գործ No ԵԱՔԴ/0083/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

02.09.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Մ.Հակոբյանի

ամբաստանյալներ Ա.Մովսիսյանի
Հ.Բաբայանի
Ս.Մանուկյանի

պաշտպաններ Ա.Պապիկյանի
Տ.Գրիգորյանի

Դատարանում, դռնբաց դատական նիստում քննեց քրեական գործն ըստ մեղադրանքի`
Արգիշտ Սերյոժայի Մովսիսյանի (ծնվ. 10.11.1968թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում դատված, դատվածությունը չմարված, բնակվել է` ք.Երևան, Փափազյան 22 շենք 34 բնակարան, ներկայումս ՙՆուբարաշեն՚ ՔԿՀ կալանավոր):
Մեղադրվում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով:

Հայկ Ռուբենի Բաբայանի (ծնվ. 20.12.1975թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, դատվածություն չունեցող, հաշվառված ք.Երևան Ա.Խաչատրյան 18 շենք 17 բնակարան, բնակվել է` ք.Երևան Մոլդովական 50/2 շենք 56 բնակարան, ներկայումս ՙՆուբարաշեն՚ ՔԿՀ կալանավոր):
Մեղադրվում է ՀՀ քրեական օրենսգրքի 268-րդ հոդվածի 3-րդ մասով, 266-րդ հոդվածի 1-ին մասով և 266-րդ հոդվածի 4-րդ մասով£

Սերգեյ Համազասպի Մանուկյանի (ծնվ. 11.06.1975թ. ք. Երևան, ազգությամբ հայ, ՀՀ քաղաքացի, 8-ամյա կրթությամբ, չամուսնացած, չի աշխատում, դատվածություն չունեցող, հաշվառված Արմավիրի մարզ, գյուղ Դողս, բնակվել է` ք.Երևան, Նոր Նորքի 3-րդ զանգված, Քոչարյան 18 շենք, 29 բնակարան, ներկայումս ՙՆուբարաշեն՚ ՔԿՀ կալանավոր):
Մեղադրվում է ՀՀ քրեական օրենսգրքի 268-րդ հոդվածի 3-րդ մասով և 266-րդ հոդվածի 4-րդ մասով£

Պ Ա Ր Զ Ե Ց

1.Գործի դատավարական նախապատմությունը
25.01.2011թ. ՀՀ ոստիկանության ՔԳՎ ՀԿԳ քննության վարչությունում ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 1-ին մասով և 266-րդ հոդվածի 4-րդ մասով հարուցվել է թիվ 69100611 քրեական գործը:
25.01.2011թ. Ներսես Ռոբերտի Առաքելյանը, Հայկ Ռուբենի Բաբայանը և Սերգեյ Համազասպի Մանուկյնաը ձերբակալվել են, իսկ 26.01.2011թ.` Արգիշտ Սերյոժայի Մովսիսյանը:
27.01.2011թ. Ներսես Ռոբերտի Առաքելյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 1-ին և 2-րդ կետերով, 266-րդ հոդվածի 4-րդ մասով և խափանման միջոց է կիրառվել կալանքը:
27.01.2011թ. Հայկ Ռուբենի Բաբայանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 4-րդ մասով և խափանման միջոց է կիրառվել կալանքը:
27.01.2011թ. Սերգեյ Համազասպի Մանուկյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և նույն հոդվածի 4-րդ մասով, և խափանման միջոց է կիրառվել կալանքը:
29.01.2011թ. Արգիշտ Սերյոժայի Մովսիսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, և խափանման միջոց է կիրառվել կալանքը:
01.02.2011թ. որոշում է կայացվել մեղադրյալ Արգիշտ Մովսիսյանի գույքի վրա կալանք դնելու մասին:
26.05.2011թ. Ներսես Ռոբերտի Առաքելյանին առաջադրված մեղադրանքը փոփոխվել և նրան մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով և 266-րդ հոդվածի 4-րդ մասով:
26.05.2011թ. Հայկ Ռուբենի Բաբայանին առաջադրված մեղադրանքը փոփոխվել և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին և 4-րդ մասերով, 268-րդ հոդվածի 3-րդ մասով:
26.05.2011թ. Սերգեյ Համազասպի Մանուկյանին առաջադրված մեղադրանքը փոփոխվել և նրան մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ և 266-րդ հոդվածի 4-րդ մասերով:
01.06.2011թ. թիվ 69100611 քրեական գործով մեղադրյալ Ներսես Ռոբերտի Առաքելյանի վերաբերյալ մասը` 26.05.2011թ-ին համաներման ակտի ընդունման հիմքով կարճվել է:
23.06.2011թ. թիվ 69100611 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Արգիշտ Մովսիսյանին մեղադրանք է առաջադրել ՀՀ քրեական օրենսգրքի 266-րդ հոդվածի 3-րդ մասի 2-րդ կետով այն արարքի համար, որ ՙիրացնելու նպատակով գործով չպարզված անձից և հանգամանքներում ապօրինի ձեռք է բերել առանձնապես խոշոր չափի ՙափիոն՚ տեսակի թմրամիջոց, որից հետո` 2010թ. հոկտեմբերից մինչև 2011թ. հունվար ամիսը, տարբեր օրերի, մեկ գրամը` 15.000 ՀՀ դրամով վաճառելու եղանակով, ընդհանուր` մոտ 30 դեպքով, Երևան քաղաքի Փափազյան փողոցի վրա գտնվող ՙՀայր և որդի Երիցյաններ՚ սուպերմարկետի մոտ, իր ծանոթ Սերգեյ Համազասպի Մանուկյանին ապօրինի իրացրել է յուրաքանչյուր անգամ` 10-ից 15-ական գրամ չափաբաժնով, վերջին անգամը` 2011թ. հունվարի 24-ին` առանձնապես խոշոր չափի` 15 գրամ, ընդհանուր` առանձնապես խոշոր չափի` մոտ 350 գրամ ՙափիոն՚ տեսակի թմրամիջոց՚:

Ամբաստանյալ Հայկ Բաբայանին մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով, 266-րդ հոդվածի 1-ին մասով և 266-րդ հոդվածի 4-րդ մասով այն արարքի համար, որ ՙՍերգեյ Համազասպի Մանուկյանի հետ նախնական համաձայնության գալով առանց իրացնելու նպատակի` իրենց գործածման համար առանձնապես խոշոր չափի ՙափիոն՚ տեսակի թմրամիջոց ձեռք բերելու շուրջ, 2010թ. հոկտեմբերից մինչև 2011թ. հունվար ամիսներն ընկած ժամանակահատվածում, համատեղ ներդրված գումարով, տարբեր օրերի, կրկին անգամ, ընդհանուր` մոտ 30 դեպքով, Երևան քաղաքի Փափազյան փողոցում գտնվող ՙՀայր և որդի Երիցյաններ՚ սուպերմարկետի մոտ, Արգիշտ Սերյոժայի Մովսիսյանից մեկ գրամը` 15.000 ՀՀ դրամով գնելու եղանակով, Սերգեյ Մանուկյանի միջոցով, ապօրինի ձեռք են բերել` յուրաքանչյուր անգամ` 10-ից 15-ական գրամ չափաբաժնով, վերջին անգամը` 2011թ. հունվարի 24-ին` առանձնապես խոշոր չափի` 15 գրամ, ընդհանուր` առանձնապես խոշոր չափի` մոտ 350 գրամ ՙափիոն՚ տեսակի թմրամիջոց:
Թմրամիջոցի վերը նշված ընդհանուր` մոտ 350 գրամ քանակությունից մի մասը 2010թ. հոկտեմբերից մինչև 2011թ. հունվար ամիսներն ընկած ժամանակահատվածում, Հայկ Բաբայանը և Սերգեյ Մանուկյանը չպարզված հանգամանքներում ձեռք բերված պրեկուրսոր հանդիսացող ՙքացախաթթվի անհիդրիդի՚ հետ խառնելու միջոցով, Սերգեյ Մանուկյանի վարձակալած բնակարանում պատրաստել են ներարկման համար պիտանի ՙափիոնի՚ լուծույթ և գործածել, որից 0,11 գրամ ՙացետիլացված ափիոնը՚ հայտնաբերվել է հիշյալ բնակարանում կատարված խուզարկությամբ:
Ձեռք բերած թմրամիջոցի մյուս մասը` ընդհանուր` մոտ 1,45 գրամ ՙափիոնը՚, Հայկ Բաբայանը 3 դեպքով ապօրինի իրացրել է Ներսես Առաքելյանին. այսպես.
2011թ. հունվարի 1-ին Երևան քաղաքի Սեբաստիա փողոցի վրա, նվիրատվության կարգով, Ներսես Առաքելյանին ապօրինի իրացրել է զգալի չափի` մոտ 0,5 գրամ ՙափիոն՚ տեսակի թմրամիջոց և ներարկիչի մեջ լցված, թմրամիջոցի պատրաստման համար պրեկուրսոր հանդիսացող` 0,5 մլ. ՙքացախաթթվի անհիդրիդ՚:
Դրանից հետո` 2011թ. հունվարի 24-ին, Երևան քաղաքի Սեբաստիա փողոցի վրա, նվիրատվության կարգով, Ներսես Առաքելյանին ապօրինի իրացրել է զգալի չափի` մոտ 0,5 գրամ ՙափիոն՚ տեսակի թմրամիջոց և ներարկիչի մեջ լցված, թմրամիջոցի պատրաստման համար պրեկուրսոր հանդիսացող` 0,5 մլ. ՙքացախաթթվի անհիդրիդ՚:
Բացի այդ, 2011թ. հունվարի 25-ին, նույն վայրում, նվիրատվության կարգով, Ներսես Առաքելյանին ապօրինի իրացրել է զգալի չափի` 0,45 գրամ ՙափիոն՚ տեսակի թմրամիջոց և թմրամիջոցի պատրաստման համար պրեկուրսոր հանդիսացող 0,5 մլ. ՙքացախաթթվի անհիդրիդ՚, որը նույն օրը հայտնաբերվել և առգրավվել է ՀՀ ոստիկանության Երևան քաղաքի վարչության աշխատակիցների կողմից` Ներսես Առաքելյանի անձնական խուզարկությամբ:
Վերը նշված թմրամիջոցի մյուս մասը` զգալի չափի` 0,48 գրամ ՙափիոնը՚ Հայկ Բաբայանը, իսկ խոշոր չափի` 9,89 գրամ ՙափիոնը՚` 2,8 մլ. պրեկուրսոր հանդիսացող ՙքացախաթթվի անհիդրիդի՚ հետ միասին` Սերգեյ Մանուկյանը, ապօրինի պահել են իրենց մոտ, որոնք հայտնաբերվել և առգրավվել են նրանց անձնական խուզարկությամբ՚:

Ամբաստանյալ Սերգեյ Մանուկյանին մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով և 266-րդ հոդվածի 4-րդ մասով այն արարքի համար, որ ՙՀայկ Ռուբենի Բաբայանի հետ նախնական համաձայնության գալով առանց իրացնելու նպատակի` իրենց գործածման համար, առանձնապես խոշոր չափի ՙափիոն՚ տեսակի թմրամիջոց ձեռք բերելու շուրջ, 2010 թ. հոկտեմբերից մինչև 2011թ. հունվար ամիսներն ընկած ժամանակահատվածում, համատեղ ներդրված գումարով, տարբեր օրերի, կրկին անգամ, ընդհանուր` 30 դեպքով, Երևան քաղաքի Փափազյան փողոցի վրա գտնվող ՙՀայր և որդի Երիցյաններ՚ սուպերմարկետի մոտ, իր ծանոթ Արգիշտ Սերյոժայի Մովսիսյանից մեկ գրամը` 15.000 ՀՀ դրամով գնելու եղանակով, ապօրինի ձեռք են բերել` յուրաքանչյուր անգամ` 10-ից 15-ական գրամ չափաբաժնով, վերջին անգամը` 2011թ. հունվարի 24-ին` առանձնապես խոշոր չափի` 15 գրամ, ընդհանուր` առանձնապես խոշոր չափի` մոտ 350 գրամ ՙափիոն՚ տեսակի թմրամիջոց:
Թմրամիջոցի վերը նշված ընդհանուր` մոտ 350 գրամ քանակությունից մի մասը 2010թ. հոկտեմբերից մինչև 2011թ. հունվար ամիսներն ընկած ժամանակահատվածում Հայկ Բաբայանը և Սերգեյ Մանուկյանը չպարզված հանգամանքներում ձեռք բերված պրեկուրսոր հանդիսացող ՙքացախաթթվի անհիդրիդի՚ հետ խառնելու միջոցով Սերգեյ Մանուկյանի վարձակալած բնակարանում պատրաստել են ներարկման համար պիտանի ՙափիոնի՚ լուծույթ և գործածել, որից 0,11 գրամ ՙացետիլացված ափիոնը՚ հայտնաբերվել է հիշյալ բնակարանում կատարված խուզարկությամբ:
Ձեռք բերած թմրամիջոցի մի մասը` խոշոր չափի` 9,89 գրամ ՙափիոնը՚` 2,8մլ. պրեկուրսոր հանդիսացող ՙքացախաթթվի անհիդրիդի՚ հետ միասին Սերգեյ Մանուկյանը, իսկ զգալի չափի` 0,48 գրամ ՙափիոնը՚` Հայկ Բաբայանը, ապօրինի պահել են իրենց մոտ, որոնք հայտնաբերվել և առգրավվել են նրանց անձնական խուզարկությամբ՚:

3.Ապացույցների հետազոտում
Ինչպես նախաքննությամբ, այնպես էլ դատաքննության փուլում առաջադրված մեղադրանքում Արգիշտ Մովսիսյանն իրեն մեղավոր չճանաչեց և հրաժարվեց ցուցմունք տալուց:

Առաջադրված մեղադրանքում Սերգեյ Մանուկյանն իրեն մեղավոր չճանաչեց, սակայն տվեց խոստովանական ցուցմունքներ այն մասին, որ նախկինում գործածել է ՙափիոն՚ տեսակի թմրամիջոց, սակայն հետագայում դրա գործածումը դադարեցրել է: 2010թ. հոկտեմբեր ամսին պատահական հանդիպել է դեռևս ազատազրկման վայրից իրեն ծանոթ Արգոյին, որի հետ ունեցած զրույցի ընթացքում իմացել է, որ վերջինս մեկ գրամը` 15.000 ՀՀ դրամով վաճառում է ՙափիոն՚ տեսակի թմրամիջոց: Հետագայում Արգոյից թմրամիջոց գնելու համար նրա հետ փոխանակվել է հեռախոսահամարներով` տվել է իր` 077-53-83-17 բջջային հեռախոսահամարը և վերցրել նրա` 098-11-12-48 և 098-81-72-51 հեռախոսահամարները: Դրանից հետո հանդիպել է իր ընկերոջը` Հայկին, որին հայտնել է ՙմատչելի՚ գնով թմրամիջոցի ձեռք բերման աղբյուրի մասին և որոշել են համատեղ դրած գումարով, իրենց գործածման համար Արգոյից գնել ՙափիոն՚ տեսակի թմրամիջոց:
2010թ. հոկտեմբեր ամսին Հայկի հետ միասին դրել են 150.000 ՀՀ դրամ գումար, որից հետո իր` 077-53-83-17 հեռախոսահամարով զանգահարել է Արգոյի` 098-81-72-51 բջջայինին և հայտնել, որ ցանկանում է գնել 10 գրամ ՙափիոն՚ տեսակի թմրամիջոց: Արգոյի հետ պայմանավորվել և հանդիպել է Երևան քաղաքի Փափազյան փողոցի վրա գտնվող ՙԵրիցյաններ՚ սուպերմարկետի մոտ, որտեղ նրան տվել է 150.000 ՀՀ դրամ գումար, որից հետո Արգոն մատնացույց է արել ՙԵրիցյաններ՚ սուպերմարկետի անմիջապես դիմացի շենքի մուտքը և հայտնել, որ պատվիրված 10 գրամ ՙափիոն՚ տեսակի թմրամիջոցը կթաքցնի նշված շենքի մուտքում գտնվող երկաթյա պահարանի տակ: Մի քանի ժամ հետո Արգոյից տեղեկանալով, որ պատվիրված 10 գրամ ՙափիոն՚ տեսակի թմրամիջոցը թաքցրած է հիշյալ պահարանի տակ, վերցրել է այն և տեղափոխել իր կողմից վարձակալած բնակարան, որտեղ իր էլեկտրական կշեռքով կշռել է, որից հետո մի քանի օրվա ընթացքում Հայկի հետ միասին ներարկման եղանակով թմրամիջոցը գործածել են:
Թմրամիջոցը վերջանալուց հետո, 2010թ. հոկտեմբերից մինչև 2011թ. հունվար ամիսներն ընկած ժամանակահատվածում, պարբերաբար, Հայկի հետ գումար են ճարել և մշտապես նույն վայրում, նույն եղանակով Արգոյից գնել են ՙափիոն՚ տեսակի թմրամիջոց: Յուրաքանչյուր անգամ Արգոյից գնել են 10 կամ 15 գրամ ՙափիոն՚ տեսակի թմրամիջոց, որը Հայկի հետ միասին ներարկվել են իր կողմից վարձակալած բնակարանում:
Հայտնել է, որ վերջին անգամ Արգոյից թմրամիջոց գնել են 2011թ. հունվարի 24-ին: Նշված օրը թմրամիջոց գնելու համար նորից իր 077-53-83-17 բջջային համարից զանգահարել է Արգոյի 098-81-72-51 համարին և նրա հետ հանդիպել Երևան քաղաքի Փափազյան փողոցի վրա գտնվող ՙԵրիցյաններ՚ սուպերմարկետի մոտ, որտեղ Արգոյին վճարելով գումարը, նրանից գնել է մոտ 15 գրամ ՙափիոն՚ տեսակի թմրամիջոց, որը տեղափոխել է իր կողմից վարձակալած բնակարան:
Նշված 15 գրամ ՙափիոն՚ տեսակի թմրամիջոցից մի մասը 2011թ. հունվարի 24-ին և 25-ին Հայկի հետ միասին ներարկման եղանակով գործածել են, իսկ մնացած թմրամիջոցը կշռել և 0,5 գրամ չափաբաժիններով առանձնացրել ու պահել է իր մոտ: 2011թ. հունվարի 25-ին ոստիկանության աշխատակիցների կողմից բերման է ենթարկվել ոստիկանություն, որտեղ իր մոտից, աձնական խուզարկությամբ հայտնաբերվել է Արգոյից գնած ՙափիոն՚ տեսակի թմրամիջոցը, ինչպես նաև անհիդրիդը և կշեռքը:
Հայտնել է, որ 2010թ. ամռանը Գյումրի քաղաքում իրեն անծանոթ մարդուց գնել է քացախաթթվի անհիդրիդ, որով էլ պատրաստել է ՙափիոն՚ տեսակի թմրամիջոցը:
Նշել է, որ ձեռք բերած թմրամիջոցից ոչ ոքի չի հյուրասիրել կամ վաճառել:
Նույնը պնդել է Արգիշտ Մովսիսյանի և Հայկ Բաբայանի հետ առերես հարցաքննությունների ժամանակ:

Հատոր 1-ին` գ/թ-74-76, 77-78, 107-108, 117, 286, 319-320
Հատոր 2-րդ` գ/թ-74, 125

Առաջադրված մեղադրանքում Հայկ Բաբայանն իրեն մեղավոր ճանաչեց լիովին և տվեց խոստովանական ցուցմունքներ այն մասին, որ 2008թ.-ից գործածում է ՙափիոն՚ տեսակի թմրամիջոց: 2010թ. սեպտեմբեր ամսից թմրամիջոց սկսել է գործածել իր ընկերոջ` Սերգեյի հետ միասին: Այդ ժամանակ Սերգեյն իրեն ասել է, որ ՙԿոմիտսցի՚ Արգոն, որին ինքը նույնպես ճանաչում է 1990թվականից, երբ բնակվել է Ա.Խաչատրյան փող. 18շենքում, մեկ գրամը` 15.000 ՀՀ դրամով վաճառում է ՙափիոն՚ տեսակի թմրամիջոց: Միասին որոշել են իրենց գործածման համար Արգոյից գնել թմրամիջոց: 2010թ. հոկտեմբեր ամսից սկսած շաբաթական մեկ-երկու դեպքով, ընդհանուր` մոտ 30 անգամ, յուրաքանչյուր անգամ` 10 կամ 15 գրամ չափաբաժնով Արգոյից գնել են ՚ափիոնՙ տեսակի թմրամիջոց: Արգոյից թմրամիջոց գնելու համար պահանջվող գումարն ինքն ու Սերգեյը միասին են դրել, որից հետո Սերգեյն իր 077-53-83-17 բջջային համարից զանգահարել է Արգոյին և, նրա հետ պայմանավորվածության համաձայն, գնացել են ՚Երիցյաններՙ խանութի մոտ, որտեղ ինքը հեռվում սպասել է, իսկ Սերգեյը հանդիպել է Արգոյին, վճարել գումարը և գնել ՚ափիոնՙ տեսակի թմրամիջոցը: Այն տեղափոխել են Սերգեյի վարձակալած բնակարան, որտեղ անհիդրիդով պատրաստել են ներարկման համար պիտանի լուծույթ և երկուսով գործածել:
Վերջին անգամ Արգոյից թմրամիջոց գնել են 2011թ. հունվարի 24-ին: Նշված օրը թմրամիջոց գնելու համար Սերգեյը կրկին զանգահարել է Արգոյին և նրա հետ հանդիպել Երևան քաղաքի Փափազյան փողոցի վրա գտնվող ՙԵրիցյաններ՚ սուպերմարկետի մոտ, որտեղ Արգոյին վճարելով գումարը, նրանից գնել է մոտ 15 գրամ ՙափիոն՚ տեսակի թմրամիջոց: Այն տեղափոխել են Սերգեյի վարձակալած բնակարան, որից ներարկման եղանակով գործածել են:
Հայտնել է, որ Արգոյից ձեռք բերած թմրամիջոցից 2011թ. հունվար ամսվա սկզբներին, այնուհետև հունվարի 24 և 25-ին, յուրաքանչյուր անգամ` 0,5 գրամ չափաբաժնով` 0,5մլ. անհիդրիդի հետ միասին, հյուրասիրել է իր ընկերոջը` Ներսեսին: Վերջինիս զանգահարել է իր բջջային` 094-86-74-76 հեռախոսահամարով և հանդիպել են ՙհամալիրի՚ մոտ, որտեղ էլ ՙափիոնը՚ տվել է Ներսեսին:
2011թ. հունվարի 25-ին ոստիկանության աշխատակիցների կողմից բերման է ենթարկվել ոստիկանություն, որտեղ իր մոտից, աձնական խուզարկությամբ հայտնաբերվել է Արգոյից գնած ՙափիոն՚ տեսակի թմրամիջոցից 0,5 գրամը:
Նշել է, որ Սերգեյից տեղեկացել է, որ Արգոն սկզբնական շրջանում թմրամիջոցը թաքցրել է ՙԵրիցյաններ՚ սուպերմարկետի դիմացի շենքի մուտքում գտնվող երկաթյա պահարանի տակ, որտեղից էլ Սերգեյն այն վերցրել է, իսկ հետագայում արդեն թմրամիջոցի առուվաճառքը կատարվել է առձեռն:
Նույնը պնդել է Սերգեյ Մանուկյանի և Ներսես Առաքելյանի հետ առերես հարցաքննության ժամանակ:

Հատոր 1-ին` գ/թ-70-73, 77-78, 79-80, 81, 121, 242
Հատոր 2-րդ` գ/թ-75, 139

Ամբաստանյալներ Արգիշտ Մովիսյանին, Սերգեյ Մանուկյանին և Հայկ Բաբայանին մեղսագրվող արարքները հիմնավորվել են նաև դատաքննությամբ հետազոտված ներքոհիշյալ ապացույցներով.

Ներսես Ռոբերտի Առաքելյանի ցուցմունքներով այն մասին, որ առաջին անգամ ՙափիոն՚ տեսակի թմրամիջոց գործածել է 2009 թվականին, սակայն հետագայում դրա գործածումը դադարեցրել է: Երևանում գտնվելու ժամանակ պատահական հանդիպել է իր մանկության ընկերոջը` Հայկին, որի հետ զրույցի ընթացքում իմացել է, որ Հայկը գործածում է ՙափիոն՚ տեսակի թմրամիջոց:
2011թ. հունվարի 1-ին, գտնվելով ալկոհոլի ազդեցության տակ, իր` 098-73-05-39 բջջային համարից զանգել է Հայկի` 094-86-94-76 հեռախոսահամարին, որից խնդրել է ափիոն տեսակի թմրամիջոց: Նույն օրը Հայկին հանդիպել է Երևան քաղաքի Սեբաստիա և Տիչինա փողոցների խաչմերուկում, որտեղ Հայկից վերցրել է 0,5 գրամ ՙափիոն՚ տեսակի թմրամիջոց և 0,5 մլ քացախաթթվի անհիդրիդ, որը նույն օրը ներարկման եղանակով գործածել է: Այնուհետև` 2011թ. հունվարի 24-ին, կրկին ցանկություն է ունեցել ՙափիոն՚ օգտագործելու, որի համար էլ զանգել է Հայկին և նրա հետ հանդիպել Սեբաստիա փողոցի վրա, որտեղ Հայկն իրեն հյուրասիրել է 0,5 գրամ ՙափիոն՚ տեսակի թմրամիջոց և 0,5 մլ. քացախաթթվի անհիդրիդ, որը նույն օրը ներարկման եղանակով գործածել է:
Դրա հաջորդ օրը` 2011թ. հունվարի 25-ին, կրկին զանգահարել և Մարզահամերգային համալիրի դիմաց հանդիպել է Հայկին, որից վերցրել է 0,5 գրամ ՙափիոն՚ տեսակի թմրամիջոց և 0,5 մլ քացախաթթվի անհիդրիդ: Սակայն նույն օրը ոստիկանության աշխատակիցների կողմից բերման է ենթարկվել ոստիկանության Երևան քաղաքի վարչություն, որտեղ անձնական խուզարկությամբ իր մոտից հայտնաբերվել են Հայկից գնած ափիոնը և անհիդրիդը:
Նույնը պնդել է Հայկ Բաբայանի հետ առերես հարցաքննության ժամանակ:

Հատոր 1-ին, գ.թ. - 67-69, 79-80, 113, 206-207, 318
Հատոր 2-րդ, գ.թ. -72, 119

Ներսես Առաքելյանին անձնական խուզարկության ենթարկելու մասին արձանագրությամբ, համաձայն որի վերջինիս մոտից` տաբատի ձախ գրպանից, հայտնաբերվել է սպիտակ պոլիէթիլենային տոպրակի մեջ փաթաթված, ՙափիոնին՚ նմանվող մուգ շագանակագույն` 0,5 գրամ քաշով զանգված, իսկ աջ գրպանից` ներարկիչ, դրանում լցված 3մլ. ՙքացախաթթվի անհիդրիդին՚ նմանվող թափանցիկ հեղուկով:
Ըստ Ներսես Առաքելյանի բանավոր հայտարարության, իր մոտից հայտնաբերված մուգ շագանակագույն զանգվածը հանդիսանում է ՙափիոն՚ տեսակի թմրամիջոց, իսկ ներարկիչի մեջ լցված թափանցիկ հեղուկը` քացախաթթվի անհիդրիդ, որը ձեռք է բերել իր ընկերոջից` Հայկից:

Հատոր 1-ին, գ.թ. 6

Հայկ Բաբայանին անձնական խուզարկության ենթարկելու մասին արձանագրությամբ, համաձայն որի վերջինիս մոտից` բաճկոնի ծոցագրպանից, հայտնաբերվել է սպիտակ պոլիէթիլենային տոպրակի մեջ փաթաթված, ՙափիոնին՚ նմանվող մուգ շագանակագույն` 0,5 գրամ քաշով զանգված:

Հատոր 1-ին, գ.թ. 14

Սերգեյ Մանուկյանին անձնական խուզարկության ենթարկելու մասին արձանագրությամբ, համաձայն որի նրա մոտից հայտնաբերվել և առգրավվել են մոտ 4,8 և 6,5 գրամ քաշերով ՙափիոն՚ տեսակի թմրամիջոցին նմանվող զանգվածներ, մոտ 3մլ. ծավալով ՙքացախաթթվի անհիդրիդին՚ նմանվող թափանցիկ հեղուկով լցված ներարկիչ, մեկ հատ ՙAMPUT՚ տեսակի էլեկտրական կշեռք:
Ըստ Ս.Մանուկյանի բանավոր հայտարարության` իր մոտից հայտնաբերված մուգ շագանակագույն զանգվածը հանդիսանում է ՙափիոն՚ տեսակի թմրամիջոց, իսկ ներարկիչի մեջ լցված թափանցիկ հեղուկը` քացախաթթվի անհիդրիդ:

Հատոր 1-ին, գ.թ. -26-27

Դատաքիմիական փորձաքննության թիվ 23ք եզրակացությամբ, համաձայն որի Հայկ Բաբայանի մոտից անձնական խուզարկությամբ հայտնաբերված և փորձաքննության ներկայացված 0,48 գրամ հաստատուն քաշով մուգ շագանակագույն նյութը հանդիսանում է ափիոն տեսակի թմրամիջոց:
Հատոր 1-ին, գ.թ. -39
Դատաքիմիական փորձաքննության թիվ 22ք եզրակացությամբ, համաձայն որի Ներսես Առաքելյանի մոտից անձնական խուզարկությամբ հայտնաբերված և փորձաքննության ներկայացված 0,45 գրամ հաստատուն քաշով մուգ շագանակագույն նյութը հանդիսանում է ափիոն տեսակի թմրամիջոց, իսկ 0,5մլ. ծավալով հեղուկ նյութը հանդիսանում է քացախաթթվի անհիդրիդ:

Հատոր 1-ին, գ.թ. -40-42

Դատաքիմիական փորձաքննության թիվ 24ք եզրակացությամբ, համաձայն որի Սերգեյ Մանուկյանի մոտից անձնական խուզարկությամբ հայտնաբերված և փորձաքննության ներկայացված ընդհանուր` 9,89 գրամ /4,29 գրամ և 5,6 գրամ/ հաստատուն քաշով նյութը հանդիսանում է ափիոն տեսակի թմրամիջոց, իսկ 2,8մլ. ծավալով հեղուկ նյութը հանդիսանում է քացախաթթվի անհիդրիդ:

Հատոր 1-ին, գ.թ. - 83-85

Սերգեյ Մանուկյանի վարձակալած բնակարանում կատարված խուզարկության արձանագրությամբ, համաձայն որի հայտնաբերվել և առգրավվել են մեկ հատ խոհանոցային շերեփ, մուգ շագանակագույն հետքերով բամբակյա խծուծներ, մեկ հատ ՙРапира՚ տեսակի ածելի, երկու հատ` 12մլ. և 6 մլ. չափի ներարկիչներ` արյան և մուգ գույնի հեղուկի հետքերով:

Հատոր 1-ին, գ.թ. - 198-199

Տոքսիկոքիմիական փոձաքննության թիվ 11-0133 եզրակացությամբ, համաձայն որի` Ներսես Առաքելյանից վերցված մեզի փորձանմուշում հայտնաբերվել են ափիոնի խմբին պատկանող թմրամիջոցի թմրալկալոիդներ:

Հատոր 1-ին, գ.թ. -216-220

Տոքսիկոքիմիական փոձաքննության թիվ 11-0134 եզրակացությամբ, համաձայն որի` Հայկ Բաբայանից վերցված մեզի փորձանմուշում հայտնաբերվել են ափիոնի խմբին պատկանող թմրամիջոցի թմրալկալոիդներ:

Հատոր 1-ին, գ.թ. -221-225

Տոքսիկոքիմիական փոձաքննության թիվ 11-0135 եզրակացությամբ, համաձայն որի` Սերգեյ Մանուկյանից վերցված մեզի փորձանմուշում հայտնաբերվել են ափիոնի խմբին պատկանող թմրամիջոցի թմրալկալոիդներ:

Հատոր 1-ին, գ.թ. - 226-230

Տոքսիկոքիմիական փոձաքննության թիվ 11-0145 եզրակացությամբ, համաձայն որի` Արգիշտ Մովսիսյանից վերցված մեզի փորձանմուշում հայտնաբերվել են ափիոնի խմբին պատկանող թմրամիջոցի թմրալկալոիդներ:

Հատոր 1-ին, գ.թ. 231-236

Դատաքիմիական փորձաքննության թիվ 33ք եզրակացությամբ, համաձայն որի Սերգեյ Մանուկյանի անձնական խուզարկությամբ հայտնաբերված և փորձաքննության ներկայացված ՙAMPUT՚ տեսակի էլեկտրական կշեռքի նժարների վրա հայտնաբերվել են ՙափիոն՚ տեսակի թմրամիջոցի հետքեր:
Սերգեյ Մանուկյանի բնակարանի խուզարկությամբ հայտնաբերված և փորձաքննության ներկայացված մետաղական շերեփում և ներարկիչներում հայտնաբերվել են ացետիլացված ափիոն տեսակի թմրամիջոցի հետքեր, իսկ մուգ շագանակագույն հետքերով բամբակյա խծուծներից առանձնացված 0,11 գրամ քաշով նյութը հանդիսանում է ՙացետիլացված ափիոն՚ տեսակի թմրամիջոց:

Հատոր 1-ին, գ.թ. -258-260

Դատանարկոլոգիական փորձաքննության թիվ 027-11 եզրակացությամբ, համաձայն որի` Սերգեյ Համազասպի Մանուկյանը տառապում է ՙափիոնային թմրամոլություն՚ ախտորոշմամբ, ունի հարկադիր բուժման կարիք, որի համար հակացուցումներ չկան:

Հատոր 1-ին, գ.թ. -276-277

Դատանարկոլոգիական փորձաքննության թիվ 029-11 եզրակացությամբ, համաձայն որի` Հայկ Ռուբենի Բաբայանը տառապում է ՙափիոնային թմրամոլություն՚ ախտորոշմամբ, ունի հարկադիր բուժման կարիք, որի համար հակացուցումներ չկան:

Հատոր 1-ին, գ.թ. -278-279

Դատանարկոլոգիական փորձաքննության թիվ 028-11 եզրակացությամբ, համաձայն որի` Արգիշտ Սերյոժայի Մովսիսյանը տառապում է ՙափիոնային թմրամոլություն՚ ախտորոշմամբ, ունի հարկադիր բուժման կարիք, որի համար հակացուցումներ չկան:

Հատոր 1-ին, գ.թ. -280-281

Ամբաստանյալներ` Հայկ Բաբայանի, Արգիշտ Մովիսյանի, Սերգեյ Մանուկյանի և Ներսես Առաքելյանի հեռախոսազանգերի վերծանումները զննելու մասին արձանագրությամբ, համաձայն որի` մեղադրյալ Ս.Մանուկյանն ՙափիոն՚ տեսակի թմրամիջոց ձեռք բերելու նպատակով իր` 077-53-83-17 հեռախոսահամարից 2010 թվականի դեկտեմբեր ամսից մինչև 2011թվականի հունվարի 25-ին ընկած ժամանակահատվածում Արգիշտ Մովսիսյանի հետ պայմանավորվելու և հանդիպելու նպատակով բազմաթիվ մուտքային-ելքային զանգեր է կատարել նրա` 098-81-72-51 համարին: Իսկ մեղադրյալ Հ.Բաբայանի` 094-86-94-76 հեռախոսահամարի վերծանումների զննությամբ պարզվել է, որ վերջինս բազմաթիվ մուտքային-ելքայի զանգեր է կատարել Ն.Առաքելյանի` 098-73-05-39 համարին, ինչը հաստատում է, թե Հայկ Բաբայանի և, թե Ներսես Առաքելյանի ցուցմուքնների հավաստիությունն այն մասին, որ թմրամիջոց ձեռք բերելու-իրացնելու նպատակով վերջիններս նշված համարներից զանգահարել են միմյանց և հանդիպել:

Հատոր 1-ին, գ.թ. -302-315

Ապացույց ճանաչված այլ փաստաթղթերով` Սերգեյ Մանուկյանին, Հայկ Բաբայանին, Ներսես Առաքելյանին և Արգիշտ Մովսիսյանին բերման և անձնական խուզարկության ենթարկելու, նրանցից բացատրություն վերցնելու արձանագրություններով:

Հատոր 2-րդ, գ.թ. -133-134

Իրեղեն ապացույց ճանաչված ՙAMPUT՚ տեսակի էլեկտրական կշեռքով, խոհանոցային շերեփով, ՙРапира՚ տեսակի ածելիով, ներարկիչներով, ընդհանուր` 10,52 գրամ ՙափիոն՚ տեսակի թմրամիջոցով, 0,06 գրամ ացետիլացված ՚ափիոնՙ տեսակի թմրամիջոցով և 2,2 մլ. ՙքացախաթթվի անհիդրիդով՚:

Հատոր 2-րդ, գ.թ. -137-138

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Արգիշտ Մովսիսյանին առաջադրված մեղադրանքը` ՀՀ քրեական օրենսգրքի 266-րդ հոդվածի 3-րդ մասի 2-րդ կետի, Հայկ Բաբայանին առաջադրված մեղադրանքը` ՀՀ քրեական օրենսգրքի 268-րդ հոդվածի 3-րդ, 266-րդ հոդվածի 1-ին և 266-րդ հոդվածի 4-րդ մասերի, Սերգեյ Մանուկայնին առաջադրված մեղադրանքը` ՀՀ քրեական օրենսգրքի 268-րդ հոդվածի 3-րդ և 266-րդ հոդվածի 4-րդ մասերի հատկանիշներով նախատեսված հանցանքներ կատարելու մեջ ապացուցված է, որի համար նրանք ենթակա են քրեական պատասխանատվության և պատժի:

Պատիժ նշանակելիս դատարանը հաշվի է առնում կատարած արարքի բնույթն ու հանրության համար վտանգավորության աստիճանը, ինչպես նաև ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:

Ամբաստանյալ Արգիշտ Մովսիսյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը չի արձանագրել:
Դատարանը Ա.Մովսիսյանի պատասխանատվությունն ու պատիժը ծանրացնող հանգամանք է դիտում հանցագործության ռեցիդիվը:

Ամբաստանյալ Հայկ Բաբայանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա իրեն մասնակիորեն մեղավոր է ճանաչել և անկեղծորեն զղջացել կատարած արարքի համար:
Հ.Բաբայանի պատասխանատվությունն ու պատիժը ծանրացնող հանգամանք դատարանը չի արձանագրել:

Ամբաստանյալ Սերգեյ Մանուկյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա իրեն լիովին մեղավոր է ճանաչել և անկեղծորեն զղջացել է կատարած արարքի համար:

Ս.Մանուկյանի պատասխանատվությունը և պատիժը ծանրացնող հանգամանք դատարանը չի արձանագրել:
Դատարանը գտնում է, որ ամբաստանյալներ Արգիշտ Մովսիսյանի, Սերգեյ Մանուկյանի և Հայկ Բաբայանի գույքի վրա դրված կալանքը պետք է թողնել անփոփոխ` գույքի բռնագրավումը և դատական ծախսերի հատուցումն ապահովելու համար:

Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց հանդիսացող ՙAMPUT՚ տեսակի էլեկտրական կշեռքը, խոհանոցային շերեփը, ՙՀՈտՌՐՈ՚ տեսակի ածելին, ներարկիչները, ընդհանուր` 10,52 գրամ ՙափիոն՚ տեսակի թմրամիջոցը, 0,06 գրամ ացետիլացված ՙափիոն՚ տեսակի թմրամիջոցը և 2,2 մլ ՙքացախաթթվի անհիդրիդ՚-ը, պետք է ոչնչացնել:

Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-րդ, 373-րդ, 379-րդ հոդվածներով, դատարանը

Վ Ճ Ռ Ե Ց

Արգիշտ Սերյոժայի Մովսիսյանին մեղավոր ճանաչել ՀՀ քրեական օրենսգրքի 266-րդ հոդվածի 3-րդ մասի 2-րդ կետով և նրա նկատմամբ պատիժ նշանակել ազատազրկում 8 /ութ/ տարի ժամկետով` գույքի 1/3-ի բռնագրավմամբ:
Պատժի սկիզբը հաշվել 2011 թվականի հունվարի 26-ից:
Արգիշտ Մովսիսյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնեը:
ՀՀ քրեական օրենսգրքի 97-րդ հոդվածի կարգով Արգիշտ Մովսիսյանի նկատմամբ նշանակել ափիոնային թմրամոլության դեմ բժշկական բնույթի հարկադրանքի միջոց:

Հայկ Ռուբենի Բաբայանին մեղավոր ճանաչել ՀՀ քրեական օրենսգրքի 268-րդ հոդվածի 3-րդ մասով, 266-րդ հոդվածի 1-ին մասով և 266-րդ հոդվածի 4-րդ մասով:
ՀՀ քրեական օրենսգրքի 268-րդ հոդվածի 3-րդ մասով նրա նկատմամբ պատիժ նշանակել ազատազրկում 2 /երկու/ տարի 6 /ամիս/ ժամկետով:
ՀՀ քրեական օրենսգրքի 266-րդ հոդվածի 1-ին մասով պատիժ նշանակել ազատազրկում 3 /երեք/ տարի 6 /վեց/ ամիս ժամկետով:
ՀՀ քրեական օրենսգրքի 266-րդ հոդվածի 4-րդ մասով պատիժ նշանակել տուգանք` 100.000 /հարյուր հազար/ դրամի չափով:
ՀՀ քրեական օրենսգրքի 66-րդ և 68-րդ հոդվածների կանոններով, պատիժները մասնակի գումարելու միջոցով Հայկ Ռուբենի Բաբայանի նկատմամբ վերջնական պատիժ նշանակել ազատազրկում 4 /չորս/ տարի ժամկետով և տուգանք` 100.000 /հարյուր հազար/ դրամի չափով:
Պատժի սկիզբը հաշվել 2011 թվականի հունվարի 25-ից:
Հայկ Բաբայանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնեը:
ՀՀ քրեական օրենսգրքի 97-րդ հոդվածի կարգով Հայկ Բաբայանի նկատմամբ նշանակել ափիոնային թմրամոլության դեմ բժշկական բնույթի հարկադրանքի միջոց:

Սերգեյ Համազասպի Մովսիսյանին մեղավոր ճանաչել ՀՀ քրեական օրենսգրքի 268-րդ հոդվածի 3-րդ մասով և 266-րդ հոդվածի 4-րդ մասով:
ՀՀ քրեական օրենսգրքի 268-րդ հոդվածի 3-րդ մասով նրա նկատմամբ պատիժ նշանակել ազատազրկում 3 /երեք/ տարի 6 /վեց/ ամիս ժամկետով:
ՀՀ քրեական օրենսգրքի 266-րդ հոդվածի 4-րդ մասով պատիժ նշանակել տուգանք` 100.000 /հարյուր հազար/ դրամի չափով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 3-րդ ենթակետը և նրան ազատել տուգանքի ձևով նշանակված պատժից:
Պատժի սկիզբը հաշվել 2011 թվականի հունվարի 25-ից:
Սերգեյ Մանուկյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնեը:
ՀՀ քրեական օրենսգրքի 97-րդ հոդվածի կարգով Սերգեյ Մանուկյանի նկատմամբ նշանակել ափիոնային թմրամոլության դեմ բժշկական բնույթի հարկադրանքի միջոց:

Պատիժը պետք է կրեն ՀՀ ԱՆ համապատասխան քրեակատարողական հիմնարկում:

Արգիշտ Մովսիսյանի, Սերգեյ Մանուկյանի և Հայկ Բաբայանի գույքի վրա դրված կալանքը թողնել անփոփոխ` գույքի բռնագրավումը և դատական ծախսերի հատուցումն ապահովելու համար:

Իրեղեն ապացույց հանդիսացող ՙAMPUT՚ տեսակի էլեկտրական կշեռքը, խոհանոցային շերեփը, ՙՀՈտՌՐՈ՚ տեսակի ածելին, ներարկիչները, ընդհանուր` 10,52 գրամ ՙափիոն՚ տեսակի թմրամիջոցը, 0,06 գրամ ացետիլացված ՙափիոն՚ տեսակի թմրամիջոցը և 2,2 մլ ՙքացախաթթվի անհիդրիդ՚-ը, ոչնչացնել:

Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: