ԵԱՔԴ/0051/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
քարտուղարությամբ Ե. Կարապետյանի, Ն.Ղազարյանի,
Հ. Արտաշեսյանի
մասնակցությամբ`
մեղադրող Ջ. Ֆարխոյանի
պաշտպաններ Գ. Հակոբյանի, Ա.Ջուվանովայի
տուժողի ներկայացուցիչ Տ. Երանոսյանի


2012 թվականի փետրվարի 28-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
1. Անահիտ Մաքսիմի Զաքարյանի, ծնված 1953 թվականի հունվարի 3-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, չի աշխատել, նախկինում չդատված, հաշվառված է Երևան քաղաքի, Շիրազի փողոցի 24 շենքի թիվ 50 բնակարանում, բնակվել է Երևան քաղաքի, Արցախի փողոցի 18 շենքի թիվ 101 բնակարանում, մեղադրվում է ՀՀ քրեական օրենսգրքի 179 հոդվածի 3-րդ մասի 1-ին կետով, կալանքի տակ է 2011 թվականի մարտի 23-ից,
2. Ալիսա Հրաչի Հարությունյանի, ծնված 1950 թվականի հոկտեմբերի 5-ին, Երևան քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուսնացած չէ, չի աշխատել, նախկինում չդատված, հաշվառված և բնակվել է Երևան քաղաքի Ա.Ավետիսյան փողոցի 4 շենքի թիվ 8 բնակարանում, մեղադրվում է ՀՀ քրեական օրենսգրքի 179 հոդվածի 3-րդ մասի 1-ին կետով, կալանքի տակ է 2011 թվականի մարտի 23-ից,
Պ Ա Ր Զ Ե Ց

1.Գործի դատավարական նախապատմությունը.
2011թ. հունվարի 20-ին ՀՀ գլխավոր դատախազի տեղակալի որոշմամբ ՀՀ քրեական օրենսգրքի 179 հոդվածի 3-րդ մասի 1-ին կետով նախատեսված հանցագործության հատկանիշներով հարուցվել է թիվ 69100411 քրեական գործը:
2011թ. մարտի 23-ին Անահիտ Մաքսիմի Զաքարյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով և 214 հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը:
2011թ. մարտի 23-ին Ալիսա Հրաչի Հարությունյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել կալանավորումը:
2011թ. ապրիլի 22-ին թիվ 69100411 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Երևան քաղաքի Արաբկիր և Քանաքեռ-Զեյթուն վարչական շրջանների առաջին ատյանի դատարանը 2011թ. սեպտեմբերի 14-ի որոշմամբ Անահիտ Մաքսիմի Զաքարյանի նկատմամբ ՀՀ քրեական օրենսգրքի 214 հոդվածի 1-ին մասով քրեական հետապնդումը դադարեցրել է` ՀՀ Ազգային Ժողովի ՙՀամաներում հայտարարելու մասին՚ 2011թվականի մայիսի 26-ի որոշման 6-րդ կետի 2-րդ ենթակետի համաձայն:
2.Գործի փաստական հանգամանքները.
Նախնական քննության մարմինն ամբաստանյալ Անահիտ Մաքսիմի Զաքարյանին մեղադրանք է առաջադրել այն արարքի կատարման համար, որ նա ՀՀ Նախագահի աշխատակազմի ղեկավարի թիվ ՆԿ-69-Ա հրամանով 2003թ. հուլիսի 11-ից մինչև 2010թ. նոյեմբերի 11-ն աշխատելով ՀՀ Նախագահի աշխատակազմում որպես հաշվապահական հաշվառման և ֆինանսների վարչության պետ, հանդիսանալով կազմակերպչական ու վարչատնտեսական գործառույթներ իրականացնող պաշտոնատար անձ, օժտված լինելով ՀՀ Նախագահի աշխատակազմի հաշվապահական հաշվառումը վարելու և ֆինանսական հաշվետվություններ կազմելու, ինչպես նաև աշխատակազմի ստացած նյութերի գրանցումն ու ֆինանսական կարգապահությունն ապահովելու, այսինքն` ֆինանսական կառավարում իրականացնելու լիազորություններով, օգտագործելով իր պաշտոնական դիրքը, նույն վարչության գանձապահ Ալիսա Հրաչի Հարությունյանի հետ նախնական համաձայնությամբ՝ յուրացման եղանակով, 2007թ. հունվարի 1-ից մինչև 2010թ. նոյեմբերի 1-ն ընկած ժամանակահատվածում կատարել է առանձնապես խոշոր չափի՝ 92.809.960 դրամի վառելիքի հափշտակություն: Այսպես՝
Անահիտ Զաքարյանը յուրացման եղանակով առանձնապես խոշոր չափերի հասնող գույքի հափշտակություն կատարելու դիտավորությամբ, դրա շուրջ նախնական համաձայնության գալով վառելիք մատակարարող կազմակերպություններից վառելիքի կտրոնային խմբաքանակները ստանալու և ավտոտրանսպորտային բաժնում մուտքագրելու լիազորությամբ օժտված Ալիսա Հարությունյանի հետ, վերջինիս կողմից վառելիքի մատակարարներից համապատասխան հաշիվ-ապրանքագրերով, փաստացի ավտոտրանսպորտային բաժնի կողմից պահանջված վառելիքի խմբաքանակներից ավել ստացված վառելիքի խմբաքանակներն ավտոտրանսպորտային բաժնին չհանձնելու, իսկ հաշվապահական և ֆինանսական փաստաթղթերում չմուտքագրելու կամ խեղաթյուրված տվյալներով ձևակերպելու եղանակով հափշտակել են ստացված՝ 92.809.960 դրամ ընդհանուր արժողությամբ 270.275 լիտր բենզին և դիզելային վառելիք: Այդ թվում՝ ՙՖլեշ՚ ԱՊ ընկերության կողմից 2007թ. հունվարից մինչև 2009թ. մարտ ամիսը մատակարարված ընդհանուր՝ 79.952.480 դրամ արժողությամբ 230220 լիտր, ՙՔաղ.Պետրոլ սերվիս՚ արտադրական կոոպերատիվի կողմից 2009թ. ապրիլից մինչև 2010թ. հունիս ամիսը մատակարարված ընդհանուր՝ 8.804.080 դրամ արժողությամբ 27995 լիտր, ՙՍիթի Պետրոլ գրուպ՚ ՍՊ ընկերության կողմից 2010թ. ապրիլից մինչև 2010թ. նոյեմբեր ամիսը մատակարարված ընդհանուր՝ 4.053.400 դրամ արժողությամբ 12060 լիտր բենզինի և դիզելային վառելիքի խմբաքանակներ՝ պետությանը պատճառելով առանձնապես խոշոր չափերի հասնող, ընդհանուր՝ 92.809.960 ՀՀ դրամի գույքային վնաս:
Նախնական քննության մարմինն ամբաստանյալ Ալիսա Հրաչի Հարությունյանին մեղադրանք է առաջադրել այն արարքի կատարման համար, որ նա ՀՀ Նախագահի աշխատակազմի ղեկավարի թիվ ՆԿ-69-Ա հրամանով 2003 թ. հուլիսի 11-ից մինչև 2010թ. նոյեմբերի 30-ն աշխատելով ՀՀ Նախագահի աշխատակազմում՝ որպես հաշվապահական հաշվառման և ֆինանսների վարչության գանձապահ, փաստացի իրականացնելով ՀՀ նախագահի աշխատակազմի գործերի կառավարչության ավտոտրանսպորտային բաժնի հաշվապահական գործառույթները, մասնավորապես՝ վառելիք մատակարարող կազմակերպություններից համապատասխան հաշիվ-ապրանքագրերով անձամբ ստացել է վառելիքի կտրոնային խմբաքանակները, աշխատակազմի հաշվապահական հաշվառման և ֆինանսների վարչության պետ Անահիտ Զաքարյանի հետ նախնական համաձայնությամբ, յուրացման եղանակով, 2007թ. հունվարից մինչև 2010թ. նոյեմբերի 1-ն ընկած ժամւսնակահատվածում կատարել է առանձնապես խոշոր չափի՝ 92.809.960 դրամի վառելիքի հափշտակություն:Այսպես.
Ալիսա Հարությունյանն առանձնապես խոշոր չափերի հասնող գույքի հափշտակություն կատարելու դիտավորությամբ իրեն վերապահված լիազորությունների շրջանակում, ըստ աշխատակազմի գործերի կառավարչության ավտոտրանսպորտային բաժնի պահանջարկի, վառելիք մատակարարող կազմակերպություններից դուրս գրված հաշիվ-ապրանքագրերով ստանալով իրեն վստահված բենզինի և դիզելային վառելիքի կտրոնային խմբաքանակները, Անահիտ Զաքարյանի հետ նախնական համաձայնության գալով՝ վառելիքի մատակարարներից համապատասխան հաշիվ-ապրանքագրերով փաստացի ստացել է պահանջվածից ավելի վառելիքի խմբաքանակներ, որոն|ք ավտոտրանսպորտային բաժին չհանձնելով, իսկ հաշվապահական և ֆինանսական փաստաթղթերում չմուտքագրելով, կամ խեղաթյուրված տվյալներ ձևակերպելու եղանակով, հափշտակել են ավել ստացված՝ 92.809.960 դրամ ընդհանուր արժողությամբ 270.275 լիտր բենզին և դիզելային վառելիք, այդ թվում՝ ՙՖլեշ՚ ՍՊ ընկերության կողմից 2007թ. հունվարից մինչև 2009թ. մարտ ամիսը մատակարարված ընդհանուր՝ 79.952.480 դրամ արժողությամբ 230220 լիտր, ՙՔաղ.Պետրոլ սերվիս՚ արտադրական կոոպերատիվի կողմից 2009թ. ապրիլից մինչև 2010թ. հունիս ամիսը մատակարարված ընդհանուր՝ 8.804.080 դրամ արժողությամբ 27995 լիտր, ՙՍիթի Պետրոլ գրուպ՚ ՍՊ ընկերության կողմից 2010թ. ապրիլից մինչև 2010թ. նոյեմբեր ամիսը մատակարարված ընդհանուր՝ 4.053.400 դրամ արժողությամբ 12060 լիտր բենզինի և դիզելային վառելիքի խմբաքանակներ՝ պետությանը պատճառելով առանձնապես խոշոր չափերի հասնող, ընդհանուր՝ 92.809.960 ՀՀ դրամի գույքային վնաս:
3.Ապացույցների հետազոտում.
Առաջադրված մեղադրանքում Անահիտ Զաքարյանն իրեն մեղավոր չճանաչեց: Նա ցուցմունք տվեց այն մասին, որ մասնագիտությամբ տնտեսագետ է, իր աշխատանքային գործունեությունը սկսել է 1972թ. ՀՀ ֆինանսների նախարարությունում:
1991թ. նոյեմբերից աշխատանքի է անցել ՀՀ Նախագահի աշխատակազմում, ուր աշխատել է մինչև 2010թ. նոյեմբերի 11-ը: Հաշվապահական հաշվառման և ֆինանսեների վարչության պետի պաշտոնում աշխատել է 2003թ-ից մինչև 2010թ. նոյեմբերի 11-ը: Իր պարտականությունների մեջ էր մտնում ապահովել աշխատակազմի ֆինանսավորումը, կատարված ծախսերի վճարումները:
Վառելիքի պատվիրումը, կտրոնների ստացումը, բախշումը, իր լիազորությունների շրջանակից դուրս է: Աշխատակազմում գոյություն ունի գործերի կառավարչություն: Ապրանքների, վառելիքի ձեռք բերման պատվերը տրվում է գործերի կառավարչության կողմից, որի կազմում է մտնում ավտոտնտեսությունը: Նրանց կնիքով են կնքվում թե հաշիվները, թե կտրոնները: Վառելիքը ձեռք է բերվել ամսվա սկզբին, ավտոտնտեսության տնօրենի հանձնարարությամբ: Ստացված վառելիքի մասին տեղեկատվություն ստանում էին հաջորդ ամսվա սկզբին, երբ ավտոտնտեսությունից զեկուցագրով ներկայացվում էր: Ստանալուց հետո բերվում էին հաշիվ-ապրանքագրերը` Ա.Հարությունյանի կողմից: Բոլոր գործարքները կատարվել են Ա.Հարությունյանի կողմից: Ինքը գործարքներին հետևել է համակարգչում մուտքագրված տվյալների միջոցով:
Մինչև 2009թ. ապրիլը ՀՀ նախագահի աշխատակազմին վառելիքի մատակարարումը իրականացվել է ՙՖլեշ՚ ՍՊ ընկերության կողմից` լիազորագրեր ներկայացնելու միջոցով:
Ա.Հարությունյանի միջոցով մատակարարված վառելիքի դիմաց իր կողմից վճարումները կատարվել են ամիսն ամփոփելուց հետո` հաջորդ ամսվա սկզբում: Եղել են, դեպքեր, որ ՙՖլեշ՚ ՍՊ ընկերությանը վճարումները կատարվել են կանխավճարի կարգով, որի դիմաց հաջորդ ամսվա ընթացքում մատակարարվել է համապատասխան քանակի վառելիք: Երբեք ՙՖլեշ՚ ՍՊ ընկերության կողմից ահազանգ չի եղել, որ ՀՀ Նախագահի աշխատակազմը նրանց պարտք է: Ընդ որում, աշխատակազմի հաշվապահական տվյալներով ՙՖլեշ՚ ՍՊ ընկերությունն Է 3 մլն. դրամի պարտք ունեցել աշխատակազմին:
2009թ. հունիսի սկզբներին ՙՖլեշ՚ ՍՊ ընկերության կողմից մատակարարված վառելիքի պարտք գումարի մարման վերաբերյալ ահազանգ ստանալուց հետո ինքն Ա.Հարությունյանին հանձնարարել է կատարել փոխադարձ հաշվարկ: Նույն օրն Ա.Հարությունյանն իրեն է ներկայացրել դեռևս 2009թ. փետրվարին իր անվամբ կազմված փոխադարձ հաշվարկների ակտը, որում իր ազգանվան դիմաց ստորագրությունը կեղծված Է: Համաձայն փոխադարձ ակտի, ՀՀ Նախագահի աշխատակազմի պարտքը ՙՖլեշ՚ ՍՊ ընկերության հանդեպ կազմել Է շուրջ 26,5 մլն դրամ: Փոխադարձ հաշվարկների վերաբերյալ կեղծ ակտն իրեն ներկայացնելուց հետո, Ա.Հարությունյանն ասել է, որ իրեն խաբել են: Խոստանալով վաճառել իր բնակարանը և մարել պարտքը, խնդրել է փրկել իրեն, եթե ոչ` ինքնասպան կլինի:
Նրան փրկելու, իր 39 տարվա աշխատանքը ջուրը չգցելու, իր և ապարատի անունը չհեղինակազրկելու համար, պարտքեր անելով 2009թ. ընթացքում վերականգնել է 28 մլն դրամ գումար:
ՙՖլեշ՚ ՍՊ ընկերության լիազորագրերի վրա արված են ավելացումներ: Չկա մի լիազորագիր, որի վրա ուղղում արված չլինի: Գործում առկա են շուրջ 20 լիազորագրեր, որոնց վրա իր ստորագրությունը կեղծված է:
Իրենք ունեցել են աուդիտ, ով եռամսյակը մեկ ստուգում է կատարել, եթե ինքը չի նկատել խախտումները, ապա աուդիտն ինչու չի տեսել:
2006թ. հունվարին ֆինանսների նախարարության վերահսկիչ վարչությունը ստուգել է 2003թ., 2004թ., 2005թ. գործունեությունը, 2008թ. հունվարին ստուգվել է 2006թ., 2007թ. գործունեությունը և խախտում չի հայտնաբերվել:
2009թ. ապրիլից մինչև 2010թ. նոյեմբեր ամիսն աշխատակազմը վառելիք Է ձեռք քերել ՙՔաղ.պետրոլ սերվիս՚, ՙՍիթի պետրոլ գրուպ՚ կազմակերպություններից: 2010թ. հոկտեմբեր ամսին նշված կազմակերպությունների ներկայացուցիչը կրկին պահանջել Է մարելու մատակարարված վառելիքի դիմաց գոյացած պարտքը, սակայն ինքը հրաժարվել Է՝ պարտքը հիմնավորող փաստաթղթերի բացակայության պատճառով:
Վառելիքի կտրոնները կնքվում են գործերի կառավարչության կնիքով: Հնարավոր է, որ գործընթացն արագ կազմակերպելու համար եղել են դեպքեր, որ կնիքվել են հաշվապահական հաշվառման և ֆինանսների վարչության կնիքով:
Վերջին տարում եղել են դեպքեր, երբ ՙՖլեշ՚ ՍՊԸ-ն կողմից Ա.Հարությունյանի միջոցով յուրաքանչյուր ամիս 5-10 կտրոններ են փոխանցվել իրեն` բարեխիղճ աշխատանքի համար:
Առաջադրված մեղադրանքում Ալիսա Հրաչի Հարությունյանն իրեն մեղավոր չճանաչեց և հրաժարվեց ցուցմունք տալ, չպնդեց նաև նախնական քննության ընթացքում տված ցուցմունքը:
Ալիսա Հարությունյանի նախաքննության ընթացքում տված և դատաքննության ժամանակ հետազոտված ցուցմունքի համաձայն, 1994թ.-ից մինչև 2010թ. դեկտեմբերի 5-ն ընկած ժամանակահատվածում աշխատել է ՀՀ Նախագահի աշխատակազմում, որպես հաշվապահ: Մինչև 2004թ. ավտոտրանսպորտային բաժինը հանդիսացել է առանձին միավոր, իսկ ինքը հանդիսացել է ավտոտրանսպորտային բաժնի հաշվապահը: Հետագայում, այն ՀՀ Նախագահի աշխատակազմին միավորվելուց հետո, հանդիսացել է սշխատակազմի հաշվապահական հաշվառման և ֆինանսական վարչության գանձապահը, սակայն շարունակել է իրականացնել ավտոտրանսպորտային բաժնի հաշվապահական գործառույթները: Մասնավորապես, աշխատակազմի համար վառելիք ձեռք բերելու նպատակով վարչության պետ Ա.Զաքարյանի կողմից տրված լիազորագրով, կամ` առանց լիազորագրի, ավտոտնտեսության տնօրեն Հենրիկ Բաղրամյանի հանձնարարականով վառելիք մատակարարող կազմակերպություններից համապատասխան հաշիվ-ապրանքագրով ստացել է անհրաժեշտ քանակի հեղուկ վառելիք կամ վառելիքի կտրոններ, որոնք հանձնել է ավտոտնտեսության պահեստապետ-լիցքավորող Միհրան Կանոյանին, իսկ հաշիվ-ապրանքագրով նախատեսված վառելիքի խմբաքանակի տվյալները մուտքագրել է համակարգչային հաշվապահական ծրագրում: Այնուհետև, տվյալ ամսվա ընթացքում բաշխված վառելիքի վերաբերյալ կազմել է հաշվետվություններ և ներկայացրել վարչության պետ Ա.Զաքարյանին: Վերջինս վառելիքի շարժի նկատմամբ իրականացրել է հսկողություն` համակարգչում մուտքագրված տվյալների հիման վրա: Դրանց հիման վրա էլ հանձնարարել է կատարել վճարումը` բանկային փոխանցման միջոցով:
Ա.Զաքարյանի առաջարկով, սկսած 2007 թվականից, բացի ավտոտրանսպորտային բաժնի կողմից պահանջված վառելիքի անհրաժեշտ խմբաքանակներից, վառելիք մատակարարող ՙՖլեշ՚, ՙՔաղ.պետրոլ սերվիս՚, ՙՍիթի պետրոլ գրուպ՚ կազմակերպություններից հաշիվ-ապրանքագրերով ստացել է պահանջվածից ավել կտրոնային վառելիքի խմբաքանակներ, որոնք հաշվապահությունում չի մուտքագրել: Ըստ Ա.Զաքարյանի հետ ունեցած պայմանավորվածության, չմուտքագրված վառելիքի դիմաց վճարման գործընթացը պետք է իրականացներ Ա.Զաքարյանը: Օգտվելով այն առիթից, որ ձեռք բերված վառելիքի կտրոնները համապատասխան մատակարար կազմակերպությունների բենզալցակայաններում իրացնելու և լիցքավորելու համար կտրոնների դարձերեսը կնքվել է նաև հաշվապահական հաշվառման և ֆինանսների վարչության պետ Ա.Զաքարյանի մոտ պահվող կնիքով, չմուտքագրված կտրոնները տվել է Ա.Զաքարյանին: Վերջինիս կողմից այդպիսիք կնքելուց հետո, մի մասը տվել է նրան, իսկ մի մասն էլ վերցրել և իրացրել է էժան գնով: Իր հաշվարկներով յուրաքանչյուր ամիս ձեռք է բերել և աշխատակազմում չի մուտքագրել միջին հաշվով մոտ 2000 լիտր վառելիքի կտրոններ:
2009թ. հունվարի դրությամբ, ըստ աշխատակազմի հաշապահական փաստաթղթերի, 3 մլն. դրամ ՙՖլեշ՚ ՍՊ ընկերությունը պարտք է ունեցել աշխատակազմին: Այդ ժամանակ ՙՖլեշ՚ ՍՊ ընկերությունից զանգահարել տեղեկացրել են, որ աշխատակազմի պարտքն ընկերությանը կազմել է 26 մլն. դրամ և պահանջել են մարել այդ պարտքը: Ա.Զաքարյանի հանձնարարությամբ 2009թ. փետրվարի սկզբներին, ինքը ՙՖլեշ՚ ՍՊ ընկերության հետ կազմել է փոխադարձ հաշվարկների ակտ, որի համաձայն՝ ՙՖլեշ՚ ՍՊ ընկերությանն ունեցած աշխատակազմի պարտքը կազմել է շուրջ 26 մլն. դրամ: Ակտը կազմելուց հետո, ընկերությունում դրա 2 օրինակներում ստորագրել է Ա.Զաքարյանի անվան դիմաց և ներկայացրել Ա.Զաքարյանին: Վերջինս ակտի երկու օրինակները կնքելուց հետո, ակտի մի օրինակը պահել է իր մոտ, իսկ մյուս օրինակը, կնքված վիճակում ներկայացրել է ՙՖլեշ՚ ՍՊ ընկերությանը:
Մինչև փոխադարձ ակտ կազմելը, Ա.Զաքարյանի հետ ունեցած տարբեր զրույցների ընթացքում ՙՖլեշ՚ ՍՊ ընկերությանն ունեցած պարտքի վերաբերյալ ինքն ու Ա.Զաքարյանը կարծել են, որ անընդհատ շրջանառության ընթացքում վառելիքի այդ պարտքը չի արտացոլվի: Հետագայում, 2009թ. հունիսին, Ա.Զաքարյանն սկսել է անհանգստանալ պարտքի մարման կապակցությամբ: Նույն ժամանակահատվածում Ա.Զաքարյանն իրեն ու Կարինե Դավթյանին մաս-մաս տվել է 28 մլն դրամ գումար, որն իրենց կողմից կանխիկ վճարվել է ՙՖլեշ՚ ՍՊ ընկերության հաշվին, իսկ վճարման կտրոնները ներկայացվել են Ա.Զաքարյանին:
2009թ. ապրիլից աշխատակազմը սկսել է վառելիք ձեռք բերել ՙՔաղ.պետրոլ սերվիս՚ և ՙՍիթի պետրոլ գրուպ՚ ՍՊ ընկերություներից: Այդ կազմակերպություններից վառելիքը ստացել է առանց լիազորագրի, հաշիվ-ապրանքագրերի հիման վրա և շարունակել Ա.Զաքարյանի հետ ունեցած պայմանավորվածության համաձայն ավտոտրանսպորտային բաժնի պահանջած վառելիքի խմբաքանակներից ավել վառելիքի կտրոնային խմբաքանակներ ստանալ, որոնք ևս չի մուտքագրել աշխատակազմի հաշվապահությունում, չի հանձնել ավտոտրանսպորտային բաժնին, իսկ այդ խմբաքանակների դիմաց վճարումը կազմակերպել և իրականացրել է Ա.Զաքարյանը: 2010թ. սեպտեմբեր ամսից այլևս Ա.Զաքարյանին վառելիքի կտրոններ չի տվել: 2010թ. նոյեմբերի սկզբներին աշխատակազմի ղեկավարությունը տեղեկացել է իր և Ա.Զաքարյանի գործունեության մասին և իրեն ազատել են աշխատանքից:
Ա.Հարությունյանն առաջադրված մեղադրանքում մեղավոր չի ճանաչել, քանի որ վառելիքի խմբաքանակները ստանալու և աշխատակզմի հաշվապահությունում չմուտքագրելու գործողությունները կատարել է վարչության պետ Ա.Զաքարյանի պահանջով: Ա.Հարությունյանը գործի նախաքննության ընթացքում իր ցուցմունքները պնդել է Ա.Զաքարյանին առերես:
Ա.Ջուվանովան միջնորդել է իր պաշտպանյալ Ալիսա Հարությունյանի կողմից քրեական գործով նախնական քննության ընթացքում որպես վկա տված ցուցմունքը ճանաչել անթույլատրելի ապացույց, պատճառաբանելով, որ քննիչի կողմից վերջինիս հարցաքննելիս բավարար չափով չի պարզաբանվել իր դեմ ցուցմունք չտալու վերաբերյալ նրա իրավունքը, որով խախտվել է ՀՀ քրեական դատավարության օրենսգրքի 86 հոդվածի պահանջը:
Դատարանը քննության առնելով պաշտպանի միջնորդությունը, գտնում է, որ այն ենթակա է մերժման, նկատի ունենալով, որ Ա.Հարությունյանին հարցաքննելուց առաջ քննիչի կողմից բացատրվել են ՀՀ քրեական դատավարության օրենսգրքի 86 հոդվածով նախատեսված նրա բոլոր իրավունքները, այդ թվում նաև` իրեն հանցագործության մեջ մերկացնող ցուցմունք չտալու վերաբերյալ նրա իրավունքը: Նշված հանգամանքն իր ստորագրությամբ հաստատել է Ա. Հարությունյանը (տես քր. գործ 1-ին հատոր 169 էջ):
Ամբաստանյալ Ալիսա Հարությունյանի պաշտպան Ա.Ջուվանովան գտնելով, որ ամբաստանյալի դատարանում ցուցմունք տալուց հրաժարվելու պայմաններում, ի խախտումն ՀՀ քրեական դատավարության օրենսգրքի 337 հոդվածի պահանջների, դատարանի կողմից հրապարակվել է ոչ միայն Ա.Հարությունյանի նախաքննության ընթացքում որպես մեղադրյալ, այլ նաև` որպես վկա տված ցուցմունքը: Վերոհիշյալը նկատի ունենալով, պաշտպանը միջնորդել է նշված ապացույցը ճանաչել անթույլատրելի:
Դատարանը գտնում է, որ պաշտպանի նշված միջնորդությունը բավարարվել չի կարող հետևյալ պատճառաբանությամբ.
քրեական գործի նախնական քննության ընթացքում որպես մեղադրյալ հարցաքննվելիս Ալիսա Հարությունյանը 2011թ. մարտի 23-ին տրված իր ցուցմունքում (հ.3, գ.թ. 145) բառացիորեն հայտնել է, որ դեպքի կապակցությամբ ինքը նախկինում, որպես վկա մանրամասն ցուցմունքներ է տվել, որոնք ինքն ամբողջությամբ պնդում է:
Նման պայմաններում մեղադրողը դատարանում իրավացիորեն հրապարակել է նաև Ա.Հարությունյանի նախաքննության ընթացքում որպես վկա տված ցուցմունքը, որը նույնպես հետազոտվել է դատաքննության ժամանակ:
Ա.Զաքարյանն ու Ա.Հարությունյանն առաջադրված մեղադրանքներում իրենց մեղավոր չճանաչելով, նպատակ են հետապնդում խուսափել քրեական պատասխանատվությունից:
Ամբաստանյալներին առաջադրված մեղադրանքը հիմնավորվել է քրեական գործով ձեռք բերված հետևյալ ապացույցներով.
Տուժողի և քաղաքացիական հայցվորի ներկայացուցիչ, ՀՀ Նախագահի աշխատակազմի իրավաբանական վարչության գլխավոր մասնագետ Տիգրան Հրաչի Երանոսյանի ցուցմունքով այն մասին, որ Անահիտ Զաքարյանը հանդիսացել է ՀՀ նախագահի աշխատակազմի հաշվապահական հաշվառման և ֆինանսների վարչության պետը, իսկ Ալիսա Հարությունյանը՝ նույն վարչության գանձապահը: Ըստ իր ունեցած տեղեկությունների Ա.Հարությունյանը հիմնականում զբաղվել է աշխատակազմի ավտոտրանսպորտային բաժնի հաշվապահական գործառույթներով: Համաձայն աշխատակազմի հաշվապահական հաշվառման փաստաթղթերի, 2007–2010թթ. ընթացքում« ՙՊետական գնումների գործակալություն՚ պետական ոչ առևտրային կազմակերպության հետ կնքված պայմանագրերի հիման վրա, պայմանագրով նախատեսված ժամկետներում, գնով և քանակով ՀՀ նախագահի աշխատակազմին հեղուկ վառելիք են մատակարարել ՙՖլեշ՚ ՍՊ ընկերությունը, ՙՔաղ. պետրոլ սերվիս՚ արտադրական կոոպերատիվը և ՙՍիթի պետրոլ գրուպ՚ ՍՊ ընկերությունը: Պայմանագրերի հիման վրա վառելիքը մատակարարվել է համապատասխան հաշիվ-ապրանքագրերով, ինչպես հեղուկ խմբաքանակներով, այնպես էլ կտրոնային խմբաքանակներով և ավտոտրանսպորտային բաժնի միջոցով ծախսվել աշխատակազմի տրանսպորտային միջոցների և Սևանի թերակղզու պետական ամառանոցի կարիքների համար:
2010թ. նոյեմբերին տեղեկացել է, որ ՀՀ Նախագահի աշխատակազմի ղեկավարի հանձնարարությամբ ՀՀ ֆինանսների նախարարության համապատասխան մասնագետների կողմից ՀՀ Նախագահի աշխատակազմում իրականացվել է ֆինանսատնտեսական ստուգում: Ստուգման արդյունքում խախտումներ և չարաշահումներ են հայտնաբերվել վառելիքի շարժի, ինչպես նաև աշխատակազմի դրամարկղի և աշխատակազմի արհեստակցական կազմակերպության կանխիկ դրամական միջոցների գործառույթներում: Ըստ ստուգման ակտի պարզվել է, որ վառելիք մատակարարող կազմակերպությունների կողմից ՀՀ Նախագահի աշխատակազմի անվամբ 2007-2010թթ. ընթացքում մատակարարված վառելիքի որոշ խմբաքանակներ չեն մուտքագրվել և չեն օգտագործվել նախագահի աշխատակազմում: Բացի դրանից, աշխատակազմի դրամարկղում հայտնաբերվել է 684.000 դրամ կանխիկ գումարի, իսկ արհեստակցական կազմակերպությունում՝ մոտ 1.495.000 դրամ կանխիկ գումարի պակասորդ: Մատակարարված վառելիքի հաշվապահական ձևակերպումների համար պատասխանատու էին գանձապահ Ալիսա Հարությունյանը և վարչության պետ Անահիտ Զաքարյանը: Վերջինս, ըստ ստուգման նյութերի, 2009թ. ընթացքում պարբերաբար աշխատակազմի դրամարկղից անհիմն վերցրել է մոտ 28.000.000 դրամ գումար և կանխիկ վճարել ՙՖլեշ՚ ՍՊ ընկերության հաշվարկային հաշվին՝ որպես մատակարարված վառելիքի պարտքի մարում:
Ստուգման արդյունքների հիման վրա ՀՀ գլխավոր դատախազությունում հարուցված քրեական գործով նախաքննության ընթացքում նշանակված դատահաշվապահական փորձաքննության եզրակացությունից հայտնի է դարձել, որ 2007-2010թթ. ընթացքում մատակարարներից հաշիվ-ապրանքագրերով ստացված և ՀՀ Նախագահի աշխատակազմ չմուտքագրված վառելիքի արժեքը կազմել է 92.809.960 դրամ: Նշված գումարից դեռևս 2010թ. նոյեմբերին Անահիտ Զաքարյանի կողմից աշխատակազմի դրամարկղ էր վերականգնվել 27.636.000 դրամ: Այդ վնասի վերականգնման համար Ա.Զաքարյանն օգտագործել է իր տնօրինության տակ գտնվող արհեստակցական կազմակերպության 1.495.000 դրամը, որը հետագայում նույնպես վերականգնել է՝ վճարելով արհեստակցական կազմակերպության հաշվարկային հաշվին:
ՀՀ Նախագահի աշխատակազմին և արհեստակցական կազմակերպությանը կատարված հանցագործությամբ պատճառվել է ընդհանուր՝ 94.304.360 դրամի գույքային վնաս, որից վերականգնվել է 28.330.080 դրամ, այդ թվում՝ արհեստակցական կազմակերպությանը պատճառված 1.494.400 դրամի վնասը:
ՀՀ Նախագահի աշխատակազմը 65.974.280 դրամի չափով քաղաքացիական հայց է ներկայացրել:
Վկա, ՙՖլեշ՚ ՍՊ ընկերության ավագ հաշվապահ Լուսինե Սասունի Թադևոսյանի ցուցմունքով այն մասին, որ ՙՖլեշ՚ ՍՊ ընկերությունը 2003թ-ից մինչև 2009թ. 1-ին եռամսյակը, ՙՊետական գնումների գործակալություն՚ ՊՈԱԿ-ի հետ կնքված համաձայնագրերի հիման վրա, համապատասխան հաշիվ-ապրանքագրերով վառելիք է մատակարարել ՀՀ նախագահի աշխատակազմին, ինչպես հեղուկ վառելիքի, այնպես էլ՝ կտրոնների տեսքով: ՀՀ նախագահի աշխատակազմից վառելիքի ձեռքբերմամբ զբաղվել է աշխատակազմի ավտոտնտեսության հաշվապահ Ալիսա Հարությունյանը: Նա վառելիք ձեռք բերելու համար պահանջարկը ներկայացնելուց հետո, ստորագրելով ընկերությունում կազմված և կնքված հաշիվ-ապրանքագրերի երկու օրինակներում՝ դրա մեկ օրինակը վերցրել, ապա ընկերության վաճառքի գծով գործակալ Սամվել Հարությունյանից ստացել է հաշիվ-ապրանքագրերում նշված վառելանյութի խմբաքանակի կտրոնները: 2007թ.-ից մինչև 2009թ. մարտ ամիսը ներառյալ ՙՖլեշ՚ ՍՊԸ-ի կողմից աշխատակազմին մատակարավել է ընդհանուր 699.160 լիտր վառելիք՝ 238.120.465 դրամ գումարի, որից պրեմիում բենզինը՝ 474.570 լ, գումարով՝ 164590.375 դրամ, ռեգուլյար բենզինը՝ 184.590լ, գումարով՝ 60.092.590 դրամ, դիզելային վառելիքը՝ 40.000 լ, գումարով՝ 13.437.500 դրամ:
2009թ. 1-ին եռամսյակում վառելիքի մատակարարումից հետո, ՙՖլեշ՚ ՍՊ ընկերությունը հաջորդ՝ 2-րդ եռամսյակում վառելիքի մատակարարման համար հայտարարված մրցույթում հաղթող չի ճանաչվել և այլևս ՀՀ Նախագահի աշխատակազմին վառելիք չի մատակարարել: 2009թ. հունվարի վերջին Ալիսային է տվել ընկերության հաշվապահական ամփոփը, որի հիման վրա Ալիսան ներկայացրել է 02.02.2009թ. ամսաթվով կազմված ՙՖլեշ՚ ՍՊԸ-ի և ՀՀ Նախագահի աշխատակազմի միջև փոխադարձ հաշվարկների ակտը՝ ստորագրված աշխատակազմի ֆինանսական վարչության պետ Ա.Զաքարյանի անվամբ ու կնքված՝ նույն վարչության կնիքով: Համաձայն փոխադարձ հաշվարկների ակտի, մատակարարված վառելիքի դիմաց աշխատակազմի պարտքը ՙՖլեշ՚ ՍՊ ընկերությանը կազմել է շուրջ 26 մլն դրամ: ՀՀ նախագահի աշխատակազմի կողմից մատակարարված վառելիքի դիմաց վերջին գումարը փոխանցվել է 2009թ. մարտին, իսկ դրանից հետո, աշխատակազմի կողմից ընկերությանը 2009թ. հունիսին և օգոստոսին վճարվել է մոտ 28 մլն դրամ, որից մոտ 3 մլն դրամն ավել է եղել, քան պարտքը: Այդ 3 մլն դրամ գումարը հետ է վճարվել աշխատակազմին: ՙՖլեշ՚ ՍՊ ընկերությունն աշխատակազմի հետ որևէ պարտք, պահանջ չունի: Ինչ վերաբերում է լիազորագրերի վրա արված լրացումներին, ուղղակի ընդհանուր քանակից առանձնացվել է, թե որքանը պետք է կտրոն լինի, որքանը` հեղուկ վառելիք: Տարբեր տեղեր ներկայացնելու համար մի լիազորագրով երկու հաշիվ-ապրանքագիր է գրվել (բազայից հեղուկ վառելիք և կտրոնային):
Վկա, ՙՖլեշ՚ ՍՊ ընկերության գործակալ Սամվել Զավենի Հարությունյանի նույնաբովանդակ ցուցմունքով:
Վկա, ՙՔաղ. պետրոլ սերվիս՚ արտադրական կոոպերատիվի և ՙՍիթի պետրոլ գրուպ՚ ՍՊ ընկերության ներկայացուցիչ Յուրիկ Սուրենի Եղոյանի ցուցմունքով այն մասին, որ ՙՔաղ. պետրոլ սերվիս՚ Ա/Կ-ն հաղթող է ճանաչվել ՙՊետական գնումների գործակալություն՚ ՊՈԱԿ-ի կողմից 2009թ. 2-րդ, 3-րդ, 4-րդ և 2010թ. 1-ին եռամսյակներում վառելիքի մատակարարման համար հայտարարված մրցույթներում, որոնց հիման վրա 21.04.2009թ. կնքվել է թիվ ՊԱՊՁԲ-08/207-2 (ll)–12, 15.07.2009թ.՝ ՊԱՊՁԲ-08/207-3 (lll)–7, 05.10.2009թ.՝ ՊԱՊՁԲ-08/207-4 (lV)-5, 13.02.2010թ.՝ ՊԱՊՁԲ-08/207-5 (l)–13, 11.04.2010թ.՝ ՊԱՊՁԲ-08/207-7 (ll)–9 պայմանագրերը: 2010թ. 2-րդ կիսամյակում վառելիք մատակարարելու համար մրցույթում հաղթող է ճանաչվել ՙՍիթի Պետրոլ գրուպ՚ ՍՊ ընկերությունը, որը ՀՀ Նախագահի աշխատակազմի հետ 06.07.2010թ. կնքել է թիվ ՊԱՊՁԲ-10/1-3-59 գլխավոր պայմանագիրը: Հիշյալ պայմանագրերի հիման վրա համապատասխան հաշիվ-ապրանքագրերով պայմանագրով սահմանված գնով, քանակով և ժամկետներում կազմակերպությունների կողմից ՀՀ Նախագահի աշխատակազմին մատակարարվել է վառելիք՝ հեղուկ և կտրոնային տեսքով: Վառելիքի մատակարարման բոլոր դեպքերում աշխատակազմից վառելանյութ մատակարարելու պահանջարկը ներկայացրել ու հաշվապահական գործառույթներն իրականացրել է աշխատակազմի աշխատակից Ալիսա Հարությունյանը: Կտրոններով վառելիք մատակարարելիս, Ա.Հարությունյանին վառելիքի համապատասխան հաշիվ-ապրանքագրերով խմբաքանակաները հանձնելիս, կազմվել է տվյալ հաշիվ-ապրանքագրի երեք օրինակ և մինչև հաջորդ անգամ Ա.Հարությունյանը կվերադարձներ հաստատված հաշիվ-ապրանքագրի ընկերության օրինակը, ստորագրել է ապրանքագրի 3-րդ օրինակում ու ստացել վառելիքի կտրոնները: Հաշիվ-ապրանքագրի հաստատված օրինակը վերադարձնելուց հետո, այդ ապրանքագրի 3-րդ օրինակը ոչնչացվել է: 2009թ. ապրիլից մինչև 2010թ. դեկտեմբեր ամիսն ընկած ժամանակահատվածում ՀՀ Նախագահի աշխատակազմին ՙՔաղ.պետրոլ սերվիս՚ Ա/Կ-ի կողմից մատակարավել է ընդհանուր 272.965 լիտր վառելիք՝ 85.447.220 դրամ գումարի, որից ռեգուլյար բենզինը՝ 28.800լ, պրեմիում բենզինը՝ 234.165 լ, դիզելային վառելիքը՝ 10.000լ վառելիք, իսկ ՙՍիթի Պետրոլ գրուպ՚ ՍՊ ընկերության կողմից՝ ընդհանուր 115.970լ բենզին, 37.737.100 դրամ գումարի, որից ռեգուլյար տեսակի բենզինը՝17.410լ, իսկ պրեմիում տեսակի բենզինը՝ 98.560 լ:
2009թ. ընթացքում Ա.Հարությունյանը մի շարք հաշիվ-ապրանքագրերով ստացել է համապատասխան քանակի ու տեսակի վառելիքի կտրոններ, սակայն հաշիվ–ապրանքագրի 2-րդ օրինակը հաստատված վիճակում տարբեր պատճառաբանություններով չի ներկայացրել ընկերությանը: 2010թ. մարտին ընկերությունում հրաժարվել են վառելիք մատակարարելուց, մինչև Ալիսայի կողմից հիշյալ հաշիվ-ապրանքագրերը հաստատված վիճակում չներկայացվեն: Այդ մասին տեղեկացել է աշխատակազմի ֆինանսական վարչության պետ Անահիտ Զաքարյանը: Հավանաբար նրա հանձնարարությամբ, աշխատակազմի հաշվապահ Նաիրան այցելել է ընկերության գրասենյակ և ստացել աշխատակազմին մատակարարված վառելիքի և դրանց դիմաց կատարված վճարումների հաշվապահական շարժի ամփոփագիրը: Հաջորդ օրն Ա.Հարությունյանը կրկին ներկայացել է ընկերություն, հայտնել, որ տրամադրված հաշվապահական ամփոփագրի տվյալները համադրելուց և ստուգելուց հետո հաստատված հաշիվ-ապրանքագրերը կներկայացնի: Շարունակելով ըստ պայմանագրերի վառելիքի մատակարարման գործընթացը, մինչև 2010թ. սեպտեմբերի վերջերը Ա.Հարությունյանը հաշիվ-ապրանքագրերը չի ներկայացրել, ինչից դրդված զանգահարել է վարչության պետ Անահիտ Զաքարյանին և փորձել է տեղեկանալ, թե ինչու հաշիվ-ապրանքագրերը չեն ներկայացնում և ինչու մատակարարված վառելիքի դիմաց վճարում չեն կատարում: Ա.Զաքարյանն իրեն հայտնել է, որ աշխատակազմում համապատասախան հաշիվ-ապրանքագրերի հիման վրա բոլոր վճարումները կատարվել են և աշխատակազմն ընկերությանը պարտք չունի: Ինքը զանգահարել և հայտնել է աշխատակազմի գործերի կառավարչություն, որ Ալիսան 2009թ.-ից հաշիվ-ապրանքագրերով վառելիքի տարբեր խմբաքանակներ է ստացել, սակայն հաստատված հաշիվ-ապրանքագրերից ոչ բոլորն է ներկայացրել ընկերությանը: Բացի դրանից, աշխատակազմը մատակարարված վառելիքի դիմաց ունի շուրջ 15 մլն դրամի պարտք: 2010թ. հոկտեմբերի վերջին ինքը գործերի կառավարիչի պահանջով ներկայացրել է պայմանագրով մատակարարված վառելիքի բոլոր հաշիվ-ապրանքագրերի կրկնօրինակները: 2010թ. նոյեմբերին իր մասնակցությամբ աշխատակազմում ուսումնասիրելով բոլոր հաշվապահական փաստաթղթերը՝ պարզվել է, որ ընկերության կողմից հաշիվ-ապրանքագրերով մատակարարված վառելիքի խմբաքանակներից որոշ մասը ֆինանսական վարչությունում չի ձևակերպվել, այսինքն՝ ստացված վառելիքը պակաս է ձևակերպվել:
Ըստ հաշվարկների մատակարարված վառելիքի դիմաց ՀՀ նախագահի աշխատակազմի պարտքը ՙՍիթի Պետրոլ գրուպ՚ ՍՊ ընկերությանը կազմում է 12.425.570 դրամ:
Վկաներ, ՀՀ Նախագահի աշխատակազմի հաշվապահական հաշվառման և ֆինանսների վարչության հաշվապահ Նաիրա ՌաՖիկի Մարգարյանի և ավագ գանձապահ Կարինե Յուրիկի Դավթյանի նույնաբովանդակ ցուցմուքներով այն մասին, որ Անահիտ Զաքարյանը հանդիսացել է ՀՀ Նախագահի աշխատակազմի հաշվապահական հաշվառման և ֆինանսական վարչության պետը, իսկ Ալիսա Հարությունյանը` նույն վարչության գանձապահը: Վերջինս լիազորված է եղել իրականացնելու ավտոտրանսպորտային բաժնի հաշվապահական գործառույթները: Նա աշխատակազմի համար վառելիք ձեռք բերելու նպատակով վարչության պետ Ա.Զաքարյանի կողմից տրված լիազորագրով կամ առանց լիազորագրի, վառելիք մատակարարող ՙՖլեշ՚, ՙՔաղ. Պետրոլ սերվիս՚ և ՙՍիթի պետրոլ գրուպ՚ կազմակերպություններից համապատասխան հաշիվ-ապրանքագրով 2007-2010թթ. ընթացքում ստացել է անհրաժեշտ քանակի հեղուկ վառելիք կամ վառելիքի կտրոններ, որոնք հանձնել է ավտոտնտեսությանը, իսկ հաշիվ-ապրանքագրով նախատեսված վառելիքի խմբաքանակի տվյալները մուտքագրել է համակարգչային հաշվապահական ծրագրում: Այնուհետև, տվյալ ամսվա ընթացքում բաշխված վառելիքի վերաբերյալ կազմել է հաշվետվությունները և ներկայացրել վարչության պետ Ա.Զաքարյանին: Վերջինս վառելիքի շարժի նկատմամբ իրականացրել է հսկողություն համակարգչում մուտքագրված տվյալների հիման վրա, դրա հիման վրա էլ հանձնարարել է կատարել վճարումը բանկային փոխանցման միջոցով:
2007-2010թթ. ընթացքում Ա.Հարությունյանի առաջարկով նրանից գնել են բենզինի կտրոններ՝ 20 լիտրը 5000 դրամով, նախապես վճարելով դրանց դիմաց: Ամսվա կտրվածքով յուրաքանչյուրն Ա.Հարությունյանից գնել են 100-150լ վառելիքի կտրոններ:
Կ.Դավթյանը 2009թ. հունիսին, իսկ Ն.Մարգարյանը՝ 2010թ. մարտին, վարչության պետ Ա.Զաքարյանից տեղեկացել են, որ ՙՖլեշ՚ ՍՊ ընկերության կողմից ակտ է ներկայացվել, որի համաձայն աշխատակազմը շուրջ 26 մլն դրամ պարտք է մատակարարված վառելիքի դիմաց, որը Ա.Հարությունյանի կողմից ստացվել, սակայն աշխատակազմում չի մուտքագրվել:
Կարինե Դավթյանը Ա.Զաքարյանի պահանջով 2009թ. հունիս-դեկտեմբեր ամիսների ընթացքում պարբերաբար դրամարկղից նրան է տվել դրամարկղում առկա ընդհանուր 28 մլն դրամ կանխիկ գումար, որը Կ.Դավթյանը և Ա.Հարությունյանը վճարել են ՙՖլեշ՚ ՍՊ ընկերության հաշվին՝ որպես պարտք գումարի մարում:
2009թ. ապրիլից աշխատակազմը սկսել է վառելիք ձեռք բերել ՙՔաղ.պետրոլ սերվիս՚ և ՙՍիթի պետրոլ գրուպ՚ ՍՊ ընկերություններից: 2010թ. Ա.Զաքարյանի հնձնարարությամբ Ն.Մարգարյանը ՙՔաղ. պետրոլ սերվիս՚ ՍՊ ընկերությունից վերցրել է մատակարարված վառելիքի հաշվապահական ամփոփագիրը, որի համաձայն այդ ժամանակաընթացքում աշխատակազմի պարտքը մատակարարված վառելիքի դիմաց կազմել է շուրջ 5 մլն դրամ, իսկ 2010թ. հոկտեմբերի դրությամբ այդ պարտքը հասել է շուրջ 12 մլն դրամի: Ն.Մարգարյանը ՙՔաղ.պետրոլ սերվիս՚ և ՙՍիթի պետրոլ գրուպ՚ ընկերությունների ներկայացուցիչ Յուրայի հետ հաշվապահական փաստաթղթերի համադրման ընթացքում, տեղեկացել է, որ Ա.Հարությունյանը վառելիքի կտրոններ է ստացել՝ ստորագրելով հաշիվ-ապրանքագրերում, որոնք աշխատակազմի հաշվապահություն չի ներկայացրել, իսկ վառելիքը չի մուտքագրել: 2010թ. նոյեմբերին աշխատակազմի ղեկավարության առաջարկով ՀՀ ֆինանսների նախարարության կողմից աշխատակզմի հաշվապահությունում կատարվել է ստուգում, որի արդյունքում պարզվել է չմուտքագրված վառելիքի քանակագումարային չափը:
Վկա, ՀՀ Նախագահի աշխատակազմի հաշվապահական հաշվառման և ֆինանսների վարչության պետի տեղակալ Մարինե Հովհաննեսի Բանդուրյանի ցուցմունքով այն մասին, որ 1992թ. հունիսից աշխատում է ՀՀ Նախագահի աշխատակազմում, նախ` որպես հաշվապահական հաշվառման և ֆինանսների բաժնի հաշվապահ: 2003 թվականից` վերակազմավորման արդյունքում բաժինը դարձել է վարչություն և ինքն այդ ժամանակվանից առ այսօր հանդիսանում է վարչության պետի տեղակալ: Իր աշխատանքային պարտականությունների մեջ են մտնում` կազմակերպել և իրականացնել ՀՀ Նախագահի աշխատակազմի աշխատողների աշխատավարձերի հաշվարկման, վճարացուցակների ստեղծման, տարբեր բանկերի ցուցակները կազմելու գործընթացը, հարկային, սոցապ., վիճակագրական, աշխատանքի և սոց. հարցերի վերաբերյալ հաշվետվությունները կազմելը, աշխատակիցներին ըստ պահանջի տեղեկանքներ տրամադրելը, բանկային քաղվածքների համակարգչում մուտքագրելը:
Նախապատրաստված և ֆինանսական վարչության պետի կողմից ստորագրված, վճարման հանձնարարգրերում երկրորդ ստորագրությունը կատարել է ինքը:
Վարչության պետը մինչև 2010թ. նոյեմբերի 11-ը հանդիսացել է Անահիտ Զաքարյանը, վարչության գլխավոր մասնագետը` Նաիրա Մարգարյանը, ավագ գանձապահը` Կարինե Դավթյանը, գանձապահը` Ալիսա Հարությունյանը:
2003 կամ 2004թթ. աշխատակազմը սպասարկող ավտոտնտեսությունը միավորվել է աշխատակազմին, իսկ մինչ այդ հանդիսացել է որպես առանձին միավոր, ունեցել է առանձին հաշվապահություն: Ալիսա Հարությունյանը հանդիսացել է ավտոտնտեսության հաշվապահը, իսկ վերակազմավորումից և ընդհանուր հաշվապահություն ձևավորվելուց հետո, չնայած հաստիքով հանդիսացել է որպես գանձապահ, սակայն շարունակել է իրականացնել ավտոտնտեսությանն առընչվող հաշվապահական գործառույթները:
Ալիսան ինքն էր զբաղվում աշխատակազմի համար վառելիքի ձեռք բերման, մուտքագրման և ելքագրման գործընթացով, մուտքագրում էր և դուրս գրում տվյալները հաշվապահական համակարգչային համակարգում: Ինչպես էր Ալիսան կազմակերպում այդ գործընթացը, ինքը մանրամասներին տեղյակ չէ:
2007 թվականից մինչև 2009 թվականի ապրիլ ամիսը աշխատակազմին վառելիք մատակարարվել է ՙՖլեշ՚ ՍՊԸ-ի կողմից, իսկ դրանից հետո` մինչև 2010թ-ի վերջը վառելիքը մատակարարվել է ՙՔաղ. Պետրոլ Սերվիս՚, ապա` ՙՍիթի Պետրոլ Գրուպ՚ ՍՊԸ-ի կողմից:
Երբ աշխատակազմի ղեկավարը նրան հրավիրել է իր մոտ, իմացել է, որ բենզինի կտրոնների հետ կապված ինչ-որ խնդիրներ կան:
2010թ. նոյեմբերի 18-ին, ՀՀ Նախագահի կարգադրությամբ ինքը ժամանակավոր նշանակվել է ֆինանսական վարչության պետի պաշտոնում:
2010թ. նոյեմբեր-դեկտեմբեր ամիսներին ՀՀ ֆինանսների նախարարության մասնագետների կողմից ՀՀ Նախագահի աշխատակազմում կատարվել է ստուգում: Ստուգմանը օժանդակել է ինքը` համապատասխան փաստաթղթեր և տեղեկություններ տրամադրելով ստուգողներին:
Ստուգման ավարտից հետո, հայտնի է դարձել, որ Ալիսան ձեռք բերված վառելիքի խմբաքանակները պակաս է մուտքագրել, կամ ընդհանրապես չի մուտքագրել, որի արդյունքում 2008-2010թթ.-ի ընթացքում վառելիք մատակարարող կազմակերպությունների նկատմամբ պարտքեր են գոյացել: Բացի դրանից նույն ժամանակահատվածում կանխիկ դրամի պակասորդ է առաջացել ինչպես աշխատակազմի դրամարկղում, այնպես էլ` արհեստակցական միության դրամարկղում:
Արձանագրված խախտումների վերաբերյալ նշել է, որ վառելիքի ձեռք բերմամբ և հաշվապահական ձևակերպումներով զբաղվել է Ալիսան, դրա դիմաց վճարումները կազմակերպվել և վերահսկվել է Անահիտ Զաքարյանի կողմից: Վառելիքի դիմաց վճարման հանձնարարգրերում իր կողմից արձանագրելիս երբեք համապատասխան հաշիվ-ապրանքագրերը չեն ներկայացվել: Այդպիսիք գտնվել են Ա. Զաքարյանի մոտ և ինքը ստորագրել է Անահիտի ստորագրելուց հետո:
Մ.Բանդուրյանն իր լրացուցիչ ցուցմունքում հայտնել է, որ իր կողմից զննված լիազորագրերի վրա արված ստորագրությունների որոշ մասը կատարված են Ն.Մարգարյանի կողմից, իսկ որոշն էլ կատարված են ոչ իր, ոչ էլ` վերջինիս կողմից:
Վկաներ, ՀՀ Նախագահի աշխատակազմի ավտոտրանսպորտային բաժնի վարիչ Հենրիկ Գևորգի Բաղրամյանի, մեխանիկ Ասատուր Տիգրանի Մկրտչյանի և պահեստապետ-լիցքավորող Միհրան Պողոսի Կանոյանի նույնաբովանդակ ցուցմուքներով այն մասին, որ մինչև 2003թ. կամ 2004թ. ավտոտրանսպորտային բաժինը հանդիսացել է առանձին միավոր, իսկ Ալիսա Հարությունյանը հանդիսացել է բաժնի հաշվապահը: Չնայած ավտոտրանսպորտային բաժինն աշխատակազմին միավորվելուց հետո հաշվապահությունը վարվել է ընդհանուր կարգով, սակայն Ա.Հարությունյանը շարունակել է փաստացի զբաղվել ավտոտրանսպորտային բաժնի հաշվապահական գործառույթներով: Միշտ նա է վառելիքի ձեռք բերման, հաշվառման փաստաթղթերով զբաղվել, նա է վառելիքի կտրոններն անձամբ ստացել մատակարարներից ու հանձնել պահեստապետ Միհրան Կանոյանին:
Ավտոտնտեսության տվյալ ամսվա համար անհրաժեշտ խմբաքանակի վառելիք ձեռք բերելու համար բաժնի վարիչ Հենրիկ Բաղրամյանը, իսկ վերջինիս բացակայության դեպքում` Ասատուր Մկրտչյանը, Ալիսա Հարությունյանին տեղեկացրել են անհրաժեշտ վառելիքի քանակի մասին, իսկ նա համապատասխան հաշիվ-ապրանքագրով ձեռք է բերել վառելիքը: Մատակարարված վառելիքը ստանալուց հետո բաժնի վարիչի կողմից կազմված համապատասխան զեկուցագրում նշելով ստացված վառելիքի քանակը, տեսակը և գումարը, դրան կցելով հաշիվ-ապրանքագիրը՝ գործերի կառավարչի միջոցով՝ ներկայացվել է հաշվապահություն:
Աշխատակազմը 2007թ. վառելիք է ձեռք բերել ՙՖլեշ՚ ՍՊ ընկերությունից, իսկ 2009թ. ապրիլի 1-ից՝ ՙՔաղ. պետրոլ սերվիս՚ ՍՊ ընկերությունից: Նշված ժամանակահատվածում ավտոտնտեսության կողմից պահանջված վառելիքի քանակությունը Ա.Հարությունյանի կողմից ձեռք է բերվել, հանձնվել և օգտագործվել ավտոտնտեսությունում: Այդ տվյալներն արտացոլվել են ինչպես վառելիքի վերաբերյալ ամսական կազմված և վճարման հիմք հանդիսացող զեկուցագրերում, այնպես էլ` հաշվետվություններում: 2010թ. հոկտեմբերին ՙՔաղ.պետրոլ սերվիս՚-ի հաշվապահ Յուրա Մանուկյանից տեղեկացել են, որ մատակարարված վառելիքի դիմաց շուրջ 10 մլն. դրամ գումարի վճարումը չի կատարվել: Այդ մասին Ասատուր Մկրտչյանը տեղեկացրել է աշխատակազմի ֆինանսական վարչության պետ Անահիտ Զաքարյանին, սակայն վերջինս հայտնել է, որ աշխատակազմը ՙՔաղ.պետրոլ սերվիս՚-ի հետ որևէ պարտք-պահանջ չունի, բոլոր գումարները վճարված են: Ա.Մկրտչյանն այդ մասին հայտնել է Յու.Մանուկյանին: Նա պահեստապետ Մ.Կանոյանի, ապա նաև իր հետ ստուգել, համադրել են երկկողմ հաշիվները, որից պարզվել է, որ աշխատակազմի կողմից փաստացի ստացված վառելիքի խմբաքանակների դիմաց իրոք վճարումը լրիվ կատարված է: Յու.Մանուկյանը հաշիվներ է ներկայացրել, որոնցում առկա են եղել Ա.Հարությունյանի ստորագրությունը, այսինքն՝ վերջինս ստացել է վառելիքի կտրոններ, սակայն ավտոտնտեսություն չի ներկայացրել ու չի մուտքագրել: Այդ մասին ինչպես Յու.Մանուկյանն, այնպես էլ ինքը տեղեկացրել են աշխատակազմի գործերի կառավարչին:
Վկաներ, ՀՀ Նախագահի աշխատակազմի ավտոտրանսպորտային բաժնի կարգավարներ Գագիկ Կառլենի Ջավուկցյանի, Կարապետ Ռաֆայելի Պողոսյանի, Կարապետ Աշոտիկի Սուչյանի, Երվանդ Մանուկի Կարաջանյանի, Արծրուն Գեղամի Նեսիսյանի նույնաբովանդակ ցուցմունքներով այն մասին, որ ուղեգրերում նշվում է հերթապահ տրանսպորտային միջոցներին օրական հատկացված վառելիքի չափաբաժինը:
Ուղեգրերում վառելիքի հատկացման չափաբաժինների նշումը կատարվելուց հետո, այդ տվյալը գրանցվում է գրքույկում, ապա վարորդն ուղեգիրը ներկայանում է լիցքավորման կետ, այնտեղ լիցքավորում նշված վառելիքի չափաբաժինը, ստորագրում վառելիքի ստացման քարտում: Ամսվա վերջում Գագիկ Ջավուկցյանն իր հերթին, պահեստապետ-լիցքավորող Մ.Կանոյանն իր հերթին, կազմում են ամսական հաշվետվություն ծախսված վառելիքի քանակի մասին, որը ներկայացնում են աշխատակազմի հաշվապահություն:
Կարգավարներն աշխատում են հերթափոխով, ըստ գրաֆիկի` 24 ժամ մեկ: Կարգավարն իրականացնում է տրանսպորտային միջոցների շարժի հաշվառումը և սպասարկումը:
Նախկինում տրանսպորտային բաժինն ուներ առանձին հաշվապահություն, իսկ վերջին 7-8 տարիների ընթացքում հաշվապահությունը վերամիավորվել է աշխատակազմի հաշվապահությանը և առանձին հաշվապահություն չի վարվում: Մինչև վերամիավորվելը ավտոտրանսպորտային բաժնի հաշվապահը հանդիսանում էր Ալիսա Հարությունյանը, ով վերամիավորումից հետո ևս շարունակել է աշխատել մինչև 2010թ. նոյեմբեր ամիսը, որից հետո ազատվել է աշխատանքից: Հ.Բաղրամյանի կարգադրությամբ և համապատասխան փաստաթղթերի ձևակերպման հիման վրա Ալիսան անձամբ ինքն է զբաղվել վառելիքի ձեռք բերման, հաշվապահական ձևակերպումների հարցերով: Նա էր գնում վառելիք մատակարարող կազմակերպություններ և ստանում ամսական անհրաժեշտ քանակի վառելիքի` բենզինի կամ դիզելային վառելիքի կտրոններ, իսկ լիտրաժով ձեռք բերելու դեպքում` վառելիքը տվյալ կազմակերպությունից բենզատարով տեղափոխվում և բեռնաթափվում էր ավտոտնտեսության բենզալցակայանում, որը ստանում էր Մ.Կանոյանը: Վառելիքը կտրոններով հատկացվել է տրանսպորտային միջոցների վարորդներին հիմնականում գործուղումների ժամանակ, իսկ այդ հատկացումները կատարվում էին գործուղման հայտերի հիման վրա: Բացի այդ, Ալիսան ինքն էր բաժանում ավտոտնտեսության բաժնի աշխատակիցների ամսական աշխատավարձը: Կարգավարները վառելիքի ընդունման, հաշվառման կամ բաց թողնման հետ որևէ առընչություն չունեն: Այդ գործընթացով զբաղվել են Ալիսան և Միհրանը, իսկ բաժնի վարիչ Հ. Բաղրամյանը կարգավորել է գործընթացը:
Վկա, ՀՀ Նախագահի աշխատակազմի Սևանի թերակղզու պետական ամառանոցի տնօրեն Աշոտ Հրաչիկի Դալլաքյանի ցուցմուքով այն մասին, որ պետական ամառանոցի կարիքների համար 2007-2010թթ. ընթացքում բենզինն ու դիզելային վառեիքը ստացել է աշխատակազմի հաշվապահ Ալիսա Հարությունյանի միջոցով: Նշված ժամանակահատվածում աշխատակազմը վառելիք է ձեռք բերել սկզբում ՙՖլեշ՚ ՍՊ ընկերությունից, ապա՝ ՙՔաղ.պետրոլ սերվիս՚ ՍՊ ընկերությունից: Վերջիններիս հետ վառելիքի ձեռք բերման հարցերով Ա.Հարությունյանն է պայմանավորվածություններ ձեռք բերել, ստացել և ինչպես աշխատակազմի ավտոտնտեսությանն, այնպես էլ Սևանի թերակղզու պետական ամառանոցին հանձնել ստացված վառելիքի խմբաքանակները: Ամառանոցում ստացված խմբաքանակների վերաբերյալ կազմված հաշիվ-ապրանքագրերը ստորագրել է անձամբ: Տարեվերջին հաշվարկները կատարել է աշխատակազմի հաշվապահ Նաիրա Մարգարյանի հետ, որի արդյունքում վառելիքի պակասորդ կամ ավելցուկ չի առաջացել:
Վկա, ՀՀ Նախագահի աշխատակազմի աշխատողների արհեստակցական կազմակերպության նախագահ Աիդա Սուրենի Աղաբեկյանի ցուցմուքով այն մասին, որ Անահիտ Զաքարյանն արհկոմի 01.04.2009թ. թիվ 3 արձանագրության հիման վրա ստանձնել է արհկոմի հաշվապահի պարտականությունները: Նրա վրա են դրված եղել արհկոմի հաշվապահական հաշվառման, դրամական միջոցների շրջանառության, ինչպես նաև կանխիկ դրամի պահպանման լիազորությունները: Դրամական միջոցները պահվել են կազմակերպության բանկային հաշվում: Ըստ անհրաժեշտության կանխիկացվել է որոշակի գումար: 2010թ. նոյեմբեր-դեկտեմբեր ամիսների ընթացքում բանկում մնացորդը կազմել է 289.713 դրամ, իսկ կանխիկ դրամական միջոցները՝ 1.494.400 դրամ: ՀՀ ֆինանսների նախարարության մասնագետների կողմից իրականացված ստուգմամբ պարզվել է, որ արհկոմի 1.494.400 դրամ կանխիկ գումարն առկա չէ: Աշխատակազմի գանձապահ Կ.Դավթյանից տեղեկացել է, որ նշված գումարն Ա.Զաքարյանն է վերցրել: Ա.Զաքարյանի կողմից արհկոմի հաշվարկային հաշվին վճարվել և վերականգնվել է 1.495.000 դրամը:
Վկաներ, ՀՀ Նախագահի օգնական Արմեն Վալերիկի Աբելյանի և աշխատակազմի արարողակարգի բաժնի պետ Արմեն Պետրոսի Գիչյանի նախաքննության ընթացքում տված և դատաքննության ժամանակ հետազոտված նույնաբովանդակ ցուցմունքներով, այն մասին, որ 2010թ. ընթացքում աշխատակազմի դրամարկղից ստացել են Ա.Աբելյանը՝ 1.836.000 դրամ, որպես կազմակերպչական ծախս, իսկ Ա.Գիչյանը` 3.782.000 դրամ և 13.203.642 դրամ, որպես գործուղման ծախսերի կանխավճարներ: Նշված գումարներն ըստ նպատակի ծախսել են և աշխատակազմի հաշվապահություն ներկայացրել ծախսերը հիմնավորող փաստաթղթեր և նշված գումարները չեն վերադարձրել դրամարկղ:
Ամբաստանյալի կատարած հանցանքը հիմնավորվել է նաև քրեական գործով ձեռք բերված հետևյալ ապացույցներով.
Դատահաշվապահական և դատատնտեսագիտական համալիր փորձաքննության 2011թ. մարտի 18-ի թիվ 11-0235 եզրակացությամբ և փորձաքննությունը կատարած (ՙՀՀ փորձաքննությունների ազգային բյուրո՚ ՊՈԱԿ-ի տնտեսագիտական և հաշվապահական բաժնի պետ) Վասիլի Վլադիմիրի Առուստամյանի ցուցմունքով, համաձայն որոնց, ՀՀ Նախագահի աշխատակազմի ֆինանսատնտեսական գործունեության ընթացքում վառելիքի ձեռք բերման, հաշվառման, բաշխման, ելքագրման կապակցությամբ հաշվապահական հաշվառման տեսանկյունից խախտվել են ՙՀաշվապահական հաշվառման մասին՚ ՀՀ օրենքի 14-րդ հոդվածի 1-ին կետի (ՙՀաշվապահական հաշվառման գրանցումները կատարվում են սկզբնական հաշվառման փաստաթղթերի հիման վրա, որոնք արձանագրում են տնտեսական գործառնության կատարումը՚), 15-րդ հոդվածի 1-ին կետի (ՙՍկզբնական հաշվառման փաստաթղթերում առկա տեղեկատվությունը հավաքվում և համակարգվում է հաշվապահական հաշվառման գրանցամատյաններում՚), 15-րդ հոդվածի 2-րդ կետի (ՙՏնտեսական գործառնությունները գրանցամատյաններում գրանցվում են ժամանակագրական կարգով՚) պահանջները, որի հետևանքով ՀՀ Նախագահի աշխատակազմի հաշվապահական հաշվառման և ֆինանսների վարչության կողմից ապրանքանյութական արժեքների գործառնությունների գրանցամատյանում վառելիքի մուտքի մասով կատարված գրանցումները չեն բխում հաշվապահական հաշվառման սկզբնական փաստաթղթերի տվյալներից, աշխատակազմի հաշվապահական հաշվառման և ֆինանսների վարչության կողմից ապրանքանյութական արժեքների գործառնությունների գրանցամատյանում տնտեսական գործառնությունները չեն գրանցվել ժամանակագրական կարգով:
Բացի այդ, ՀՀ Նախագահի աշխատակազմի հաշվապահական հաշվառման և ֆինանսների վարչության կողմից մատակարարներից ստացված հեղուկ վառելիքի հաշվառումը վարվել է ՙՀաշվապահական հաշվառման նասին՚ ՀՀ օրենքի 14-րդ հոդվածի 13-րդ հոդվածի 1-ին կետի ՙբ՚ ենթակետի (ՙՀաշվապահական հաշվառումը վարվում է... բ/ կրկնակի գրանցման եղանակով՝ հաշվապահական հաշվառման պլանին համապատասխան՚ և նույն հոդվածի 2-րդ կետի՝ ՙԱնալիտիկ (վերլուծական) հաշվառման և սինթետիկ (ընդհանրացված) հաշիվների տվյալները պետք է համապատասխանեն միմյանց՚) և 3-րդ կետի (ՙԲոլոր տնտեսական գործառնությունների արդյունքները պետք է հաշվապահական հաշվառման հաշիվներում գրանցվեն ժամանակին այնպես, որ դրանք արտացոլվեն այն ժամանակաշրջանի ֆինանսական հաշվետվություններում, որին վերաբերվում են՚) պահանջների խախտմամբ:
ՀՀ Նախագահի աշխատակազմի հաշվապահական հաշվառման և ֆինանսների վարչության կողմից տարեկան ֆինանսական հաշվետվություններ կազմելուց առաջ ակտիվների և պարտավորությունների գույքագրում չi անցկացվել, որով և խախտվել է ՙՀաշվապահական հաշվառման նասին՚ ՀՀ օրենքի 17-րդ հոդվածի 2-րդ կետի ՙա՚ ենթակետի (ՙԳույքագրման անցկացումը պարտադիր է՝ ա/ տարեկան ֆինանսական հաշվետվություններ կազմելուց առաջ՚) պահանջները, որի արդյունքում ճշգրտված տվյալներով յուրաքանչյուր տարվա կտրվածքով ի հայտ չի բերվել մատակարարներից ստացված հեղուկ վառելիքի կրեդիտորական կամ դեբիտորական պարտքերի չափը, հետևաբար, զուտ հաշվապահական հաշվառման տեսանկյունից, քողարկվել է մատակարարներից ստացված հեղուկ վառելիքից պակաս մուտքագրված վառելիքի քանակությունը:
2007-2009թթ. ընթացքում ՙՖլեշ՚ ՍՊ ընկերությունից ձեռք է բերվել ընդամենը՝ 699165 լիտր գումարով՝ 238117465 դրամ հեղուկ վառելիք, որի դիմաց ՀՀ Նախագահի աշխատակազմի կողմից ՙՖլեշ՚ ՍՊ ընկերությանը վճարումը կատարվել է ամբողջությամբ, ուստի նման պայմաններում, ըստ փորձագետի, զուտ հաշվապահական հաշվառման տեսանկյունից ՙՖլեշ՚ ՍՊ ընկերության կողմից նշված ժամանակահատվածում աշխատակազմի անվամբ դուրս գրված հեղուկ վառելիքից 230220 լիտր, գումարով՝ 79952480 դրամ հեղուկ վառելիքի չմուտքագրման հետևանքով, աշխատակազմին, այսինքն՝ պետությանը պատճառվել է նշված՝ 79952480 դրամ գումարի չափով վնաս: 2009–2010թթ. ընթացքում ՙՔաղ. պետրոլ սերվիս՚ արտադրական կոոպերատիվից ձեռք է բերվել ընդամենը՝ 272965 լիտր, գումարով՝ 85447220 դրամի հեղուկ վառելիք, որից ՀՀ Նախագահի աշխատակազմի հաշվապահության կողմից մուտքագրվել և օգտագործվել է՝ 207670 լիտր պրեմիում տեսակի բենզին, 28800 լիտր ռեգուլյար տեսակի բենզին և 8500 լիտր դիզելային վառելիք, ընդամենը՝ 244970 լիտր վառելիք, գումարով՝ 76643140 դրամ, որը հաշվապահական հաշվառման տեսանկյունից նշանակում է, որ մատակարարից ստացված հեղուկ վառելիքից չի մուտքագրվել ընդհամենը՝ 27995 լիտր, գումարով՝ 8804080 դրամ: Հաշվի առնելով, որ աշխատակազմի կողմից ՙՔաղ. պետրոլ սերվիս՚ Ա/Կ-ին վճարումը կատարվել է ամբողջությամբ, ուստի նման պայմաններում աշխատակազմի և ՙՔաղ. պետրոլ սերվիս՚ Ա/Կ-ի միջև կրեդիտորական կամ դեբիտորական պարտքեր չեն առաջանում: Ըստ փորձագետի, ՀՀ նախագահի աշխատակազմի անվամբ ՙՔաղ. պետրոլ սերվիս՚ Ա/Կ-ի կողմից 2009-2010թթ.-ին դուրս գրված հեղուկ վառելիքից 27995 լիտր, գումարով՝ 8804080 դրամ հեղուկ վառելիքի չմուտքագրման հետևանքով աշխատակազմին, այսինքն՝ պետությանը նշված գումարի՝ 8804080 դրամ գումարի չափով պատճառվել է վնաս:
2010 թվականի ընթացքում ՙՍիթի Պետրոլ Գրուպ՚ ՍՊ ընկերությունից ձեռք է բերվել ընդամենը՝ 115970 (պրեմիում՝ 98560 + ռեգուլյար՝ 17410) լիտր, գումարով՝ 37737100 (պրեմիում՝ 32165900 + ռեգուլյար՝ 5571200) դրամ: ՀՀ Նախագահի աշխատակազմի կողմից 2010թ. ընթացքում ՙՍիթի Պետրոլ Գրուպ՚ ՍՊ ընկերության հաշվարկային հաշվին բանկային փոխանցմամբ վճարվել է ընդամենը՝ 25311530 դրամ, որն, ըստ փորձագետի, զուտ հաշվապահական հաշվառման տեսանկյունից նշանակում է, որ աշխատակազմի կրեդիտորական պարտքը ՙՍիթի Պետրոլ Գրուպ՚ ՍՊ ընկերության հանդեպ 07.12.2010թ.–ի դրությամբ կկազմի 12425570 դրամ: Հաշվի առնելով, որ ստուգվող ժամանակաշրջանում ՙՍիթի պետրոլ գրուպ՚ ՍՊ ընկերությունից ձեռք է բերվել ընդամենը՝ 115970 (պրեմիում՝ 98560+ռեգուլյար՝ 17410) լիտր գումարով՝ 37737100 (պրեմիում՝ 3216900 + ռեգուլյար՝ 5571200) դրամ հեղուկ վառելիք, որի դիմաց աշխատակազմի կողմից ՙՍիթի պետրոլ գրուպ՚ ՍՊ ընկերությանը վճարվել է 25311530 դրամ, այսինքն՝ աշխատակազմի կողմից ՙՍիթի պետրոլ գրուպ՚ ՍՊ ընկերության հանդեպ ունեցած կրեդիտորական՝ 12425570 դրամ գումարի պարտքը չի մարվել: Ընդ որում, կրեդիտորական 12425570 դրամ գումարի պարտքից 4053400 դրամ գումարի չափով աշխատակազմին, այսինքն՝ պետությանը պատճառված վնասն առաջացել է ՙՍիթի պետրոլ գրուպ՚ ՍՊ ընկերությունից ստացված հեղուկ վառելիքն ամբողջությամբ չմուտքագրելու հետևանքով:
Այսպիսով, թույլ տրված խախտումների հետևանքով ՀՀ Նախագահի աշխատակազմին պատճառված վնասի չափը կազմում է ընդամենը՝ 92809960 դրամ, այդ թվում՝
ա/ ՙՖլեշ՚ ՍՊ ընկերության դրվագով՝ 79952480 դրամ,
բ/ ՙՔաղպետրոլ սերվիս՚ Ա/Կ-ի դրվագով՝ 8804080 դրամ,
գ/ ՙՍիթի պետրոլ գրուպ՚ ընկերության դրվագով՝ 4053400 դրամ:
Պետությանը 92809960 դրամ գումարի չափով վնասը պատճառվել է ապրանքանյութական արժեքների հաշվառման բնագավառում թույլ տրված խախտումների հետևանքով: Հիշյալ խախտումները կրել են հաշվապահական հաշվառման բնույթ, ուստի համաձայն ՙՀաշվապահական հաշվառման մասին՚ ՀՀ օրենքի 11-րդ հոդվածի 1-ին կետի պահանջների՝ կազմակերպության ղեկավարը, կոնկրետ դեպքում՝ ՀՀ Նախագահի աշխատակազմի հաշվապահական հաշվառման և ֆինանսների վարչության պետ Ա.Զաքարյանը՝ պատասխանատվություն է կրում հաշվապահական հաշվառումը կարգավորող իրավական ակտերի պահանջներին համապատասխան հաշվապահական հաշվառում կազմակերպելու համար, իսկ նույն օրենքի 12-րդ հոդվածի 2-րդ կետի պահանջների համաձայն, գլխավոր հաշվապահը պատասխանատու է հաշվապահական հաշվառում վարելու, ֆինանսական հաշվետվությունները կազմելու և ներկայացնելու համար:
ՀՀ Նախագահի աշխատակազմի դրամարկղում 684000 դրամ գումարի պակասորդն առաջացել է աշխատակազմի հաշվապահական հաշվառման և ֆինանսների վարչության պետ Ա.Զաքարյանի կողմից դրամարկղից, 2009թ. ընթացքում պարբերաբար 28320000 դրամ վերցնելու և այն կանխիկ ձևով ՙՖլեշ՚ ՍՊ ընկերությունից ստացված վառելիքի դիմաց վճարման, սական վերցված գումարից ընդամենը՝ 27636000 դրամ գումարը դրամարկղ վերադարձնելու արդյունքում:
ՀՀ Նախագահի աշխատակազմի աշխատողների արհեստակցական կազմակերպության կանխիկ դրամական միջոցներից 1494400 դրամ գումարն անհիմն կերպով տնօրինվել է աշխատակազմի հաշվապահական հաշվառման և ֆինանսների վարչության պետ Ա.Զաքարյանի (ով հանդիսացել է արհկոմի հաշվապահը) կողմից: Նշված՝ 1494400 դրամ գումարը ներառվել է Ա.Զաքարյանի կողմից 2009թ.-ի ընթացքում պարբերաբար ՀՀ Նախագահի աշխատակազմի դրամարկղից, անհիմն ծախսային փաստաթղթեր կազմելու միջոցով վերցված և ՙՖլեշ՚ ՍՊ ընկերությանը վճարված՝ 28320000 դրամ գումարի վերականգնման նպատակով դրամարկղ վերադարձված՝ 27636000 դրամ գումարի մեջ:
ՀՀ Նախագահի աշխատակազմում ընդանուր առմամբ չեն պահպանվել ՀՀ կառավարության 2003թ. հոկտեմբերի 8-ի ՙԴրամարկղային գործառությունների իրականացման կարգը հաստատելու մասին՚ թիվ 1408-Ն որոշման 6-րդ, 8-րդ, 9-րդ, 18– րդ, 19-րդ և 20-րդ կետերի պահանջները:
Փաստաթղթաբանական և ձեռագրաբանական փորձաքննության 2011 թվականի դեկտեմբերի 01-ի թիվ 35801101 եզրակացությամբ և փորձաքննությունը կատարած փորձագետների (ՙՀՀ փորձագիտական կենտրոն՚ ՊՈԱԿ-ի ՓԿ ձեռագրերի և փաստաթղթերի քրեագիտական հետազոտությունների լաբորատորիայի վարիչ) Վահե Արշակի Գրիգորյանի և (ՙՀՀ փորձագիտական կենտրոն՚ ՊՈԱԿ-ի ՓԿ ձեռագրերի և փաստաթղթերի քրեագիտական հետազոտությունների լաբորատորիայի ավագ փորձագետ) Համեստ Գրիշայի Գրիշյանի ցուցմունքներով հիմնավորվել է հետևյալը.
Փաստաթղթաբանական մաս
1. Փորձաքննությանը տրամադրված թիվ 69100411 քրեական գործի 5-րդ հատորի գ.թ. 9, 11, 14, 19, 22, 28, 31, 36, 41, 45, 48, 54, 58, 60, 64, 68, 70, 75, 80, 84, 86, 92, 95, 100, 104, 109, 111, 114, 118, 120, 124, 127, 133, 137, 140, 142, 145, 147, 149, 153, 156, 161, 164, 168, 174-ում առկա թվով 45 հատ լիազորագրերի ձեռագիր գրառումներում կատարված փոփոխությունները բերված են ՙՓաստաթղթաբանական մաս՚-ի ՙ1՚ կետում:
2. Փորձաքննությանը տրամադրված թիվ 69100411 քրեական գործի 1-ին հատորի գ.թ. 234-ում տեղավորված 02.02.2009թ. թվագրված փոխադարձ հաշվարկների վերաբերյալ ակտում ՙԱ. Զաքարյան՚ անվան դիմաց տեղավորված ստորագրությունը ունի 1-ից (մեկից) մինչև 3 (երեք) տարվա կատարման վաղեմություն` հաշված փորձաքննության կատարման օրվանից:
Ավելի ճշգրիտ պարզել վերը նշված ստորագրության կատարման վաղեմությունը` հնարավոր չէ, համապատասխան մեթոդիկայի բացակայության պատճառով:
Պարզել` փորձաքննությանը տրամադրված ակտում առկա մնացած երկու ստորագրությունների կատարման բացարձակ վաղեմությունը` հնարավոր չէ, քանի որ դրանք կատարված են ոչ գնդիկավոր` ռոլլեր տեսակի, ժելային գրիչներով, որոնց վերաբերյալ վաղեմության որոշման մեթոդիկա չկա:
Պարզել` վերը նշված փաստաթղթերում առկա տպագիր տեքստի ու կլոր կնիքների դրոշմների կատարման վաղեմությունը` հնարավոր չէ, համապատասխան մեթոդիկայի բացակայության պատճառով:
Ձեռագրաբանական մաս
1.Փորձաքննությանը տրամադրված` 16.01.2007թ., 05.02.2007թ., 05.03.2007թ., 15.03.2007թ., 05.04.2007թ., 23.04.2007թ., 07.05.2007թ., 05.06.2007թ., 03.07.2007թ., 16.07.2007թ., 02.08.2007թ., 04.09.2007թ., 03.10.2007թ., 05.11.2007թ., 09.01.2008թ., 17.01.2008թ., 07.02.2008թ., 04.03.2008թ., 04.04.2008թ., 07.05.2008թ., 03.06.2008թ., 02.07.2008թ., 07.07.2008թ., 06.08.2008թ., համապատասխանաբար, թիվ 743030, 743034, 743027, 743048, 743041, 743050, 743046, 743043, 743056, 743053, 743051, 743299, 742613, 742608, 742607, 742604, 742602, 743153, 742620, 742606, 743070, 743069, 743075, 743155 լիազորագրերի դարձերեսի ստորին ձախ հատվածում` ՙРуководитель предприятия (организация)՚ տպագիր գրառումների դիմաց, ինչպես նաև 04.11.2008թ., 06.11.2008թ., 29.12.2008թ., համապատասխանաբար, թիվ 16, 17, 30 լիազորագրերի ներքևի հատվածում ՙԱնահիտ Զաքարյան՚ անուն-ազգանվան դիմաց, ՙստորագրություն՚ տողագծի վրա տեղավորված ստորագրությունները կատարվել են Անահիտ Զաքարյանի կողմից:
2. Փորձաքննությանը տրամադրված 17.04առանց տարեթվի, 09.07.2008թ., համապատասխանաբար, թիվ 743959, 743101 լիազորագրերի դարձերեսի ստորին ձախ հատվածում` ՙРуководитель предприятия (организация)՚ տպագիր գրառումների դիմաց տեղավորված ստորագրությունները կատարվել են Ալիսա Հարությունյանի կողմից:
3. Փորձաքննությանը տրամադրված 15.11.2007թ., 06.12.2007թ., 24.12.2007թ., 16.06.2008թ., 15.08.2008թ., 18.09.2008թ., 06.10.2008թ., 20.10.2008թ., 07.11.2008թ., 20.11.2008թ., 05.12.2008թ., 24.12.2008թ., համապատասխանաբար, թիվ 742623, 743335, 742589, 743100, 743134, 743961, 743962, 743963, 743949, 743965, 743950, 742601 լիազորագրերի դարձերեսի ստորին ձախ հատվածում ՙРуководитель предприятия (организация)՚ տպագիր գրառումների դիմաց տեղավորված ստորագրությունները կատարվել են Ալիսա Հարությունյանի կողմից:
4ա/ Փորձաքննությանը տրամադրված 13.03.2009թ. թիվ 742600 լիազորագրի դարձերեսի ստորին ձախ հատվածում` ՙРуководитель предприятия (организация)՚ տպագիր գրառումների դիմաց տեղավորված ստորագրությունը չի կատարվել Անահիտ Զաքարյանի կողմից, այլ կատարվել է մեկ այլ անձի կողմից:
բ/ Ալիսա Հարությունյանի, թե մեկ այլ անձի կողմից է կատարվել ՙ4ա՚ կետում նշված հետազոտելի ստորագրությունը, պարզել հնարավոր չէ` հետազոտելի ստորագրության և Ալիսա Հարությունյանի ձեռագրի նմուշների գրաֆիկական նյութի սակավության պատճառով:
5. Փորձաքննությանը տրամադրված
-04.11.2008թ. թիվ 743964 լիազորագրի դարձերեսի ստորին ձախ հատվածում ՙРуководитель предприятия (организация)՚ տպագիր գրառումների,
-17.04. առանց տարեթվի, 06.10.2008թ., 05.12.2008թ. համապատասխանաբար, թիվ 743959, 743962, 743950 լիազորագրերի դարձերեսի ստորին ձախ հատվածում ՙГлавный бухгалтер՚ տպագիր գրառումների դիմաց տեղավորված ստորագրությունների և Ա. Զաքարյանի, Ա. Հարությունյանի ստորագրությունների ու ձեռագրերի նմուշների միջև համեմատական չանցկացվեց` հետազոտելի ստորագրությունների տառ չպարունակող տառադարձության պատճառով:
6. Փորձաքննությանը տրամադրված 20.09.2007թ., 05.02.2009թ., համապատասխանաբար, թիվ 743065, 742594, լիազորագրերի դարձերեսի ստորին ձախ հատվածում ՙРуководитель предприятия (организация)՚ տպագիր գրառումների դիմաց ստորագրությունները բացակայում են:
7. Փորձաքննությանը տրամադրված` 16.01.2007թ., 05.06.2007թ., 20.09.2007թ., 03.10.2007թ., 05.11.2007թ., 15.11.2007թ., 06.12.2007թ., 17.01.2008թ., 04.03.2008թ., 04.04.2008թ., 07.05.2008թ., 02.07.2008թ., 07.07.2008թ., 06.08.2008թ., 18.09.2008թ., 13.03.2009թ., համապատասխանաբար, թիվ 743030, 743043, 743065, 742613, 742608, 742623, 743335, 742604, 743153, 742620, 742606, 743069, 743075, 743155, 743961, 742600 լիազորագրերի դարձերեսի ստորին մասում ՙПодпись лица, получившего доверенность՚ հատվածում, ինչպես նաև 04.11.2008թ., 06.11.2008թ., 29.12.2008թ., համապատասխանաբար, թիվ 16, 17, 30 լիազորագրերի ներքևի հատվածում ՙԼիազորագիրը ստացա՚ բառերի դիմաց, ՙստորագրությունը՚ տողագծի վրա տեղավորված ստորագրությունները կատարվել են Ալիսա Հարությունյանի կողմից:
8. Փորձաքննությանը տրամադրված` 20.09.2007թ., 24.12.2007թ., 16.06.2008թ., 15.08.2008թ., 06.10.2008թ., 20.10.2008թ., 04.11.2008թ., 07.11.2008թ., 2011.2008թ., 05.12.2008թ., 24.12.2008թ., 05.02.2009թ., համապատասխանաբար, թիվ 743065, 742589, 743100, 743134, 743962, 743963, 743964, 743949, 743965, 743950, 742601, 742594 լիազորագրերի դարձերեսի ստորին մասում ՙПодпись лица, получившего доверенность՚ հատվածում տեղավորված ստորագրությունները կատարվել են Ալիսա Հարությունյանի կողմից:
9ա/ Փորձաքննությանը տրամադրված` 05.02.2007թ., 05.03.2007թ., 05.04.2007թ., 23.04.2007թ., 07.05.2007թ., 03.07.2007թ., 16.07.2007թ., 02.08.2007թ., 04.09.2007թ., 09.01.2008թ., 07.02.2008թ., 17.04. առանց տարեթվի, 03.06.2008թ., 09.07.2008թ., համապատասխանաբար, թիվ 743034, 743027, 743041, 743050, 743046, 743056, 743053, 743051, 743299, 742607, 742602, 743959, 743070, 743101 լիազորագրերի դարձերեսի ստորին մասուն` ՙПодпись лица, получившего доверенность՚ հատվածում տեղավորված ստորագրությունները, հավանաբար, կատարվել են Ալիսա Հարությունյանի կողմից:
Կատեգորիկ հետևության հանգել չհաջողվեց` հետազոտելի ստորագրությունների ինֆորմատիվ գրաֆիկական նյութի սակավության պատճառով:
բ/ ՙ9ա՚ կետում նշված հետազոտելի ստորագրությունները չեն կատարվել Անահիտ Զաքարյանի կողմից, այլ կատարվել են մեկ այլ անձի կողմից:
10ա/ Փորձաքննությանը տրամադրված`
-15.03.2007թ. թիվ 743048 լիազորագրի դարձերեսի ստորին մասում ՙПодпись лица, получившего доверенность՚ հատվածում,
-18.09.2008թ. թիվ 743961 լիազորագրի դարձերեսի ստորին մասում ՙГлавный бухгалтер՚ տպագիր գրառումների դիմաց տեղավորված ստորագրությունները չեն կատարվել Անահիտ Զաքարյանի կողմից, այլ կատարվել են մեկ այլ անձի կողմից:
բ/ Ալիսա Հարությունյանի, թե մեկ այլ անձի կողմից են կատարվել ՙ10ա՚ կետում նշված հետազոտելի ստորագրությունները, պարզել հնարավոր չէ` հետազոտելի ստորագրությունների պարզ կատարման, գրաֆիկական նյութի սակավության պատճառով:
11. Փորձաքննությանը տրամադրված 16.01.2007թ., 05.02.2007թ., 05.03.2007թ., 05.04.2007թ., 23.04.2007թ., 07.05.2007թ., 05.06.2007թ., 03.07.2007թ., 02.08.2007թ., 04.09.2007թ., 03.10.2007թ., 06.12.2007թ., 09.01.2008թ., 07.02.2008թ., 04.03.2008թ., 07.05.2008թ., 03.06.2008թ., 02.07.2008թ., 07.07.2008թ., 06.08.2008թ., համապատասխանաբար, թիվ 743030, 743034, 743027, 743041, 743050, 743046, 743043, 743056, 743051, 743299, 742613, 743335, 742607, 742602, 743153, 742606, 743070, 743069, 743075, 743155 լիազորագրերի դարձերեսի ստորին մասում ՙГлавный бухгалтер՚ տպագիր գրառումների դիմաց տեղավորված ստորագրությունները կատարվել են Մարինե Բանդուրյանի կողմից:
12. Փորձաքննությանը տրամադրված 16.07.2007թ., 05.11.2007թ., 04.04.2008թ., համապատասխանաբար, թիվ 743053, 742608, 742620 լիազորագրերի դարձերեսի ստորին մասում ՙГлавный бухгалтер՚ տպագիր գրառումների, ինչպես նաև 04.11.2008թ., 06.11.2008թ., 29.12.2008թ., համապատասխանաբար, թիվ 16, 17, 30 լիազորագրերի ներքևի հատվածում ՙՄարգարյան՚ ազգանվան անվան դիմաց տեղավորված ստորագրությունները կատարվել են Նաիրա Մարգարյանի կողմից:
13. Փորձաքննությանը տրամադրված 15.03.2007թ., 20.09.2007թ., 24.12.2007թ., 17.01.2008թ., 16.06.2008թ., 09.07.2008թ., 15.08.2008թ., 20.10.2008թ., 04.11.2008թ., 07.11.2008թ., 20.11.2008թ., 24.12.2008թ., 05.12.2009թ., 13.03.2009թ., համապատասխանաբար, 743048, 743065, 742589, 742604, 743100, 743101, 743134, 743963, 743964, 743949, 743965, 742601, 742594, 742600 լիազորագրերի դարձերեսի ստորին հատվածում` ՙГлавный бухгалтер՚ տպագիր գրառումների դիմաց տեղավորված ստորագրությունները կատարվել են Ալիսա Հարությունյանի կողմից:
14. Անահիտ Զաքարյանի, Ալիսա Հարությունյանի, թե մեկ այլ անձի կողմից է կատարվել փորձաքննությանը տրամադրված 15.11.2007թ. թիվ 742623 լիազորագրի դարձերեսի ստորին մասում` ՙГлавный бухгалтер՚ տպագիր գրառումների դիմաց տեղավորված ստորագրությունը, պարզել հնարավոր չէ` հետազոտելի ստորագրության ինֆորմատիվ գրաֆիկական նյութի սակավության պատճառով:
15. Փորձաքննությանը տրամադրված
-16.01.2007թ., 05.02.2007թ., 05.03.2007թ., 15.03.2007թ., 05.04.2007թ., 23.04.2007թ., 07.05.2007թ., 16.07.2007թ., 02.08.2007թ., 20.09.2007թ., 05.11.2007թ., 15.11.2007թ., 06.12.2007թ., 09.01.2008թ., 17.01.2008թ., 07.02.2008թ., 17.04.առանց տարեթվի, 07.05.2008թ., 16.06.2008թ., 07.07.2008թ., 09.07.2008թ., 06.08.2008թ., 18.09.2008թ., 06.10.2008թ., 20.10.2008թ., 04.11.2008թ., 07.11.2008թ., 20.11.2008թ., 05.12.2008թ., 05.02.2009թ., 13.03.2009թ., համապատասխանաբար, թիվ 743030, 743034, 743027, 743048, 743041, 743050, 743046, 743053, 743051, 743065, 742608, 742623, 743335, 742607, 742604, 742602, 743959, 742606, 743100, 743075, 743101, 743155, 743961, 743962, 743963, 743964, 743949, 743965, 743950, 742594, 742600 լիազորագրերում,
-05.06.2007թ., 03.07.2007թ., 04.09.2007թ., 03.10.2007թ., 04.04.2008թ., 03.06.2008թ., 02.07.2008թ., 15.08.2008թ., համապատասխանաբար, թիվ 743043, 743056, 743299, 742613, 742620, 743070, 743069, 743134 լիազորագրերի դարձերեսին տեղավորված,
-24.12.2007թ. թիվ 742589 լիազորագրում /բացառությամբ ՙնախագահի աշխատակազմ գանձապետ. բաժանմունք՚ գրառումների/,
-24.12.200թ. թիվ 742601 լիազորագրում /բացառությամբ ՙ24 դեկտեմբերի 2008՚ գրառման/ տեղավորված ձեռագիր գրառումները կատարվել են Ալիսա Հարությունյանի կողմից:
16. Փորձաքննությանը տրամադրված
-04.03.2008թ. թիվ 743153 լիազորագրում,
-04.09.2007թ. թիվ 743299 լիազորագրի դիմերեսին և դարձերեսի ՙ1 Բենզին պրեմիում լ.՚,
-05.06.2007թ., 03.07.2007թ., 03.10.2007թ., 04.04.2008թ., 03.06.2008թ., 02.07.2008թ., 15.08.2008թ., համապատասխանաբար, թիվ 743043, 743056, 742613, 742620, 743070, 743069, 743134 լիազորագրերի դիմերեսին տեղավորված ձեռագիր գրառումները կատարվել են Նաիրա Մարգարյանի կողմից:
17. Փորձաքննությանը տրամադրված
-24.12.2007թ. թիվ 742589 լիազորագրի վերտողյա մասում տեղավորված ՙնախագահի աշխատակազմ գանձապետ. բաժանմունք՚ ձեռագիր գրառումը չի կատարվել Անահիտ Զաքարյանի, Ալիսա Հարությունյանի կողմից, այլ կատարվել է մեկ այլ անձի կողմից:
18. Պարզել Անահիտ Զաքարյանի, Ալիսա Հարությունյանի, թե մեկ այլ անձի կողմից է կատարվել փորձաքննությանը տրամադրված 24.12.2008թ. թիվ 742601 լիազորագրի վերտողյա մասում տեղավորված ՙ24 դեկտեմբերի 2008թ.՚ ձեռագիր գրառումը, հնարավոր չէ` վերջինիս կարճ կատարման, գրաֆիկական նյութի սակավության պատճառով:
19. Փորձաքննությանը տրամադրված 02.02.2009թ. փոխադարձ հաշվարկների վերաբերյալ ակտի ստորին ձախ մասում ՙԱ. Զաքարյան՚ տպագիր գրառումների դիմաց տեղավորված ստորագրությունը կատարվել է Ալիսա Հարությունյանի կողմից:
20. Փաստաթղթաբանական հետազոտության ընթացքում հայտնաբերված հավելագրված ձեռագիր և թվագիր գրառումներից դուրս բերել հատկանիշներ հնարավոր չեղավ` վերը նշված ձեռագիր և թվագիր գրառումների ծայրահեղ սակավության պատճառով:
Դատարանը գնահատության ենթարկելով փաստաթղթաբանական և ձեռագրաբանական փորձաքննության եզրակացությունը և փորձագետներ Վահե Գրիգորյանի և Համեստ Գրիշյանի դատարանում տրված ցուցմունքերը, գտնում է, որ դրանք սույն քրեական գործով որևէ ապացուցողական նշանակություն ունենալ չեն կարող հետևյալ պատճառաբանությամբ.
պաշտպանության կողմի միջնորդության հիման վրա նշանակված փորձաքննության հետազոտման առարկա են հանդիսացել ՀՀ Նախագահի աշխատակազմի կողմից հաշվապահ Ալիսա Հարությունյանին տրված լիազորագրերը, որոնց հիման վրա վերջինս վառելիք մատակարարող տարբեր կազմակերպություններից ստացել է հեղուկ վառելիք և վառելիքի կտրոններ:
Նշված լիազորագրերում կատարված հավելագրումները և դրանցում կատարված ստորագրությունները ՀՀ Նախագահի աշխատակազմի միջոցներից կատարված հափշտակության հարցում որևէ նշանակություն չունեն, քանի որ հեղուկ վառելիքը և վառելիքի կտրոնները ստացվել, հաշվառվել և մուտքագրվել են ոչ թե լիազորագրերի, այլ` հաշիվ-ապրանքագրերի միջոցով` համաձայն ՀՀ Նախագահի աշխատակազմին վառելիք մատակարարելու վերաբերյալ մատակարարների և ՙՊետական գնումների գործակալության՚ ՊՈԱԿ-ի միջև կնքված պայմանագրերի:
Բացի վերը նշված ապացույցներից, Անահիտ Զաքարյանին և Ալիսա Հարությունյանին առաջադրված մեղադրանքը հիմնավորվել է նաև 2011թ. մարտի 31-ի որոշմամբ ապացույց ճանաչված ներքոհիշյալ այլ փաստաթղթերով՝
ՙՖլեշ՚ ՍՊ ընկերությունից, ՙՔաղ. պետրոլ սերվիս՚ արտադրական կոոպերատիվից և ՙՍիթի պետրոլ գրուպ՚ ՍՊ ընկերությունից առգրավված ՀՀ Նախագահի աշխատակազմին վառելիք մատակարարելու վերաբերյալ վերջիններիս և ՙՊետական գնումների գործակալություն՚ ՊՈԱԿ-ի միջև կնքված պայմանագրերը, հիշյալ կազմակերպությունների կողմից ՀՀ Նախագահի աշխատակազմի անվամբ դուրս գրված վառելիքի մատակարարման վերաբերյալ հաշիվ-ապրանքագրերով, վճարման հանձնարարագրերով, ՙՖլեշ՚ ՍՊ ընկերության և աշխատակազմի հաշվապահական հաշվառման և ֆինանսների վարչության միջև 02.02.2009թ. կազմված փոխադարձ հաշվարկների ակտով:
ՀՀ Նախագահի աշխատակազմի ՀՀՖ վարչության կողմից քննությանը տրամադրված վառելիքի հաշվառման գծով շրջանառու մատյանի և գլխավոր գրքի համակարգչային հաշվառման տեղեկատվությամբ, դրամարկղից 27.624.635 դրամ ընդհանուր գումարից Արմեն Գիչյանի, Ֆադեյ Չարչօղլյանի անվամբ որպես գործուղման ծախսերի կանխավճար, համապատասխանաբար՝ 13.203.642 դրամ և 10.000.000 դրամ վճարելու վերաբերյալ դրամարկղի ելքի թիվ 52 և 204, նշված գումարների հետ վերադարձի դրամարկղային մուտքի 04.11.2010թ. թիվ 50 և 2010թ. դեկտեմբերի թիվ 80 օրդերներով, Արմեն Աբելյանի անվամբ ձևակերպված ՙՀԱՊԿ անդամ պետությունների ղեկավարների ոչ պաշտոնական գագաթաժողովի կազմակերպման միջոցառման համար՚ ելքագրված 1.836.000 դրամ գումարի 2010թ. հուլիսին դրամարկղի ելքի թիվ 109 և նշված գումարի հետ վերադարձի՝ 04.11.2010թ. թիվ 49 օրդերի պատճեններով:
ՀՀ Նախագահի աշխատակազմի ավտոտրանսպորտային բաժնի կողմից քննությանը տրամադրված վերը նշված մատակարար կազմակերպությունների կողմից 2007-2010թթ. ընթացքում ձեռք բերված և ավտոտնտեսություն մուտքագրված վառելիքի շարժի հաշվետվությունների ու զեկուցագրերի պատճեններով:
ՀՀ Նախագահի աշխատակազմի ավտոտրանսպորտային բաժնի պահեստապետ-լիցքավորող Մ.Կանոյանի կողմից իր հարցաքննության արձանագրությանը կից ներկայացված իր կողմից վարվող վառելիքի շարժի գրանցամատյանի պատճենով,
ՀՀ Նախագահի աշխատակազմի Սևանի թերակղզու պետական ամառանոցի տնօրեն Ա.Դալլաքյանի կողմից իր հարցաքննության արձանագրությանը կից ներկայացված 2007–2010թթ. ընթացքում պետական ամառանոցին մատակարարված բենզինի և դիզելային վառելիքի շարժի վերաբերյալ հաշվետվությունների ու զեկուցագրերի պատճեններով:
ՀՀ Նախագահի աշխատակազմի աշխատողների արհեստակցական կազմակերպության նախագահ Ա.Աղաբեկյանի կողմից իր հարցաքննության արձանագրությանը կից ներկայացված կազմակերպության 2007–2010թթ. ֆինանսական շարժի վերաբերյալ փաստաթղթերի և արհկոմի նիստի 15.11.2010թ. և 10.12.2010թ. արձանագրությունների պատճեններով:
ՀՀ ֆինանսների նախարարի 2010թ. նոյեմբերի 24-ի թիվ 188-Ա հանձնարարագրի հիման վրա նույն նախարարության աշխատակազմի ներքին աուդիտի գնահատման և ֆինանսական վերահսկողության վարչության մասնագետների կողմից ՀՀ Նախագահի աշխատակազմում կատարված ֆինանսատնտեսական ստուգման արդյունքներով 2011թ. հունվարի 12-ին կազմված ստուգման թիվ 188-Ա ակտի քաղվածքով:
Ա.Զաքարյանի կողմից քննությանը ներկայացված ՀՀ Նախագահի աշխատակազմի աշխատողների արհկոմի հաշվարկային հաշվին 16.02.2011թ. վճարված 1.495.000 դրամ գումարի բանկային վճարման թիվ 419 անդորրագրի պատճենով:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Անահիտ Մաքսիմի Զաքարյանին առաջադրված մեղադրանքը ՀՀ քրեական օրենսգրքի 179 հոդվածի 3-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 3-րդ մասի 1-ին կետի հատկանիշներին և արարքի որակումը ճիշտ է:
Ամբաստանյալ Ալիսա Հրաչի Հարությունյանին առաջադրված մեղադրանքը ՀՀ քրեական օրենսգրքի 179 հոդվածի 3-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 179 հոդվածի 3-րդ մասի 1-ին կետի հատկանիշներին և արարքի որակումը ճիշտ է:
Ամբաստանյալներ Անահիտ Զաքարյանի, Ալիսա Հարությունյանի նկատմամբ պատիժ նշանակելիս, դատարանը հաշվի է առնում նրանց կատարած արարքների հանրության համար վտանգավորության աստիճանը և բնույթը, ինչպես նաև հանցավորների անձը:
Որպես ամբաստանյալ Անահիտ Զաքարյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, վատառողջ է` տառապում է սրտի իշեմիկ հիվանդություն, անկայուն ստենոկարդիա, զարկերակային հիպերտենզիա 2-րդ փուլ, կրիզային ընթացք, բարձր ռիսկ. ԽՍԱՆ 3, NYHA դասակարգմամբ, շաքարային դիաբետ, երկրորդ տիպ, դիաբեթիկ նեֆրոպաթիա, դիաբեթիկ էնցեֆալոպաթիա, ստորին վերջույթների դիաբեթիկ պոլինևրոպաթիա, աթերոսկլերոտիկ կարդիոսկլերոզ, պոլինեֆրիտ հիվանդություններով, բնութագրվում է դրական, հանցագործությամբ պատճառված վնասից 27.636.000 ՀՀ դրամը վերականգնել է:
Ամբաստանյալ Անահիտ Զաքարյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Ալիսա Հարությունյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, վատառողջ է, տառապում է ասթենո-նևրոտիկ համախտանիշ, գլխուղեղի արյան շրջանառության խանգարում վերտեբրոբազիլյար ավազանում, զարկերակային հիպերտենզիա 2-րդ աստիճան, հիպերտոնիկ անգիոպաթիա, տարիքային հիպերմետրոպիա հիվանդություններով, բնութագրվում է դրական:
Ամբաստանյալ Ալիսա Հարությունյանի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալներ Անահիտ Մաքսիմի Զաքարյանը, Ալիսա Հրաչի Հարությունյանը ենթակա են քրեական պատասխանատվության և պատժի:
Հաշվի առնելով Անահիտ Զաքարյանի և Ալիսա Հարությունյանի կատարած արարքի հանրության համար վտանգավորության աստիճանը և բնույթը, նրանց անձը, նրանց դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 179 հոդվածի 3-րդ մասի սանկցիայով նախատեսված է պատիժ միայն ազատազրկման ձևով, դատարանը գտնում է, որ պատժի նպատակներին հասնելու համար Անահիտ Մաքսիմի Զաքարյանի և Ալիսա Հրաչի Հարությունյանի նկատմամբ պատիժ պետք է նշանակել ազատազրկման ձևով, որը նրանք պետք է կրեն ՀՀ ԱՆ համապատասխան քրեակատարողական հիմնարկում, իսկ նրանց նկատմամբ կիրառված խափանման միջոցները պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, քննության առնելով ամբաստանյալների նկատմամբ լրացուցիչ պատիժ նշանակելու հարցը, գտնում է, որ նպատակահարմար չէ ՀՀ քրեական օրենսգրքի 179 հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավում նշանակելը:
Քննության առնելով ամբաստանյալների նկատմամբ համաներում կիրառելու հարցը, դատարանը գտնում է, որ Անահիտ Զաքարյանի և Ալիսա Հարությունյանի նկատմամբ կիրառելի է ՀՀ Ազգային Ժողովի ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ 2011 թվականի մայիսի 26-ի որոշման 8-րդ կետի 5-րդ ենթակետը, համաձայն որի պատժաչափի չկրած մասը պետք է կրճատել մեկ քառորդով ՀՀ քրեական օրենսգրքի ՙ ... 179 հոդվածի 3-րդ մասով ...՚ հանցագործությունները կատարելու համար դատապարտված անձանց նկատմամբ:
Դատարանը գտնում է, որ Անահիտ Մաքսիմի Զաքարյանի և Ալիսա Հրաչի Հարությունյանի դեմ ներկայացված տուժողի` ՀՀ Նախագահի աշխատակազմի ներկայացուցիչ Տ.Երանոսյանի քաղաքացիական հայցը պետք է բավարարել. Անահիտ Մաքսիմի Զաքարյանից և Ալիսա Հրաչի Հարությունյանից համապարտությամբ հօգուտ ՀՀ պետական բյուջեի, որպես հանցագործությամբ պատճառված վնաս, պետք է բռնագանձել 65.173.960 ՀՀ դրամ գումար:
ՀՀ ոստիկանության ՔԳՎ ՀԿԳ քննության վարչության 1-ին բաժնի պետի տեղակալի 2011թ. մարտի 23-ի և 2011թ. ապրիլի 05-ի որոշումներով քաղաքացիական հայցը և գույքի հնարավոր բռնագրավումն ապահովելու նպատակով կալանք է դրվել Անահիտ Զաքարյանին սեփականության իրավունքով պատկանող ք.Երևան, Շիրազի 24 շենքի 50 բնակարանի, ք.Երևան, Ամառանոցային 8 տան, ինչպես նաև համատեղ ամուսնական կյանքում ձեռք բերված նրա ամուսնու` Գագիկ Վարդգեսի Ասատրյանի անվամբ սեփականության իրավունքով գրանցված Կոտայքի մարզի Գետամեջ գյուղում գտնվող տարածքի վրա:
ՀՀ քրեական դատավարության օրենսգրքի 238 հոդվածի համաձայն, գույքը քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը հետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Դատարանը, նկատի ունենալով, որ սույն քրեական գործով ներկայացված քաղաքացիական հայցը բավարավել է, գտնում է, որ Անահիտ Զաքարյանի գույքի վրա դրված կալանքը պետք է թողնել անփոփոխ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 365, 369-372 հոդվածներով, դատարանը

Վ Ճ Ռ Ե Ց

Անահիտ Մաքսիմի Զաքարյանին մեղավոր ճանաչել ՀՀ քրեական օրենսգրքի 179 հոդվածի 3-րդ մասի 1-ին կետով և նրան դատապարտել ազատազրկման հինգ (5) տարի ժամկետով` առանց գույքի բռնագրավման:
Պատժի սկիզբը հաշվել 2011 թվականի մարտի 23-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Անահիտ Մաքսիմի Զաքարյանի նկատմամբ որպես խափանման միջոց ընտրված կալանավորումը թողնել անփոփոխ, մինչև դատավճռի օրինական ուժի մեջ մտնելը:
ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011 թվականի մայիսի 26-ի որոշման 8-րդ կետի 5-րդ ենթակետի կիրառմամբ Անահիտ Մաքսիմի Զաքարյանի նկատմամբ նշանակված պատժաչափի չկրած մասը կրճատել մեկ քառորդով:
Պատժաչափի չկրած մասի կրճատելու հաշվարկի կատարումը վերապահել համապատասխան քրեակատարողական հիմնարկի ադմինիստրացիային` դատավճիռն օրինական ուժի մեջ մտնելուց հետո:
Ալիսա Հրաչի Հարությունյանին մեղավոր ճանաչել ՀՀ քրեական օրենսգրքի 179 հոդվածի 3-րդ մասի 1-ին կետով և նրան դատապարտել ազատազրկման հինգ (5) տարի ժամկետով` առանց գույքի բռնագրավման:
Պատժի սկիզբը հաշվել 2011 թվականի մարտի 23-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Ալիսա Հրաչի Հարությունյանի նկատմամբ որպես խափանման միջոց ընտրված կալանավորումը թողնել անփոփոխ, մինչև դատավճռի օրինական ուժի մեջ մտնելը:
ՙՀայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին՚ ՀՀ ԱԺ 2011 թվականի մայիսի 26-ի որոշման 8-րդ կետի 5-րդ ենթակետի կիրառմամբ Ալիսա Հրաչի Հարությունյանի նկատմամբ նշանակված պատժաչափի չկրած մասը կրճատել մեկ քառորդով:
Պատժաչափի չկրած մասի կրճատելու հաշվարկի կատարումը վերապահել համապատասխան քրեակատարողական հիմնարկի ադմինիստրացիային` դատավճիռն օրինական ուժի մեջ մտնելուց հետո:
Տուժող ՀՀ Նախագահի աշխատակազմի ներկայացուցիչ Տ.Երանոսյանի քաղաքացիական հայցը բավարարել. Անահիտ Մաքսիմի Զաքարյանից և Ալիսա Հրաչի Հարությունյանից համապարտությամբ հօգուտ ՀՀ պետական բյուջեի, որպես հանցագործությամբ պատճառված վնաս, բռնագանձել 65.173.960 (վաթսունհինգ միլիոն հարյուր յոթանասուներեք հազար իննը հարյուր վաթսուն) ՀՀ դրամ գումար:
Անահիտ Զաքարյանին սեփականության իրավունքով պատկանող ք.Երևան, Շիրազի 24 շենքի 50 բնակարանի, ք.Երևան, Ամառանոցային 8 տան, ինչպես նաև համատեղ ամուսնական կյանքում ձեռք բերված նրա ամուսնու` Գագիկ Վարդգեսի Ասատրյանի անվամբ սեփականության իրավունքով գրանցված Կոտայքի մարզի Գետամեջ գյուղում գտնվող տարածքի վրա դրված կալանքը թողնել անփոփոխ:
Ապացույց ճանաչված այլ փաստաթղթերը պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում:

Դատավոր` ստորագրություն
Բնագրի հետ ճիշտ է
Դատավոր Լ. Ավետիսյան