գործ N ԵԱՔԴ/0166/01/10
Ո Ր Ո Շ ՈՒ Մ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

ՙ22՚ նոյեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը` նախագահող դատավոր Լ.Ավետիսյան, ուսումնասիրելով թիվ ԵԱՔԴ/0166/01/10 քրեական գործի նյութերն ըստ մեղադրանքի Հովհաննես Թորգոմի Մաթևոսյանի (ծնված 20.08.1968թ. Երևան քաղաքում, ազգությամբ հայ, ՀՀ քաղաքացի, բնակվել է Երևան քաղաքի Նորագյուղ թաղամասի 179 տանը, մահացել է 2010թ. նոյեմբերի 8-ին)` ՀՀ քրեական օրենսգրքի 168 հոդվածի 1-ին մասով,

Պ ա ր զ ե ց

Հովհաննես Մաթևոսյանը 2010թ. հոկտեմբերի 5-ին, ժամը 1900-ի սահմաններում, Արմավիրի մարզի Հոկտեմբերյան քաղաքից Երևան քաղաք տանող մայրուղու` ճամփեզրի աջ հատվածից գտել է չորացված ՙՄարիխուանա՚ տեսակի թմրամիջոցի ճյուղ, որի տերևները պոկել և մանրացրել է. որի մի մասը ծխելու միջոցով գործածել է, իսկ մնացածը` զգալի չափի 0,55 գրամ հաստատուն քաշով չորացված ՙՄարիխուանա՚ տեսակի թմրամիջոցը, առանց իրացնելու նպատակի ապօրինի պահել է իր մոտ` հետագայում իր գործածման համար, որն էլ 2010թ. հոկտեմբերի 8-ին ոստիկանության Արաբկիրի բաժնում անձնական խուզարկությամբ հայտնաբերվել է նրա աջ ոտքին եղած գուլպայի մեջից:
2010թ. հոկտեմբերի 15-ին Հովհաննես Թորգոմի Մաթևոսյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով, նրա նկատմամբ որպես խափանման միջոց է ընտրվել ստորագրություն չհեռանալու մասին:
Մահվան վկայականի պատճենի համաձայն, Հովհաննես Թորգոմի Մաթևոսյանը 2010թ. նոյեմբերի 7-ին մահացել է գանգուղեղի և ողնուղեղի կենսական կարևորագույն ֆունկցիաների սուր խանգարման պատճառով:
Հովհաննես Թորգոմի Մաթևոսյանի մահվան վերաբերյալ 2010թ. նոյեմբերի 8-ին կատարվել է N 7990 գրանցումը:
ՀՀ քրեական դատավարության օրենսգրքի 35 հոդվածի 1-ին մասի 10-րդ ենթակետի համաձայն, հարուցված քրեական գործի վարույթը ենթակա է կարճման, եթե անձը մահացել է:
ՀՀ քրեական օրենսգրքի 294 հոդվածի 1-ին մասի համաձայն, ՀՀ քրեական օրենսգրքով նախատեսված հիմքերի առկայության դեպքում, երբ դա հնարավոր է առնաց դատաքննության, դատարանը պատճառաբանված որոշում է կայացնում քրեական գործով վարույթը կարճելու կամ քրեական հետապնդումը դադարեցնելու մասին:
Հիմք ընդունելով վերը նշվածը դատարանը գտնում է, որ սույն քրեական գործը ենթակա է կարճման և Հովհաննես Թորգոմի Մաթևոսյանի նկատմամբ քրեական հետապնդումը` դադարեցման:
ՀՀ քրեական օրենսգրքի 294 հոդվածի 2-րդ մասի համաձայն, գործով վարույթը կարճելու և քրեական հետապնդումը դադարեցնելու մասին որոշումն ընդգրկում է նախնական քննության փուլում ընտրված խափանման միջոցի և վնասի հատուցման ապահովման միջոցները, քրեադատավարական հարկադրանքի այլ միջոցները վերացնելու մասին որոշում, ինչպես նաև իրեղեն ապացույցների ճակատագրի հարցը:
2010թ. հոկտեմբերի 28-ի որոշմամբ զգալի չափի` 0,55 գրամ հաստատուն քաշով չորացված ՙՄարիխուանա՚ տեսակի թմրամիջոցը ճանչվել է իրեղեն ապացույց և կցվել քրեական գործին:
Դատարանը գտնում է, որ Հովհաննես Թորգոմի Մաթևոսյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
Իրեղեն ապացույց ճանաչված 0,55 գրամ հաստատուն քաշով չորացված ՙՄարիխուանա՚ տեսակի թմրամիջոցը պետք է ոչնչացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35, 294, 313 հոդվածներով, 292 հոդվածի 2-րդ կետով, դատարանը

Ո ր ո շ ե ց

Թիվ ԵԱՔԴ/0166/01/10 քրեական գործի վարույթը կարճել և Հովհաննես Թորգոմի Մաթևոսյանի նկատմամբ քրեական հետապնդումը դադարեցնել` նրա մահվան հիմքով:
Հովհաննես Թորգոմի Մաթևոսյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Իրեղեն ապացույց ճանաչված 0,55 գրամ հաստատուն քաշով չորացված ՙՄարիխուանա՚ տեսակի թմրամիջոցը ոչնչացնել:
Որոշումը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:

ԴԱՏԱՎՈՐ Լ. ԱՎԵՏԻՍՅԱՆ