գործ N ԵԱՔԴ/0168/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ա. Շահազիզյան
պաշտպան Գ. Ազարյան
տուժող Վ. Կեդեկյան

2010թ. դեկտեմբերի 23-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Արթուր Սերյոժայի Հարությունյանի, ծնված 11.11.1976թ., Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին մեկ անձ, նախկինում չդատված, չի աշխատում, հաշվառված և բնակվում է Երևան քաղաքի Նար-Դոս փողոցի 73ա շենքի թիվ 1 բնակարանում, մեղադրվում է ՀՀ քրեական օրենսգրքի 178 հոդվածի 2-րդ մասի 2-րդ և 3-րդ կետերով, խափանման միջոց է ընտրվել գրավը,

Պ Ա Ր Զ Ե Ց

1.Գործի դատավարական նախապատմությունը.
2010թ. փետրվարի 10-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 178 հոդվածի 2-րդ մասի 2-րդ և 3-րդ կետերի հատկանիշներով հարուցվել է թիվ 14105410 քրեական գործը:
2010թ. մարտի 11-ին Արթուր Սերյոժայի Հարությունյանը ներգրավվել է որպես մեղադրյալ` ՀՀ քրեական օրենսգրքի 178 հոդվածի 3-րդ մասի 1-ին կետով:
2010թ. մարտի 12-ին Արթուր Սերյոժայի Հարությունյանի նկատմամբ որպես խափանման միջոց ընտրվել է կալանավորումը և հայտարարվել հետախուզում:
2010թ. սեպտեմբերի 2-ին Արթուր Սերյոժայի Հարությունյանը ներկայացել է ոստիկանության Արաբկիրի բաժին:
2010թ. սեպտեմբերի 2-ին Արթուր Սերյոժայի Հարությունյանի նկատմամբ որպես խափանման միջոց ընտրված կալանքը վերահաստատվել է և կիրառվել է գրավ:
2010թ. հոկտեմբերի 26-ին Արթուր Սերյոժայի Հարությունյանին ՀՀ քրեական օրենսգրքի 178 հոդվածի 3-րդ մասի 1-ին կետով առաջադրված մեղադրանքը փոփոխվել և նրան մեղադրանք է առաջադրվել ՀՀ քրեական օրենսգրքի 178 հոդվածի 2-րդ մասի 2-րդ և 3-րդ կետերով:
2010թ. նոյեմբերի 8-ին թիվ 14105410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ Արթուր Սերյոժայի Հարությունյանին մեղադրանք է առաջադրել հետևյալ արարքի համար.
Արթուր Հարությունյանը խարդախությամբ ուրիշի գույքը հափշտակելու դիտավորությամբ Արա Էմիլի Ստեփանյանի վստահությունը չարաշահելու եղանակով լազերային սկավառակների վաճառք կազմակերպելու պատրվակով, 2009թ. հոկտեմբեր նոյեմբեր ամիսների ընթացքում խաբեությամբ Երևան քաղաքի Բաղրամյան 24ա շենքի բակում Արա Ստեփանյանից պարտքով մաս-մաս ստացել և խարդախությամբ հափշտակել է զգալի չափերի հասնող` ընդհանուր 200.000 ՀՀ դրամ գումար:
Բացի այդ, կրկին անգամ, Արթուր Հարությունյանը խարդախությամբ ուրիշի գույքը հափշտակելու դիտավորությամբ, 2009թ. նոյեմբերի 1-ին, համատեղ բջջային հեռախոսների առուվաճառքով զբաղվելու պատրվակով, չարաշահելով Վեկին Անթրանիկ Բողոսի Կեդեկյանի վստահությունը, նրանից ստացել և խարդախությամբ հափշտակել է խոշոր չափ հանդիսացող` 1.932.050 ՀՀ դրամին համարժեք 5.000 ԱՄՆ դոլար:
Այնուհետև, Արթուր Հարությունյանը, կրկին նույն ճանապարհով գումար հափշտակելու նպատակով, 2009թ. նոյեմբերի 14-ին, համատեղ բջջային հեռախոսների աքսեսուարների առուվաճառքով զբաղվելու պատրվակով, կրկին չարաշահելով Վեկին Անթրանիկ Բողոսի Կեդեկյանի վստահությունը, նրանից ստացել և խարդախությամբ հափշտակել է խոշոր չափ հանդիսացող` 1.163.520 ՀՀ դրամին համարժեք 3000 ԱՄՆ դոլար:
3. Արագացված դատական քննություն .
Մինչև դատաքննությունն սկսելն ամբաստանյալ Արթուր Սերյոժայի Հարությունյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատեց նաև ամբաստանյալի պաշտպան Գ.Ազարյանը:
Մեղադրող Ա.Շահազիզյանը դատական քննության արագացված կարգ կիրառելուն չի առարկել:
Տուժող Վ.Կեդեկյանը նույնպես արագացված քննություն կիրառելուն չառարկեց, հայտնելով նաև, որ ամբաստանյալից որևէ քաղաքացիական հայցի պահանջ չունի: Նման բովանդակությամբ գրավոր դիմում է ներկայացրել նաև տուժող Արա Ստեփանյանը:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Սերյոժայի Հարությունյանին առաջադրված մեղադրանքը ՀՀ քրեական օրենսգրքի 178 հոդվածի 2-րդ մասի 2-րդ, 3-րդ կետերով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 178 հոդվածի 2-րդ մասի 2-րդ, 3-րդ կետերի հատկանիշներին և արարքի որակումը ճիշտ է:
Արթուր Սերյոժայի Հարությունյանի նկատմամբ պատիժ նշանակելիս դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, խնամքին է գտնվում երեք տարեկան երեխան, հանցագործությամբ պատճառված վնասն ամբողջությամբ վերականգնվել է, ինչպես նաև տուժող Վ.Կեդեկյանի խնդրանքն ամբաստանյալի նկատմամբ մեղմ պատիժ նշանակելու վերաբերյալ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արթուր Սերյոժայի Հարությունյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Հարությունյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 178 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ Արթուր Հարությունյանի նկատմամբ պատիժ պետք է նշանակել ազատազրկման ձևով:
Դատարանը հաշվի առնելով վերը նշված հանգամանքները հանգում է հետևության, որ ամբաստանյալ Արթուր Հարությունյանի ուղղվելը հնարավոր է առանց ազատազրկման ձևով նշանակված պատիժը կրելու` պայմանականորեն պատիժը չկիրառելու պայմաններում:
Նկատի ունենալով, որ քաղաքացիական հայցվորներ Արա Ստեփանյանին և Վեկին Կեդեկյանին հանցագործությամբ պատճառված վնասը փոխհատուցվել է և նրանք հրաժարվել են ներկայացրած քաղաքացիական հայցերից, դատարանը գտնում է, որ քաղաքացիական հայցերի հրաժարումը պետք է ընդունել և Արա Ստեփանյանի ու Վեկին Կեդեկյանի քաղաքացիական հայցերի վարույթը կարճել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Արթուր Սերյոժայի Հարությունյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 2-րդ, 3-րդ կետերով և նրան դատապարտել ազատազրկման երկու (2) տարի ժամկետով:
Կիրառել ՀՀ քրեական օրենսգրքի 70 հոդվածը և Արթուր Սերյոժայի Հարությունյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանելով փորձաշրջան մեկ (1) տարի ժամկետով:
Արթուր Սերյոժայի Հարությունյանի նկատմամբ ընտրված խափանման միջոցը` գրավը, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, 500.000 (հինգ հարյուր հազար) ՀՀ դրամ գրավի գումարը վերադարձնել Սերյոժա Հարությունյանին:
Արա Ստեփանյանի և Վեկին Կեդեկյանի քաղաքացիական հայցերի վարույթը կարճել:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ