ԵԱՔԴ/0078/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ն.Ղազարյան
մեղադրող Ա. Աղայան
պաշտպան Մ. Վասակյան
տուժողի ներկայացուցիչ Հ. Գրիգորյան


2011 թվականի հուլիսի 18-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Հայկ Վարդգեսի Հայրապետյանի, ծնված 07.02.1981թ., Էջմիածին քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անձ, չի աշխատել, նախկինում դատված` Արմավիրի մարզի առաջին ատյանի դատարանի 17.11.2009թ. դատավճռով ՀՀ քրեական օրենսգրքի 361 հոդվածի 3-րդ մասով դատապարտվել է ազատազրկման 3 ամիս ժամկետով, ազատվել է 17.02.2010թ.-ին` պատիժը լրիվ կրելու հետևանքով, դատվածությունը չմարված, հաշվառված և բնակվել է Էջմիածին քաղաքի Մաշտոցի փողոցի 64 շենքի թիվ 37 բնակարանում, մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով, արգելանքի տակ է 2011 թվականի ապրիլի 9-ից,

Պ Ա Ր Զ Ե Ց
1.Գործի դատավարական նախապատմությունը.
2011թ. ապրիլի 9-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 177 հոդվածի 2-րդ մասի 1-ին կետով նախատեսված հանցագործության հատկանիշներով հարուցվել է թիվ 14109211 քրեական գործը:
2011թ. ապրիլի 12-ին Սոս Աշոտի Եսայանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով, նրա նկատմամբ որպես խափանման միջոց կիրառվել է կալանավորումը:
2011թ. ապրիլի 12-ին Հայկ Վարդգեսի Հայրապետյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով, նրա նկատմամբ որպես խափանման միջոց կիրառվել է կալանավորումը:
2011թ. հունիսի 6-ին Սոս Աշոտի Եսայանին առաջադրված մեղադրանքը փոփոխվել և նրան կրկին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով:
2011թ. հունիսի 6-ին Հայկ Վարդգեսի Հայրապետյանին առաջադրված մեղադրանքը փոփոխվել և նրան կրկին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով:
2011թ. հունիսի 7-ի որոշմամբ Սոս Աշոտի Եսայանի նկատմամբ քրեական հետապնդումը դադարեցվել է` 2011 թվականի մայիսի 26-ին ՀՀ ԱԺ կողմից ընդունված համաներում հայտարարելու մասին որոշման կիրառմամբ:
2011թ. հունիսի 7-ին Սոս Աշոտի Եսայանի նկատմամբ ընտրված խափանման միջոց կալանավորումը վերացվել է:
2011թ. հունիսի 9-ին թիվ 14109211 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Հայկ Վարդգեսի Հայրապետյանին մեղադրանք է առաջադրել այն արարքի համար, որ նա 2011 թվականի մարտի կեսերին, ժամը 2300-ի սահմաններում, Սոս Աշոտի Եսայանի հետ ուրիշի գույքի գաղտնի հափշտակություն կատարելու վերաբերյալ նախնական համաձայնության գալով, գնացել են Երևան քաղաքի Արաբկիր 41 և 43 փողոցները միացնող ճանապարհի մոտ, որտեղ բացելով հարևանությամբ տեղակայված դիտահորերը, կտրել այնտեղով անցնող` ՙԱրմենՏել՚ ՓԲ ընկերությանը պատկանող, 1,5 մետր հեռահաղորդակցության մալուխները և հափշտակել դրանք` ընկերությանը պատճառելով զգալի չափի` 15.000 ՀՀ դրամի գույքային վնաս:
Բացի այդ, Հայկ Հայրապետյանը կրկին անգամ, ուրիշի գույքի գաղտնի հափշտակություն կատարելու վերաբերյալ Սոս Եսայանի հետ նախնական համաձայնության գալով, 2011 թվականի ապրիլի 9-ին, գիշերը ժամը 0100-ի սահմաններում, գնացել են նախկին հափշտակության դեպքի վայր և նույն տեղից, նմանատիպ եղանակով հափշտակել ՙԱրմենՏել՚ ՓԲ ընկերությանը պատկանող 43 մետր հեռահաղորդակցության մալուխները` ընկերությանը պատճառելով զգալի չափի` 430.000 ՀՀ դրամի գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Հայկ Վարդգեսի Հայրապետյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատեց նաև ամբաստանյալի պաշտպան Մ.Վասակյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Տուժողի ներկայացուցիչ Հ.Գրիգորյանը նույնպես արագացված քննություն կիրառելուն չառարկեց, հայտնելով նաև, որ ամբաստանյալից որևէ նյութական պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հայկ Վարդգեսի Հայրապետյանին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 1-ին կետի հատկանիշներին և արարքի որակումը ճիշտ է:
Ամբաստանյալ Հայկ Հայրապետյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, խնամքին են գտնվում մինչև 14 տարեկան երկու երեխան (Անգելինա Հայկի Հայրապետյան` ծնված 24.02.2004թ. և Վարդգես Հայկ Հայրապետյան` ծնված 09.11.2005թ.), բնութագրվում է դրական, նախնական քննության ընթացքում հատուցել է հանցագործությամբ պատճառված վնասը:
Դատարանը որպես ամբաստանյալի պատասխանատվությունը և պատիժը ծանրացնող հանգամանք է դիտում հանցանք կատարելու ռեցիդիվը:
Կատարած արարքի համար ամբաստանյալ Հայկ Վարդգեսի Հայրապետյանը ենթակա է քրեական պատասխանատվության և պատժի:
Հաշվի առնելով Հայկ Վարդգեսի Հայրապետյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Հայկ Հայրապետյանի նկատմամբ ՀՀ քրեական օրենսգրքի 177 հոդվածի 2-րդ մասի 1-ին կետով կատարած արարքի համար պատիժ պետք է նշանակել ազատազրկման ձևով:
ՀՀ Ազգային ժողովի 2011 թվականի մայիսի 26-ի ՙՀամաներում հայտարարելու մասին՚ որոշման 15-րդ կետի համաձայն, ՙՀամաներում հայտարարելու մասին՚ որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Հայկ Վարդգեսի Հայրապետյանը հանրորեն վտանգավոր վերջին արարքը կատարել է 2011 թվականի ապրիլին:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ Հայկ Վարդգեսի Հայրապետյանի նկատմամբ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալ Հայկ Թաթուլի Կիրակոսյանի նկատմամբ կիրառելի է ՀՀ Ազգային Ժողովի 2011 թվականի մայիսի 26-ի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը, համաձայն որի պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց:
Դատարանը գտնում է, որ տուժող ՙԱրմենՏել՚ ՓԲ ընկերության քաղաքացիական հայցի հարցը պետք է համարել լուծված, քանի որ դատական քննության ժամանակ տուժողի ներկայացուցիչը հայտնել է, որ պատճառված նյութական վնասը վերականգնվել է և ամբաստանյալից որևէ նյութական պահանջ չունի:
Անդրադառնալով իրեղեն ապացույցների տնօրինման հարցին, դատարանը գտնում է, որ 2011թ. հունիսի 8-ի որոշմամբ իրեղեն ապացույց ճանաչված և Սոս Աշոտի Եսայանին ի պահ հանձնված` ՙՈւԱԶ՚ մակնիշի 26 ԼՏ 814 պետհամարանիշի ավտոմեքենան պետք է վերադարձնել սեփականատիրոջը` Գևորգ Ջարտիկյանին: Վնասված հեռահաղորդակցության մալուխները պետք է վերադարձնել ՙԱրմենՏել՚ ՓԲ ընկերությանը, իսկ երկու հատ կացինը, մուրճը, սղոցը, դանակը և մետաղյա ձողը պետք է ոչնչացնել:
2011թ. հունիսի 8-ի որոշմամբ ապացույց ճանաչված` գործով այլ փաստաթղթեր հանդիսացող 2011 թվականի ապրիլի 9-ին ՀՀ ոստիկանության Արաբկիրի բաժնի հետաքննական բաժանմունքի աշխատակցի կողմից Երևանի Արաբկիր 43 փողոցի դեպքի վայրի զննության արձանագրությունը, նույն օրը Ս.Եսայանի բնակության վայր հանդիսացող Երևանի Արաբկիր 17 փողոցի 17 տան զննության մասին կազմված արձանագրությունը, ՀՀ ոստիկանության Վաղարշապատի բաժնի աշխատակցի կողմից կազմված Արմավիրի մարզի Էջմիածին քաղաքի Մարգարայի խճուղում տեղակայված արտադրամասի բակի զննության արձանագրությունը, պետք է պահել քրեական գործի հետ միասին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Հայկ Վարդգեսի Հայրապետյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով և նրան դատապարտել ազատազրկման երկու (2) տարի վեց (6) ամիս ժամկետով:
Կիրառել ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 1-ին կետի 1-ին ենթակետը և Հայկ Վարդգեսի Հայրապետյանին ազատել պատժի կրումից:
Հայկ Վարդգեսի Հայրապետյանի նկատմամբ ընտրված խափանման միջոցը` կալանավորումը, վերացնել:
Հայկ Վարդգեսի Հայրապետյանին անհապաղ ազատել կալանքից:
Տուժող ՙԱրմենՏել՚ ՓԲ ընկերության քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո 2011թ. հունիսի 8-ի որոշմամբ իրեղեն ապացույց ճանաչված և Սոս Աշոտի Եսայանին ի պահ հանձնված` ՙՈւԱԶ՚ մակնիշի 26 ԼՏ 814 պետհամարանիշի ավտոմեքենան վերադարձնել սեփականատիրոջը` Գևորգ Ջարտիկյանին: Վնասված հեռահաղորդակցության մալուխները վերադարձնել ՙԱրմենՏել՚ ՓԲ ընկերությանը, երկու հատ կացինը, մուրճը, սղոցը, դանակը և մետաղյա ձողը ոչնչացնել:
Ապացույց ճանաչված այլ փաստաթղթեր հանդիսացող 2011 թվականի ապրիլի 9-ին ՀՀ ոստիկանության Արաբկիրի բաժնի հետաքննական բաժանմունքի աշխատակցի կողմից Երևանի Արաբկիր 43 փողոցի դեպքի վայրի զննության արձանագրությունը, նույն օրը Ս.Եսայանի բնակության վայր հանդիսացող Երևանի Արաբկիր 17 փողոցի 17 տան զննության մասին կազմված արձանագրությունը, ՀՀ ոստիկանության Վաղարշապատի բաժնի աշխատակցի կողմից կազմված Արմավիրի մարզի Էջմիածին քաղաքի Մարգարայի խճուղում տեղակայված արտադրամասի բակի զննության արձանագրությունը, պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ