ԵԱՔԴ/0042/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Հ. Մարտիրոսյան
պաշտպան Ա. Սողոմոնյան
տուժողի ներկայացուցիչ Ա. Սոխոյան

2011 թվականի մայիսի 24-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի`
1. Էդուարդ Վագիֆի Հակոբյանի, ծնված 12.02.1984թ., Երևան քաղաքում, ազգությամբ հայ, ՀՀ քաղաքացի, ամուսնացած, խնամքին ոչ ոք, նախկինում չդատված, թերի բարձրագույն կրթությամբ, հաշվառված Է Երևան քաղաքի Հալաբյան փողոցի 45 շենքի թիվ 28 բնակարանում, բնակվում է Երևան քաղաքի Զ.Սարկավագի փողոցի 117/2 շենքի թիվ 39 բնակարանում, մեղադրվում է ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, խափանման միջոց Է կիրառվել գրավը,
2. Անդրանիկ Վագիֆի Հակոբյանի, ծնված 12.02.1984թ., Երևան քաղաքում, ազգությամբ հայ, ՀՀ քաղաքացի, ամուրի, խնամքին ոչ ոք, նախկինում չդատված, թերի բարձրագույն կրթությամբ, հաշվառված է Երևան քաղաքի Հալաբյան փողոցի 45 շենքի թիվ 28 բնակարանում, բնակվել է Երևան քաղաքի Զ.Սարկավագի փողոցի 117/2 շենքի թիվ 39 բնակարանում, մեղադրվում է ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, արգելանքի տակ է 2011թ. փետրվարի 20-ից,

Պ Ա Ր Զ Ե Ց
1.Գործի դատավարական նախապատմությունը.
2010թ. հոկտեմբերի 25-ին ՀՀ ոստիկանության Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերի հատկանիշներով հարուցվել է թիվ 09122310 քրեական գործը:
2011թ. փետրվարի 1-ին Անդրանիկ Վագիֆի Հակոբյանը ներգրավվել է որպես մեղադրյալ` ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, նրա նկատմամբ հայտարարվել է հետախուզում և որպես խափանման միջոց է ընտրվել կալանավորումը:
2011թ. փետրվարի 1-ին Էդուարդ Վագիֆի Հակոբյանը ներգրավվել է որպես մեղադրյալ` ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, նրա նկատմամբ հայտարարվել է հետախուզում և որպես խափանման միջոց է ընտրվել կալանավորումը:
2011թ. փետրվարի 4-ին Վահե Ռոբերտի Ավետիսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2011թ. փետրվարի 20-ին Անդրանիկ Վագիֆի Հակոբյանը և Էդուարդ Վագիֆի Հակոբյանը հայտնաբերվել և ներկայացվել են Քանաքեռ-Զեյթուն քննչական բաժին:
2011թ. փետրվարի 22-ին Անդրանիկ Վագիֆի Հակոբյանի նկատմամբ որպես խափանման միջոց ընտրված կալանավորումը վերահաստատվել է:
2011թ. փետրվարի 22-ին Էդուարդ Վագիֆի Հակոբյանի նկատմամբ որպես խափանման միջոց ընտրված կալանավորումը վերահաստատվել է, կալանքից գրավով ազատելը ճանաչվել է թույլատրելի և որպես կալանավորման այլընտրանքային խափանման միջոց կիրառվել է գրավ:
2011թ. փետրվարի 23-ին Էդուարդ Հակոբյանը ազատվել է կալանքից:
2011թ. մարտի 23-ին Էդուարդ Վագիֆի Հակոբյանին առաջադրված մեղադրանքը փոփոխվել, նրան նոր մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, ընտրված խափանման միջոցը թողնվել է անփոփոխ:
2011թ. մարտի 23-ին Վահան Նորայրի Մելիքյանին ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 214 հոդվածի 1-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
2011թ. մարտի 24-ին Անդրանիկ Վագիֆի Հակոբյանին առաջադրված մեղադրանքը փոփոխվել, նրան նոր մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով, ընտրված խափանման միջոցը թողնվել է անփոփոխ:
2011թ. մարտի 25-ին Վահե Ռոբերտի Ավետիսյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 325 հոդվածի 2-րդ մասով, ընտրված խափանման միջոցը թողնվել է անփոփոխ:
2011թ. մարտի 25-ին Գևորգ Համլետի Սարգսյանի նկատմամբ քրեական հետապնդում չի իրականացվել` համաներման ակտ ընդունվելու պատճառաբանությամբ:
2011թ. մարտի 25-ին Վահե Ռոբերտի Ավետիսյանի նկատմամբ քրեական հետապնդումը դադարեցվել և վերացվել է ընտրված խափանման միջոց չհեռանալու մասին ստորագրությունը` ՀՀ քր. դատ. օր-ի 37 հոդվածի 1-ին մասով և ՀՀ քր. օր-ի 72 հոդվածով` գործուն զղջալու պատճառաբանությամբ:
2011թ. ապրիլի 6-ին թիվ 09122310 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Դատարանի 2011թ. մայիսի 10-ի որոշմամբ Վահան Նորայրի Մելիքյանի նկատմամբ ՀՀ քրեական օրենսգրքի 214 հոդվածի 1-ին մասով քրեական հետապնդումը դադարեցվել է` քրեական պատասխանատվության ենթարկելու համար նախատեսված վաղեմության ժամկետն անցնելու հետևանքով:
2.Գործի փաստական հանգամանքները.
Նախաքննության մարմինն ամբաստանյալներ Անդրանիկ Վագիֆի Հակոբյանին և Էդուարդ Վագիֆի Հակոբյանին մեղադրանք է առաջադրել հետևյալ արարքների համար.
Անդրանիկ Հակոբյանը եղբոր` էդուարդ Վագիֆի Հակոբյանի և Վահե Ռոբերտի Ավետիսյանի հետ, նախնական համաձայնությամբ, օգտագործել են կեղծ փաստաթուղթ հանդիսացող, Վ.Ավետիսյանի աշխատանքի վայրի ու աշխատավարձի չափի վերաբերյալ կեղծ տեղեկանքը, թե իբր վերջինս աշխատում Է ՙԳԵՎՎԱԴԱ՚ ՍՊԸ-ում որպես ատամնաբույժ և նրա ամսական աշխատավարձի չափը կազմում Է 180.000 ՀՀ դրամ, 29.05.2008թ. Վ.Ավետիսյանի միջոցով, չարաշահելով ՙԲՏԱ Բանկ՚ ՓԲԸ-ի ՙԶեյթուն՚ մասնաճյուղի աշխատակիցների վստահությունը, խաբեությամբ եղբոր Է.Հակոբյանի հետ միասին ստացել են 828.000 ՀՀ դրամ վարկ ու տիրացել վարկի 715.521,8 ՀՀ դրամին՝ պատճառելով խոշոր չափերի հասնող գույքային վնաս։
Էդուարդ Հակոբյանը եղբոր՝ Անդրանիկ Վագիֆի Հակոբյանի և Վահե Ռոբերտի Ավետիսյանի հետ, նախնական համաձայնությամբ, օգտագործել են կեղծ փաստաթուղթ հանդիսացող, Վ.Ավետիսյանի աշխատանքի վայրի ու աշխատավարձի չափի վերաբերյալ կեղծ տեղեկանքը, թե իբր վերջինս աշխատում Է ՙԳԵՎՎԱԴԱ՚ ՍՊԸ-ում որպես ատամնաբույժ և նրա ամսական աշխատավարձի չափր կազմում Է 180.000 ՀՀ դրամ, 29.05.2008թ. Վ.Ավետիսյանի միջոցով, չարաշահելով ՙԲՏԱ Բանկ՚ ՓԲԸ-ի ՙԶեյթուն՚ մասնաճյուղի աշխատակիցների վստահությունը, խաբեությամբ եղբոր՝ Ա.Հակոբյանի հետ միասին ստացել են 828.000 ՀՀ դրամ վարկ ու տիրացել վարկի 715.521,8 ՀՀ դրամին՝ պատճառելով խոշոր չափերի հասնող գույքային վնաս։
3. Արագացված դատական քննություն.
Մինչև դատաքննությունն սկսելն ամբաստանյալներ Անդրանիկ Վագիֆի Հակոբյանը և Էդուարդ Վագիֆի Հակոբյանը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Ա.Սողոմոնյանը:
Մեղադրող Հ.Մարտիրոսյանը դատական քննության արագացված կարգ կիրառելուն չի առարկել:
Արագացված քննություն կիրառելուն չի առարկել նաև տուժողի ներկայացուցիչ Ա.Սողոմոնյանը:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Անդրանիկ և Էդուարդ Վագիֆի Հակոբյաններին առաջադրված մեղադրանքը ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով հիմնավորված է: Նրանց կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերի և 325 հոդվածի 2-րդ մասի հատկանիշներին և արարքի որակումը ճիշտ է:
Ամբաստանյալներ Անդրանիկ Վագիֆի Հակոբյանի և Էդուարդ Վագիֆի Հակոբյանի նկատմամբ պատիժ նշանակելիս, դատարանը հաշվի է առնում նրանց կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Անդրանիկ Վագիֆի Հակոբյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, հանցագործությամբ ՙԲՏԱ Բանկ՚ ՓԲԸ-ին պատճառված նյութական վնասն ամբողջությամբ վերականագնվել է:
Ամբաստանյալ Անդրանիկ Վագիֆի Հակոբյանի պատասխանատվությունը և պատիժը ծանրացնող հանգամանքներ չկան:
Որպես ամբաստանյալ Էդուարդ Վագիֆի Հակոբյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, հանցագործությամբ ՙԲՏԱ Բանկ՚ ՓԲԸ-ին պատճառված նյութական վնասն ամբողջությամբ վերականագնվել է:
Ամբաստանյալ Էդուարդ Վագիֆի Հակոբյանի պատասխանատվությունը և պատիժը ծանրացնող հանգամանքներ չկան:
Կատարած արարքների համար ամբաստանյալներ Անդրանիկ Վագիֆի Հակոբյանը և Էդուարդ Վագիֆի Հակոբյանը ենթակա են քրեական պատասխանատվության և պատժի:
Հաշվի առնելով ամբաստանյալներ Անդրանիկ և Էդուարդ Վագիֆի Հակոբյանների կատարած արարքի հանրության համար վտանգավորության աստիճանը և բնույթը, նրանց անձը, նրանց դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 178 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, իսկ 325 հոդվածի 2-րդ մասով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Անդրանիկ Վագիֆի Հակոբյանի և Էդուարդ Վագիֆի Հակոբյանի նկատմամբ ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով կատարած արարքների համար պատիժներ պետք է նշանակել ազատազրկման ձևով: Նրանց նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները լրիվ կամ մասնակի գումարելու կանոնի կիրառմամբ:
ՙՀամաներում հայտարարելու մասին՚ ՀՀ Ազգային ժողովի 2009 թվականի հունիսի 19-ի որոշման 14-րդ կետի համաձայն, ՙՀամաներում հայտարարելու մասին՚ ՀՀ Ազգային ժողովի 2009 թվականի հունիսի 19-ի որոշումը կիրառվում է այն անձանց նկատմամբ, ովքեր հանցագործություն են կատարել մինչև 2009 թվականի հունիսի 1-ը ներառյալ: Անդրանիկ Վագիֆի Հակոբյանը և Էդուարդ Վագիֆի Հակոբյանը հանրորեն վտանգավոր վերջին արարքը կատարել են 2008 թվականին:
Սույն քրեական գործով բացակայում են համաներման մասին հիշյալ որոշման 8-րդ կետում նշված այն սահմանափակումները, որոնք կարող են արգելք հանդիսանալ Անդրանիկ Հակոբյանի և Էդուարդ Հակոբյանի նկատմամբ համաներման ակտի կիրառման համար:
Հիմք ընդունելով վերը նշվածը, դատարանը գտնում է, որ ամբաստանյալներ Անդրանիկ և Էդուարդ Հակոբյանների նկատմամբ կիրառելի է ՙՀամաներում հայտարարելու մասին՚ ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշումը:
Նկատի ունենալով, որ տուժողի ներկայացուցիչ Արթուր Սոխոյանը հրաժարվել է ներկայացրած քաղաքացիական հայցից, դատարանը գտնում է, որ քաղաքացիական հայցի հրաժարումը պետք է ընդունել և Արթուր Սոխոյանի քաղաքացիական հայցի վարույթը կարճել:
Անդրադառնալով իրեղեն ապացույցների տնօրինման հարցին դատարանը գտնում է, որ 2011թ. մարտի 25-ի որոշմամբ իրեղեն ապացույց ճանաչված, ՙԲՏԱ Բանկ՚ ՓԲԸ-ից առգրավված փաստաթղթերը և Վ.Ավետիսյանի աշխատանքի վայրի ու աշխատավարձի չափի վերաբերյալ տեղեկանքը պետք է պահել քրեական գործի հետ միասին:
Ապացույց ճանաչված, որպես այլ փաստաթուղթ, թիվ 09122310 քրեական գործով Անդրանիկ և Էդուարդ Վագիֆի Հակոբյանների բացատրությունները պետք է պահել քրեական գործի հետ միասին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Էդուարդ Վագիֆի Հակոբյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով:
ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով նրան դատապարտել ազատազրկման երկու (2) տարի ժամկետով, ՀՀ քրեական օրենսգրքի 325 հոդվածի 2-րդ մասով` ազատազրկման վեց (6) ամիս ժամկետով:
ՀՀ քրեական օրենսգրքի 66 հոդվածի հիման վրա` պատիժները լրիվ գումարելու սկզբունքով, Էդուարդ Վագիֆի Հակոբյանի նկատմամբ վերջնական պատիժ նշանակել ազատազրկում երկու (2) տարի վեց (6) ամիս ժամկետով:
ՀՀ քրեական օրենսգրքի 69 հոդվածի կանոններով` նշանակված պատժին հաշվակցել Էդուարդ Վագիֆի Հակոբյանի նախնական կալանքի տակ եղած 3 օր ժամկետը և վերջնական թողնել կրելու ազատազրկում երկու (2) տարի հինգ (5) ամիս քսանյոթ (27) օր ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Էդուարդ Վագիֆի Հակոբյանին ազատել պատժի կրումից:
Էդուարդ Վագիֆի Հակոբյանի նկատմամբ կիրառված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո վեց հարյուր հազար (600.000) ՀՀ դրամ գրավի գումարը վերադարձնել Սյուզաննա Մելքոնյանին:
Անդրանիկ Վագիֆի Հակոբյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով և 325 հոդվածի 2-րդ մասով:
ՀՀ քրեական օրենսգրքի 178 հոդվածի 2-րդ մասի 1-ին, 2-րդ կետերով նրան դատապարտել ազատազրկման երկու (2) տարի վեց (6) ամիս ժամկետով, ՀՀ քրեական օրենսգրքի 325 հոդվածի 2-րդ մասով` ազատազրկման մեկ (1) տարի ժամկետով:
ՀՀ քրեական օրենսգրքի 66 հոդվածի հիման վրա` պատիժները մասնակի գումարելու սկզբունքով, Անդրանիկ Վագիֆի Հակոբյանի նկատմամբ վերջնական պատիժ նշանակել ազատազրկում երեք (3) տարի ժամկետով:
Կիրառել ՙՀամաներում հայտարարելու մասին՚ ՀՀ Ազգային ժողովի 2009թ. հունիսի 19-ի որոշման 1-ին կետի 1) ենթակետը և Անդրանիկ Վագիֆի Հակոբյանին ազատել պատժի կրումից:
Անդրանիկ Վագիֆի Հակոբյանին անհապաղ ազատել կալանքից:
Անդրանիկ Վագիֆի Հակոբյանի նկատմամբ ընտրված խափանման միջոցը` կալանավորումը, փոփոխել և նրա նկատմամբ որպես խափանման միջոց ընտրել չհեռանալու մասին ստորագրությունը, մինչև դատավճռի օրինական ուժի մեջ մտնելը:
Արթուր Սոխոյանի քաղաքացիական հայցի վարույթը կարճել:
Իրեղեն ապացույց ճանաչված ՙԲՏԱ Բանկ՚ ՓԲԸ-ից առգրավված փաստաթղթերը և Վ.Ավետիսյանի աշխատանքի վայրի ու աշխատավարձի չափի վերաբերյալ տեղեկանքը պահել քրեական գործի հետ միասին:
Ապացույց ճանաչված թիվ 09122310 քրեական գործով Անդրանիկ և Էդուարդ Վագիֆի Հակոբյանների բացատրությունները պահել քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ