գործ No ԵԱՔԴ/0089/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

26.07.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա.Մնացականյանի
ամբաստանյալ Վ.Քալաշյանի
պաշտպան Ռ.Բաբայանի
տուժողի իրավահաջորդ` Ս.Գաբրիելյանի

Դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի`
Վազգեն Հասանի Քալաշյանի (ծնված 01.11.1973թ. ք. Երևան, ազգությամբ եզդի, ՀՀ քաղաքացի, միջնակարգ կրթությամբ, ամուսնացած` խնամքին 3 անչափահաս երեխա, չդատված, չի աշխատում,բնակվում է Ք. Երևան, Ավան 14 փող., 41 տուն):
Մեղադրվում է ՀՀ քրեական օրենսգրքի 242-րդ հոդվածի 2-րդ մասով և 244 հոդվածով:

Պ Ա Ր Զ Ե Ց

1.Գործի դատավարական նախապատմությունը
Հանցավոր արարքը կատարվել է 2011 թվականի մայիսի 8-ին:
2011 թվականի մայիսի 8-ին հարուցվել է թիվ 60111111 քրեական գործը:
2011 թվականի մայիսի 12-ին Վ. Քալաշյանը ձերբակալվել է:
2011 թվականի մայիսի 14-ին Վ. Քալաշյանը ներգրավվել է որպես մեղադրյալ և նրա նկատմամբ որպես խափանման միջոց է ընտրվել կալանքը նրան մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244 հոդվածով:
2011թ. հունիսի 29-ին թիվ 60111111 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Վազգեն Հասանի Քալաշյանին ՀՀ քրեական օրենսգրքի 242-րդ հոդվածի 2-րդ մասով և 244 հոդվածով մեղադրանք է առաջադրել այն արարքի համար, որ ՙնա 2011 թվականի մայիսի 8-ին ժամը 19:00-ի սահմաններում իր անձնական օգտագործման ՙՎազ-2107՚մակնիշի 78 DU 888 պ/հ ավտոմեքենան վարել է Երևան քաղաքի Թբիլիսյան խճուղով` Աբովյան քաղաքի կողմից Ազատության պողոտայի ուղղությամբ իր ուղեմասի ձախ գոտով` շուրջ 70կմ/ժ արագությամբ:Իր ընթացքի ուղղության նկատմամբ աջից դեպի ձախ կողմ` թիվ 210 էլ. սյան դիմացից, ձախ ուղղվածությամբ շեղանկյան տակ,արագ քայլերով խճուղին հատող Սուրեն Միքայելի Գաբրիելյանին ավտովարորդ Քալաշյանը նկատել է ճամփեզրից սկսած և շարունակել նույն ուղղությամբ և արագությամբ ընթանալ:Տեսնելով, որ Գաբրիելյանը մուտք է գործում իր ընթացագոտի, դիմացից նրան շրջանցելու նպատակով Քալաշյանը խախտել է ՃԵԿ-ի2 և 53 կետերի, հավելված N1-ի Ձև N2 գծանշման, ՙՃանապարհային գծանշումներ՚ բաժնի 1.3 համարակալումն ունեցող հորիզոնական ինչպես նաև` ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ մասի պահանջները` երկկողմ երթևեկությամբ 4 գոտի ունեցող հանդիպակաց ուղղությունների տրանսպպորտային հոսքերը զույգ հոծ գծանշումով բաժանված ճանապարհային պայմաններում, հոծ գիծը հատելով և հանդիպակաց ուղեմաս մտնելն արգելված լինլու հանգամանքն անտեսելով, ձախ է մանևրել ու հատելով զույգ հոծ գիծը` մուտք է գործել հանդիպակաց ուղեմաս, շարունակել երթևեկությունն այդ ուղեմասով` իրականացրել ձախակողմյան երթևեկություն և ստեղծել վթարային իրադրությու, որպիսի գործողությունների հետևանքով էլ ավտոմեքենայի առջևի աջ հանդիպակաց ուղեմասում գտնվող Գաբրիելյանին ու անզգուշությամբ պատճառել նրան մահ:Վրաերթից հետո վազգեն Քալաշյանը խախտել է նաև ՙՃանապարհային երթևեկության անվտանգության ապահովման մասին՚ ՀՀ օրենքի 24 հոդվածի 2-րդ կետի Դ ենթակետի պահանջը, այն է թողնելով ՃՏՊ վայրը, հեռացել է՚:

3. Արագացված դատական քննություն
Մինչև դատաքննությունն սկսելն ամբաստանյալ Վազգեն Քալաշյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ռ. Բաբայանը:
Մեղադրող Ա. Մնացականյանը դատական քննության արագացված կարգ կիրառելուն չի առարկել:
Տուժողի իրավահաջորդ Սամվել Գաբրիելյանը դիմում է ներկայացրել դատարան և հայտնելով, որ Վ. Քալաշյանից որևէ պահանջ չունի, իրենց պատճառված վնասը ամբոջությամբ հատուցված է, և չի առարկում արագացված դատաքննության կարգ կիրառելու դեմ:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Վազգեն Քալաշյանի մեղավորությունը ՀՀ քրեական օրենսգրքի 242-րդ հոդվածի 2-րդ մասի և 244 հոդվածի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Վազգեն Քալաշյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, բնութագրվում է դրական, ընդունել է մեղքը և անկեղծորեն զղջացել է կատարած արարքի համար,ընտանիքը բաղկացած է 6 անձից,խնամքին են գտնվում երկրորդ խմբի հաշմանդամ մայրը և 3 անչափահաս երեխաները,ընտանիքի միակ կերակրողն է: հատուցել է տուժողի իրավահաջորդ Ս. Գաբրիելյանի պատճառված վնասը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Ղեկավարվելով ՀՀ քրեական դատավարության օրենսգրքի 134-րդ, 357-360-րդ, 3753-րդ և 3754-րդ , 379-րդ հոդվածներով, դատարանը

Վ Ճ Ռ Ե Ց

Վազգեն Հասանի Քալաշյանին մեղավոր ճանաչել ՀՀ քրեական օրենսգրքի 242-րդ հոդվածի 2-րդ մասով և 244 հոդվածով: և նրա նկատմամբ պատիժ նշանակել:
ՀՀ քրեական օրենսգրքի 242-րդ հոդվածի 2-րդ մասով` ազատազրկում 1/մեկ/տարի ժամկետով, զրկելով նրան տրանսպորտային միջոցներ վարելու իրավունքից 1/մեկ/ տարի ժամկետով:
ՀՀ քրեական օրենսգրքի 244 հոդվածով` տուգանք նվազագույն աշխատավարձի հարյուրապատիկի` 100.000 /հարյուր հազար/ՀՀ դրամի չափով` զրկելով տրանսպորտային միջոց վարելու իրավունքից 1/մեկ/ տարի ժամկետով:
ՀՀ քրեական օրենսգրքի 66-րդ հոդվածի կարգով, պատիժները լրիվ գումարելու միջոցով և 68-րդ հոդվածի կանոններով վերջնական պատիժ նշանակել ազատազրկում 1/մեկ/ տարի ժամկետով, տուգանք նվազագույն աշխատավարձի հարյուրապատիկի` 100.000 /հարյուր հազար/ՀՀ դրամի չափով, և զրկել տրանսպորտային միջոց վարելու իրավունքից 2/երկու/ տարի ժամկետով:
Վազգեն Հասանի Քալաշյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Պատժի սկիզբը հաշվել 2011 թվականի մայիսի 12-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:






ԴԱՏԱՎՈՐ Ա.ՄԿՐՏՉՅԱՆ