գործ N ԵԱՔԴ/0152/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրող Ն. Աշրաֆյան
պաշտպան Է. Վարդանյան

2010թ. նոյեմբերի 5-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի էդգար Յուրիի Սիմոնյանի, ծնված 21.01.1982թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատում, նախկինում չդատված, հաշվառված և բնակվում է Երևան քաղաքի Նորագյուղ 176 տանը, մեղադրվում է ՀՀ քրեական օրենսգրքի 176 հոդվածի 1-ին մասով, խափանման միջոց է ընտրվել ստորագրություն չհեռանալու մասին,

Պ Ա Ր Զ Ե Ց

1.Գործի դատավարական նախապատմությունը.
2010թ. հունիսի 28-ին ՀՀ ոստիկանության ՔԳՎ Երևան քաղաքի ՔՎ Արաբկիրի քննչական բաժնում ՀՀ քրեական օրենսգրքի 176 հոդվածի 2-րդ մասի 4-րդ կետի հատկանիշներով հարուցվել է թիվ 14118410 քրեական գործը:
2010թ. սեպտեմբերի 7-ին էդգար Յուրիի Սիմոնյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 176 հոդվածի 1-ին մասով, նրա նկատմամբ որպես խափանման միջոց ընտրվել է ստորագրություն չհեռանալու մասին:
2010թ. սեպտեմբերի 13-ին որոշում է կայացվել թիվ 14118410 քրեական գործով մեղադրյալ Էդգար Յուրիի Սիմոնյանի կողմից տուժող Մ.Միխայլովային առողջության թեթև վնասի հատկանիշներ չպարունակող մարմնական վնասվածքներ պատճառելու մասով քրեական հետապնդում չիրականացնել` տուժողի բողոքի բացակայության հիմքով:
Մեղադրյալ Է.Սիմոնյանի կողմից տուժող Մ.Միխայլովային անզգուշությամբ առողջության թեթև վնասի հատկանիշներ պարունակող մարմնական վնասվածք պատճառելու համար Է.Սիմոնյանի նկատմամբ քրեական հետապնդում չիրականացնել` արարքում հանցակազմի բացակայության հիմքով:
2010թ. հոկտեմբերի 8-ին թիվ 14118410 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ էդգար Յուրիի Սիմոնյանին մեղադրանք է առաջադրել հետևյալ արարքի համար.
էդգար Սիմոնյանը 2010թ. հունիսի 17-ին, ժամը 2400-ի սահմաններում, Երևան քաղաքի Մաշտոց և Ամիրյան փողոցների խաչմերուկում ծանոթացել է Մարինա Ալեքսանդրի Միխայլովային: Ծանոթությունից հետո միասին նույն հատվածում գտնվող սրճարանում գարեջուր են խմել: Սրճարանում էդգար Սիմոնյանը Մարինա Միխայլովային առաջարկել է իր հետ սեռական հարաբերություն ունենալու համար հյուրանոց գնալ, ինչին վերջինս տվել է իր համաձայնությունը և նման ծառայություն մատուցելու դիմաց պահանջել է 15.000 դրամ: Փոխադարձ համաձայնության գալով միասին գնացել են Պռոշյան փողոցի թիվ 2 հասցեում գտնվող ՙԱյգեձոր՚ հյուրանոց, որտեղ զբաղեցրել են թիվ 6 առանձնասենյակը: Առանձնասենյակում Էդգար Սիմոնյանը Մարինա Միխայլովային վճարել է 15.000 դրամ, սակայն դժգոհ է մնացել վերջինիս կողմից մատուցված ծառայությունից, ինչի պատճառով նրանց միջև վեճ է ծագել: Մարինա Միխայլովան հրաժարվելով կենակցել Էդգար Սիմոնյանի հետ դուրս է եկել առանձնասենյակից: Վերջինս զայրացած, ձեռքում եղած գարեջրի շշով հարվածել է Մարինա Միխայլովայի ձախ բազկին և պահանջել վերադառնալ առանձնասենյակ: Հարվածը ստանալուց հետո Մարինա Միխայլովան հայհոյանքներ ուղղելով Էդգար Սիմոնյանի հասցեին դուրս է եկել հյուրանոցից, իսկ Էդգար Սիմոնյանը նրանից գումար հափշտակելու դիտավորությամբ, ձեռքից պոկելու միջոցով բացահայտ հափշտակել է Մարինա Միխայլովայի պայուսակը և դիմել փախուստի: Այնուհետև, հափշտակած պայուսակի մեջ գումար չհայտնաբերելու պատճառով, Էդգար Սիմոնյանը Մարինա Միխայլովայի պայուսակը, իր մեջ պարունակող բոլոր իրերով պահել է իր տանը` հետագայում վերադարձնելու նպատակով, ինչն էլ կատարել է նախնական քննության ընթացքում:
3. Արագացված դատական քննություն .
Մինչև դատաքննությունն սկսելն ամբաստանյալ էդգար Սիմոնյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Է.Վարդանյանը:
Մեղադրող Ն.Աշրաֆյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
3.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ էդգար Յուրիի Սիմոնյանին առաջադրված մեղադրանքը ՀՀ քրեական օրենսգրքի 176 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 176 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ էդգար Սիմոնյանի նկատմամբ պատիժ նշանակելիս, դատարանը հաշվի է առնում կատարված արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ էդգար Յուրիի Սիմոնյանը ենթակա է քրեական պատասխանատվության և պատժի:
Դատարանը, հաշվի առնելով էդգար Սիմոնյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը նկատի ունենալով, որ տուժող Մարինա Միխայլովան պատշաճ կարգով ծանուցված լինելով դատական նիստի ժամանակի և վայրի մասին դատարան չի ներկայացել, գտնում է, որ Մարինա Միխայլովայի քաղաքացիական հայցը` 295.900 ՀՀ դրամի չափով, պետք է թողնել առանց քննության և նրան քաղաքացիական դատավարության կարգով հայց ներկայացնելու իրավունք վերապահել:
Դատարանն անդրադառնալով իրեղեն ապացույցների տնօրինման հարցին, գտնում է, որ 2010թ. սեպտեմբերի 17-ի որոշմամբ իրեղեն ապացույց ճանաչված և տուժող Մարինա Միխայլովային ի պահ հանձնված ՙՕնլի Ջինս՚ տեսակի տաբատը պետք է թողնել նրա տնօրինությանը:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

էդգար Յուրիի Սիմոնյանին մեղավոր ճանաչել ՀՀ քրեական օրենսգրքի 176 հոդվածի 1-ին մասով և նրան դատապարտել տուգանքի երկու հարյուր հազար (200.000) ՀՀ դրամի չափով:
էդգար Յուրիի Սիմոնյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Տուժող Մարինա Միխայլովայի քաղաքացիական հայցը թողնել առանց քննության և նրան քաղաքացիական դատավարության կարգով հայց ներկայացնելու իրավունք վերապահել:
Դատավճիռն օրինական ուժի մեջ մտնելուց հետո, իրեղեն ապացույց ճանաչված և տուժող Մարինա Միխայլովային ի պահ հանձնված ՙՕնլի Ջինս՚ տեսակի տաբատը թողնել Մարինա Միխայլովայի տնօրինությանը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ