գործ N ԵԱՔԴ /0184/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

11.11.2011թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը`

նախագահությամբ` դատավոր Արթուր Մկրտչյանի
քարտուղարությամբ` Օֆելյա Կիրակոսյանի
Շուշան Վանոյանի
մասնակցությամբ`
մեղադրող Կորյուն Փիլոյանի
Արթուր Դավթյանի

ամբաստանյալներ Վռամ Բաղդասարյանի
Արսեն Ահարոնյանի
Պետրոս Գրիգորյանի
Հայկ Սանդալջյանի
Արթուր Փոխարյանի
Դավիթ Սանդալջյանի

պաշտպաններ Վարդան Զուռնաչյանի
Գայանե Խաչատրյանի
Նինա Կարապետյանցի
Գեղամ Հակոբյանի
Տիգրան Սաֆարյանի
Ռուբեն Բալոյանի
Վահան Ենգիբարյանի


Դատարանում, դռնբաց դատական նիստում քննեց քրեական գործն ըստ մեղադրանքի`
1. Վռամ Սամվելի Բաղդասարյանի /ծնված 02.09.1979թ. ք.Երևան, ազգությամբ
հայ, ՀՀ քաղաքացի, միջնակարգ կրթությամբ, ամուսնացած, խնամքին 3 անձ, չդատված, չի աշխատում, Երևանի ֆիզիկական կուլտուրայի պետական ինստիտուտի 3-րդ կուրսի ուսանող, հաշվառված` ք.Երևան Ն.Դումանի փողոցի 40-րդ տանը, ներկայումս ՀՀ ԱՆ ՙՆուբարաշեն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի 104-րդ հոդվածի 2-րդ մասի 6-րդ, 10-րդ կետերով, 235-րդ հոդվածի 1-ին և 258-րդ հոդվածի 4-րդ մասերով:

2. Արսեն Լևոնի Ահարոնյանի /ծնվ. 04.02.1988թ. ք.Երևան, ազգությամբ հայ, ՀՀ
քաղաքացի, միջնակարգ կրթությամբ, չամուսնացած, Երևանի ժողտնտեսության համալսարանի 4-րդ կուրսի ուսանող, չդատված, բնակվող` ք.Երևան, Վ.Փափազյան փող. 22/3 շենք, բն. 5-րդ, ներկայումս ՀՀ ԱՆ ՙՆուբարաշեն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի և 258-րդ հոդվածի 4-րդ մասով:

3. Պետրոս Խաչատուրի Գրիգորյանի /ծնվ. 15.12.1982թ. ք.Երևան, ազգությամբ
հայ, ՀՀ քաղաքացի, միջնակարգ-մասնագիտական կրթությամբ, ամուսնացած, չի աշխատում, չդատված, բնակվող` ք.Երևան, Կոմիտասի պող. 17ա շենք բն. 35, ներկայումս ՀՀ ԱՆ ՙԵրևան-Կենտրոն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով:

4. Հայկ Նիկողոսի Սանդալջյանի /ծնվ. 25.11.1987թ. ք.Երևան, ազգությամբ
հայ, ՀՀ քաղաքացի, միջնակարգ կրթությամբ, չամուսնացած, չի աշխատում, չդատված, բնակվող` ք.Երևան, Ա.Խաչատրյան փող. 49 տուն, ներկայումս ՀՀ ԱՆ ՙՆուբարաշեն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի 258-րդ հոդվածի 4-րդ մասով:

5. Արթուր Հրանտի Փոխարյանի /ծնվ. 23.11.1986թ. ք.Երևան, ազգությամբ
հայ, ՀՀ քաղաքացի, միջնակարգ կրթությամբ, չամուսնացած, չի աշխատում, չդատված, բնակվող` ք.Երևան, Կոմիտաս 27/1 շենք, բն. 28, ներկայումս ՀՀ ԱՆ ՙՆուբարաշեն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի 258-րդ հոդվածի 4-րդ մասով:

6. Դավիթ Նիկողոսի Սանդալջյանի /ծնված 24.11.1989թ. ք.Երևան, հայ,
ՀՀ քաղաքացի, միջնակարգ կրթությամբ, չամուսնացած, չդատված, չի շխատում, հաշվառված` ք.Երևան, Ա.Խաչատրյան փողոց 49 տուն, ներկայումս ՀՀ ԱՆ ՙՆուբարաշեն՚ ՔԿ հիմնարկի կալանավոր/:
Մեղադրվում է ՀՀ քրեական օրենսգրքի 38-258-րդ հոդվածի 4-րդ մասով:

Պ Ա Ր Զ Ե Ց

Գործի դատավարական նախապատմությունը
13.05.2010թ. ՀՀ քրեական օրենսգրքի 104-րդ հոդվածի 2-րդ մասի 6-րդ կետով և 235-րդ հոդվածի 1-ին մասով հարուցվել է թիվ 14113810 քրեական գործը:
11.01.2011թ. Վռամ Բաղդասարյանը ձերբակալվել է:
14.01.2011թ. Վռամ Բաղդասարյանին մեղադրանք է առաջադրվել ՀՀ քրեական օրենսգրքի 104-րդ հոդվածի 2-րդ մասի 6-րդ, 10-րդ կետերով, 235-րդ հոդվածի 1-ին և 258-րդ հոդվածի 4-րդ մասերով և խափանման միջոց է ընտրվել կալանքը:
03.03.2011թ. Դավիթ Սանդալջյանը ձերբակալվել է;
04.03.2011թ. Դավիթ Սանդալջյանին մեղադրանք է առաջադրվել ՀՀ քրեական օրենսգրքի 38-258-րդ հոդվածի 4-րդ մասով և նրա նկատմամբ խափանման միջոց է ընտրվել կալանքը:

19.05.2010թ. Արսեն Լևոնի Ահարոնյանը որպես մեղադրյալ է ներգրավվել ՀՀ քրեական օրենսգրքի 104-րդ հոդվածի 2-րդ մասի 6-րդ և 10-րդ կետերով և 235-րդ հոդվածի 1-ին մասով, նրա նկատմամբ խափանման միջոց է ընտրվել կալանքը:
19.05.2010թ. Պետրոս Խաչատուրի Գրիգորյանը որպես մեղադրյալ է ներգրավվել ՀՀ քրեական օրենսգրքի 258-րդ հոդվածի 4-րդ մասով և 235 հոդվածի 1-ին մասով, նրա նկատմամբ խափանման միջոց է ընտրվել կալանքը:
21.06.2010թ. Հայկ Նիկողոսի Սանդալջյանը և Արթուր Հրանտի Փոխարյանը որպես մեղադրյալ են ներգրավվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և 117-րդ հոդվածով: Առաջադրված մեղադրանքը փոփոխվել և նրանք որպես մեղադրյալ են ներգրավվել ՀՀ քրեական օրենսգրքի 258-րդ հոդվածի 4-րդ մասով:
19.10.2010թ. Հ.Սանդալջյանի և Ա.Փոխարյանի նկատմամբ խափանման միջոց է ընտրվել կալանքը:
29.11.2010թ. թիվ 14113810 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
24.03.2011թ. թիվ 62201611 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2011 թվականին մարտի 25-ին մեղադրողի կողմից ՀՀ քրեական դատավարության օրենսգրքի 3091-րդ հոդվածի կարգով Պետրոս Գրիգորյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
25.03.2011թ. մեղադրողի կողմից ՀՀ քրեական դատավարության օրենսգրքի 3091-րդ հոդվածի կարգով ամբաստանյալ, Արսեն Լևոնի Ահարոնյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 235-րդ հոդվածի 1-ին և 258-րդ հոդվածի 4-րդ մասերով, իսկ Պետրոս Գրիգորյանին առաջադրված մեղադրանքը փոփոխվել և նրան նոր մեղադրանք է առաջադրվելՀՀ քրեական օենսգրքի 258-րդ հոդվածի 3-րդ մասի 1-ին կետով:
2011 թվականի ապրիլի 8-ին դատարանի որոշմամբ թիվ 62201611քրեական գործը միացվել է թիվ 14113810 քրեական գործին:

Գործի փաստական հանգամանքները
Նախաքննության մարմինը Վռամ Սամվելի Բաղդասարյանին ՀՀ քրեական օրենսգրքի 104-րդ հոդվածի 2-րդ մասի 6-րդ, 10-րդ կետերով, 235-րդ հոդվածի 1-ին և 258-րդ հոդվածի 4-րդ մասով մեղադրանք է առաջադրել այն արարքի համար, որ ՙնա ապօրինի կերպով ձեռք է բերել, պահել ու կրել զենք և ռազմամթերք, մի խումբ անձանց հետ կատարել է զենքի գործադրմամբ խուլիգանություն, ինչպես նաև խուլիգանական դրդումներով, շատերի կյանքի համար վտանգավոր եղանակով, ապօրինաբար ուրիշին դիտավորությամբ զրկել է կյանքից£
Վռամ Բաղդասարյանը 2010թ. մայիսի 12-ի ցերեկը չնչին` իր վրա խեթ հայացքով նայելու առիթով վիճաբանել է Խաչիկ Մկրտչյանի ընկերոջ հետ, և այդ վիճաբանությունը շարունակելու նպատակով նույն օրը` ժամը 22:30-ի սահմաններում, ընկերների` Պետրոս Գրիգորյանի, Արսեն Ահարոնյանի և վերջինիս հորաքրոջ որդու` Հայկ Հակոբյանի հետ Երևան քաղաքի Կոմիտասի պողոտայի 17-րդ և 19-րդ շենքերի մոտ հանդիպելով Խաչիկ Մկրտչյանին ու նրա ընկերներ` Հայկ Սանդալջյանին, Արթուր Փոխարյանին, Նարեկ Օհանջանյանին և գործով չպարզված այլ անձանց, կրկին վիճաբանության մեջ են մտել վերջիններիս հետ, որի ընթացքում բացահայտ անհարգալից վերաբերմունք դրսևորելով հասարակության նկատմամբ` զենքերի և որպես զենք օգտագործվող առարկաների գործադրմամբ դիտավորությամբ կոպիտ կերպով խախտել են հասարակական կարգը. տևական ժամանակ հարվածել միմյանց ու տվել փոխադարձ հայհոյանքներ` դրանով իսկ խախտելով հարակից շենքերի բնակիչների և անցորդների անդորրն ու հանգիստը£ Վռամ Բաղդասարյանը նշված գործողությունները կատարել է ապօրինի կերպով ձեռք բերված, պահված և կրված, հրազեն հանդիսացող` գործարանային արտադրության, ՙԻՎ 1533՚ համարի, 9մմ տրամաչափի, ՙՊՄ՚ տեսակի ատրճանակի գործադրմամբ:
Այդ ընթացքում Վռամ Բաղդասարյանը, ցերեկը տեղի ունեցած վերոհիշյալ վիճաբանության աննշան առիթը որպես սպանություն կատարելու պատրվակ օգտագործելով, ինչպես նաև հակառակորդ կողմի հանդեպ իր անձն ընգծելու մոլուցքով, Խաչիկ Մկրտչյանին ապօրինաբար կյանքից զրկելու դիտավորությամբ, դեպքի վայրում գտնվող բազմաթիվ անձանց կյանքի համար վտանգավոր եղանակով, վերը նշված ՙԻՎ 1533՚ համարի, ՙՊՄ՚ տեսակի ատրճանակից կրակոցներ է արձակել նրա վրա, որի արդյունքում Խաչիկ Մկրտչյանը կոնքի շրջանում ստացել է հրազենային, գնդակային, թափանցող, կույր վնասվածք ու մահացել՚:

Դատական քննության փուլում մեղադրողի կողմից ՀՀ քրեական դատավարության օրենսգրքի 3091-րդ հոդվածի կարգով ամբաստանյալ Արսեն Լևոնի Ահարոնյանին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով, այն բանի համար, որ ՙնա համաձայնության գալով Վռամ Բաղդասարյանի, Պետրոս Գրիգորյանի հետ, Խաչիկ Մկրտչյանի և նրա ընկերների հետ պարզաբանումներ կատարելու վերաբերյալ, և գնացել են Երևան Կոմիտասի պողոտայի 17 և 19 շենքերի մոտ, որտեղ նույն օրը ժամը 22:30-ի սահմաններում, առանց էական պատճառի, վիճաբանության մեջ են մտել Խաչիկ Մկրտչյանի և նրա ընկերների հետ, որի ընթացքում դիտավորությամբ կոպիտ կերպով խախտելով հասարակական կարգը, բացահայտ անհարգալից վերաբերմունք արտահայտելով հասարակության նկատմամբ, շուրջ 15 րոպե տևողությամբ փոխադարձ բարձրաձայն հայհոյանքներ են տվել, քաշքշել, հարվածել միմյանց` դրանով իսկ խախտելով հարակից շենքերի բնակիչների և անցորդների անդորրն ու հանգիստը, որի ընթացքում Արսեն Ահարոնյանը գործադրել է իր մոտ ապօրինի պահվող ատրճանակը` այն ի ցույց հանելով, սակայն ատրճանակը նրա մոտից վայր է ընկել և փամփշտատուփը դեպքի վայրում թողնելով Ահարոնյանը հեռացել է՚:

Դատական քննության փուլում մեղադրողի կողմից ՀՀ քրեական դատավարության օրենսգրքի 3091-րդ հոդվածի կարգով ամբաստանյալ Պետրոս Խաչատուրի Գրիգորյանին առաջադրված մեղադրանքը փոփոխվել և նրան ՀՀ քրեական օենսգրքի 258-րդ հոդվածի 3-րդ մասի 1-ին կետով նոր մեղադրանք է առաջադրվել այն արարքի համար, որ ՙհամաձայնության գալով Վռամ Բաղդասարյանի, Արսեն Ահարոնյանի հետ, Խաչիկ Մկրտչյանի և նրա ընկերների հետ պարզաբանումներ կատարելու վերաբերյալ, գնացել են Երևանի Կոմիտասի պողոտայի 17 և 19 շենքերի մոտ, որտեղ նույն օրը ժամը 22:30-ի սահմաններում, առանց էական պատճառի, վիճաբանության մեջ են մտել Խաչիկ Մկրտչյանի և նրա ընկերների հետ, որի ընթացքում դիտավորությամբ կոպիտ կերպով խախտելով հասարակական կարգը, բացահայտ անհարգալից վերաբերմունք արտահայտելով հասարակության նկատմամաբ, շուրջ 15 րոպե տևողությամբ փոխադարձ բարձրաձայն հայհոյանքներ են տվել միմյանց հասցեին, քաշքշել, հարվածել միմյանց` դրանով իսկ խախտելով հարակից շենքերի բնակիչների և անցորդների անդորրն ու հանգիստը՚:

Հայկ Նիկողոսի Սանդալջյանին նախաքննության մարմինը ՀՀ քրեական օրենսգրքի 258-րդ հոդված 4-րդ մասով մեղադրանք է առաջադրել այն բանի համար, որ ՙիր ընկերներ Խաչիկ Արմենի Մկրտչյանի և Արթուր Հրանտի Փոխարյանի հետ, հարցեր պարզաբանելու նպատակով, 2010թ. մայիսի 12-ին ժամը 22.30-ի սահմաններում, Երևանի Կոմիտասի պողոտայի 17 և 19 շենքերի մոտ հանդիպել են Արսեն Լևոնի Ահարոնյանի, նրա ընկեր Պետրոս Խաչատուրի Գրիգորյանի և գործով չպարզված անձանց հետ: Հանդիպումը վերածվել է վիճաբանության, ապա` կռվի, որի ընթացքում Հայկ Սանդալջյանը, Արթուր Փոխարյանը, Խաչիկ Մկրտչյանը, Արսեն Ահարոնյանը, Պետրոս Գրիգորյանը և գործով չպարզված անձինք շուրջ 15 րոպե շարունակ վիճաբանել, ապա քաշքշել և հարվածել են միմյանց, տվել փոխադարձ հայհոյանքներ: Իրենց այդ գործողություններով նրանք ակնհայտորեն խախտելով հասարակության մեջ ընդունված բարոյական նորմերը, բացահայտորեն ցույց տալով իրենց արհամարհական վերաբերմունքը հասարակության նկատմամբ, դիտավորությամբ կոպիտ կերպով խախտել են հասարակական կարգը և արտահայտել բացահայտ անհարգալից վերաբերմունք հասարակության` շրջակա շենքերի բնակիչների, փողոցում գտնվող քաղաքացիների, անցորդների, ինչպես նաև վիճաբանության և կռվին ականատես դարձած բազմաթիվ անձանց նկատմամբ, որով խախտվել է քաղաքացիների անդորրը:
Խուլիգանության ընթացքում Հայկ Սանդալջյանը և Արթուր Փոխարյանը որպես զենք օգտագործվող մահակների գործադրմամբ հարվածներ են հասցրել դեպքի վայրում հայտնված Հայկ Հակոբյանին` նրա առողջությանը դիտավորությամբ պատճառելով թեթև վնաս` առողջության կարճատև քայքայումով՚:

Արթուր Հրանտի Փոխարյանին նախաքննության մարմինը մեղադրանք է առաջադրել ՀՀ քրեական օրենսգրքի 258-րդ հոդվածի 4-րդ մասով այն արարքի համար, որ ՙնա իր ընկերներ Խաչիկ Արմենի Մկրտչյանի և Հայկ Նիկողոսի Սանդալջյանի հետ, հարցեր պարզաբանելու նպատակով, 2010թ. մայիսի 12-ին ժամը 22.30-ի սահմաններում, Երևանի Կոմիտասի պողոտայի 17 և 19 շենքերի մոտ հանդիպել են Արսեն Լևոնի Ահարոնյանի, նրա ընկեր Պետրոս Խաչատուրի Գրիգորյանի և գործով չպարզված անձանց հետ: Հանդիպումը վերածվել է վիճաբանության, ապա` կռվի, որի ընթացքում Արթուր Փոխարյանը, Խաչիկ Մկրտչյանը, Հայկ Սանդալջյանը, Արսեն Ահարոնյանը, Պետրոս Գրիգորյանը և գործով չպարզված անձինք շուրջ 15 րոպե շարունակ վիճաբանել, ապա քաշքշել և հարվածել են միմյանց, տվել փոխադարձ հայհոյանքներ: Իրենց այդ գործողություններով նրանք ակնհայտորեն խախտելով հասարակության մեջ ընդունված բարոյական նորմերը, բացահայտորեն ցույց տալով իրենց արհամարհական վերաբերմունքը հասարակության նկատմամբ, դիտավորությամբ կոպիտ կերպով խախտել են հասարակական կարգը և արտահայտել բացահայտ անհարգալից վերաբերմունք հասարակության` շրջակա շենքերի բնակիչների, փողոցում գտնվող քաղաքացիների, անցորդների, ինչպես նաև վիճաբանության և կռվին ականատես դարձած բազմաթիվ անձանց նկատմամբ, որով խախտվել են քաղաքացիների անդորրը:
Խուլիգանության ընթացքում Արթուր Փոխարյանը և Հայկ Սանդալջյանը որպես զենք օգտագործվող մահակների գործադրմամբ հարվածներ են հասցրել դեպքի վայրում հայտնված Հայկ Հակոբյանին` նրա առողջությանը դիտավորությամբ պատճառելով թեթև վնաս` առողջության կարճատև քայքայումով՚:

Դավիթ Նիկողոսի Սանդալջյանին` մեղադրանք է առաջադրվել ՀՀ քրեական օրենսգրքի 38-258-րդ հոդվածի 4-րդ մասով այն բանի համար, որ ՙնա դրդել է եղբորը` Հայկ Սանդալջյանին, Խաչիկ Մկրտչյանին ու նրանց ընկերներին զենքի և որպես զենք օգտագործվող առարկաների գործադրմամբ խուլիգանություն կատարելուն£
Երևան քաղաքի բնակիչ Վռամ Բաղդասարյանը 2010թ. մայիսի 12-ին` ժամը 17 անց 30-ի սահմաններում, ընկերների` Արսեն Ահարոնյանի և Պետրոս Գրիգորյանի ներկայությամբ Երևան քաղաքի Կոմիտասի պողոտայի 19-րդ շենքի դիմաց չնչին` իր վրա խեթ հայացքով նայելու առիթով վիճաբանել և ապտակել է Դավիթ Սանդալջյանին, ով, սպառնալով հաշվեհարդար տեսնել այդ արարքի համար, դիմել է փախուստի£
Տեղի ունեցածի մասին Դավիթ Սանդալջյանը տեղեկացրել է եղբորը` Հայկ Սանդալջյանին ու նրա ընկերներ` Խաչիկ Մկրտչյանին, Արթուր Փոխարյանին և Նարեկ Օհանջանյանին£ Դավիթ Սանդալջյանի դրդմամբ, վերջիններս, զինվելով ապօրինի կերպով ձեռք բերված, պահված ու կրված հրազեն հանդիսացող` գործարանային արտադրության, КВ 4744 համարի, ՙՊՄ՚ տեսակի ատրճանակով, ինչպես նաև որպես զենք օգտագործվող առարկաներով` մահակներով, սկսել են շրջել Կոմիտասի պողոտայի հարակից տարածքում` Վռամ Բաղդասարյանին գտնելու, վերոհիշյալ վիճաբանության հետ կապված հարցերը պարզաբանելու ու նրան պատժելու նպատակով£
Նույն օրը` ժամը 22:30-ի սահմաններում, Հայկ Սանդալջյանը, Արթուր Փոխարյանը, Նարեկ Օհանջանյանն ու Խաչիկ Մկրտչյանը Երևան քաղաքի Կոմիտասի պողոտայի 17-րդ և 19-րդ շենքերի մոտ հանդիպելով Վռամ Բաղդասարյանին, Պետրոս Գրիգորյանին, Արսեն Ահարոնյանին և վերջինիս հորաքրոջ որդուն` Հայկ Հակոբյանին, վիճաբանության մեջ են մտել վերջիններիս հետ, որի ընթացքում բացահայտ անհարգալից վերաբերմունք դրսևորելով հասարակության նկատմամբ` զենքերի և որպես զենք օգտագործվող առարկաների գործադրմամբ դիտավորությամբ կոպիտ կերպով խախտել են հասարակական կարգը. տևական ժամանակ հարվածել են միմյանց ու տվել փոխադարձ հայհոյանքներ` դրանով իսկ խախտելով հարակից շենքերի բնակիչների և անցորդների անդորրն ու հանգիստը£
Նկարագրված խուլիգանական գործողությունների ընթացքում Արսեն Ահարոնյանն ու Պետրոս Գրիգորյանն ստացել են հրազենային մարմնական վնասվածքներ, իսկ Խաչիկ Մկրտչյանը` կոնքի շրջանում ստացել է հրազենային, գնդակային, թափանցող, կույր վնասվածք ու մահացել՚:

Ապացույցների հետազոտում
Առաջադրված մեղադրանքում ամբաստանյալ Վռամ Բաղդասարյանն իրեն մեղավոր է ճանաչել միայն ապօրինի կերպով հրազեն պահելու համար և իր ցուցմունքներում հայտնել է, որ Խաչիկ Մկրտչյանին չի սպանել և նրան ընդհանրապես չի ճանաչում, իր մոտ ՙՄակարով՚ տեսակի ատրճանակ չի եղել£ Ամբաստանյալը ժխտել է 2010թ. մայիսի 12-ին` ժամը 17 անց 30-ի սահմաններում, Դավիթ Սանդալջյանի հետ վիճաբանելու ու նրան ապտակելու հանգամանքը, նշել է որ նույն օրը` ժամը 22 անց 30-ի սահմաններում, երբ ինքը եղել է Պետրոս Գրիգորյանի և Արսեն Ահարոնյանի հետ, վեջինիս ՙՏոյոտա Քեմրի՚ մակնիշի ավտոմեքենայով մոտեցել են Երևան քաղաքի Կոմիտասի պողոտայի 17-րդ և 19-րդ շենքերի միջև ընկած հատվածը իրենց է մոտեցել մի սպիտակ մեքենա և մի տղա դուրս գալով ավտոմեքենայից սկսել է կրակել իրենց վրա, որի հետևանքով Արսենը և Պետրոսը վիրավորվել են : Այդ ընթացքում ինքը իր մոտ գտնվող ՙTT՚ ատրճանակից մեկ անգամ օդ է կրակել, դրանից հետո մարմնական վնասվածքներ ստացած Արսեն Ահարոնյանին ու Պետրոս Գրիգորյանին մեքենայով տեղափոխել է Երևան քաղաքի 8-րդ, ապա` Միքայելյանի անվան հիվանդանոց£ Ամբասատանյալ Վռամ Բաղդասարյանը տեղի ունեցած խուլիգանական գործողությունների ու փոխհրաձգության, ինչպես նաև դեպքին իր մասնակցության` վերաբերյալ տվել է հակասական և իրարամերժ ցուցմունքներ:
Դատական քննության ընթացքում իր ցուցմունքի վերջնամասում և լրացուցիչ հարցաքննության ընթացքում Վ.Բաղդասարյանը հայտարարեց, որ իբր ՙՄակարով՚ տեսակի ատրճանակը գտնվել է Պետրոս Գրիգորյանի մոտ և նա է կրակել Խաչիկ Մկրտչյանի ուղղությամբ:

Առաջադրված մեղադրանքում Արսեն Ահարոնյանը ՀՀ քրեական օրենսգրքի 258-րդ հոդվածի 4-րդ մասով իրեն մեղավոր չճանաչեց և օգտվելով իր դատավարական իրավունքից` հրաժարվեց ցուցմունք տալուց, սակայն պատասխանեց մեղադրանքի և պաշտպանության կողմի որոշ հարցադրումներին: Ամբաստանյալ Ահարոնյանը պնդեց, որ դատարանը պետք է հիմք ընդունի միայն թիվ 62201611 քրեական գործով տված իր նախաքննական ցուցմունքները:
Դատաքննության փուլում երբ ամբաստանյալ Վռամ Բաղդասարյանը հայտարարեց որ դեպքի պահին ՙՄակարով՚ ատրճանակը գտնվել է Պետրոս Գրիգորյանի մոտ Արսեն Ահարոնյանը լրացուցիչ ցուցմունքում պնդեց, որ իրականում այդ օրը Պետրոս Գրիգորյանի մոտ ընդհանրապես որևէ զենք չի եղել:
Թիվ 62201611 քրեական գործի նախաքննության փուլում Ա.Ահարոնյանը ցուցմունքներ է տվել այն մասին, որ 2010թ. ապրիլի սկզբին ՙՄալականի՚ այգուց գտել է ՙԿոլտ՚ տեսակի ատրճանակ` յոթ փամփուշտով£ Ատրճանակը մշտապես պահել է մոտ և տնից դուրս գալիս այն միշտ վերցրել է իր հետ£ 2010թ. մայիսի 12-ին մինչև ժամը 16-ը գտնվել է տանը` Երևան քաղաքի Փափազյան փողոցի 22\3-րդ շենքի 5-րդ բնակարանում£ Այնուհետև, վերոհիշյալ ատրճանակը դնելով աջ գոտկատեղում, դուրս է եկել և քեռու` Հովհաննես Շահինյանի ՙՄերսեդես՚ մակնիշի, 50 ՈՈ 777 պետհամարանիշի ավտոմեքենայով գնացել է ընկերոջ` Պետրոս Գրիգորյանի տուն, վերցրել նրան, որից հետո միասին մյուս ընկերոջը` Վռամ Բաղդասարյանին, տնից վերցնելով` միասին գնացել են իր` Փափազյան փողոցում գտնվող ավտոլվացման կետ£ Այնտեղ մոտ 40 րոպե մնալուց հետո Վռամը սառը սուրճ խմելու ցանկություն է հայտնել և սուրճ գնելու նպատակով` վերը նշված ավտոմեքենայով, որը վարել է Վռամը, գնացել են Կոմիտասի պողոտայի 19-րդ շենքի առաջին հարկում գտնվող խանութի մոտ£ Վռամն ավտոմեքենան կանգնեցրել է խանութից մոտ 15-20 մետր հեռավորության վրա, իջել մեքենայից ու գնացել դեպի խանութի կողմը, իսկ ինքն ու Պետրոսը մնացել են մեքենայում£ Մոտ հինգ րոպե անց տեսնելով, որ Վռամն ուշանում է, Պետրոսն իջել է մեքենայից` ուշացման պատճառը պարզելու նպատակով£ Դրանից մոտ հինգ րոպե հետո Պետրոսն ու Վռամը վերադարձել են, և քանի որ վերջինս զայրացած է եղել, նրան հարցրել է, թե ի±նչ է պատահել, և ինչու± ուշացավ, ինչին կոնկրետ պատասխան չի տվել` ասելով.ՙՀեչ, անցավ, բան չկա՚£ Այնուհետև, շուրջ երկու ժամ ավտոմեքենայով շրջել են քաղաքում£ Այդ ընթացքում զանգահարել է Հովհաննես Շահինյանի մտերիմ Արմեն Երիցյանը, ում ՙԵրո՚ են անվանում, և խնդրել ՙՄերսեդես՚ մակնիշի ավտոմեքենան փոխանակել իր մոտ գտնվող ՙՏոյոտա Քեմրի՚ մակնիշի, 18--683 պետհամարանիշի ավտոմեքենայի հետ£ Պայմանավորվել ու Արմեն Երիցյանին հանդիպել են Շիրվանզադեի անվան միջնակարգ դպրոցի մոտ, որտեղ նշված ավտոմեքենաները փոխանակել են, որից հետո Վռամի ու Պետրոսի հետ ՙՏոյոտա Քեմրի՚ մակնիշի ավտոմեքենայով գնացել են իր նշանածի` Արինա Հովհաննիսյանի ընկերուհու տան մոտ, վերջինիս վերցրել ու մեքենայով տարել իր տուն£ Իրենց շենքի բակում հանդիպել են իր հորն ու հորաքրոջ տղային` Հայկ Հակոբյանին£ Արինան բարձրացել է իրենց տուն, իսկ իրենք, վերցնելով Հայկին, ժամը 22-ի սահմաններում մեքենայով գնացել են Կոմիտասի պողոտայի 17-րդ շենքում գտնվող` քեռու գրասենյակի մոտ` այնտեղ թղթախաղով զբաղվելու նպատակով£ Մեքենան վարել է Վռամը, նրա կողքին նստել է ինքը, Պետրոսը` Վռամի հետևի մասում, իսկ Հայկը` վերջինիս կողքին£ Երբ Կոմիտասի պողոտայից թեքվել և մտել են 17-րդ և 19-րդ շենքերի միջև ընկած հատվածը, իրենց ավտոմեքենային դեմ-դիմաց դուրս է եկել ՙՄերսեդես՚ մակնիշի, 50—333 պետհամարանիշի, կուպե տեսակի, արծաթագույն ավտոմեքենա ու կանգնել իրենց ավտոմեքենայից մոտ 2 մետր հեռավորության վրա£ Իրենք իջել են մեքենայից, նույն պահին կուպե տեսակի` վերը նշված մեքենայի վարորդի կողքից իջել է Խաչիկ Մկրտչյանը և, առանց որևէ բան ասելու, աջ ձեռքում գտնվող ատրճանակն ուղղել է իրենց մեքենայի ձախ կողմում գտնվող Պետրոսի վրա ու կրակոց արձակել£ Չհասկանալով, թե ինչ կատարվեց, անհրաժեշտության դեպքում պաշտպանվելու նպատակով ցանկացել է գոտկատեղից հանել ՙԿոլտ՚ տեսակի ատրճանակը, սակայն այն հանելու պահին, խառնաշփոթ վիճակում ատրճանակի փամփշտակալն ընկել է գետնին£ Փորձել է այն վերցնել, սակայն, նկատելով, որ Պետրոսն ընկել է` այլևս փամփշտակալին ուշադրություն չի դարձրել և իրենց ավտոմեքենայի առջևի մասով վազելով մոտեցել է նրան ու հարցրել, թե ինչ պատահեց£ Վերջինս դժվարությամբ պատասխանել է.ՙԿրակեց՚£ Հասկացել է, որ Խաչիկի արձակած կրակոցից Պետրոսը վիրավորվել է£ Այդ պահին, երբ դեմքով կանգնած է եղել դեպի Պետրոսը, իսկ Խաչիկը գտնվել է իր թիկունքում, լսել է ևս մեկ կրակոցի ձայն, որից անմիջապես հետո ուժեղ ցավ է զգացել նստատեղի մասում և հասկացել է, որ կրակոցի հետևանքով վիրավորվել է£ Շրջվել է և անմիջապես իր հետևում տեսել Խաչիկին` ատրճանակը դեպի իրեն ուղղած վիճակում, ում ձախ ձեռքում եղել է նաև մահակ£ Շրջվելու պահին Խաչիկը մահակով հարվածել է իր գլխին, որի հետևանքով թուլացել, ընկել է գետնին ու կորցրել գիտակցությունը£ Թե այդ ընթացքում ինչ է տեղի ունեցել Վռամի, Պետրոսի ու Հայկի հետ, չգիտի, քանի որ ամբողջ ուշադրությունն ուղղված է եղել Խաչիկին, ում մոտ ատրճանակ է եղել, ինչպես նաև` գետնին ընկած Պետրոսին£ Երբ գիտակցության է եկել, տեսել է, որ ՙՄերսեդես՚ մակնիշի ավտոմեքենան արդեն հեռացել է, և Պետրոսն ու Վռամն այդտեղ չեն£ Իրենց մեքենայի աջ կողմից մի քանի մետր հեռավորության վրա` գրեթե պատի մոտ, նկատել է գետնին ընկած Հայկին, ով տնքալով անկանոն շարժումներ է արել£ Դժվարությամբ նստել է ՙՏոյոտա Քեմրի՚ մակնիշի ավտոմեքենան ու այն վարելով մոտեցել է Հայկին, ով մեծ դժվարությամբ նույնպես նստել է իր կողքին, և միասին շարժվել են 8-րդ հիվանդանոցի ուղղությամբ£ Ճանապարհին զանգահարել է Պետրոսին, նրանից տեղեկացել, որ նա Վռամի հետ հասել է Կոմիտասի պողոտայում գտնվող ՙՍԱՍ՚ սուպերմարկետի մոտ£ Հայկի հետ միասին մեքենայով հասել են նշված սուպերմարկետի մոտ, որտեղ հանդիպել են Վռամին ու Պետրոսին£ Վերջիններից իմացել է, որ նրանք դեպքի վայրից հեռացել են ինչ-որ ՙԳԱԶ-24՚ մակնիշի ավտոմեքենայով£ Քանի որ ինքը վիրավոր է եղել, ՙՏոյոտա Քեմրի՚ մակնիշի ավտոմեքենայի ղեկին է նստել Վռամը, ինքը նստել է վերջինիս հետևում, Հայկը` Վռամի, իսկ Պետրոսը` իր կողքին£ Չի հիշում, թե ճանապարհի որ հատվածում Վռամը կանգնեցրել է մեքենան և ինչ-որ բան ասել Հայկին, որից հետո վերջինս իջել է մեքենայից ու գնացել£ Քանի որ շատ վատ է զգացել ու ցանկացել է, որ կողքին հարազատ մարդ լինի, զանգահարել է մորը, խնդրել, որ նա դուրս գա իրենց շենքի բակ£ Այնուհետև մեքենայով գնացել են իրենց շենքի մոտ, վերցրել մորը և միասին գնացել 8-րդ հիվանդանոց£ Այնտեղ բժիշկները հայտնել են, որ պետք է շտապ դիմեն Միքայելյանի անվան հիվանդանոց, և Վռամն իրեն ու Պետրոսին տարել է նշված հիվանդանոց, որտեղ իրենց բուժօգնություն են ցույց տվել, իսկ Վռամը գնացել է£ Հիվանդանոցում իմացել է, որ Խաչիկ Մկրտչյանը մահացել է, և խոսակցություններից լսել է, որ նրան Վռամն է սպանել£
Հայտնել է, որ դեպքից հետո իր մոտ եղած ՙԿոլտ՚ տեսակի ատրճանակը դրել ու թողել է ՙՏոյոտա Քեմրի՚ մակնիշի ավտոմեքենայի հետևի նստատեղի վրա£
Հայտնել է նաև, որ հիվանդանոցում տեղեկանալով, որ դեպքի ժամանակ արձակված կրակոցի հետևանքով Խաչիկ Մկրտչյանը վիրավորվել ու մահացել է` ենթադրել է, որ վերջինիս վրա կրակողն ու նրան սպանողը փաստորեն փրկել է իր կյանքը, որից ելնելով` Խաչիկին սպանողի հանդեպ պարտավորվածություն է զգացել և երախտագիտությունից դրդված` Խաչիկ Մկրտչյանի սպանության դեպքի առթիվ Արաբկիրի քննչական բաժնում հարուցված քրեական գործով ցուցմունք է տվել, թե իբր ինքն է սպանել Խաչիկին` միաժամանակ հույս ունենալով, որ իրավապահ մարմինները կբացահայտեն իրական սպանողին£ Հիվանդանոցում գտնվելու ժամանակ Պետրոս Գրիգորյանին խնդրել է ցուցմունք տալ, թե իբր ինքն է Խաչիկին սպանել£ Հետագայում գիտակցել է, որ սխալ է վարվել` ուրիշի կատարած հանցանքն իր վրա վերցնելով, և հետագա ցուցմունքներում հայտնել է, որ սպանությունն ինքը չի կատարել£ Երբ իր վերաբերյալ քրեական գործն ուղարկվել է դատարան, գիտակցելով, որ կարող է դատապարտվել չարած արարքի, այսինքն` Խաչիկ Մկրտչյանին սպանելու համար` թիվ 62201611 քրեական գործով տված ցուցմունքներում հայտնել է ողջ իրականությունը£
հ.6 գ.թ. 54-59, 159-160
հ.9 գ.թ. 23

Ամբաստանյալ Արսեն Ահարոնյանը նախաքննության փուլում իր ցուցմունքը պնդել է նաև Վռամ Բաղդասարյանին առերես£
հ.9 գ.թ. 44-49

Ամբաստանյալ Պետրոս Գրիգորյանն առաջադրված մեղադրանքում իրեն մեղավոր չի ճանաչել և դատաքննությամբ ցուցմունքներ է տվել այն մասին, որ 2010թ. մայիսի 12-ին, իր ընկերներ Արսեն Ահարոնյանի և Վռամ Բաղդասարյանի հետ սուրճ գնելու նպատակով Արսենի քեռու ՙՄերսեդես՚ մակնիշի ավտոմեքենայով գնացել են կոմիտասի պողոտայի 19 շենքի տակ գտնվող խանութի մոտ: Վռամն իջել է ավտոմեքենայից, սակայն տեսնելով, որ մի քանի րոպե անց նա չի վերադառնում, իջնելով ավտմեքենայից տեսել է, որ Վռամը վիճում է երիտասարդ մի տղայի հետ: Վռամը վերադառնալով դեպի ավտոմեքենան, ասել է, որ այդ տղան իրեն լավ չի պահել: Ինքը չի ճանաչել այդ տղային:
Դրանից հետո իրենք շրջել են քաղաքում, այդ ընթացքում ՙՄերսեդես՚ ավտոմեքենան փոխել են ՙՏոյոտա Քեմրի՚ ավտոմեքենայի հետ, քանի որ ՙՄերսեդես՚-ը պետք էր եկել Արսենի պապին: Ավտոմեքենայով շրջելու ընթացքում տեսել են, որ Վռամը գոտու տակից հանել է ՙՄակարով՚ տեսակի ատրճանակը և դրել նստատեղի ու փոխանցման տուփի արանքում: Արդեն երեկոյան Արսենենց բակում պատահաբար հանդիպել են նրա հորաքրոջ տղային` Հայկին, որը միացել է իրենց: Չորսով ՙՏոյոտա՚ մեքենայով շարժվել են դեպի Կոմիտասի 19 շենքի բակ, որտեղ գտնվող գրասենյակում հաճախ են լինում: Ավտոմեքենան վարել է Վռամը, ինքը նստած է եղել նրա հետևում, Արսենը` Վռամի, իսկ Հայկը` իր կողքին: Երբ իրենց մեքենան մտել է Կոմիտաս 17 և 19 շենքերի միջնամասը, իրենց դեմ դուրս է եկել մի ՙՄերսեդես՚ մակնիշի ավտոմեքենա: Այդ պահին Վռամը վերցնելով ՙՄակարով՚ ատրճանակը, իջել է ավտոմեքենայից, որից հետո ավտոմեքենայից դուրս են եկել նաև ինքը, Արսենը և Հայկը: Ինքը գտնվել է Վռամի հետևում, այդ ժամանակ բացվել է դիմացին կանգնած ՙՄերսեդես՚-ի վարորդի կողքի դուռը, որտեղից իջել է հանգուցյալ Խաչիկ Մկրտչյանը և տեսնելով, որ նրա ձեռքում նույնպես ատրճանակ կա, որոշել է ՙՏոյոտա՚ մեքենայի հետևի կողմով շրջանցել ու գնալ Արսենի կողմը, սակայն երբ շրջվել է, լսել է կրակոցի երկու ձայն ու ուժեղ ցավ է զգացել ձախ ոտքի հատվածում: Ցավից ու վախի հետևանքով կքանստել է ՙՏոյոտա՚ մեքենայի հետևում, այդ ժամանակ նորից լսել է կրակոցի ձայն: Ոտքը բռնած, հնարավոր արագությամբ շարժվել է դեպի Կոմիտասի 19 շենքի ուղղությամբ: Այդ ընթացում նորից լսել է կրակոցի ձայն, սակայն չի հիշում, թե քանի հատ, որից հետո նկատել է Արսենին: Բավական տարածություն հեռանալով այդտեղից, նստել է մայթեզրին, որից հետո իրեն է մոտեցել Վռամը: Այդ ժամանակ նրա մոտ գտնվող ատրճանակն ընկել է գետնին, նա վերցրել ու դրել է գոտկատեղում: Դրանից հետո այդտեղ գտնվող ինտերնետ ակումբի մոտ նկատել է իր ընկերներից Հովիկին ու նա իր ՙԳԱԶ-24՚ մակնիշի ավտոմեքենայով իրեն ու Վռամին հեռացրել է այդտեղից: Կոմիտասի պողոտայի ՙՍԱՍ՚ սուպերմարկետի մոտ հանդիպել են Արսենին ու Հայկին, որոնք ՙՏոյոտա՚ ավտոմեքենայով են եղել, տեղափոխվել են այդ ավտոմքենան, Վռամը նստել է ղեկին, Հայկը նրա կողքին, իսկ ինքն ու Արսենը` հետևում: Այդ ժամանակ իմացել է, որ Խաչիկի կրակոցներից վիրավորվել է նաև Արսենը: Ճանապարհին` Կոմիտասի պողոտայի ՙԴայանա՚ խանութի մոտ կանգնելով, Վռամը Հայկին տվել է ՙՄակարով՚ և ՙՏՏ՚ ատրճանակները, ասելով, որ դրանք թաքցնի, որից հետո Հայկը իջել է ավտոմեքենայից, իսկ իրենք գնացել են հիվանդանոց: Հիվանդանոցում Արսենն ասել է, որ լսել է, որ Խաչիկը մահացել է: Արսենն ասել է նաև, որ Խաչիկին սպանողը փրկել է իրենց կյանքը և այդ պատճառով ինքն իր վրա կվերցնի Խաչիկի վրա կրակելը :Միաժամանակ Արսենն ասել է, որ ինքը ցուցմունք տա, թե իբր ՙԿոլտ՚ տեսակի ատրճանակը իր մոտ է եղել, քանի որ Արսենի մոտ այդքան ատրճանակ չէր կարող լինել և պայմանավորվածության համաձայն ինքը նույնպես իր ցուցմունքում ասի, որ Արսենն է կրակել Խաչիկի վրա : Հենց սկզբից ինքը դեմ է եղել դրան, ինչի մասին ասել է նաև Արսենին, սակայն նա չի համաձայնվել, ասելով որ այդպես ճիշտ կլինի ու ինքը ստիպված ընկերոջ խնդրանքով Արաբկիրի քննչական բաժնի քննիչին տվել է այդպիսի ցուցմունքներ: Ամբաստանյալ Գրիգորյանը նշել է նաև, որ իրենք մտածել են, որ այդպես ցուցմունք տալով ինքը կդատապարտվի ապօրինի զենք պահելու, իսկ Արսենը` ինքնապաշտպանության նպատակով սպանություն կատարելու համար, սակայն իրենց ցուցմունքները նախաքննության մարմինը հիմք չի ընդունել և գործն ուղարկվել է դատարան: Նա մեղադրվել է զենքով խուլիգանություն կատարելու, իսկ Արսենը` սպանության համար: Այդ ժամանակ հասկացել է, որ սխալ են արել նման ցուցմունքներ տալով, երբ իմացել են որ ձերբակալվել է է նաև Վռամը ինքը պատմել է ողջ իրականությունը:
Իր սկզբնական ցուցմունքներում հայտնել է, որ Վռամը իրենց հետ չի եղել, որովհետև նա նույնպես իր ընկերն է և չի ցանկացել, որ նրա անունը շոշափվի: Անձամբ Վռամի կրակելը չի նկատել, քանի որ վիրավորվելուց հետո անմիջապես հեռացել է այդտեղից, բայց խոսակցություններից լսել է, որ նա է կրակել:
Փաստորեն, Վռամը կրակելով փրկել է իրենց կյանքը, որվհետև Խաչիկը մինչև իր կրակելը արդեն վիրավորել էր իրեն և Արսենին:
Առաջադրված մեղադրանքում իրեն մեղավոր չի ճանաչել, քանի որ որևէ գործողություն չի կատարել դեպքի ժամանակ: Առաջինը վիրավորվելով, մտածելով իր կյանքի մասին, հեռացել է այդտեղից: Նման պայմաններում ինքը չեր կարող խուլիգանություն կատարած լինել: Նույնիսկ մինչև Հատուկ քննչական ծառայությունում ցուցմունք տալը իր տված նախորդ ցուցմունքներում էլ ինքը չի նշել, որ խուլիգանություն է կատարել: Հայտնեց նաև, որ դեպքի ժամանակ կամ մինչև այդ իր մոտ ոչ մի զենք չի եղել: Ուղղակի ինքը սովորություն ունի իր բանալիները պահել ոչ թե գրպանում, այլ գոտկատեղի տակ, այդ պատճառով էլ փորձագետների կողմից հայտնաբերվել են մետաղի շփման ինչ-որ հետքեր, սակայն, դա ոչ թե զենքից է առաջացել այլ իր բանալիներից, ինչը կարող են հաստատել նաև իր հարազատները:
Ամբաստանյալ Վ.Բաղդասարյանի կողմից և լրացուցիչ ցուցմունքում իբր սպանությունը Պետրոս Գրիգորյանի կողմից կատարելու մասին հայտարարելուց հետո, Պետրոս Գրիգորյանը կրկին անգամ պնդեց, որ ՙՄակարով՚ ատրճանակը գտնվել է Վռամի մոտ և նա է կրակել Խաչիկ Մկրտչյանի ուղղությամբ:

Ամբաստանյալ Պետրոս Գրիգորյանը թիվ 62201611 քրեական գործի մինչդատական վարույթի ընթացքում իր ցուցմունքներում նշել է, որ Հովհաննես Շահինյանին պատկանող ՙՄերսեդես՚ մակնիշի, 55ՈՈ777 պետհամարանիշի ավտոմեքենայով իրենց բակ է եկել ընկերը` Արսեն Ահարոնյանը£ Միասին մեքենայով գնացել են Երևան քաղաքի Նիկոլ Դումանի փողոցում բնակվող իրենց ընկերոջ` Վռամ Բաղդասարյանի մոտ և վերջինիս վերցնելով` եկել Արսեն Ահարոնյանին պատկանող, Արամ Խաչատրյան փողոցում գտնվող ավտոլվացման կետ£ Մոտ 30 րոպե այնտեղ մնալուց հետո որոշել են սառը սուրճ խմել, և սուրճ գնելու նպատակով վերը նշված մեքենայով գնացել են Կոմիտասի պողոտայի 19-րդ շենքի տակ գտնվող խանութ£ Մեքենան կանգնեցրել են Կոմիտասի պողոտայում, Վռամն իջել է ու գնացել£ Մի քանի րոպե հետո, տեսնելով, որ Վռամն ուշանում է` որոշել է գնալ ու տեսնել, թե ինչ է պատահել£ Երբ հասել է խանութի մոտ, տեսել է, որ Վռամը քաշել է տարիքով փոքր մի տղայի օձիգից և ինչ-որ արհամարհական խոսքեր ասելով` ապտակել նրան£ Հավաքվել են շրջակա օբյեկտների աշխատողներ, նրանցից հիշում է նշված խանութի տեր և աշխատակից Գևորգին£ Խոսակցությունից հասկացել է, որ նշված վիճաբանության պատճառը Վռամին խեթ հայացքով նայելն է եղել£ Ինքն ու Արսենը միջամտել, բաժանել են նրանց, որպեսզի վիճաբանությունը կռվի չվերածվի£ Վերը նշված երիտասարդը, ով, ինչպես հետագայում արդեն կալանավայրում է իմացել, հանդիսանում է Խաչիկ Մկրտչյանի ընկեր Հայկ Սանդալջյանի եղբայր Դավիթը, մի կողմ անցնելով` վերջինս գոռալով Վռամին ասել է. ՙԴու մեռար՚,-ու փախել£ Մինչև մեքենա նստելը Վռամը զայրացած ասել է, որ այդ ՙլակոտը՚ շատ վատ ձևով է նայել իրեն£ Այնուհետև Արսենը, Վռամը և ինքը մոտ մեկուկես, երկու ժամ մեքենայով շրջել են քաղաքում, որից հետո Արսենին զանգահարել է Հովհաննես Շահինյանի ընկեր Երոն` Արմեն Երիցյանն ու ասել, որ ՙՄերսեդես՚ մակնիշի ավտոմեքենայում կոնյակներ կան, որոնք, ինչպես նաև` մեքենան, պետք է տան Արսենի պապիկին` Երջանիկ Շահինյանին£ Շիրվանզադեի անվան դպրոցի մոտ հանդիպել են Արմեն Երիցյանին, ում հանձնելով ՙՄերսեդես՚ մակնիշի ավտոմեքենան` նրանից վերցրել են դարձյալ Հովհաննես Շահինյանին պատկանող ՙՏոյոտա Քեմրի՚ մակնիշի մեքենան£ Վռամը նստել է նշված մեքենայի ղեկի մոտ, Արսենը` նրա կողքին, իսկ ինքը`հետևում£ Արսենն ասել է, որ պետք է Ավետյան փողոցից նշանածին` Արինային տանեն իրենց տուն£ Երբ մեքենայով շարժվել են, նկատել է, որ Վռամը գոտու տակից հանել է ՙՄակարով՚ տեսակի ատրճանակ, դրել իր նստատեղի և փոխանցման տուփի վահանակի արանքում£ Նշել է, որ մինչ այդ Արսենին զանգահարել է նրա հայրը` Լևոնը, և զգուշացրել, որ ցերեկը տեղի ունեցած միջադեպի կապակցությամբ իրենց փնտրում են£ Այնուհետև վերցրել են Արինային ու տարել Արսենենց շենքի մոտ, որտեղ հանդիպել են Արսենի հորը և հորաքրոջ որդուն` Հայկին£ Վերջիններիս հետ 10-15 րոպե զրուցելուց հետո նստել են ՙՏոյոտա Քեմրի՚ մակնիշի մեքենան ու շարժվել դեպի Կոմիտասի պողոտայի 19-րդ շենքի բակ£ Մեքենան վարել է Վռամը, Արսենը նստել է նրա կողքին, ինքը` Վռամի հետևում, իսկ Հայկը` իր կողքին£ Երբ Կոմիտասի պողոտայից թեքվել են ու մտել 17-րդ և 19-րդ շենքերի միջև ընկած հատված, իրենց դեմ-դիմաց դուրս է եկել Խաչիկ Մկրտչյանի ընկերոջ` Նարեկի ՙՄերսեդես՚ մակնիշի սպիտակ ավտոմեքենան£ Թեև այդ պահին ոչ ոք ոչինչ չի ասել, հասկացել են, որ տհաճ հանդիպում է սպասվում£ Վռամն իր դրած տեղից վերցրել է ՙՄակարով՚ տեսակի ատրճանակն ու իջել մեքենայից£ Գրեթե նույն պահին մեքենայից իջել են նաև ինքը, Արսենը և Հայկը£ Մեքենայից իջնելուց անմիջապես հետո Վռամն ատրճանակը պահել է Նարեկի մեքենայի ուղղությամբ ու բղավելով ասել. ՙՀլա դուրս եկաք, արա՚£ Այդ պահին ինքը գտնվել է Վռամի հետևում£ Դրանից հետո բացվել է ՙՄերսեդես՚ մակնիշի ավտոմեքենայի վարորդի կողքի դուռը, և այնտեղից իջել է Խաչիկը, ում ձեռքին նույնպես ատրճանակ է եղել£ Քանի որ իր առջև գտնվող թե Վռամի, թե Խաչիկի մոտ զենքեր են եղել, որոշել է ՙՏոյոտա Քեմրի՚ մակնիշի մեքենայի հետևի կողմով գնալ Արսենի ու Հայկի մոտ£ Երբ շրջվել է, որ գնա, գրեթե մեկ վայրկյանի տարբերությամբ իրար հաջորդող երկու կրակոցի ձայն է լսել£ Հենց այդ պահին ուժեղ ցավ է զգացել ձախ ոտքի ստորին հատվածում և ցավից ու վախից կքանստել է ՙՏոյոտա Քեմրի՚ մակնիշի մեքենայի հետևում, այդ ժամանակ ևս մեկ կրակոցի ձայն է լսել£ Այնուհետև, ոտքը բռնած, արագ քայլելով գնացել է Կոմիտասի պողոտայի ուղղությամբ և լսել ևս մի քանի կրակոցի ձայն£ Այդ ընթացքում Արսենի ձեռքում տեսել է արծաթագույն ատրճանակ, որը, ինչպես հետո է իմացել, ՙԿոլտ՚ տեսակի է եղել£ Երբ նստել է մայթեզրին, մի ակնթարթ հետո իրեն է մոտեցել Վռամը, ով շատ խառնված է եղել£ Այդ պահին Վռամի կողմից երկաթի ընկնելու ձայն է լսել, երբ շրջվել է նրա կողմը, տեսել է` նա գետնից ատրճանակին նմանվող մի բան է վերցրել ու դրել գոտկատեղում£ Քիչ հեռվում` ինտերնետ ակումբի դիմաց, նկատել է իր ընկերներից Հովիկին ու նրա ՙԳԱԶ-24՚ մակնիշի ավտոմեքենան, նրան խնդրել է իրենց տեղափոխել հիվանդանոց£ Վռամը նստել է նշված մեքենայի առջևի աջ նստատեղին, ինքը` հետևում, և Հովիկը մեքենան վարել է Կոմիտասի պողոտայով` Զեյթուն թաղամասի ուղղությամբ£ Մոտ երկու րոպե հետո իր կամ Վռամի հեռախոսով խոսել են Արսենի հետ և նրանից տեղեկանալով, որ նա էլ է շարժվել` պայմանավորվել են հանդիպել Կոմիտասի պողոտայում գտնվող ՙՍԱՍ՚ սուպերմարկետի մոտ, որտեղ էլ հանդիպել են Հայկին ու Արսենին£ Այդտեղ իմացել են, որ Արսենը նույնպես Խաչիկի կրակոցներից վիրավորվել է, իսկ Հայկին ծեծել են մահակով£ Այնուհետև Հովիկն իր մեքենայով հեռացել է, Վռամը նստել է ՙՏոյոտա Քեմրի՚ մակնիշի մեքենայի ղեկին, Հայկը` նրա կողքը, իսկ ինքն ու Արսենը` հետևում£ Արսենը զանգահարել է մորը` Կարինեին, և ասել, որ նա դուրս գա իրենց շենքից քիչ հեռու գտնվող ՙՄամա միա՚ ճաշարանի մոտ£ Ճանապարհին` Կոմիտասի պողոտայում գտնվող ՙԴայանա՚ խանութի մոտ, Վռամը կանգնեցրել է ավտոմեքենան և Հայկին փոխանցելով ՙՄակարով՚ և ՙՏՏ՚ տեսակի ատրճանակներ`ասել է, որ նա դրանք փախցնի£ Հայկը վերցրել է նշված երկու ատրճանակներն ու իջել մեքենայից, իսկ իրենք շարունակել են ճանապարհը£ ՙՄամա միա՚ ճաշարանի մոտ հանդիպել են Կարինեին և նրա հետ միասին մեքենայով գնացել հիվանդանոց£ Արսենը մեքենայի հետևի նստատեղին է դրել իր մոտ եղած ՙԿոլտ՚ տեսակի ատրճանակը£ Նշված հիվանդանոցից իրենց ուղարկել են Միքայելյանի անվան հիվանդանոց, որտեղ էլ իրեն ու Արսենին բուժօգնություն են ցույց տվել£ Հիվանդանոցում Արսենն իրեն ասել է, որ հավաքվածների խոսակցություններից տեղեկացել է, որ Խաչիկը մահացել է£ Արսենն ասել է նաև, որ Խաչիկն իրենց վրա է կրակել, իսկ նրան սպանողը փրկել է իրենց կյանքը, որի պատճառով էլ սպանությունն իր վրա պետք է վերցնի£ Բացի այդ, Արսենն ասել է, որ պետք է իր վրա վերցնի ՙԿոլտ՚ տեսակի ատրճանակն իր մոտ լինելու հանգամանքը` պատճառաբանելով, որ այդ ատրճանակից կրակոց չի արձակվել, և Խաչիկը դրանով չի սպանվել, իսկ իր մոտ մի քանի ատրճանակ չէր կարող լինել£ Արսենն իրեն խնդրել է նաև ցուցմունքներում հայտնել, թե իբր նա է կրակել Խաչիկի վրա£ Փորձել է Արսենին համոզել, որ նա իր վրա չվերցնի ուրիշի կատարած սպանությունը, բայց նա չի համոզվել, և ստիպված ընդառաջելով Արսենի խնդրանքին` Խաչիկ Մկրտչյանի սպանության դեպքի առթիվ Արաբկիրի քննչական բաժնում հարուցված քրեական գործով տված ցուցմունքներում հայտնել է այն, ինչպես խնդրել է Արսենը, մասնավորապես` հայտնել է, թե իբր ՙԿոլտ՚ տեսակի ատրճանակն իր մոտ է եղել£
Պետրոս Գրիգորյանը հայտնել է, որ նման ցուցմունքներ տալով` Արսեն Ահարոնյանի հետ մտածել են, որ ինքը կդատապարտվի զենքի, իսկ Արսենը` ինքնապաշտպանության համար, սակայն երբ իրեն զենքի գործադրմամբ խուլիգանություն, իսկ Արսենին սպանություն կատարելու մեղադրանքով քրեական գործն ուղարկվել է դատարան, հասկացել են, որ իրենց չմտածված քայլի հետևանքով կարող են դատապարտվել երկար ժամանակով ազատազրկման` այն էլ չկատարած հանցանքի համար£
հ.6 գթ. 49-52,152-154
հ.8 գթ.136

Առաջադրված մեղադրանքում Հայկ Սանդալջյանն իրեն մեղավոր չի ճանաչել և դատաքննությամբ ցուցմունք է տվել այն մասին, որ ինքը մահակի գործադրմամբ խուլիգանություն չի կատարել ոչ մեկին չի հարվածել:

Թիվ 14113810 քրեական գործի նախաքննության ընթացքում Հայկ Սանդալջյանը ցուցմունք է տվել այն մասին, որ 12.05.2010թ. ինքը հանդիպել է Խաչիկ Մկրտչյանին, Արթուր Փոխարյանին և Նարեկ Օհանջանյանին և վերջինիս ավտոմեքենայով շրջել են Արաբկիր թաղամասով: Խաչիկ Մկրտչյանի խնդրանքով իրենք գնացել են վերջինիս շենքի բակ, որտեղ Խաչիկ Մկրտչյանը իջել է ավտոմեքենայից ու քիչ անց վերադառնալով իր հետ բերել է երեք հատ մահակ ու դրել ավտոմեքենայի մեջ` իր ոտքերի տակ: Ժամը 22:30-ի սահմաններում Կոմիտաս 19 շենքի մոտ հասնելով Խաչիկ Մկրտչյանը ասել է, որ մեքենան վարի դեպի 17 և 19 շենքերի միջնամաս, ապա կանգնել են ու Խաչիկ Մկրտչյանը մեքենայից իջնելով մոտեցել է այդտեղ կանգնած 2 թե 3 տղաների: Քիչ անց նրանք նկատել են, որ Խաչիկ Մկրտչյանի և այդ տղաների միջև վիճաբանություն է սկսվել: Ինքը և Արթուր Փոխարյանը իջել են ավտոմեքենայից ու մոտեցել նրանց, ցանկանալով նրանց հանգստացնել, սակայն դա նրանց չի հաջողվել:Քիչ անց, իր համար անսպասելի, Խաչիկ Մկրտչյանը իր գոտկատեղից հանել է ատրճանակ ու մի քանի անգամ կրակել այդ տղաների ուղղությամբ, որից հետո այդ տղաներից մեկը վայր է ընկել: Դրանից հետո դարձյալ կրակոցներ են տեղի ունեցել, սակայն ինքը չի տեսել, թե ով է կրակում, քանի որ առաջին կրակոցներից հետո վախեցել է և Արթուր Փոխարյանի հետ գնացել դեպի իրենց ավտոմեքենան, մահակներ վերցնելու համար: Տեսել է, որ Խաչիկ Մկրտչյանի բերած 3 մահակներից մնացել է երկուսը` մեկ փայտե և մեկ մետաղական: Ինքը վերցրել է այնտեղ եղած մահակներից փայտե մահակը, իսկ մյուսը վերցրել է Արթուր Փոխարյանը և պաշտպանվելու համար սկսել են թափահարել դրանք: Նրանք ոչ մեկին մահակով չեն ծեծել: Եթե նույնիսկ մահակը ինչ որ մեկին դիպել է, ապա դա պատահական է տեղի ունեցել, ինքը ոչ մեկին մահակով հարվածելու դիտավորություն չի ունեցել: Քիչ անց նկատել են, որ իրենց ընկեր Խաչիկ Մկրտչյանը ընկել է գետնին:Նրանք Խաչիկ Մկրտչյանին դրել են Նարեկ Օհանջանյանի ավտոմեքենան ու տարել ՙԱրմենիա՚ հիվանդանոց:Ճանապարհին հասկանալով, որ Խաչիկ Մկրտչյանը մահացել է, նրան թողել են հիվանդանոցի մուտքի մոտ ու հեռացել տարբեր ուղղություններով:
հ.5 գ.թ.119
հ.3 գ.թ.129-131, 225-226

Ամբաստանյալ Արթուր Փոխարյանն առաջադրված մեղադրանքում մեղավոր չճանաչեց և դատաքննության ընթացքում ցուցմունք տվեց, որ Լևոն Ահարոնյանն իր ցուցմունքում հիշատակել է, որ իբր մայիսի 12-ին երեկոյան ժամը 19:20-ի սահմաններում տեսել է, թե ինչպես են ինքը, Նարեկը, Հայկը և Խաչիկը զինվել մահակներով: Ամբաստանյալը նշել է, որ դա սուտ է, չի համապատասխանում իրականությանը, քանի որ այդ ժամանակ ինքը մոր և հարազատների հետ եղել է Արտաշատում: Այդ փաստն ապացուցվել է նաև ՙՎիվասել՚ կազմակերպությունից հանված վերծանումներով, որտեղ ֆիքսվել են իր ելքային և մուտքային հեռախոսազանգերը և իր գտնվելու վայրը:
Ինքն իր ընկերներին հանդիպել է ժամը 22:00-ի սահմաններում, անգամ տեղյակ չի եղել, թե մեքենան որ ուղղությամբ է շարժվելու, նրանք իրեն ոչինչ չեն ասել: Կոմիտաս 17 և 19 շենքերի մոտ հայտնվելու ժամանակ, երբ Խաչիկը մեքենայից դուրս է եկել և խոսակցությունների մեջ մտել ինչ-որ տղաների հետ, ինքն ու Հայկն իջել և մոտեցել են Խաչիկին` կոնֆլիկտը կանխելու համար: Խաչիկն իրենց ասել է, ՙգնացեք, հեսա գալիս եմ, ձեր գործը չի՚: Մինչ իրենք կհասնեին մեքենայի մոտ, լսվել է կրակոցի ձայն: Իրենք վախից մոտ 1-2 րոպե կքանստել են մեքենայի անվաթևի տակ: Հանկարծ լսվել են Խաչիկի օգնության կանչի ձայները: Անմիջապես հասել, Խաչիկին դրել են Նարեկի մեքենայի մեջ և շարժվել դեպի Հանրապետական հիվանդանոց: Հասնելուն պես մտել է ներս, սայլակ է խնդրել, ու Խաչիկին տարել ընդունարան: Երբ բժիշկը եկել տեսել է, որ մահացած է: Մինչ այդ ինքը կարծել է թե ուշագնաց է, քանի որ մարմնական ոչ մի վնասվածք չի նկատել, այնուհետև, դա լսելուց հետո, վախեցել ու փախուստի է դիմել: Հայտնել է նաև, որ ինքը ոչ մի մահակ չի վերցրել, որևէ մեկին մահակով չի հարվածել: Իսկ ինչ վերաբերում է նախկինում իր կողմից տված ցուցմունքներին, որ իբր մահակը շարժել է պաշտպանվելու նպատակով, հայտնել է, որ ճիշտ չի ասել:

Ամբաստանյալ Արթուր Փոխարյանը թիվ 14113810 քրեական գործի նախաքննության ընթացքում ցուցմունքներ է տվել այն մասին, որ 12.05.2010թ. ինքը հանդիպել է Խաչիկ Մկրտչյանին, Հայկ Սանդալջյանին և Նարեկ Օհանջանյանին և վերջինիս ավտոմեքենայով շրջել են Արաբկիր թաղամասով: Խաչիկ Մկրտչյանի խնդրանքով իրենք գնացել են վերջինիս շենքի բակ, որտեղ Խաչիկ Մկրտչյանն իջել է ավտոմեքենայից ու քիչ անց վերադառնալով իր հետ բերել է երեք հատ մահակ ու դրել ավտոմեքենայի մեջ` իր ոտքերի տակ: Ժամը 22:30-ի սահմաններում Կոմիտաս 19 շենքի մոտ հասնելով Խաչիկ Մկրտչյանն ասել է, որ մեքենան վարի դեպի 17 և 19 շենքերի միջնամաս, ապա կանգնել են ու Խաչիկ Մկրտչյանը մեքենայից իջնելով մոտեցել է այդտեղ կանգնած 2 թե 3 տղաների: Քիչ անց նրանք նկատել են, որ Խաչիկ Մկրտչյանի և այդ տղաների միջև վիճաբանություն է սկսվել: Ինքը և Հայկ Սանդալջյանն իջել են ավտոմեքենայից ու մոտեցել նրանց, ցանկանալով նրանց հանգստացնել, սակայն դա նրանց չի հաջողվել: Քիչ անց, իր համար անսպասելի, Խաչիկ Մկրտչյանն իր գոտկատեղից հանել է ատրճանակ ու մի քանի անգամ կրակել այդ տղաների ուղղությամբ, որից հետո նրանցից մեկը վայր է ընկել: Դրանից հետո դարձյալ կրակոցներ են տեղի ունեցել, սակայն ինքը չի տեսել, թե ով է կրակում, քանի որ առաջին կրակոցներից հետո վախեցել է և Հայկ Սանդալջյանի հետ գնացել դեպի իրենց ավտոմեքենան, մահակներ վերցնելու համար: Տեսել է, որ Խաչիկ Մկրտչյանի բերած 3 մահակներից մնացել են երկուսը` մեկ փայտե և մեկ մետաղական: Ինքը վերցրել է մետաղական մահակը, իսկ Հայկ Սանդալջյանը վերցրել է մյուսը և պաշտպանվելու համար սկսել են թափահարել դրանք: Նրանք ոչ մեկին մահակով չեն ծեծել: Եթե նույնիսկ մահակը ինչ-որ մեկին դիպել է, ապա դա պատահական է տեղի ունեցել, ինքը ոչ մեկին մահակով հարվածելու դիտավորություն չի ունեցել: Քիչ անց նկատել են, որ իրենց ընկեր Խաչիկ Մկրտչյանն ընկել է գետնին: Նրանք Խաչիկ Մկրտչյանին դրել են Նարեկ Օհանջանյանի ավտոմեքենան ու տարել ՙԱրմենիա՚ հիվանդանոց: Ճանապարհին հասկանալով, որ Խաչիկ Մկրտչյանը մահացել է, նրան թողել են հիվանդանոցի մուտքի մոտ ու հեռացել տարբեր ուղղություններով:
հ.5 գ.թ.111
հ.3 գ.թ.138-141, 233-234

Առաջադրված մեղադրանքում մեղադրյալ Դավիթ Սանդալջյանն իրեն մեղավոր չի ճանաչել և ցուցմունք է տվել, որ 2010թ. մայիսի 12-ին ոչ մեկի հետ չի վիճաբանել, սպառնալիքներ չի տվել, իրեն ոչ ոք չի ապտակել: Վռամ Բաղդասարյանին, Արսեն Ահարոնյանին ու Պետրոս Գրիգորյանին ընդհանրապես չի ճանաչել, այդ օրը տեղի ունեցած խուլիգանության և փոխհրաձգության վերաբերյալ ոչինչ չգիտի£

Ամբաստանյալներ Վռամ Բաղդասարյանին, Արսեն Ահարոնյանին, Պետրոս Գրիգորյանին, Արթուր Փոխարյանին, Հայկ Սանդալջյանին և Դավիթ Սանդալջանին մեղսագրվող արարքները հիմնավորվել են քրեական գործով հետազոտված ներքոհիշյալ ապացույցներով:

Նարեկ Արմենի Օհանջանյանը, որի նկատմամբ քրեական հետապնդումը դադարեցվել է` համաներման որոշման հիման վրա, դատաքննության փուլում ըստ էության պնդել է նախաքննության փուլում տված ցուցմունքներն այն մասին, որ 12.05.2010թ. ինքը հանդիպել է Խաչիկ Մկրտչյանին, Արթուր Փոխարյանին և Հայկ Սանդալջյանին և իր ՙՄերսեդես՚ մակնիշի 50 ՏՍ 333 համարանիշի ավտոմեքենայով շրջել են Արաբկիր թաղամասով: Խաչիկ Մկրտչյանի խնդրանքով իրենք գնացել են վերջինիս շենքի բակ, որտեղ Խաչիկ Մկրտչյանն իջել է ավտոմեքենայից ու քիչ անց վերադառնալով իր հետ բերել է երեք մահակ ու դրել ավտոմեքենայի մեջ` իր ոտքերի տակ: Ժամը 22:30-ի սահմաններում Կոմիտաս 19 շենքի մոտ հասնելով` Խաչիկ Մկրտչյանն ասել է, որ մեքենան վարի դեպի 17 և 19 շենքերի միջնամաս, ապա կանգնել են ու Խաչիկ Մկրտչյանը մեքենայից իջնելով մոտեցել է այդտեղ կանգնած 2-3 տղաների: Քիչ անց նրանք նկատել են, որ Խաչիկ Մկրտչյանի և այդ տղաների միջև վիճաբանություն է սկսվել: Հայկ Սանդալջյանը և Արթուր Փոխարյանն իջել են ավտոմեքենայից ու մոտեցել նրանց, ցանկանալով նրանց հանգստացնել, սակայն դա նրանց չի հաջողվել: Ինքը մնացել է ավտոմեքենայի մեջ: Քիչ անց, իր համար անսպասելի, Խաչիկ Մկրտչյանն իր գոտկատեղից հանել է ատրճանակ ու մի քանի անգամ կրակել այդ տղաների ուղղությամբ, որից հետո այդ տղաներից մեկը վայր է ընկել: Դրանից հետո դարձյալ կրակոցներ են տեղի ունեցել, սակայն ինքը չի տեսել, թե ով է կրակում, քանի որ առաջին կրակոցներից հետո վախեցել է և գլուխն իջեցրել ներքև: Քիչ անց, երբ կրակոցները դադարել են, գլուխը բարձրացրել է և նկատել, որ իրենց ընկեր Խաչիկ Մկրտչյանն ընկել է գետնին: Այդ տեսնելով ինքն իջել է ավտոմեքենայից, կանչել իր ընկերներ Հայկ Սանդալջյանին և Արթուր Փոխարյանին, միասին Խաչիկ Մկրտչյանին դրել են իր ավտոմեքենան ու տարել ՙԱրմենիա՚ հիվանդանոց: Մինչ այդ ինքը գետնից վերցրել և իր ավտոմեքենայի մեջ է դրել նաև Խաչիկ Մկրտչյանի կողմից գործադրված ատրճանակը: Ճանապարհին հասկանալով, որ Խաչիկ Մկրտչյանը մահացել է, նրան թողել են հիվանդանոցի մուտքի մոտ ու հեռացել տարբեր ուղղություններով: Ինքը ավտոմեքենան տարել և թողել է Փարաքար գյուղում` ատրճանակը թողնելով ավտոմեքենայում:

Գործով վկա Գևիկ Անդրեասյանը դատաքննությամբ ցուցմունք է տվել, որ որպես անհատ ձեռներեց` մթերային ապրանքների առևտրով է զբաղվում Երևան քաղաքի Կոմիտասի պողոտայի 19-րդ շենքի առաջին հարկում գտնվող խանութում£
2010թ. մայիսի 12-ին` ժամը 17:30-ի սահմաններում, նշված խանութի դիմաց կանգնած ծխել է£ Քիչ վերև երկու երիտասարդների հետ կանգնած է եղել իր ծանոթ Դավիթ Սանդալջյանը£ Այդ ժամանակ խանութի մոտ է կանգնել Հովհաննես Շահինյանին պատկանող ՙՄերսեդես՚ մակնիշի սպիտակ գույնի ավտոմեքենան, որից իջել են խանութի մշտական հաճախորդներ Վռամ Բաղդասարյանն ու Պետրոս Գրիգորյանը£ Մտածելով, որ վերջիններս եկել են հերթական գնումների, մտել է խանութ, սակայն մի քանի վայրկյան անց դրսից ձայն է լսել ու անմիջապես դուրս եկել փողոց` պարզելու, թե ինչ կատարվեց£ Տեսել է, որ Վռամն ագրեսիվ կերպով քաշքշում է Դավիթի հագուստներից, վերջինս ձեռքով շփում է այտը, իսկ նրա արևային ակնոցը կոտրված ընկած է գետնին£ Հասկացել է, որ Վռամը Դավիթին ապտակել է£ Արսենն ու Պետրոսը բաժանել են վիճաբանողներին և Վռամին տարել դեպի իրենց ավտոմեքենան, այդ ժամանակ Դավիթ Սանդալջյանը Վռամին սպառնացել է` ասելով. ՙԴե դու քո հալը կտեսնես՚£ Այնուհետև Վռամը, Արսենն ու Պետրոսը մեքենայով հեռացել են: Նույն օրը` ժամը 23:00-ի սահմաններում, խանութի հաճախորդներից մեկը հայտնել է, որ Կոմիտասի պողոտայի 19-րդ շենքի ներքևի մոտակայքում կռիվ է տեղի ունեցել, որի ընթացքում կռվի մասնակիցները կրակել են միմյանց վրա, և ականատես է եղել` ինչպես մի տղա կաղալով նստել է մեքենա ու հեռացել£ Մի քանի րոպե անց ժամանել են բազմաթիվ ոստիկաններ£ Ժամը 23:30-ին փակել է խանութը և տուն գնալու ճանապարհին տեսել, որ ոստիկանները շրջափակել են Կոմիտասի 17-րդ և 19-րդ շենքերի միջև ընկած հատվածը£ Այդտեղ հավաքվածների խոսակցություններից իմացել է, որ վերոհիշյալ կռվի ժամանակ արձակված կրակոցներից վիրավորվել են Արսեն Ահարոնյանը, Պետրոս Գրիգորյանը և իրենց թաղամասի բնակիչ Խաչիկը£ Այս մասին տեղեկանալով` ենթադրել է, որ նշված կռվի պատճառը եղել է մի քանի ժամ առաջ իր խանութի դիմաց Վռամի և Դավիթի միջև տեղի ունեցած վիճաբանությունը, իսկ հաջորդ օրը խոսակցություններից համոզվել է, որ իր ենթադրությունը ճիշտ է£ Հաջորդ օրն իմացել է նաև, որ դեպքի ժամանակ արձակած կրակոցից Խաչիկն սպանվել է£ Հայտնել է նաև, որ Դավիթ Սանդալջյանն ու նրա եղբայրը` Հայկը, Խաչիկի մոտ ընկերներն են եղել, և նրանք են դիմել նրան, որ Վռամի հետ պարզաբանի վերջինիս` Դավիթի հետ վիճաբանելու հանգամանքը£

Գործով վկա Տիգրան Տեր-Մարգարյանը դատաքննությամբ ցուցմունք է տվել այն մասին, որ Հայկ Հակոբյանը իր կնոջ քեռու որդին է£ Նա հաստատել է 2010թ. մայիսի 12-ի գիշերը Հայկ Հակոբյանի ստացած մարմնական վնասվածքների կապակցությամբ վերջինիս հետ հիվանդանոց գնալու հանգամանքը, ինչպես նաև այն, որ նա կնոջ հետ միասին դեպքի հաջորդ երկու օրերին մնացել է Չոլակյան փողոցում գտնվող իր բնակարանում:

Գործով վկա Միքայել Մելիք-Օհանյանը ցուցմունք է տվել այն մասին, որ որպես պահակ աշխատում է Դրոյի փողոց` 4ՙա՚ հասցեում գտնվող Սարյանի անվան արվեստի դպրոցում£ 2010թ. մայիս ամսին (ստույգ օրը չի հիշում) գտնվել է աշխատավայրում, երբ առավոտյան իրեն զանգահարել, ապա աշխատավայր է եկել Հայկ Հակոբյանը` գլուխը վիրակապած£ Վերջինս իր հարցին պատասխանել է, որ գլուխը պատռվել է, և դա ինչ-որ զինվորի հետ կապված գործ է£ Այնուհետև Հայկն իրեն է տվել ցելոֆանե մի տոպրակ, ասել, որ դրա մեջ իր հաշվեցուցակային զենքն է. խնդրել է այն պահել ապահով տեղում` պատճառաբանելով, որ պետք է գնա հոսպիտալ և չի ուզում զենքն իր հետ տանել£ Հայկի գնալուց հետո նրա տված փաթեթը պահել է իր աշխատասենյակի դարակում£ Դրանից մի քանի ժամ անց իրեն զանգահարել է Հայկը, ասել, որ իր մոտ է գալու նրա քեռին` Լևոնը, և խնդրել է նշված փաթեթը փոխանցել վերջինիս£ Մոտ 10 րոպե անց ՙՋիպ՚ մակնիշի սպիտակ ավտոմեքենայով, որը վարել է անծանոթ մի տղամարդ, իր աշխատավայրի մոտ է եկել Լևոնը, և ինքը Հայկի տված փաթեթը հանձնել է նրան£

Վկա Արինա Հովհաննիսյանը, նախաքնության փուլում իր ցուցմունքում հաստատել է, որ Արսեն Ահարոնյանի նշանածն է: 2010թ. մայիսի 12-ին` ժամը 21:00-ի սահմաններում, Վռամ Բաղդասարյանի, Արսեն Ահարոնյանի և Պետրոս Գրիգորյանի միասին լինելու, վերջիններիս կողմից Վռամ Բաղդասարյանի վարած ՙՏոյոտա Քեմրի՚ մակնիշի ավտոմեքենայով ընկերուհու տնից իրեն Արսեն Ահարոնյանենց տուն տեղափոխելու և վերջինիս շենքի բակում Հայկ Հակոբյանին հանդիպելու հանգամանքները£ Վկան նշել է, որ դեպքի հաջորդ օրը հիվանդանոցում Արսեն Ահարոնյանն իրեն պատմել է, որ 2010թ. մայիսի 12-ի երեկոյան, իրենց բաժանվելուց հետո, Կոմիտասի պողոտայի 17-րդ և 19-րդ շենքերի միջև ընկած հատվածում ինչ-որ տղաներ վիճաբանել են իր, Վռամի և Պետրոսի հետ, որի ընթացքում կրակոցներ են եղել, որի հետևանքով նա ու Պետրոսը վիրավորվել են, իսկ մյուս կողմից մարդ է սպանվել£ Արսենն իրեն ասել է նաև, որ իրականում ինքը որևէ մեկին չի սպանել, այլ նման ցուցմունք է տվել, քանի որ այդպես է անհրաժեշտ£ Հետագայում Արսեն Ահարոնյանի թաղամասի բնակիչների խոսակցություններից լսել է, որ նշված սպանությունը կատարել է Վռամ Բաղդասարյանը, իսկ հիշյալ վիճաբանությանը ներկա գտնվող Հայկ Հակոբյանն իրեն ասել է, որ վիճաբանության ժամանակ Վռամի մոտ ատրճանակ է եղել£
հ.6 գ.թ. 91-93

Վկա Հովհաննես Սնխչյանը նախաքննության փուլում ցուցմունքներ է տվել, որ 2010թ. մայիսի 12-ի երեկոյան մոր և մորաքրոջ որդու` Գարեգին Պողոսյանի հետ գտնվել է Երևան քաղաքի Կոմիտասի պողոտայի 19-րդ շենքի նկուղային հարկում գտնվող ինտերնետ ակումբում, իսկ իր ՙԳԱԶ-24՚ մակնիշի ավտոմեքենան կայանել է ակումբից մոտ 15 մետր ներքև` դեպի Կոմիտասի 17-րդ շենքը£
Ժամը 22:30-ի սահմաններում դուրս է եկել ծխելու և տեսել, որ ներքևից արագ քայլերով դեպի իր կողմ են բարձրանում Վռամ Բաղդասարյանն ու Պետրոս Գրիգորյանը£ Վերջինս կաղացել է և իրեն չհասած` մոտ տասը մետրից, գոռալով խնդրել է շտապ հասցնել հիվանդանոց` միաժամանակ հայտնելով, որ իրեն խփել են£ Վազելով մոտեցել է իր ավտոմեքենային, բացել դռները, Պետրոսն ու Վռամը նստել են մեքենան, և կտրուկ շրջադարձ կատարելով, Կոմիտասի պողոտայով, այն վարել է դեպի մոտակա հիվանդանոց£ Ճանապարհին Պետրոսը, խոսելով հեռախոսով, իրեն ասել է, որ ՙՍԱՍ՚ սուպերմարկետի մոտ կանգնի£ Երբ մեքենան կանգնեցրել է նշված վայրում, անմիջապես իր ավտոմեքենայի դիմաց կանգնել է ՙՏոյոտա Քեմրի՚ մակնիշի սև ավտոմեքենան£ Վռամն ու Պետրոսն անմիջապես իջել են իր մեքենայից, նստել նշված ՙՏոյոտա Քեմրի՚ մակնիշի ավտոմեքենան, և կտրուկ ընթացքով հեռացել Կոմիտասի պողոտայով£ Մեքենայով վերադարձել է ինտերնետ ակումբ, մորն ու Գարեգին Պողոսյանին տարել տուն£ Այնուհետև իրեն է զանգահարել Արսեն Ահարոնյանը և խնդրել շտապ գնալ Միքայելյանի անվան հիվանդանոց£ Գարեգին Պողոսյանի հետ գնացել են նշված հիվանդանոց, ուր քիչ անց եկել են ոստիկանության աշխատակիցներ և իրենց տարել ոստիկանության Քանաքեռ-Զեյթուն, ապա` Արաբկիրի բաժին£ Արաբկիրի քննչական բաժնում իրեն հարցաքննել են, սակայն ցուցմունքում թաքցրել է դեպքի վայրից Վռամին ու Պետրոսին իր ավտոմեքենայով տեղափոխելու հանգամանքը, քանի որ ՙՍԱՍ՚ սուպերմարկետի մոտ իր ավտոմեքենայից իջնելիս Պետրոսը խնդրել է իրենց տեսնելու մասին ոչ մեկին չպատմել£
հ.6 գ.թ. 90-91, 96-98

Հովհաննես Սնխչյանի մայրը` Ջուլիետա Պառավյանը, դատաքննությամբ ցուցմունք է տվել, որ 2010թ. մայիսի 12-ին` ժամը 22:00-ի սահմաններում, իր ամուսնու ՙԳԱԶ-2410՚ մակնիշի 161 ՏՍ 61 պետհամարանիշի ավտոմեքենայով որդին իրեն տարել է Կոմիտասի պողոտայի փոստատան շենքում գործող ինտերնետ ակումբ£ Հայտնել է, որ որդին մոտ տասը րոպեով դուրս է եկել ակումբից, և վերադառնալուց հետո բարեկամի` Գարիկի հետ նշված մեքենայով իրեն տարել են տուն£ Հովիկը մեքենան կանգնեցրել է շենքի բակում, բանալիները տվել իրեն ու ասել, որ մի քանի րոպեով ինչ-որ տեղ է գնում£ Հետո իմացել է, որ Հովիկին տարել են ոստիկանության Արաբկիրի բաժին£ Խուզարկություն կատարելու նպատակով գիշերն իրենց տուն եկած ոստիկաններից տեղեկացել է, որ Կոմիտասի փողոցում ինչ-որ կրակոցներ են եղել, վիրավորվել է Հովիկի ծանոթ Արսենը, ում տարել են հիվանդանոց, այդ հիվանդանոցի բակից էլ Հովիկին տարել են ոստիկանություն£

Գործով վկա Աշոտ Վաչիկի Ղուկասյանը դատաքննությամբ ցուցմունք է տվել այն մասին, որ 2010թ. մայիսի 12-ին` ժամը 21:00-ի սահմաններում, ընկերների` Կարենի, Նահապետի, Հովհաննեսի և Արթուրի հետ միասին գտնվել է Կոմիտասի պողոտայի 19-րդ շենքի նկուղային հարկում գործող ինտերնետ ակումբում: Ժամը 22:30-ի սահմաններում դրսից կրակոցի ձայն են լսել և դուրս են եկել ակումբից` տեսնելու, թե ինչ է կատարվում: Դուրս գալուց մոտ մեկուկես րոպե անց Կոմիտասի պողոտայի 17-րդ և 19-րդ շենքերի կողմից իրար հաջորդող մի քանի կրակոցներ են հնչել£ Դրանից մոտ մեկ րոպե անց տեսել է, որ նշված շենքերի միջնամասից դուրս են եկել ու դեպի վերև բարձրացել երկու անծանոթ տղա, նրանցից մեկը կաղացել է£ Ենթադրելով, որ կաղացող տղան կրակոցներից վիրավորվել է` շարժվել է նրանց ուղղությամբ, որպեսզի անհրաժեշտության դեպքում օգնություն ցույց տա£ Իրար ընդառաջ գալու ընթացքում, երբ իր և այդ տղաների միջև հեռավորությունը կազմել է մոտ 10 մետր, կաղացող տղայի տաբատի միջից ատրճանակի նմանվող առարկա է ընկել գետնին, և նա իսկույն այն վերցրել, դրել է տաբատի գրպանում կամ գոտու տակ£ Այդ պահին, իր հետևից վազելով, նշված երկու տղաներին է մոտեցել անծանոթ մեկ այլ տղա, որից հետո նրանք շրջվել ու գնացել են դեպի ներքև` մայթեզրի մոտ կանգնած ՙԳԱԶ-24՚ մակնիշի մեքենայի ուղղությամբ£ Երկու տղաները նստել են նշված մեքենայի հետևի նստատեղին, իսկ վազքով նրանց մոտեցած տղան` ղեկի մոտ, և մեքենան տեղից կտրուկ շարժվել է£ Նրանց գնալուց հետո գնացել է Կոմիտասի պողոտայի 17-րդ և 19-րդ շենքերի մոտ, որտեղ` թիվ 19 շենքի պատի մոտ, նկատել է գետնին ընկած ատրճանակի փամփշտակալ` լիցքավորված փամփուշտներով: Այդ պահին մեքենայով եկել են ոստիկանության աշխատակիցները, և ավելորդ խնդիրներից խուսափելու նպատակով նշված փամփշտակալը նետել է գետնին:

Վկա Նահապետ Նաջարյանը դատաքննությամբ ցուցմունք է տվել այն մասին, որ 2010 թվականի մայիսի 12-ին` ժամը 21:30-ի սահմաններում, ընկերուհու հետ գնացել են Կոմիտասի պողոտայի 19-րդ շենքի նկուղային հարկում գտնվող ինտերնետ-ակումբ: Ակումբում հանդիպել է Կոմիտաս թաղամասի բնակիչներ Հովհաննեսին, Աշոտին, Կարենին և Արթուրին:
Ժամը 22:30-ի սահմաններում նկատել են, որ ակումբում գտնվող մարդիկ ինչ-որ պատճառով սկսել են դուրս գալ: Քանի որ իրենց ժամն էլ է մոտեցել ավարտին, իրենք էլ են դուրս եկել: Ակումբի մուտքից մի քանի մետր դեպի ներքև բավականին շատ մարդիկ են հավաքված եղել: Նրանք խոսել են ինչ-որ կրակոցների մասին: Այդ պահին նկատել է, որ բոլորն ուշադիր նայում են փողոցի կողմը: Կոմիտասի պողոտայի 19-րդ շենքի ներքևի հատվածում` մայթեզրի մոտ կանգնած սպիտակ ԳԱԶ-24 մակնիշի ավտոմեքենայի մոտ տեսել է երկու անծանոթ տղամարդկանց, նրանցից մեկը կաղացել է, իսկ մյուսն օգնել է վիրավորին նստել այդ մեքենայի հետևի նստատեղին: Նստելուց հետո մեքենան կտրուկ տեղից շարժվել է դեպի ներքև: Բոլորի ենթադրությամբ` կաղացող տղան վիրավորվել էր հենց կրակոցների հետևանքով: Այնուհետև հավաքված մարդիկ խումբ-խումբ սկսել են շարժվել դեպի 19-րդ և 17-րդ շենքերի մոտ: Հետաքրքրությունից դրդված` ընկերուհու հետ քայլել է այդ ուղղությամբ: Հենց այդ պահին փողոցի կողմից հիշյալ շենքերի բակ է մտել ոստիկանության տարբերանշաններով ավտոմեքենան: Ընկերուհու հետ շարունակել են քայլել դեպի Կոմիտասի պողոտայի 19-րդ շենքի բակը, որտեղ ոստիկաններն իրեն բռնել ու բերման են ենթարկել Արաբկիրի բաժին: Այնտեղ իրենց հարցուփորձ են արել դեպքի հանգամանքների վերաբերյալ:

Գործով վկա, Արսեն Ահարոնյանի հայրը Լևոն Ահարոնյանը դատաքննության փուլում օգտվելով իր սահմանադրական իրավունքից` հրաժարվել է ցուցմունքներ տալ: Նախաքննության փուլում վկան ցուցմունքներ է տվել այն մասին, որ 2010թ. մայիսի 12-ին` ժամը 18-19-ի սահմաններում, երբ գտնվել է իրենց բակում` Փափազյան 22/3 շենքի մոտ, տեսել է Փափազյան փողոցով ընթացող աներորդուն` Հովհաննես Շահինյանին պատկանող ՙՄերսեդես՚ մակնիշի ավտոմեքենան, որն այդ օրը որդին է վարել: Նկատել է, որ Հայկ Սանդալջյանը, հիշյալ ավտոմեքենան տեսնելով, վազել է հետևից և հայհոյանքներ տալով` պահանջել կանգնել, սակայն մեքենան արագ հեռացել է: Հայկը կանգնած է եղել մայթեզրին կայանված` Նարեկ Օհանջանյանին պատկանող ՙՄերսեդես՚ մակնիշի սպիտակ գույնի ավտոմեքենայի մոտ` վերջինիս, Արթուր Փոխարյանի, Խաչիկ Մկրտչյանի և մի քանի այլ տղաների հետ: Տեսնելով այդ` իսկույն զանգահարել է որդուն, հարցրել, թե ինչ է պատահել: Արսենը պատասխանել է, որ Վռամը Հայկի փոքր եղբոր հետ վիճաբանել և ապտակել է նրան, բայց միաժամանակ ասել է, որ չանհանգստանա: Թեև Արսենը շատ հանգիստ է ներկայացրել պատճառը, բայց ներքուստ անհանգստություն է զգացել և տուն չի բարձրացել, այլ կանգնած հետևել է հավաքված երիտասարդներին: Այդ դեպքից մոտ 30-40 րոպե անց նկատել է` ինչպես Կոմիտասի 23-րդ շենքի 2-րդ մուտքի մոտ է կանգնել 08-777 կամ 80-777 պետհամարանիշերով ՙՆիվա՚ մակնիշի սպիտակ ավտոմեքենա, որից դուրս է եկել տերը` Պայքարը: Նարեկը, Խաչիկը, Հայկը և Արթուրը, Պայքարին տեսնելով, ոտքով մոտեցել են նրան, 5-7 րոպե բորբոքված խոսել. ըստ երևույթին, ինչ-որ բան են պատմել, ապա` Պայքարը բացել է ՙՆիվա՚-ի բեռնախցիկը, որտեղից նշված չորս տղաներն ինչ-որ առարկաներ են վերցրել ու մտել հիշյալ շենքի երկրորդ մուտք և մի քանի վայրկյան անց դուրս եկել: Նկատելի է եղել, որ նրանք հագուստների տակ ինչ-որ առարկաներ են թաքցնում: Այնուհետև տղաներն արագ քայլվածքով վերադարձել են Նարեկի մեքենայի մոտ, նստել և հեռացել են: Իսկույն հասկացել է, որ նրանք զինվել են, ու անմիջապես զանգահարել, այդ մասին տեղեկացրել է Արսենին, ինչպես նաև` պահանջել, որ նա շտապ տուն վերադառնա: Արսենը պատասխանել է, որ չանհանգստանա, ոչ մի լուրջ բան չկա, ու խոստացել է գործերն ավարտելուց հետո վերադառնալ:
Դրանից հետո մինչև դեպքն այլևս ոչ Նարեկին, ոչ էլ Արսենեին չի տեսել: Դեպքի մասին տեղեկացել է կնոջից և անմիջապես` ժամը 23:00-ի սահմաններում, տաքսիով գնացել 8-րդ հիվանդանոց, ուր տեղափոխել էին Արսենին ու Պետրոսին£ Հիվանդանոցի բակում հանդիպել է Վռամ Բաղդասարյանին, ով իրեն հայտնել է, որ կռիվ են արել, ապա տվել է ՙԿոլտ՚ տեսակի ատրճանակ ու ասել, որ այն պահի` նշելով, որ դա Արսենի ատրճանակն է£ Վերջինս միաժամանակ հայտնել է, որ ևս երկու ատրճանակ` ՙՄակարով՚ և ՙՏՏ՚ տեսակի, գտնվում են իր քրոջ որդու` Հայկի մոտ£ Նշված ատրճանակն անմիջապես փոխանցել է նույնպես հիվանդանոց ժամանած ընկերոջը` Լևոն Թումասյանին, ու նրան խնդրել այն պահել£ Վերջինս վերցրել է ատրճանակն ու հեռացել£
Երբ որդուն տեղափոխել են Միքայելյանի անվան հիվանդանոց, մտել է նրա մոտ, որդին հեռախոսով խոսել է ինչ-որ մեկի հետ և անընդհատ կրկնել ՙՀա, հասկացա՚ խոսքերն ու ասել, որ Վռամն է իր կյանքը փրկել, և որ վերջինիս հուսախաբ չի անի£ Այդ ժամանակ դեռևս չեն իմացել, որ Խաչիկը մահացել է£ Արսենը պատմել է, որ ցերեկը թքելու պատճառով Վռամը վիճաբանել է մի տղայի հետ, ու քանի որ ժամադրվել են երեկոյան հանդիպել, Վռամը, Արսենը և Պետրոսն իր աներձագի` Հովհաննես Շահինյանի ՙՏոյոտա Քեմրի՚ մակնիշի ավտոմեքենայով զինված շրջել են սպորտդպրոցի շրջակա տարածքում£ Ժամը 22:00-ի սահմաններում Կոմիտասի պողոտայի 17-րդ և 19-րդ շենքերի մոտ հանդիպել են Վռամի հետ վիճաբանած տղայի ընկերներին` մոտ 8-10 հոգու£ Արսենը պատմել է, որ իրենց և վերջիններիս միջև կռիվ է սկսվել, որի ընթացքում Խաչիկ Մկրտչյանն ատրճանակից կրակել է նախ Պետրոսի, ապա` իր վրա, որից հետո ինքը կրակել է Խաչիկի վրա£ Ի սկզբանե չի հավատացել Արսենի պատմածին, սակայն նա շարունակել է պնդել, թե ինքն է կրակել Խաչիկի վրա£
2010 թվականի մայիսի 13-ին` ժամը 11:00-ի սահմաններում, գնացել է ոստիկանության Արաբկիրի բաժին, և երբ Արմեն Երիցյանի հետ կանգնած է եղել բաժնի մոտ, այնտեղ է եկել ՀՀ ոստիկանության ՔՀԳՎ պետ Հովհաննես Թամամյանը, ով, տեսնելով իրենց, մոտեցել ու ասել է, որ զենքերը պետք է ներկայացնեն£ Հովհաննես Թամամյանի գնալուց հետո Արմեն Երիցյանը նույնպես ասել է` ՀՀ ԱԺ պատգամավոր Լևոն Սարգսյանն էլ է ասել, որ զենքերը պետք է ներկայացնեն£ Այնուհետև հեռախոսով խոսել է վերջինիս հետ, որից հետո զանգահարել է Հայկ Հակոբյանին և նրանից տեղեկանալով, որ նա հորաքրոջ աղջկա տանն է` Արմեն Երիցյանի հետ Ջիպ մակնիշի սպիտակ ավտոմեքենայով գնացել են այնտեղ£ Հայկից տեղեկացել են, որ նա ատրճանակները տվել է աներոջը, ով դպրոցում պահակ է աշխատում£ Այնուհետև Արմեն Երիցյանի հետ նույն մեքենայով գնացել են վերջինիս աշխատավայր, նրանից վերցրել ատրճանակները, որից հետո Արմեն Երիցյանի հետ գնացել են Լևոն Սարգսյանի տուն, որպեսզի վերջինս անձամբ իրեն ասի, որ ատրճանակները տանի ու ներկայացնի ոստիկանություն£ Հանդիպման ժամանակ Լևոն Սարգսյանը, հայտնելով, որ ինքը տեղյակ է կռվի և սպանության մանրամասներից, գիտի, որ կռվի ժամանակ Խաչիկին կրակել ու սպանել է Վռամը, իրեն ասել է, որ գործի ընդհանուր լուծման, ինչպես նաև Վռամին փրկելու համար սպանությունը պետք է իր վրա վերցնի Արսենը£ Սկզբում համաձայն չի եղել դրան, սակայն Լևոն Սարգսյանը երաշխավորել է, որ Արսենը ոչ թե սպանությունով, այլ ինքնապաշտպանությունով է ՙգնալու՚, որ այդ ամենն արդեն համաձայնեցրել է` միաժամանակ շեշտելով, որ Վռամը Խաչիկին սպանելով փրկել է Արսենի կյանքը£ Լևոն Սարգսյանն ասել է, որ իր կապերն օգտագործելով նկարագրված սցենարով գործի դրական լուծման մասին պայմանավորվել է ոստիկանության բարձրաստիճան գեներալի հետ£ Լևոն Սարգսյանը զննել է իրենց տարած ՙՄակարով՚ և ՙՏՏ՚ տեսակի ատրճանակները, ապա` զանգել ինչ-որ մեկին ու ասել. ՙԶենքերն այստեղ են, հեսա Լյովը կբերի ու կհանձնի՚,- որից հետո իրեն ասել է, որ դրանք տանի ոստիկանության Արաբկիրի բաժին, հանձնի այնտեղ գտնվող Հովհաննես Թամամյանին£ Վստահելով Լևոն Սարգսյանին և տեսնելով, որ գործի գլխին լուրջ մարդիկ են կանգնած` համաձայնել է և ատրճանակները տարել ոստիկանության Արաբկիրի բաժին£ Այնտեղ իրեն ուղեկցել են բաժնի պետի աշխատասենյակ, որտեղ եղել է նաև Հովհաննես Թամամյանը£ Վերջինս հարցրել է զենքերի մասին, և դրական պատասխան ստանալով, առանց ավելորդ հարցեր տալու` քննիչ Կարեն Հակոբյանին հանձնարարել է զենքերը վերցնել ու ձևակերպել`թե իբր ինքը դրանք վերցրել է որդու թաքցրած տեղից ու կամավոր ներկայացնում է£ Քանի որ ինքն այդ մասին որևէ բան ասած չի եղել, հասկացել է, որ իրոք պայմանավորվածություն կա, և գործն ընթանում է Լևոն Սարգսյանի ներկայացրած սցենարով£ Հովհաննես Թամամյանի խոսակցությունից հասկացել է, որ նա հաստատ տեղյակ է եղել, որ Խաչիկ Մկրտչյանին սպանել է ոչ թե իր որդին, այլ` Վռամը£ Համոզված է, որ քննիչ Կարեն Հակոբյանն էլ է իմացել իրականությունը£
Հաջորդ օրը` 2010թ. մայիսի 14-ին, Արմեն Երիցյանը Լևոն Սարգսյանի անունից իրեն փոխանցել է, որ ՙԿոլտ՚ տեսակի ատրճանակը նույնպես պետք է տանի ներկայացնի բաժին£ Սակայն հրաժարվել է, որից հետո Արմեն Երիցյանն իր ներկայությամբ զանգահարել է Լևոն Սարգսյանին ու նրան տեղեկացրել, որ ինքը հրաժարվում է ատրճանակը ներկայացնելուց£ Լևոն Սարգսյանն ասել է, որ Արմեն Երիցյանն ատրճանակը վերցնի իր մոտից£ Զանգահարել է Լևոն Թումասյանին և նրանից տեղեկանալով, որ նա ՙԿոլտ՚ ատրճանակը թաքցրել է բարեկամի` Սուրենի հողամասում` Արմեն Երիցյանի հետ մեքենայով գնացել են վերջինիս շենքի մոտ, նրանից վերցրել ատրճանակը, որը թողել է Արմեն Երիցյանի մոտ£ Հետագայում իմացել է, որ նշված ատրճանակը հանձնվել է Վռամին, ով էլ այն ներկայացրել է ոստիկանություն£
հ.6 գ.թ. 36-39, 60-62, 63, 185-187, 192-194
հ.7 գ.թ. 19-21
հ.8 գ.թ. 38-39, 53-56, 66-68
հ.9 գ.թ. 32-33

Ինչ վերաբերում է վկա Լ.Ահարոնյանի նախաքննության փուլում տված ցուցմունքները որպես ապացույց անթույլատրելի ճանաչելու վերաբերյալ պաշտպանի միջնորդությանը, ապա դատարանը գտնում է, որ վկայի հարցաքննությունը նախաքննության փուլում կատարվել է քրեադատավարական օրենքով սահմանված կարգով, բացի այդ, վկա Լ.Ահարոնյանը մինչդատական վարույթում իր ցուցմունքները պնդել է նաև Վռամ Բաղդասարյանի հետ առերես հարցաքննությամբ:

Վկա, Կարինե Շահինյանը դատաքննությամբ ըստ էության պնդել նախաքննության փուլում տված ցուցմունքներն այն մասին, որ 2010թ. մայիսի 12-ին` ժամը 19-ի սահմաններում, գտնվել է տանը, ամուսինը` Լևոն Ահարոնյանը, եղել է ընկերոջ` Լևոն Թումասյանի տանը, իսկ որդին` Արսենը, տանը չի եղել£ Ժամը 21:30-ի սահմաններում Արսենը եկել է տուն նշանածի` Արինայի հետ£ Մոտ 30 րոպե տանը մնալուց հետո Արսենին ինչ-որ մեկը զանգահարել է, և վերջինս ասել է, որ գնում է շտաբ, շուտով կվերադառնա£ Արսենի գնալուց մոտ 15 րոպե հետո իրեն զանգահարել է Կոմիտասի փողոցի 17-րդ շենքի բնակչուհի Նարինե Խաչատրյանը, ով անհանգստացած հարցրել է, թե արդյոք Արսենը տանն է£ Իր այն հարցին, թե ինչ է պատահել` Նարինեն պատասխանել է, որ իրենց շենքի մոտ ինչ-որ տղաներ կրակում են, և անհանգստացել է, թե կարող է Արսենն էլ է այդտեղ£ Անմիջապես դուրս է եկել տնից և երբ գտնվել է աստիճանավանդակի վրա, զանգահարել է Արսենն ու ասել, որ շտապ հասնի` մեռնում է£ Իջնելով հինգերորդ հարկից` դուրս է եկել մուտքից ու ցանկացել է անցնել փողոցը, սակայն կրկին զանգել է Արսենն ու ասել, որ հետ դառնա` իրենք շենքի մոտ են£ Շենքի մոտ նկատել է իրենց ՙՏոյոտա Քեմրի՚ մակնիշի ավտոմեքենան : Որի ղեկին եղել է Վռամը, հետևի նստատեղի ձախ մասում կիսապառկած վիճակում եղել է Արսենը, իսկ նրա կողքին` Պետրոսը£ Նրանց վիճակից հասկացել է, որ վնասվածքներ ունեն£ Նստել է առջևի նստատեղին, Արսենը տնքալով ասել է, որ իրենց շուտ հիվանդանոց հասցնեն, և գնացել են գտնվող 8-րդ հիվանդանոց£ Քանի որ հասկացել է, որ Արսենն ու Պետրոսը վնասվածքներն են ստացել, ենթադրել է, որ ինչ-որ կռիվ է տեղի ունեցել, և հիվանդանոց գնալու ճանապարհին Արսենին հարցրել է, թե նրանք ինչ-որ բան են արել, ինչին Արսենը պատասխանել է, որ իրենք մեղավոր չեն£ Ճանապարհին տղաները դեպքից ոչինչ չեն պատմել : Հետագայում, երբ իմացել է, որ այդ միջադեպի ժամանակ կրակոցից սպանվել է Խաչիկը, ու Արսենն ուրիշի կատարածը ցանկացել է վերցնել իր վրա, այդ ժամանակ միայն հասկացել է, որ իր որդին դեպքի ժամանակ չի էլ իմացել, թե ինչպես և ում կողմից է Խաչիկը վնասվածք ստացել£
Երևանի թիվ 8 հիվանդանոցում Արսենին ու Պետրոսին չեն ընդունել և վերջիններիս տեղափոխել են Միքայելյանի անվան հիվանդանոց, որտեղ նրանց վիրահատել են£
Թույլատրել են Արսենին տեսակցել միայն հաջորդ օրը` ցերեկը£ Հիվանդասենյակի մոտ ոստիկաններ են կանգնած եղել, բժիշկներն ասել են, որ կարող է տեսակցել միայն նրանց թույլտվությամբ£ Մտածելով, որ Արսենը միայն տուժող է, հարցրել է, թե ինչու է նրան տեսակցելու համար անհրաժեշտ ոստիկանների թույլտվությունը, վերջիններս իրեն ասել են, որ գիշերը տեղի ունեցած դեպքի ժամանակ Արսենի արձակած կրակոցից սպանվել է Խաչիկ անունով մի տղա, և որ Արսենը ցուցմունք է տվել, որ ինքն է սպանել£ Ոստիկանները թույլ են տվել մտնել հիվանդասենյակ, սակայն պահանջել են, որ դեպքի մասին ոչինչ չխոսեն£ Հիվանդասենյակում Արսենն ու Պետրոսը միասին են եղել, և քանի որ այնտեղ նաև ոստիկաններ են ներկա գտնվել, դեպքի մասին ոչինչ չեն խոսել£ Լսածից վատացած` գնացել է տուն և կատարվածի մասին պատմել աղջկան ու հարսին£ Մոտ կես ժամ հետո տուն է եկել ամուսինը` զայրացած, նյարդայնացած, և ասել, որ Խաչիկին իրականում ոչ թե Արսենն է սպանել, այլ Վռամը, ինչի մասին լսել է ընկերներից և թաղամասի բնակիչներից, նրանց էլ այդ մասին հայտնել են կռվին մասնակցած Խաչիկի ընկերների ծնողները£ Այդ մասին լսելուց հետո որոշ ժամանակ անց նորից գնացել է հիվանդանոց` ցանկանալով Արսենից այդ հարցը ճշտել£ Այս անգամ ոստիկանները դրսում են եղել, իսկ հիվանդասենյակում միայն Պետրոսն ու Արսենն են եղել£ Վերջինիս հարցրել է, թե ինչու± է նա իրեն անեծքի տակ գցել, ինչին Արսենը պատասխանել է, որ կպատմի այն, ինչն իրականում տեղի է ունեցել£ Նա պատմել է, որ դեպքից առաջ Վռամի հետ գնացել է խանութ. վերջինս մտել է առևտուր անելու, իսկ ինքը սպասել է մեքենայում£ Խանութի մուտքի մոտ Հայկի փոքր եղբայրը թքել է Վռամի ուղղությամբ, ինչի պատճառով նրանք վիճաբանել են£ Ինքը մոտեցել է նրանց ու միջամտել, և այդ վեճի ժամանակ Վռամը հրել է այդ տղային ու վերջինս, սպառնալիքներ տալով, հեռացել է, որից հետո արդեն այդ միջադեպի պատճառով Հայկն իրենց ժամադրել է, ինչն էլ եղել է այդ դեպքի պատճառը£
Բուն դեպքի մասին Արսենն ու Պետրոսը պատմել են, որ իրենք եղել են երեքով` Արսենը, Պետրոսը և Վռամը, իսկ մյուս կողմից եղել են Խաչիկը, Հայկը և նրանց ընկերները£ Կռվի ժամանակ առաջինը կրակել է Խաչիկը, և երբ նրա առաջին կրակոցից Պետրոսը վիրավորվել ու վայր է ընկել, Արսենը, այդ տեսնելով, մոտեցել է նրան և կռացած ժամանակ հետևից արձակած կրակոցով Խաչիկը նրան էլ է վնասել, որից հետո Վռամը կրակել է Խաչիկի վրա£ Այդ պահը Արսենը չի նկատել, քանի որ շրջված է եղել, բայց Պետրոսը տեսել է, որ Խաչիկի վրա Վռամն է կրակել£ Արսենն ասել է, որ թեև Խաչիկի վրա կրակելու պահը չի տեսել, բայց այդ պահին Պետրոսն ընկած է եղել գետնին, ինքը կռացած է եղել նրա վրա, և իրենցից միայն Վռամը կարող էր կրակել Խաչիկի վրա£
Արսենի ու Պետրոսի պատմածը լսելուց հետո Արսենին հարցրել է, թե ինչու է նա ցուցմունք տվել, որ սպանել է Խաչիկին£ Արսենը պատասխանել է, որ նման պայմաններում Վռամը պատասխանատվությունից կազատվի, իսկ ինքն էլ մեղմ կպատժվի, քանի որ նախ` Խաչիկն է առաջինը կրակել իր վրա, ինքն էլ ծանր մարմնական վնասվածք ունի և կստացվի, որ Խաչիկի վրա կրակել է ինքնապաշտպանության նպատակով£ Պետրոսն էլ է փորձել Արսենին համոզել, որ նա նման ցուցմունք չտա, բայց վերջինս ասել է, որ չի կարող այդ բանը չանել` պատճառաբանելով նաև, որ Խաչիկի վրա կրակելով ու նրան սպանելով` Վռամը փրկել է իրենց կյանքը, ինքն էլ այդ կերպ հատուցում է նրան£
Լսելով Արսենի պատմածները` սկզբում մտածել է, որ երևի դա ճիշտ քայլ է, սակայն հետագայում հասկացել է, որ ճիշտ չէ£ Որոշել է այդ հարցով խոսել Վռամի հետ և 2010թ. մայիսի վերջին գնացել է վերջինիս աներոջ տուն£ Այնտեղ Վռամին փորձել է համոզել, որ գնա և ճիշտ ցուցմունք տա, որ իրականում նա է Խաչիկին սպանել£ Վռամը ոչինչ չի պատասխանել, բայց նաև չի ասել, որ Խաչիկին ինքը չի սպանել£
Արսենին հենց սկզբից էլ մեղադրանք են առաջադրել դիտավորյալ սպանություն կատարելու համար ու կալանավորել են£ Կալանավորել են նաև Պետրոսին, իսկ նրանց հետ կռվողների խմբից ոչ մեկը կալանքի տակ չի եղել£ Ելնելով դրանից և տեսնելով, որ ամեն ինչ ի վնաս որդուն է կատարվում` փորձել է նրան համոզել, որ ճիշտ ցուցմունք տա, քանի որ նրան ոչ ոք չի օգնելու, ու նա ծանր հոդվածով կդատապարտվի£ Արսենը չի համաձայնել ցուցմունք տալ, որ իրականում Վռամն է Խաչիկին սպանել` սակայն հետագայում` 2010թ. հոկտեմբերի սկզբին, իրեն հաջողվել է Արսենին համոզել, որ գոնե ցուցմունք տա, որ Խաչիկին չի սպանել£ Այդ ժամանակ Արսենը ցուցմունք է տվել, որ սպանություն չի կատարել, սակայն, որ այն Վռամն է կատարել` չի հայտնել£ Արսենի ցուցմունք տալուց մոտ մեկ շաբաթ հետո ամուսնուն` Լևոն Ահարոնյանին կանչել են ՀՀ ոստիկանության ՔՀԳՎ պետ Հովհաննես Թամամյանի մոտ£ Ամուսնու հետ գնացել է վերջինիս աշխատավայր, որտեղ նա ասել է, որ Վռամ Բաղդասարյանին բռնել են, նա գտնվում է մյուս աշխատասենյակում և ցանկանում է իր հետ խոսել` բան ունի ասելու£ Իրեն ուղեկցել են Վռամի մոտ, իսկ երբ մնացել են երկուսով, վերջինս ասել է` ուզում է խոստովանի, որ ինքն է սպանել Խաչիկին, սակայն խնդիրն այն է, որ ցանկանում է այնպես անել, որ իրեն դատի տան ոչ թե դիտավորյալ, այլ` ինքնապաշտպանության ժամանակ կատարած սպանության համար£ Վռամը խնդրել է, որ ասի` իրեն բաց թողնեն, ու դուրս գան, այդ հարցով զրուցեն` նշելով, որ միայն իր ասելով բաց կթողնեն£ Հովհաննես Թամամյանին ասել է, որ Վռամը խոստացել է ցուցմունք տալ ու պատմել ճշմարտությունը, և խնդրել է խոսելու համար իրեն բաց թողնել£ Թամամյանի թույլտվությամբ դուրս են եկել ոստիկանության շենքից, սակայն վերջինս փախել է£
Հայտնել է, որ տեղյակ չէ, թե Վռամ Բաղդասարյանը որտեղից և ինչ ատրճանակ է ներկայացրել ոստիկանություն, իսկ Լևոն Ահարոնյանի միջոցով ոստիկանություն ներկայացված երկու ատրճանակների մասին հետագայում իմացել է, որ դրանք վերջինիս տվել է նրա քրոջ որդին` Հայկ Հակոբյանը, սակայն թե ինչպես են ատրճանակները հայտնվել Հայկի մոտ, և նա ինչ առնչություն է ունեցել դեպքի հետ` չգիտի£

Վկա Հովհաննես Շահինյանը դատաքննությամբ ըստ էության պնդել է նախաքննության փուլում տված ցուցմունքները և նշել, որ Արսեն Ահարոնյանը հանդիսանում է քրոջ` Կարինեի որդին£ Պետրոս Գրիգորյանն Արսենի մանկության ընկերն է և հանդիսանում է նրա հարսանիքի քավորը£ Վռամ Բաղդասարյանին ճանաչում է շուրջ տասը տարի` որպես թաղի տղայի£ Ավելի շուտ ճանաչել է Վռամի հորը` Սամվելին, ում հետ գտնվել է մտերիմ հարաբերությունների մեջ, և երբ նա 2007-2008թթ. աշխատել է Արաբկիրի թաղապետարանում` վերջինս համայնքի ղեկավարի, իր տեղակալ էր Վռամն ու նրա կինը նույնպես իր սանիկներն են£ Խաչիկ Մկրտչյանին նույնպես ճանաչել է` որպես թաղամասի բնակչի£ Հայկ Սանդալջյանին, Դավիթ Սանդալջյանին և Արթուր Փոխարյանին չի ճանաչել£
2010թ. մայիսի 9-ին անձնական գործերով մեկնել է ԱՄՆ` Լոս-Անջելես քաղաք£ 2010թ. մայիսի 12-ին` ժամը 10:30-ի սահմաններում, Երևանից բազմաթիվ հեռախոսազանգեր է ստացել, և իրեն տեղեկացրել են, որ Կոմիտասի պողոտայում Արսեն Ահարոնյանը, Պետրոս Գրիգորյանն ու Վռամ Բաղդասարյանը վիճաբանել են ինչ-որ տղաների հետ, որի ընթացքում փոխհրաձգություն է եղել, արդյունքում` Արսենն ու Պետրոսը վիրավորվել են, իսկ մյուս կողմից մեկը մահացել է£ Այդ պատճառով 2010թ. հունիս ամսին վերադարձել է Երևան և հետաքրքրվել է, թե ինչպես է դեպքը տեղի ունեցել£ Երևան վերադառնալուց իմացել է, որ Արսենն ու Պետրոսը գտնվում են մեկուսարանում, ընդ որում` Արսենին սպանություն կատարելու մեղադրանքով, և հնարավորություն չի ունեցել նրանց հանդիպել ու նրանցից ճշտել դեպքի հանգամանքները, որի պատճառով էլ հանդիպել է Վռամ Բաղդասարյանին£ Վերջինս իրեն պատմել է, որ դեպքի օրը` 2010թ. մայիսի 12-ի ցերեկը, եղել է Արսենի և Պետրոսի հետ, ավտոմեքենայով ցանկացել է մտնել Կոմիտասի փողոցում գտնվող ինչ-որ խանութ, և այդտեղ կանգնած` Խաչիկ Մկրտչյանի ընկերներից մեկի եղբայրն արհամարհական նայել է իր վրա ու թքել իր ոտքերի տակ, որի պատճառով ապտակել է նրան£ Արսենն ու Պետրոսն իրեն չեն թողել, որ շարունակի, և ապտակ ստացած տղան սպառնալիքներ տալով, փախել է£ Վռամ Բաղդասարյանը պատմել է նաև, որ այդ միջադեպից հետո նկատել են, որ իրենց ինչ-որ մեքենաներ են հետապնդում, որի պատճառով էլ անվտանգ լինելու համար գտնվել են Կոմիտասի փողոցի 17 հասցեում գտնվող` ՀՀ ԱԺ պատգամավոր Լևոն Սարգսյանի գրասենյակում£ Նույն օրը ժամը 22:30-ի սահմաններում, երբ ավտոմեքենայով մտել են Կոմիտասի փողոցի 17-րդ և 19-րդ շենքերի միջև ընկած հատված, իրենց դեմ-դիմաց կանգնել է մի ավտոմեքենա, որի մեջ եղել են Խաչիկ Մկրտչյանն ու նրա ընկերները£ Խաչիկն իջել է ավտոմեքենայից` ատրճանակը ձեռքին£ Հասկացել է, որ նա եկել է իրեն խփելու£ Խաչիկը կրակել է իր վրա, սակայն գնդակը դիպել է Պետրոսի ոտքին, այնուհետև Խաչիկի արձակած կրակոցից վիրավորվել է նաև Արսենը£ Այդ ամենից հետո համոզվել է, որ Խաչիկն իրեն էլ է խփելու, և իր վրա կրակելուց հետո իր մոտ եղած ՙՄակարով՚ տեսակի ատրճանակից կրակել է Խաչիկի վրա£ Վռամ Բաղդասարյանի պատմելով` բացի իր մոտ գտնվող ՙՄակարով՚ տեսակի ատրճանակից, Արսենի մոտ եղել է ՙԿոլտ՚ տեսակի ատրճանակ£ Վռամն իրեն ասել է նաև, որ քանի որ կռվի ժամանակ Արսեն Ահարոնյանը հրազենային վնասվածք է ստացել, որոշել են, որ Արսենը պետք է ընդունի, թե իբր ինքն է կրակել Խաչիկի վրա, քանի որ այդ կերպ նա կարող է պատասխանատվության կանչվել անհրաժեշտ պաշտպանության սահմանների անցմամբ սպանություն կատարելու համար, իսկ ճշմարտությունը ներկայացնելու դեպքում իրեն կարող են չհավատալ և մեղադրել դիտավորյալ սպանություն կատարելու համար, քանի որ ոչ մի մարմնական վնասվածք չի ստացել£ Քանի որ Վռամը, Արսենն ու Պետրոսն ընկերներ են եղել և այդ որոշումը նրանք են ընդունել, քանի որ ըստ Վռամի ներկայացնելու` նա փաստորեն փրկել էր ընկերների կյանքը£
Դրանից հետո ենթադրել է, որ Արսենի գործը դատարան կուղարկվի անհրաժեշտ պաշտպանության սահմանների անցումով կատարված սպանության մեղադրանքով: Սակայն 2010թ. նոյեմբերի վերջերին ավարտվել է քրեական գործի նախաքննությունը: Արսենը մեղադրվել է շատերի կյանքի համար վտանգավոր եղանակով դիտավորյալ սպանության, իսկ Պետրոսը` զենքի գործադրմամբ խուլիգանություն կատարելու համար: Այդ ժամանակ կանչել է Վռամ Բաղդասարյանին և տեղեկացրել, որ Արսենին մեղադրում են նույնիսկ ցմահ ազատազրկում նախատեսող հոդվածով հանցանք կատարելու մեջ, ասել է, որ նրանց պայմանավորվածությունը փաստորեն չի իրականացել, և խորհուրդ է տվել գնալ ներկայանալ ու պատմել ճշմարտությունը: Վռամը չի առարկել. ասել է, որ հաջորդ օրը հոր` Սամվելի հետ կհանդիպեն իրեն, որից հետո կներկայանան իրավապահ մարմիններին, ու նա կխոստովանի իր արածը: Սակայն Վռամն ու նրա հայրը չեն եկել:

Վկա Արմեն Երիցյանը դատաքննության փուլում պնդել է նախաքննության փուլում տված ցուցմունքները և նշել, որ 2010թ. մայիսի 12-ին առավոտվանից զբաղվել է առօրյա գործերով£ Այնուհետև իրեն զանգահարել է ընկերոջ` Հովհաննես Շահինյանի հայրը` Երջանիկ Շահինյանը, և խնդրել շուկայից առևտուր անել, խանութից կոնյակներ գնել ու դրանք ժամը 20:00-ի սահմաններում տանել ՙՄարիոտ՚ հյուրանոց, քանի որ նա հյուր է ունեցել£ Այդ օրն ինքը Հովհաննես Շահինյանի ՙՏոյոտա Քեմրի՚ մակնիշի ավտոմեքենայով է եղել, դրանով գնացել, գնումներ է կատարել և ժամը 19:00-ի սահմաններում զանգահարել է Արսեն Ահարոնյանին, որպեսզի նրանցից վերցնի ՙՄերսեդես՚ մակնիշի, 50 ՈՈ 777 պետհամարանիշի ավտոմեքենան£ Նրան հանդիպել է Շիրվանզադեի անվան դպրոցի մոտ, ուր Արսենը եկել է Վռամ Բաղդասարյանի և Պետրոս Գրիգորյանի հետ£ Վերջիններիս հանձնել է ՙՏոյոտա Քեմրի՚ ավտոմեքենան և վերցնելով ՙՄերսեդես՚-ը` գնացել է ՙՄարիոտ՚ հյուրանոց£ Այդ ընթացքում իրեն զանգել են և պատմել ցերեկվա ժամերին Վռամի ու Դավիթի միջև տեղի ունեցած միջադեպի մասին, հայտնել նաև, որ այդ տղաները Վռամենց են փնտրում, որպեսզի վիճաբանությունը շարունակեն, սակայն դրան մեծ նշանակություն չի տվել:
Նույն օրը, ժամը 22:30-ի սահմաններում իրեն զանգահարել է Հովհաննես Շահինյանի օգնական Միքայել Ղարագյոզյանն ու ասել, որ կրակոցների ձայներ է լսել Կոմիտասի պողոտայում գտնվող գրասենյակի մոտակայքից£ Դրանից հետո զանգահարել է Վռամին և նա ասել է միայն, որ տղաներին խփել են£ Այդ ընթացքում մեքենայով Պռոշյան-Բաղրամյան փողոցներով գնացել է դեպի Կոմիտասի պողոտա£ Ճանապարհից հեռախոսով խոսել է Արսենի, Վռամի ու Միքայելի հետ և իմացել, որ Արսենն ու Պետրոսը վիրավոր են, ու նրանց տանում են 8-րդ հիվանդանոց£ Հասնելով հիվանդանոցի մոտ` նկատել է նրանց մեքենան, որը դուրս է եկել հիվանդանոցի բակից, ու իմանալով, որ գնում են Միքայելյանի անվան հիվանդանոց: Այդ ընթացքում հիվանդանոցի բակում տեսել է Վռամին, Արսենի հորը` Լևոնին, վերջինիս ընկեր Լյովային, Կոմիտասի բնակիչ Հովիկին և ևս մի անծանոթ տղայի: Փորձել են զանգահարել ծանոթ վիրաբույժների, երբ հիվանդանոց են եկել ոստիկանության աշխատակիցներն ու իրենց բոլորին տարել ոստիկանության Արաբկիրի բաժին£ ճշտելով, որ դեպքի հետ առնչություն չունի` իրեն բաց են թողել£ Այնտեղ իմացել է, որ կռվողներից մեկն սպանվել է£ Նշել է, որ ոստիկանություն տանելուց առաջ իրեն զանգահարել է ՀՀ ԱԺ պատգամավոր Լևոն Սարգսյանն ու հետաքրքրվել, թե ինչ է եղել, ինչին ինքը պատասխանել է, որ Արսենին ու Պետրոսին են խփել£ Հեռախոսային խոսակցությունը կիսատ է մնացել, և ոստիկանությունից դուրս գալուց հետո ճշտելով Լևոն Սարգսյանի բջջային հեռախոսահամարը` զանգահարել է իրեն: Լևոն Սարգսյանը ցանկացել է իրենից ճշտել, թե ինչ նորություն ունի տղաներից, և ասել է, որ մտնի հիվանդանոց, նրանցից իմանա£ Մտել է ընդունարան, որտեղ Արսենի ու Պետրոսի վերքերն արդեն վիրակապել և սպասել են վիրահատության£ Տղաներից չի կարողացել ոչինչ իմանալ և նորից զանգել է Լևոն Սարգսյանին, ով իրեն ասել է, որ հեռախոսը փոխանցի նրանց£ Մտել է Պետրոսի մոտ ու զանգելով Լևոն Սարգսյանին` հեռախոսը տվել է Պետրոսին, ով Լևոն Սարգսյանի հետ խոսելուց հետո հեռախոսն անջատել, տվել է իրեն, բայց չգիտի, թե նրանք ինչ են խոսել£ Դրանից անմիջապես հետո իրեն դարձյալ զանգահարել է Լևոն Սարգսյանը և ասել, որ հեռախոսը փոխանցի Արսենին, երբ նրանք հեռախոսով խոսել են, Արսենը հեռախոսն անջատելուց հետո իրեն ասել է, որ ամեն ինչ լավ է, ու եթե իրեն դեպքի մասին հարցնեն, ապա հայտնի, որ իբր Արսենն ու Պետրոսը միասին գնացել են այդ շենքերի մոտ, որտեղ հավաքված և իրար քաշքշող տղաներից մեկը կրակել է Պետրոսի վրա, հետո կրակել է նաև Արսենի վրա, քաշքշուկի ընթացքում Արսենն այդ տղայի ձեռքից վերցրել է ատրճանակն ու կրակել նրա վրա, բայց տեղյակ չի` գնդաը կպել է այդ տղային, թե` ոչ£
Մայիսի 13-ին` ժամը 10:00-ի սահմաններում, նորից գնացել է Միքայելյանի անվան հիվանդանոց, այնտեղ հետաքրքրվել Արսենի ու Պետրոսի առողջության վիճակից, իսկ այնուհետև` ժամը 11:30-ի սահմաններում, հիվանդանոցի բակից վերցնելով ՙՆիսսան ՚ մակնիշի ավտոմեքենան` գնացել է ոստիկանության Արաբկիրի բաժին£ Այդ խոսակցության ժամանակ ոստիկանության Արաբկիրի բաժին է եկել ՀՀ ոստիկանության ՔՀԳՎ պետ Հ.Թամամյանը, ով տեսնելով իրենց` մոտեցել ու ասել է, որ զենքերը պետք է ներկայացնեն ոստիկանություն` առանց կոնկրետացնելու, թե ինչ զենքեր£ Թամամյանն ասել է նաև, որ Հայկ անունով մի տղա, ով, ըստ երևույթին, Արսենենց հետ կռվողներից է եղել, գլխի վնասվածքներով դիմել է հիվանդանոց£ Ելնելով Լևոնի պատմածից` Թամամյանին ասել է, որ դա երևի Լևոն Ահարոնյանի քրոջ որդի Հայկն է, ինչին Թամամյանը պատասխանել է, որ Հայկին փոխանցեն` ներկայանա ոստիկանություն£ Դրանից հետո իր բջջային հեռախոսով զանգահարել է Լևոն Սարգսյանին ու նրան փոխանցել, որ Թամամյանը Լևոն Ահարոնյանին ասել է, որ նա պետք է զենքերը բերի ու հանձնի ոստիկանություն£ Լևոն Սարգսյանն էլ ասել է, որ եթե ասում է, ուրեմն տանեն ու հանձնեն£ Լևոն Սարգսյանի պահանջը հաղորդել է Լևոն Ահարոնյանին, ով այդ պահին ոչինչ չի ասել, բայց որոշ ժամանակ անց ասել է, որ միասին գնան ու զենքերը հանձնեն£ Այնուհետև Լևոն Ահարոնյանի հետ իր վարած ՙՆիսան՚ մակնիշի մեքենայով գնացել են Հաղթանակի զբոսայգու մոտ£ Մեքենայից Լևոնը զանգահարել է Հայկին ու նրան հարցրել այն տան տեղը, որտեղ այդ ժամանակ գտնվել է Հայկը£ Ճանապարհին Լևոնն իրեն ասել է, որ զենքերը գտնվում են Հայկի մոտ£ Երբ տեղ են հասել, Հայկը դուրս է եկել շենքից զինվորական համազգեստով, գլուխը վիրակապված£ Բարևելուց հետո Լևոնն ու Հայկն առանձնացել են և մի քանի րոպե զրուցել, որին ինքը ներկա չի եղել£ Այնուհետև Լևոնը նստել է մեքենան և ասել, որ պետք է գնան Զեյթուն թաղամաս` շատրվանների մոտ, քանի որ Հայկը զենքերն ինչ-որ մեկին է տվել£ Երբ հասել են նշված շատրվանների մոտ, քիչ անց իրենց մեքենային է մոտեցել տարեց մի տղամարդ, ով տոպրակով փաթաթած զենքերը տվել է իրեն, ինքն էլ դրանք փոխանցել է Լևոնին£ Այնուհետև Լևոնի հետ մեքենայով գնացել են ոստիկանության Արաբկիրի բաժին, Լևոնը ներկայացրել է զենքերը£
Հաջորդ օրը` 2010թ. մայիսի 14-ին` ժամը 14:00-ի սահմաններում, իրեն զանգահարել է ՀՀ ԱԺ պատգամավոր Լևոն Սարգսյանը և ասել, որ դեպքի վայրից ՙԿոլտ՚ տեսակի ատրճանակի փամփշտակալ է հայտնաբերվել, և այդ ատրճանակը պետք է ներկայացվի ոստիկանություն£ Լ.Սարգսյանն ասել է, որ ինքն Արսենի տնեցիներին փոխանցի, որ նրանք այդ ատրճանակը տանեն հանձնեն£ Չի հիշում` հանդիպել, թե հեռախոսով խոսել է Լևոն Ահարոնյանի հետ, նրան փոխանցել է Լևոն Սարգսյանի պահանջը, վերջինս պատասխանել է, որ ՙԿոլտ՚ տեսակի ատրճանակի մասին տեղեկություն չունի£ Դրանից հետո գնացել է Արսենենց տուն, քանի որ Լևոն Ահարոնյանն ու Կարինեն նորից ասել են, որ ատրճանակից տեղյակ չեն, նրանց ասել է, որ զանգեն Լևոն Սարգսյանին£ Դրանից մի քանի ժամ հետո իրեն զանգահարել է Լևոն Ահարոնյանն ու կանչել` ասելով, որ տեղ կա գնալու£ Մեքենայով գնացել է Լևոն Ահարոնյանի տան մոտ, վերջինս նստել է մեքենան ու ասել, որ պետք է գնան Նորքի զանգված` ատրճանակը վերցնելու£ Ճանապարհին Լևոնը զանգահարել է ինչ-որ մեկին, ով Լևոնին բացատրել է, թե ուր պետք է գնան, և ինքը մեքենան վարել է վերջինիս նշած երթուղով£ Մեքենայով կանգնել են Լևոնի նշած շենքի մոտ, որից հետո Լևոնը նորից զանգահարել է, և այդ շենքի կողմից իրենց է մոտեցել մոտ 40-45 տարեկան, իրեն անծանոթ մի տղամարդ£ Վերջինիս ձեռքում մուգ գույնի տոպրակ է եղել, և նա, մոտենալով, տոպրակը տվել է Լևոնին£ Ճանապարհին Լևոնն ասել է, որ վերը նշված տոպրակը տա Վռամին. նա գիտի` ինչ պետք է անի£ Զանգահարել է Վռամին, նրան ասել, որ մոտ 15 րոպեից լինի Կոմիտասի փողոցում` ՙՅունիբանկ՚-ի մոտ, քանի որ բան ունի նրան տալու£ Այնուհետև Լևոնին իջեցրել է նրանց տան մոտ` սպորտդպրոցի դիմաց, և իջել վերը նշված բանկի մոտ, որտեղ փոխանցած մուգ գույնի տոպրակը տվել Վռամին£ Այդ ժամանակ` տոպրակը վերցնելուց հետո, շփումից զգացել է, որ տոպրակի մեջ ատրճանակ է դրված£ Վռամը, վերցնելով ատրճանակը, գնացել է` առանց որևէ բան ասելու£
Արմեն Երիցյանը հայտնել է նաև, որ քանի որ դեպքի մասին ստույգ տեղեկություններ չի ունեցել, և Լևոն Ահարոնյանն ու Կարինեն անընդհատ ասել են, որ Արսենը ոչ մեկի վրա չի կրակել, դեպքից մոտ 5-6 օր հետո Կոմիտասի փողոցում հանդիպելով Վռամին` նրան հարցրել է, թե, ի վերջո, ինչ է տեղի ունեցել Արսենենց հետ£ Վռամն իրեն պատմել է, որ դեպքի օրը` ցերեկը, եղել է Արսենի և Պետրոսի հետ ավտոմեքենայով, ցանկացել է մտնել ՀՀ ԱԺ պատգամավոր Լևոն Սարգսյանի` Կոմիտասի փողոցի 17 հասցեում գտնվող գրասենյակի կողքի շենքի տակ գտնվող խանութ£ Նշված խանութի մոտ կանգնած մի ՙթուլայի՚ է տեսել, ով արհամարական թքել է իր ոտքերի տակ£ Ինքն այդ տղային հարցրել է, թե նա ինչու± իրեն ձևի մեջ չի պահում, իսկ երբ նա պատասխանել է. ՙԴու ո±վ ես, որ ինձ ասես` ես ինձ ոնց պահեմ՚,-Վռամը ոտքով հարվածել է նրա հետույքին£ Վռամը պատմել է նաև, որ այդ միջադեպից հետո նկատել են, որ իրենց ինչ-որ մեքենաներ են հետապնդում, և ինչ-որ լարվածություն կա, որի պատճառով էլ անվտանգ լինելու համար գտնվել են Լևոն Սարգսյանի գրասենյակում£ Ժամը 22 անց 30-ի սահմաններում, երբ ավտոմեքենայով մտել են Կոմիտասի փողոցի 17-րդ և 19-րդ շենքերի միջև ընկած հատվածը, իրենց դեմ-դիմաց կանգնել է մի ավտոմեքենա, որի մեջ եղել են Խաչիկ Մկրտչյանն ու նրա ընկերները£ Խաչիկն իջել է ավտոմեքենայից` ատրճանակը ձեռքին, ու անմիջապես կրակել իր վրա, սակայն գնդակը կպել է Պետրոսի ոտքին, նա ընկել է£ Հետո Խաչիկը կրակել ու վիրավորել է Արսենին, իսկ այնուհետև կրակել է նաև իր ուղղությամբ, բայց իրեն գնդակը չի կպել£ Դրանից հետո ինքն է իր մոտ եղած ատրճանակից մի քանի անգամ կրակել Խաչիկի վրա, որից հետո օգնել է Պետրոսին նստել մեքենան, ու գնացել են Կոմիտասի փողոցի ՙՍԱՍ՚ սուպերմարկետի մոտ, ուր քիչ հետո եկել է նաև Արսենը, և իրենք միասին գնացել են հիվանդանոց£ Լսելով Վռամի պատմածը` նրան հարցրել է, թե այդ դեպքում ինչու± է Արսենն ասում, որ ինքն է կրակել Խաչիկի վրա£ Վռամը պատասխանել է, որ այդպես են որոշել:
Վկան նշել է նաև, որ դեպքից մոտավորապես 15-20 օր հետո Արսենի մայրը` Կարինեն, իրեն խնդրել է տանել Վռամի աներոջ տուն£ Միասին գնացել են Վռամի աներոջ տուն£ Այդ հանդիպման ժամանակ Կարինեն Վռամին ասել է, որ Խաչիկին իր տղան չի սպանել, և նրան խնդրել է` խոստովանի, որ ինքն է սպանությունը կատարել` ասելով, որ այդ դեպքում ինքն ամեն կերպ կաջակցի, որ նա խիստ պատիժ չստանա£ Վռամը լսել է Կարինեին, սակայն ոչինչ չի պատասխանել£

Վկա Միքայել Ղարագյոզյանը դատաքնությամբ ցուցմունք է տվել այն մասին, որ 2010թ. մայիսի 12-ին` ժամը 20:30-ի սահմաններում, ՙՏոյոտա Քեմրի՚ մակնիշի ավտոմեքենայով իրենց բակ են եկել Արսեն Ահարոնյանը, Պետրոս Գրիգորյանն ու Վռամ Բաղդասարյանը և պատմել, որ մոտ 2 ժամ առաջ մի խանութի մոտ թքելու պատճառով Վռամը վիճաբանել է ոմն Հայկի եղբոր հետ, և վերջինս իրենց սպառնացել է£ Պատմել են նաև, որ այդ պատճառով ՙԵրիցյաններ՚ խանութի մոտակայքում բնակվող տղաներն իրենց են փնտրում£ Այնուհետև ինքը գնացել է տուն և տեսնելով, որ բջջային հեռախոսները թողել է ավտոմեքենայի մեջ` կնոջ հեռախոսով զանգահարել, ապա` Կոմիտասի պողոտայի 19-րդ շենքի դիմաց հանդիպել է Արսենին ու Վռամին£ Քանի որ մեքենայի ապակիները մգացված են եղել, չի տեսել, թե մեքենայում բացի Արսենից ու Վռամից այլ մարդ եղել է, թե` ոչ£ Այդ ժամանակ նույնպես Արսենն ասել է, որ իրենց փնտրում են, սակայն նրանց հետ չեն հանդիպել, որից հետո ինքը վերցրել է հեռախոսները, գնացել Կոմիտասի պողոտայի 24-րդ շենքի մոտ£ Այդ ընթացքում զանգահարել է Արմեն Երիցյանին, ով Երջանիկ Շահինյանի հետ գտնվել է հյուրանոցում, ու նրան պատմել է կատարվածի մասին£ Այնուհետև իրեն է զանգահարել Արսեն Ահարոնյանը, հարցրել, թե ինչ նորություն կա, հետո խոսել է Պետրոսի հետ, ով խնդրել է շրջել իրենց տաքսի ծառայության շրջակայքում: Քայլելով շրջել է նշված տարածքում, տեսել, որ այդտեղ կասկածելի մեքենաներ չկան, ու այդ մասին հայտնել է Պետրոսին£ Վերջինիս հետ խոսելուց մոտ երկու րոպե անց Կոմիտասի պողոտայի 17-րդ և 19-րդ շենքերի հատվածում լսել է կրակոցներ£ Դուրս է եկել Կոմիտասի պողոտա, կանգնել է մայթին և նկատել է, որ նշված պողոտայով դեպի վեր ընթանում է Արսենենց ՙՏոյոտա Քեմրի՚ մակնիշի մեքենան£ Կրակոցներ լսելու մասին հեռախոսով հայտնել է Արմեն Երիցյանին, ով ասել է, որ գալիս է` ճանապարհին է£ Փորձել է զանգահարել Արսենին, երբ մի կերպ կապվել է նրա հետ, վերջինս ասել է, որ իրենք ՙՍԱՍ՚ սուպերմարկետի մոտ են£ Իր ավտոմեքենայով գնացել է նշված սուպերմարկետի մոտ, բայց մեքենան այդտեղ չի եղել, և այդ ընթացքում Արսենից տեղեկացել է, որ նրանք գնում են ութերորդ հիվանդանոց£ Ինքը նույնպես գնացել է այդ հիվանդանոց: Մեքենայի ղեկին եղել է Վռամը, նրա կողքին նստած է եղել Արսենի մայրը` Կարինեն, իսկ հետևում` Արսենն ու Պետրոսը£ Վերջիններիցս տեղեկանալով, որ գնում են Միքայելյանի անվան հիվանդանոց` գնացել է այնտեղ: Դեպքից հետո Հովհաննես Շահինյանն իրեն պատմել է դեպքի հանգամանքներն ու ասել, որ Խաչիկին Վռամն է սպանել ՙՄակարով՚ ատրճանակից արձակած կրակոցներով, սակայն Արսենն է այդ սպանությունն իր վրա վերցրել, քանի որ Վռամը փրկել է նրա ու Պետրոսի կյանքը£

Ամբաստանյալ Պետրոս Գրիգորյանի հայրը` Խաչատուր Գրիգորյանը, օգտվելով իր սահմանադրական իրավունքից, հրաժարվել է դատաքննության փուլում ցուցմունքներ տալուց : Նախաքննության ընթացքում վերջինս ցուցմունք է տվել այն մասին, որ 2010թ. մայիսի 12-ին Կոմիտասի պողոտայում գտնվող ինչ-որ խանութի մոտ Վռամ Բաղդասարյանը խեթ հայացքով նայելու պատճառով վիճաբանել է իրենց թաղամասի բնակիչ Հայկի եղբոր հետ ու ապտակել նրան£ Դրանից մի քանի ժամ հետո` ժամը 22 :30-ի սահմաններում, Պետրոսն ընկերոջ` Արսեն Ահարոնյանի, վերջինիս հորաքրոջ որդու` Հայկի, ու Վռամի հետ Արսեն Ահարոնյանի ավտոմեքենայով եղել են Կոմիտասի պողոտայի 17-րդ և 19-րդ շենքերի միջև ընկած հատվածում, նրանց առջև դուրս է եկել ՙՄերսեդես՚ մակնիշի մեքենա, որտեղ եղել են Հայկը, Խաչիկ Մկրտչյանը և ևս երկու տղա£ Երկու կողմերն իջել են մեքենաներից, որից անմիջապես հետո Խաչիկը կրակել և նախ վիրավորել է Պետրոսին, իսկ այնուհետև` նաև Արսենին, որից հետո Վռամն իր մոտ գտնվող ՙՄակարով՚ ատրճանակից կրակել է Խաչիկի վրա, ով ստացած վնասվածքից մահացել է£ Դեպքի վայրից Պետրոսն ու Վռամը հեռացել են թաղամասի բնակիչ` Հովհաննես անունով մի տղայի ՙԳԱԶ-24՚ մակնիշի ավտոմեքենայով, իսկ Հայկն ու Արսենը` վերջինիս ՙՏոյոտա Քեմրի՚ մակնիշի մեքենայով£ Դեպքի վայրից հեռանալուց հետո նրանք միմյանց հանդիպել են Կոմիտասի պողոտայում գտնվող ՙՍԱՍ՚ սուպերմարկետի մոտ, որից հետո գնացել են հիվանդանոց£ Հայտնել է, որ այդ մասին տեղեկացել է ինչպես Պետրոսից ու Արսենից, այնպես էլ` վերջինիս ծնողներից և Արմեն Երիցյանից, ով քաջատեղյակ է եղել դեպքի հանգամանքների մասին£
Դեպքից 3-4 օր հետո Միքայելյանի անվան հիվանդանոցում խոսել է Արսեն Ահարոնյանի և իր որդու հետ, ովքեր հայտնել են, որ թեև Խաչիկ Մկրտչյանի վրա կրակելու բուն պահը չեն տեսել` դեպքից հետո հիվանդանոց գնալու ճանապարհին Վռամն իրենց ասել է, որ ինքն է կրակել Խաչիկի վրա, որից վերջինս վայր է ընկել£ Նրանք իրեն ասել են նաև, որ որոշել են չհայտնել սպանությունը Վռամի կողմից կատարելու մասին, քանի որ վերջինս, սպանելով Խաչիկին, փրկել է իրենց կյանքը£
Դեպքից որոշ ժամանակ անց հանդիպել է Արսենի հորը` Լևոն Ահարոնյանին, և երբ նրան քննադատել է, թե ինչու է որդին հայտնել, թե իբր ինքն է սպանել Խաչիկին, նա պատասխանել է, որ ինչ-որ բարձրաստիճան մարդիկ խոստացել են, որ Արսենը դիտավորյալ սպանություն կատարելու համար չի դատապարտվի, այլ քննության ընթացքում նրա արարքը կորակվի որպես ինքնապաշտպանություն£
2010թ. սեպտեմբերին փողոցում հանդիպել է Վռամ Բաղդասարյանին և խոսակցության ընթացքում նրան հարցրել է, թե ինչու± է ուշ կրակել Խաչիկի վրա և թողել, որ նա վիրավորի նախ` Պետրոսին, ապա` Արսենին, ինչին Վռամը, ուսերը վեր բարձրացնելով, չի պատասխանել : Այդ պատճառով էլ իր մոտ համոզմունք է առաջացել, որ Խաչիկին Վռամն է սպանել£
հ.7 գ.թ. 23-30

Գործով վկա Անուշ Բադալյանը դատաքննությամբ ցուցմունք է տվել այն մասին, որ 2010թ. մայիսի 12-ին ժամը 22-ի սահմաններում երբ ինքը գտնվել է իրենց տանը և ընտանիքի անդամների հետ հեռուստացույց է դիտել, դրսից շատ կարճ ընդմիջումներով լսել է կրակոցի ձայներ, որից ինքը վախեցել է:Երբ ինքը պատուհանից դուրս է նայել, իրենց և հարևան 19-րդ շենքի միջնամասից լսել է կռվի, ծեծի ձայներ, գոռգոռոցներ, խառը աղմուկ: Ինքը հայհոյանքները չի զանազանել, քանի որ աղմուկը եղել է բարձր և անկանոն:Դրանից մոտ երկու րոպե անց փորձել է զանգահարել ոստիկանություն, սակայն չի հաջողվել, իսկ մի քանի րոպե անց դուրս նայելով տեսել է ոստիկաններին: Հետագայում ինքն իմացել է, որ կռվի, կրակոցների արդյունքում մեկը մահացել է և կան վիրավորներ: Կատարվածը իր վրա շատ ծանր է անդրադարձել, քանի որ նախ երիտասարդ է սպանվել, բացի այդ խանգարվել է իր և իրենց շենքի բնակիչների անդորրը:

Նախաքննության ընթացքում նույնաբովանդակ ցուցմունք է տվել նաև գործով վկա, Անուշ Բադալյանի որդին` Հայկ Ստեփանի Սանթուրյանը:

Ամբաստանյալներ Վռամ Բաղդասարյանին, Արսեն Ահարոնայանին Պետրոս Գրիգորյանին, Հայկ Սանդալջյանին, Արթուր Փոխարյանին և Դավիթ Սանդալջյանին մեղսագրվող արարքները հիմնավորվել են նաև գործով վկաներ Ամալյա Արամյանի դատաքննությամբ, ինչպես նաև Ժաննա Գրիգորյանի, Գայանե Բաբայանի, Ռուզաննա Խաչատրյանի, Նարինե Խաչատրյանի և Գայանե Դավթյանի նախաքննական ցուցմունքներով, ովքեր ականատես են եղել 2010թ. մայիսի 12-ին` ժամը 22 անց 30-ի սահմաններում, Երևան քաղաքի Կոմիտասի պողոտայի 17-րդ և 19-րդ շենքերի միջև ընկած հատվածում զենքերի, մահակների գործադրմամբ երկու խմբավորուների միջև տեղի ունեցած խուլիգանական գործողություններին ու փոխհրաձգությանը£
հ.4 գ.թ. 219-220, 105-106, 229-230,
հ.1 գ.թ. 62-63,
հ.4 գ.թ. 140-141, 215-216,
հ.6 գ.թ. 127-131, 139-142, 161-162, 200-202, 203-204
հ.8 գ.թ. 115-117

Մեղադրյալ Վռամ Բաղդասարյանի բջջային հեռախոսահամարով կատարված հեռախոսազանգերի վերծանումների զննմամբ պարզվել է, որի Վռամ Բաղդասարյանի 093-78-84-65 հեռախոսահամարի և Արսեն Ահարոնյանի 077-40-22-90 ու Պետրոս Գրիգորյանի 093-54-71-00 հեռախոսահամարների միջև 2010 թվականի մայիսի 12-ին` ժամը 19:04-ից մինչև 22:29-ը որևէ հեռախոսազանգ չի կատարվել, այսինքն` հիմնավորվել են Արսեն Ահարոնյանի ու Պետրոս Գրիգորյանի ցուցմունքներն այն մասին, որ այդ ժամանակահատվածում իրենց հետ գտնվել է նաև Վռամ Բաղդասարյանը£
Դեպքից անմիջապես հետո Վռամ Բաղդասարյանի 093-78-84-65 հեռախոսահամարից Արսեն Ահարոնյանի 077-40-22-90 հեռախոսահամարին ժամը 2229-ին, 2230-ին և 2232-ին հեռախոսազանգեր են կատարվել: Այդ հանգամանքը հիմնավորում է Արսեն Ահարոնյանի ու Պետրոս Գրիգորյանի ցուցմունքներն այն մասին, որ դեպքի վայրից Արսեն Ահարոնյանը և Հայկ Հակոբյանը հեռացել են ՙՏոյոտա Քեմրի՚ մակնիշի ավտոմեքենայով, իսկ Վռամ Բաղդասարյանը և Պետրոս Գրիգորյանը` Հովհաննես Սնխչյանի ՙԳԱԶ-2410՚ մակնիշի ավտոմեքենայով ու մի քանի րոպե անց հանդիպել Կոմիտասի պողոտայում գտնվող ՙՍԱՍ՚ խանութի մոտ, որտեղ Վռամ Բաղդասարյանը և Պետրոս Գրիգորյանը նստել են Արսեն Ահարոնյանի ՙՏոյոտա Քեմրի՚ մակնիշի ավտոմեքենան£
հ.9 գ.թ. 14-22

Ապացույց ճանաչված` ՙԱրմենՏել՚ ՓԲԸ անվտանգության ծառայության ղեկավարի 2011թ. հունվարի 27-ի թիվ ԱԾ 00\0182 և ՙՂ-Տելեկոմ՚ ՓԲ ընկերության անվտանգության բաժնի պետի 2011թ. հունվարի 27-ի թիվ SU\5984\270111\5827 գրություններով պարզվել է2010 թվականի մայիսի 12-ից մինչև 15-ն ընկած ժամանակահատվածում Արթուր Փոխարյանի 098-96-86-00, Արա Վարդանյանի 091-82-22-11, Պայքար Վարդանյանի 098-06-77-77, Հայկ Սանդալջյանի 093-88-88-62, Հայկ Հակոբյանի 093-84-48-41, 094-02-62-11, Արսեն Ահարոնյանի 093-40-22-90, 077-40-22-90, 091-43-22-90, Պետրոս Գրիգորյանի 093-54-71-00, 091-54-71-00, Նարեկ Օհանջանյանի 091-40-51-86, 093-90-16-01, 077-10-10-77, Միքայել Ղարագյոզյանի 091-77-09-55, 077-77-09-55, Վռամ Բաղդասարյանի 099-77-11-54, 091-10-55-00, 093-78-84-65, Արմեն Երիցյանի 091-02-11-99, 077-42-10-60, Գարեգին Պողոսյանի 093-11-12-08, Ալեքսանդր Բուլղադարյանի 091-30-08-07, 077-20-46-66, Հովհաննես Սնխչյանի 094-42-62-99, Խաչիկ Մկրտչյանի 098-30-87-77, 091-80-00-86 և Լևոն Ահարոնյանի 093-90-01-10 հեռախոսահամարների մուտքային և ելքային հեռախոսազանգերի վերծանումներով, հաստատվել է, որ այդ ժամանակ Վ.Բաղդասարյանը գտնվել է դեպքի վայրն սպասարկող կայանների ռադիոծածկույթում£
հ.7 գ.թ. 94-178
հ.9 գ.թ. 2-3

Քրեական գործով ապացույց ճանաչված` ՀՀ ԱԱԾ հակահետախուզության գլխավոր վարչության պետի 2011թ. հունվարի 26-ի գրությամբ ստացված` ՀՀ ԱՆ ՙԵրևան-Կենտրոն՚ ՔԿ հիմնարկի կալանավոր Պետրոս Գրիգորյանի նկատմամբ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. հունվարի 13-ի որոշման հիման վրա իրականացված ներքին դիտման օպերատիվ-հետախուզական միջոցառման արդյունքում ձայնագրառված` 2011թ. հունվարի 14-ին տեղի ունեցած խոսակցությունների վերծանումներով, ինչպես նաև այդ ձայնագրառումները պարունակող լազերային սկավառակով` պարզվել է որ, Պետրոս Գրիգորյանն իր հետ նույն խցում գտնվող անձանց խոսակցության ընթացքում հանգամանորեն պատմել է 2010թ. մայիսի 12-ին` ժամը 22:30-ի սահմաններում, Կոմիտասի պողոտայի 17-րդ և 19-րդ շենքերի միջև ընկած հատվածում տեղի ունեցած վիճաբանության և փոխհրաձգության պատճառի, դրանց նախորդող իրադարձությունների, հանցագործության հանգամանքների, մասնակիցներից յուրաքանչյուրի գործողությունների, ինչպես նաև դեպքից հետո տեղի ունեցած իրադարձությունների, մասնավորապես` Վռամ Բաղդասարյանի կատարած` Խաչիկ Մկրտչյանի սպանությունն Արսեն Ահարոնյանի կողմից խոստովանելու դրդապատճառների մասին£
հ.7 գ.թ. 36-77
հ.9 գ.թ. 2-3

Դեպքի վայրի զննման արձանագրություններով պարզվել է, որ այն գտնվում է Երևան քաղաքի Կոմիտասի պողոտայի 17 և 19 շենքերի միջնամասում: Զննության ժամանակ հայտնաբերվել են թվով յոթ հատ կրակված պարկուճներ, մեկ գնդակ, մեկ հատ փամփուշտ, մեկ հատ ատրճանակի փամփշտակալ իր յոթ փամփուշտներով, մեկ հատ մահակ, մետաղյա ձող, մետաղյա բիզ, արնանման հետքեր, որոնցից բամբակյա խծուծների վրա վերցվել են նմուշներ:
հ.1 գ.թ.1-8, 94-97

Ատրճանակներ ներկայացնելու և զննելու մասին արձանագրությունով, պարզվել է որ 13.05.2010թ. ժամը 15-ին Լևոն Ահարոնյանը Արաբկիրի քննչական բաժին է ներկայացրել երկու ատրճանակ և հայտարարել, որ իր որդին` Արսեն Ահարոնյանը իրեն հայտնել է իրենց շենքի մուտքի նկուղային մասում եղած ատրճանակների թաքստոցի մասին և խնդրել է դրանք ներկայացնել ոստիկանություն: Ինքը որդու նշած վայրում գտնելով ատրճանակները ներկայացրել է քննությանը: Ատրճանակների զննությամբ պարզվել է, որ դրանցից մեկը ՙՄակարով՚ տեսակի ИВ 1533 համարի ատրճանակ է, արտաքինից անվնաս, իսկ մյուսը ՙTT՚ տեսակի ջնջված համարով ատրճանակ է, արտաքինից անվնաս:Ներկայացված երկու ատրճանակների փամփշտատուփերում և փողերի մեջ փամփուշտ չի հայտնաբերվել:
հ.1 գ.թ.117

Ատրճանակ ներկայացնելու և զննելու մասին արձանագրությամբ, պարզվել է 14.05.2010թ. ժամը 22-ին Վռամ Բաղդասարյանն Արաբկիրի քննչական բաժին է ներկայացրել մեկ հատ ատրճանակ և հայտարարել, որՙ 2010թ. մայիսի 12-ին ժամը 22:30-ի սահմաններում իրեն է զանգահարել իր ընկեր Արսեն Ահարոնյանը և խնդրել է գնալ Կոմիտասի պողոտայի 17-19 շենքերի մոտ:Ինքն անմիջապես հասել է այնտեղ, որտեղ տեսել է Արսեն Ահարոնյանին և Պետրոս Գրիգորյանին` գետնին կքանստած վիճակում, որոնց օգնել է նստել Ա.Ահարոնյանին պատկանող ՙՏոյոտա Քեմրի՚ մակնիշի ավտոմեքենան ու նրանց տեղափոխել է հիվանդանոց:Նրանց իջեցնելուց հետո, Պետրոս Գրիգորյանի նստած տեղից գտել է իր կողմից ներկայացվող ատրճանակը՚:
Ատրճանակի զննմամբ պարզվել է, որ այն ՙCOLT՚ տեսակի ջնջված համարով ատրճանակ է, արտաքինից անվնաս: Ներկայացված ատրճանակից բացակայել է պահունակը, փողի մեջ փամփուշտ չի եղել: Ատրճանակի իրանի, փակաղակի և ձգանը ապահովող օղակի հատվածներում առկա են եղել արնանման հետքեր:
հ.1 գ.թ.197

ՙՏոյոտա Քեմրի՚ մակնիշի 18 ԼՍ 643 համարանիշի ավտոմեքենայի զննմամբ պարզվել է որ ավտոմեքենայի սրահի 7 հատվածներից մարլյայե խծուծների վրա վերցվել են արնանման հետքեր, ինչպես նաև ավտոմեքենայի սրահի ոտնատակի գորգը` արնանման հետքերով:
հ.1 գ.թ. 181-182

ՙՄերսեդես՚ մակնիշի 50 ՏՍ 333 համարանիշի ավտոմեքենայի արտաքին զննությամբ հայտնաբերվել են հրազենային վնասվածքներ: Ավտոմեքենայի սրահի տարբեր հատվածներից մարլյայե խծուծների վրա վերցվել են արնանման հետքեր: Ավտոմեքենայում հայտնաբերվել է ՙՄակարով՚ տեսակի ԿՎ-4744 համարի ատրճանակ, լիցքավորված 6 հատ փամփուշտներով, մեկ հատ փայտյա և երկու հատ մետաղական մահակներ, որոնցից մեկը կոտրված:
հ.2 գ.թ. 29-30

Դատաբժշկական փորձագետի թիվ 443 եզրակացությամբ, Խաչիկ Մկրտչյանի մահը վրա է հասել սուր արյունահոսությունից` կոնքի շրջանի հրազենային, գնդակային, թափանցող, կույր վնասվածք ստանալու հետևանքով, որն էլ գտնվում է ուղղակի պատճառական կապի մեջ` մահվան անմիջական պատճառի հետ: Խաչիկ Մկրտչյանի մահը վրա է հասել փորձաքննությունից շուրջ 12-16 ժամ առաջ:Դիակի դատաբժշկական փորձաքննության ընթացքում հայտնաբերվել են. հրազենային ՙմուտքի անցք՚ աջ աճուկային շրջանում, վերքային խողովակի ընթացքով` կոնքի առաջային պատի, ձախ հետույքային շրջանների` փափուկ հյուսվածքների, առպատային և ընդերային կոնքամզերի, միզապարկի, ձախ զստային զարկերակի վնասվածքներ, աջ և ձախ զստոսկրերի`բաց, բեկորային կոտրվածքներ, տարածուն հետկոնքամզային արյունահավաք, հեղուկ և մակարդված արյուն` որովայնի խոռոչում, որոնք պատճառվել են` կենդանության օրոք, պղինձ պարունակող գնդակով լիցքավորված հրազենից արձակված թվով մեկ կրակոցով. նման վնասվածքները կենդանի անձանց մոտ, սովորաբար համարվում են` առողջությանը ծանր վնաս պատճառող, կյանքին վտանգ սպառնացող մարմնական վնասվածքներ, իսկ տվյալ դեպքում` բերել են մահվան: Հրազենային, գնդակային, թափանցող, կույր վնասվածք ստանալու պահին հրազենի փողաբերանի լայնական կտրվածքն ուղղված է եղել Խ.Մկրտչյանի որովայնի ստորին կեսի աջ առաջակողմնային մակերեսի շրջանը` աջից ձախ, առջևից հետ, վերից քիչ վար ուղղությամբ:
հ.3 գ.թ. 246-256

Դատաձգաբանական փորձաքննության թիվ 1275, 1277, 1286 և 1322 եզրակացությունների համաձայն.
-ներկայացված 9մմ տրամաչափի ИВ 1533-85թ. համարի ՙՊՄ՚ տեսակի ատրճանակը գործարանային արտադրության է, պիտանի է կրակելու համար և հանդիսանում է հրազեն:Ներկայացված ատրճանակի փողում հայտնաբերվել են կրակոցի հետքեր/մուր, վառոդի կիսաայրված մասնիկ/:
-ներկայացված 9մմ տրամաչափի КВ-4744-68թ. համարի ՙՊՄ՚ տեսակի ատրճանակը գործարանային արտադրության է, պիտանի է կրակելու համար և հանդիսանում է հրազեն:Ներկայացված ատրճանակի փողում հայտնաբերվել են կրակոցի հետքեր/մուր, վառոդի կիսաայրված մասնիկ/:
-ներկայացված վեց փամփուշտները գործարանային արտադրության 9մմ տրամաչափի մարտական փամփուշտներ են նախատեսված ՙՊՄ՚ և ՙԱՊՍ՚ ատրճանակների համար, պիտանի են կրակվելու համար և հանդիսանում են ռազմամթերք:
-ներկայացված յոթ պարկուճներից վեցը և չորս գնդակները գործարանային արտադրության 9մմ տրամաչափի ՙՊՄ՚ և ՙԱՊՍ՚ ատրճանակների համար նախատեսված (9*18) փամփուշտների մասեր են` կրակված պարկուճներ ու գնդակներ: Դրանցից երեք պարկուճը (դեպքի վայրից) և երեք գնդակը` (մեկը դեպքի վայրից, մեկը Խաչիկ Մկրտչյանի կոշիկի վրայից, մեկը Խաչիկ Մկրտչյանի դիակի դիահերձման ժամանակ նրա մարմնից հանված) կրակվել են փորձաքննությանը ներկայացված 9մմ տրամաչափի ИВ 1533-85թ. համարի ՙՊՄ՚ տեսակի ատրճանակից, իսկ երեք պարկուճները (դեպքի վայրից) և Արսեն Ահարոնյանի հագուստի միջից առգրավված մեկ գնդակը կրակվել են փորձաքննությանը ներկայացված 9մմ տրամաչափ КВ-4744-68թ. համարի ՙՊՄ՚ տեսակի ատրճանակից:
-ներկայացված ատրճանակը գործարանային արտադրության 45 տրամաչափի, ակոսափող ՙCOLT DOUBLE EAGLE – MK || / SERIES 90՚ ատրճանակ է, պիտանի է կրակոցներ կատարելու համար և հանդիսանում է հրազեն:
-ներկայացված 1 փամփուշտը (դեպքի վայրից առգրավված) գործարանային արտադրության 45 տրամաչափի փամփուշտ է նախատեսված համապատասխան տրամաչափի ՙCOLT ՚ ատրճանակների և մի շարք այլ զենքերի համար, այն վերալիցքավորվել է փորձաքննությանը ներկայացված ՙCOLT ՚ ատրճանակում, պիտանի է կրակվելու համար և հանդիսանում է ռազմամթերք:
-ներկայացված պահունակը (դեպքի վայրից առգրավված) գործարանային արտադրության է նախատեսված 45 տրամաչափի ՙCOLT՚ ատրճանակների համար, այն համապատասխանում է փորձաքննությանը ներկայացված ՙCOLT՚ ատրճանակին, պիտանի է նպատակային օգտագործման համար և ռազմամթերք կամ հրազեն չի հանդիսանում:
-ներկայացված պահունակից հանված յոթ փամփուշտները (դեպքի վայրից առգրավված) գործարանային արտադրության 45 տրամաչափի փամփուշտներ են նախատեսված համապատասխան տրամաչափի ՙCOLT՚ ատրճանակների և մի շարք այլ զենքերի համար: Յոթ փամփուշտներն էլ պիտանի են կրակվելու համար և հանդիսանում են ռազմամթերք:
հ.1 գ.թ. 178-180,
հ.2 գ.թ. 54-56, 146-151

Դատակենսաբանական փորձաքննության թիվ 209 եզրակացությամբ, ՙԿոլտ՚ տեսակի ատրճանակի փակաղակի վրա, բռնակին մոտ հայտնաբերվել է արյան առկայություն, որն առաջացել է Օ խմբի արյուն ունեցող անձից, այդ թվում նաև հնարավոր է որ առաջանար Ա.Ահարոնյանից:Ատրճանակի բռնակի պլաստմասե հատվածի վրա, անցումով նաև մետաղական հատվածին, ձգանը պահող օղակի և ձգանի վրա և արտաքին և ներքին մակերեսին, ատրճանակի փամփշտակալի եզրին և ներսային մակերեսին հայտնաբերվել է արյան առկայություն, որն առաջացել է A խմբի արյուն ունեցող անձից, այդ թվում նաև հնարավոր է որ առաջանար Պ.Գրիգորյանից: ՙՏոյոտա Քեմրի՚ մակնիշի 18 ԼՍ 643 համարանիշի ավտոմեքենայի սրահի ոտնատակի գորգի վրա հայտնաբերվել է արյան առկայություն, որն առաջացել է A խմբի արյուն ունեցող անձից, այդ թվում նաև հնարավոր է որ առաջանար Պ.Գրիգորյանից:Ավտոմեքենայի սրահից մառլյայե խծուծներով վերցրած 7 հետքերից երկուսում հայտնաբերվել է արյան առկայություն, որն առաջացել է Օ խմբի արյուն ունեցող անձից, այդ թվում նաև հնարավոր է որ առաջանար Ա.Ահարոնյանից իսկ հինգ հետքերում հայտնաբերվել է արյան առկայություն, որն առաջացել է A խմբի արյուն ունեցող անձից, այդ թվում նաև հնարավոր է որ առաջանար Պ.Գրիգորյանից:
հ.3 գ.թ.97-100

Դեպքի պահին Խաչիկ Մկրտչյանի, Արսեն Ահարոնյանի և Պետրոս Գրիգորյանի հագին եղած հագուստների առգրավման և հագուստները ներկայացնելու արձանագրությունների, համաձայն դեպքի պահին Խաչիկ Մկրտչյանի հագին եղել է սև գույնի շապիկ և սև գույնի ջինսե կտորից կարված անդրավարտիք, որի հետևի աջ գրպանի վրա առկա է անգլերեն տառերով ՙԳուչչի՚ գրառումը: Արսեն Ահարոնյանի հագին եղել է սպիտակ գույնի մոխրագույն գծանախշերով, երկարաթև վերնաշապիկ և սև գույնի ջինսե կտորից կարված անդրավարտիք: Պետրոս Գրիգորյանի հագին եղել է կարճաթև, կապույտ գույնի շապիկ, որի վրա առկա է ՙադդիդաս՚ գրառումը և կապույտ գույնի ջինսե կտորից կարված անդրավարտիք:
հ.1 գ.թ. 17-19, 22

Դատահետքաբանական և դատաքիմիական համալիր փորձաքննության թիվ 15621003 եզրակացությամբ պարզվել են, որ փորձաքննությանը ներկայացված Խ.Մկրտչյանի անդրավարտիքի առջևի աջ վերին հատվածում` գոտկակարից 5սմ ներքև և աջ կողակարից 10սմ դեպի առաջ, առկա է 9*8.5սմ չափերի վնասվածք, որը հրազենային է, գնդակային, առաջացել է 9մմ տրամաչափի, պղինձ պարունակող գնդակով, մոտ կրակոցի լրացուցիչ գործոնների ազդեցության սահմաններից դուրս տարածությունից կատարված մեկ կրակոցի հետևանքով և հանդիսանում է մուտքի վնասվածք:Կրակոցի պահին ներկայացված անդրավարտիքը աջ կողային վերին հատվածով ուղղված է եղել դեպի զենքի փողի առաջնային կտրվածքը:
Արսեն Ահարոնյանի անդրավարտիքի հետևի աջ վերին հատվածում` գոտկակարից 9,5սմ ներքև և աջ կողակարից 20սմ դեպի ետ, առկա է 7,5+7սմ չափերի վնասվածք, որը հրազենային է, գնդակային, առաջացել է 7.62-9մմ տրամաչափի, պղինձ պարունակող գնդակով, մոտ կրակոցի լրացուցիչ գործոնների ազդեցության սահմաններից դուրս տարածությունից կատարված մեկ կրակոցի հետևանքով և հանդիսանում է մուտքի վնասվածք:Կրակոցի պահին ներկայացված անդրավարտիքը ետևի վերին աջ հատվածով ուղղված է եղել դեպի զենքի փողի առաջնային կտրվածքը: Անդրավարտիքի գոտկային հատվածում առկա են պղնձի և երկաթի մետաղացման հետքեր, որոնք կարող էին առաջանալ նաև զենքի հետ շփման հետևանքով:
Պետրոս Գրիգորյանի անդրավարտիքի ձախ փոխքի առջևի ստորին հատվածում` գոտկակարից 94սմ ներքև և արտաքին կողակարից 7սմ դեպի առաջ, առկա է 8,5+6,5սմ չափերի վնասվածք /վնասվածք N1/, իսկ անդրավարտիքի ձախ փոխքի հետևի ստորին հատվածում` գոտկակարից 97սմ ներքև և արտաքին կողակարից 17սմ դեպի ետ, առկա է 13+6սմ չափերի վնասվածք /վնասվածք N2/, որոնք հրազենային են, գնդակային, առաջացել է 7.62-9մմ տրամաչափի, պղինձ պարունակող գնդակով, մոտ կրակոցի լրացուցիչ գործոնների ազդեցության սահմաններից դուրս տարածությունից, առջևից ետ, քիչ վերևից ներքև ուղղությամբ կատարված մեկ կրակոցի հետևանքով, ընդ որում /վնասվածք N1/ հանդիսանում է մուտքի վնասվածք, իսկ /վնասվածք N2/ ելքի վնասվածք:Կրակոցի պահին ներկայացված անդրավարտիքը ձախ փոխքի առջևի ստորին հատվածով ուղղված է եղել դեպի զենքի փողի առաջնային կտրվածքը: Անդրավարտիքի գոտկային հատվածում առկա են պղնձի և երկաթի մետաղացման հետքեր, որոնք կարող էին առաջանալ նաև զենքի հետ շփման հետևանքով:
հ.4 գ.թ. 67-78

Նարեկ Օհանջանյանին պատկանող ՙՄերսեդես՚ մակնիշի 50 ՏՍ 333 համարանիշի ավտոմեքենայում հայտնաբերված փայտյա և երկու մետաղական մահակներով /մեկը կոտրված/ նշանակված քրեագիտական փորձաքննության թիվ 1365 եզրակացությամբ և կոտրված մահակի վրա հայտնաբերված արյան հետքով նշանակված դատակենսաբանական փորձաքննության թիվ 219 եզրակացությամբ, պարզվել է որ փորձաքննությանը ներկայացված մեկ փայտյա մահակը/բեյսբոլի բիտա/ և մեկ կոտրված մետաղական մահակը սառը զենք չեն հանդիսանում, իսկ մեկ մետաղական մահակը` լախտը գործարանային արտադրության է, դասվում է հարվածող-փշրող սառը զենքերի շարքին: Կոտրված մահակի վրա հայտնաբերված արյան հետքը թողնվել է Օ խմբի արյուն ունեցող անձից, հնարավոր է նաև առաջանար ինչպես Արսեն Ահարոնյանից, այնպես էլ Հայկ Հակոբյանից:
հ.3 գ.թ. 82-85, 105-107

Դատակենսաբանական փորձաքննության թիվ 216 եզրակացության համաձայն ՙՄերսեդես՚ մակնիշի 50 ՏՍ 333 համարանիշի ավտոմեքենայում հայտնաբերված, փորձաքննությանը ներկայացված ՙդռան հենակի վրայից՚, ՙհետին աջ անվադողից՚, ՙատրճանակի վրայից՚ 3 մարլյայի խծուծներով վերցրած կասկածելի հետքերում, մեքենայից առգրավված գծավոր ջեմպերի վրա տեղակայված կասկածելի հետքերում հաստատվել է արյան առկայություն, որը պատկանում է մարդու և առաջացել է B խումբ ունեցող անձից, հնարավոր է նաև առաջանար Խաչիկ Մկրտչյանից:
հ.3 գ.թ. 101-104

Դատաբժշկական փորձագետի թիվ 1127 եզրակացության համաձայն Հայկ Հակոբյանի մարմնական վնասվածքները` դեմքի, գլխի, գոտկային շրջանի, աջ և ձախ վերին վերջույթների, ձախ սրունքի շրջանների քերծվածքների, արյունազեղումների, սալջարդ վերքերի ձևով, հասցվել են բութ, կոշտ առարկաներով, պատճառվել է առողջությանը թեթև վնաս`առողջության կարճատև քայքայումով:
հ.2 գ.թ.152-153

Դատաբժշկական փորձագետի թիվ 660/հ եզրակացության համաձայն` Ա.Ահարոնյանի ստացած մարմնական վնասվածքները`աջ նստատեղի ներսային մակերեսի, աջ աճուկային շրջանի հրազենային գնդակային միջանցիկ վիրավորման ձևով, որը ուղեկցվել է խորանիստ մկանների, անոթների բաց վնասումով, արտաքին արյունահոսությամբ, աջ ծնկան հոդի, աջ բազկի 1/3-ի հետին մակերեսի արյունազեղման ձևերով, պատճառվել են` հրազենային վնասվածքը գնդակով լիցքավորված հրազենից արձակած կրակոցի ներգործությամբ, իսկ քերծվածքները և արյունազեղումը բութ, կոշտ առարկաներով, և պատճառվել է կյանքին վտանգ սպառնացող ծանր վնաս:
հ.2 գ.թ.42-43

Դատաբժշկական փորձագետի թիվ 659/հ եզրակացության համաձայն Պ.Գրիգորյանի մարմնական վնասվածքները` ձախ սրունք-թաթային հոդի հրազենային գնդակային միջանցիկ վիրավորման ձևով, որը ուղեկցվել է ձախ սրունքի մեծ ոլոքի բաց կոտրվածքով, սրունքի սինդեսմոզի բաց վնասումով, պատճառվել է գնդակով լիցքավորված հրազենից արձակած կրակոցի ներգործությամբ, պատճառել է կյանքին վտանգ սպառնացող առողջության ծանր վնաս:
հ.2 գ.թ.40-41 Քննչական փորձարարության արձանագրությունների համաձայն Հայկ Սանդալջյանը, Արթուր Փոխարյանը և Նարեկ Օհանջանյանը մատնացույց են արել այն վայրը, որտեղ Խաչիկ Մկրտչյանը իջել է ավտոմեքենայից և քիչ անց վերադարձել է իր հետ բերելով 3 հատ մահակ:Մատնացույց են արել նաև այն վայրը որտեղ տեղի է ունեցել դեպքը, ՙՄերսեդես՚ մակնիշի 50 ՏՍ 333 համարանիշի ավտոմեքենայի կանգնած դիրքն ու վայրը, ինչպես նաև այն տեղը, որտեղ ընկած է եղել Խաչիկ Մկրտչյանը:
հ.3 գ.թ. 173-182

Դատահետքաբանական, դատաձգաբանական և դատաքիմիական համալիր փորձաքննության թիվ 1375 եզրակացության համաձայն ՙՄերսեդես՚ 50 ՏՍ 333 համարի ավտոմեքենայի վնասվածքները հանդիսանում են հրազենային-գնդակային բնույթի միջանցիկ վնասվածքներ, որոնցից առաջին վնասվածքը` առջևի աջ կողային անվաթևի վրա առաջացել է հետևից առաջ, քիչ վերևից ներքև, աջից ձախ ուղղությամբ մեկ կրակոցի հետևանքով:Երկրորդ վնասվածքը` աջ կողային հայելու կաղապարի դրսային մակերեսի վրա, որի շարունակությունը հայելու հայելային մակերեսի վրա է, առաջացել է մեկ կրակոցի հետևանքով:Նշված վնասվածքի պատճառման կոնկրետ ուղղությունը հնարավոր չի եղել պարզել, քանի որ հայտնի չէ, թե հայելին ինչ դիրքով է եղել կրակելու պահին:Երրորդ վնասվածքը` առջևի աջ կողային դռան ստորին պլաստմասե շերտահատվածի վրա է, որի շարունակությունը դռան ներսային ծածկվող մակերեսի եզրային հարթության վրա, առաջացել է աջից ձախ, վերից վար, առջևից հետ ուղղությամբ մեկ կրակոցի հետևանքով:
հ.3 գ.թ.241-245

Իրեղեն ապացույցներ ճանաչված Խաչիկ Մկրտչյանի, Արսեն Ահարոնյանի և Պետրոս Գրիգորյանի հագին դեպքի պահին եղած հագուստներով, դեպքի վայրից հայտնաբերված յոթ հատ կրակված պարկուճներով ու չորս հատ 9 մմ տրամաչափի գնդակներով, 9մմ տրամաչափի ИВ 1533-85թ. համարի ՙՊՄ՚ տեսակի ատրճանակով, 45 տրամաչափի, ՙCOLT DOUBLE EAGLE – MK || / SERIES 90՚ ատրճանակով, 9մմ տրամաչափի KВ 4744 համարի ՙՊՄ՚ տեսակի ատրճանակով, ՙՄերսեդես՚ մակնիշի 50 ՏՍ 333 համարանիշի ավտոմեքենայում հայտանբերված արյան հետքերից 3 մարլյայի խծուծներում վերցված արյան հետքերով, երեք հատ մահակներով, կոտրված մահակի վրայից մարլյայի խծուծում վերցված արյան հետքերով, ՙՄերսեդես՚ մակնիշի 50 ՏՍ 333 համարանիշի ավտոմեքենայով, ՙՏոյոտա Քեմրի՚ մակնիշի 18 ԼՍ 643 համարանիշի ավտոմեքենայից մարլյայի խծուծներում վերցված արյան հետքերով և արյան հետքերով սրահի ոտնատակի գորգով:
հ.4 գ.թ. 83-84, հ.5, գ.թ.3-9

4.Դատարանի իրավական վերլուծությունները
Դատարանը հետազոտելով ձեռք բերված ապացույցներն իրենց համակցությամբ, գտնում է, որ ամբաստանյալ Վռամ Բաղդասարյանի մեղավորությունը ապօրինի կերպով զենք և ռազմամթերք ձեռք բերելու, պահելու, կրելու, մի խումբ անձանց հետ զենքի գործադրմամբ խուլիգանություն կատարելու, ինչպես նաև խուլիգանական դրդումներով, շատերի կյանքի համար վտանգավոր եղանակով ապօրինաբար ուրիշին դիտավորությամբ կյանքից զրկելու` ՀՀ քրեական օրենսգրքի 104-րդ հոդվածի 2-րդ մասի 6-րդ, 10-րդ կետերով, 235-րդ հոդվածի 1-ին և 258-րդ հոդվածի 4-րդ մասերի հատկանիշներով նախատեսված հանցանքներ կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:

Արսեն Ահարոնյանի` մեղավորությունը ապօրինի կերպով զենք և ռազմամթերք ձեռք բերելու, պահելու, կրելու, մի խումբ անձանց հետ զենքի գործադրմամբ խուլիգանություն կատարելու մեջ` ՀՀ քրեական օրենսգրքի 258-րդ հոդվածի 4-րդ և մասի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:

Պետրոս Գրիգորյանի` մեղավորությունը մի խումբ անձանց կողմից խուլիգանություն կատարելու 258-րդ հոդվածի 3-րդ մասի 1-ին կետի հատկանիշներով, նախատեսված հանցանք կատարելու համար առաջադրված մեղադրանքում ապացուցված է, որի համար նա ենթակա է քրեական պատասխանատվության և պատժի:

Հայկ Սանդալջյանի և Արթուր Փոխարյանի մեղավորությունը զենքի գործադրմամբ խուլիգանություն կատարելու ՀՀ քրեական օրենսգրքի 258-րդ հոդվածի 4-րդ մասոի հատկանիշներով նախատեսված հանցանք կատարելու համար առաջադրված մեղադրանքում ապացուցված է, որի համար նրանք ենթակա է քրեական պատասխանատվության և պատժի:

Ինչ վերաբերում է Դավիթ Սանդալջյանին ՀՀ քրեական օրենսգրքի 38-258-րդ հոդվածի 4-րդ մասով առաջադրված մեղադրանքին, ապա դատարանը գտնում է, որ ինչպես նախաքննությամբ, այնպես էլ դատաքննությամբ ապացույցներ ձեռք չեն բերվել Դ.Սանդալջյանի կողմից եղբորը` Հայկ Սանդալջյանին, Խաչիկ Մկրտչյանին և նրանց ընկերներին զենքի և որպես զենք օգտագործվող առարկաների գործադրմամբ խուլիգանություն կատարելուն դրդելու վերաբերյալ:
Քրեական գործի փաստական տվյալներով հիմնավորվել է, որ Վռամ Բաղդասարյանը 2010թ. մայիսի 12-ին` ժամը 17:30-ի սահմաններում, ընկերների` Արսեն Ահարոնյանի և Պետրոս Գրիգորյանի ներկայությամբ Երևան քաղաքի Կոմիտասի պողոտայի 19-րդ շենքի դիմաց չնչին` իր վրա խեթ հայացքով նայելու առիթով վիճաբանել և ապտակել է Դավիթ Սանդալջյանին, և վերջինս հաշվեհարդար տեսնելու դիտավորությամբ սպառնացել է Վ.Բաղդասարյանին և բացահայտ հայտարարել` ՙԴու մեռար...՚£
ՀՀ քրեական օրենսգրքի 137-րդ հոդվածը քրեական պատասխանատվություն է սահմանում սպանության սպառնալիքի համար, եթե այդ սպառնալիքն իրականացնելու իրական վտանգ է եղել:
Դատարանն արձանագրում է, որ Դավիթ Սանդալջյանի կողմից Վռամ Բաղդասարյանին սպանության սպառնալիքներ են տրվել և այդ սպառնալիքն իրականացնելու իրական վտանգ է եղել:
Դատարանն այդ եզրահանգմանն է գալիս` հաշվի առնելով գործի կոնկրետ հանգամանքները, ինչպես նաև Դավիթ Սանդալջյանի կողմից այդ հանցանքի կատարման իրադրությունը, շարժառիթները, դրան նախորդող և հաջորդող իրավիճակները:
Սպառնալիքի իրավական բովանդակությունն իր մեջ ընդգրկում է այնպիսի հոգեբանական բռնությունը, եթե այն իրականացնելու իրական վտանգ է եղել:
Գործի փաստական հանգամանքներով հիմնավորվել է, որ Դ.Սանդալջյանի սպառնալիքներին անմիջականորեն հաջորդել է իր եղբոր` Հայկ Սանդալջյանի, Խաչիկ Մկրտչյանի և նրանց ընկերների կողմից` ինչպես հրազենի, այնպես էլ որպես զենք օտագործվող առարկաների գործադրմամբ 2010թ. մայիսի 12-ին ժամը 22:30-ի սահմաններում ք.Երևանի Կոմիտաս պողոտայի 17-19-րդ շենքերի միջնամասում կատարված խուլիգանությունը, որի ընթացքում մի կողմից Արսեն Ահարոնյանն ու Պետրոս Գրիգորյանը Խաչիկ Մկրտչյանի մոտ գտնվող ատրճանակից արձակած կրակոցից ստացել են կյանքի համար վտանգավոր ծանր վնաս, իսկ մյուս կողմից Խաչիկ Մկրտչյանը Վռամ Բաղդասարյանի մոտ գտնվող ատրճանակից արձակած կրակոցից մահացել է:
Նշված պայմաններում Դ.Սանդալջյանի արարքը ենթակա է վերաորակման ՀՀ քրեական օրենսգրքի 137-րդ հոդվածի 1-ին մասով, որի համար նա ենթակա է քրեական պատասխանատվության և պատժի:

Պատիժ նշանակելիս դատարանը հաշվի է առնում հանցագործության հանրության համար վտանգավորության աստիճանն ու բնույթը, ինչպես նաև հանցավորի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Վռամ Բաղդասարյանի անձը բնութագրող տվյալներ, պատասխանատ-վությունն ու պատիժը մեղմացնող հանգամանքներ դատարանը հաշվի է առնում տուժողի անօրինական վարքագիծը, որով պայմանավորվել է հանցագործությունը, նաև այն, որ նա ամուսնացած է, խնամքին են գտնվում երեք անձ, նախկինում դատված չի եղել:

Արսեն Ահարոնյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, բնութագրվում է դրական, հանցագործության հետևանքով ինքը նույնպես վիրավորվել և ստացել է կյանքի համար վտանգավոր ծանր վնաս:

Պետրոս Գրիգորյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա աջակցել է հանցագործությունը բացահայտելուն և հանցագործության մյուս մասնակիցներին մերկացնելուն, նախկինում դատված չի եղել, հանցագործության հետևանքով ստացել է կյանքի համար վտանգավոր ծանր վնաս:

Հայկ Սանդալջյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել բնութագրվում է դրական:

Արթուր Փոխարյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, բնութագրվում է դրական:

Դավիթ Սանդալջյանի անձը բնութագրող տվյալներ, պատասխանատվությունն ու պատիժը մեղմացնող հանգամանքներ դատարանը հաշվի է առնում այն, որ նա նախկինում դատված չի եղել, բնութագրվում է դրական:

Ամբաստանյալների պատասխանատվությունն ու պատիժը ծանրացնող հանգամանքներ դատարանը չի արձանագրել:

Անդրադառնալով իրեղեն ապացույցների տնօրինման հարցին դատարանը գտնում է որ քրեական գործով իրեղեն ապացույցներ ճանաչված Խաչիկ Մկրտչյանի, Արսեն Ահարոնյանի և Պետրոս Գրիգորյանի հագին դեպքի պահին եղած հագուստները, պետք է վերադարձնել:
ՙՄերսեդես՚ մակնիշի 50 ՏՍ 333 համարանիշի ավտոմեքենայում հայտանբերված արյան հետքերից 3 մարլյայի խծուծներում վերցված արյան հետքերը և գծավոր ջեմպրը, երեք հատ մահակները, կոտրված մահակի վրայից մարլյայի խծուծում վերցված արյան հետքերը, ՙՏոյոտա Քեմրի՚ մակնիշի 18 ԼՍ 643 համարանիշի ավտոմեքենայից մարլյայի խծուծներում վերցված արյան հետքերը և արյան հետքերով սրահի ոտնատակի գորգը, որոնք պահվում են ՀՀ ոստկանության ՔԳՎ ՀԿԳ քննության վարչության իրեղեն ապացույցների սենյակում`պետք է ոչնչացնել:
Դեպքի վայրից հայտնաբերված յոթ հատ կրակված պարկուճներն ու չորս հատ 9 մմ տրամաչափի գնդակները ոչնչացնել:
ՙՊՄ՚ տեսակի 9մմ տրամաչափի ИВ 1533-85թ. համարի, 45 տրամաչափի, ՙCOLT DOUBLE EAGLE – MK || / SERIES 90՚, 9մմ տրամաչափի KВ 4744 համարի ՙՊՄ՚ տեսակի, ՙTT՚ տեսակի ատրճանակները պետք է թողնել ՀՀ ոստիկանության տնօրինմանը:

Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ, 379-րդ հոդվածներով, դատարանը

Վ Ճ Ռ Ե Ց

Վռամ Սամվելի Բաղդասարյանին մեղավոր ճանաչել ՀՀ քրեական օրենսգրքի 104-րդ հոդվածի 2-րդ մասի 6-րդ, 10-րդ կետերով, 235-րդ հոդվածի 1-ին և 258-րդ հոդվածի 4-րդ մասերով:
ՀՀ քրեական օրենսգրքի 104-րդ հոդվածի 2-րդ մասի 6-րդ և 10-րդ կետերով նրա նկատմամբ պատիժ նշանակել ազատազրկում 12 /տասներկու/ տարի ժամկետով:
ՀՀ քրեական օրենսգրքի 235-րդ հոդվածի 1-ին մասով` ազատազրկում 2 /երկու/ տարի ժամկետով:
ՀՀ քրեական օրենսգրքի 258-րդ հոդվածի 4-րդ մասով` ազատազրկում 5 /հինգ/ տարի ժամկետով:
ՀՀ քրեական օրենսգրքի 66-րդ հոդվածի կանոններով, պատիժները մասնակիորեն գումարելու միջոցով` Վռամ Բաղդասարյանի նկատմամբ վերջնական պատիժ նշանակել ազատազրկում 14 /տասնչորս/ տարի ժամկետով:
Վռամ Բաղդասարյանի նկատմամբ ընտրված խափանման միջոցը` կալանքը, թողնել անփոփոխ մինչև դատավճռի օրինական ուժի մեջ մտնելը:
Պատժի սկիզբը հաշվել 2011 թվականի հունվարի 11-ից:

Արսեն Լևոնի Ահարոնյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով և նրա նկատմամբ պատիժ նշանակել ազատազրկում 5 /հինգ/ տարի ժամկետով:
Արսեն Ահարոնյանի նկատմամբ ընտրված խափանման միջոցը` կալանքը, թողնել անփոփոխ մինչև դատավճռի օրինական ուժի մեջ մտնելը:
Պատժի սկիզբը հաշվել 2010 թվականի մայիսի 19-ից:

Պետրոս Խաչատուրի Գրիգորյանին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և նրա նկատմամբ պատիժ նշանակել ազատազրկում 3 /երեք/ տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Պետրոս Գրիգորյանի նկատմամբ ընտրված խափանման միջոցը` կալանքը, վերացնել և նրան ազատել դատարանի դահլիճից:

Հայկ Նիկողոսի Սանդալջյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով` պատիժ նշանակել ազատազրկում 5 /հինգ/ տարի ժամկետով:
Հայկ Սանդալջյանի նկատմամբ ընտրված խափանման միջոցը` կալանքը, թողնել անփոփոխ մինչև դատավճռի օրինական ուժի մեջ մտնելը:
Պատժի սկիզբը հաշվել 2010 թվականի հունիսի 21-ից:

Արթուր Հրանտի Փոխարյանին մեղավոր ճանաչել ՀՀ քրեական օրենսգրքի 258-րդ հոդվածի 4-րդ մասով` պատիժ նշանակել ազատազրկում 5 /հինգ/ տարի ժամկետով:
Արթուր Փոխարյանի նկատմամբ ընտրված խափանման միջոցը` կալանքը, թողնել անփոփոխ մինչև դատավճռի օրինական ուժի մեջ մտնելը:
Պատժի սկիզբը հաշվել 2010 թվականի հոկտեմբերի 19-ից:

Դավիթ Նիկողոսի Սանդալջյանին մեղավոր ճանաչել ՀՀ քրեական օրենսգրքի 137-րդ հոդվածի 1-ին մասով` պատիժ նշանակել ազատազրկում 2 /երկու/ տարի ժամկետով:
Կիրառել ՀՀ Ազգային Ժողովի 2011թ. մայիսի 26-ի ՙՀՀ անկախության հռչակման 20-րդ տարեդարձի կապակցությամբ համաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Դավիթ Սանդալջյանի նկատմամբ ընտրված խափանման միջոցը` կալանքը, վերացնել և նրան ազատել դատարանի դահլիճից:
Քրեական գործով իրեղեն ապացույցներ ճանաչված Խաչիկ Մկրտչյանի, Արսեն Ահարոնյանի և Պետրոս Գրիգորյանի հագին դեպքի պահին եղած հագուստները, վերադարձնել:
ՙՄերսեդես՚ մակնիշի 50 ՏՍ 333 համարանիշի ավտոմեքենայում հայտնաբերված արյան հետքերից 3 մարլյայի խծուծներում վերցված արյան հետքերը և գծավոր հագուստը, երեք հատ մահակները, կոտրված մահակի վրայից մարլյայի խծուծում վերցված արյան հետքերը, ՙՏոյոտա Քեմրի՚ մակնիշի 18 ԼՍ 643 համարանիշի ավտոմեքենայից մարլյայի խծուծներում վերցված արյան հետքերը և արյան հետքերով սրահի ոտնատակի գորգը, որոնք պահվում են ՀՀ ոստկանության ՔԳՎ ՀԿԳ քննության վարչության իրեղեն ապացույցների սենյակում` ոչնչացնել:
Դեպքի վայրից հայտնաբերված յոթ հատ կրակված պարկուճներն ու չորս հատ 9 մմ տրամաչափի գնդակները ոչնչացնել:
ՙՊՄ՚ տեսակի 9մմ տրամաչափի ИВ 1533-85թ. համարի, 45 տրամաչափի, ՙCOLT DOUBLE EAGLE–MK || / SERIES 90՚, 9մմ տրամաչափի KВ 4744 համարի ՙՊՄ՚ տեսակի, ՙTT՚ տեսակի ատրճանակները, թողնել ՀՀ ոստիկանության փորձաքրեագիտական վարչության տնօրինմանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:





ԴԱՏԱՎՈՐ Ա.ՄԿՐՏՉՅԱՆ