Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ա. Աղայան
պաշտպան Ն. Մկրտչյան
թարգման Ռ. Շագինյան
տուժող Ա. Բաղդասարյան


2011 թվականի փետրվարի 1-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Վլադիմեր Արսենի Գավրուշենկոյի, ծնված 18.04.1984թ., ՎՀ Թբիլիսի քաղաքում, ազգությամբ ուկրաինացի, ՎՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատել, հաշվառված և բնակվել է Թբիլիսի քաղաքի 3-րդ զանգվածի ՙԴ՚ թաղամասի 3-րդ մասնաշենքի թիվ 55 բնակարանում, մեղադրվում է ՀՀ քրեական օրենսգրքի 177 հոդվածի 2-րդ մասի 2-րդ, 3-րդ կետերով, 34-177 հոդվածի 2-րդ մասի 3-րդ, 4-րդ կետերով, արգելանքի տակ է 2010 թվականի նոյեմբերի 17-ից,

Պ Ա Ր Զ Ե Ց
1.Գործի դատավարական նախապատմությունը.
2010թ. նոյեմբերի 16-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 34-177 հոդվածի 2-րդ մասի 3-րդ կետի հատկանիշներով հարուցվել է թիվ 14131810 քրեական գործը:
2010թ. նոյեմբերի 19-ին Վլադիմեր Արսենի Գավրուշենկոն ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 3-րդ կետով, նրա նկատմամբ որպես խափանման միջոց ընտրվել է կալանավորումը:
2010թ. դեկտեմբերի 24-ին Վլադիմեր Արսենի Գավրուշենկոյին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 2-րդ, 3-րդ կետերով և 34-177 հոդվածի 2-րդ մասի 3-րդ, 4-րդ կետերով, ընտրված խափանման միջոցը թողնվել է անփոփոխ:
Նախնական քննության մարմնի 2010թ. դեկտեմբերի 27-ի որոշմամբ թիվ 14131810 քրեական գործից մեղադրյալ Վլադիմեր Արսենի Գավրուշենկոյի կողմից ստացված մարմնական վնասվածքների վերաբերյալ մասը կարճվել և որևէ մեկի նկատմամբ քրեական հետապնդում չի իրականացվել` հանցադեպի բացակայության պատճառով:
Նախնական քննության մարմնի 2010թ. դեկտեմբերի 27-ի որոշմամբ թիվ 14131810 քրեական գործից մեղադրյալ Վլադիմեր Արսենի Գավրուշենկոյի նկատմամբ չբացահայտված դրվագներով մասը կարճվել և նրա նկատմամբ քրեական հետապնդում չի իրականացվել` հանցակազմի բացակայության պատճառաբանությամբ:
Վլադիմեր Արսենի Գավրուշենկոյի կողմից գողացված և սեփականատերերը չպարզված` 1 հատ դեղին գույնի մետաղից ոսկու համաձուլվածքից պատրաստված ապարանջանը, 1 հատ դեղին գունի և սպիտակ գույնի մետաղից ոսկու համաձուլվածքից պատրաստված կախազարդը, 1 հատ դեղին գույնի մետաղից ոսկու համաձուլվածքից պատրաստված մատանին, 1 հատ դեղին գույնի մետաղից` ոչ թանկարժեք մետաղների համաձուլվածքից պատրաստված մանյակը, 1 հատ դեղին գույնի մետաղից արծաթի համաձուլվածքով պատրաստված, պատված ոսկու շերտով ապարանջանը` երկնագույն ՙօպալ՚ քարով, 1 հատ դեղին գույնի մետաղից ոսկու համաձուլվածքից պատրաստված շղթան, 1 հատ դեղին և սպիտակ գույնի մետաղից ոսկու համաձուլվածքից պատրաստված մատանին, պահվել են Արաբկիրի քննչական բաժնի իրեղեն ապացույցների սենյակում, մինչև դրանց սեփականատերերի հայտնաբերվելը:
2010թ. դեկտեմբերի 29-ին թիվ 14131810 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2.Գործի փաստական հանգամանքները.
Նախաքննության մարմինն ամբաստանյալ Վլադիմեր Արսենի Գավրուշենկոյին մեղադրանք է առաջադրել հետևյալ արարքի համար.
Վլադիմեր Գավրուշենկոն 2010թ. նոյեմբերի 11-ին, ժամը 830-ից մինչև 1630-ն ընկած ժամանակահատվածում ուրիշի գույքի գաղտնի հափշտակություն` բնակարանային գողություն կատարելու նպատակով գնացել է Արմավիրի մարզի Զվարթնոց թաղամասի Արագածի զանգվածի 17-րդ շենք, պատահականության սկզբունքով ընտրել է նշված շենքի` Աննա Մանուկի Բաղդասարյանի կողմից ժամանակավոր օգտագործման թիվ 77 բնակարանը և տեսնելով, որ նշված բնակարանի մուտքի դռան փականը կարող է բացել, սեղմել է դռան զանգի սեղմակը և համոզվելով, որ բնակարանում մարդ չկա, իր հետ նախապես վերցրած փական բացելու համար նախատեսված հարմարեցված բանալիների և գործիքների գործադրմամբ բացել է մուտքի դուռը, ապօրինի մուտք գործել նշված բնակարան և այնտեղից գաղտնի հափշտակել է մեկ զույգ ոսկյա ականջօղ, երկու հատ կանացի ոսկյա մատանի, երկու հատ ոսկյա ձեռքի թևնոց` 397.500 ՀՀ դրամ արժողությամբ և 175.000 ՀՀ դրամ կանխիկ գումար` Աննա Բաղդասարյանին պատճառելով խոշոր չափի` ընդհանուրը 572.500 ՀՀ դրամի նյութական վնաս:
Բացի այդ, 2010թ. նոյեմբերի 16-ին, ժամը 1630-ի սահմաններում, կրկին անգամ, ուրիշի գույքի գաղտնի հափշտակություն` բնակարանային գողություն կատարելու նպատակով, Վլադիմեր Գավրուշենկոն գնացել է Երևան քաղաքի Մամիկոնյանց փողոցի 6-րդ շենք, պատահականության սկզբունքով ընտրել է նշված շենքի` Սեդա Աղասու Գալստյանին պատկանող թիվ 36 բնակարանը և տեսնելով, որ նշված բնակարանի մուտքի դռան փականը կարող է բացել, սեղմել է դռան զանգի սեղմակը: Բնակարանի դուռը բացել է բնակարանատեր Սեդա Գալստյանը և Վլադիմեր Գավրուշենկոն քողարկելով գողություն կատարելու նպատակը, հարցրել է ինչ-որ անձի մասին և դիմել է փախուստի` հանցագործությունն իր կամքից անկախ հանգամանքներով չհասցնելով ավարտին:
Կրկին անգամ, 2010թ. նոյեմբերի 16-ին, ժամը 1630-ի սահմաններում, ուրիշի գույքի գաղտնի հափշտակություն` բնակարանային գողություն կատարելու նպատակով, Վլադիմեր Գավրուշենկոն գնացել է Երևան քաղաքի Մամիկոնյանց փողոցի 6/1 շենք, պատահականության սկզբունքով ընտրել է նշված շենքի` Ռուբեն Աղաջանի Մեժլումյանին պատկանող թիվ 13 բնակարանը և տեսնելով, որ նշված բնակարանի մուտքի դռան փականը կարող է բացել, սեղմել է դռան զանգի սեղմակը ու համոզվելով, որ բնակարանում մարդ չկա, իր հետ նախապես վերցրած փական բացելու համար նախատեսված հարմարեցված բանալիներով և գործիքներով փորձել է բացել նշված բնակարանի դռան փականը, սակայն զգալով, որ հարկաբաժին մարդ է բարձրանում, դիմել է փախուստի` հանցագործությունն իր կամքից անկախ հանգամանքներով չհասցնելով ավարտին:
Բացի այդ, 2010թ. նոյեմբերի 16-ին, ժամը 1630-ի սահմաններում, կրկին անգամ, ուրիշի գույքի գաղտնի հափշտակություն` բնակարանային գողություն կատարելու նպատակով, Վլադիմեր Գավրուշենկոն գնացել է Երևան քաղաքի Մամիկոնյանց փողոցի 6/1 շենք, պատահականության սկզբունքով ընտրել է նշված շենքի` Կամո Գառնիկի Հարությունյանին պատկանող թիվ 28 բնակարանը և տեսնելով, որ նշված բնակարանի մուտքի դռան փականը կարող է բացել, սեղմել է դռան զանգի սեղմակը ու համոզվելով, որ բնակարանում մարդ չկա, իր հետ նախապես վերցրած փական բացելու համար նախատեսված հարմարեցված բանալիներով և գործիքներով փորձել է բացել նշված բնակարանի դռան փականը, սակայն չկարողանալով այն բացել, դիմել է փախուստի և նույն շենքի մուտքում բռնվել է ոստիկանության աշխատակիցների կողմից` հանցագործությունն իր կամքից անկախ հանգամանքներով չհասցնելով ավարտին:
3. Արագացված դատական քննություն .
Մինչև դատաքննությունն սկսելն ամբաստանյալ Վլադիմեր Արսենի Գավրուշենկոն միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ն.Մկրտչյանը:
Մեղադրող Ա.Աղայանը դատական քննության արագացված կարգ կիրառելուն չառարկեց:
Տուժող Ա.Բաղդասարյանը նույնպես արագացված քննություն կիրառելուն չառարկեց` ամբաստանյալի դեմ ներկայացնելով 175.000 ՀՀ դրամի քաղաքացիական հայցի պահանջ: Ամբաստանյալը քաղաքացիական հայցի դեմ չառարկեց:
Տուժողներ Սեդա Գալստյանը, Ռուբեն Մեժլումյանը, Կամո Հարությունյանը գրավոր դիմում են ներկայացրել դատարան, հայտնելով, որ ամբաստանյալից քաղաքացիական հայցի պահանջ չունեն և չեն առարկում արագացված քննություն կիրառելուն:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Վլադիմեր Արսենի Գավրուշենկոյին առաջադրված մեղադրանքը ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերով, 34-177 հոդվածի 2-րդ մասի 3-րդ և 4-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերի, 34-177 հոդվածի 2-րդ մասի 3-րդ և 4-րդ կետերի հատկանիշներին և արարքի որակումը ճիշտ է:
Ամբաստանյալ Վլադիմեր Գավրուշենկոյի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Վլադիմեր Արսենի Գավրուշենկոն ենթակա է քրեական պատասխանատվության և պատժի:
Դատարանը, հաշվի առնելով Վլադիմեր Արսենի Գավրուշենկոյի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ Վլադիմեր Գավրուշենկոյի նկատմամբ պատիժ պետք է նշանակել ազատազրկման ձևով:
Վլադիմեր Գավրուշենկոյի նկատմամբ վերջնական պատիժ պետք է նշանակել ՀՀ քրեական օրենսգրքի 66 հոդվածով սահմանված` պատիժները մասնակի գումարելու կանոնով, որը նա պետք է կրի:
Ամբաստանյալ Վլադիմեր Գավրուշենկոյի կողմից քաղաքացիական հայցի կամավոր ընդունելու պայմաններում, դատարանը գտնում է, որ Վլադիմեր Գավրուշենկոյի դեմ ներկայացված Աննա Բաղդասարյանի քաղաքացիական հայցի պահանջը պետք է բավարարել և Վլադիմեր Արսենի Գավրուշենկոյից հօգուտ Աննա Մանուկի Բաղդասարյանի, որպես հանցագործությամբ պատճառված վնաս, պետք է բռնագանձել 175.000 ՀՀ դրամ, քանի որ այն չի հակասում օրենքին և չի վերաբերում այլ անձանց իրավունքներին:
Նկատի ունենալով, որ տուժողներ Սեդա Գալստյանը, Ռուբեն Մեժլումյանը, Կամո Հարությունյանը քաղաքացիական հայցի պահանջից հրաժարվել են, դատարանն այդ հարցը համարում է լուծված:
Անդրադառնալով իրեղեն ապացույցների տնօրինման հարցին, դատարանը գտնում է, որ 2010թ. դեկտեմբերի 27-ի որոշմամբ իրեղեն ապացույց ճանաչված և թիվ 14131810 քրեական գործին կցված 8 հատ փական բացելու համար նախատեսված հարմարեցված բանալիները և գործիքները պետք է ոչնչացնել, իսկ 1 հատ դեղին մետաղից ոսկու համաձուլվածքով պատրաստված ապարանջանը, 1 հատ դեղին և սպիտակ գույնի մետաղից ոսկու համաձուլվածքով պատրաստված ապարանջանը, 1 հատ դեղին և սպիտակ գույնի մետաղից 10 հատ անգույն, թափանցիկ ադամադյա քարերով ոսկու համաձուլվածքից պատրաստված մատանին, 1 հատ դեղին և սպիտակ գույնի մետաղից 37 հատ անգույն, թափանցիկ ադամանդյա քարերով ոսկու համաձուլվածքից պատրաստված մատանին, 1 զույգ դեղին և սպիտակ գույնի մետաղից, յուրաքանչյուրի վրա առկա 23 հատ անգույն, թափանցիկ ադամանդյա քարերով ոսկու համաձուլվածքից պատրաստված ականջօղերը պետք է վերադարձնել տուժող Աննա Մանուկի Բաղդասարյանին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Վլադիմեր Արսենի Գավրուշենկոյին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 2-րդ, 3-րդ կետերով և 34-177 հոդվածի 2-րդ մասի 3-րդ, 4-րդ կետերով:
ՀՀ քրեական օրենսգրքի 177 հոդվածի 2-րդ մասի 2-րդ, 3-րդ կետերով նրան դատապարտել ազատազրկման երեք (3) տարի ժամկետով, ՀՀ քրեական օրենսգրքի 34-177 հոդվածի 2-րդ մասի 3-րդ, 4-րդ կետերով` ազատազրկման երկու (2) տարի ժամկետով:
ՀՀ քրեական օրենսգրքի 66 հոդվածի հիման վրա` նշանակված պատիժները մասնակի գումարելու սկզբունքով, Վլադիմեր Արսենի Գավրուշենկոյի նկատմամբ վերջնական պատիժ նշանակել ազատազրկում երեք (3) տարի վեց (6) ամիս ժամկետով:
Պատժի սկիզբը հաշվել 2010 թվականի նոյեմբերի 17-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Վլադիմեր Գավրուշենկոյի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Վլադիմեր Արսենի Գավրուշենկոյից հօգուտ Աննա Մանուկի Բաղդասարյանի, որպես հանցագործությամբ պատճառված վնաս, բռնագանձել (հարյուր յոթանասուն հինգ հազար) 175.000 ՀՀ դրամ:
Տուժողներ Սեդա Գալստյանի, Ռուբեն Մեժլումյանի, Կամո Հարությունյանի քաղաքացիական հայցերի հարցը համարել լուծված:
Դատավճիռն օրինական ուժի մեջ մտնելուց հետո, 2010թ. դեկտեմբերի 27-ի որոշմամբ իրեղեն ապացույց ճանաչված և թիվ 14131810 քրեական գործին կցված` 8 հատ փական բացելու համար նախատեսված հարմարեցված բանալիները և գործիքները ոչնչացնել, իսկ 1 հատ դեղին մետաղից ոսկու համաձուլվածքով պատրաստված ապարանջանը, 1 հատ դեղին և սպիտակ գույնի մետաղից ոսկու համաձուլվածքով պատրաստված ապարանջանը, 1 հատ դեղին և սպիտակ գույնի մետաղից 10 հատ անգույն, թափանցիկ ադամադյա քարերով ոսկու համաձուլվածքից պատրաստված մատանին, 1 հատ դեղին և սպիտակ գույնի մետաղից 37 հատ անգույն, թափանցիկ ադամանդյա քարերով ոսկու համաձուլվածքից պատրաստված մատանին, 1 զույգ դեղին և սպիտակ գույնի մետաղից, յուրաքանչյուրի վրա առկա 23 հատ անգույն, թափանցիկ ադամանդյա քարերով ոսկու համաձուլվածքից պատրաստված ականջօղերը վերադարձնել տուժող Աննա Մանուկի Բաղդասարյանին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ