Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ն.Ղազարյանի
մասնակցությամբ
մեղադրող Լ. Մանուկյանի
պաշտպան Ա. Աթարբեկյանի

2011 թվականի հուլիսի 22-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Վիգեն Բագրատի Պապիկյանի, ծնված 1970 թվականի հունվարի 10-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, ֆիզիկապես վատառողջ, չի աշխատել, նախկինում չդատված, հաշվառված և բնակվել է Երևան քաղաքի Իսրայելյան փողոցի 37 շենքի թիվ 22 բնակարանում, մեղադրվում է ՀՀ քրեական օրենսգրքի 266 հոդվածի 2-րդ մասի 2-րդ կետով, 266 հոդվածի 4-րդ մասով, 268 հոդվածի 2-րդ մասի 2-րդ կետով, արգելանքի տակ է 2011 թվականի մարտի 24-ից,

Պ Ա Ր Զ Ե Ց
1.Գործի դատավարական նախապատմությունը.
2011թ. մարտի 24-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 266 հոդվածի 2-րդ մասի 2-րդ և 2.1 կետերով, 268 հոդվածի 2-րդ մասի 2-րդ կետով նախատեսված հանցագործության հատկանիշներով հարուցվել է թիվ 14107711 քրեական գործը:
2011թ. մարտի 26-ին Անդրանիկ Վանիկի Մնացականյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, 266 հոդվածի 4-րդ մասով, նրա նկատմամբ որպես խափանման միջոց կիրառվել է կալանավորումը:
2011թ. մարտի 26-ին Վիգեն Բագրատի Պապիկյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, 266 հոդվածի 2-րդ մասի 2-րդ, 2.1 կետերով, 266 հոդվածի 4-րդ մասով, նրա նկատմամբ որպես խափանման միջոց կիրառվել է կալանավորումը:
2011թ. հունիսի 8-ին Անդրանիկ Վանիկի Մնացականյանի նկատմամբ քրեական հետապնդումը դադարեցվել և նրա վերաբերյալ քրեական գործի մասը կարճվել է` ՀՀ քրեական դատավարության օրենսգրքի 35 հոդվածի 1-ին մասի 13-րդ կետով: Նրա նկատմամբ ընտրված խափանման միջոց կալանքը վերացվել է:
2011թ. հունիսի 14-ին Վիգեն Բագրատի Պապիկյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 268 հոդվածի 2-րդ մասի 2-րդ կետով, 266 հոդվածի 2-րդ մասի 2-րդ կետով, 266 հոդվածի 4-րդ մասով:
2011թ. հունիսի 16-ին թիվ 14107711 քրեական գործից մաս է անջատվել` անհայտ անձի կողմից Վիգեն Պապիկյանին խոշոր չափերով ափիոն տեսակի թմրամիջոց իրացնելու փաստով ՀՀ քրեական օրենսգրքի 266 հոդվածի 2-րդ մասի 2-րդ կետով, անջատված մասին շնորհվել է թիվ 14115811 համարը:
2011թ. հունիսի 24-ին թիվ 14107711 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Վիգեն Բագրատի Պապիկյանին մեղադրանք է առաջադրել այն արարքների համար, որ նա 2011թ. մարտ ամսվա րնթացքում քրեական գործով չպարզված հանգամանքներում իրացնելու նպատակով ապօրինի ձեռք է բերել, պահել և փոխադրել ափիոն տեսակի թմրամիջոց, որը պարբերաբար Երևանի Շահսուվարյան փողոցի վրա վաճառել է Անդրանիկ Վանիկի Մնացականյանին: Այնուհետև 2011թ. մարտի 23-ին քրեական գործով չպարզված հանգամանքներում, կրկին անգամ, իրացնելու նպատակով ապօրինի ձեռք է բերել, պահել և փոխադրել րնդհանուր 2.28 գրամ ափիոն տեսակի թմրամիջոց և 0.8 մլ ծավալով քացախաթթվի անհիդրիդ, որից 0.42 գրամ ափիոն տեսակի թմրամիջոցը և 0.8 մլ ծավալով քացախաթթվի անհիդրիդը 2011թ. մարտի 24-ին, ժամը 1330-ի սահմաններում Երևանի Շահսուվարյան փողոցի 10 հասցեի դիմաց՝ ՙԳուլիվեր՚ մանկապարտեզի մոտակայքում, 20.000 ՀՀ դրամ գումարով վաճառել է Անդրանիկ Մնացականյանին, 0.21 գրամ ափիոն տեսակի թմրամիջոցը նվիրել է վերջինիս, իսկ 1.65 գրամ ափիոն տեսակի թմրամիջոցը պահել է իր մոտ՝ անձնական օգտագործման համար։ 1.65 գրամ ափիոն տեսակի թմրամիջոցը հայտնաբերվել է նույն օրը նշված հասցեից ոստիկանության աշխատակիցների կողմից ոստիկանության Արաբկիրի բաժին բերման ենթարկված Վիգեն Պապիկյանի անձնական խուզարկության ժամանակ` ջինսե տաբատի աջ գրպանում, իսկ 0.63 գրամ րնդհանուր քաշ ունեցող ափիոն տեսակի թմրամիջոցը և 0.8 մլ ծավալով քացախաթթվի անհիդրիդը հայտնաբերվել է ոստիկանության աշխատակիցների կողմից ոստիկանության Արաբկիրի բաժին բերման ենթարկված Անդրանիկ Մնացականյանի անձնական խուզարկության ժամանակ։
3. Արագացված դատական քննություն .
Մինչև դատաքննություն սկսելն ամբաստանյալ Վիգեն Պապիկյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ա.Աթարբեկյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Վիգեն Բագրատի Պապիկյանին առաջադրված մեղադրանքը ՀՀ քրեական օրենսգրքի 266 հոդվածի 2-րդ մասի 2-րդ կետով, 268 հոդվածի 2-րդ մասի 2-րդ կետով, 266 հոդվածի 4-րդ մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 266 հոդվածի 2-րդ մասի 2-րդ կետի, 268 հոդվածի 2-րդ մասի 2-րդ կետի, 266 հոդվածի 4-րդ մասի հատկանիշներին և արարքների որակումը ճիշտ է:
Ամբաստանյալ Վիգեն Պապիկյանի նկատմամբ պատիժ նշանակելիս, դատարանը հաշվի է առնում նրա կատարած արարքների հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, տառապում է խրոնիկ հեպատիտ C, խրոնիկ հեպատոխոլեցիստիտ, խրոնիկ բրոնխիտ ախտորոշմամբ, բնութագրվում է դրական:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալ Վիգեն Բագրատի Պապիկյանը ենթակա է քրեական պատասխանատվության և պատժի:
Հաշվի առնելով Վիգեն Պապիկյանի կատարած արարքների հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266 հոդվածի 2-րդ մասի և ՀՀ քրեական օրենսգրքի 268 հոդվածի 2-րդ մասի սանկցիաներով նախատեսված է պատիժ միայն ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասի սանկցիայով նախատեսված է պատիժ նաև տուգանքի ձևով, դատարանը գտնում է, որ նրա նկատմամբ ՀՀ քրեական օրենսգրքի 266 հոդվածի 2-րդ մասի 2-րդ կետով և 268 հոդվածի 2-րդ մասի 2-րդ կետով կատարած արարքների համար պատիժ պետք է նշանակել ազատազրկման ձևով, իսկ ՀՀ քրեական օրենսգրքի 266 հոդվածի 4-րդ մասով կատարած արարքի համար` տուգանքի ձևով: Վիգեն Պապիկյանի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածի հիման վրա ազատազրկման ձևով նշանակված պատիժները մասնակի գումարելու կանոնով, որը նա պետք է կրի: ՀՀ քրեական օրենսգրքի 68 հոդվածի հիման վրա տուգանքի ձևով նշանակված պատիժը լրիվ պետք է գումարվի:
Դատարանը քննության առնելով ամբաստանյալ Վիգեն Բագրատի Պապիկյանի նկատմամբ լրացուցիչ պատիժ նշանակելու հարցը, գտնում է, որ նպատակահարմար չէ ՀՀ քրեական օրենսգրքի 266 հոդվածի 2-րդ մասի սանկցիայով նախատեսված լրացուցիչ պատիժը` գույքի բռնագրավում նշանակելը:
Դատարանը քննության առնելով բժշկական բնույթի հարկադրանքի միջոցների կիրառման հարցը, նկատի ունենալով, որ ըստ դատանարկոլոգիական ամբուլատոր փորձաքննության 10.05.2011թ. թիվ 090-11 եզրակացության, Վիգեն Բագրատի Պապիկյանը տառապում է ՙԱփիոնային թմրամոլություն դադարի շրջանում՚ ախտորոշմամբ, ուստի հարկադիր բուժման կարիք չունի, գտնում է, որ նրա նկատմամբ պատիժ նշանակելիս թմրամոլության դեմ հարկադիր բուժում չպետք է նշանակել:
Անդրադառնալով իրեղեն ապացույցների տնօրինման հարցին, դատարանը գտնում է, որ 2011թ. մարտի 26-ի որոշմամբ իրեղեն ապացույց ճանաչված և քրեական գործին կցված Անդրանիկ Վանիկի Մնացականյանի անձնական խուզարկությամբ վերջինիս կաշվե բաճկոնի աջ գրպանից հայտնաբերված ընդհանուր 0,63 գրամ ափիոն տեսակի թմրանյութը և ներարկիչի մեջ լցված 0,8 մլ քացախաթթվի անհիդրիդը, Վիգեն Բագրատի Պապիկյանի անձնական խուզարկությամբ վերջինիս ջինսե տաբատի ձախ գրպանից հայտնաբերված 1,65 գրամ ափիոն տեսակի թմրանյութը պետք է հանձնել ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնին` սույն քրեական գործից մաս անջատված` թիվ 14115811 քրեական գործին կցելու համար:
Վիգեն Բագրատի Պապիկյանի անձնական խուզարկությամբ հայտնաբերված հանցավոր ճանապարհով ձեռք բերված մեկ հատ 20.000 ՀՀ դրամանոց թղթադրամը, որպես եկամուտ պետք է հանձնել ՀՀ պետական բյուջե:
2011թ. մայիսի 24-ի որոշմամբ ապացույց ճանաչված` գործով այլ փաստաթուղթ հանդիսացող 2011 թվականի մարտի 24-ին Վիգեն Բագրատի Պապիկյանի տված բացատրությունը (գ.թ.7) պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը


Վ Ճ Ռ Ե Ց

Վիգեն Բագրատի Պապիկյանին մեղավոր ճանաչել ՀՀ քրեական օրենսգրքի 266 հոդվածի 2-րդ մասի 2-րդ կետով, 268 հոդվածի 2-րդ մասի 2-րդ կետով, 266 հոդվածի 4-րդ մասով:
ՀՀ քրեական օրենսգրքի 266 հոդվածի 2-րդ մասի 2-րդ կետով նրան դատապարտել ազատազրկման հինգ (5) տարի ժամկետով` առանց գույքի բռնագրավման, ՀՀ քրեական օրենսգրքի 268 հոդվածի 2-րդ մասի 2-րդ կետով` ազատազրկման մեկ (1) տարի ժամկետով, ՀՀ քրեական օրենսգրքի 266 հոդվածի 4-րդ մասով` տուգանքի հարյուր հազար (100.000) ՀՀ դրամի չափով:
ՀՀ քրեական օրենսգրքի 66 հոդվածի հիման վրա, ազատազրկման ձևով նշանակված պատիժները մասնակի գումարելու սկզբունքով, Վիգեն Բագրատի Պապիկյանի նկատմամբ վերջնական պատիժ նշանակել ազատազրկում հինգ (5) տարի վեց (6) ամիս ժամկետով` առանց գույքի բռնագրավման և տուգանք հարյուր հազար (100.000) ՀՀ դրամի չափով:
Պատժի սկիզբը հաշվել 2011 թվականի մարտի 24-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Վիգեն Բագրատի Պապիկյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո 2011թ. մարտի 26-ի որոշմամբ իրեղեն ապացույց ճանաչված և քրեական գործին կցված Անդրանիկ Վանիկի Մնացականյանի անձնական խուզարկությամբ վերջինիս բաճկոնի գրպանից հայտնաբերված ընդհանուր 0,63 գրամ քաշով ափիոն տեսակի թմրանյութը և ներարկիչի մեջ լցված 0,8 մլ քացախաթթվի անհիդրիդը, Վիգեն Բագրատի Պապիկյանի անձնական խուզարկությամբ վերջինիս տաբատի գրպանից հայտնաբերված 1,65 գրամ քաշով ափիոն տեսակի թմրանյութը, հանձնել ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնին` սույն քրեական գործից մասն անջատված` թիվ 14115811 քրեական գործին կցելու համար:
Վիգեն Բագրատի Պապիկյանի անձնական խուզարկությամբ հայտնաբերված հանցավոր ճանապարհով ձեռք բերված մեկ հատ 20.000 ՀՀ դրամանոց թղթադրամը, որպես եկամուտ հանձնել ՀՀ պետական բյուջե:
Ապացույց ճանաչված այլ փաստաթուղթ հանդիսացող 2011 թվականի մարտի 24-ին Վիգեն Բագրատի Պապիկյանի տված բացատրությունը (գ.թ.7) պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ