գործ N ԵԱՔԴ/0206/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

18.02.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Լ.Մխոյանի
Ա.Քոչարյանի
մասնակցությամբ`
մեղադրող Ա.Սեփոյանի
ամբաստանյալ Ռ.Ջանջուղազյանի
տուժողի իրավահաջորդ Ս.Սերգոյանի

Դատարանում, դռնբաց դատական նիստում, քննեց քրեական գործն ըստ մեղադրանքի Ռոբերտ Գուրգենի Ջանջուղազյանի, ծնված 05.01.1957թ. ք.Երևանում, ազգութ¬յամբ հայ, ՀՀ ¬քա¬ղա¬քա¬ցի, ութամյա կրթությամբ, ամուսնացած, չի աշխատում, դատվածություն չունեցող, բնակվել է ք.Երևան, Գալշոյան 12 շենք, բն. 35:
Մեղադրվում է ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով:

Պ Ա Ր Զ Ե Ց

1.Գործի դատավարական նախապատմությունը
2010թ. նոյեմբերի 17-ին Երևան քաղաքի քննչական վարչության ՃՏՀ քննության բաժնի կողմից ՀՀ քրեական օրենսգրքի 242-րդ հոդվածի 2-րդ մասի և 244-րդ հոդվածի հատկանիշներով հարուցվել է թիվ 60128210 քրեական գործը:
2010թ. նոյեմբերի 21-ին Ռ.Ջանջուղազյանը ձերբակալվել է:
2010թ. նոյեմբերի 24-ին Ռոբերտ Ջանջուղազյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով, խափանման միջոց է ընտրվել կալանքը:
2010թ. դեկտեմբերի 28-ին թիվ 60128210 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Ռոբերտ Գուրգենի Ջանջուղազյանին մեղադրանք է առաջադրել այն արարքի համար, որ ՙնա 2010 թվականի նոյեմբերի 17-ինª ժամը 20:00-ի սահմաններում, իր անձնական օգտագործման ՙԼինքոլն Նավիգատոր՚ մակնիշի 06 ՕՏ 613 պ/հ ավտոմեքենայով Երևան քաղաքի Կոմիտաս պողոտայով Դ. Անհաղթ փողոցի կողմից Տիգրանյան փողոցի ուղղությամբ` իր ուղեմասի երրորդ գոտով, շուրջ 40 կմ/ժ արագորթյամբ ընթանալիս, թիվ 63 շենքի դիմացից, իր ընթացքի ուղղության նկատմամբ աջից դեպի ձախ արագ քայլերով պողոտան հատող, իր երթևեկության համար վտանգ առաջացրած հետիոտն Սեդա Վարդանի Սերգոյանին (ծնվ. 1964թ.) ճամփեզրից սկսած նկատելուց հետո, ժամանակին արգելակելու դեպքում մինչ նրան հասնելն ավտոմեքենան կանգնեցնելու տեխնիկական հնարավորություն ունենալով, խախտել է ՃԵԿ-ի 67 կետի պահանջըª ուշացումով է դիմել արգելակման, որի արդյունքում ինքն իրեն զրկելով կանխելու տեխնիկական հնարավորությունից` ավտոմեքենայի առջևի կենտրոնական մասով վրաերթի է ենթարկել նրան և անզգուշությամբ պատճառել մահ, ապա թողնելով ճանապարհատրանսպորտային պատահարի վայրը` հեռացել է՚£

3.Ապացույցների հետազոտում
Առաջադրված մեղադրանքում Ռոբերտ Ջանջուղազյանն իրեն մեղավոր է ճանաչել մասնակիորեն միայն ՀՀ քրեական օրենսգրքի 242-րդ հոդվածի 2-րդ մասով և դատաքննությամբ ըստ էության պնդել է նախաքննական ցուցմունքն այն մասին, որ 2010թ. նոյեմբերի 17-ին, ժամը 20:00-ի սահմաններում, իր անձնական օգտագործման ՙԼինքոլն Նավիգատոր՚ մակնիշի 06 ՕՏ 613 պետհամարանիշիª տեխնիկապես սարքին, առանց բեռի և ուղևորի ավտոմեքենան վարել է Երևան քաղաքի Կոմիտաս պողոտայով Տիգրանյան փողոցի ուղղությամբ, իր ուղեմասի երրորդ գոտով` զույգ հոծ գծերից մոտ 1 մետր հեռավորությամբ, շուրջ 40 կմ/ժամ արագությամբª մոտակա լույսերով£ Հետիոտն Սեդա Վարդանի Սերգոյանին նկատել է թիվ 63 շենքի դիմաց, մայթեզրի մոտից սկսածª իր ընթացքի ուղղության նկատմամբ աջից դեպի ձախ կողմ, արագ քայլերով, ուղիղ անկյան տակ պողոտան հատելիս£ Կարծելով, որ անվտանգ կանցնի շարունակել է նույն արագությամբ երթևեկել£ Ս.Սերգոյանը առանց կանգնելու մայթեզրից նույն տեմպով անցել է շուրջ 7 մետր տարածություն և հայտնվել իր ընթացքագոտում£ Վրաերթից խուսափելու նպատակով կտրուկ արգելակել է ավտոմեքենան և միաժամանակ ձախ մանևրել, սակայն չկարողանալով խուսափել վրաերթից արգելակման և մանևրման սկզբնապահին ավտոմեքենայի առջևի մասով վրաերթի է ենթարկել նրան ու առանց կանգնելու հեռացել է դեպքի վայրից£ Ընթանալով Տիգրանյան փողոցով ավտոմեքենան կանգնեցրել է այնտեղ, ոտքով վերադարձել է դեպքի վայր և լսելով, որ վրաերթի ենթարկվածը մահացել է, հեռացել է£ Իր բջջային հեռախոսով զանգահարել է որդուն` Արտակ Ջանջուղազյանին և հայտնել կատարվածի մասին£ Տանը որդու հետ որոշել են հեռակա կարգով ճշտել տուժողի ինքնությունը` օգնություն ցույց տալու նպատակով: 2010թ. նոյեմբերի 20-ին, երբ իրեն զանգահարել է քրոջ որդին` Վահե Նազարյանը և տեղեկացրել, որ ոստիկանները հետաքրքրվել են վերջինիս վարած մեքենայով, որոշել է ներկայանալ ոստիկանության բաժին£ Շենքի բակում մեքենայի առջևի կենտրոնական մասով ընդհարվել է բակում կայանված ՙԳԱԶ 3102՚ մակնիշի 65 ՕՕ 768 պ/հ-ի ավտոմեքենայի հետևի ձախ անկյանը: Դրանից հետո մեքենան տարել է իր ծանոթ ավտովերանորոգող Ռուբեն Մանուկյանի մոտ և հայտնել, որ ավտովթար է տեղի ունեցել և խնդրել է վերանորոգել այն: 2010թ. նոյեմբերի 21-ին ներկայացել է ոստիկանության Արաբկիրի բաժին և հայտնել կատարվածի մասին:

Ամբաստանյալ Ա.Ջանջաղազյանին վերագրվող արարքը հիմնավորվել է նաև դատաքննությամբ հետազոտված ներքոհիշյալ ապացույցներով.

Վկա Ռոբերտ Ջանջուղազյանի որդի Արտակ Ջանջուղազյանի նախաքննական ցուցմունքով այն մասին, որ հոր հետ բնակվում է միևնույն բնակարանում£ 2010թ. նոյեմբերի 17-ին, ժամը 20:30-ից 21:00-ն ընկած ժամանակահատվածում իր բջջային հեռախոսահամարին է զանգահարել հայրը և հայտնել, որ ՙԼինքոլն Նավիգատոր՚ մակնիշի 06 ՕՏ 613 պետհամարանիշի ավտոմեքենայով վրաերթ է կատարել Կոմիտաս պողոտայի վրա£ Նույն օրը հայրը պատմել է, որ դեպքին նախորդող պահին ավտոմեքենան վարել է Կոմիտաս պողոտայով` Դավիթ Անհաղթ փողոցի կողմից իր ուղեմասի երրորդ գոտով, շուրջ 40 կմ/ժ արագությամբ£ Ընթացքում նկատել է մի կնոջ, որն աջ մայթեզրի մոտից արագ քայլերով հատել է փողոցը դեպի նրա ընթացքագոտի և մտածել է, որ կհասցնի ազատել ճանապարհը: Սակայն երբ այդ կինը հայտնվել է ավտոմեքենայի առջև, ավտոմեքենան մանևրել է ձախ, որի ընթացքում էլ վրաերթի է ենթարկել կնոջը£
Գթ. 69-70

Տուժողի իրավահաջորդի եղբորª Սուրեն Վարդանի Սերգոյանի ցուցմունքով այն մասին, որ 2010թ. նոյեմբերի 17-ինª ժամը 20:10-ի սահմաններում, քրոջ` Սեդա Սերգոյանի բջջային հեռախոսից իր բջջային հեռախոսին է զանգահարել անծանոթ մի կին և հայտնել, որ հեռախոսահամարի տերը Կոմիտաս պողոտայումª ՙԱԼՄ հոլդինգ՚-ի մոտ վրաերթի է ենթարկել: Անմիջապես իր ավտոմեքենայով շտապել է դեպքի վայր և տեսել, որ Կոմիտաս պողոտայի կենտրոնական հատվածում ընկած է Սեդայի դին£ Տեղեկացել է, որ վրաերթ կատարած ավտոմեքենան և վարորդի ինքնությունն անհայտ են£ 2010թ. նոյեմբերի 21-ին ոստիկանությունից տեղեկացել է, որ Սեդային վրաերթի ենթարկող վարորդը` Ռոբերտ Ջանջուղազյանը, ներկայացել է ոստիկանության Արաբկիրի բաժին£ Միաժամանակ հայտնի է դարձել, որ վարորդը վրաերթը կատարել է ՙԼինքոլն Նավիգատոր՚ մակնիշի ավտոմեքենայով: Դրանից հետո վարորդի հարազատները հանդիպել են իրեն, ցավակցել և հոգացել են հուղարկավորության ծախսերը£ Նշել է նաև, որ վարորդ Ռոբերտ Ջանջուղազյանի նկատմամբ բողոք և նյութական պահանջ չունի£

Դեպքի վայրի զննման արձանագրությամբ, որ վրաերթը տեղի է ունեցել Կոմիտաս պողոտայի թիվ 63 շենքի դիմաց£ Հանգուցյալ Ս.Սերգոյանի դիակն ընկած է եղել Կոմիտաս պողոտայից դեպի Դ.Անհաղթ փողոց տանող ուղեմասում` հոծ գծերից 70սմ հեռավորությամբ, ոտքերի մասով դեպի Կոմիտաս 63 շենքը:
Գթ. 2-7

ՙԼինքոլն Նավիգատոր՚ մակնիշի 06 ՕՏ 613 պ/հ ավտոմեքենայի զննման արձանագրությամբ, որ կոտրված է ռադիատորի ծածկոցի դեկորատիվ պլաստմասե դետալներից մեկը և առջևի պահպանիչ վահանի վրա առկա են վերանորոգման բնորոշ հետքեր:
Գթ. 47-48

Ռոբերտ Ջանջուղազյանի մասնակցությամբ դեպքի վայրի լրացուցիչ զննման արձանագրությամբ, ըստ որի Ռոբերտ Ջանջուղազյանը Կոմիտաս պողոտայի թիվ 63 շենքի դիմացª դեպի Տիգրանյան փողոցի կողմը տանող ուղեմասում մատնացույց է կատարել այն ճանապարհահատվածը, որտեղ վրաերթին նախորդող պահին երթևեկել է£ Միաժամանակ մատնացույց է կատարել այն ճանապարհահատվածը, որտեղ դեպքին նախորդող պահին Սեդա Սերգոյանը հատել է փողոցը և վրաերթի ենթարկվել£
Գթ.62-67

Դատահետքաբանական և դատաքիմիական համալիր փորձաքննության եզրակացությամբ այն մասին, որ տուժողի հագուստների և կոշիկների վրա առկա են մեխանիկական վնասվածքներ ու հետքեր, որոնք իրենց բնույթով և համակցությամբ բնորոշ են վրաերթի հետևանքով առաջացող վնասվածքներին ու հետքերին£ ՙԼինքոլն Նավիգատոր՚ մակնիշի 06 ՕՏ 613 պ/հ-ի ավտոմեքենայի շարժիչի ծածկոցի վրա ամրացված դեկորատիվ երեսվածքի, շարժիչի ծածկոցի տակ` առջևի հորիզոնական պանելի վրա հայտնաբերված վնասվածքներն իրենց բնույթով և համակցությամբ կարող էին առաջանալ վրաերթի ընթացքում:
Գթ. 144-157

Դիակի դատաբժշկական փորձաքննության եզրակացությամբ, Սեդա Սերգոյանի մահը պայմանավորված է հայտնաբերված հետևյալ մարմնական վնասվածքներով. սալջարդ, վերք գլխի աջ գագաթային շրջանում, արյունազեղում գլխի մաշկի տակ` աջ կողմնաքունքածոծրակային շրջանում, աջ քունքամկանի արյունզեղում, գանգի թաղանթի և հիմքի ոսկրերի կոտրվածքներ, գլխուղեղի սուբարախնոիդալ և ուղեղանյութի արյունազեղում, կրծքային 8-րդ ողի կոտրվածք` ողնուղեղի ամբողջականության խախտմամբ, որոնք բութ, կոշտ առարկաների ներգործության հետևանք են:
Հայտնաբերվել են նաև ձախից միջին անակային գծով կոտրված 3-4-5-6-7-8-9-10-11-12-րդ, առաջային անութային գծով` 4-5-6-7-րդ, հարողնաշարային գծով 7-8-9-10-11-րդ, աջից հարողնաշարային գծով 6-8-9-րդ կողոսկրերի ուղղակի կոտրվածքներ, երկկողմանի հեմոթորաքս, լյարդի և փայծախի պատռվածքներ, հեմոպերիտոնիում, քերծվածքներ` ձախ հոնքաղեղի միջին մասից 0,5 սմ վեր, քթին աջից, աջ սրունքի վերին երրորդականի առաջային մակերեսին, ձախ ոտնաթաթի առաջային մատի թիկնային մակերեսին, աջ սրունքի դրսային պճեղի շրջանում, աջ ոտնաթաթի դրսային մակերեսին, ձախ ազդրի միջին երրորդականի հետին մակերեսի մկանների հաստության արյունազեղում, որոնք հետևանք են բութ, կոշտ առարկաների ներգործության, չեն գտնվում պատճառական կապի մեջ մահվան հետ և նման վնասվածքները կենդանի անձանց մոտ ունեն առողջության ծանր վնասի հատկանիշներ: Ելնելով վնասվածքների տեղակայումից և բնույթից կարելի է ասել, որ առաջնային տրավմատիկ հարվածը հասցվել է ձախ ազդրի հետին կողմնային մակերեսին:
Գթ. 138-142

Դատաավտոտեխնիկական փորձագետի 226ա եզրակացությամբ, ըստ որի առաջադրված պայմաններում վարորդ Ռոբերտ Գուրգենի Ջանջուղազյանը վրաերթը կանխելու տեխնիկական հնարավորություն է ունեցել և իր երթևեկության համար վտանգի առաջացման սկզբնապահից, երթևեկության անվտանգությունն ապահովելու և դեպի իր վարած մեքենայի ընթացքագոտին շարժվող հետիոտնի նկատմամբ վրաերթը կանխելու համար պետք է տեխնիկական տեսակետից ժամանակին արգելակելով դանդաղեցներ իր վարած ավտոմեքենայի ընթացքն այն հաշվով, որպեսզի ընթացքի դանդաղեցման կամ ավտոմեքենան կանգնեցնելու միջոցով հնարավորություն տար կնոջը դուրս գալ իր երթևեկության համար վտանգավոր գոտուց, ինչի տեխնիկական հնարավորությունն ունեցել է, սակայն խախտելով ՃԵԿ¬ի 67 կետի պահանջըª ուշացած դիմել է արգելակման, դրանով իսկ պայմանավորել է տվյալ վրաերթի առաջացումը, ինքն իրեն զրկելով այն կանխելու տեխնիկական հնարավորությունից£
Գթ. 85-88

Դատարանը գտնում է, որ գործով անթույլատրելի և ոչ վերաբերելի ապացույցներ չկան:
4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, հանգում է հետևության, որ ամբաստանյալ Ռոբերտ Ջանջուղազյանի մեղավորությունը ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով նախատեսված հանցանքներ կատարելու մեջ ապացուցված է, որի համար նա ենթակա է քրեական պատասխանատվության և պատժի:
Ամբաստանյալի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև ամբաստանյալի անձը բնութագրող տվյալները:
Ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա ընդունել է մեղքը և անկեղծորեն զղջում է կատարած արարքի համար, բնութագրվում է դրական, հոգացել է հանգուցյալի հուղարկավորության ծախսերը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց ճանաչված Սեդա Սերգոյանի հագուստները պետք է վերադարձնել տուժողի իրավահաջորդ Սուրեն Սերգոյանին:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-րդ, 373-րդ, 379-րդ հոդվածներով, դատարանը
Վ Ճ Ռ Ե Ց

Ռոբերտ Գուրգենի Ջանջուղազյանին մեղավոր ճանաչել ՀՀ քրեական օրենսգրքի 242-րդ հոդվածի 2-րդ մասով և 244-րդ հոդվածով:
ՀՀ քրեական օրենսգրքի 242-րդ հոդվածի 2-րդ մասով նրա նկատմամբ պատիժ նշանակել ազատազրկում 2 /երկու/ տարի 6 /վեց/ ամիս ժամկետով` զրկելով տրասնպորտային միջոցներ վարելու իրավունքից 1 (մեկ) տարի ժամկետով,
ՀՀ քրեական օրենսգրքի 244-րդ հոդվածով նրա նկատմամբ պատիժ նշանակել ազատազրկում 6 /վեց/ ամիս ժամկետով` զրկելով տրասնպորտային միջոցներ վարելու իրավունքից 1 (մեկ) տարի ժամկետով:
ՀՀ քրեական օրենսգրքի 66-րդ հոդվածի կանոններով` Ռոբերտ Ջանջուղազյանի նկատմամբ վերջնական պատիժ նշանակել ազատազրկում 3 /երեք/ տարի ժամկետով` զրկելով տրասնպորտային միջոցներ վարելու իրավունքից 2 (երկու) տարի ժամկետով:
Պատժի սկիզբը հաշվել 2010թ. նոյեմբերի 21-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Գործով իրեղեն ապացույց ճանաչված Սեդա Սերգոյանի հագուստները վերադարձնել տուժողի իրավահաջորդ Սուրեն Սերգոյանին:
Ռոբերտ Ջանջուղազյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: