Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե.Կարապետյան
մեղադրող Ա. Աղայան
պաշտպան Է. Վարդանյան

2011 թվականի հունիսի 17-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Ռոբերտ Լավրենտի Սարգսյանի, ծնված 01.08.1989թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, չի աշխատել, նախկինում չդատված, հաշվառված է Երևան քաղաքի Անդրանիկի փողոցի 130 շենքի թիվ 37 բնակարանում, բնակվել է Երևան քաղաքի Արարատյան 1-ին զանգվածի 12 շենքի թիվ 20 բնակարանում, մեղադրվում է ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, արգելանքի տակ է 2011թ. ապրիլի 22-ից,

Պ Ա Ր Զ Ե Ց
1.Գործի դատավարական նախապատմությունը.
2010թ. հոկտեմբերի 24-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով հարուցվել է թիվ 14130210 քրեական գործը:
2010թ. հոկտեմբերի 26-ին Լյուդվիգ Աղաբեկի Սարգսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, նրա նկատմամբ որպես խափանման միջոց ընտրվել է կալանավորումը:
2010թ. նոյեմբերի 1-ին Ռոբերտ Լավրենտի Սարգսյանը ներգրավվել է որպես մեղադրյալ` ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, որպես խափանման միջոց ընտրվել է կալանավորումը և հայտարարվել հետախուզում:
2010թ. դեկտեմբերի 8-ին Ռոբերտ Լավրենտի Սարգսյանին առաջադրված մեղադրանքը փոփոխվել, լրացվել և նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, ընտրված խափանման միջոցը թողնվել է անփոփոխ:
2010թ. դեկտեմբերի 9-ին նախնական քննության մարմնի որոշմամբ Ռոբերտ Սարգսյանի կողմից ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերի հատկանիշներով հանցագործություն` մի խումբ անձանց կողմից բնակարան ապօրինի մուտք գործելու միջոցով գողության փորձ կատարելու վերաբերյալ թիվ 14130210 քրեական գործից մասն անջատվել և անջատված մասին շնորհվել է թիվ 14133510 համարը:
2010թ. դեկտեմբերի 10-ին Լյուդվիգ Աղաբեկի Սարգսյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, ընտրված խափանման միջոցը թողնվել է անփոփոխ:
2010թ. դեկտեմբերի 16-ին թիվ 14130210 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2011թ. փետրվարի 9-ի դատավճռով Լյուդվիգ Աղաբեկի Սարգսյանը դատապարտվել է ազատազրկման:
2011թ. ապրիլի 22-ին Ռոբերտ Լավրենտի Սարգսյանը հայտնաբերվել է և ներկայացվել Արաբկիրի քննչական բաժին, նրան մեղադրանք է առաջադրվել և նրա նկատմամբ որպես խափանման միջոց ընտրված կալանավորումը վերահաստատվել է:
2011թ. ապրիլի 29-ին թիվ 14133510 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարան:
2.Գործի փաստական հանգամանքները.
Նախնական քննության մարմինն ամբաստանյալ Ռոբերտ Լավրենտի Սարգսյանին մեղադրանք է առաջադրել հետևյալ արարքի համար.
Ռոբերտ Լավրենտի Սարգսյանը և Լյուդվիգ Աղաբեկի Սարգսյանը նախապես հանցավոր համաձայնության գալով, գողություն կատարելու դիտավորությամբ 2010 թվականի հոկտեմբերի 24-ին, ժամը 0500-ի սահմաններում, տեխնիկական միջոցների գործադրմամբ բաց պատշգամբի դռան ճաղավանդակը պոկելու և ապակին կոտրելու միջոցով ապօրինի մուտք են գործել Երևան քաղաքի Ա.Խաչատրյան փողոցի 11 շենքի Արտուշ Գեորգիի Ավետիսյանին պատկանող թիվ 2-րդ բնակարան և այնտեղից գաղտնի հափշտակել են 23.000 ՀՀ դրամ ընդհանուր արժողությամբ մեկ հատ կրակայրիչ և մեկ հատ հուշանվեր դանակ, սակայն հանցագործությունն ավարտին չի հասցվել, քանի որ Լյուդվիգ Սարգսյանը բռնվել է հակաառևանգման ձայնաազդանշանային համակարգի միանալու հետևանքով դեպքի վայր ժամանած ոստիկանության աշխատակիցների կողմից, իսկ Ռոբերտ Սարգսյանը դիմել է փախուստի:
3. Արագացված դատական քննություն .
Մինչև դատաքննությունն սկսելն ամբաստանյալ Ռոբերտ Լավրենտի Սարգսյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Է.Վարդանյանը:
Մեղադրող Ա.Աղայանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռոբերտ Լավրենտի Սարգսյանին առաջադրված մեղադրանքը ՀՀ քրեական օրենսգրքի 34-177 հոդվածի 2-րդ մասի 1-ին, 3-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 34-177 հոդվածի 2-րդ մասի 1-ին, 3-րդ կետերի հատկանիշներին և արարքի որակումը ճիշտ է:
Ամբաստանյալ Ռոբերտ Սարգսյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Ռոբերտ Լավրենտի Սարգսյանը ենթակա է քրեական պատասխանատվության և պատժի:
Հաշվի առնելով Ռոբերտ Լավրենտի Սարգսյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Ռոբերտ Սարգսյանի նկատմամբ պատիժ պետք է նշանակել ազատազրկման ձևով:
Դատարանը միաժամանակ հարկ է համարում անդրադառնալ ամբաստանյալ Ռոբերտ Սարգսյանի պատժի չափի հարցին: Ամբաստանյալին մեղսագրվող հանցանքի համար ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ` ազատազրկում երկուսից հինգ տարի ժամկետով:
ՀՀ քրեական օրենսգրքի 65 հոդվածի 3-րդ մասի համաձայն հանցափորձի համար ազատազրկման ձևով պատժի ժամկետը չի կարող գերազանցել ՀՀ քրեական օրենսգրքի հատուկ մասի համապատասխան հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը: Այսինքն` տվյալ հանցագործության համար նախատեսված պատժի առավելագույն ժամկետը երեք տարի ինն ամիս ժամկետով ազատազրկումն է:
ՀՀ քրեական դատավարության օրենսգրքի 3753 հոդվածի 6-րդ մասի համաձայն դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա` առավել մեղմ պատիժը: Քանի որ տվյալ չավարտված հանցագործության համար նախատեսված պատժի առավելագույն ժամկետը ՀՀ քրեական օրենսգրքի ուժով երեք տարի ինն ամիս ժամկետով ազատազրկումն է, հետևաբար արագացված կարգ կիրառելու պայմաններում ամբաստանյալի նկատմամբ նշանակվող պատիժը չի կարող գերազանցել երկու տարի վեց ամիս ժամկետով ազատազրկումը:
ՀՀ Ազգային ժողովի 2011 թվականի մայիսի 26-ի ՙՀամաներում հայտարարելու մասին՚ որոշման 15-րդ կետի համաձայն ՙՀամաներում հայտարարելու մասին՚ որոշումը կիրառվում է այն անձանց նկատմամբ, ովքեր հանցագործություն են կատարել մինչև 2011 թվականի մայիսի 1-ը ներառյալ: Ռոբերտ Լավրենտի Սարգսյանը հանրորեն վտանգավոր արարքը կատարել է 2011 թվականի հոկտեմբերին:
Սույն քրեական գործով բացակայում են համաներման մասին հիշյալ որոշման 9-րդ կետում նշված այն սահմանափակումները, որոնք կարող են արգելք հանդիսանալ Ռոբերտ Սարգսյանի նկատմամբ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալ Ռոբերտ Լավրենտի Սարգսյանի նկատմամբ կիրառելի է ՀՀ Ազգային Ժողովի 2011 թվականի մայիսի 26-ի ՙՀայաստանի Հանրապետության անկախության հռչակման 20-րդ տարեդարձի կապակցությամբ Համաներում հայտարարելու մասին՚ որոշման 1-ին կետի 1-ին ենթակետը, համաձայն որի պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց:
Դատարանը գտնում է, որ Արտուշ Գեորգիի Ավետիսյանի քաղաքացիական հայցի հարցը պետք է համարել լուծված` քաղաքացիական հայցի պահանջ ներկայացված չլինելու պատճառաբանությամբ:
Անդրադառնալով իրեղեն ապացույցների տնօրինման հարցին, դատարանը գտնում է, որ այդ հարցը նույնպես պետք է համարել լուծված, նկատի ունենալով որ Լյուդվիգ Սարգսյանի վերաբերյալ թիվ ԵԱՔԴ/0199/01/10 (14130210) քրեական գործով իրեղեն ապացույց ճանաչված տուժող Արտուշ Գեորգիի Ավետիսյանի բնակարանից գողացված մեկ հատ կրակայրիչը և մեկ հատ հուշանվեր դանակը դատարանի 2011թ. փետրվարի 9-ի դատավճռի համաձայն վերադարձվել են Արտուշ Ավետիսյանին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Ռոբերտ Լավրենտի Սարգսյանին մեղավոր ճանաչել ՀՀ քրեական օրենսգրքի 34-177 հոդվածի 2-րդ մասի 1-ին, 3-րդ կետերով և նրան դատապարտել ազատազրկման երկու (2) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2011 թվականի մայիսի 26-ի որոշման 1-ին կետի 1-ին ենթակետը և Ռոբերտ Լավրենտի Սարգսյանին ազատել պատժի կրումից:
Ռոբերտ Լավրենտի Սարգսյանի նկատմամբ ընտրված խափանման միջոցը` կալանավորումը, փոփոխել և նրա նկատմամբ որպես խափանման միջոց ընտրել` չհեռանալու մասին ստորագրությունը, մինչև դատավճռի օրինական ուժի մեջ մտնելը:
Ռոբերտ Լավրենտի Սարգսյանին անհապաղ ազատել կալանքից:
Տուժող Արտուշ Ավետիսյանի քաղաքացիական հայցի և իրեղեն ապացույցների հարցերը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ