ԵԱՔԴ 0046/01/11



Ո Ր Ո Շ ՈՒ Մ
քրեական գործի վարույթը կարճելու և քրեական հետապնդումը դադարեցնելու մասին

24.06.2011թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը նախագահությամբ դատավոր Արմեն Խաչատրյանի, քարտուղարությամբ` Փառանձեմ Բաբայանի, մասնակցությամբ` մեղադրող Ալեքսանդր Աղայանի, ամբաստանյալ Լևոն Սողոմոնյանի, պաշտպան Ավագ Լալայանի, տուժող Անահիտ Մանուկյանի, ուսումնասիրելով Լևոն Սողոմոնյանի /ծնված 31.10.1964թ.-ին, Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին ոչ ոք, նախկինում չդատված, աշխատում է ՙՍեյվր՚ ՍՊԸ-ում որպես տնօրեն, հաշվառված և բնակվում է ք. Երևան, Գյուլիքեխվյան փողոց, 5 շենք, 28 բնակարան հասցեում/ վերաբերյալ քրեական գործի նյութերը,
Պ Ա Ր Զ Ե Ց

2010 թվականի հոկտեմբերի 26-ին ՀՀ ոստիկանության ՔԳՎ Երևան քաղաքի վարչության Արաբկիրի քննչական բաժնում ՀՀ քրեական օրենսգրքի 178-րդ հոդվածի 3-րդ մասի 1-ին կետի հատկանիշներով հարուցվել է թիվ 14130410 քրեական գործը: 2011թ. մարտի 31-ին Լևոն Ռաֆիկի Սողոմոնյանը որպես մեղադրյալ է ներգրավվել ՀՀ քրեական օրենսգրքի 213-րդ հոդվածի 2-րդ մասի 1-ին կետով այն արարքի կատարման համար, որ ՙնա 2009թ. սեպտեմբերի 17-ին Անահիտ Ալբերտի Մանուկյանին 20.000 ԱՄՆ դոլար գումար է տվել ամսեկան 5տոկոս տոկոսադրույքի վճարման պայմանով: Լ. Սողոմոնյանը նշված գումարները ստանալը երաշխավորելու նպատակով կազմակերպել է շինծու առուվաճառքի պայմանագրի կնքում իր որդու Տիգրան Սողոմոնյանի և Ա. Մանուկյանի միջև, համաձայն որի Ա. Մանուկյանը Երևան քաղաքի Հովնաթանի զ հասցեում գտնվող անշարժ գույքն իբրև վաճառել է Տ. Սողոմոնյանին` պայմանագրում արհեստականորեն վաճառքի գին սահմանելով 22.800.000 ՀՀ դրամ գումար իրական գործարքի պատրանք ստեղծելու համար: Նշված գործարքը ձևակերպելուց հետո Լ. Սողոմոնյանը շուրջ 4 ամիս` մինչև 2010թ. հունվար ամիսը, Երևան քաղաքի տարբեր վայրերում յուրաքնչյուր ամիս Ա. Մանուկյանից ստացել է ՀՀ կենտրոնական բանկի սահմանած բանկային տոկոսի հածվարկային դրույքի կրկնապատիկը գերազանցող ամսեկան 5 տոկոսի չափով 1000-ական ԱՄՆ դոլար տոկոսագումարներ: 2010թ.փետրվար ամսից Ա. Մանուկյանը չի կարողացել վճարել տոկոսագումարները և վերադարձնել մայր գումարը: Լ. Սողոմոնյանը, Ա. Մանուկյանից ակնկալվող չվճարված ամիսների տոկոսագումարները յուրաքանչյուր ամիս հաշվակցելով մայր գումարին և դրա վրա կրկին հաշվարկելով նշված տոկոսագումարները, 2010թ. նոյեմբերի 26-ին օգտվելով, որ Ա. Մանուկյանը գտնվում է ծայրահեղ ոչ ձեռնտու պայմաններում և պետք է հետ վերադարձնի նշված անշարժ գույքի սեփականության իրավունքը իր ազգական Լևոն Բաղդասարյանին, ստորագրել է տվել 17.09.2009թ.-ի առուվաճառքի պայմանագիրը լուծելու մասին շինծու համաձայնագիր, համաձայն որի դրա կնքման օրը Ա. Մանուկյանը իբև Տ. Սողոմոնյանին վճարել է 10.500.000 ՀՀ դրամ գումար, իսկ մնացած 12.300.000 ՀՀ դրամը պետք է վճարի մինչև 2010թ. դեկտեմբերի 1-ը, հակառակ դեպքում Ա. Մանուկյանը սեփականության իրավունքով իրեն պատկանող Երևան քաղաքի Հովնաթանի փողոց 1/2 հասցեում և Երևան քաղաքի Նար-Դոս փողոցի 120 հասցեում գտնվող անշարժ գույքը պետք է գրավադնի օգուտ Տ. Սողոմոնյանի: Ա. Մանուկյանին ծանր նյութական կացության մեջ գցելուց հետո` 2010թ. դեկտեմբերի 21-ին, Լ. Սողոմոնյանը հայցով դիմել է Կենտրոն և Նորք-Մարաշ վարչական շրջանների դատարան՚: 2011 թվականի ապրիլի 15-ին թիվ 14130410 քրեական գործը մեղադրական եզրակացությամբ ուղարկվել է դատարան` ըստ էության քննելու համար:
Դատաքննության ընթացքում քրեական գործով ապացույցները հետազոտելուց հետո գործով մեղադրողը, պարզելով, որ դատաքննության ընթացքում հիմնավորվել է որ Լ. Սողոմոնյանի կողմից Ա. Մանուկյանի նկատմամբ վաշխառություն կատարելու հետևանքով վերջինս չի ընկել նյութական ծանր կացության մեջ, քանի որ Տ. Սողոմոնյանի և Ա. Մանուկյանի միջև 2010թ. նոյեմբերի 26-ին կնքված պայմանագրի ուժով Ա. Մանուկյանը որևէ պարտավորություն չի կատարել, բացի այդ փաստացի Լ. Սողոմանյանից նա ստացել է 20.000 ԱՄՆ դոլար գումար, իսկ վերադարձրել է տոկոսագումարի տեսքով 4.000 ԱՄՆ դոլար գումարը, և ղեկավարվելով ՀՀ քրեական դատավարության օրենսգրքի 309.1-րդ հոդվածով Լևոն Սողոմոնյանին ՀՀ քրեական օրենսգրքի 213-րդ հոդվածի 2-րդ մասի 1-ին կետով առաջադրված մեղադրանքը փոփոխեց և նրան նոր մեղադրանք առաջադրեց ՀՀ քրեական օրենսգրքի 213-րդ հոդվածի 1-ին մասով:
Տուժող Անահիտ Մանուկյանը հայտնեց, որ հաշտվել է ամբաստանյալի հետ նրա նկատմամբ որևէ բողոք կամ պահանջ չունի:
Ամբաստանյալ Լևոն Սողոմոնյանը նույնպես նշեց որ հաշտվել է տուժողի հետ:
Նման պայմաններում դատարանը գտնում է, որ Լևոն Ռաֆիկի Սողոմոնյանի վերաբերյալ ՀՀ քրեական օրենսգրքի 213-րդ հոդվածի 1-ին մասով քրեական գործը պետք է կարճել, քանի որ ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն քրեական գործի վարույթը ենթակա է կարճման եթե` սույն օրենսգրքով նախատեսված դեպքերում տուժողը հաշտվել է ամբաստանյալի հետ, իսկ համաձայն ՀՀ քրեական դատավարության օրենսգրք 183-րդ հոդվածի 1-ին մասի ՀՀ քրեական օրենսգրքի 213-րդ հոդվածի 1-ին մասով նախատեսված հանցագործությունների վերաբերյալ քրեական գործերը տուժողի ամբաստանյալի հետ հաշտվելու դեպքում ենթակա են կարճման, իսկ հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Անդրադառնալով ամբաստանյալի նկատմամբ կիրառված խափանման միջոցին, դատարանը գտնում է, որ Լևոն Սողոմոնյանի նկատմամբ որպես խափանման միջոց կիրառված չհեռանալու մասին ստորագրությունը պետք է վերացնել:
Դատարանը գտնում է, որ ՀՀ ոստիկանության ՔԳՎ Երևան քաղաքի վարչության Արաբկիրի քննչական բաժնի ավագ քննիչ Հ. Անանյանի 01.04.2011թ-ի որոշմամբ Երևան քաղքի Հովնաթան փողոց 1/2 հասցեում գտնվող անշարժ գույքի վրա դրված կալանքը պետք է վերացնել:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետով, 36-րդ հոդվածով, 183-րդ հոդվածի 1-ին մասով, 313-րդ հոդվածով` դատարանը

Ո Ր Ո Շ Ե Ց

Լևոն Ռաֆիկի Սողոմոնյանի վերաբերյալ ՀՀ քրեական օրենսգրքի 213-րդ հոդվածի 1-ին մասով քրեական գործի վարույթը կարճել և նրա նկատմամբ ՀՀ քրեական օրենսգրքի 213-րդ հոդվածի 1-ին մասով քրեական հետապնդումը դադարեցնել` ամբաստանյալի հետ տուժողի հաշտվելու պատճառաբանությամբ:
Լևոն Սողոմոնյանի նկատմամբ որպես խափանման միջոց կիրառված չհեռանալու մասին ստորագրությունը վերացնել:
ՀՀ ոստիկանության ՔԳՎ Երևան քաղաքի վարչության Արաբկիրի քննչական բաժնի ավագ քննիչ Հ. Անանյանի 01.04.2011թ-ի որոշմամբ Երևան քաղքի Հովնաթան փողոց 1/2 հասցեում գտնվող անշարժ գույքի վրա դրված կալանքը վերացնել:
Որոշումը կարող է բողոքարկվել ՀՀ քրեական վերաքննիչ դատարան հրապարակվելու օրվանից հետո մեկամսյա ժամկետում:

դատավոր` Ա. Խաչատրյան