ԵԱՔԴ/0165/01/10









ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«21» դեկտեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ռ.Էլիզբարյան
տուժող Ա.Մչելիձե
պաշտպան Ռ.Սիրեկանյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Սանդրո Հովհաննեսի Սումբուլյանի` ծնված 1991 թվականի հունիսի 28-ին Շիրակի մարզի Բավրա գյուղում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, ՀՀ ՊՆ 73128 զորամասի ժամկետային զինծառայող, շարքային, բնակվել է Շիրակի մարզի Բավրա գյուղում: Մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով, խափանման միջոց է ընտրվել հրամանատարության հսկողության հանձնելը:
1. Գործի դատավարական նախապատմությունը.
2010 թվականի սեպտեմբերի 27-ին ՀՀ ՊՆ քննչական ծառայության 4-րդ կայազորային քննչական բաժնի քննիչ Տ.Պողոսյանի որոշմամբ ՀՀ քրեական օրենսգրքի 359-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 90265210 քրեական գործը:
2010 թվականի հոկտեմբերի 18-ին ՀՀ ՊՆ քննչական ծառայության 4-րդ կայազորային քննչական բաժնի քննիչ Տ.Պողոսյանի որոշմամբ թիվ 90265210 քրեական գործով Սանդրո Հովհաննեսի Սումբուլյանին մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով:
2010 թվականի նոյեմբերի 4-ին Սանդրո Հովհաննեսի Սումբուլյանի վերաբերյալ քրեական գործը մեղադրական եզրակացությամբ ուղարկվել է Դատարան:
Սանդրո Հովհաննեսի Սումբուլյանին մեղադրանք է առաջադրվել ՀՀ քրեական օրենսգրքի 359-րդ հոդվածի 1-ին մասով այն արարքի համար, որ նա, հանդիսանալով ՀՀ ՊՆ 31549 զորամասի ժամկետային զինծառայող, կոչումով շարքային, 2010 թվականի օգոստոսի 13-ին` ժամը 12:30-ի սահմաններում, ստորադասության հարաբերությունների բացակայության պայմաններում, խախտելով ՀՀ զինված ուժերի ներքին ծառայության կանոնագրքի 13-րդ հոդվածով սահմանված զինծառայողների փոխհարաբերությունների կանոնագրքային կանոնները, այն է` «զինծառայողը պարտավոր է բարձր պահել զինվորական ընկերասիրությունը, հարգել ընկերոջ պատիվն ու արժանապատվությունը, ուրիշ զինծառայողների նկատմամբ թույլ չտալ կոպտություն», համածառայող, շարքային Աֆթանդիլ Անտոնի Մչելիձեի արած դիտողությունից հետո հայհոյել է նրան, որի արդյունքում վերջիններն սկսել են վիճաբանել միմյանց հետ, որը վերածվել է քաշքշուկի: Այդ ընթացքում Սանդրո Սումբուլյանը փորձել է հարվածել Աֆթանդիլ Մչելիձեին, սակայն վերջինը կանխել է նրա հարվածները, որից հետո նրանց քաշքշուկը կանխել են դեպքին ականատես զինծառայողները: Նույն օրը` ժամը 14:30-ի սահմաններում, վաշտի լվացարանում Սանդրո Սումբուլյանը, հարմար պահ ընտրելով, իր մոտ եղած ածելիով մարմնական վնասվածք է հասցրել Աֆթանդիլ Մչելիձեի գլխի շրջանում` վերջինի առողջությանը պատճառելով թեթև վնաս` առողջության կարճատև քայքայումով:
2. Արագացված դատական քննություն.
Մինչ դատաքննությունն սկսելն ամբաստանյալ Սանդրո Հովհաննեսի Սումբուլյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սանդրո Հովհաննեսի Սումբուլյանը կատարել է արարք` նախատեսված ՀՀ քրեական օրենսգրքի 359-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ՊՆ 73128 զորամասի հրամանատարի սոցիալ-իրավական աշխատանքների գծով օգնականի կողմից Սանդրո Սումբուլյանին տրված դրական բնութագիրը, ՀՀ ոստիկանության ինֆորմացիոն կենտրոնի պահանջագիրը, եկավ հետևյալ եզրահանգման.
Սանդրո Սումբուլյանի անձը դրականորեն բնութագրող հանգամանքներ են` ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Սանդրո Սումբուլյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
ՀՀ քրեական օրենսգրքի 63-րդ հոդվածի 1-ին մասի 10-րդ կետի համաձայն` պատասխանատվությունն ու պատիժը ծանրացնող հանգամանք է հանցանքն այնպիսի անձի կողմից կատարելը, ով դրանով խախտել է զինվորական կամ մասնագիտական երդումը: Դատարանը գտնում է, որ Սանդրո Սումբուլյանի պատասխանատվությունն ու պատիժը ծանրացնող հանգամանք պետք է դիտել այն, որ զինվորական ծառայության կարգի դեմ ուղղված հանցանք կատարելով` Սանդրո Սումբուլյանը խախտել է զինվորական երդումը:
Կատարած արարքի համար ամբաստանյալ Սանդրո Սումբուլյանը ենթակա է քրեական պատասխանատվության և պատժի:
Դատարանը, հաշվի առնելով Սանդրո Սումբուլյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Սանդրո Սումբուլյանի կողմից կատարված արարքի համար ՀՀ քրեական օրենսգրքի 359-րդ հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով, որը նա պետք է կրի:
Դատարանը գտնում է, որ Սանդրո Սումբուլյանի նկատմամբ ընտրված խափանման միջոցը` հրամանատարության հսկողության հանձնելը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ դատական ծախսերն ամբաստանյալ Սանդրո Սումբուլյանից ենթակա չեն բռնագանձման, քանի որ տուժող Աֆթանդիլ Մչելիձեն, հնարավորություն ունենալով ներկայացնել իր շահերը, ամբաստանյալին որևէ պահանջ չի ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաuտանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 375 և 3753 հոդվածներով` Դատարանը

ՎՃՌԵՑ

Սանդրո Հովհաննեսի Սումբուլյանին մեղավոր ճանաչել ՀՀ քրեական օրենսգրքի 359-րդ հոդվածի 1-ին մասով և պատիժ նշանակել կալանք` 2 (երկու) ամիս ժամկետով:
Պատժի կրման սկիզբը հաշվել արգելանքի վերցնելու պահից:
Սանդրո Հովհաննեսի Սումբուլյանի նկատմամբ ընտրված խափանման միջոցը` հրամանատարության հսկողության հանձնելը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):

ԴԱՏԱՎՈՐ Մ.ՊԱՊՈՅԱՆ