ԵԱՔԴ/0087/01/11

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ


ՙ28՚ հուլիսի 2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարանը` նախագահող դատավոր Լ.Ավետիսյան, քարտուղարությամբ Ն.Ղազարյանի, մասնակցությամբ մեղադրող Ս.Գրիգորյանի, տուժող Ս.Մեսրոպյանի, դռնբաց դատական նիստում քննեց քրեական գործն ըստ մեղադրանքի Գրիգորի Գենադիի Գրիգորյանի (ծնված 1980թ. հուլիսի 10-ին, Ստեփանակերտ քաղաքում, ազգությամբ հայ, ԼՂՀ քաղաքացի, բարձրագույն կրթությամբ, ամուսնալուծված, խնամքին մեկ անձ, աշխատում է ՙՎիվաՍել՚ ՄՏՍ ՓԲԸ-ում որպես գործակալ, նախկինում չդատված, հաշվառված է ԼՂՀ, Ստեփանակերտ քաղաքի Ս.Դավթի փողոցի 11 շենքի թիվ 3 բնակարանում, բնակվում է Երևան քաղաքի Դավիթաշեն 1-ին թաղամասի 41 շենքի 13 բնակարանում) ՀՀ քրեական օրենսգրքի 131 հոդվածի 1-ին մասով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

2011թ. ապրիլի 26-ին ՀՀ ոստիկանության ՔԳՎ Երևան քաղաքի քննչական վարչության Քանաքեռ-Զեյթուն քննչական բաժնում ՀՀ քրեական օրենսգրքի 131 հոդվածի 1-ին մասի հատկանիշներով հարուցվել է թիվ 09106911 քրեական գործը:
2011թ. հունիսի 10-ին Գրիգորի Գենադիի Գրիգորյանին մեղադրանք է առաջադրվել ՀՀ քրեական օրենսգրքի 131 հոդվածի 1-ին մասով այն արարքի համար, որ նա 2011 թվականի ապրիլի 7-ին, ժամը 0930-ի սահմաններում Երևան քաղաքի Դրոյի փողոցում բռնություն գործադրելով նախկին կնոջ` Սեդա Գեորգիի Մեսրոպյանի նկատմամբ, վերջինիս դուրս է հանել Ռաֆայել Մելքոնյանի ՙՎԱԶ 21099՚ մակնիշի 84 ՕՍ 444 պետհամարնիշի ավտոմեքենայից և նստեցնելով իր ՙԲՄՎ՚ մակնիշի 23 ՍԼ 023 պետհամարանիշի ավտոմեքենան, բացահայտ առևանգել է նրան:
2011թ. հունիսի 10-ին Գրիգորի Գրիգորյանի նկատմամբ որպես խափանման միջոց է ընտրվել չհեռանալու մասին ստորագրությունը:
2011թ. հունիսի 22-ին թիվ 09106911 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
Դատական նիստի ժամանակ ամբաստանյալ Գրիգորի Գրիգորյանը ներկայացնելով գրավոր դիմում խնդրել է, իր նկատմամբ կիրառել համաներման մասին որոշումը, քրեական հետապնդումը դադարեցնել և քրեական գործի վարույթը կարճել:
Տուժող Ս.Մեսրոպյանը հայտնել է, որ ամբաստանյալից գույքային կամ որևէ այլ պահանջ չունի:
Մեղադրող Ս.Գրիգորյանը հիմք ընդունելով ՀՀ Ազգային ժողովի ՙՀամաներում հայտարարելու մասին՚ 2011թ. մայիսի 26-ի որոշումը միջնորդել է Գրիգորի Գենադիի Գրիգորյանի նկատմամբ քրեական հետապնդումը դադարեցնել և քրեական գործի վարույթը կարճել:
Դատարանը գտնում է, որ Գրիգորի Գենադիի Գրիգորյանի վերաբերյալ քրեական գործի վարույթը պետք է կարճել և նրա նկատմամբ քրեական հետապնդումը դադարեցնել` հետևյալ պատճառաբանությամբ.
ՀՀ ոստիկանության ինֆորմացիոն կենտրոնի պահանջագրի համաձայն, Գրիգորի Գենադիի Գրիգորյանը նախկինում դատապարտված չի եղել:
ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 15-րդ կետի համաձայն, նշված որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Գրիգորի Գենադիի Գրիգորյանը հանրորեն վտանգավոր արարքը կատարել է 2011 թվականի ապրիլին:
ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 2-րդ կետի 4-րդ ենթակետի համաձայն` պատժից պետք է ազատել մինչև երեք տարեկան երեխա ունեցող անձանց:
Գրիգորի Գենադիի Գրիգորյանն ունի մինչև երեք տարեկան երեխա (Գենադի Գրիգորի Գրիգորյան` ծնված 2009թ. հուլիսի 19-ին):
Նույն որոշման 6-րդ կետի 3-րդ ենթակետը սահմանում է կարճել որոշման 2-րդ կետում թվարկված անձանց կողմից կատարված հանցագործությունների վերաբերյալ գործերը, ովքեր մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան հինգ տարի ժամկետով ազատազրկում:
ՀՀ քրեական օրենսգրքի 131 հոդվածի 1-ին մասը, որով մեղադրվում է ամբաստանյալը, որպես պատիժ նախատեսում է ազատազրկում երկուսից հինգ տարի ժամկետով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Թվարկված հոդվածների և հոդվածների մասերի թվում ընդգրկված չէ ՀՀ քրեական օրենսգրքի 131 հոդվածի 1-ին մասը: Գրիգորի Գենադիի Գրիգորյանի պարագայում բացակայում են նաև համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալ Գրիգորի Գենադիի Գրիգորյանի նկատմամբ կիրառելի է ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշումը:
Համաձայն ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի, հարուցված քրեական գործի վարույթը ենթակա է կարճման, եթե` ընդունվել է համաներման ակտ:
Դատարանը գտնում է, որ 2011թ. մայիսի 4-ի որոշմամբ իրեղեն ապացույց ճանաչված և Գրիգորի Գենադիի Գրիգորյանին ի պահ հանձնված ՙԲՄՎ՚ մակնիշի 23 ՍԼ 023 պետհամարանիշի ավտոմեքենան պետք է թողնել Գրիգորի Գենադիի Գրիգորյանի տնօրինությանը:
Հիմք ընդունելով ՀՀ Ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011թ. մայիսի 26-ի որոշման 2-րդ կետի 4-րդ ենթակետը և 6-րդ կետի 3-րդ ենթակետը, 13-րդ կետի 1.ա ենթակետը և ղեկավարվելով ՀՀ քրեական դատավարության օրենսգրքի 35 հոդվածի 1-ին մասի 13-րդ կետով, նույն հոդվածի 4-րդ մասով և 313 հոդվածով, դատարանը


Ո Ր Ո Շ Ե Ց

Գրիգորի Գենադիի Գրիգորյանի նկատմամբ ՀՀ քրեական օրենսգրքի 131 հոդվածի 1-ին մասով քրեական հետապնդումը դադարեցնել և թիվ ԵԱՔԴ/0087/01/11 քրեական գործի վարույթը կարճել` ՀՀ Ազգային ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 6-րդ կետի 3-րդ ենթակետի համաձայն:
Գրիգորի Գենադիի Գրիգորյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Որոշումն օրինական ուժի մեջ մտնելուց հետո 2011թ. մայիսի 4-ի որոշմամբ իրեղեն ապացույց ճանաչված և Գրիգորի Գենադիի Գրիգորյանին ի պահ հանձնված ՙԲՄՎ՚ մակնիշի 23 ՍԼ 023 պետհամարանիշի ավտոմեքենան թողնել Գրիգորի Գենադիի Գրիգորյանի տնօրինությանը:
Որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:


ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ