գործ No ԵԱՔԴ/0026/01/11

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

30.06.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
մասնակցությամբ`
մեղադրող Ա. Սեփոյանի
պաշտպան Գ.Հակոբյանի
Ռ.Բալոյանի
ամբաստանյալ Ա.Մկրտչյանի

Դատարանում, դռնբաց դատական նիստում, քննեց քրեական գործն ըստ մեղադրանքի Արթուր Հմայակի Մկրտչյանի /ծնված 29.01.1983թ. ք.Երևան, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախինում չդատված,չի աշխատում, բնակվում է ք. Երևան, Կոմիտաս 49/4 շենք, 605 սենյակ:
Մեղադրվում է ՀՀ քրեական օրենսգրքի 242-րդ հոդվածի 1-ին մասով և 244-րդ հոդվածով:

Պ Ա Ր Զ Ե Ց

1.Գործի դատավարական նախապատմությունը
26.12.2010թ. ՀՀ ոստիկանության ՔԳՎ ՀԿԳ քննության վարչության կողմից ՀՀ քրեական օրենսգրքի 242-րդ հոդվածի 1-ին մասով և 244 հոդվածի հատկանիշներով հարուցվել է թիվ 60130610 քրեական գործը:
07.03.2011թ. Արթուր Հմայակի Մկրտչյանի նկատմամբ որոշում է կայացվել որպես մեղադրյալ ներգրավելու մասին և նրան մեղադրանք է առաջադրվել ՀՀ քր. օր-ի 242-րդ հոդվածի 1-ին մասով, 244-րդ հոդվածով, որպես խափանման միջոց ընտրվել է ստորագրություն չհեռանալու մասին:
22.03.2011թ. թիվ 60130610 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Արթուր Մկրտչյանին մեղադրանք է առաջադրել ՀՀ քրեական օրենսգրքի 242-րդ հոդվածի 1-ին մասով և 244 հոդվածով այն արարքի համար, որ նա 2010 թվականի հոկտեմբերի 3-ին, ժամը 01:00-ից 01:30-ի սահմաններում իր անձնական օգտագործման ՙԲՄՎ՚ մակնիշի 09 օօ 175 պ/հ ավտոմեքենայով բակամիջյան ճանապարհից Կոմիտաս պողոտա մուտք գործելիս, ունենալով միայն աջ շրջադարձի իրավունք, ուղիղ երթևեկությամբ հատել է դեպի Բաղրամյան պողոտա տանող ուղեմասն ու զույգ հոծ գծից անցնելուց հետո ձախ շրջադարձով դեպի Դ.Անհաղթ փողոց տանող ուղեմաս մուտք գործելիս, ավտոմեքենայի ձախ կողամասով ընդհարվել է այդ ուղեմասի երթևեկությամբ ընթացող Միհրան Մուրադյանի ՙՆիսսան՚ մակնիշի 22 ՍԼ 496 պ/հ ավտոմեքենայի աջ կողամասին և շարունակելով երթևեկությունը` հեռացել է դեպքի վայրից: Ստեղծված իրադրության պարտադրանքով ՙՆիսսան՚-ի վարորդ Մ.Մուրադյանը ձախ մանևրով մուտք է գործել հանդիպակաց ուղեմաս և թիվ 34 շենքի դիմաց ավտոմեքենայի առջևի մասով ընդհարվել է Արտակ Գալստյանի ՙՖորդ՚ մակնիշի 06 ՍՏ 476 պ/հ ավտոմեքենայի առջևի մասին: Վթարի հետևանքով ՙՆիսսան՚ և ՙՖորդ՚ մակնիշների ավտոմեքենաների վարորդներ` Միհրան Մուրադյանին ու Արտակ Գալստյանին պատճառվել է միջին ծանրության մարմնական վնաս` առողջության տևական քայքայումով, իսկ վերջինիս ուղևոր Արկադի Գալստյանին` ծանր մարմնական վնաս:

3.Ապացույցների հետազոտում
Ամբաստանյալ Արթուր Մկրտչյանն առաջադրված մեղադրանքում իրեն մեղավոր չի ճանաչել, նշել է, որ ինքը ճանապարհային երթևեկության կանոնները չի խախտել և վթարն իր մեղքով չի եղել, ինչպես նաև առարկեց, որ իր նկատմամբ կիրառվի համաներման որոշումը:
Ամբաստանյալ Արթուր Հմայակի Մկրտչյանին մեղսագրվող արարքը հիմնավորվել է դատաքննությամբ հետազոտված ներքոհիշյալ ապացույցներով.

Տուժող Արտակ Սլավիկի Գալստյանը ցուցմունք է տվել այն մասին, որ 2010թ. հոկտեմբերի 3-ին, ժամը 01¬ի սահմաններում, իր անձնական օգտագործման ՙՖորդ՚ մակնիշի 06 ՍՏ 476 պ/հ տեխնիկապես սարքին ավտոմեքենան, առանց բեռի, երեք ուղևորով, վարել է Երևան քաղաքի Կոմիտաս պողոտայովª Դ. Անհաղթ փողոցի կողմից դեպի Կիևյան փողոցի ուղղությամբ, երկրորդ ընթացագոտով, 40 կմ/ժամ արագությամբª մոտակա լույսերով£ Չհասած Կոմիտաս և Փափազյան փողոցների խաչմերուկինª իր առջևից, մոտ 50-60 մետր հեռավորությունից, աջ հատվածում գտնվող բակամիջյան ճանապարհից հանկարծակի դուրս է եկել ՙԲՄՎ՚ մակնիշի 09 ՕՕ 175 պ/հ ավտոմեքենան, որը հատել է ուղիղ Կոմիտաս պողոտան, անցել է պողոտան բաժանող զույգ բաժանարար գծերը և բարձրացել դեպի Դ. Անհաղթ փողոցի ուղղությամբ£ Այդ պահին ՙԲՄՎ՚ մակնիշի ավտոմեքենայի հետևից դեպի իր ուղղությամբ կտրուկ դուրս է եկել ՙՆիսսան¬Մուրանո՚ մակնիշի ավտոմեքենան և առջևի մասով ընդհարվել է իր ավտոմեքենայի առջևի մասին, որի հետևանքով ինքը և ուղևորները ստացել են տարբեր աստիճանների մարմնական վնասվածքներ£
Տուժող Արկադի Սլավիկի Գալստյանը տվել է նույնաբովանդակ ցուցմունք:
Տուժող Միհրան Գագիկի Մուրադյանը ցուցմունք է տվել այն մասին, 2010թ. հոկտեմբերի 3-ին, ժամը 01-ի սահմաններում, ավտոմեքենան վարել է Երևան քաղաքի Կոմիտաս պողոտայովª Կիևյան փողոցի կողմից դեպի Դ. Անհաղթ փողոցի ուղղությամբ, երրորդ ընթացագոտով, մոտակա լույսերով, մոտ 60 կմ/ժամ արագությամբ£ Հասնելով ՙՊեռնո Ռիկար՚ խանութի մոտª հանկարծակի նկատել է իր ձախ կողմից, բակամիջյան ճանապարհից թեքությամբ, շուրջ 30-40 կմ/ժամ արագությամբ, փողոցն իր ընթացքի ուղղությամբ ձախից դեպի աջ հատող ՙԲՄՎ՚ մակնիշի 09 ՕՕ 175 պ/հ ավտոմեքենան, որը հատելով պողոտան բաժանող զույգ հոծ գծերը, հայտնվել է իր դիմաց և ավտոմեքենայի հետնամասը դեպի աջ և ձախ գցելով բարձրացել է դեպի վերև, որի ընթացքում զգացել է, որ այդ ավտոմեքենան ընդհարվել է իր ավտոմեքենային£ Վերջնական ընդհարումից խուսափելու նպատակով և իր աջ կողմում ավտոմեքենաների առկայության պարագայում, հարկադրաբար հատել է զույգ հոծ գծերը և դուրս եկել հանդիպակաց ուղեմաս, որի ընթացքում ընդհարվել է երկրորդ գոտով ընթացող ՙՖորդ՚ մակնիշի ավտոմեքենային£ Վթարի հետևանքով ինքը ստացել է մարմնական վնասվածքներ£
Վկա Մարիամ Աշոտի Գևորգյանը ցուցմունք է տվել այն մասին, որ 03.10.2010թ. ժամը 01-ի սահմաններում գտնվելով Միհրան Մուրադյանի վարած ՙՆիսսան՚ մակնիշի 22 ՍԼ 496 պ/հ ավտոմեքենայի մեջ, վերջինս ավտոմեքենան վարել է Երևան քաղաքի Կոմիտաս պողոտայովª Կիևյան փողոցի կողմից դեպի Դ. Անհաղթ փողոցի ուղղությամբ£ Անցնելով Կոմիտաս և Փափազյան փողոցների խաչմերուկըª ՙՊերնո Ռիկար՚ խանութի դիմացի բակամիջյան ճանապարհից կտրուկ դուրս է եկել ՙԲՄՎ՚ մակնիշի 09 ՕՕ 175 պ/հ ավտոմեքենան, որը հանդիպակաց հատել է փողոցը և հայտնվել Մ. Մուրադյանի ավտոմեքենայի առջև£ Վթարից խուսափելու համար Մ. Մուրադյանը մանևրել է ձախ և ընդհարվել հանդիպակաց եկող ՙՖորդ՚ մակնիշի ավտոմեքենային£
Վկա Կարեն Էդուարդի Հակոբյանը ցուցմունք է տվել այն մասին որ աշխատում է Կոմիտաս 34 հասցեում գտնվող ՙԼԴ՚ սուպերմարկետում որպես վաճառող£ 03.10.2010թ. ժամը 01:01:30-ի սահմաններում գտնվելով իր աշխատավայրում դիմացի բակամիջյան ճանապարհի կողմից լսվող ավտոմեքենայի շարժիչի ուժգին աշխատանքի ձայնից ուշադրությունն ուղղելով այդ կողմ տեսել է կանգնած մուգ գույնի ՙԲՄՎ՚ մակնիշի ավտոմեքենան, որը կտրուկ տեղից շարժվելով մուտք է գործել Կոմիտաս պողոտա ու հատելով այն բարձրացել է դեպի Դ.Անհաղթ փողոց: Այդ ընթացքում ինքը լսել է ընդհարման ձայն և դուրս գալով տեսել է, միմյանց ընդհարված ՙՆիսսան՚ և ՙՖորդ՚ մակնիշի ավտոմեքենաները: Հավաքված քաղաքացիների խոսակցություններից իմացել է, որ վթարի պատճառ է հանդիսացել իր տեսած ՙԲՄՎ՚ մակնիշի ավտոմեքենան, որը դեպքի վայրից փախուստի ընթացքում ավտոմեքենան վարել է նաև մայթեզրով£
Վկա Սևակ Արմենի Ղազարյանը ցուցմունք է տվել այն մասին,որ որ 03.10.2010թ. ժամը 01-ի ահմաններում, իր անձնական օգտագործման ՙՎԱԶ¬21213՚ մակնիշի 22 ԼՍ 223 պ/հ ավտոմեքենան վարել է Երևան քաղաքի Կոմիտաս պողոտայովª Դ. Անհաղթ փողոցի կողմից դեպի Կիևյան փողոցի ուղղությամբ£ Մոտենալով Փափազյան և Կոմիտաս փողոցների խաչմերուկինª տեսել է իրար բախված ՙՆիսսան՚ և ՙՖորդ՚ մակնիշի ավտոմեքենաները£ Հետաքրքրությունից դրդվածª աջ մայթեզրի մոտ կանգնեցնելով ավտոմեքենան, մոտեցել է դեպքի վայրին, որտեղ իրեն անծանոթ պատահական քաղաքացիների խոսակցություններից լսել է, որ վթարի պատճառ է հանդիսացել ՙԲՄՎ՚ մակնիշի ավտոմեքենան, որը հանդիպակաց հատելով, դեպքի վայրից դիմել է փախուստի£

Դատաբժշկական փորձաքննության թիվ 3146 եզրակացությամբ այն մասին, որ Մ.Մուրադյանի ստացած մարմնական վնասվածքներըª զույգ ծնկան հոդերի, կրծքավանդակի ձախ կեսի, աջ նախաբազկի շրջանների սալջարդի, քերծված վերքերի, ձախ կոնքատեղի հոդի ջլակապանային ապարատի գերձգման, աջ ծնկան հոդի սինովիտի, ձախից նստոսկրի և ցայլոսկրի սերտաճող կոտրվածքի ձևով, առաջացել են բութ, կոշտ առարկաներով, հնարավոր է նշված ժամկետում, որոնք առաջացրել են առողջությանը միջին ծանրության վնասª առողջության տևական քայքայումով£
Գ / թ. 107-108

Դատաբժշկական փորձաքննության թիվ 1500/հ եզրակացությամբ այն մասին, որ Գ. Բենիամինյանի ստացած մարմնական վնասվածքներըª քթի շրջանի, գլխի աջից ճակատային շրջանի, աջ ոտնաթաթի շրջանի քերծվածքների, գանգուղեղային տրավմային ձևով, պատճառվել են առողջությանը թեթև վնասª առողջության կարճատև քայքայումով£
Գ/թ. 109

Դատաբժշկական փորձաքննության թիվ 1498/հ եզրակացությամբ այն մասին, որ Արտակ Գալստյանի ստացած մարմնական վնասվածքներըª քթի շրջանի և ձախ ստորակնակապճային շրջանի սալջարդ վերքերի, գլխուղեղի ցնցման, ձախ մեծ ոլոքի երկպճեղ փակ կոտրվածքի, ձախ փոքր ոլոքի ս/3¬ի փակ կոտրվածքի, միջոլոքային համաճոնի պոկման, ձախ ոտնաթաթի հոդախախտի, զույգ վերին և ստորին վերջույթների շրջանների քերծվածքների ձևով, պատճառել են առողջությանը միջին ծանրության վնասª առողջության տևական քայքայումով£
Գ/թ. 110

Դատաբժշկական փորձաքննության թիվ 1499/հ եզրակացությամբ այն մասին, որ Արկադի Գալստյանի ստացած մարմնական վնասվածքներըª գլխի ճակատային շրջանի, քթի շրջանի քերծվածքների, գլխուղեղի թեթև աստիճանի սալջարդի, աջ դաստակի շրջանի, զույգ սրունքների շրջաների քերծվածքների, ձախ քացախափոսի տանիքի կոտրվածքի ձևով, որը բերել է ձախ կոնքազդրային հոդում շարժումների զգալի արտահայտված սահմանափակման և ձախ ստորին վերջույթի հետաճման, պատճառել են առողջությանը ծանր վնասª ի նկատի ունենալով ընդհանուր աշխատունակության նկատելի կայուն կորուստը 1/3¬ից ավել չափով£
Գ/թ. 115

Դատաապրանքագիտական փորձաքննության թիվ 10-2927 եզրակացությամբ այն մասին, որ փորձաքննությանը ներկայացված ՙՆիսսան¬Մուրանո՚ մակնիշի 22 ՍԼ 496 պ/հ ավտոմեքենային պատճառված վնասի չափը գումարային արտահայտությամբ, 2010թ. հոկտեմբերի 3-ի դրությամբ կազմել է շուրջ 4.680.000 դրամ£ ՙՖորդ¬Մոնդեո 1.8i՚ մակնիշի 06 ՍՏ 476 պ/հ ավտոմեքենային պատճառված վնասի չափը գումարային արտահայտությամբ, 2010թ. հոկտեմբերի 3-ի դրությամբ կազմել է շուրջ 1.000.000 դրամ£ ՙԲՄՎ 735i՚ մակնիշի 09 ՕՕ 175 պ/հ ավտոմեքենային պատճառված վնասի չափը գումարային արտահայտությամբ, 2010թ. հոկտեմբերի 3-ի դրությամբ կազմել է շուրջ 16.000 դրամ£
Գ/Թ 139-154

Դատաավտոտեխնիկական փորձաքննության թիվ 36201008 եզրակացությամբ այն մասին, որ առաջադրված պայմաններում ՙՆիսսան¬Մուրանո՚ մակնիշի 22 ՍԼ 496 պ/հ ավտոմեքենայի վարորդը տվյալ ճանապարհատրանսպորտային պատահարըª իր ավտոմեքենայի և ՙԲՄՎ 735i՚ մակնիշի 09 ՕՕ 175 պ/հ ավտոմեքենայի ընդհարումը, ինչպես նաև իր ավտոմեքենայի և ՙՖորդ¬Մոնդեո 1.8i՚ մակնիշի 06 ՍՏ 476 պ/հ ավտոմեքենայի ընդհարումը կանխելու տեխնիկական հնարավորություն չի ունեցել£ Առաջադրված պայմաններում ՙՆիսսան¬Մուրանո՚ մակնիշի 22 ՍԼ 496 պ/հ ավտոմեքենայի վարորդի կողմից թույլ տրված այնպիսի գործողություններ, որպիսիք տեխնիկական տեսակետից հակասեին ՃԵԿ¬ի պահանջներին և պայմանավորած լինեին տվյալ ճանապարհատրանսպորտային պատահարի առաջացումը, չեն դիտվել£ Առաջադրված պայմաններում ՙՖորդ¬Մոնդեո 1.8i՚ մակնիշի 06 ՍՏ 476 պ/հ ավտոմեքենայի վարորդը տվյալ ճանապարհատրանսպորտային պատահարըª իր ավտոմեքենայի և ՙՆիսսան¬Մուրանո՚ մակնիշի 22 ՍԼ 496 պ/հ ավտոմեքենայի ընդհարումը կանխելու տեխնիկական հնարավորություն չի ունեցել£ Առաջադրված պայմաններում ՙՖորդ¬Մոնդեո 1.8i՚ մակնիշի 06 ՍՏ 476 պ/հ ավտոմեքենայի վարորդ կողմից թույլ տրված այնպիսի գործողություններ, որպիսիք տեխնիկական տեսակետից հակասեին ՃԵԿ¬ի պահանջներին և պայմմանավորած լինեին տվյալ ճանապարհատրանսպորտային պատահարի առաջացումըը չեն դիտվել£ Առաջադրված պայմաններում ՙԲՄՎ 735i՚ մակնիշի 09 ՕՕ 175 պ/հ ավտոմեքենայի վարորդը Կոմիտաս փողոցին միացող բակամիջյան ճանապարհից Կոմիտաս փողոց մուտք գործելուց հետո, երթևեկության անվտանգությունն ապահովելու և տվյալ ճանապարհատրանսպորտային պատահարի առաջացումը բացառելու նպատակով, տեխնիկական տեսակետից պետք է Կոմիտաս փողոցին միացող բակամիջյան ճանապարհից Կոմիտաս փողոց մուտք գործելուց հետո երթևեկությունը շարունակեր դեպի աջ ուղղությամբ, այսինքն, Կոմիտաս փողոցի դեպի Կիևյան փողոց տանող երթևեկության ուղեմասովª տվյալ ուղեմասով սահմանված հոսքին համընթաց£Առաջադրված պայմաններում ՙԲՄՎ 735i՚ մակնիշի 09 ՕՕ 175 պ/հ ավտոմեքենայի վարորդն իրականացնելով ոչ պատշաճ և վտանգավոր երթևեկություն, մասնավորապես, բակամիջյան ճանապարհից մուտք գործելով Կոմիտաս փողոց և երթևեկությունը շարունակելով ուղիղ ուղղությամբª ուղղահայաց հատելով դեպի Կիևյան փողոց տանող ուղեմասը և փողոցի հանդիպակաց երթևեկության ուղեմասերը բաժանող զույգ հոծ գծանշումները, այդ պարագայում նաև խոչընդոտ ստեղծելով Կոմիտաս փողոցի դեպի Դ. Անհաղթ փողոց տանող ուղեմասով երթևեկող ՙՆիսսան Մուրանո՚ մակնիշի 22 ՍԼ 496 պ/հ ավտոմեքենայի վարորդի երթևեկության համարª պարտադրելով ՙՆիսսան Մուրանո՚ մակնիշի 22 ՍԼ 496 պ/հ ավտոմեքենայի վարորդին իր հերթին փոխել ավտոմեքենայի շարժման ուղղությունը, տեխնիկական տեսակետից թույլ է տվել ՃԵԿ¬ի ձև N 2 ՙՃանապարհային գծանշումներ՚ բաժնի 1.3 գծանշման և ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ կետի պահանջներին հակասող գործողություններ, իր այդ գործողություններով ստեղծել է վթարային իրադրություն և դրանցով իսկ պայմանավորել տվյալ ճանապարհատրանսպորտային պատահարի առաջացումըª իր ավտոմեքենայի և ՙՆիսսան Մուրանո՚ մակնիշի 22 ՍԼ 496 պ/հ ավտոմեքենայի ընդհարման առաջացումը, ինչպես նաև ՙՆիսսան Մուրանո՚ մակնիշի 22 ՍԼ 496 պ/հ և ՙՖորդ¬Մոնդեո՚ մակնիշի 06 ՍՏ 476 պ/հ ավտոմեքենաների ընդհարման առաջացումը£
Գ/Թ 77-83

Դատաավտոտեխնիկական, դատահետքաբանական և դատաքիմիական համալիր փորձաքննության թիվ 36441008 եզրակացությամբ այն մասին, որ փորձաքննությանը տրամադրված ՙՆիսսան Մուրանո՚ մակնիշի 22 ՍԼ 496 պ/հ և ՙՖորդ՚ մակնիշի 06 ՍՏ 476 պ/հ ավտոմեքենաների միջև տեղ գտած անմիջական փոխազդեցությանը բնորոշª միմյանց ընդհարվելուն բնորոշ, վնասվածքները և հետքերը տեղակայված են այդ ավտոմեքենաների առջևի ձախակողմյան շրջաններում£ ՙՆիսսան Մուրանո՚ մակնիշի 22 ՍԼ 496 պ/հ ավտոմեքենայի աջ կողմի հետևի դռան և հետևի անվաթևի անվակամարի եզրի վնասվածքները և հետքերը, ըստ տեղակայության և առաջացման մեխանիզմի, կարող էին թողնվել ՙԲՄՎ 735i՚ մակնիշի 09 ՕՕ 175 պ/հ ավտոմեքենայի ձախ կողմի առջևի անկյունային շրջանիª անվաթևի առջևի կիսահատվածի, առջևի վահանի ձախ կողային մակերեսի կողմից, ինչպես նաև այդ ավտոմեքենայի հետևի վահանի ձախ կողեզրի անկյունային շրջանի կողմից£ Տվյալ դեպքում ՙՆիսսան Մուրանո՚ մակնիշի 22 ՍԼ 496 պ/հ ավտոմեքենայի աջ կողմի հետևի դռան ստորին շրջանի և աջ կողմի հետևի անվաթևի անվակամարի վնասվածքները և առկա հետքերը, ինչպես նաև ՙԲՄՎ 735i՚ մակնիշի 09 ՕՕ 175 պ/հ ավտոմեքենայի ձախ կողմի առջևի անվաթևի առջևի կիսահատվածի վնասվածքները, առկա հետքերը, ինչպես նաև առջևի և հետևի վահանների ձախ կողամասերի քսվածքների հետքերը, կարող էին առաջանալ ՙՆԻսսան՚ մակնիշի 22 ՍԼ 496 պ/հ ավտոմեքենայի աջ կողամասի և ՙԲՄՎ 735i՚ մակնիշի 09 ՕՕ 175 պ/հ ավտոմեքենայի ձախ կողամասի միջև անմիջական շոշափող բնույթի փոխազդեցության արդյունքում£ Կոմիտաս պողոտայի թիվ 34 շենքի դիմաց գտնվող երթևեկելի մասի եզրերի բորդյուրների մակերեսներին առկա տաշվածքներն ու քերծվածքները կարող էին թողնվել ՙԲՄՎ 735i՚ մակնիշի 09 ՕՕ 175 պ/հ ավտոմեքենայի աջ կողմի առջևի անվի կախոցի ստորին պարսատիկաձև լծակի և հատակի միացության կայունակի կողմիցª այդ ավտոմեքենայի տյալ տեղամասի և բորդյուրի վերին մակերեսի միջև անմիջական փոխազդեցության արդյունքում£ ՙԲՄՎ 735i՚ մակնիշի 09 ՕՕ 175 պ/հ ավտոմեքենայի առջևի վահանի ձախ կողեզրի մակերեսի կանաչավուն քսվածքի հետքը կարող էր թողնվել պողոտայի մայթում գտնվող կանաչավուն մետաղական ձողի հետ ունեցած փոխազդեցության արդյունքում£ Փորձաքննությանը տրամադրված վիճակում ՙԲՄՎ 735i՚ մակնիշի 09 ՕՕ 175 պ/հ ավտոմեքենայի ղեկային կառավարումը, արգելակային համակարգը, կախոցները և անիվները գտնվում են սարքին և լիարժեք աշխատունակ վիճակում£ ՙՆիսսան՚ մակնիշի 22 ՍԼ 496 պ/հ և ՙՖորդ՚ մակնիշի 06 ՍՏ 476 պ/հ ավտոմեքենաների ղեկային կառավարումները և ձախ կողմի առջևի կախոցներն ունեն վթարային բնույթի վնասվածքներ, իսկ հիդրավլիկ արգելակային համակարգերը և անիները, որպես առանձին հանգույցներ, գտնվում են աշխատունակ վիճակում£ ՙՆիսսան՚ մակնիշի 22 ՍԼ 496 պ/հ և ՙՖՈրդ՚ մակնիշի 06 ՍՏ 476 պ/հ ավտոմեքենաների ղեկային կառավարումների, արգելակային համակարգերի և կախոցների այնպիսի տեխնիկական անսարքություններ կամ վնասվածքներ, որպիսիք առաջացած լինեին մինչ ընդհարումը և պայմանավորած լինեին անկառավարելիության առաջացում, կամ առաջ բերեին ավտոմեքենաների շարժման ուղղության ինքնաբերաբար փոփոխություն, չեն հայտնաբերվել£ Փորձաքննությանը տրամադրված ՙԲՄՎ 735i՚ մակնիշի 09 ՕՕ 175 պ/հ ավտոմեքենայի առջևի վահանի ձախակողմյան կողային հատվածում հայտնաբերվել են կանաչ գույնի, միաշերտ ներկածածկույթի քսվածքներ, որոնք ունեն ընդհանուր սեռային պատկանելիություն փորձաքննությանը տրամադրված մետաղյա ձողիկներից վերցված ներկածածկույթի նմուշների հետ£ Փորձաքննությանը տրամադրված ՙԲՄՎ 735i՚ մակնիշի 09 ՕՕ 175 պ/հ ավտոմեքենայի վրա (բացի վերը նշված հետքերից) այլ տրանսպորտային միջոցների ներկածածկույթի հետքեր չեն հայտնաբերվել£ Փորձաքննությանը տրամադրված ՙՆիսսան՚ մակնիշի 22 ՍԼ 496 պ/հ ավտոմեքենայի առջևի ձախակողմյան լուսային համակարգի վրա հայտնաբերվել է ավտոմեքենայի արծաթագույն դեկորատիվ ներկածածկույթի շերտով, հինգ շերտանի ներկածածկույթի մասնիկ, որն ունի ընդհանուր խմբային պատկանելիություն փորձաքննությանը տրամադրված ՙՖորդ՚ մակնիշի 06 ՍՏ 476 պ/հ ավտոմեքենայի շարժիչի ծածկոցից վերցված ներկածածկույթի նմուշների առաջին հինգ շերտերի հետ£ Փորձաքննությանը տրամադրված ՙՆիսսան՚ մակնիշի 22 ՍԼ 496 պ/հ ավտոմեքենայի առջևի վահանի ձախակողմյան ստորին հատվածում հայտնաբերվել է ավտոմեքենայի արծաթագույն դեկորատիվ ներկածածկույթի շերտով, վեց շերտանի ներկածածկույթի մասնիկ, որն ունի ընդհանուր խմբային պատկանելիություն փորձաքննությանը տրամադրված ՙՖորդ՚ մակնիշի 06 ՍՏ 476 պ/հ ավտոմեքենայի շարժիչի ծածկոցի վերցված ներկածածկույթի նմուշների բոլոր շերտերի հետ£ Փորձաքննությանը տրամադրված ՙՆիսսան՚ մակնիշի 22 ՍԼ 496 պ/հ ավտոմեքենայի հետևի աջակողմյան դռան վրա հայտնաբերվել են սև գույնի, թաղանթաձև հետքեր, որոնք հանդիսանում են պոլիմերային նյութի շերտանստվածքներ£ Փորձաքննությանը տրամադրված ՙՆիսսան՚ մակնիշի 22 ՍԼ 496 պ/հ ավտոմեքենայի վրա (բացի վերը նշված հետքերից) այլ տրանսպորտային միջոցների ներկածածկույթի հետքեր չեն հայտնաբերվել£ Փորձաքննությանը տրամադրված ՙՖորդ՚ մակնիշի 06 ՍՏ 476 պ/հ ավտոմեքենայի ներկածածկույթի արտաքին շերտի վրաª հետազոտման պահին, օտար տրանսպորտային միջոցի ներկածածկույթի հետքեր չեն հայտնաբերվել£ Փորձաքննությանը տրամադրված ՙՖորդ՚ մակնիշի 06 ՍՏ 476 պ/հ ավտոմեքենայի ռաժիչի ծածկոցի ձախակողմյան առջևի և առջևի ձախակողմյան անվաթևի կողային հատվածներում հայտնաբերվել են սև գույնի հետքեր, որոնք հանդիսանում են պոլիմերային նյութի քսվածքներ£
Գ/ թ. 66-76

Դատաավտոտեխնիկական և տեսաձայնագրային համալիր փորձաքննության թիվ 11-0073 եզրակացությամբ այն մասին, որ փորձաքննությանը ներկայացված լազերային սկավառակի վրա առկա են ՙVTS-01-1. VOB՚ և ՙVTS-02-1.VOB՚ անվանումներով տեսաֆայլերը£ Ֆոտոտեխնիկական դիմանկարային տեսա և ադուդիոձայնագրային փորձաքննությունների բաժնի կողմից տեսաերիզը հետազոտելով ավտոտեխնիկական փորձագետին է տրամադրվել լուսանկարներ£ Այդ լուսանկարներից երևում է, որ ՙԲՄՎ՚ մակնիշի 09 ՕՕ 175 պ/հ ավտոմեքենան Կոմիտաս փողոց է մուտք գործել ՙՆիսսան Մուրանո՚ մակնիշի ավտոմեքենայի ձախակողմյան բակամիջյան ճանապարհից£ ՙԲՄՎ՚ մակնիշի 09 ՕՕ 175 պ/հ ավտոմեքենայի վարորդը շարունակելով երթևեկությունը անցել է աջակողմյան մայթի և գազոնի հատվածը£ Այնուհետև ՙԲՄՎ՚ մակնիշի 09 ՕՕ 175 պ/հ ավտոմեքենայի վարորդը հատելով ուղեմասը հայտնվել է ՙՆիսսան Մուրանո՚ մակնիշի ավտոմեքենայի շարժման գոտում£ 5-րդ և 6-րդ լուսանկարներում երևում է, որ ՙԲՄՎ՚ և ՙՆիսսան Մուրանո՚ մակնիշի ավտոմեքենաների կոնտակտը տեղի է ունեցել ՙՆիսսան Մուրանո՚ մակնիշի ավտոմեքենայի շարժման գոտում£ Ըստ որում, ՙՆիսսան Մուրանո՚ մակնիշի ավտոմեքենայի վարորդի կողմից կատարվել է ձախ մանևրում£ Այնուհետև ՙՆիսսան Մուրանո՚ մակնիշի ավտոմեքենան դուրս է եկել հանդիպակաց գոտի, որտեղ և տեղի է ունեցել ընդհարումը հանդիպակաց ընթացող ՙՖորդ՚ մակնիշի ավտոմեքենայի հետ£ Տեխնիկական տեսակետից, փորձաքննությանը ներկայացված ելակետային տվյալների պայմաններում ՙԲՄՎ՚ մակնիշի 09 ՕՕ 175 պ/հ ավտոմեքենայի վարորդը թույլ է տվել գործողություններ, որոնք հակասում են ՃԵԿ¬ի ձև N 2 ՙՃանապարհային գծանշումներ՚ բաժին, 1.3 համարակալում և 38 կետերի, ինչպես նաև ՙՃանապարհային երթևեկության անվտանգության ապահովման մասին՚ ՀՀ օրենքի 2-րդ հոդվածի ԽԱՉՄԵՐՈՒԿ և ՉՍՏԵՂԾԵԼ ԽՈՉԸՆԴՈՏ տերմինները և 23 հոդվածի 3-րդ կետի պահանջներին£ Տեխնիկական տեսակետից, փորձաքննությանը ներկայացված ելակետային տվյալների պայմաններում, ՙԲՄՎ՚ մակնիշի 09 ՕՕ 175 պ/հ ավտոմեքենայի վարորդը անտեսելով ՃԵԿ¬ի ձև N 2 ՙՃանապարհային գծանշումներ՚ բաժին, 1.3 համարակալում և 38 կետերի, ինչպես նաև ՙՃանապարհային երթևեկության անվտանգության ապահովման մասին՚ ՀՀ օրենքի 2-րդ հոդվածի ԽԱՉՄԵՐՈՒԿ և ՉՍՏԵՂԾԵԼ ԽՈՉԸՆԴՈՏ տերմինները և 23 հոդվածի 3-րդ կետի պահանջները, երթևեկության համար ստեղծելով վթարային իրադրություն, ինքն իրեն զրկել է ընդհարումը կանխելու տեխնիկական հնարավորությունից£ Փորձաքննությանը ներկայացված ելակետային տվյալների պայմաններում, տեխնիկական տեսակետից, ՙՆիսսան Մուրանո՚ մակնիշի ավտոմեքենայի վարորդը չի ունեցել ընդհարումը կանխելու տեխնիկական հնարավորություն, քանի որ երթևեկության համար վտանգ առաջանալու պահին ավտոմեքենան ընդհարման տեղից գտնվել է 20 մետր հեռավորության սահմաններում, իսկ ավտոմեքենայի լրիվ կանգառման համար անհրաժեշտ է 40,8 մետր տարածություն£ Փորձաքննությանը ներկայացված ելակետային տվյալների պայմաններում, տեխնիկական տեսակետից, ՙՆիսսան Մուրանո՚ մակնիշի ավտոմեքենայի վարորդը, երթևեկելով թույլատրելի արագությամբ և զրկված լինելով ընդհարումը կանխելու տեխնիկական հնարավորությունից, թույլ չի տվել գործողություններ, որոնք հակասում են ՃԵԿ¬ի պահանջներին, որոնցով պայմանավորված լիներ տվյալ ընդհարումը£ Փորձաքննությանը ներկայացված տվյալների պայմաններում, ՙՖորդ¬Մոնդեո՚ մակնիշի ավտոմեքենայի վարորդ Ա.Գալստյանը զրկված է եղել ընդհարումը կանխելու տեխնիկական հնարավորությունից, քանի որ երթևեկության համար վտանգ առաջանալիս ավտոմեքենան ընդհարման տեղից գտնվել է 6,0 մետր հեռավորության սահմաններում, իսկ ավտոմեքենայի լրիվ կանգառման համար անհրաժեշտ է 26,2 մետր տարածություն£ Տեխնիկական տեսակետից, փորձաքննությանը ներկայացված ելակետային տվյալների պայմաններում, ՙՖորդ¬Մոնդեո՚ մակնիշի 06 ՍՏ 476 պ/հ ավտոմեքենայի վարորդ Ա. Գալստյանը երթևեկելով թույլատրելի արագությամբ և զրկված լինելով ընդհարումը կանխելու տեխնիկական հնարավորությունից, թույլ չի տվել գործողություններ, որոնք հակասեին ՃԵԿ¬ի պահանջներին, որով պայմանավորված լիներ տվյալ ընդհարումը£
Գ/ թ. 170-185

Դեպքի վայրի և տրանսպորտային միջոցների զննության արձանագրություններով, այն մասին, որ դեպքի վայրում առկա են եղել ՙՖորդ՚ մակնիշի 06ՍՏ476 և ՙՆիսսան՚ մակնիշի՚ 22ՍԼ496 պետհամարանիշների ավտոմեքենաները, որոնց առաջամասերը եղել են դեֆորմացված, իսկ դեպքի վայրի ճանապարհահատվածում թափված են եղել հողի, յուղի, ապակու և պլաստմասի դետալների բեկորներ£
Գ.Թ. 1-6, 7-14

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ,
գտնում է, որ ամբաստանյալ Արթուր Մկրտչյանին առաջադրված մեղադրանքը` ՀՀ քրեական օրենսգրքի 242-րդ հոդվածի 1-ին մասով և 244 հոդվածի հատկանիշներով նախատեսված հանցանքներ կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում կատարած արարքի բնույթն ու հանրության համար վտանգավորության աստիճանը, ինչպես նաև ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Արթուր Մկրտչյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա բնութագրվում է դրական, նախկինում դատված չի եղել, հանգամանքների պատահական զուգորդմամբ կատարել է ոչ մեծ ծանրության հանցագործություն:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով հանցագործությամբ տուժողներին հանցագործության հետևանքով անմիջականորեն պատճառված նյութական վնասի փոխհատուցման հարցին դատարանը գտնում է, որ ամբաստանյալ Արթուր Մկրտչյանից հօգուտ տուժողներ Արտակ Գալստյանի և Արկադի Գալստյանի որպես բուժման ծախսեր, համապատասխանաբար պետք է բռնագանձել 150.000 /հարյուր հիսուն հազար/ և 200.000 /երկու հարյուր հազար/ ՀՀ դրամ:
Դատարանը միաժամանակ գտնում է, Արթուր Մկրտչյանի գույքի վրա դրված կալանքը պետք է թողնել անփոփոխ, քանի որ հանցագործության հետևանքով պատճառված նյութական վնասը չի հատուցվել:
Տուժողներ Արտակ Գալստյանի և Միհրան Մուրադյանի քաղաքացիական հայցը պետք է բավարարել և ամբաստանյալ Արթուր Մկրտչյանից հօգուտ վերջիններիս` պետք է բռնագանձել համապատասխանաբար 1.000.000 /մեկ միլիոն/ և 4.680.000 /չորս միլիոն վեց հարյուր ութսուն հազար/ ՀՀ դրամ:
Ղեկավարվելով ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետով, 357-360-րդ, 365-րդ, 369-րդ, 373-րդ, 379-րդ հոդվածներով, դատարանը

Վ Ճ Ռ Ե Ց

Արթուր Հմայակի Մկրտչյանին մեղավոր ճանաչել ՀՀ քրեական օրենսգրքի 242-րդ հոդվածի 1-ին մասով և 244-րդ հոդվածով:
ՀՀ քրեական օրենսգրքի 242-րդ հոդվածի 1-ին մասով պատիժ նշանակել ազատազրկում 1 (մեկ) տարի ժամկետով` զրկելով տրանսպորտային միջոցներ վարելու իրավունքից 1 /մեկ/ տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 5-րդ կետի 1-ին ենթակետը և նրան ազատել հիմնական պատժից:
ՀՀ քրեական օրենսգրքի 244-րդ հոդվածով պատիժ նշանակել ազատազրկում 6 (վեց) ամիս ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Արթուր Մկրտչյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Արթուր Մկրտչյանից հօգուտ տուժողներ Արտակ Գալստյանի և Արկադի Գալստյանի, որպես բուժման ծախսեր և հանցագործության հետևանքով անմիջականորեն պատճառված վնաս, համապատասխանաբար բռանագանձել 150.000 /հարյուր հիսուն հազար/ և 200.000 /երկու հարյուր հազար/ ՀՀ դրամ:
Տուժողներ Արտակ Գալստյանի և Միհրան Մուրադյանի քաղաքացիական հայցը բավարարել և ամբաստանյալ Արթուր Մկրտչյանից հօգուտ վերջիններիս` բռնագանձել համապատասխանաբար 1.000.000 /մեկ միլիոն/ և 4.680.000 /չորս միլիոն վեց հարյուր ութսուն հազար/ ՀՀ դրամ:
Արթուր Մկրտչյանի գույքի վրա դրված կալանքը թողնել անփոփոխ:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: