Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ա. Աղայան
պաշտպան Ա. Քարամյան
տուժող Ա. Ավետիսյան

2011 թվականի փետրվարի 9-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Լյուդվիգ Աղաբեկի Սարգսյանի, ծնված 05.02.1988թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, աշխատել է ՙԱրմենթել՚ ՓԲԸ-ում որպես բանվոր, նախկինում չդատված, հաշվառված և բնակվել է Երևան քաղաքի Դ.Վարուժան փողոցի 52 տանը, մեղադրվում է ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, արգելանքի տակ է 2010 թվականի հոկտեմբերի 24-ից,

Պ Ա Ր Զ Ե Ց
1.Գործի դատավարական նախապատմությունը.
2010թ. հոկտեմբերի 24-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով հարուցվել է թիվ 14130210 քրեական գործը:
2010թ. հոկտեմբերի 26-ին Լյուդվիգ Աղաբեկի Սարգսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, նրա նկատմամբ որպես խափանման միջոց ընտրվել է կալանավորումը:
2010թ. նոյեմբերի 1-ին Ռոբերտ Լավրենտի Սարգսյանը ներգրավվել է որպես մեղադրյալ` ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, որպես խափանման միջոց ընտրվել է կալանավորումը և հայտարարվել հետախուզում:
2010թ. դեկտեմբերի 8-ին Ռոբերտ Լավրենտի Սարգսյանին առաջադրված մեղադրանքը փոփոխվել, լրացվել և նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, ընտրված խափանման միջոցը թողնվել է անփոփոխ:
2010թ. դեկտեմբերի 9-ին նախնական քննության մարմնի որոշմամբ Ռոբերտ Սարգսյանի կողմից ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերի հատկանիշներով հանցագործություն` մի խումբ անձանց կողմից բնակարան ապօրինի մուտք գործելու միջոցով գողության փորձ կատարելու վերաբերյալ թիվ 14130210 քրեական գործից մասն անջատվել և անջատված մասին շնորհվել է թիվ 14133510 համարը:
2010թ. դեկտեմբերի 10-ին Լյուդվիգ Աղաբեկի Սարգսյանին առաջադրված մեղադրանքը փոփոխվել, լրացվել և նրան նոր մեղադրանք է առաջադրվել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով, ընտրված խափանման միջոցը թողնվել է անփոփոխ:
2010թ. դեկտեմբերի 16-ին թիվ 14130210 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2.Գործի փաստական հանգամանքները.
Նախաքննության մարմինն ամբաստանյալ Լյուդվիգ Աղաբեկի Սարգսյանին մեղադրանք է առաջադրել հետևյալ արարքի համար.
Լյուդվիգ Սարգսյանը և Ռոբերտ Լավրենտի Սարգսյանը նախապես հանցավոր համաձայնության գալով, գողություն կատարելու դիտավորությամբ 2010 թվականի հոկտեմբերի 24-ին, ժամը 0500-ի սահմաններում տեխնիկական միջոցների գործադրմամբ բաց պատշգամբի դռան ճաղավանդակը պոկելու և ապակին կոտրելու միջոցով ապօրինի մուտք են գործել Երևան քաղաքի Ա.Խաչատրյան փողոցի 11 շենքի Արտուշ Գեորգիի Ավետիսյանին պատկանող թիվ 2-րդ բնակարան և այնտեղից գաղտնի հափշտակել են 23.000 ՀՀ դրամ ընդհանուր արժողությամբ մեկ հատ կրակայրիչ և մեկ հատ հուշանվեր դանակ, սակայն հանցագործությունն ավարտին չի հասցվել, քանի որ Լյուդվիգ Սարգսյանը բռնվել է հակաառևանգման ձայնաազդանշանային համակարգի միանալու հետևանքով դեպքի վայր ժամանած ոստիկանության աշխատակիցների կողմից, իսկ Ռոբերտ Սարգսյանը դիմել է փախուստի:
3. Արագացված դատական քննություն .
Մինչև դատաքննությունն սկսելն ամբաստանյալ Լյուդվիգ Աղաբեկի Սարգսյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Ա.Քարամյանը:
Մեղադրող Ա.Աղայանը դատական քննության արագացված կարգ կիրառելուն չառարկեց:
Տուժող Ա.Ավետիսյանը նույնպես արագացված քննություն կիրառելուն չառարկեց, հայտնելով նաև, որ ամբաստանյալից նյութական պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Լյուդվիգ Աղաբեկի Սարգսյանին առաջադրված մեղադրանքը ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերի հատկանիշներին և արարքի որակումը ճիշտ է:
Ամբաստանյալ Լյուդվիգ Սարգսյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, բնութագրվում է դրական, աջակցել է խմբակային հանցագործության մյուս մասնակցին բացահայտելուն:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Լյուդվիգ Աղաբեկի Սարգսյանը ենթակա է քրեական պատասխանատվության և պատժի:
Դատարանը, հաշվի առնելով Լյուդվիգ Աղաբեկի Սարգսյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ պատժի նպատակներին հասնելու համար Լյուդվիգ Սարգսյանի նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական օրենսգրքի 64 հոդվածի 1-ին մասի համաձայն, հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսված է այդ հոդվածով:
Թվարկված մեղմացնող հանգամանքների համակցությունը դատարանը դիտում է որպես բացառիկ հանգամանք և գտնում է, որ Լյուդվիգ Սարգսյանի նկատմամբ ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով նախատեսված արարք կատարելու համար կարող է նշանակվել ՀՀ քրեական օրենսգրքի 177 հոդվածի 2-րդ մասի սանկցիայով նախատեսված պատժի նվազագույն չափից ավելի ցածր պատիժ, այսինքն` կիրառելի է ՀՀ քրեական օրենսգրքի 64 հոդվածը:
Նկատի ունենալով, որ տուժող Արտուշ Գեորգիի Ավետիսյանը քաղաքացիական հայցի պահանջից հրաժարվեց, դատարանն այդ հարցը համարում է լուծված:
Անդրադառնալով իրեղեն ապացույցների տնօրինման հարցին, դատարանը գտնում է, որ 2010թ. դեկտեմբերի 9-ի որոշմամբ իրեղեն ապացույց ճանաչված մեկ հատ կրակայրիչը և մեկ հատ հուշանվեր դանակը պետք է վերադարձնել տուժող Արտուշ Գեորգիի Ավետիսյանին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Լյուդվիգ Աղաբեկի Սարգսյանին մեղավոր ճանաչել ՀՀ քրեական օրենսգրքի 34-177 հոդվածի 2-րդ մասի 1-ին և 3-րդ կետերով և ՀՀ քրեական օրենսգրքի 64 հոդվածի կիրառմամբ նրան դատապարտել ազատազրկման մեկ (1) տարի ժամկետով:
Պատժի սկիզբը հաշվել 2010 թվականի հոկտեմբերի 24-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Լյուդվիգ Սարգսյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Տուժող Արտուշ Ավետիսյանի քաղաքացիական հայցի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց ճանաչված մեկ հատ կրակայրիչը և մեկ հատ հուշանվեր դանակը վերադարձնել տուժող Արտուշ Ավետիսյանին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ