Ո Ր Ո Շ Ո Ւ Մ

Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

11.08.2011թ. ք.Երևան
ԳՈՐԾ.N-ԵԱՔԴ/0005/01/11

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ՝

ՆԱԽԱԳԱՀՈՂ ԴԱՏԱՎՈՐ՝ Մ.ԱՐՂԱՄԱՆՅԱՆ
ԴԱՏԱՎՈՐՆԵՐ` Ա.ԴԱՆԻԵԼՅԱՆ
Մ.ՌԵՀԱՆՅԱՆ

ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ

ՄԱՍՆԱԿՑՈՒԹՅԱՄԲ`

ՄԵՂԱԴՐՈՂ` Խ.ԲԱՂԴԱՍԱՐՅԱՆԻ
ՊԱՇՏՊԱՆ` Կ.ՄԱՆՈՒՉԱՐՅԱՆԻ
ԱՄԲԱՍՏԱՆՅԱԼՆԵՐ` Հ.ԹՈՎՄԱՍՅԱՆԻ
Ա.ՎԱՐԴԱՆՅԱՆԻ

Դռնբաց դատական նիստում պաշտպանի վերաքննիչ բողոքների հիման վրա քննության առնելով քրեական գործն ըստ մեղադրանքի Հայկ Վաղինակի Թովմասյանի` ՀՀ քր. օր. 266 հոդվածի 2-րդ մասի 2-րդ կետով, 266 հոդվածի 4-րդ մասով, 268 հոդվածի 2-րդ մասի 2-րդ կետով և Ալեքսան Ջիվանի Վարդանյանի` ՀՀ քր. օր. 266 հոդվածի 1-ին և 4-րդ մասերով, 268 հոդվածի 1-ին մասով և մյուսների

Պ Ա Ր Զ Ե Ց

Գործի փաստական հանգամանքներն ու դատավարական ընթացքը

Քրեական հետապնդման մարմնի կողմից Հայկ Վաղինակի Թովմասյանին ՀՀ քր. օր. 266 հոդ. 2-րդ մասի 2-րդ կետով, 266 հոդ. 4-րդ մասով և 268 հոդ. 2-րդ մասի 2-րդ կետով մեղադրանք է առաջադրվել այն բանի համար, որ գործով չպարզված հանգամանքներում ապօրինի ձեռք է բերել և իր` Երևան քաղաքի Խաղաղ Դոնի 23 շենքի 242 բնակարանում ապօրինի պահել է խոշոր չափի` 3.25 գրամ հաստատուն քաշով ափիոն տեսակի, զգալի չափի` 1.62 գրամ հաստատուն քաշով մարիխուանա տեսակի թմրամիջոց, 6 մլ ծավալով ացետիլացված ափիոն տեսակի թմրամիջոցի լուծույթ, որում ացետիլացված ափիոնի չոր քաշը կազմել է խոշոր չափի` 0.5328 գրամ և 9,2 մլ ծավալով պրեկուրսոր հանդիսացող քացախաթթվի անհիդրիդ, որից 24.09.2010թ.-ին իր` Երևան քաղաքի Խաղաղ Դոնի 23 շենքի 242 բնակարանում Մանվել Ալբերտի Պետրոսյանին 60.000 ՀՀ դրամով վաճառելու եղանակով ապօրինի իրացրել է խոշոր չափերի հասնող 1.95 գրամ հաստատուն քաշով ափիոն տեսակի թմրամիջոց և պրեկուրսոր հանդիսացող 3,2 մլ ծավալով քացախաթթվի անհիդրիդը, իսկ մնացած խոշոր չափի` 1.3 գրամ հաստատուն քաշով ափիոն տեսակի, զգալի չափի` 1.62 գրամ հաստատուն քաշով մարիխուանա տեսակի թմրամիջոցները, 6 մլ ծավալով ացետիլացված ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է խոշոր չափի` 0.5328 գրամ և 6 մլ ծավալով պրեկուրսոր հանդիսացող քացախաթթվի անհիդրիդը առանց իրացնելու նպատակի ապօրինի պահել է իր բնակարանում, որոնք էլ 2010 թվականի սեպտեմբերի 24-ին հայտնաբերվել են ոստիկանության աշխատակիցների կողմից:
Ալեքսան Ջիվանի Վարդանյանին ՀՀ քր. օր. 266 հոդ. 1-ին, 4-րդ մասերով և 268 հոդ. 1-ին մասով մեղադրանք է առաջադրվել այն բանի համար, որ 2010 թվականի սեպտեմբերի 24-ին` ժամը 12-ի սահմաններում, Մանվել Ալբերտի Պետրոսյանից Էրեբունի հիվանդանոցի մոտ 20.000 ՀՀ դրամով ապօրինի ձեռք է բերել զգալի չափի` 0.5 գրամ հաստատուն քաշով ափիոն տեսակի թմրամիջոց և պրեկուրսոր հանդիսացող 1 մլ քացախաթթվի անհիդրիդ, որից նույն օրը զգալի չափերի հասնող` 0.35 գրամ հաստատուն քաշով ափիոն տեսակի թմրամիջոցը և 1 մլ քացախաթթվի անհիդրիդը Էրեբունի հիվանդանոցի մոտ 15.000 ՀՀ դրամով վաճառելու եղանակով ապօրինի իրացրել է Արման Ալիկի Ավետիսյանին, իսկ մնացած զգալի չափի` 0.15 գրամ հաստատուն քաշով ափիոն տեսակի թմրամիջոցը ապօրինի պահել է իր մոտ, որոնք էլ 2010 թվականի սեպտեմբերի 24-ին հայտնաբերվել են նրա անձնական խուզարկությամբ ոստիկանության աշխատակիցների կողմից:
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը գործով ձեռք բերված ապացույցներով հաստատված է համարել հետևյալը:
<<Հայկ Թովմասյանը գործով չպարզված հանգամանքներում ապօրինի ձեռք է բերել և իր` Երևան քաղաքի Խաղաղ Դոնի 23 շենքի 242 բնակարանում պահել է ` 3.25 գրամ հաստատուն քաշով ափիոն տեսակի, զգալի չափի` 1.62 գրամ հաստատուն քաշով մարիխուանա տեսակի թմրամիջոց, 6 մլ ծավալով ացետիլացված ափիոն տեսակի թմրամիջոցի լուծույթ, որում ացետիլացված ափիոնի չոր քաշը կազմել է խոշոր չափի` 0.5328 գրամ և 9,2 մլ ծավալով պրեկուրսոր հանդիսացող քացախաթթվի անհիդրիդ, որոնցից խոշոր չափի 1.95 գրամ ափիոն տեսակի թմրամիջոցը և 3.2 մլ ծավալով պրեկուրսոր հանդիսացող քացախաթթվի անհիդրիդը 2010թ-ի դեկտեմբերի 24-ին 60.000 ՀՀ դրամով վաճառելու եղանակով իրացրել է Մանվել Պետրոսյանին: Վերջինս, նույն օրը իր մոտ ապօրինի պահած 3.2մլ քացախաթթվի անհիդրիդից 1 մլ ծավալով պրեկուրսոր հանդիսացող քացախաթթվի անհիդրիդն ապօրինի իրացրել է Նորիկ Շահինյանին: Բացի այդ Մանվել Պետրոսյանը ապօրինի ձեռք բերած ափիոն տեսակի թմրամիջոցից և պրեկուրսոր հանդիսացող քացախաթթվի անհիդրիդից զգալի չափի` 0.5 գրամ ափիոն տեսակի թմրամիջոցը և 1 մլ քացախաթթվի անհիդրիդը Էրեբունու հիվանդանոցի մոտ 20.000 ՀՀ դրամով վաճառելու եղանակով իրացրել է Ալեքսան Վարդանյանին, իսկ մնացած խոշոր չափի 1.45 գրամ հաստատուն քաշով ափիոն տեսակի թմրամիջոցը և 1.2 մլ քացախաթթվի անհիդրիդն ապօրինի պահել իր մոտ: Ալեքսան Վարդանյանը նույն օրը հիշյալ թմրամիջոցի և պրեկուրսորի քանակությունը ձեռք բերելու շուրջ Արման Ավետիսյանի հետ ունեցել է նախնական համաձայնություն համաձայն որի` Արման Ավետիսյանի կողմից փոխանցած 15.000 ՀՀ դրամին Ա. Վարդանյանը ավելացներ է ևս 5.000 ՀՀ դրամ, ինչով էլ ձեռք է բերել հիշյալ թմրամիջոցը և պրեկուրսորը: Ապօրինի ձեռք է բերած ու իր մոտ ապօրինի պահած զգալի չափի` 0.5 գրամ քաշով ափիոն տեսակի թմրամիջոցի ու 1 մլ ծավալով պրեկուրսոր հանդիսացող քացախաթթվի անհիդրիդի մի մասը` զգալի չափի` 0.35 գրամ քաշով ափիոն տեսակի թմրամիջոցն ու 1 մլ պրեկուրսոր հանդիսացող քացախաթթվի անհիդրիդը, որպես իրացրել է Արման Ավետիսյանին` համատեղ գործածելու համար, իսկ մնացած` զգալի չափի 0.15 գրամ քաշով ափիոն տեսակի թմրամիջոցը թաքցրել է իր կոշիկի մեջ, ինչի մասին չի հայտնել Արման Ավետիսյանին>>:
Վերոգրյալ հանցանքի համար Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 26.04.2011թ-ի դատավճռով Հայկ Թովմասյանը մեղավոր է ճանաչվել և դատապարտվել` ՀՀ քր. օր. 266 հոդ. 2-րդ մասի 2-րդ կետով` ազատազրկման 5 տարի ժամկետով, 268 հոդ. 2-րդ մասի 2-րդ կետով` ազատազրկման 1 տարի ժամկետով, 266 հոդ. 4-րդ մասով տուգանքի` նվազագույն աշխատավարձի ութսունապատիկի` 80.000 ՀՀ դրամի չափով: ՀՀ քր. օր. 66 հոդվածով սահմանված կարգով նշանակված պատիժները մասնակիորեն գումարելու միջոցով ամբաստանյալ Թովմասյանի նկատմամբ վերջնական պատիժ է նշանակվել ազատազրկում 5 տարի 6 ամիս ժամկետով և տուգանքով 80.000 դրամի չափով:
Ալեքսան Վարդանյանը մեղավոր է ճանաչվել և դատապարտվել` ՀՀ քր. օր. 266 հոդ. 1-ին մասով` ազատազրկման 3 տարի 6 ամիս ժամկետով, 268 հոդ. 1-ին մասով` ազատազրկման 6 ամիս ժամկետով, 266 հոդ. 4-րդ մասով` տուգանքի նվազագույն աշխատավարձի հարյուրապատիկի` 100.000 ՀՀ դրամի չափով: ՀՀ քր. օր. 66 սահմանված կարգով նշանակված պատիժները գումարելու միջոցով ամբաստանյալ Վարդանյանի նկատմամբ վերջնական պատիժ է նշանակվել ազատազրկում 4 տարի ժամկետով և տուգանք 100.000 դրամի չափով:
Ամբաստանյալներ Թովմասյանի ու Վարդանյանի նկատմամբ ընտրված խափանման միջոց կալանավորումը թողնվել է անփոփոխ, մինչև դատավճռի օրինական ուժի մեջ մտնելը և պատժի սկիզբը հաշվվել 25.09.2010թ-ից:
Ալեքսան Վարդանյանի նկատմամբ թմրամոլության դեմ նշանակվել է հարկադիր բուժում:
Դատավճիռն օրինական ուժի մեջ մտնելուց հետո իրեղեն ապացույց հանդիսացող Արման Ավետիսյանի անձնական խուզարկությամբ նրա մոտից հայտնաբերված 2 մլ-ոց ներարկիչով 1 մլ ծավածով պրեկուրսոր հանդիսացող քացախաթթվի անհիդրիդը, Մանվել Պետրոսյանի անձնական խուզարկությամբ նրա մոտից հայտնաբերված խոշոր չափի` 0,87 գրամ հաստատուն քաշով ափիոն տեսակի թմրամիջոցի և 2 մլ-ոց ներարկիչով 1 մլ ծավալով պրեկուրսոր հանդիսացող քացախաթթվի անհիդրիդը, Նորիկ Շահինյանի անձնական խուզարկությամբ նրա մոտից հայտնաբերված 5 մլ-ոց ներարկիչով 1,2 մլ ծավալով պրեկուրսոր հանդիսացող քացախաթթվի անհիդրիդը որոշվել է ոչնչացնել, իսկ Հայկ Թովմասյանի ներկայացրած զգալի չափի` 1,62 գրամ հաստատուն քաշով մարիխուանա տեսակի թմրամիջոցը, խոշոր չափի` 0,72 գրամ հաստատուն քաշով ափիոն տեսակի թմրամիջոցը, 10 մլ-ոց ներարկիչով 6 մլ ծավալով ացետիլացված ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է խոշոր չափի` 0,5328 գրամ, 10 մլ-ոց ներարկիչով 6 մլ ծավալով պրեկուրսոր հանդիսացող քացախաթթվի անհիդրիդը, ացետիլացված ափիոն տեսակի թմրամիջոցի հետքերով թվով 8 հատ բամբակյա խծուծները և բաժակը` հանձնել ՀՀ ոստիկանության ՔԳՎ Երևան քաղաքի վարչության Քանաքեռ-Զեյթունի քննչական բաժնին` թիվ 09124910 քրեական գործին կցելու համար:
Նույն դատավճռով դատապարտվել են նաև Մանվել Ալբերտի Պետրոսյանը, Արման Ալիկի Ավետիսյանը և Նորիկ Վլադիմիրի Շահինյանը, որոնք սակայն դատավճիռը չեն բողոքարկել:

Վերաքննիչ բողոքների հիմքերը, փաստարկներն ու պահանջները

Ամբաստանյալներ Հ.Թովմասյանի ու Ա.Վարդանյանի պաշտպան Կ.Մանուչարյանը վերաքննիչ բողոքներ է ներկայացրել Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 26.04.2011թ-ի դատավճռի դեմ` միջնորդելով Հայկ Թովմասյանի մասով քրեական վարույթը կասեցնել` մինչև համապատասխան հանձնաժողովի կողմից նրա առողջության վերաբերյալ եզրակացություն ստանալը և վերջինիս հաշմանդամության կարգը վերջնականապես որոշելը, իսկ եթե վերաքննիչ դատարանը գտնի, որ տվյալ հանգամանքներում գործի վարույթի կասեցումը նպատակահարմար չէ, ապա խնդրել է կայացնել գործն ըստ էության լուծող դատական ակտ` մասնակիորեն բեկանել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 26.04.2011թ. թիվ ԵԱՔԴ/0005/01/11 դատավճիռը Հայկ Թովմասյանի մասով և ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 4-րդ մասով նրան արդարացնել` հանցադեպի բացակայոթւյան պատճառաբանությամբ, իսկ ՀՀ քր. օր-ի 268 հոդվածի 2-րդ մասի 2-րդ կետով կիրառել ՀՀ քր. օր. 64-րդ հոդվածի 1-ին մասի դրույթները և նշանակել նշված հոդվածով նախատեսվածից ավելի մեղմ պատժատեսակ:
Ամբաստանյալ Թովմասյանի մասով բերված վերաքննիչ բողոքը պաշտպանը մասնավորապես պատճառաբանել է հետևյալով:
<< …Դատարանը ի խախտումն ՀՀ քրեական դատավարության օրենսգրքի 31-րդ հոդվածի 1-ին մասի 4-րդ կետի, որի պահանջով` <<Քրեական գործով վարույթը դատախազի, քննիչի կամ դատարանի որոշնմամբ ամբողջությամբ կամ համապատասխան մասով կարող է կասեցվել, եթե` 4/ մեղադրյալը ծանր հիվանդ է…>>, մերժեց պաշտպանի միջնորդությունը` կասեցնել գործով վարույթը մինչև ամբաստանյալ Հ.Թովմասյանի առողջական վիճակը և հաշմանդամության կարգի որոշումը համապատասխան հանձնաժողովի կողմից: մինչդեռ, ՀՀ քրեական դատավարության օրենսգրքի 360-րդ հոդվածի 1-ին մասի պահանջի համաձայն` <<Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը`…>>: Այստեղ ի թիվս այլ հարցերի դատարանը պարտավոր է անդրադառնալ նաև այն խնդիրներին, թե` <<… 6/ենթակա է արդյոք պատժի ամբաստանյալն իր կատարած արարքի համար և 8/ ամբստանյալն արդյոք պետք է կրի իր նկատմամբ նշանակված պատիժը>>:
… Հաշվի առնելով Հ.Թովմասյանի ծանր առողջական վիճակը, պաշտպանության կողմը գտնում է, որ վերջինս, իա խախտումն ՀՀ քրեական օրենսգրքի 11-րդ հոդվածի` <<Մարդասիրության սկզբունքը>> 2-րդ մասի, դատապարտվել է իր պարագայում` դաժան պատժի:
Դատարանի կողմից խախտվել է ՀՀ քր. դատ. օր-ի 25-րդ հոդվածի 2-րդ մասի պահանջը, ըստ որի` <<2.Քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում>>:
Այսպես, դատարանը հաշվի չի առել և գնահատմանը չի արժանացրել ամբաստանյալ Մ.Պետրոսյանի դատարանում տված այն ցուցմունքները, որ վերջինս Հ.Թովմասյանից ոչ դեպքի օրը, ոչ էլ երբևիցե թմրամիջոց ձեռք չի բերել: Անդրադառնալով իր նախաքննության ընթացքում տված ցուցմունքներին Մ.Պետրոսյանը մանրամասն պատմեց դատարանին, թե ինչպիսի խորթ մեթոդներով են դրանք իրենից վերցվել, ինչը չի գտել իր արտացոլումը դատական ակտի պատճառաբանական մասում: Ամբաստանյալ Մ.Պետրոսյանը նաև հայտնեց դատարանին այն հանգամանքը, որ իրականությանը չհամապատասխանող` Հ.Թովմասյանի դեմ ցուցմունքներ տալու պատճառով ԿՊԶ-ում /ՁՊՎ/ թոկը գցել է վիզը և ինքն իրեն կախելու փորձ է կատարել: Գնահատականին չարժանացնելով դատաքննության ընթացքում ձեռք բերված ապացույցները, դատարանը, հաշվի առնելով ամբաստանյալներ Մ.Պետրոսյանի և Ա.Վարդանյանի նախաքննության և դատաքննության ընթացքում տված ցուցմունքների հակասությունները <<…գնահատելով դրանք մյուս ապացույցների հետ համակցության մեջ…>> հավաստի է համարել ամբաստանյալների նախաքննության ընթացքում տված ցուցմունքները, քանի որ դրանք <<…մանրամասն են, հստակ, օբյեկտիվ ու ճշմարտացի, համապատասխանում են դատարանի կողմից հաստատված գործի հանգամանքներին և հաստատվում են գործի մյուս ապացույցների հետ համակցության մեջ, իսկ դատաքննության ընթացքում ամբաստանյալների տված ցուցմունքները հավաստի չեն>>: Դատարանը նաև եզրահանգել է, որ <<Մանվել Պետրոսյանն իր դատաքննական ցուցմունքներով փորձում է պաշտպանության տակ վերցնել ամբաստանյալ Հայկ Թովմասյանին>>:
Դատարանը խախտել է ՀՀ քր. դատ. օր. 358 հոդվածի պահանջը` չի կայացրել օրինական, հիմնավորված և պատճառաբանված դատավճիռ, քանի որ դատական ակտը չի կայացվել ՀՀ Սահմանադրության, <<Մարդու իրավունքների և հիմնարար ազատությունների պաշտպանության մասին>> Եվրոպական Կոնվենցիայի, ՀՀ քրեական օրենսգրքի և ՀՀ քրեական դատավարության օրենսգրքի պահանջների պահպանմամբ, դատարանի հետևությունները հիմնված չեն դատաքննության ժամանակ հետազոտված ապացույցների վրա, այդ ապացույցները բավարար չեն մեղադրանքը գնահատելու համար, բացի այդ, դատարանի կողմից հաստատված ճանաչված հանգամանքները չեն համապատասխանում դատարանում հետազոտված ապացույցներին: Դատարանի կայացված մեղադրական դատավճիռը պատճառաբանված չէ, քանի որ պատճառաբանված չեն դատարանի կողմից դատավճռով շարադրված բոլոր հետևությունները >>:
Ամբաստանյալ Վարդանյանի առումով բերված վերաքննիչ բողոքով պաշտպան Մանուչարյանը միջնորդել է մասնակիորեն բեկանել Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 26.04.2011թ-ի դատավճիռը և Ալեքսան Վարդանյանին առաջադրված մեղադրանքը ՀՀ քր. օր. 266 հոդ. 1-ին և 4-րդ մասերով վերաորակել 38-268 հոդ. 1-ին մասով, իսկ 268 հոդ. 1-ին մասով նրա նկատմամբ նշանակել հոդվածի սանկցիայով նախատեսված նվազագույն պատիժ:
Իր վերաքննիչ բողոքը պաշտպան Մանուչարյանը մասնավորապես պատճառաբանել է հետևյալով:
<<…Ամբաստանյալներ Արման Ավետիսյանը և Ալեքսան Վարդանյանը դատարանում տված ցուցմունքներում հայտնեցին, որ թմրանյութը ձեռք բերելուց հետո, պետք է օգտագործեին միասին, և օգտագործմանը պետք է մասնակցեր նաև նրանց ընկեր` Կարենը: 15.000 դրամ գումարը Արման Ավետիսյանին է տվել Կարենը և Ա.Ավետիսյանը տաքսի ավտոմեքենայով իջել է Ջրվեժից Ա.Վարդանյանի հետ դեպի Էրեբունու հիվանդանոց, քանի որ վերջինս էր տեղյակ, թե որտեղ և ումից կարելի է թմրամիջոց ձեռք բերել: Այսինքն, Ա.Ավետիսյանն և Ա.Վարդանյանը միասին և ընդհանուր գումարով` /Արմանինը 15.000 և Ալեքսանյանը` 5.000 ՀՀ դրամ/ որոշել էին դեպքի օրը թմրամիջոց ձեռք բերել իրենց համատեղ օգտագործման համար:
ՀՀ քր. օր. 268 հոդվածը պատասխանատվություն է սահմանում առանց իրացնելու նպատակի թմրամիջոցներ կամ հոգեներգործուն նյութեր ապօրինի պատրաստելու, վերամշակելու, ձեռք բերելու, պահելու, փոխադրելու կամ առաքելու համար: Նշված հանցագործությունը իր օբյեկտով, առարկայով, օբյեկտիվ կողմի հատկանիշներով ամբողջապես նույնանում է ՀՀ քր. օր. 266 հոդվածով նախատեսված հանցակազմին: Նշված հանցակազմերի տարբերությունը` միայն սուբյեկտիվ կողմի մեջ է, այսինքն` խոսքը արարքի նպատակի մասին է: Ի տարբերություն ՀՀ քր. օր. 266 հոդվածով նախատեսված հանցագործության` 268 հոդվածի դեպքում բացակայում է թմրամիջոցների կամ հոգեներգործուն նյութերի իրացման նպատակը: Թե նախաքննության և թե դատաքննության ընթացքում ձեռք բերված ապացույցներով չի հաստատվել Ալեքսան Վարդանյանի` Արման Ավետիսյանին թմրամիջոցներ կամ հոգեներգործուն նյութեր իրացնելու դիտավորությունը: Տվյալ դեպքում Ալեքսան Վարդանյանը չի կարող հանդես գալ, որպես իրացնող, այլ վերջինս` Արման Ավետիսյանի հետ միասին հանդիսացել են ձեռք բերողներ, այսինքն, արարքը պետք է որակվեր ՀՀ քր. օր-ի 38-268 հոդվածի 1-ին մասով:
…Գտնում եմ, սույն վերաքննիչ բողոքը ենթակա է ընդունման վարույթ, քանի որ ստորադաս դատարանի կողմից թույլ է տրվել դատական սխալ` նյութական և դատավարական օրենքի էական խախտումներ, որոնք կարող են ազդել գործի ելքի վրա>>:
Վերաքննիչ դատարանի դատաքննության ընթացքում պաշտպան Մանուչարյանը նույն հիմնավորումներով ու պատճառաբանություններով ներկայացված վերաքննիչ բողոքները պնդեց, Հայկ Թովմասյանի մասով հրաժարվելով գործը կասեցնելու և դատաբժշկական փորձաքննություն նշանակելու միջնորդությունից, խնդրեց ՀՀ քր. օր. 266 հոդվածի 2-րդ մասի 2-րդ կետով նրան արդարացնել, հակառակ դեպքում կիրառել ՀՀ քր. օր. 79 հոդվածը և ազատել պատժից` նկատի ունենալով, որ առաջին ատյանի դատարանի դատավճռի կայացումից հետո Թովմասյանը ճանաչվել է առաջին խմբի հաշմանդամ և տառապում է ծանր հիվանդություններով, որի հիմքով նրա նկատմամբ կիրառելի է նաև ՀՀ քր. օր. 64 հոդվածը` օրենքով նախատեսվածից ավելի մեղմ պատիժ նշանակելու առումով:
Ամբաստանյալ Թովմասյանը միանալով ներկայացված բողոքին ու պաշտպանի միջնորդություններին` պնդեց գործի քննության ընթացքում տված ցուցմունքներն այն մասին, որ ինքը Մանվել Պետրոսյանին թեև ճանաչում է, սակայն նրան երբևիցե թմրամիջոց չի իրացրել, իսկ իր տան խուզարկությամբ հայտնաբերված ափիոն և մարիխուանա տեսակի թմրամիջոցները եղել են իր օգտագործման համար:
Ամբաստանյալ Ալեքսան Վարդանյանը նույնպես միանալով պաշտպանի կողմից ներկայացված վերաքննիչ բողոքին, հայտնեց, որ ինքը Արման Ավետիսյանին թմրամիջոց չի իրացրել, նրան ճանաչել է այդ օրը Կարենի միջոցով, որին ինքը պարտք է եղել 15.000 դրամ և երբ վերջինս Արմանի հետ միասին եկել է պարտքի հետևից, նրան ասել է, որ գնում է <<դեղ>> առնելու, ինչի մասին իմանալով` նրանք էլ են ցանկություն հայտնել այն օգտագործելու և Արման Ավետիսյանի հետ մեքենայով իջել են Էրեբունու հիվանդանոցի մոտ, որտեղ էլ 20.000 դրամով Մանվել Պետրոսյանից գնել է 0,5 գրամ ափիոն, որի մի փոքր մասը հայտնաբերվել է իր մոտից, իսկ մնացածն ու պրեկուրսորով ներարկիչը` Արման Ավետիսյանի մոտից:
Մեղադրող Խ.Բաղդասարյանը ներկայացված վերաքննիչ բողոքների դեմ առարկելով` միջնորդեց առաջին ատյանի դատարանի 26.04.2011թ-ի դատավճիռը Հայկ Թովմասյանին ՀՀ քր. օր. 266 հոդ. 2-րդ մասի 2-րդ կետով, 266 հոդ. 4-րդ մասով, 268 հոդ. 2-րդ մասի 2-րդ կետով և Ալեքսան Վարդանյանի նկատմամբ ՀՀ քր. օր. 266 հոդ. 1-ին և 4-րդ մասերով, 268 հոդ. 2-րդ մասի 2-րդ կետով թողնել օրինական ուժի մեջ, առարկություն չհայտնելով ամբաստանյալ Թովմասյանին ՀՀ քր. օր. 79 հոդվածի հիման վրա նշանակված պատժից ազատելու վերաբերյալ պաշտպան Մանուչարյանի կողմից արված միջնորդությանը:

Վերաքննիչ դատարանի պատճառաբանություններն ու եզրահանգումները

Ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադատավարական օրենքի նորմերի պահպանումը, վերաքննիչ բողոքներում նշված հիմքերի սահմաններում վերլուծելով քրեական գործի նյութերը, դատաքննության ընթացքում լսելով բողոքներում ներկայացված իրենց հետևությունները հիմնավորելու մասին պաշտպանի ու ամբաստանյալների պատճառաբանությունները, մեղադրողի պատասխանը, վերաքննիչ դատարանը հանգում է այն հետևության, որ Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 26.04.2011թ-ի դատավճիռը պետք է թողնել անփոփոխ, իսկ պաշտպանի վերաքննիչ բողոքները մերժել, հետևյալ պատճառաբանությամբ:
Ամբաստանյալներ Հայկ Թովմասյանի և Ալեքսան Վարդանյանի պատճառաբանություններն այն մասին, որ իրենք թմրամիջոց չեն իրացրել, նպատակ են հետապնդում խուսափելու ծանր հանցագործության համար նախատեսված պատասխանատվությունից ու պատժից, դրանք հերքվում և նրանց մեղսագրված արարքները հիմնավորվում են գործի փաստական տվյալների ներքոշարադրյալ ամբողջությամբ:
ՀՀ քր. օր. 266 հոդ. 2-րդ մասի 2-րդ կետով, 266 հոդ. 4-րդ մասով, 268 հոդ. 2-րդ մասի 2-րդ կետով առաջադրված մեղադրանքում Հայկ Թովմասյանն իրեն մեղավոր է ճանաչել մասնակիորեն և ցուցմունքներ տվել այն մասին, որ 2010թ-ի սեպտեմբերի 24-ին Մանվել Պետրոսյանն ընդամենը եկել է իրենց տուն և առաջարկել միասին թմրամիջոց օգտագործել, սակայն ինքը հրաժարվել է, ասելով, որ չի օգտագործում ու դրանից հետո Մանվել Պետրոսյանը գնացել է: Թմրամիջոցներ օգտագործել է մոտ 25 տարի, երբեք չի դադարեցրել և չի էլ պատրաստվում դադարեցնել դրանց օգտագործումը: Այդ օրը տանն են եղել իր կինն ու աղջիկը, ինչի պատճառով էլ Մանվելին ասել է, որ չի օգտագործում: Նրան ճանաչում է 1991թ-ից` մոտ 20 տարի, կապված վերջինիս վարած <<Կամազ>> ավտոմեքենայի հետ և այդ ընթացքում իմացել է, որ Մանվելը թմրամիջոց օգտագործող է: Չգիտի, թե ինչու է Մանվելը նախաքննության ժամանակ նման ցուցմունքներ տվել,թե իբր թմրամիջոցն իրենից է ձեռք բերել, բայց առերես հարցաքննությունների ժամանակ քննիչները նրան թելադրել են, թե ինչ գրի: Չի հիշում միասին թմրամիջոց օգտագործել են, թե` ոչ: 2010 թվականի սեպտեմբերի 24-ին Մանվելին ափիոն տեսակի թմրամիջոց չի իրացրել, իսկ իր բնակարանում հայտնաբերված թմրամիջոցի ողջ քանակությունը պետք է անձամբ օգտագործեր և չի ցանկանում նշել, թե երբ, ումից և ինչ հանգամանքներում է դրանք ձեռք բերել:
Նախաքննության ընթացքում ՀՀ քր. օր. 266 հոդ. 1-ին և 4-րդ մասերով, 268 հոդ. 2-րդ մասի 2-րդ կետով առաջադրված մեղադրանքում Մանվել Պետրոսյանը իրեն լիովին մեղավոր է ճանաչել և ցուցմունք տվել այն մասին, որ 2010թ-ի սեպտեմբերի 24-ին իրեն զանգահարել է Ալեքսան Վարդանյանը և ասել, որ ափիոն է հարկավոր, ինքն էլ պատասխանել է, որ կարող է ճարել: Զանգահարել է <<Ճտին>>` Հայկ Թովմասյանին և պայմանավորվել է 60.000 ՀՀ դրամի ափիոն վերցնել նրանից: Ալեքսան Վարդանյանին ասել է, որ ժամը 12-ի սահմաններում իջնի Էրեբունի հիվանդանոցի մոտ, որտեղ Ալեքսան Վարդանյանը իրեն ափիոնի համար տվել է 20.000 ՀՀ դրամ: Նորիկ Շահինյանի հետ գնացել է Հայկ Թովմասյանի տան մոտ: Նորիկ Շահինյանը սպասել է շենքի մոտ, իսկ ինքը գնացել է Հայկ Թովմասյանի տուն, որտեղ նրան տվել է 60.000 դրամ և դրա դիմաց Հայկ Թովմասյանից վերցրել է ափիոն և 3 ներարկիչներ` յուրաքանչյուրում 1 մլ քացախաթթվի անհիդրիդ: Որից հետո 0.5 գրամ ափիոնը և 1 մլ քացախաթթվի անհիդրիդը 20.000 ՀՀ դրամի դիմաց տվել է Ալեքսան Վարդանյանին: Այնուհետև Նորիկ Շահինյանին առանց գումարի տվել է 1 մլ քացախաթթվի անհիդրիդ: Մնացած` 1.45 գրամ ափիոն տեսակի թմրամիջոցը և 1 մլ քացախաթթվի անհիդրիդը պահել է իր մոտ, որոնք էլ իր մոտից հայտնաբերվել են ոստիկանության աշխատակիցների կողմից:
Իր այս ցուցմունքը Մանվել Պետրոսյանը պնդել է նաև Հայկ Թովմասյանի հետ առերես հարցաքննության ընթացքում:
Արդեն առաջին ատյանի դատարանի դատաքննության ժամանակ Մանվել Պետրոսյանն իրեն մեղավոր է ճանաչել մասնակիորեն և ցուցմունք տվել, որ Հայկ Թովմասյանին ճանաչում է մոտ 20 տարի: Այդ օրը` 2010թ-ի սեպտեմբերի 24-ին որոշել է իր 40.000 ՀՀ դրամով ափիոն տեսակի թմրամիջոց ձեռք բերել: Նույն օրն իր ծանոթներից Ալեքսան Վարդանյանը զանգահարել է իրեն և ասել, որ ցանկանում է ափիոն ձեռք բերել: Նրան կանչել է <<Էրեբունի>> հիվանդանոցի մոտ և ինքն էլ գնալով այնտեղ իր ծանոթ անձնավորությունից 60.000 ՀՀ դրամով ձեռք է բերել թմրամիջոցի 4 փաթեթ, որոնցից մեկ փաթեթը 20.000 ՀՀ դրամի դիմաց տվել է Ալեքսան Վարդանյանին: Այնուհետև Էրեբունու կանգառում հանդիպել է Նորիկ Շահինյանին, վերջինս իմացել է, որ ինքը տաքսիով է տուն գնալու, պայմանավորվել են միասին գնալ: Հետո ինքը գնացել է Հայկ Թովմասյանենց տուն` ճշտելու նրա որպիսությունը, Նորիկն իր հետ չի եկել և ինքը տեղյակ չէ, թե վերջինս իրեն որտեղ է սպասել: Որոշ ժամանակ անց վերադարձել է Հայկենց տնից և Նորիկի հետ նստել են տաքսի տուն գնալու համար: Նորիկին ի սկզբանե ասել է, որ եկել է թմրամիջոց ձեռք բերելու համար: Նրան խոստացել է, որ միասին թմրամիջոց կօգտագործեն, երևի դրա համար էլ վերջինս սպասել է իրեն: Ինքը նրան մեկ անգամ օգտագործելու համար թմրամիջոց էր պատրաստվում տալ: Իր մոտ եղած թմրամիջոցի փաթեթներից և 3 ներարկիչներից մեկը տվել է Նորիկին: Ինքը պատրաստվում էր մի փաթեթը բացել և բացածից մեկ անգամ օգտագործելունն առանց գումարի տալ Նորիկին: Թմրամիջոցը ինքը պիտի պատրաստեր: Ճանապարհին` Նար-Դոս փողոցում իրենց բռնել են: Ալեքսան Վարդանյանին փաթեթը փոխանցելիս, ոչ ոք ներկա չի գտնվել: Հայկ Թովմասյանից երբեք թմրամիջոց ձեռք չի բերել, ինքը ցուցմունքներ տալուց հիվանդ է եղել, նույնիսկ փորձել է ինքնասպան լինել կախվելու միջոցով և չի կարող բացատրել, թե ինչու է նախաքննության ընթացքում նման ցուցմունքներ տվել: Դատարանում ճիշտ ցուցմունքներ է տալիս:
ՀՀ քր. օր. 266 հոդ. 1-ին և 4-րդ մասերով, 268 հոդ. 1-ին մասով առաջադրված մեղադրանքում Ալեքսան Վարդանյանն իրեն մեղավոր է ճանաչել մասնակիորեն և առաջին ատյանի դատարանի դատաքննության ժամանկ ցուցմունք տվել այն մասին, որ դեպքի նախորդ օրը խաղատանը իր ծանոթ Կարենից 15.000 դրամ գումար է վերձրել` հաջորդ օրը վերադարձնելու պայմանով: Մյուս օրը, երբ Կարենը եկել է փողը վերցնելու, ինքը նրան ասել է, որ փող ունի, սակայն պետք է գնա թմրանյութ վերցնի, իսկ փողն էլ հետո կտա: Կարենն ասել է, որ այդ դեպքում միասին կօգտագործեն և պարտքն էլ մարած կհամարի: 5.000 դրամն իր կողմից է դրել և գնացել են թմրանյութ գնելու: Ճանապարհին Կարենն ասել է, որ գործ ունի և իջել է մեքենայից: Արմանի հետ գնացել են Էրեբունի հիվանդանոցի դիմացը, որտեղ պետք է հանդիպեին Մանվելին: Արման Ավետիսյանն իջել է ծխախոտ գնելու, իսկ ինքը շարունակել է ճանապարհը և ոչ շատ հեռու` խաչմերուկի մոտ, կանգնել է, որտեղ, ըստ նախնական պայմանավորվածության, պետք է սպասեր Մանվելը: Տեղյակ է եղել, որ Մանվելը հնարավորություն է ունեցել ձեռք բերելու թմրանյութ, սակայն չի իմացել, թե որտեղից: Նախքան Արմանին և Կարենին հանդիպելը Մանվելին զանգել, ասել է, որ վատ է զգում, խնդրել է օգնել թմրանյութ ձեռք բերելու հարցում, ով սկզբում մերժել է, սակայն հետո խոստացել է օգնել: Մանվելը դրսում սպասելիս է եղել: Ինքը մոտեցել է, տվել 20.000 դրամը, նա մտել է շենքի բակ, ինչից 3-4 րոպե հետո վերադարձել է: Թմրանյութը եղել է փաթեթավորված, իսկ անհիդրիդը` ներարկչի մեջ: Քանի որ թմրանյութը քարացած է եղել, ինքը մի փոքր պոկել և փորձել է դրանից: Պոկածի մնացած մասը դրել է կոշիկի մեջ: Դրանից հետո նստել է մեքենան, և մնացած թմրանյութը անհիդրիդի հետ դրել է <<ռեզինի կովրիկի և ռեմենի>> արանքում, որը հետևի նստատեղին նստած Արման Ավետիսյանը վերցրել է: Թմրանյութը պետք է երեքով` ինքը, Արմանը և Կարենն օգտագործեին:
Նախաքննության ընթացքում Ալեքսան Վարդանյանը ցուցմունքներ է տվել այն մասին, որ Մանվել Պետրոսյանին ճանաչում է Մնթո մականունով 2005 թվականից: 2010 թվականի հուլիս ամսին հանդիպել է նրան, ով իրեն ասել է, որ դեղ է օգտագործում և որ <<ձև>> ունի դեղ ճարելու: Դրանից հետո չորս-հինգ անգամ զանգահարել է Մանվելի և ասել, որ իր համար ափիոն վերցնի: Նա իրեն ասել էր, որ ինչ-որ մեկից գնում է 20.000 դրամով: Ամեն անգամ զանգահարել է նրան, հանդիպել նրա առաջարկած Էրեբունի հիվանդանոցի մոտ: Ամեն անգամ նրան տվել է 20.000 դրամ, իսկ նա գնացել և բերել է մոտ 0,5 գրամ ափիոն և մոտ 1 գրամ անհիդրիդ: 2010 թվականի սեպտեմբերի 23-ին` ժամը 15-ի սահմաններում, իր 094-64-78-55 հեռախոսահամարից զանգել է Մնթոյին և ասել, որ թմրանյութ է պետք: Նա իրեն կանչել է Էրեբունու հիվանդանոցի մոտ: Ջրվեժից իրեն անծանոթ մի տաքսով իջել է Էրեբունու հիվանդանոցի մոտ, այնտեղ Մնթոյին տվել է 20.000 դրամ, ով գնացել է դեղը բերելու: Այդ գումարն իրենն է եղել, այն ոչ ոքից չի վերցրել: Մոտ 20 րոպե հետո Մնթոն վերադարձել և իրեն տվել է մոտ 0,5 գրամ քաշով ցելոֆանի մեջ փաթաթած, քարացած ափիոն և 1 գրամ անհիդրիդ: Այդ օրը օգտագործել է դրանից մոտ 0,3 գրամ, իսկ մոտ 0,2 գրամը պահել է աջ կոշիկի մեջ: Այդ օրը Մասիվում պատահական հանդիպել է իր ծանոթ Արմանին, ով, տեսնելով իրեն, հասկացել է, որ ինքը թմրանյութի ազդեցության տակ է: Արմանին ճանաչում է մոտ չորս տարի, սակայն մինչ այդ օրը չի իմացել, որ նա օգտագործում է թմրանյութ: Մյուս օրը` սեպտեմբերի 24-ին` ժամը 12:00-ին, Արմանը զանգահարել է իրեն և հարցրել, թե ինչքան գումար ունի, որ միասին թմրանյութ գնեն: Ինքը ասել է, որ ունի 5.000 դրամ, Արմանն ասել է, որ 15.000 էլ ինքը կտա: Արմանին ասել է, որ գա Ջրվեժ` դեղի հետևից գնալու համար: Զանգել է Մնթոյին, ով իրեն ասել է, որ գա Էրեբունի հիվանդանոցի մոտ: Արմանը եկել է իրեն անծանոթ մի տղայի հետ, ով ներկայացել է Կարեն անունով: Մասիվի 4-րդ-5րդ զանգվածների արանքում գտնվող բենզալցակայանի մոտ Կարենին իջեցրել են, իսկ իրենք գնացել են Էրեբունի հիվանդանոց: Արմանն իրեն տվել է իր մոտ եղած 15.000 և ինքը, ավելացնելով դրան իր մոտի 5.000-ը, 20.000 դրամ տվել է Մնթոյին, որպեսզի վերջինս թմրամիջոցը բերի: Մինչ այդ Արմանը իջել է տաքսուց, քանի որ ինքը չի ցանկացել, որ Մնթոն նրան տեսնի: Մոտ 20 րոպե հետո Մնթոն բերել թմրամիջոցն ու անհիդրիդը, որոնք ինքը վերցրել և նստել է նույն <<2107>> մակնիշի 0842 համարանիշով տաքսի մեքենան: Այդ ժամանակ 0,5 գրամ ափիոնից պոկել է մի կտոր և կուլ տվել` որակը ստուգելու համար: Դրանից հետո վերցրել է Արմանին, և շարժվել են դեպի Մասիվ` թմրանյութն օգտագործելու համար հարմար տեղ գտնելու, քանի որ պայմանավորվել էին թմրանյութը միասին օգտագործել: Տաքսու մեջ Մնթոյի տված ափիոնը և անհիդրիդը տվել է Արմանին: Դավիթ Բեկ-Նուբարաշեն խաչմերուկում իրենց տաքսին կանգնեցրել են ոստիկանները և բերման ենթարկել Քանաքեռ-Զեյթունի բաժին: Իր կոշիկի մեջից հայտնաբերված մոտ 0,15 գրամ ափիոնը մինչև Արմանին հասնելը վերցրել էր Մնթոյի տված այդ օրվա 0,5 գրամից, այլ ոչ թե նախորդ օրվա իր գործածած թմրանյութից: <<Ճուտ>> մականունով Հայկ Թովմասյանին չի ճանաչում:
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանն այս առումով հանգել է հետևյալ եզրակացությանը:
<<Դատարանը հաշվի առնելով ամբաստանյալներ Մ. Պետրոսյանի և Ա. Վարդանյանի նախաքննության և դատաքննության ընթացքում տված ցուցմունքների հակասությունները, գնահատելով դրանք մյուս ապացույցների հետ համակցության մեջ, հավաստի է համարում ամբաստանյալների նախաքննության ընթացքում տված ցուցմունքները, քանի որ դրանք մանրամասն են, հստակ, օբյեկտիվ ու ճշմարտացի, համապատասխանում են դատարանի կողմից հաստատված գործի փաստական հանգամանքներին և հաստատվում են գործի մյուս ապացույցների հետ համակցության մեջ, իսկ դատաքննության ընթացքում ամբաստանյալների տված ցուցմունքները հավաստի չեն: Մանվել Պետրոսյանն իր դատաքննական ցուցմունքներով փորձում է պաշտպանության տակ վերցնել ամբաստանյալ Հայկ Թովմասյանին>>:
ՀՀ քր. օր. 268 հոդ. 1-ին և 266 հոդ 4-րդ մասերով առաջադրված մեղադրանքում Արման Ավետիսյանն իրեն մեղավոր է ճանաչել և դատարանում ցուցմունք տվել այն մասին, որ իր ծանոթ Կարենն իրեն 15.000 դրամ պարտք է եղել: 2010 թվականի սեպտեմբերի 24-ին ինքը գնացել է Մասիվ, որ տեսնի Կարենին և վերցնի փողը: Վերջինս առաջարկել է գնալ Ջրվեժ, որտեղ ինչ-որ մեկն իրեն փող պետք է տա: Հանդիպել են Ալեքսան Վարդանյանին, ում հետ Կարենը սկզբից միայնակ խոսել է, իսկ ինքը սպասել է մեքենայի մեջ: Վերադառնալով Կարենն առաջարկել է գումարի փոխարեն թմրանյութ վերցնել և երեքով օգտագործել, ինքն էլ համաձայնվել է: Պայմանավորվել են, որ թմրանյութի գնից` 20.000 դրամից 15.000 դրամը` պարտքի գումարը, ինքը պետք է դներ և 5.000 դրամ էլ Ալեքսան Վարդանյանը պետք է տար: Դրանից հետո Կարենն իջել է Մասիվի կամրջի մոտ, իսկ իրենք երկուսով գնացել են Էրեբունի: Անձամբ Ալեքսան Վարդանյանի հետ ինքը թմրանյութի չափի և գնի վերաբերյալ պայմանավորվածություն ձեռք չի բերել, խոսել է միայն Կարենի հետ: Այնտեղ ինքը մեքենայից իջել է և մինչ ծխախոտ է առել, Ալեքսան Վարդանյանն ինչ-որ տեղ է գնացել: Մոտ 10 րոպեից վերադառնալով` Ալիկը նստել է <<07>> մեքենայի առջևի նստատեղին, որից հետո ինքն է նստել հետևի նստատեղին և, վարորդի նստատեղի աջ կողքը` <<ռեմենի>> մոտ, տեսնելով թմրանյութը` 2-միլիգրամանոց ներարկիչի մեջ անհիդրիդը և պոլիէթիլենով ափիոնը, վերցրել է դրանք: Չի տեսել, թե ինչպես է Ալեքսան Վարդանյանը անձամբ այդտեղ դրել թմրանյութը, սակայն վստահ է, որ նա է դրել, քանի որ իրենք հենց դրա համար էին գնացել: Փորձարկելու նպատակով դրանից մի քիչ պոկել, կուլ է տվել, ինչից հետո Թոխմախի խաչմերուկի մոտ իրենց բռնել են: Մեքենայի դուռը բացել են, իրեն ասել են, որ թմրանյութը դնի գրպանը, իսկ բաժնում հանել են այն: Ողջ թմրանյութն իր մոտ է եղել, իսկ թե որտեղից Ալեքսան Վարդանյանի մոտ հայտնաբերված թմրանյութը, ինքը չգիտի:
Արման Ավետիսյանը նախաքննության ընթացքում ցուցմունք է տվել այն մասին, որ երբ իրենք տաքսի մեքենայով գնալիս են եղել թմրամիջոցը վերցնելու, Էրեբունի հիվանդանոց չհասած, Ալեքսանը իրեն ասել է, որ մեքենայից իջնի, որպեսզի չտեսնի թե ումից է թմրանյութը վերցնում, որից հետո նա մենակ տաքսիով գնացել է հիվանդանոցի կողմը և իր տեսադաշտից կորել: Մոտ 10 րոպե անց Ալեքսան Վարդանյանը նույն մեքենայով վերադարձել է և ինքը նորից նստել մեքենայի հետևի նստատեղին: Երբ մեքենան շարժվել է Ալեքսանը նստատեղերի արանքից, վարորդից թաքուն, իրեն է տվել ցելոֆոնի մեջ փաթաթած 0.35 ափիոնը և 1 մգ անհիդրիդը: Ալեքսանը թմրանյութը տվել է առձեռն և տալուց առաջ ոչինչ չի ասել: Նա թմրանյութը տվել է իրեն, քանի որ դրա մեծ մասն իրենն էր:
Վկա Գոռ Գևորգյանը ցուցմունքներ է տվել այն մասին, որ աշխատում է որպես տաքսու վարորդ: Ալեքսան Վարդանյանը և Արման Ավետիսյանն իր ուղևորներն են եղել: 2010 թվականի սեպտեմբերի 24-ին իր <<07>> մեքենայով կանգնած է եղել 5-րդ մասիվի <<Եվրոշինանյութ>> խանութի դիմաց: Մոտեցել են երկու հոգի, պատվիրել վարել դեպի Ջրվեժ: Ջրվեժ չհասած` ռեստորանի մոտից ևս մեկ հոգու վերցրել է, ինչից հետո պատվիրել են գնալ Էրեբունի: Ճանապարհին` 5-րդ մասիվի կամրջի մոտ, ուղևորներից մեկը իջել է, իսկ մյուս երկուսին տարել է Էրեբունի: Ուղևորներից ևս մեկը իջել է Էրեբունիում` հիվանդանոց չհասած: Դրանից հետո խաչմերուկից թեքվել է դեպի ձախ, հիվանդանոցի մոտ կանգնել: Վերջին ուղևորը, որ հետագայում իմացել է, որ Ալեքսան Վարդաքնյանն է, ևս իջել է, սակայն գումարը չի վճարել և վերադարձել է մի քանի րոպե անց: Շարունակել են ճանապարհը դեպի Մասիվ, ընթացքում վերցրել են ուղևորներից մյուսին`Արման Ավետիսյանին, սակայն Էրեբունու մասիվից իջնելու ճանապարհին` գաջի գործարանից հետո Արեշի առաջին խաչմերուկի մոտ, երբ կանաչ լույս է վառվել ու արդեն պետք է շարժվեին, իրենց բռնել են: Իրեն մեկ այլ մեքենայով տարել են ոստիկանության Քանաքեռ-Զեյթունի բաժին, փնտրել են թմրամիջոց:
Վկա Աշոտ Ստեփանյանը ցուցմունքներ է տվել այն մասին, որ 2010 թվականի սեպտեմբերի 24-ի կեսօրին 1:30-2;00-ի սահմաններում երբ Էրեբունի մասիվում` քոլեջի դիմաց իր տաքսի մեքենայով կանգնած է եղել, իրեն անծանոթ Մանվել Պետրոսյանը և Նորիկ Շահինյանը, մոտեցել են և պատվիրել գնալ Քանաքեռ: Ճանապարհին` Ալեք Մանուկյան փողոցի վրա, երբ խցանման մեջ կանգնած են եղել, ոստիկանները մոտեցել են, մեքենայից իջեցրել իրենց և մեկ այլ մեքենայով իրեն տարել Քանաքեռ-Զեյթունի քաղմաս:
Համաձայն 2010 թվականի սեպտեմբերի 24-ի` թմրանյութ ներկայացնելու մասին արձանագրության, Հայկ Վաղինակի Թովմասյանը ոստիկանության աշխատակիցների պահանջով նրանց է ներկայացրել իր բնակարանում պահվող` սիգարետի փայլաթիթեղի մեջ փաթաթված 0,5 գրամ քաշով կանաչ զանգված, փոքր պոլիէթիլենային պարկով 1,8 գրամ կանաչ զանգված, վարդագույն պոլիէթիլենի մեջ փաթաթված 1,4 գրամ մուգ շագանակագույն մանր կտորներով ափիոն թմրանյութի նմանվող զանգված, ներարկիչ` 6 մլ թափանցիկ, սուր հոտ ունեցող հեղուկով, 6 մլ շագանակագույն հեղուկով ներարկիչ, 8 հատ շագանակագույն բամբակե կտորներ, շագանակագույն զանգվածով բաժակ: Հ.Թովմասյանը հայտարարել է, որ 0,5 և 1,8 գրամ կանաչ զանգվածները մարիխուանա են, 1,4 գրամ զանգվածը և ներարկիչով 6 մլ շագանակագույն հեղուկը հանդիսանում են ափիոն, ներարկիչի մեջ եղած թափանցիկ հեղուկը հանդիսանում է անհիդրիդ, 8 հատ բամբակները և բաժակը օգտագործել է թմրանյութ պատրաստելու համար:
Համաձայն 2010 թվականի սեպտեմբերի 24-ի` Ալեքսան Ջիվանի Վարդանյանի անձնական խուզարկության արձանագրության, Ալեքսան Վարդանյանի աջ ոտքի կոշիկի մեջից հայտնաբերվել է մոտ 0,2 գրամ ափիոնանման զանգված:
Համաձայն 2010 թվականի սեպտեմբերի 24-ի` Մանվել Ալբերտի Պետրոսյանի անձնական խուզարկության արձանագրության, վերջինիս անդրավարտիքի աջ գրպանից հայտնաբերվել են 3 հատ պոլիէթիլենի մեջ փաթաթված ափիոնանման շագանակագույն զանգված` մոտ 1,6 գրամ քաշով, ձախ գուլպայի միջից հայտնաբերվել է մեկանգամյա օգտագործման 2 մլ-ոց ներարկիչ` մոտ 1 մլ թափանցիկ, սուր հոտ ունեցող հեղուկով: Մ.Պետրոսյանը հայտարարել է, որ ներարկիչի մեջ եղած հեղուկը անհիդրիդ է, իսկ պոլիէթիլենով փաթաթված զանգվածը ափիոն տեսակի թմրանյութ է, որը պատկանում է իրեն:
Համաձայն 2010 թվականի սեպտեմբերի 24-ի` Արման Ալիկի Ավետիսյանի անձնական խուզարկության արձանագրության, վերջինիս ջինսե անդրավարտիքի աջ գրպանից հայտնաբերվել են սպիտակ գույնի պոլիէթիլենի մեջ փաթաթված ափիոնանման շագանակագույն զանգված` մոտ 0,35 գրամ քաշով, մեկանգամյա օգտագործման 2 մլ-ոց ներարկիչ 1 մլ թափանցիկ, սուր հոտ ունեցող հեղուկով: Ա. Ավետիսյանը հայտարարել է, որ ներարկիչի մեջ եղած հեղուկը անհիդրիդ է, իսկ պոլիէթիլենով փաթաթված զանգվածը ափիոն տեսակի թմրանյութ է, որը պատկանում է իրեն:
Համաձայն 2010 թվականի սեպտեմբերի 24-ի` Նորիկ Վլադիմիրի Շահինյանի անձնական խուզարկության արձանագրության, նրա աջ գուլպայի միջից հայտնաբերվել է 5 մլ-ոց ներարկիչ` 1,2 մլ թափանցիկ, սուր հոտ ունեցող, քացախաթթվի անհիդրիդին նմանվող հեղուկով, որը, ըստ Ն.Շահինյանի բանավոր հայտարարության, քացախաթթվի անհիդրիդ է:
Ըստ դատաքիմիական փորձաքննությունների, 2010 թվականի սեպտեմբերի 25-ի թիվ 538 Ք, 539 Ք, 540 Ք և 541 Ք եզրակացությունների, Մանվել Պետրոսյանի անձնական խուզարկությամբ հայտնաբերված և փորձաքննությանը ներկայացված ընդհանուր 1,45 գրամ հաստատուն քաշով նյութը հանդիսանում է ափիոն տեսակի թմրամիջոց: Փորձաքննությանը ներկայացված ներարկիչում առկա 1 մլ ծավալով հեղուկը հանդիսանում է քացախաթթվի անհիդրիդ: Քացախաթթվի անհիդրիդը հանդիսանում է պրեկուրսոր:
Ալեքսան Վարդանյանի անձնական խուզարկությամբ հայտնաբերված և փորձաքննությանը ներկայացված ընդհանուր 0,15 գրամ հաստատուն քաշով նյութը հանդիսանում է ափիոն տեսակի թմրամիջոց:
Արման Ավետիսյանի անձնական խուզարկությամբ հայտնաբերված և փորձաքննությանը ներկայացված 0,35 գրամ հաստատուն քաշով նյութը հանդիսանում է ափիոն տեսակի թմրամիջոց: Փորձաքննությանը ներկայացված ներարկիչում առկա 1 մլ ծավալով հեղուկը հանդիսանում է քացախաթթվի անհիդրիդ: Քացախաթթվի անհիդրիդը հանդիսանում է պրեկուրսոր:
Նորիկ Շահինյանի անձնական խուզարկությամբ հայտնաբերված և փորձաքննությանը ներկայացված ներարկիչում առկա 1,2 մլ ծավալով հեղուկը հանդիսանում է քացախաթթվի անհիդրիդ: Քացախաթթվի անհիդրիդը հանդիսանւոմ է պրեկուրսոր:
Ըստ դատաքիմիական փորձաքննության 2010 թվականի սեպտեմբերի 27-ի թիվ 542 Ք եզրակացության, Հայկ Թովմասյանի կողմից ներկայացված 0,52 գրամ հաստատուն չոր քաշով նյութը հանդիսանում է չորացված մարիխուանա տեսակի թմրամիջոց: Փորձաքննությանը ներկայացված ընդհանուր 1,51 գրամ հաստատուն չոր քաշով խառնուրդը հանդիսանում է 1,1 գրամ քաշով չորացված մարիխուանա տեսակի թմրամիջոց և 0,41 գրամ քաշով թութունի մասնիկների խառնուրդ: Թութունի մասնիկները թմրամիջոց չեն հանդիսանում: Փորձաքննությանը ներկայացված 1,3 գրամ հաստատուն քաշով նյութը հանդիսանում է ափիոն տեսակի թմրամիջոց: Փորձաքննությանը ներկայացված 6 մլ ծավալով շագանակագույն հեղուկը հանդիսանում է ացետիլացված ափիոն տեսակի թմրամիջոցի լուծույթ, որում ացետիլացված ափիոնի չոր քաշը կազմում է 0,5328 գրամ: Փորձաքննությանը ներկայացված 6 մլ ծավալով թափանցիկ, դեղնավուն երանգով հեղուկը հանդիսանում էքացախաթթվի անհիդրիդ: Քացախաթթվի անհիդրիդը հանդիսանում է պրեկուրսոր: Փորձաքննությանը ներկայացված թվով 8 բամբակյա խծուծների վրա և բաժակի մեջ առկա են ացետիլացված ափիոն տեսակի թմրամիջոցի հետքեր:
Ըստ դատաքիմիական փորձաքննության 2010 թվականի նոյեմբերի 10-ի թիվ 552 Ք եզրակացության, Մ.Պետրոսյանի, Ա.Վարդանյանի, Ա.Ավետիսյանի և Հ.Թովմասյանի մոտից հայտնաբերված ափիոն տեսակի թմրամիջոցները ըստ արտաքին մորֆոլոգիական հատկանիշների, թմրալկալոիդների քանակական և որակական բաղադրությամբ, մոխրի տոկոսային պարունակությամբ, ինչպես նաև հանքային քիմիական բաղադրությամբ համընկնում են, ուստի հնարավոր է, որ դրանք ունեն ընդհանուր ծագման աղբյուր:
Ըստ տոքսիկոքիմիական փորձաքննությունների 2010 թվականի հոկտեմբերի 6-ի թիվ 0744, 0745, 0746 և 0747 եզրակացությունների, Արման Ալիկի Ավետիսյանի մեզի և 1,5 սմ երկարությամբ մազի փորձանմուշներում հայտնաբերվել են ափիոնի խմբի թմրամիջոցների թմրալկալոիդների հետքեր:
Ալեքսան Ջիվանի Վարդանյանի մեզի և 2,0 սմ երկարությամբ մազի փորձանմուշներում հայտնաբերվել են ափիոնի խմբի թմրամիջոցների թմրալկալոիդների հետքեր:
Մանվել Ալբերտի Պետրոսյանի մոտ 3,0 սմ երկարությամբ մազի փորձանմուշում հայտնաբերվել են ափիոնի խմբի թմրամիջոցների թմրալկալոիդների հետքեր:
Հայկ Վաղինակի Թովմասյանի մեզի և 2,5 սմ երկարությամբ մազի փորձանմուշներում հայտնաբերվել են ափիոնի և կանաբիսի խմբի թմրամիջոցների թմրալկալոիդների հետքեր:

Ըստ դատանարկոլոգիական փորձաքննության 2010 թվականի դեկտեմբերի 23-ի թիվ 370/10 եզրակացության, Ալեքսան Ջիվանի Վարդանյանը տառապում է <<Ափիոնային թմրամոլությամբ>>, հարկադիր բուժման կարիք ունի, որի համար հակացուցումներ չկան:
Ըստ դատանարկոլոգիական փորձաքննության 2010 թվականի դեկտեմբերի 23-ի թիվ 371/10 եզրակացության, Հայկ Վաղինակի Թովմասյանը տառապում է <<Ափիոնային թմրամոլությամբ>>, սակայն հարկադիր բուժումը հակացուցված է <<Աջ թոքի վերին բլթի նորագոյացության>> պատճառով:
Ըստ <<Ղ-Տելեկոմ>> ՓԲԸ-ից ստացված Հայկ Թովմասյանի` 098-96-82-50, Մանվել Պետրոսյանի` 094-67-14-07 և Ալեքսան Վարդանյանի` 094-64-78-55 ու 077-81-15-27 հեռախոսահամարների ելքային ու մուտքային հեռախոսազանգերի վերծանումների և այլ փաստաթուղթ հանդիսաող լազերային մեկ սկավառակի, դրա զննության արձանագրության, 2010 թվականի սեպտեմբերի 24-ին Հ. Թովմասյանը և Մ. Պետրոսյանը, Մ. Պետրոսյանը և Ա. Վարդանյանը, Մ. Պետրոսյանը և Ն. Շահինյանը հեռախոսակապ են հաստատել միմյանց հետ:
Արման Ավետիսյանի անձնական խուզարկությամբ նրա մոտից հայտնաբերված 2 մլ-ոց ներարկիչով 1 մլ ծավածով պրեկուրսոր հանդիսացող քացախաթթվի անհիդրիդը, Մանվել Պետրոսյանի անձնական խուզարկությամբ նրա մոտից հայտնաբերված խոշոր չափի` 0,87 գրամ հաստատուն քաշով ափիոն տեսակի թմրամիջոցը և 2 մլ-ոց ներարկիչով 1 մլ ծավալով պրեկուրսոր հանդիսացող քացախաթթվի անհիդրիդը, Նորիկ Շահինյանի անձնական խուզարկությամբ նրա մոտից հայտնաբերված 5 մլ-ոց ներարկիչով 1,2 մլ ծավալով պրեկուրսոր հանդիսացող քացախաթթվի անհիդրիդը, Հայկ Թովմասյանի ներկայացրած զգալի չափի` 1,62 գրամ հաստատուն քաշով մարիխուանա տեսակի թմրամիջոցը, խոշոր չափի` 0,72 գրամ հաստատուն քաշով ափիոն տեսակի թմրամիջոցը, 10 մլ-ոց ներարկիչով 6 մլ ծավալով ացետիլացված ափիոն տեսակի թմրամիջոցի լուծույթը, որում ացետիլացված ափիոնի չոր քաշը կազմել է խոշոր չափի` 0,5328 գրամ, 10 մլ-ոց ներարկիչով 6 մլ ծավալով պրեկուրսոր հանդիսացող քացախաթթվի անհիդրիդը, ացետիլացված ափիոն տեսակի թմրամիջոցի հետքերով թվով 8 հատ բամբակյա խծուծներն ու բաժակը ճանաչվել են որպես իրեղեն ապացույց:
Այսպիսով դատաքննությամբ և գործով ձեռք բերված ապացույցներով վերաքննիչ դատարանը հաստատված է համարում, որ Հայկ Թովմասյանը իրացրել է խոշոր չափերի թմրամիջոց, ինչպես նաև առանց իրացնելու նպատակի ապօրինաբար պահել խոշոր չափերի թմրամիջոց, պահել և իրացրել պրեկուրսոր, իսկ Ալեքսան Վարդանյանը իրացրել է զգալի չափերի թմրամիջոց, ինչպես նաև առանց իրացնելու նպատակի ապօրինաբար պահել է զգալի քանակությամբ թմրամիջոց և իրացրել պրեկուրսոր, այսինքն` նրանց հանցավոր արարքները համապատասխանաբար ՀՀ քր. օր. 266 հոդ. 2-րդ մասի 2-րդ կետով, 266 հոդ. 4-րդ մասով, 268 հոդ. 2-րդ մասի 2-րդ կետով և 266 հոդ. 1-ին, 4-րդ մասերով, 268 հոդ. 1-ին մասով ճիշտ են որակված:
Ամբաստանյալներ Հայկ Թովմասյանի և Ալեքսան Վարդանյանի կողմից համապատասխանաբար խոշոր և զգալի չափերի թմրամիջոցի, ինչպես նաև պրեկուրսորի իրացումը հիմնավորվում է նաև հետևյալով:
-Մանվել Պետրոսյանի ցուցմունքներով այն մասին, որ 24.09.2010թ-ին 60.000 դրամով ինքը Հայկ Թովմասյանից է գնել ափիոն տեսակի թմրամիջոց և պրեկուրսոր հանդիսացող քացախաթթվի անհիդրիդ:
-Մանվել Պետրոսյանը այդ թմրամիջոցի մի մասը նույն օրը իրացրել է Ալեքսան Վարդանյանին:
-Վերջինս Պետրոսյանից գնած 0,5 գրամ հաստատուն քաշով ափիոնը առանձնացրել է և 0,35 գրամ ափիոնը,, ինչպես նաև 1 մլ քացախաթթվի անհիդրիդը իրացրել-հանձնել է Արման Ավետիսյանին, իսկ 0,15 գրամը` պահել իր մոտ: Ընդ որում, Ալեքսան Վարդանյանը այն Արման Ավետիսյանին է հանձնել շատ կարճ ժամանակահատվածում` մի քանի րոպեի ընթացքում, երբ ավտոմեքենան դեռևս գտնվել է Էրեբունի վարչական շրջանի տարածքում:
-Թմրամիջոցի ձեռքբերման նախաձեռնողը հանդիսացել է հենց Ալեքսան Վարդանյանը, որը նույն օրը երբ Կարենը եկել է իրենից պարտքի գումարը վերցնելու, դրա դիմաց նրան առաջարկել է թմրամիջոց. փաստորեն իր ունեցած 15.000 դրամ պարտքի փոխարեն Ալեքսան Վարդանյանին է իրացրել-հանձնել վերոնշյալ քանակության թմրամիջոցը:
-Համաձայն դատաքիմիական փորձաքննության թիվ 552 Ք եզրակացության, ինչպես Հայկ Թովմասյանի, այնպես էլ մյուսների մոտ հայտնաբերված ափիոն տեսակի թմրամիջոցները ունեն նույն հատկանիշները, պարունակությունն ու բաղադրությունը և կարող են ունենալ ընդհանուր ծագման աղբյուր:
Ամբաստանյալներ Հայկ Թովմասյանի և Ալեքսան Վարդանյանի նկատմամբ պատիժ նշանակելիս Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը հաշվի է առել ինչպես կատարած հանցագործությունների բնույթն ու հանրության համար վտանգավորության աստիճանը, այնպես էլ նրանց անձը բնութագրող տվյալները, որ Ալեքսան Վարդանյանը երիտասարդ է, որպես նրա պատիժը և պատասխանատվությունը մեղմացնող հանգամանք դիտել է խնամքի տակ մինչև 14 տարեկան մեկ երեխայի առկայությունը:
Որպես ամբաստանյալ Հայկ Թովմասյանի պատիժը և պատասխանատվությունը մեղմացնող հանգամանքներ դատարանը դիտել է այն, որ նա տառապում է հետևանքներ տարած նեյրոինֆեկցիայից հետո, խորը ստորին պարապարեզ, ձախ վերին վերջույթի պարեզ, հենաշարժական ֆունկցիայի խիստ խանգարում հիվանդություններով: Վերաքննիչ դատարանն արձանագրում է, որ գործը վերաքննիչ դատարանում քննելու ժամանակ, համաձայն ՀՀ ԲՓԳ-ի թիվ 844884 տեղեկանքի, Հայկ Թովմասյանը ճանչվել է որպես ընդհանուր հիվանդության առաջին խմբի հաշմանդամ:
Որպես ամբաստանյալների պատիժը և պատասխանատվությունը ծանրացնող համգամանք դատարանը դիտել է այն, որ նրանցից յուրաքանչյուրն իրեն մեղսագրված հանցանքները կատարել է թմրամիջոցի ազդեցության տակ:
Նման պայմաններում դատարանը գտել է, որ ամբաստանյալներ Հայկ Թովմասյանը, և Ալեքսան Վարդանյանը իրենց կատարած հանցանքների համար ենթակա են պատժի, որը պետք է կրեն ՀՀ ԱՆ համապատասխան քրեակատարողական հիմնարկում, իսկ նրանցից յուրաքանչյուրի նկատմամբ կիրառված խափանման միջոցը պետք է թողնել անփոփոխ` մինչև դատավճռի օրինական ուժի մեջ մտնելը:


Հաշվի առնելով, որ ըստ ՀՀ Առողջապահության նախարարության <<Հոգեբուժական բժշկական կենտրոն>> ՓԲԸ-ի նարկոլոգիական կլինիկայի դատանարկոլոգիական հանձնաժողովի փորձաքննության 23.12.2010թ-ի թիվ 370/10 եզրակացության, Ալեքսան Վարդանյանը տառապում է ափիոնային թմրամոլությամբ և հարկադիր բուժման կարիք ունի, որի համար հակացուցումներ չկան, դատարանը գտել է, որ ՀՀ քրեական
օրենսգրքի 98-րդ հոդվածի հիման վրա նրա նկատմամբ թմրամոլության դեմ պետք է նշանակել բժշկական բնույթի հարկադրանքի միջոց:
Վերաքննիչ դատարանը հաշվի առնելով նաև, որ Ալեքսան Վարդանյանը նախկինում երկու անգամ դատված է և դատվածությունը մարված չէ, գտնում է, որ նրա նկատմամբ նշանակված պատիժը համապատասխանում է արարքի բնույթին ու ամբաստանյալի անձին:
Քննության առնելով Հայկ Թովմասյանին ՀՀ քր. օր. 79 հոդվածի հիմքով պատժից ազատելուն կամ ՀՀ քր. օր. 64 հոդվածի կիրառմամբ նրա նկատմամբ օրենքով սահմանվածից ավելի մեղմ պատիժ նշանակելուն, վերաքննիչ դատարանն արձանագրում է հետևյալը:
ՀՀ քր. օր. 79 հոդվածի 2-րդ մասի համաձայն` եթե անձը հանցանք կատարելուց կամ դատավճիռ կայացնելուց հետո հիվանդացել է ծանր հիվանդությամբ, որը խոչընդոտում է պատիժը կրելուն, ապա դատարանը կարող է նրան ազատել պատիժը կրելուց` հաշվի առնելով կատարված հանցանքի ծանրությունը, դատապարտյալի անձը, հիվանդության բնույթը և այլ հանգամանքներ:
Ըստ ՀՀ ԲՓԳ-ի թիվ 844884 տեղեկանքի, Հայկ Թովմասյանը առաջին խմբի հաշմանդամ է ճանաչվել ընդհանուր հիվանդության պատճառով, առանց նշելու կոնկրետ հիվանդությունը, որի պայմաններում հնարավոր չէ վերջնական եզրահանգման գալ նրա պատիժը կրելուն խոչընդոտելու վերաբերյալ, իսկ հաշվի առնելով նրա կատարած հանցանքի ծանրությունը և ղեկավարվելով ՀՀ քր. օր. 10, 48, 61 հոդվածների պահանջներով, վերաքննիչ դատարանը հանգում է այն հետևության, որ ՀՀ քր. օր. 70 հոդվածի կիրառմամբ պայմանականորեն ազատազրկման դատապարտելու բավարար հիմքերը բացակայում են և նշանակված պատիժը ամբաստանյալ Թովմասյանը պետք է կրի:
Ինչ վերաբերում է ՀՀ քր. օր. 64 հոդվածի կիրառմամբ Հայկ Թովմասյանի նկատմամբ օրենքով նախատեսվածից ավելի մեղմ պատիժ նշանակելուն, ապա վերաքննիչ դատարանը վերոնշյալ հիմնավորումներով հանգում է այն հետևության, որ գործի կոնկրետ տվյալները հաշվի առնելով` ամբաստանյալ Թովմասյանի` առաջին խմբի հաշմանդամության կարգ ստանալը բացառիկ հանգամանք է, սակայն էականորեն չի նվազեցնում հանցանքի` հանրության համար վտանգավորության աստիճանը և չի կարող հիմք հանդիսանալ նրա նկատմամբ ՀՀ քր. օր. 64 հոդվածը կիրառելու համար:

Ելնելով վերոգրյալից եւ ղեկավարվելով ՀՀ քրեական դատավարության օրենսգրքի 393-394 հ.հ. վերաքննիչ դատարանը

Ո Ր Ո Շ Ե Ց

Հայկ Վաղինակի Թովմասյանի նկատմամբ ՀՀ քր. օր. 266 հոդվածի 2-րդ մասի 2-րդ կետով, 266 հոդվածի 4-րդ մասով, 268 հոդվածի 2-րդ մասի 2-րդ կետով և Ալեքսան Ջիվանի Վարդանյանի նկատմամբ ՀՀ քր. օր. 266 հոդվածի 1-ին և 4-րդ մասերով, 268 հոդվածի 1-ին մասով Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011թ-ի ապրիլի 26-ի դատավճիռը թողնել անփոփոխ, պաշտպանի վերաքննիչ բողոքները` մերժել:
Որոշումը կարող է բողոքարկվել ՀՀ վճռաբեկ դատարանին` հրապարակման օրվանից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ

Իսկականի հետ ճիշտ է`

ՆԱԽԱԳԱՀՈՂ ԴԱՏԱՎՈՐ` Մ.ԱՐՂԱՄԱՆՅԱՆ