Գործ ԵԱՔԴ-0008/01/11
Ո Ր Ո Շ ՈՒ Մ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ
ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

19.04.2011թ. ք. Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`


նախագահությամբ` դատավոր Ա.Մկրտչյանի
քարտուղարությամբ` Օ.Կիրակոսյանի
Ա.Քոչարյանի
մասնակցությամբ`
մեղադրող Ս.Գրիգորյանի
ամբաստանյալներ Ն.Հարությունյանի
պաշտպաններ Ա.Հովհաննիսյանի
Մ.Թովմասյանի
տուժող Ա.Հարությունյանի
տուժողի ներկայացուցիչ Մ.Մաթևոսյանի


Դատարանում, դռնբաց դատական նիստում քննության առնելով քրեական գործն ըստ մեղադրանքի`
Նունե Մովսեսի Հարությունյանի /ծնված 30.03.1966թ. ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնալուծված, չի աշխատում, նախկինում չդատված, բնակվող` ք.Երևան, Թումանյան փողոց, 1-ին անցուղի, 13 շենք, 16 բնակարան/:
Մեղադրվում է ՀՀ քրեական օրենսգրքի 184-րդ հոդվածի 2-րդ մասի 1-ին կետով և 325-րդ հոդվածի 1-ին մասով.

Պ Ա Ր Զ Ե Ց

Նախաքննության մարմինն ամբաստանյալ Նունե Մովսեսի Հարությունյանին ՀՀ քրեական օրենսգրքի 184-րդ հոդվածի 2-րդ մասի 1-ին կետով և 325-րդ հոդվածի 1-ին մասով մեղադրանք է առաջադրել այն արարքի համար, որ ՙնա հանդիսանալով հիմնադիր-սեփականատեր Անժելա Հարությունյանի կողմից նշանակված ՙԱլմանախ՚ ՍՊ կրթահամալիրի գործադիր տնօրենը, իբրև ՍՊ ընկերության շինությունը նորոգելու պատրվակով վարկ ստանալու համար, խաբեությամբ, առանց սեփականատեր Ա.Հարությունյանին տեղյակ պահելու, կազմել է ընկերության հիմնադիր ժողովի արձանագրություն և կեղծելով Ա.Հարությունյանի ստորագրությունը` նշված փաստաթուղթը ներկայացրել է ՙԱռէկսիմբանկ՚ ՓԲ ընկերություն: Բանկային փաստաթղթերի ձևակերպման ընթացքում առաջացած անհրաժեշտությունից ելնելով, Ն.Հարությունյանը, կրկին կեղծելով հիմնադիր Ա.Հարությունյանի ստորագրությունը, 18.08.2007 թվականին կազմել է երաշխավորության պայմանագիր, այն ներկայացրել է ՙԱռէկսիմբանկ՚ ՓԲ ընկերություն, որից հետո, գրավ դնելով Ա.Հարությունյանին սեփականության իրավունքով պատկանող ՙԱլմանախ՚ ՍՊ կրթահամալիրը, ՙԱռէկսիմբանկ՚ ՓԲԸ հետ կնքել է թիվ VT04881 վարկային պայմանագիրը և ստացել 150.000.000 ՀՀ դրամ վարկ գումար: Վարկային պայմանագրով նախատեսված ամսեկան մարումները Ն.Հարությունյանը կատարել է մասնակի, ընկերության միջոցների հաշվին: Հետագայում, Ա.Հարությունյանը տեղեկանալով Ն.Հարությունյանի կողմից կատարած հանցանքի մասին, իրեն պատկանող կրթահամալիրը պահպանելու նպատակով, ստիպված, ինչպես ընկերության, այնպես էլ իր անձնական միջոցների հաշվին շարունակել է անձամբ վճարել բանկային պարտավորությունները, որի արդյունքում Անժելա Հարությունյանի անվան ՙԱլմանախ՚ կրթահամալիր ՍՊ ընկերության հիմնադիր-սեփականատեր Անժելա Հարությունյանին պատճառվել է առանձնապես խոշոր չափերի` 201.131.935 ՀՀ դրամ նյութական վնաս՚:
Դատաքննության ընթացքում Նունե Հարությունյանը և նրա պաշտպանները միջնորդեցին քրեական գործի վարույթը կարճել և քրեական հետապնդումը դադարեցնել ՀՀ Ազգային Ժողովի 19.06.2009թ. ՙՀամաներում հայտարարելու մասին՚ որոշման հիման վրա:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ:
ՀՀ Ազգային Ժողովի ՙՀամաներում հայտարարելու մասին՚ 19.06.2009թ. որոշման 5-րդ մասի 1-ին կետում նշված է, որ.
ՙՆյութերով քրեական հետապնդում չհարուցել և քրեական հետապնդում չիրականացնել, ինչպես նաև կարճել այն անձանց կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող` մինչև 2009 թվականի հունիսի 1-ը կատարած հանցագործություններով քրեական գործերը, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում:
Նունե Հարությունյանին մեղադրանք է առաջադրվել ՀՀ քրեական օրենսգրքի 184-րդ հոդվածի 2-րդ մասի 1-ին կետով, որի համար որպես պատիժ նախատեսվում է ազատազրկում` առավելագույնը երեք տարի ժամկետով և 325-րդ հոդվածի 1-ին մասով, որի համար որպես պատիժ նախատեսվում է ազատազրկում` առավելագույնը երկու տարի ժամկետով:
Նշված պայմաններում դատարանը գտնում է, որ Նունե Մովսեսի Հարությունյանի նկատմաբ քրեական հետապնդումը պետք է դադարեցնել և քրեական գործի վարույթը կարճել ՀՀ Ազգային Ժողովի ՙՀամաներում հայտարարելու մասին՚ 19.06.2009թ. որոշման 5-րդ մասի 1-ին կետի հիման վրա :
Անդրադառնալով քաղաքացիական հայցին դատարանը այն համարում է լուծված, քանի որ տուժողը հրաժարվել է քաղաքացիական հայցից:
Ղեկավարվելով Հայաստանի Հանրապետության քրեական դատավարության օրենսգրքի 35-րդ հոդվածի 1-ին մասի 13-րդ կետով, 313-րդ, 379-րդ հոդվածներով դատարանը`

Ո Ր Ո Շ Ե Ց

Նունե Մովսեսի Հարությունյանի նկատմամբ ՀՀ քրեական օրենսգրքի 184-րդ հոդվածի 2-րդ մասի 1-ին կետով և 325-րդ հոդվածի 1-ին մասով քրեական գործի վարույթը կարճել և քրեական հետապնդումը դադարեցնել` ՀՀ Ազգային Ժողովի 19.06.2009թ. ՙՀամաներում հայտարարելու մասին՚ որոշման հիմքով.
Նունե Հարությունյանի նկատմամբ ընտրված խափանման միջոցը` ստորագրություն չհեռանալու մասին, վերացնել:
Որոշումը կարող է բողոքարկվել ՀՀ քրեական վերաքննիչ դատարան հրապարակման պահից մեկամսյա ժամկետում: