանի նկատմամբ պատիժ նշանակել ազատազրկում 1 /տարի/ տարի 3 /երեք/ ամիս ժամկետով:
ՀՀ քրեական օրենսգրքի 67-րդ հոդվածի 4-րդ մասի կիրառմամբ նշանակված պատժին մասնակիորեն գումարել Կոտայքի մարզի ընդհանուր իրավասության դատարանի 23.02.2004թ. դատավաճռով նշանակված պատժի չկրած մասից 1 /մեկ/ տարի 3 /երեք/ ամիս ազատազրկումը և Կարեն Լյովայի Մարկոսյանի նկատմամբ վերջնական պատիժ նշանակել ազատազրկում 2 /երկու/ տարի 6 /վեց/ ամիս ժամկետով:
ՀՀ քրեական օրենսգրքի 97-րդ հոդվածի կարգով Կարեն Մարկոսյանի նկատմամբ նշանակել ափիոնային թմրամոլության դեմ բժշկական բնույթի հարկադրանքի միջոց:
Պատժի սկիզբը հաշվել 2011թ. հունվարի 18-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Կարեն Մարկոսյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Իրեղեն ապացույց ճանաչված 0.34 գրամ հաստատուն քաշով ՙափիոն՚ տեսակի թմրամիջոցը ոչնչացնել, իսկ ՙՆոկիա՚ մակնիշի բջջային հեռախոսը` բջջային հեռախոսաքարտով, վերադարձնել Կ.Մարկոսյանին:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: