Գործ ԵԱՔԴ/0052/01/11









Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

20 մայիսի 2011թ. ք.Երևան


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


Նախագահությամբ` դատավոր Մ.Խաչատրյանի
Քարտուղարությամբ` Հ.Արտաշեսյանի
Մասնակցությամբ`
Մեղադրող Գ.Շահբազյանի
Պաշտպան Ս. Ասլանյանի
Տուժողի իրավահաջորդ Գ. Վարդևանյանի


Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի Գարեգին Ժուլվերի Եգոյանի ծնված 29.11.1980թ., ք.Երևան, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 1 անչափահաս երեխա, չդատված, չի աշխատում, գրանցված` ք.Երևան, Հալաբյան 61 շենք 10 բնակարանում, բնակվող` ք.Երևան Դրոյի 8 շենք, 50 բնակարանում:
Մեղադրվում է ՀՀ քրեական օրենսգրքի 112-րդ հոդվածի 2-րդ մասի 14-րդ կետով նախատեսված հանցագործության կատարման համար:
Սույն գործով կալանքի տակ է 2011 թվականի հունվարի 19-ից:
Արագացված դատական քննությամբ դատարանն ապացուցված համարեց հետևյալը.
Նախաքննության մարմինը` Գարեգին Ժուլվերի Եգոյանին ՀՀ քրեական օրենսգրքի 112-րդ հոդվածի 2-րդ մասի 14-րդ կետով մեղադրանք է առաջադրել այն բանի համար, որ նա 2011թ-ի հունվարի 10-ին, երեկոյան, Երևան քաղաքի Դրոյի 8 շենքի 50 բնակարանում, ընտանեկան հարցերի շուրջ առաջացած վիճաբանության ընթացքում, ձեռքերով և ոտքերով դիտավորությամբ հարվածել է իր հայր` Ժուլվեր Մկրտիչի Եգոյանի մարմնի տարբեր մասերին` պատճառելով առողջության ծանր վնաս, այն է. գլխի` ճակատ-գագաթային շրջանի, դեմքի, կրծքավանդակի, գոտկային շրջանի, վերին և ստորին վերջույթների բազմաթիվ քերծվածքների և արյունազեղումների, աջ ծնկահոդի սալջարդ վերքի, գլխի փափուկ հյուսվածքների ներսային մակերեսի, ուղեղի փափուկ թաղանթների, ուղեղանյութի արյունազեղումների, գլխուղեղի սալջարդի, ուղեղի փորոքներում, պլևրալ
խոռոչներում հեղուկ արյան, աջից` 4, 5, 6, 7, 8, 9, 10-րդ, ձախից` 5, 6, 7, 8 -րդ կողոսկրերի, ստորին ծնոտի, ձախ ծղիկոսկրի, աջ ճաճանչոսկրի, աջ դաստակային ոսկրերի, աջ ազդրոսկրի կոտրվածքների ձևով մարմնական վնասվածքներ, որոնք անզգուշությամբ 15.01.2011թ. առաջացրել են Ժ.Եգոյանի մահը:
Մինչև դատաքննությունն սկսելն ամբաստանյալ Գարեգին Ժուլվերի Եգոյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատեց նաև ամբաստանյալի պաշտպան Ս.Ասլանյանը:
Մեղադրող Գ.Շահբազյանը և տուժողի իրավավահաջորդ Գ. Վարդևանյանը նույնպես արագացված դատական քննության կարգի դեմ չառարկեցին:
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գարեգին Եգոյանի մեղավորությունը ՀՀ քրեական օրենսգրքի 112-րդ հոդվածի 2-րդ մասի 14-րդ կետի հատկանիշներով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Գարեգին Եգոյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա մեղայականով ներկայացել է, ընդունել է մեղքը, խնամքին է գտնվում մեկ տարեկան երեխա:
Ամբաստանյալ Գարեգին Եգոյանի պատասխանատվությունը և պատիժը ծանրացնող հանգամանք է դիտվում, որ նա հանցագործությունը կատարել է հարբած վիճակում:
Դատարանը գտնում է, որ ամբաստանյալ Գարեգին Եգոյանի նկատմամբ պետք է նշանակվի հարկադիր բուժում` ալկոհոլամոլությունից, քանզի ըստ ստացիոնար համալիր դատահոգեբուժական, դատահոգեբանական, դատաթունաբանական փորձաքննության թիվ 46 եզրակացության նա տառապում է ՙհոգեկան և վարքային խանգարումները ալկոհոլի գործածման հետևանքով: Կախվածության համախտանիշ ախտորոշմամբ՚ (F 10-2), ուստի հարկադիր բուժման կարիք ունի, որի համար հակացուցումներ չկան: (Գ.թ. 263):
Ղեկավարվելով ՀՀ քրեական դատավարության օրենսգրքի 357-360-րդ, 361-րդ, 365-րդ, 372-րդ, 373-րդ, 3753-րդ, 3754-րդ հոդվածներով դատարանը


ՎՃՌԵՑ


Գարեգին Ժուլվերի Եգոյանին մեղավոր ճանաչել ՀՀ քրեական օրենսգրքի 112-րդ հոդվածի 2-րդ մասի 14-րդ կետով նախատեսված հանցանքի կատարման համար և պատիժ նշանակել ազատազրկում 6 /վեց/ տարի ժամկետով, որը պետք է կրի ՀՀ ԱՆ քրեակատարողական համապատասխան հիմնարկում, պատժի կրման սկիզբը հաշվել 19.01.2011 թվականից:
Գարեգին Ժուլվերի Եգոյանի նկատմամբ նշանակել հարկադիր բուժում` ալկոհոլամոլությունից:
Իրեղեն ապացույց հանդիսացող մեկ զույգ կաթնագույն կոշիկները հանձնել մեղադրյալ Գարեգին Եգոյանին, իսկ մնացած իրերը` 2 վարտիքը, 2 շապիկը, վանդակավոր վերնաշապիկը, մուգ կաթնագույն վերնազգեստը /ժակետ/, կարմիր սպորտային տաբատը, սև գույնի տղամարդու վերնազգեստը, կապույտ գույնի սպորտային տաբատը, հանձնել մեղադրյալ Գարեգին Եգոյանին և տուժողի իրավահաջորդ Գևորգ Վարդևանյանին գ.թ. 78-ում եղած զննության արձանագրության համապատասխան: Արյան հետքերով 4 բինտե խծուծները` ոչնչացնել:
Մինչև դատավճռի օրինական ուժի մեջ մտնելը ընտրված խափանման միջոց կալանքը թողնել անփոփոխ:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքից, դատավարության մասնակիցների կողմից 1 /մեկ/ ամսվա ընթացքում վերաքննության կարգով կարող է բողոքարկվել ՀՀ վերաքննիչ քրեական դատարան: