գործ N ԵԱՔԴ/0155/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Լ. Մանուկյան
պաշտպան Կ. Սիմիդյան

2010թ. նոյեմբերի 16-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Զոհրաբ Մնացականի Գալստյանի, ծնված 29.11.1977թ., Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, խնամքին երկու անձ, չի աշխատում, նախկինում դատված` Կենտրոն և Նորք Մարաշ համայնքների առաջին ատյանի դատարանի 14.12.2001թ. դատավճռով ՀՀ նախկին քրեական օրենսգրքի 173 հոդվածի 4-րդ մասով դատապարտվել է ազատազրկման 8 տարի ժամկետով, Շենգավիթ համայնքի առաջին ատյանի դատարանի 29.08.2003թ. որոշմամբ ՀՀ քրեական օրենսգրքի 173 հոդվածի 4-րդ մասը վերաորակվել է ՀՀ նոր քրեական օրենսգրքի 242 հոդվածի 3-րդ մասով և սահմանվել ազատազրկում 6 տարի ժամկետով, Շենգավիթ համայնքի առաջին ատյանի դատարանի 20.10.2003թ. որոշմամբ ազատվել է պայմանական վաղաժամկետ, դատվածությունը մարված, հաշվառված և բնակվում է Երևան քաղաքի Ն.Շենգավիթ 7 փողոցի 5-րդ տանը, մեղադրվում է ՀՀ քրեական օրենսգրքի 268 հոդվածի 1-ին մասով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց
1.Գործի դատավարական նախապատմությունը.
2010թ. սեպտեմբերի 2-ին ՀՀ ոստիկանության Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 268 հոդվածի 1-ին մասի հատկանիշներով հարուցվել է թիվ 14126410 քրեական գործը:
2010թ. սեպտեմբերի 5-ին Զոհրաբ Մնացականի Գալստյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով, նրա նկատմամբ որպես խափանման միջոց ընտրվել է ստորագրություն չհեռանալու մասին:
2010թ. սեպտեմբերի 30-ին որոշում է կայացվել թիվ 14126410 քրեական գործից, անհայտ անձի կողմից զգալի չափի թմրամիջոց ապօրինի իրացնելու վերաբերյալ, մաս անջատելու և նոր քրեական գործ հարուցելու մասին` շնորհելով 14128610 համարը:
2010թ. հոկտեմբերի 14-ին թիվ 14126410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ Զոհրաբ Մնացականի Գալստյանին մեղադրանք է առաջադրել հետևյալ արարքի համար.
2010թ. սեպտեմբերի 1-ին, ժամը 2000-ի սահմաններում, ՙՀրազդան՚ ՔԿՀ-ի մոտից ոստիկանության Արաբկիրի բաժին են բերման ենթարկվել Զոհրաբ Մնացականի Գալստյանը և Լևոն Ժորայի Տեր-Հովհաննիսյանը, որտեղ վերջինիս պատկանող ՙՄերսեդես ՄԼ-320՚ մակնիշի 18 ՕՏ 833 պետհամարանիշի ավտոմեքենայի զննությամբ դրա առջևի աջ դռան կողային պահոցից հայտնաբերվել է Զոհրաբ Մնացականի Գալստյանին պատկանող 0,36 գրամ հաստատուն քաշով ափիոն տեսակի թմրամիջոց:
3. Արագացված դատական քննություն .
Մինչև դատաքննությունն սկսելն ամբաստանյալ Զոհրաբ Գալստյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Կ.Սիմիդյանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Զոհրաբ Մնացականի Գալստյանին առաջադրված մեղադրանքը ՀՀ քրեական օրենսգրքի 268 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 268 հոդվածի 1-ին մասի հատկանիշներին և արարքի որակումը ճիշտ է:
Զոհրաբ Գալստյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, խնամքին են գտնվում ինը և տասը տարեկան երեխաները:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Զոհրաբ Մնացականի Գալստյանը ենթակա է քրեական պատասխանատվության և պատժի:
Դատարանը, հաշվի առնելով Զոհրաբ Գալստյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 268 հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ Զոհրաբ Գալստյանի նկատմամբ պատիժ պետք է նշանակել կալանքի ձևով, որը նա պետք է կրի:
Դատարանն անդրադառնալով իրեղեն ապացույցների տնօրինման հարցին, գտնում է, որ դատավճիռն օրինական ուժի մեջ մտնելուց հետո, 2010թ. սեպտեմբերի 27-ի որոշմամբ իրեղեն ապացույց ճանաչված` Լևոն Ժորայի Տեր-Հովհաննիսյանին պատկանող ՙՄերսեդես ՄԼ-320՚ մակնիշի 18 ՕՏ 833 պետհամարանիշի ավտոմեքենայի զննությամբ դրա առջևի աջ դռան կողային պահոցից հայտնաբերված Զոհրաբ Մնացականի Գալստյանին պատկանող 0,36 գրամ հաստատուն քաշով ափիոն տեսակի թմրամիջոցը պետք է հանձնել ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնին` հարուցված թիվ 14128610 քրեական գործին կցելու համար:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Զոհրաբ Մնացականի Գալստյանին մեղավոր ճանաչել ՀՀ քրեական օրենսգրքի 268 հոդվածի 1-ին մասով և նրան դատապարտել կալանքի մեկ (1) ամիս ժամկետով:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի սկիզբը հաշվել արգելանքի վերցնելու պահից:
Զոհրաբ Մնացականի Գալստյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո, իրեղեն ապացույց ճանաչված 0,36 գրամ հաստատուն քաշով ափիոն տեսակի թմրամիջոցը հանձնել ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնին` հարուցված թիվ 14128610 քրեական գործին կցելու համար:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ