ԵԱՔԴ/0150/01/10







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«23» նոյեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Ա.Մնացականյան
մեղադրող Ն.Աշրաֆյան
տուժողներ Ռ.Շուշանյան
Ժ.Հովհաննիսյան
պաշտպան Է.Մայսուրյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Էդգար Սամվելի Սարգսյանի` ծնված 1991 թվականի մայիսի 21-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում դատապարտված, չի աշխատում, բնակվել է Երևան քաղաքի Մամիկոնյանց փողոցի 25-րդ շենքի 96-րդ բնակարանում: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով, արգելանքի տակ է 2010 թվականի օգոստոսի 18-ից:
1. Գործի դատավարական նախապատմությունը.
2010 թվականի օգոստոսի 15-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Հակոբյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 09117010 քրեական գործը:
2010 թվականի օգոստոսի 21-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Հակոբյանի որոշմամբ թիվ 09117010 քրեական գործով Էդգար Սամվելի Սարգսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով:
2010 թվականի հոկտեմբերի 5-ին Էդգար Սամվելի Սարգսյանին վերաբերյալ քրեական գործը մեղադրական եզրակացությամբ ուղարկվել է Դատարան:
Էդգար Սամվելի Սարգսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով` այն արարքների համար, որ նա 2010 թվականի օգոստոսի 11-ին` ժամը 14:00-ից 15:00-ն ընկած ժամանակահատվածում, Երևան քաղաքի Ռուբինյանց փողոցի 11-րդ շենքի 15-րդ բնակարանի ննջասենյակի բաց պատուհանից ապօրինի մուտք գործելով ներս, գաղտնի հափշտակել է Ռուզաննա Զատիկի Շուշանյանին պատկանող ոսկյա զարդերը, 30.000 ՀՀ դրամ և 100 եվրո կանխիկ գումարները` Ռուզաննա Շուշանյանին պատճառելով զգալի չափ հանդիսացող` 258.027 ՀՀ դրամ ընդհանուր գումարի գույքային վնաս:
Այնուհետև 2010 թվականի օգոստոսի 12-ից 2010 թվականի օգոստոսի 14-ն ընկած ժամանակահատվածում, կրկին անգամ, ժամը 22:00-ի սահմաններում Երևան քաղաքի Ռուբինյանց փողոցի 11-րդ շենքի 13-րդ բնակարանի խոհանոցի պատուհանի բաց փեղկից ապօրինի մուտք գործելով ներս, գաղտնի հափշտակել է Ժենյա Գևորգի Հովհաննիսյանին պատկանող 71.000 ՀՀ դրամ կանխիկ գումարը` վերջինին պատճառելով զգալի չափ հանդիսացող` 71.000 ՀՀ դրամի գույքային վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Էդգար Սամվելի Սարգսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էդգար Սամվելի Սարգսյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, տուժող Ժենյա Հովհաննիսյանի դիմումը և բժշկական փաստաթղթերի պատճենները եկավ հետևյալ եզրահանգման.
Էդգար Սարգսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Էդգար Սարգսյանի պատասխանատվությունն ու պատիժը մեղմացնող հանգամանք է տուժող Ժենյա Հովհաննիսյանին պատճառված վնասը կամովին հատուցելը:
Դատարանը գտնում է, որ Էդգար Սարգսյանի պատասխանատվությունն ու պատիժը մեղմացնող հանգամանք պետք է դիտել նաև վատառողջ լինելը:
Դատարանը միաժամանակ արձանագրում է, որ Էդգար Սարգսյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Էդգար Սարգսյանը ենթակա է քրեական պատասխանատվության և պատժի:
Դատարանը, հաշվի առնելով Էդգար Սարգսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ Էդգար Սարգսյանի կողմից կատարված արարքների համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիu անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Էդգար Սարգսյանի պատժի կրման սկիզբը պետք է հաշվել 2010 թվականի օգոստոսի 18-ից, քանի որ նա ձերբակալվել է այդ օրը, իսկ 2010 թվականի օգոստոսի 21-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Էդգար Սարգսյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
ՀՀ քրեական դատավարության օրենսգրքի 3751 հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին:
Սույն քրեական գործով տուժող Ռուզաննա Շուշանյանը ներկայացրել է քաղաքացիական հայց` ամբաստանյալ Էդգար Սարգսյանից պահանջելով հանցագործությամբ իրեն պատճառված վնասը` 257.000 ՀՀ դրամը: Ամբաստանյալ Էդգար Սարգսյանի կողմից քաղաքացիական հայցը կամավոր ընդունելու պայմաններում` Դատարանը գտնում է, որ վերջինի դեմ ներկայացված Ռուզաննա Շուշանյանի քաղաքացիական հայցի պահանջը 257.000 ՀՀ դրամի չափով պետք է բավարարել, քանի որ այն չի հակասում օրենքին և չի վերաբերվում այլ անձանց իրավունքներին:
Սույն քրեական գործով քաղաքացիական հայց է ներկայացրել նաև տուժող Ժենյա Հովհաննիսյանը` ամբաստանյալ Էդգար Սարգսյանից պահանջելով հանցագործությամբ իրեն պատճառված վնասը` 71.000 ՀՀ դրամը: Սակայն Ժենյա Հովհաննիսյանի դիմումի համաձայն` ամբաստանյալի մոր կողմից վճարվել է նրան պատճառված վնասը և նա հրաժարվել իր կողմից հարուցված քաղաքացիական հայցից, ուստի Դատարանը գտնում է, որ քաղաքացիական հայցից հրաժարումը պետք է ընդունել և Ժենյա Գևորգի Հովհաննիսյանի կողմից հարուցված քաղաքացիական հայցի վարույթը կարճել:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Էդգար Սարգսյանից ենթակա չեն բռնագանձման, քանի որ տուժող Ժենյա Հովհաննիսյանի քաղաքացիական հայցի պահանջը վերոգրյալ հիմնավորմամբ պետք է կարճել, իսկ տուժող Ռուզաննա Շուշանյանի քաղաքացիական հայցի պահանջը` բավարարել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի, ամբաuտանյալներից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Էդգար Սամվելի Սարգսյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 3-րդ և 4-րդ կետերով և պատիժ նշանակել ազատազրկում` 2 (երկու) տարի 6 (վեց) ամիս ժամկետով` պատժի կրման սկիզբը հաշվելով 2010 թվականի օգոստոսի 18-ից:
Էդգար Սամվելի Սարգսյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Ռուզաննա Զատիկի Շուշանյանի քաղաքացիական հայցը բավարարել. Էդգար Սամվելի Սարգսյանից հօգուտ Ռուզաննա Զատիկի Շուշանյանի, որպես հանցագործությամբ պատճառված վնաս, բռնագանձել 257.000 (երկու հարյուր հիսունյոթ հազար) ՀՀ դրամ:
Ժենյա Գևորգի Հովհաննիսյանի քաղաքացիական հայցի վարույթը կարճել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ