գործ N ԵԱՔԴ/0161/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Հ. Մարտիրոսյան
պաշտպան Է. Վարդանյան
տուժող Ա. Սայադյան


2010թ. նոյեմբերի 16-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Արա Պայքարի Մկրտչյանի, ծնված 05.09.1972թ., Արտաշատ քաղաքում, ազգությամբ հայ, ՀՀ քաղաքացի, միջնակարգ կրթությամբ, ֆիզիկապես վատառողջ, ամուրի, խնամքին ոչ ոք, չի աշխատում, նախկինում չդատված, հաշվառված է Արտաշատ քաղաքի Շահումյան փողոցի 14 շենքի թիվ 29 բնակարանում, բնակվում է Երևան քաղաքի Լեփսիուսի 6 փողոցի 18 շենքի թիվ 27 բնակարանում, մեղադրվում է ՀՀ քրեական օրենսգրքի 34-185 հոդվածի 2-րդ մասի 1-ին կետով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

1.Գործի դատավարական նախապատմությունը.
2010թ. օգոստոսի 4-ին ՀՀ ոստիկանության ՔԳՎ Երևան քաղաքի ՔՎ Քանաքեռ-Զեյթուն քննչական բաժնում ՀՀ քրեական օրենսգրքի 34-185 հոդվածի 2-րդ մասի 1-ին կետի հատկանիշներով հարուցվել է թիվ 09116010 քրեական գործը:
2010թ. օգոստոսի 16-ին Արա Պայքարի Մկրտչյանի նկատմամբ որպես խափանման միջոց ընտրվել է ստորագրություն չհեռանալու մասին:
2010թ. օգոստոսի 21-ին Արա Պայքարի Մկրտչյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 34-185 հոդվածի 2-րդ մասի 1-ին կետով:
2010թ. նոյեմբերի 1-ին թիվ 09116010 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ Արա Պայքարի Մկրտչյանին մեղադրանք է առաջադրել հետևյալ արարքի համար.
Արա Մկրտչյանը բնակվելով իր եղբոր` Արամայիս Սայադյանին պատկանող Երևան քաղաքի Լեփսիուսի 6 փողոցի 18 շենքի թիվ 27 բնակարանում, 2010թ. հուլիսի 2-ին, ժամը 1200-ի սահմաններում, օգտվելով առիթից, որ տանը մարդ չկա, զայրույթից և նախանձից, այն բանի համար, որ իր եղբայրն առողջ է, իսկ ինքը ոչ, տան մուտքի դուռը ներսից փակել է, ապա մուրճով և գամերով գամել այն ու դիտավորությամբ կոտրել եղբոր բնակարանի կահույքը, զգեստապահարանի դռները, հյուրասենյակի սեղանը, ապակյա սպասքը: Այդ ամենը լցրել է իրար վրա, պոկել հյուրասենյակի վարագույրը և դրա միջոցով փորձել է հրկիզել կոտրված կահույքը: Սակայն իր կամքից անկախ հանգամանքներում չի կարողացել ավարտին հասցնել իր մտադրությունը, քանի որ այդ պահին տուն է վերադարձել Արամայիս Սայադյանի կինը` Ասյա Սայադյանը, ով լսելով կոտրվող իրերի ձայնը և զգալով ծխի հոտ, կանչել է իր որդի Ֆրունզե Սայադյանին: Վերջինս կոտրելով տան մուտքի դուռը, ներս է մտել և հանգցրել նոր բռնկված հրդեհը: Արա Մկտրչյանն իր գործողություններով Արամայիս Սայադյանին պատճառել է 302.300 ՀՀ դրամ ընդհանուր գումարի գույքային վնաս:
3. Արագացված դատական քննություն .
Մինչև դատաքննությունն սկսելն ամբաստանյալ Արա Մկրտչյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Է.Վարդանյանը:
Մեղադրող Հ. Մարտիրոսյանը դատական քննության արագացված կարգ կիրառելուն չի առարկել:
Արագացված քննություն կիրառելուն չի առարկել նաև տուժող Արամայիս Սայադյանը և հայտարարել, որ ամբաստանյալից քաղաքացիական հայցի պահանջ չունի:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
3.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արա Պայքարի Մկրտչյանին առաջադրված մեղադրանքը ՀՀ քրեական օրենսգրքի 34-185 հոդվածի 2-րդ մասի 1-ին կետով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 34-185 հոդվածի 2-րդ մասի 1-ին կետի հատկանիշներին և արարքի որակումը ճիշտ է:
Ամբաստանյալ Արա Պայքարի Մկրտչյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել, երկրորդ խմբի հաշմանդամ է, տառապում է ՙանձի և վարքի օրգանական խանգարում՚ ախտորոշում հիվանդությամբ:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արա Պայքարի Մկրտչյանը ենթակա է քրեական պատասխանատվության և պատժի:
Դատարանը, հաշվի առնելով Արա Մկրտչյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 34-185 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ Արա Մկրտչյանի նկատմամբ պատիժ պետք է նշանակել ազատազրկման ձևով:
Դատարանը հաշվի առնելով վերը նշված հանգամանքները հանգում է հետևության, որ ամբաստանյալ Արա Մկրտչյանի ուղղվելը հնարավոր է առանց ազատազրկման ձևով նշանակված պատիժը կրելու` պայմանականորեն պատիժը չկիրառելու պայմաններում:
Դատարանը նկատի ունենալով, որ դատահոգեբուժական ստացիոնար փորձաքննության թիվ 154 եզրակացության համաձայն, ամբաստանյալ Արա Մկրտչյանի մոտ առկա է ՙԱնձի և վարքի օրգանական խանգարում՚, ուստի իրեն մեղսագրվող արարքի նկատմամբ Արա Պայքարի Մկրտչյանին հարկ է ճանաչել սահմանափակ մեղսունակ, ինչպես նաև այն, որ համաձայն հոգեբույժ փորձագետների 15.11.2010թ. գրության Արա Մկրտչյանը բուժման կարիք ունի, ղեկավարվելով ՀՀ քրեական օրենսգրքի 26 հոդվածի 2-րդ մասով, գտնում է, որ նրա նկատմամբ պատիժ նշանակելիս պետք է նշանակել նաև բժշկական բնույթի հարկադրանքի միջոց:
Դատարանը նկատի ունենալով, որ տուժող Արամայիս Պայքարի Սայադյանը քաղաքացիական հայցի պահանջից հրաժարվեց, դատարանն այդ հարցը համարում է լուծված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Արա Պայքարի Մկրտչյանին մեղավոր ճանաչել ՀՀ քրեական օրենսգրքի 34-185 հոդվածի 2-րդ մասի 1-ին կետով և նրան դատապարտել ազատազրկման վեց (6) ամիս ժամկետով:
Կիրառել ՀՀ քրեական օրենսգրքի 70 հոդվածը և Արա Պայքարի Մկրտչյանի նկատմամբ ազատազրկման ձևով նշանակված պատիժը պայմանականորեն չկիրառել` սահմանելով փորձաշրջան մեկ (1) տարի ժամկետով:
Արա Պայքարի Մկրտչյանի նկատմամբ նշանակել նյարդահոգեբույժի հսկողություն:
Արա Պայքարի Մկրտչյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժող Արամայիս Սայադյանի քաղաքացիական հայցի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ