գործ No ԵԱՔԴ/0189/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

13.12.2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Լ.Մխոյանի
մասնակցությամբ`
մեղադրող Լ.Մանուկյանի
ամբաստանյալ Գ.Հակոբյանի
պաշտպան Հ.Գրիգորյանի

2010թ. դեկտեմբերի 13-ին, դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի Գուրգեն Հրաչիկի Հակոբյանի /ծնված 07.08.1976թ., ք.Երևան, ազգությամբ հայ, ՀՀ քաղաքացի, բարձրագույն կրթությամբ, ամուսնացած,խնամքին չորս անձ, չի աշխատում, նախկինում չդատված, հաշվառված և բնակվում է ք.Երևան, Ա.Ահարոնյան փ., 14շ., 14բն./:
Մեղադրվում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով:

Պ Ա Ր Զ Ե Ց

1.Գործի դատավարական նախապատմությունը
2010թ. հոկտեմբերի 03-ին ՀՀ ոստիկանության Երևան քաղաքի քննչական վարչության Արաբկիրի քննչական բաժնում ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներով հարուցվել է թիվ 14130710 քրեական գործը:
2010թ. նոյեմբերի 07-ին Գուրգեն Հակոբյանը ձերբակալվել է:
2010թ. նոյեմբերի 10-ին Գուրգեն Հակոբյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և խափանման միջոց է ընտրվել կալանավորումը:
2010թ. նոյեմբերի 25-ին թիվ 14130710 քրեական գործից Գ.Հակոբյանի վերաբերյալ մաս է անջատվել և անջատված մասին շնորհվել է 14132410 հերթական համարը:
2010թ. դեկտեմբերի 02-ին թիվ 14132410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Գուրգեն Հակոբյանին մեղադրանք է
առաջադրել այն արարքի համար, որ նա 2010թ. նոյեմբերի 07-ին ժամը 21:30-ի սահմաններում ք.Երևանի Բաղրամյան պողոտայի 2 հասցեից թմրամիջոցներ պահելու կասկածանքով բերման է ենթարկվել ՀՀ ոստիկանության Արաբկիրի բաժին և անձնական խուզարկությամբ նրա մոտ հայտնաբերվել է զգալի չափի` 0,627 գրամ ՙՄարիխուաննա՚ տեսակի թմրամիջոց, իսկ նրա` ք.Երևան, Ա.Ահարոնյան փ. 14 շենքի 14 բնակարանի խուզարկության արդյունքում, բնակարանի պատշգամբում գտնվող պահարանից, խոհանոցում գտնվող սառնարանից, ինչպես նաև ննջարանում գտնվող գրասեղանի դարակից հայտնաբերվել և առգրավվել է վերջինիս պատկանող 16 տուփ ՙՄարիխուաննա՚ տեսակի թմրամիջոցի սերմեր, թմրամիջոցը գործածելու համար մուշտուկներ և առանձին-առանձին տարբեր քաշերով, ապակյա տարաների, պոլիէթիլենային տոպրակների և երկու ծխախոտատուփերի մեջ փաթեթավորված խոշոր չափ հանդիսացող, ընդհանուրը 196,208 գրամ ՙՄարիխուաննա՚ տեսակի թմրամիջոց:

3. Արագացված դատական քննություն
Մինչև դատաքննությունն սկսելն ամբաստանյալ Գուրգեն Հակոբյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Հ.Գրիգորյանը
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գուրգեն Հակոբյանին առաջադրված մեղադրանքը ՀՀ քրեական օրենսգրքի 268-րդ հոդվածի 2-րդ մասի 2-րդ կետով հիմնավորված է: Նրա կատարած արարքը համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներին: Կատարած արարքի համար Գ.Հակոբյանը ենթակա է քրեական պատասխանատվության և պատժի:
Գուրգեն Հակոբյանի նկատմամբ պատիժ նշանակելիս դատարանը հաշվի է առնում կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը բնութագրող տվյալները:
Ամբաստանյալ Գուրգեն Հակոբյանի պատասխանատվությունը և պատիժը մեղմացնող, ինչպես նաև անձը բնութագրող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել, բնութագրվում է դրական, խնամքին են գտնվում թոշակառու մայրը, կինը և 2008թ. ու 2010թ. ծնված երկու մանկահասակ երեխաները, ունի բնածին սրտի արատ:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով իրեղեն ապացույցների տնօրինման հարցին, դատարանը գտնում է, որ գործով իրեղեն ապացույց հանդիսացող 196,835 գրամ ՙՄարիխուաննա՚ տեսակի թմրամիջոցը, ՙՄարիխուաննա՚ տեսակի թմրամիջոցի հետքերով երեք ծխամորճները, թմրամիջոցը մանրացնելու համար նախատեսված ՙՄարիխուաննա՚ տեսակի թմրամիջոցի հետքերով գործիքը և 16 տուփ ՙՄարիխուաննա՚ տեսակի թմրամիջոցի սերմերը, ՙՄարիխուաննա՚ տեսակի թմրամիջոցի հետքեր պարունակող երկու ծխախոտատուփերը և երկու ծաղկամանները, պետք է ոչնչացնել:
Ղեկավարվելով ՀՀ քրեական դատավարության օրենսգրքի 119-րդ, 357-360, 3753 և 3754 հոդվածներով, դատարանը

Վ Ճ Ռ Ե Ց

Գուրգեն Հրաչիկի Հակոբյանին մեղավոր ճանաչել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և նրա նկատմամբ պատիժ նշանակել ազատազրկում 6 /վեց/ ամիս ժամկետով:
Պատիժը պետք է կրի համապատասխան քրեակատարողական հիմնարկում:
Պատժի սկիզբը հաշվել 2010թ. թվականի նոյեմբերի 07-ից:
Գործով իրեղեն ապացույց հանդիսացող 196,835 գրամ ՙՄարիխուաննա՚ տեսակի թմրամիջոցը, ՙՄարիխուաննա՚ տեսակի թմրամիջոցի հետքերով երեք ծխամորճները, թմրամիջոցը մանրացնելու համար նախատեսված ՙՄարիխուաննա՚ տեսակի թմրամիջոցի հետքերով գործիքը, 16 տուփ ՙՄարիխուաննա՚ տեսակի թմրամիջոցի սերմերը, ՙՄարիխուաննա՚ տեսակի թմրամիջոցի հետքեր պարունակող երկու ծխախոտատուփերը և երկու ծաղկամանները, ոչնչացնել:
Գուրգեն Հակոբյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը, բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: