ԵԱՔԴ/0085/01/11

Ո Ր Ո Շ ՈՒ Մ

ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ԵՎ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

ՙ13՚ հուլիսի 2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարանը` նախագահող դատավոր Լ.Ավետիսյան, քարտուղարությամբ Ն.Ղազարյանի, մասնակցությամբ մեղադրող Ռ.Խաչատրյանի, պաշտպան Հ.Արսենյանի, տուժողի իրավահաջորդ Ս.Գալստյանի, դռնբաց դատական նիստում քննեց քրեական գործն ըստ մեղադրանքի Արթուր Ռաֆիկի Բաբայանի (ծնված 1971թ. դեկտեմբերի 19-ին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անձ, աշխատել է ՙԱրթուր Բաբայան՚ ՍՊԸ տնօրեն, նախկինում չդատված, հաշվառված է Երևան քաղաքի Գուլակյան փողոցի 95 տանը, բնակվել է Երևան քաղաքի Կոմիտասի պողոտայի 1-ին նրբանցքի 24 տանը) ՀՀ քրեական օրենսգրքի 34-177 հոդվածի 2-րդ մասի 2-րդ կետով, արգելանքի տակ է 2011 թվականի հունվարի 13-ից,

Պ Ա Ր Զ Ե Ց

2010թ. դեկտեմբերի 17-ին ՀՀ ոստիկանության ՔԳՎ Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով հարուցվել է թիվ 14134210 քրեական գործը:
2011թ. հունվարի 16-ին Արթուր Ռաֆիկի Բաբայանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177 հոդվածի 3-րդ մասի 1-ին կետով, նրա նկատմամբ որպես խափանման միջոց է կիրառվել կալանավորումը:
2011թ. հունիսի 13-ին թիվ 14134210 քրեական գործից Արթուր Բաբայանի կողմից գողության փորձ կատարելու վերաբերյալ մաս է անջատվել և անջատված մասին շնորհվել է թիվ 14115311 համարը:
2011թ. հունիսի 14-ին Արթուր Ռաֆիկի Բաբայանին առաջադրված մեղադրանքի մասը վերացվել և նրան նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 2-րդ կետով այն արարքի համար, որ նա գողություն կատարելու դիտավորությամբ 2010թ. դեկտեմբերի 14-ին, ժամը 1800-ի սահմաններում Երևան քաղաքի Մ.Խորենացի 43 հասցեում գտնվող ՙՀայէկոնոմբանկ՚ ԲԲԸ-ին պատկանող բանկոմատից, 14.12.2010թ. առավոտյան կյանքի և առողջության համար վտանգավոր հանգամանքներում անհայտ կորած և 14.05.2011թ. Քանաքեռ ՀԷԿ ջրամբարից պոլիմերային թաղանթի մեջ փաթաթված, սինթետիկ պարանով ձեռքերից և ոտքերից կապկպված սպանված վիճակում հայտնաբերված Մարինե Լուսանդրի Գալստյանին պատկանող ՙԱնելիք Բանկ՚ ՓԲԸ-ի կրեդիտային պլաստիկ քարտով փորձել է հափշտակել նշված քարտային հաշվին առկա խոշոր չափի` 616, 299.60 ՀՀ դրամ գումարը, սակայն իր կամքից անկախ հանգամանքներով չի կարողացել հանցագործությունն ավարտին հասցնել, քանի որ երեք անգամ պլաստիկ քարտի գաղտնաբառը սխալ հավաքելուց հետո բանկոմատը պլաստիկ քարտն առգրավել է:
2011թ. հունիսի 20-ին թիվ 14115311 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
Դատական նիստի ժամանակ ամբաստանյալ Արթուր Ռաֆիկի Բաբայանը հայտարարել է, որ համաձայն է, որ իր նկատմամբ կիրառվի ՙՀամաներում հայտարարելու մասին՚ որոշումը:
Մեղադրող Ռ.Խաչատրյանը հիմք ընդունելով ՙՀամաներում հայտարարելու մասին՚ ՀՀ Ազգային ժողովի 2011թ. մայիսի 26-ի որոշումը միջնորդել է Արթուր Ռաֆիկի Բաբայանի նկատմամբ քրեական հետապնդումը դադարեցնել և քրեական գործի վարույթը կարճել:
ՀՀ ոստիկանության ինֆորմացիոն կենտրոնի պահանջագրի համաձայն, Արթուր Ռաֆիկի Բաբայանը նախկինում դատապարտված չի եղել:
ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 15-րդ կետի համաձայն, նշված որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Արթուր Բաբայանը հանրորեն վտանգավոր արարքը կատարել է 2010 թվականի դեկտեմբերին:
ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 2-րդ կետի 4-րդ ենթակետի համաձայն` պատժից պետք է ազատել մինչև երեք տարեկան երեխա ունեցող անձանց:
Արթուր Ռաֆիկի Բաբայանն ունի մինչև երեք տարեկան երեխա (Սոնա Արթուրի Բաբայան` ծնված 2009թ. սեպտեմբերի 15-ին):
Նույն որոշման 6-րդ կետի 3-րդ ենթակետը սահմանում է կարճել որոշման 2-րդ կետում թվարկված անձանց կողմից կատարված հանցագործությունների վերաբերյալ գործերը, ովքեր մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի, քան հինգ տարի ժամկետով ազատազրկում:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Թվարկված հոդվածների և հոդվածների մասերի թվում ընդգրկված չէ ՀՀ քրեական օրենսգրքի 177 հոդվածի 2-րդ մասը: Արթուր Ռաֆիկի Բաբայանի պարագայում բացակայում են նաև համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալ Արթուր Ռաֆիկի Բաբայանի նկատմամբ կիրառելի է ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշումը:
Դատարանը գտնում է, որ 2011թ. հունիսի 12-ի որոշմամբ իրեղեն ապացույց ճանաչված և Արաբկիրի քննչական բաժնի իրեղեն ապացույցների պահման սենյակում գտնվող Մարինե Լուսանդրի Գալստյանին պատկանող ՙԱնելիք Բանկ՚ ՓԲԸ-ի կրեդիտային պլաստիկ քարտը պետք է պահել թիվ 14134210 քրեական գործի հետ միասին:
Հիմք ընդունելով ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ Ազգային ժողովի 2011թ. մայիսի 26-ի որոշման 2-րդ կետի 4-րդ ենթակետը և 6-րդ կետի 3-րդ ենթակետը, 13-րդ կետի 1-ին ենթակետի ՙա՚ պարբերությունը և ղեկավարվելով ՀՀ քրեական դատավարության օրենսգրքի 35 հոդվածի 1-ին մասի 13-րդ կետով, նույն հոդվածի 4-րդ մասով և 313 հոդվածով, դատարանը

Ո Ր Ո Շ Ե Ց

Արթուր Ռաֆիկի Բաբայանի նկատմամբ ՀՀ քրեական օրենսգրքի 34-177 հոդվածի 2-րդ մասի 2-րդ կետով քրեական հետապնդումը դադարեցնել և թիվ ԵԱՔԴ/0085/01/11 քրեական գործի վարույթը կարճել` ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 6-րդ կետի 3-րդ ենթակետի համաձայն:
Արթուր Ռաֆիկի Բաբայանին անհապաղ ազատել կալանքից:
Արթուր Ռաֆիկի Բաբայանի նկատմամբ ընտրված խափանման միջոցը` կալանավորումը, վերացնել:
2011թ. հունիսի 12-ի որոշմամբ իրեղեն ապացույց ճանաչված և Արաբկիրի քննչական բաժնի իրեղեն ապացույցների պահման սենյակում գտնվող Մարինե Լուսանդրի Գալստյանին պատկանող ՙԱնելիք Բանկ՚ ՓԲԸ-ի կրեդիտային պլաստիկ քարտը պահել թիվ 14134210 քրեական գործի հետ միասին:
Որոշումը կարող է բողոքարկվել ՀՀ վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ` Լ. ԱՎԵՏԻՍՅԱՆ