գործ N ԵԱՔԴ/0198/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ռ. Խաչատրյան
պաշտպան Է. Աղաջանյան
տուժողներ Գ. Դանիելյան, Ա.Գրիգորյան

2011 թվականի փետրվարի 3-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի`
1. Սասուն Սպարտակի Դավթյանի, ծնված 12.02.1984թ., Իջևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին 3 անձ, նախկինում չդատված, չի աշխատել, հաշվառված է Տավուշի մարզի Իջևան քաղաքի Մայիսի 28 փողոցի 35 տանը, բնակվել է Երևան քաղաքի Ավանի Նարեկացի թաղ. 41 շենքի 92 բնակարանում, մեղադրվում է ՀՀ քրեական օրենսգրքի 316 հոդվածի 1-ին մասով, արգելանքի տակ է 2010 թվականի նոյեմբերի 1-ից,
2. Արտեմ Ռոբերտի Չիբուխչյանի, ծնված 16.10.1983թ., Աբովյան քաղաքում, ազգությամբ հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, նախկինում չդատված, չի աշխատել, հաշվառված է Տավուշի մարզի Ենոքավան գյուղում, բնակվել է Կոտայքի մարզի Առինջ գյուղի ՙԳազ՚ բանավանում, մեղադրվում է ՀՀ քրեական օրենսգրքի 316 հոդվածի 1-ին մասով, արգելանքի տակ է 2010 թվականի նոյեմբերի 1-ից,

Պ Ա Ր Զ Ե Ց
1.Գործի դատավարական նախապատմությունը.
2010թ. նոյեմբերի 2-ին ՀՀ ոստիկանության Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 316 հոդվածի 1-ին մասի հատկանիշներով հարուցվել է թիվ 09122910 քրեական գործը:
2010թ. նոյեմբերի 4-ին Սասուն Սպարտակի Դավթյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 316 հոդվածի 1-ին մասով, նրա նկատմամբ որպես խափանման միջոց կիրառվել է կալանավորումը:
2010թ. նոյեմբերի 4-ին Արտեմ Ռոբերտի Չիբուխչյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 316 հոդվածի 1-ին մասով, նրա նկատմամբ որպես խափանման միջոց կիրառվել է կալանավորումը:
2010թ. դեկտեմբերի 8-ին որոշում է կայացվել թիվ 09122910 քրեական գործով Գևորգ Բաղդասարի Դանիելյանի և Արմեն Հովսեփի Գրիգորյանի նկատմամբ քրեական հետապնդում չիրականացնել` վնաս պատճառած արարքը քրեական օրենքով իրավաչափ համարվելու պատճառաբանությամբ:
2010թ. դեկտեմբերի 14-ին թիվ 09129910 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալներ Սասուն Սպարտակի Դավթյանին և Արտեմ Ռոբերտի Չիբուխչյանին մեղադրանք է առաջադրել հետևյալ արարքների համար.
Սասուն Դավթյանը 2010 թվականի նոյեմբերի 1-ին, ժամը 2020-ի սահմաններում, ոչ սթափ վիճակում վարելով իր կողմից շահագործվող ՙՎԱԶ 2107՚ մակնիշի Լ0473 պետհամարանիշի ավտոմեքենան, Երևան քաղաքի Պ.Սևակի փողոցի վրա, հատելով հոծ գծերը, կատարել է ետդարձ, թույլ տալով ճանապարհային երթևեկության կանոնների խախտում: Նկատելով այդ խախտումը, ՀՀ ոստիկանության ճանապարհային ոստիկանության 1-ին սպայական գումարտակի 2-րդ վաշտի 2-րդ դասակի աշխատակիցներ Գևորգ Դանիելյանը և Արմեն Գրիգորյանը, ճանապարհային ոստիկանության պարեկային ՙՏոյոտա՚ մակնիշի 715ՈՍ01 պետհամարանիշի ավտոմեքենայով հետապնդել և Ռուբինյանց փողոցում կանգնեցրել են Սասուն Դավթյանին ու ցանկացել արձանագրել վերջինիս կողմից թույլ տրված ճանապարհային երթևեկության կանոնների խախտումը: Սասուն Դավթյանը սկզբում հրաժարվել է ներկայացնել իր և ավտոմեքենայի փաստաթղթերը, իսկ այնուհետև վիճաբանության մեջ է մտել իրենց ծառայողական պարտականությունները կատարող իշխանության ներկայացուցիչներ Գևորգ Դանիելյանի և Արմեն Գրիգորյանի հետ, հայհոյել ու իրեն միացած, ալկոհոլային հարբածության վիճակում գտնվող Արտեմ Չիբուխչյանի հետ քաշքշել և հարվածել նրանց` կյանքի և առողջության համար ոչ վտանգավոր բռնություն գործադրելով նրանց նկատմամբ:
3. Արագացված դատական քննություն .
Մինչև դատաքննությունն սկսելն ամբաստանյալներ Սասուն Սպարտակի Դավթյանը և Արտեմ Ռոբերտի Չիբուխչյանը միջնորդել են դատական քննությունն անցկացնել արագացված կարգով և հայտարարել, որ առաջադրված մեղադրանքն իրենց պարզ է, համաձայն են իրենց առաջադրված մեղադրանքին, գիտակցում են արագացված կարգով դատական քննություն անցկացնելու բնույթն ու հետևանքները, միջնորդությունը ներկայացրել են կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալների պաշտպան Է.Աղաջանյանը:
Մեղադրող Ռ.Խաչատրյանը դատական քննության արագացված կարգ կիրառելուն չի առարկել:
Արագացված քննություն կիրառելուն չեն առարկել նաև տուժողներ Գ.Դանիելյանը և Ա.Գրիգորյանը, հայտարարելով նաև, որ ամբաստանյալներից քաղաքացիական հայցի պահանջ չունեն:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սասուն Սպարտակի Դավթյանին առաջադրված մեղադրանքը ՀՀ քրեական օրենսգրքի 316 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 316 հոդվածի 1-ին մասի հատկանիշներին և արարքի որակումը` ճիշտ է:
Ամբաստանյալ Արտեմ Ռոբերտի Չիբուխչյանին առաջադրված մեղադրանքը ՀՀ քրեական օրենսգրքի 316 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 316 հոդվածի 1-ին մասի հատկանիշներին և արարքի որակումը` ճիշտ է:
Ամբաստանյալներ Սասուն Սպարտակի Դավթյանի և Արտեմ Ռոբերտի Չիբուխչյանի նկատմամբ պատիժ նշանակելիս, դատարանը հաշվի է առնում նրանց կատարած արարքի հանրության համար վտանգավորության աստիճանը, ինչպես նաև հանցավորների անձը:
Որպես ամբաստանյալ Սասուն Դավթյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, հայրը մահացած է, մայրը հոգեկան հիվանդ է, նրա խնամքին են գտնվում թոշակառու տատն ու պապը և դպրոցահասակ եղբայրը, բնութագրվում է դրական:
Որպես ամբաստանյալ Սասուն Դավթյանի պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը:
Որպես ամբաստանյալ Արտեմ Չիբուխչյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, հայրը մահացած է, բնութագրվում է դրական:
Որպես ամբաստանյալ Արտեմ Չիբուխչյանի պատասխանատվությունը և պատիժը ծանրացնող հանգամանք դատարանը դիտում է հանցանքն ալկոհոլի ազդեցության տակ կատարելը:
Կատարած արարքների համար ամբաստանյալներ Սասուն Սպարտակի Դավթյանը և Արտեմ Ռոբերտի Չիբուխչյանը ենթակա են քրեական պատասխանատվության և պատժի:
Դատարանը, հաշվի առնելով ամբաստանյալների կատարած արարքի հանրության համար վտանգավորության աստիճանը և բնույթը, նրանց անձը, նրանց դրականորեն բնութագրող տվյալները, պատասխանատվությունը և պատիժը մեղմացնող ու ծանրացնող հանգամանքները, ինչպես նաև այն, որ ՀՀ քրեական օրենսգրքի 316 հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ նրանց նկատմամբ պատիժ պետք է նշանակել ազատազրկման ձևով, որը նրանք պետք է կրեն:
Դատարանը գտնում է, որ պատիժը կրելու սկիզբը պետք է հաշվել 2010 թվականի նոյեմբերի 1-ից, քանի որ ամբաստանյալները ոստիկանության բաժին են տարվել 2010 թվականի նոյեմբերի 1-ին, ժամը 2050-ին:
Նկատի ունենալով, որ տուժողներ Գևորգ Դանիելյանը և Արմեն Գրիգորյանը հրաժարվել են քաղաքացիական հայցի պահանջ ներկայացնելուց, դատարանն այդ հարցը համարում է լուծված:
Դատարանն անդրադառնալով իրեղեն ապացույցների տնօրինման հարցին, գտնում է, որ 2010 թվականի դեկտեմբերի 8-ի որոշմամբ իրեղեն ապացույց ճանաչված ոստիկանական համազգեստի բաճկոնը պետք է վերադարձնել տուժող Գևորգ Դանիելյանին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Սասուն Սպարտակի Դավթյանին մեղավոր ճանաչել ՀՀ քրեական օրենսգրքի 316 հոդվածի 1-ին մասով և նրան դատապարտել ազատազրկման մեկ (1) տարի ժամկետով:
Պատժի սկիզբը հաշվել 2010 թվականի նոյեմբերի 1-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Սասուն Դավթյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Արտեմ Ռոբերտի Չիբուխչյանին մեղավոր ճանաչել ՀՀ քրեական օրենսգրքի 316 հոդվածի 1-ին մասով և նրան դատապարտել ազատազրկման մեկ (1) տարի ժամկետով:
Պատժի սկիզբը հաշվել 2010 թվականի նոյեմբերի 1-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արտեմ Չիբուխչյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Տուժողներ Գևորգ Դանիելյանի և Արմեն Գրիգորյանի քաղաքացիական հայցերի հարցը համարել լուծված:
Դատավճիռն օրինական ուժի մեջ մտնելուց հետո իրեղեն ապացույց ճանաչված ոստիկանական համազգեստի բաճկոնը վերադարձնել Գևորգ Դանիելյանին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ