գործ N0 /ԵԱՔԴ /0185/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

03.03.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը

նախագահությամբ` դատավոր Ա.Մկրտչյանի
քարտուղարությամբ` Մ.Հայրապետյանի
Լ.Մխոյանի
Ա.Քոչարյանի
մասնակցությամբ`
մեղադրող Գ.Լյուդվիգյանի
ամբաստանյալ Ա.Թաթուլյանի
պաշտպան Ա.Հարությունյանի
տուժողներ Վ.Աբրահամյանի
Ա.Փութուլյանի
Դատարանում, դռնբաց դատական նիստում քննեց քրեական գործն ըստ մեղադրանքի` Արթուր Վեսմիրի Թաթուլյանի, ծնված 11.08.1965թ., ք.Երևան, ՀՀ քաղաքացի, միջնակարգ կրթությամբ, ամուսնալուծված, չի աշխատում, նախկինում չդատված, հաշվառված ք. Երևան, Մամիկոնյանց 49/1շ., բն.18:
Մեղադրվում է ՀՀ քրեական օրենսգրքի 178-րդ հոդվածի 3-րդ մասի 1-ին կետով:

Գործի դատավարական նախապատմությունը
10.02.2010թ. Երևան քաղաքի քննչական վարչությունում հարուցվել է թիվ 59101910 քրեական գործը:
26.02.2010թ. Արթուր Թաթուլյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 177-րդ հոդվածի 1-ին մասով, խափանման միջոց է ընտրվել կալանքը և հայտարարվել հետախուզում:
26.02.2010թ. որոշում է կայացվել Արթուր Թաթուլյանին ՀՀ քրեական օրենսգրքի 178-րդ հոդվածի 3-րդ մասի 1-ին կետով և 177-րդ հոդվածի 1-ին մասով, 19.05.2010թ. Աննա Ռազմիկի Բաղդասարյանինª ՀՀ քրեական օրենսգրքի 178-րդ հոդվածի 3-րդ մասի 1-ին կետով, 20.05.2010թ. Լևոն Հայկազի Առաքելյանինª ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ի մասով որպես մեղադրյալներ ներգրավելու մասին:
23.06.2010թ. Աննա Բաղդասարյանի մասով քրեական գործը մեղադրական եզրակացությամբ ուղարկվել է դատարան, իսկ 26.02.2010թ. Ա.Թաթուլյանի և 20.05.2010թ. Լ.Առաքելյանի նկատմամբ հայտարարվել է հետախուզում:
29.06.2010թ. թիվ 59101910 քրեական գործի վարույթը կասեցվել է:
21.04.2010թ. Արթուր Թաթուլյանը հայտնաբերվել և ձերբակալվել է:
05.10.2010թ. քրեական գործի կասեցված վարույթը վերսկսվել է և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 177-րդ հոդվածի 1-ին մասով:
05.10.2010թ. Արթուր Թաթուլյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով և 177-րդ հոդվածի 1-ին մասով:
18.11.2010թ. որոշում է կայացվել Արթուր Թաթուլյանի նկատմամբª ՀՀ քրեական օրենսգրքի 177-րդ հոդվածի 1-ին մասով, քրեական հետապնդում չիրականացնելու մասին և նույն օրը նրա նկատմամբ առաջադրված մեղադրաքը փոփոխվել է և նոր մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով:
22.11.2010թ. որոշում է կայացվել թիվ 59101910 քրեական գործից Արթուր Թաթուլյանի վերաբերյալ մաս անջատելու և թիվ 59101910/2 գործի նախաքննությունը շարունակելու մասին:
2010 թվականի նոյեմբերի 11-ին թիվ 59101910/2 քրեական գործը մեղադրական եզրակացությամբ ուղարկվել է Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

Գործի փաստական հանգամանքները
Նախաքննության մարմինն ամբաստանյալ Արթուր Վեսմիրի Թաթուլյանին մեղադրանք է առաջադրել այն արարքի համար, որ ՙնա գումարներ հափշտակելու նպատակով, առանձնապես խոշոր չափերի խարդախություն կատարելու դիտավորությամբ, 2009թ. նոյեմբերի վերջերին, նախնական համաձայնության գալով իր ծանոթներ Աննա Բաղդասարյանի և Լևոն Առաքելյանի հետ, վերջինիս առաջարկով 2009թ. դեկտեմբերի 27-ին Աննա Բաղդասարյանի հետª հանդես գալով իբր ամուսիններ, միասին ժամանակավորապես վարձակալել են Հասմիկ Չոգանդարյանին սեփականության իրավունքով պատկանող Երևան քաղաքի Ռուբինյանց 1 շենքի 7 բնակարանը, որից հետո 2010թ. հունվարի 5-ին Աննա Բաղդասարյանի հետ Հասմիկ Չոգանդարյանի սկեսուր Արեգնազ Փութուլյանից խաբեությամբª իբր հարակից շենքում իրենց պատկանող բնակարանը Հ.Չոգանդարյանի բնակարանին նման վերանորոգելու նպատակով, վերցրել են վարձակալած բնակարանի սեփականության վկայականի պատճենն ու այն փոխանցել Լևոն Առաքելյանին: Դրանից հետո նշված բնակարանի ՀՀ կառավարությանն առընթեր անշարժ գույքի կադաստրի պետական կոմիտեի կողմից 25.02.2004թ. տրված թիվ 1442696 սեփականության վկայականը և թիվ 0221698 համարի միասնական տեղեկանքը Լևոն Առաքելյանի կողմից Արթուր Թաթուլյանի անվամբ կեղծելուց հետո, 2010թ. հունվարի 26-ինª ժամը 17:00-ին, Արթուր Թաթուլյանը Երևան քաղաքի Նոր-Նորքի նոտարական գրասենյակում կեղծ փաստաթղթերով, նոտարական ձևակերպմամբ նշված բնակարանը առքուվաճառքի պայմանագրով վաճառել է Վանցետ Աբրահամյանին և խաբեությամբ վերջինիցս հափշտակել առանձնապես խոշոր չափերի` 15.113.200 ՀՀ դրամին համարժեք 40.000 ԱՄՆ դոլար գումար և այն տվել Լևոն Առաքելյանին: Հափշտակված գումարից Լ.Առաքելյանն իրեն տվել է 5000 ԱՄՆ դոլար: Հանցագործությունը կատարելուց հետո նույն օրըª գիշերը, Արթուր Թաթուլյանը Բագրատաշենի մաքսակետով անցել է Վրաստանի տարածք և դիմել փախուստի:
Այսպիսով` Արթուր Վեսմիրի Թաթուլյանը խաբեությամբ հափշտակել է առանձնապես խոշոր չափերի` 15.113.200 ՀՀ դրամ գումար՚:

Առաջադրված մեղադրանքում ինչպես նախաքննության փուլում, այնպես էլ դատաքննության ընթացքում ամբաստանյալ Արթուր Վեսմիրի Թաթուլյանն իրեն լիովին մեղավոր է ճանաչել և ցուցմունքներ տվել այն մասին, որ 2006թ.-ից ճանաչել է Լևոն Առաքելյանին ու 2009թ. գարնանիցª որպես վարորդ, աշխատանքի է անցել վերջինիս պատկանող Երևան քաղաքի Ավան թաղամասում գործող ՙՊանդա՚ տաքսի ծառայությունում: Աշխատելու ընթացքում վարել է ՙՌենո՚ մակնիշի ավտոմեքենաª 8000 դրամ օրավարձով: 2009թ. հոկտեմբեր ամսին Երևան քաղաքի ՙԳումի՚ շուկայի շրջակայքում իր վարած տաքսիով վթարվել է հենասյանը, որի հետևանքով տաքսի ծառայությանը պատճառել է 2.500 ԱՄՆ դոլարի չափով նյութական վնաս: Նշել է, որ 2009թ. աշնանը Լ.Առաքելյանի գործերը սկսել են վատանալ և վերջինս հայտնվել է ֆինանսական ծանր դրության մեջ: Լևոնից տեղեկացել է, որ նա տաքսի ծառայությունում գործունեություն իրականացնելու նպատակով բանկում գրավադրել է օֆիսը, վերցրել գումարներ, գնել ավտոմեքենաներª որպես տաքսի աշխատելու համար, գումարներ է վերցրել նաև իր կնոջ եղբայր Արմենիցª բիզնեսի մեջ ծախսելու համար, ձևակերպել է հիպոթեքային խոշոր վարկեր, իսկ դրանց վերադարձման ուղիներ չի գտել: 2009թ. նոյեմբերից Լևոնը սկսել է իրենից պահանջել վթարված ՙՌենո՚ մակնիշի ավտոմեքենայի վնասըª 2.500 դոլարը, սակայն ինքը պայմանավորվել է, որ մաս-մաս կմարի այդ գումարըª աշխատով նրա ընկերությունում: Նոյեմբեր ամսվա վերջերին Լևոնն իր սիրուհի Աննային և իրեն կանչել է տաքսի ծառայություն և իր աշխատասենյակում առաջարկել է հանդես գալ որպես ամուսիններ ու Երևան քաղաքում վարձակալել բնակարան: Վարձակալելուց հետո Լևոնն իրենց միջոցով պետք է ձեռք բերեր վարձակալած բնակարանի սեփականության վկայականը, կեղծեր այն, այնուհետև բնակարանը խաբեությամբ վաճառեին ուրիշի, իսկ դրանից ստացած գումարը բաժանեն իրենց միջև:
Ինքը համաձայնել է Լ.Առաքելյանի առաջարկին և Աննայի հետ 2009թ. դեկտեմբերի 27-ից վարձակալել են Երևան քաղաքի Ռուբինյանց 1 շենքի 7 բնակարանը, այնուհետև 2010թ. հունվարի 5-ին միասին գնացել են բնակարանն իրենց հանձնած Ա.Փութուլյանի տուն և նրանից խաբեությամբ վերցրել են վարձակալած բնակարանի հատակագծի սեփականության վկայականի պատճենըª պատճառաբանելով, թե իբր հարակից շենքում բնակարան են գնել և ցանկանում են վերափոխել այն ու կառուցել վարձակալած բնակարանի նման: Ա.Փութուլյանից բնակարանի հատակագծի պատճենը վերցնելուց հետո այն փոխանցել են Լևոնին, որն էլ իրեն անհայտ պայմաններում կեղծել է այն, գրառել իրª Արթուր Վեսմիրի Թաթուլյան տվյալներովª այդպես կեղծելով նաև միասնական տեղեկանքը: Այնուհետև բնակարանը վաճառելու նպատակով 2010թ. հունվարի 23-ին ինքը զանգահարել է Լևոնի ներկայացրած բրոկերությամբ զբաղվող ոմն Վարդանին և խնդրել է հանդիպել ՙՇիրակ՚ հյուրանոցի մոտ` նշված բնակարանը վաճառելու հարցում օգնելու նպատակով: Վերջինս չի մերժել իր առաջարկը և 2010թ. հունվարի 24-ին` ժամը 18:00-ին հանդիպելովª ծանոթացել է վերջինիս հետ, որի ժամանակ ինքը նրան ցույց է տվել Ռուբինյանց փողոցի 1 շենքի 7 բնակարանի սեփականության վկայականը` ասելով, որ ցանկանում է այն շտապ վաճառել 40.000 ԱՄՆ դոլարով: Պայմանավորվածության համաձայն Վարդանը նույն օրը եկել է վարձակալած բնակարան: Բնակարանը զննելու ժամանակ ինքն Աննային ներկայացրել է որպես իր կին, որն էլ իր հերթին իրեն ասել է, որ բնակարանը պատկանում է իրենց, շտապ գումար է հարկավոր և խնդրել է, որպեսզի Վարդանը հաճախորդ գտնի և վաճառի բնակարանը: Այդ նպատակով Վարդանը տեղեկացրել է իր ծանոթ անշարժ գույքի առուվաճառքով զբաղվող Անահիտ Կիրակոսյանին, որի հետ հունվարի 24-ին կրկին եկել են Ռուբինյանց 1 շենքի 7 բնակարան և նախնական պայմանավորվածության համաձայն հանդիպել իր հետ: Դրանից հետո կեղծ փաստաթղթերի հիման վրա ինքը 2010թ. հունվարի 27-ին նշված բնակարանը վաճառել է Վանցետ Աբրահամյանին և նույն օրը 18:00-ի սահմաններում գնացել է վերջինիս աշխատասենյակ ու խաբեությամբ կանխիկ վերցրել 40.000 ԱՄՆ դոլարª հաջորդ օրը կադաստրում անվանափոխություն կատարելու պայմանով: Նշված գումարիցª նախնական պայմանավորվածության համաձայն, Լևոնն իրեն տվել է 5000 ԱՄՆ դոլար, իսկ Աննայինª 3.000 ԱՄՆ դոլար, որից հետո նույնպես` պայմանավորվածության համաձայն, Լևոնի ուղեկցությամբ մեկնել է Վրաստան, այնուհետև Չեխիա, հետո Լենինգրադ: Դրանից 2 օր անց Լենինգրադում իրեն է միացել Աննան և միասին մեկնել են ՌԴ` Վոլոգդա քաղաք: Վոլոգդայի ՙՍպասկայա՚ հյուրանոցում ապրել են մինչև փետրվարի 5-րը, որից հետո Աննան վերադարձել է Հայաստան, իսկ ինքը 2010թ. ապրիլի 27-ին Կուրսկի միլիցիայի տրանսպորտային աշխատակիցների կողմից ձերբակալվել է: Հայտնել է նաև, որ ինքը 2010թ. հունվարի կեսերին միայնակ գողացել է վարձակալած բնակարանում գտնվող ՙՍոնի՚ տեսակի հեռուստացույցը:

Ամբաստանյալ Ա.Թաթուլյանին առաջադրված մեղադրանքը հիմնավորվել է դատաքննությամբ հետազոտված ներքոհիշյալ ապացույցներով.

Տուժող Վանցետ Սաղաթելի Աբրահամյանի ցուցմունքով այն մասին, որ 2010թ. հունվարի սկզբին որոշել էր իր համար Երևան քաղաքի Արաբկիր և Քանաքեռ-Զեյթուն համայնքների բազմաբնակարան շենքերից մեկում բնակարան գնել: Այդ նպատակով դիմել էր իր ծանոթ Հայկին, որն էլ իր հերթին տեղակացրել էր անշարժ գույքի առքուվաճառքով զբաղվող Նոնա Սահակյանին և Անահիտ Կիրակոսյանին: Հունվար ամսվա վերջերին Հայկից տեղեկացել է, որ Երևան քաղաքի Ռուբինյանց 1 շենքում վաճառվում է բնակարան: 2010թ. հունվարի 25-ին ինքը Հայկի հետ գնացել է նշված շենք, որտեղ հանդիպել են բնակարանը վաճառող Արթուրին և վերջինիս միջոցով տեսել են վաճառքի ենթակա տունը: Բնակարանը գտնվել է 5-րդ հարկում, ունեցել է 3 սենյակ և գնահատվել է 40.000 ԱՄՆ դոլար: Բնակարանում Արթուրը ներկայացրել է իր անվամբ գրանցված սեփականության վկայականի բնօրինակը և միասնական տեղեկանքը: Դրանից հետո 2010թ. հունվարի 26-ին գնացել են Մաշտոցի տարածքային նոտարական գրասենյակ` բնակարանի առքուվաճառք կատարելու նպատակով, սակայն գրասենյակում գոյացած հերթի պատճառով Արթուրի ցանկությամբ որոշել են գնալ Ավանի նոտարի մոտ: Ինքը համաձայնվել է և խնդրել ընկերոջը` Հենրիկ Ջալալյանին, որպեսզի Արթուրի հետ գնան Ավան և կատարեն գործարքը: Ժամը 17.00-ի սահմաններում Ավանի նոտարական գրասենյակում նոտար Նոնա Գասպարյանի մոտ առքուվաճառքի պայմանագիրը կնքելուց հետո վերադարձել են իր աշխատասենյակ, որտեղ անձամբ ինքն Արթուրին կանխիկ վճարել է 40.000 ԱՄՆ դոլար, ապա պայմանավորվել, որ հաջորդ օրը գնան կադաստր և կատարեն անվանափոխություն: Սակայն Արթուրը չի եկել, անջատել է հեռախոսը` խուսափելով իր հետ հանդիպելուց: Այդ օրը` երեկոյան, Հենրիկի միջոցով կադաստրի Քանաքեռ-Զեյթուն ստորաբաժանումից տեղեկացել է, որ Ռուբինյանց 1 շենքի 7 բնակարանի սեփականատերը հանդիսանում է ոչ թե Արթուր Թաթուլյանը, այլ Հասմիկ Չոգանդարյանը, ինչից էլ իրեն պարզ է դարձել, որ Արթուրի ներկայացրած փաստաթղթերը եղել են կեղծ, որի արդյունքում վերջինս իրենից խաբեությամբ հափշտակել է 40.000 ԱՄՆ դոլար:

Տուժող Արեգնազ Ոսկանի Փութուլյանի ցուցմունքով այն մասին, որ ինքը հանդիսանում է Հասմիկ Չոգանդարյանի սկեսուրը: 2004թ. որդու Կարենի և հարս` Հասմիկի համար Երևան քաղաքի նախկին Դեկաբրիստների` ներկայիս Ռուբինյանց փողոցի 1-ին շենքի 7 հասցեում, գնել է բնակարան: Որդու և հարսի բացակայության, ինչպես նաև սոցիալական կարիքները հոգալու պատճառով ինքը որոշել է նշված բնակարանը տալ վարձով, ինչի համար էլ հայտարարություն է տվել գովազդային գործակալությունում: 2009թ. դեկտեմբերի վերջերին իրեն զանգահարել է անշարժ գույքի գործակալության աշխատակից Ռոմիկը և հայտնել է, որ բնակարանը վարձակալելու ցանկություն ունեցող կա: 2009թ. դեկտեմբերի 27-ին Ռոմիկը իր հետ ծանոթացրել է Արթուր Թաթուլյանին և Աննային, որն իրեն ներկայացվել է որպես Արթուրի կին: Փոխադարձ պայմանավորվածության համաձայն ամսեկան վարձը գնահատվել է 90.000 դրամ և նույն օրը Արթուրն իրեն տվել է 10.000 դրամ` 80.000 դրամը 2 օր հետո վճարելու պայմանով և դեկտեմբերի 31-ին վճարել է մնացած 80.000 դրամը: Նշել է, որ 2010թ. հունվարի 05-ին` ժամը 13:00-ին Արթուրն ու Աննան եկել են իր տուն և իրենից խնդրել, որ ներկայացնի վարձակալած տան սեփականության վկայականի հատակագիծը` պատճառաբանելով, որ հատակագիծը հավանել են ու ցանկություն ունեն իրենց նոր գնած բնակարանը կառուցել վերջինիս հատակագծով: Ինքն Արթուրին և Աննային չի կասկածել` նրանց պարկեշտ պահվածքի և կուլտուրական վարքագծի պատճառով, և վստահելով` տվել է վարձակալած տան հատակագծի պատճենը: Հունվարի կեսերին պարբերաբար զանգահարել է Արթուրին և պահանջել տան վարձավճարը, սակայն վերջինս պատասխանել է, որ բանկում խոշոր գումար ունի, սակայն դրանց ստանալու համար առաջացել են խնդիրներ և այն լուծելուց անմիջապես հետո խոստացել է վճարել գումարը: 2010թ. հունվարի 29-ին իրեն զանգահարել է Անահիտ անունով մի կին և ասել, որ ցանկանում է հանդիպել իր հետ: Նույն օրը հանդիպել է բրոկերությամբ զբաղվող Անահիտ Կիրակոսյանին, որից տեղեկացել է, որ Արթուրը 3 օր առաջ իր վարձակալած բնակարանը վաճառել է` ոմն Վանցետին: Հետագայում տեղեկացել է, որ Արթուրը կեղծել է իր կողմից տրված բնակարանի սեփականության վկայականը և միասնական տեղեկանքը, ապա նոտարում կնքել է առքուվաճառքի պայմանագիր` ինչի արդյունքում էլ խաբել է Վանցետ Աբրահամյանին` նրանից ստանալով 40.000 ԱՄՆ դոլար: Նշել է նաև, որ բնակարանում ժամանակավորապես ապրելու ժամանակ Արթուրը գողացել է բնակարանում գտնվող 200.000 ՀՀ դրամ արժողությամբ ՙՍոնի՚ տեսակի հեռուստացույցը:

Վկա, թիվ 59101910 քրեական գործով մեղադրյալ Աննա Ռազմիկի Բաղդասարյանի նախաքննական ցուցմունքներով այն մասին, որ 2008թ. աշնանը ծանոթացել է Ավան թաղամասի բնակիչ ՙՊանդա՚ կոչվող տաքսի ծառայության տնօրեն Լևոն Առաքելյանի հետ և մինչև 2010թ. հունվարի 27-ը գտնվել է մտերիմ հարաբերությունների մեջ: 2009թ. ամռանից Լ.Առաքելյանի գործերը սկսել են վատանալ և վերջինս գտնվել է ֆինանսական ծանր դրության մեջ` ինչից ելնելով, 2009թ. նոյեմբերի վերջերին Լ.Առաքելյանն իրեն և Արթուր Թաթուլյանին առաջարկել է անշարժ գույքի առքուվաճառքով զբաղվող բրոկերների միջոցով ժամանակավորապես բնակարան վարձակալել, որից հետո նշված բնակարանի սեփականության վկայականը կեղծելով` այն վաճառելու կամ գրավադնելու միջոցով գումարներ ձեռք բերել: Այդ նպատակով, ինքը Ա.Թաթուլյանի հետ 2009թ. դեկտեմբերի 27-ին վարձակալել են Հասմիկ Չոգանդարյանին պատկանող Երևան քաղաքի Ռուբինյանց 1 շենքի 7 բնակարանը, որից հետո միասին` 2010թ. հունվարի 5-ին խաբեությամբ` Հ. Չոգանդարյանի սկեսուր` Արեգնազ Փութուլյանից վերցրել են վարձակալած բնակարանի հատակագծի պատճենը` պատճառաբանելով իբր հարակից շենքում գնել են նոր բնակարան, որը պետք է վերաձևավորեն վարձակալած բնակարանի նման: Հատակագծի պատճենը վերցնելուց հետ` այն տվել են Լևոն Առաքելյանին: Վերջինիս կողմից բնակարանի սեփականության վկայականը կեղծելուց և կեղծ սեփականության վկայական ձեռք բերելուց հետո, 2010թ. հունվարի 26-ին, Արթուր Թաթուլյանը բնակարանը վաճառել է Վանցետ Աբրահամյանին և ստացված գումարից Լևոն Առաքելյանն իրեն տվել է ընդամենը 700 ԱՄՆ դոլար, իսկ մնացածը` Ա. Թաթուլյանը և Լ. Առաքելյանը միասին հափշտակել են: Այնուհետև, Արթուր Թաթուլյանը Բագրատաշենի մաքսակետով դիմել է փախուստի, իսկ ինքը Լ.Առաքելյանի օժանդակությամբ, 2010թ. հունվարի 27-ին` ժամը 15:00-ի սահմաններում, ՙԶվարթնոց՚ օդանավակայանից մեկնել է Մոսկվա: Մոսկվայում որոշ ժամանակ մնալուց հետո մեկնել է Սանկտ-Պետերբուրգ և հանդիպել Ա.Թաթուլյանին: Մինչև 2010թ. փետրվարի 5-ը միասին բնակվել են ՌԴ Վոլոգդա քաղաքի հյուրանոցներից մեկում, իսկ դրանից հետո վերադարձել ՀՀ: Վոլոգդա քաղաքում Ա.Թաթուլյանի հետ բնակվելու ընթացքում վերջինս իրեն տվել է 600 ԱՄՆ դոլար:

Գթ. 131-138

Վկա Գոհար Վանիկի Սառաջյանի ցուցմունքով այն մասին, որ հանդիսանում է Արթուր Վեսմիրի Թաթուլյանի նախկին կինը: 1998թ.-ից ընտանեկան անախորժությունների պատճառով դատարանի վճռով ամուսնալուծվել են, որից հետո ընդհանրապես կապ չեն ունեցել միմյանց հետ: 2010թ. հունվարի կեսերից ինքը ճանաչել է Լևոն Առաքելյանին որպես հաճախորդ, երբ վերջինս եկել է ՙԱրմենտել՚ ՓԲԸ-ի իր աշխատավայր և խնդրել անվանափոխել բջջային հեռախոսի բաժանորդային տվյալներն ու վերծանել ելքային զանգերը:
2010թ. մայիսի 15-ին Մոսկվա քաղաքից իր նախկին ամուսին Արթուրը զանգահարել է իրեն և հայտնել, որ 2009թ. աշնանից աշխատել է Ավան թաղամասում գտնվող ՙՊանդա՚ տաքսի ծառայությունում` որպես վարորդ: 2009թ. նոյեմբերի վերջերին նշված ծառայության տնօրեն Լևոն Առաքելյանը վերջինիս առաջարկել է նրա ընկերուհի Աննա Բաղդասարյանի հետ հանդես գալ որպես ամուսիններ, միասին վարձակալել բնակարան, այնուհետև կեղծելով բնակարանի փաստաթղթերը` վաճառել ուրիշին: Ըստ ամուսնու պատմածի` ինքը համաձայնել է, որից հետո Աննայի հետ 2009թ. դեկտեմբերի 27-ին վարձակալել են Ռուբինյանց 1 շենքի 7 բնակարանը: Հետագայում Լևոնը կեղծել է նշված բնակարանի սեփականության վկայականը, այն վաճառել Վանցետ Աբրահամյանին և նույն օրն իր նախկին ամուսնուն Բագրատաշենի մաքսակետով ճանապարհել է Վրաստան` նրան նշված գործարքի համար տալով ընդամենը 3000 ԱՄՆ դոլար:

Վկա Վարդան Գրիգորի Քլոյանի նախաքննական ցուցմունքով այն մասին, որ 2010թ. հունվարի 23-ին իր բջջային 098-77-23-13 հեռախոսահամարին զանգահարել է Արթուր անունով մի տղամարդ և խնդրել է հանդիպել ՙՇիրակ՚ հյուրանոցի մոտ` իր բնակարանը վաճառելու հարցում օգնելու նպատակով: Ինքը չի մերժել Արթուրի առաջարկը և 2010թ. հունվարի 24-ին` ժամը 18:00-ին հանդիպել է Արթուրին, ծանոթացել նրա հետ, հանդիպման ժամանակ վերջինս իրենց ցույց է տվել Ռուբինյանց փողոցի 1 շենքի 7 բնակարանի սեփականության վկայականը` ասելով, որ ցանկանում է այն շտապ վաճառել 40.000 ԱՄՆ դոլարով: Պայմանավորվածության համաձայն ինքը նույն օրը գնացել է Արթուրենց բնակարան, որտեղ հանդիպել է վերջինիս և Աննա անունով մի կնոջ: Բնակարանը զննելու ժամանակ Արթուրն Աննային ներկայացրել է որպես իր կին, որն էլ իր հերթին ասել է, որ բնակարանը պատկանում է իրենց, շտապ գումար է հարկավոր և խնդրել է, որպեսզի ինքը հաճախորդ գտնի և վաճառի բնակարանը: Այդ նպատակով ինքը տեղեկացրել է իր ծանոթ անշարժ գույքի առուվաճառքով զբաղվող Անահիտ Կիրակոսյանին, որի հետ հունվարի 24-ին գնացել է Ռուբինյանց 1 շենքի 7 բնակարան և նախնական պայմանավորվածության համաձայն` հանդիպել բնակարանատեր հանդես եկած Արթուրին: Այնուհետև Անահիտի հետ մտել են բնակարան, տեսել այն, որի ժամանակ Արթուրը վերջինիս ասել է, որ Արաբական Էմիրություններից տարբեր տեսակի ապրանքներ է ներմուծել Հայաստան, դրանք գտնվում են գլխավոր մաքսատանը և մաքսազերծման համար հարկավոր են խոշոր գումարներ: Հայտնել է, որ հունվարի վերջերին իրեն է զանգահարել Անահիտը և ցանկացել հանդիպել: Միասին հանդիպել են Բագրատունյանց փողոցում և զրույցի ժամանակ տեղեկացել է, որ 2010թ. հունվարի 26-ին Արթուրը խաբելով իրենց, նշված բնակարանը վաճառել է իր ծանոթ Նոնա Սահակյանի մտերիմ Վանցետ Աբրահամյանին: Վաճառքից հետո պարզվել է, որ բնակարանի սեփականության վկայականը և միասնական տեղեկանքը եղել են կեղծ, իսկ բնակարանը սեփականության իրավունքով պատկանել է Հասմիկ Չոգանդարյանին: Ինքը նախապես տեղեկություն չի ունեցել Արթուր Թաթուլյանի կողմից խարդախություն կատարելու հանգամաքնների մասին և նրան նախկինում չի ճանաչել :

Գթ. 84-89

Վկա Գևորգ Միքայելի Խալաթյանի ցուցմունքով այն մասին, որ շուրջ 3 տարի զբաղվում է անշարժ գույքի առուվաճառքով: 2009թ. ամռանը տեղեկացել է, որ Երևան քաղաքի Ռուբինյանց 1 շենքի 7 բնակարանը տրվում է վարձով և ձեռնամուխ է եղել նշված բնակարանի վարձակալմանը: 2009թ. դեկտեմբերի 20-ին իր բջջային 091-37-61-68 հեռախոսահամարին զանգահարել է Հրաչյա Քոչար փողոցի վրա գտնվող անշարժ գույքի գործակալության աշխատակից` իր գործընկեր Սերժիկը և հայտնել, որ երեք սենյականոց բնակարան վարձակալելու ցանկացող կա : Ինքը զանգահարել է նշված բնակարանի տիրոջը` Արեգնազ Փութուլյանին և հայտնել, որ բնակարանը վարձակալելու ցանկացող կա : 2009թ. դեկտեմբերի 27-ին պայմանավորվել է Սերժիկի հետ, որը ՙԲարեկամություն՚ կայարանի մետրոյի մոտ իրեն է ծանոթացրել Արթուր անունով մի տղամարդու և Աննա անունով մի կնոջ հետ : Վերջիններս իրեն ներկայացել են որպես ամուսիններ և ցանկացել վարձակալել բնակարանը: Նախապես տեղյակ լինելով, որ Արեգնազի բնակարանը տրվում է վարձով` միջոնրդել է նրանց, ապա նույն օրը տարել և ծանոթացրել է Արեգնազ Փութուլյանի հետ : Վերջինիս բնակարանում Արթուրը և Աննան ներկայացել են որպես ամուսիններ, ապա հայտնել, որ Տերյան փողոցի վրա գտնվող իրենց բնակարանը վաճառել են` 170.000 ԱՄՆ դոլարով, գումարը պահել բանկում, և բնակարան չունենալու պատճառով ցանկանում են վարձակալել բնակարան: Արեգնազի հետ պայմանավորվել են բնակարանը վարձակալել 6 ամիս ժամանկով` յուրաքանչյուր ամսվա համար վճարելով 90.000 ՀՀ դրամ: Արեգնազը համաձայնել է, որից հետո Արթուրին է տվել բնակարանի բանալիները, իսկ Աննայից` որպես երաշխիք ստացել 10.000 ՀՀ դրամ: Դրանից հետո ինքը որևէ միջամտություն չի ունեցել այդ հարցերում: 2010թ. հունվարի 30-ին իրեն զանգահարել է Արեգնազը և հայտնել, որ Արթուրն իր բնակարանի փաստաթղթերն անվանափոխել է, դարձրել իր անվամբ և վաճառել ուրիշի: Ինքն Արթուրի կամ Աննայի կողմից նախապես խարդախություն կատարելու մասին որևէ տեղեկություն չի ունեցել:

Վկա Անահիտ Գուրգենի Եսայանի նախաքննական ցուցմունքով այն մասին, որ 2009թ. հունվարի 26-ին անշարժ գույքի առուվաճառքով զբաղվող իր ծանոթ Նունե Հակոբյանի միջոցով ծանոթացել է Երևան քաղաքի բնակչուհի Աննա Բաղդասարյանի հետ : Ինքը պայմանավորվել է, որ իրեն պատկանող Նորքի 1-ին զանգվածի 7 շենքի 3 բնակարանը վարձակալման հիմունքներով հանձնի Աննա Բաղդասարյանին: Նշել է, որ որպես բնակարանի վարձավճար` Ա.Բաղդասարյանից ստացել է 500 ԱՄՆ դոլար, իսկ պայմանավորվածության համաձայն 200 ԱՄՆ դոլարը վճարել է 3 ամսվա ընթացքում` որպես կոմունալ ծախսեր: Գումարը ստանալու ժամանակ Ա. Բաղդասարյանից տեղեկացել է, որ նա մեկնելու է Մոսկվա, իսկ բնակարանում ժամանակավորապես բնակվելու են նրա զավակները: 2010թ. ապրիլի կեսերին լրացել է բնակարանի վարձակալության ժամկետը, որից հետո բնակարանը նորմալ վիճակում ընդունել է Ա. Բաղդասարյանից: Ինքը Ա. Բաղդասարյանին մինչև 2010թ. հունվարի 26-ը չի ճանաչել և նրանից որևէ պարտք-պահանջ չունի: Ա.Բաղդասարյանի կողմից խարդախությամբ Ա.Թաթուլյանի և Լ.Առաքելյանի հետ գումարներ հափշտակելու դեպքի մասին որևէ տեղեկություն չունի:

Գթ. 152-155

Վկա Արմեն Գագիկի Կոնջորովի նախաքննական ցուցմունքով այն մասին, որ 2009թ.-ից ճանաչում է Երևան քաղաքի Ավան թաղամասի բնակիչ Լևոն Առաքելյանինª վերջինիս տաքսի ծառայությունից օգտվելու ընթացքում: 2009թ. աշնանն իր անվամբ գրացված ՙԷքսպրես–Մետալ՚ ՍՊԸ-ն ինքը վաճառել է Լ.Առաքելյանին: Այդ ժամանակ Լևոնից տեղեկացել է, որ նրա գործերը լավ չեն և ունեցել է որոշակի ֆինանսական պարտքեր: Նշել է, որ Լևոնի միջոցով 2010թ. հունվար ամսից ճանաչել է վերջինիս սիրուհի Աննա Բաղդասարյանին: 2010թ. հունվարի 26-ինª ժամը 18:00-ին, իրեն զանգահարել է Լևոնը և խնդրել իր տաքսի ծառայության վարորդներից Արթուրին, որ իրեն և իր ընկերուհի Աննային ճանապարհի Վրաստան: Նույն օրըª ժամը 20:00-ին, իրեն պատկանող ՙՋիպ՚ մակնիշի ՙAPE 888՚ պ/հ ավտոմեքենայով նրանց ուղեկցել է Բագրատաշենի մաքսակետ, որտեղ Արթուրն անցել է Վրաստան, իսկ Աննան արգելք ունենալու պատճառով մնացել է, որից հետո միասին վերադարձել են Երևան: Դրանից հետո Լևոնի, Աննայի և Արթուրի հետ որևէ առնչություն չի ունեցել: Հայտնել է, որ վերջիններիս կողմից կատարված խարդախության մասին որևէ տեղեկություն չի ունեցել, իսկ Արթուրի և Աննայի արտերկիր մեկնելու հետ կապված Լևոնը պատճառաբանել է, թե իբր Մոսկվայից պետք է ապրանքներ ներմուծեր Հայաստան:

Գթ. 203-205

Գործով տուժող Արեգնազ Փութուլյանին Ա.Թաթուլյանին լուսանկարով ճանաչման ներկայացնելու արձանագրությամբ այն մասին, որ վերջինս իրեն ճանաչման ներկայացված 4 անձանցից ճանաչեց 1-ին տեղում փակցված լուսանկարում պատկերված անձնավորությանը` նշելով, որ նա հանդիսանում է Արթուրը, որը վարձակալել է իր հարսինª Հասմիկին պատկանող Ռուբինյանց 1 շեքի 7 բնակարանը և հենց նա է իր հեռաստուցույցը գողացող անձը:

Գթ. 48

Գործով վկա Հենրիկ Ջալալյանին Ա. Թաթուլյանին լուսանկարով ճանաչման ներկայացնելու արձանագրությամբ այն մասին, որ իրեն ճանաչման ներկայացված 4 անձանցից ճանաչեց 2-րդ տեղում փակցված լուսանկարում պատկերված անձնավորությանը` նշելով, որ նա հանդիսանում է Արթուրը, որի հետ 2010թ. հունվարի 26-ին իր ընկեր Վանցետ Աբրահամյանի խնդրանքով կնքել է բնակարանի առքուվաճառքի պայմանագիր:

Գթ. 37

Գործով վկա Նոնա Սահակյանին Ա. Թաթուլյանին լուսանկարով ճանաչման ներկայացնելու արձանագրությամբ այն մասին, որ իրեն ճանաչման ներկայացված 4 անձանցից ճանաչեց 3-րդ տեղում փակցված լուսանկարում պատկերված անձնավորությանը` նշելով, որ նա հանդիսանում է Արթուրը, որը Ռուբինյանց 1 շեքի 7 բնակարանը վաճառելու համար եկել է Մաշտոց փողոցի հատվածում գտնվող նոտարական գրասենյակ, սակայն գոյացած հերթի պատճառով բնակարանի գնորդ Հենրիկի հետ միասին գնացել են Նոր-Նորքի նոտարական գրասենյակ, կնքել առք ու վաճառքի պայմանագիր և հենց իր ճանաչած անձն է Վ.Աբրահամյանից խաբեությամբ վերցրել 40.000 ԱՄՆ դոլարը:

Գթ. 39

16.11.2010թ. ստացված թիվ 10-2781 դատաձեռագրաբանական փորձաքննությամբ, համաձայն որի, նոտարական գործում առկա թիվ 492562 սեփականության վկայականում տեղավորված ձեռագիր գրառումները, նույն գործում առկա թիվ 0221698 միասնական տեղեկանքում տեղավորված ձեռագիր գրառումները չեն կատարվել Ա. Թաթուլյանի կողմից, այլ կատարվել են մեկ այլ անձի կամ անձանց կողմից: Նոտարական գործում առկա թիվ 0221698 միասնական տեղակնքում ստորին աջ մասում ղեկավար և Յու.Հայրապետյան բառերի միջև տեղավորված թիվ 492562 սեփականության վկայականի դիմերեսի ներքևի աջ անկյունում ղեկավար և Յու.Հայրապետյան բառերի միջև տեղավորված ստորագրությունները հավանաբար չեն կատարվել Ա.Թաթուլյանի կողմից, այլ կատարվել են մեկ այլ անձի կողմից: Ձեռք բերել հատկանիշների առավել քանակ` կատեգորիկ հետևության հանգելու համար չհաջողվեց` հետազոտելի ստորագրությունների գրաֆիկական նյութի սակավության պատճառով: Նոտարական գործում առկա թիվ 0221698 միասնական տեղականքի ստորին աջ մասում գր. բաժնի պետ և Մ.Սարդարյան բառերի միջև տեղավորված ստորագրությունը հավանաբար չի կատարվել Ա.Թաթուլյանի կողմից, այլ կատարվել է մեկ այլ անձի կողմից: Ձեռք բերել հատկանիշների առավել քանակ` կատեգորիկ հետևության հանգելու համար չի հաջողվել` հետազոտելի ստորագրության գրաֆիկական նյութի սակավության պատճառով:

Գթ. 209-220

Արթուր Թաթուլյանին մեղսագրվող հանցանքը հիմնավորվել է նաև 13.02.2010թ. Նոր-Նորքի նոտարական գրասենյակից առգրավված նոտարական գործով և դրանում առկա փաստաթղթերով :

Գթ. 5-8

Դատարանը գտնում է, որ գործով անթույլատրելի և ոչ վերաբերելի ապացույցներ չկան:

Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Արթուր Թաթուլյանի մեղավորությունը ՀՀ քրեական օրենսգրքի 178-րդ հոդվածի 3-րդ մասի 1-ին կետով նախատեսված հանցանք կատարելու մեջ ապացուցված է, որի համար նա ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում կատարած արարքի բնույթն ու հանրության համար վտանգավորության աստիճանը, ինչպես նաև ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Ամբաստանյալ Արթուր Թաթուլյանի անձը բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել:
Դատարանն ամբաստանյալ Արթուր Թաթուլյանի պատասխանատվությունը և պատիժը ծանրացնող հանգամանքներ չի արձանագրել:
Անդրադառնալով հանցագործությամբ տուժողին պատճառված նյութական վնասի փոխհատուցման հարցին դատարանը գտնում է, որ ամբաստանյալ Արթուր Թաթուլյանի տնտեսությունից և անձնական վաստակից հօգուտ տուժող Վանցետ Աբրահամյանի համապարտության կարգով պետք է բռնագանձել 15.113.200 /տասնհինգ միլիոն հարյուր տասներեք հազար երկու հարյուր/ ՀՀ դրամ:
Ղեկավարվելով ՀՀ քրեական դատավարության օրենսգրքի 357-360-րդ, 365-րդ, 369-373-րդ, 379-րդ հոդվածներով, դատարանը

Վ Ճ Ռ Ե Ց

Արթուր Վեսմիրի Թաթուլյանին մեղավոր ճանաչել ՀՀ քրեական օրենսգրքի 178-րդ հոդվածի 3-րդ մասի 1-ին կետով և նրա նկատմամբ պատիժ նշանակել ազատազրկում 5 /հինգ/ տարի ժամկետով:
Պատիժը կրելու սկիզբը հաշվել 2010թ. ապրիլի 21-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արթուր Թաթուլյանի տնտեսությունից և անձնական վաստակից հօգուտ տուժող Վանցետ Աբրահամյանի համապարտության կարգով բռնագանձել 15.113.200 /տասնհինգ միլիոն հարյուր տասներեք հազար երկու հարյուր/ ՀՀ դրամ:
Արթուր Թաթուլյանի նկատմամբ ընտրված խափանման միջոցը` կալանքը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: