ԵԱՔԴ/0145/01/10





ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«14» դեկտեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Հ.Մարտիրոսյան
տուժող «Վարդան Փեփոյան» ՍՊԸ
տուժողի ներկայացուցիչ Ա.Խաչատրյան
պաշտպան Ռ.Չիբուխչյան

դռնբաց դատական նիստում, արագացված դատական քննության կարգով, քննեց քրեական գործն ըստ մեղադրանքի`
Հրաչ Հայկազունի Գալստյանի` ծնված 1956 թվականի դեկտեմբերի 24-ին Կոտայքի մարզի Արգել գյուղում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, դատվածություն չունեցող, հաշվառված է Կոտայքի մարզի Արգել գյուղի 5-րդ փողոցի 1-ին նրբանցքի 2-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 1-ին կետով, արգելանքի տակ է 2010 թվականի ապրիլի 25-ից:
1. Գործի դատավարական նախապատմությունը.
2008 թվականի հուլիսի 31-ին ՀՀ ոստիկանության Քանաքեռ-Զեյթունի քննչական բաժնի քննիչ Ս.Գրիգորյանի որոշմամբ ՀՀ քրեական օրենսգրքի 183-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 09111408 քրեական գործը:
2008 թվականի հոկտեմբերի 13-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09111408 քրեական գործն ընդունվել է վարույթ:
2008 թվականի հոկտեմբերի 30-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09111408 քրեական գործով արարքը վերավորակվել է ՀՀ քրեական օրենսգրքի 177-րդ հոդվածի 3-րդ մասի 1-ին կետով և քրեական գործով վարույթը կասեցվել է` հանցագործություն կատարած անձի ինքնությունը պարզված չլինելու հիմքով:
2009 թվականի հունիսի 5-ին ՀՀ ոստիկանության Քանաքեռ-Զեյթունի քննչական բաժնի քննիչ Ա.Ավետիսյանի որոշմամբ թիվ 09111408 քրեական գործով վարույթը վերսկսվել է:
2009 թվականի հուլիսի 6-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09111408 քրեական գործն ընդունվել է վարույթ:
2009 թվականի օգոստոսի 3-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09111408 քրեական գործով Հրաչ Հայկազունի Գալստյանը ՀՀ քրեական օրենսգրքի 178-րդ հոդվածի 3-րդ մասի 1-ին և 3-րդ կետերով ներգրավվել է որպես մեղադրյալ:
2009 թվականի օգոստոսի 3-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09111408 քրեական գործով մեղադրյալ Հրաչ Հայկազունի Գալստյանի նկատմամբ հայտարարվել է հետախուզում:
2009 թվականի օգոստոսի 5-ին ՀՀ ոստիկանության Քանաքեռ-Զեյթունի քննչական բաժնի ավագ քննիչ Հ.Սարգսյանի որոշմամբ թիվ 09111408 քրեական գործով արարքը վերավորակվել է ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով և քրեական գործով վարույթը կասեցվել է, մինչև մեղադրյալ Հրաչ Հայկազունի Գալստյանին հայտնաբերելը:
2010 թվականի սեպտեմբերի 26-ին ՀՀ ոստիկանության Քանաքեռ-Զեյթունի քննչական բաժնի քննիչ Հ.Սարգսյանի որոշմամբ թիվ 09111408 քրեական գործով վարույթը վերսկսվել է:
2010 թվականի հոկտեմբերի 1-ին մեղադրյալ Հրաչ Հայկազունի Գալստյանի վերաբերյալ քրեական գործը մեղադրական եզրակացությամբ ուղարկվել է Դատարան:
Ըստ մեղադրական եզրակացության եզրափակիչ մասի` Հրաչ Հայկազունի Գալստյանին մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով` այն արարքի համար, որ նա նախկինում երեք անգամ գողություններ կատարելու համար դատապարտվելով ազատազրկման, դատվածությունը չմարված, 2008 թվականի հունիսի 24-ին` ժամը 05:00-ի սահմաններում, գտնվելով Երևան քաղաքի Թբիլիսյան խճուղում գտնվող «Շամպայն-գինիների» գործարանի մոտ, նկատել է «ՎԱԶ-2107» մակնիշի 547ՕՏ64 պետհամարանիշի տաքսի ավտոմեքենան, մոտեցել և տեսել է վարորդ Ստեփան Մարուքյանին ղեկին հարբած, քնած վիճակում, և նրա մոտ դիտավորություն է առաջացել հափշտակել այդ ավտոմեքենան: Այդ նպատակով վարորդ Ստեփան Մարուքյանին տեղափոխել է կողքի նստատեղ, ինքը նստել է ղեկին, նրան տեղափողել և իջեցրել է «Հաղթանակ» զբոսայգու մոտակայքում, իսկ ավտոմեքենան, գաղտնի հափշտակելով, տարել է Կոտայքի մարզի Արգել գյուղում գտնվող իր տուն և այն վերածելով պահեստամասերի` վաճառել տարբեր անձանց, «Վարդան Փեփոյան» ՍՊ ընկերությանը պատճառելով, առանձնապես խոշոր չափերի հասնող` 3.500.000 ՀՀ դրամ գույքային վնաս:
Դատական քննության ընթացքում` 2010 թվականի դեկտեմբերի 14-ին, մեղադրող` Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Հ.Մարտիրոսյանի որոշմամբ Հրաչ Հայկազունի Գալստյանին ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով առաջադրված մեղադրանքը փոփոխվել է և նրան մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 1-ին կետով` հաշվի առնելով, որ Հրաչ Հայկազունի Գալստյանի դատվածությունը մարված է:
2. Արագացված դատական քննություն.
Մինչ դատաքննությունն սկսելն ամբաստանյալ Հրաչ Հայկազունի Գալստյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հրաչ Հայկազունի Գալստյանը կատարել է արարք` նախատեսված ՀՀ քրեական օրենսգրքի 177-րդ հոդվածի 3-րդ մասի 1-ին կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագիրը և էպիկրիզը, եկավ հետևյալ եզրահանգման.
Հրաչ Գալստյանի անձը դրականորեն բնութագրող հանգամանքներ են առաջադրված մեղադրանքում իրեն մեղավոր ճանաչելը և կատարածի համար զղջալը:
Դատարանը գտնում է, որ Հրաչ Գալստյանի պատասխանատվությունն ու պատիժը մեղմացնող հանգամանք պետք է դիտել նրա վատառողջ լինելը (նրա մոտ ախտորոշվել է «12-մատնյա աղու պերֆորատիվ խոց»):
Դատարանը միաժամանակ արձանագրում է, որ Հրաչ Գալստյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Հրաչ Գալստյանը ենթակա է քրեական պատասխանատվության և պատժի:
Դատարանը, հաշվի առնելով Հրաչ Գալստյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Հրաչ Գալստյանի կատարած արարքի համար ՀՀ քրեական օրենսգրքի 177-րդ հոդվածի 3-րդ մասի սանկցիայով որպես հիմնական պատիժ նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ հիմնական պատիժ պետք է նշանակել ազատազրկման ձևով, որը նա պետք է կրի: Ընդ որում` կատարած արարքի համար Հրաչ Գալստյանի նկատմամբ չպետք է նշանակել ՀՀ քրեական օրենսգրքի 177-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Հրաչ Գալստյանի պատժի կրման սկիզբը պետք է հաշվել 2010 թվականի ապրիլի 25-ից, քանի որ գտնվելով հետախուզման մեջ` 2010 թվականի ապրիլի 25-ին նա հայտնաբերվել է և արգելանքի վերցվել:
Դատարանը գտնում է, որ Հրաչ Գալստյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
ՀՀ քրեական դատավարության օրենսգրքի 3751 հոդվածի 6-րդ մասի համաձայն` եթե տվյալ գործով հարուցված է նաև քաղաքացիական հայց և ամբաստանյալն ընդունում է այն, ապա դատարանը դատավճռով բավարարում է քաղաքացիական հայցը, եթե այն չի հակասում օրենքին:
Սույն քրեական գործով տուժող «Վարդան Փեփոյան» ՍՊ ընկերությունը ներկայացրել է քաղաքացիական հայց` ամբաստանյալ Հրաչ Գալստյանից պահանջելով հանցագործությամբ ընկերությանը պատճառված վնասը` 3.500.000 ՀՀ դրամը, իսկ ամբաստանյալ Հրաչ Գալստյանը կամավոր ընդունել է ներկայացված քաղաքացիական հայցը: Նշվածը հաշվի առնելով և նկատի ունենալով, որ «Վարդան Փեփոյան» ՍՊ ընկերությանը պատճառված վնասի մի մասը` ընդհանուր 794.700 ՀՀ դրամ արժողության իրեղեն ապացույց ճանաչված իրերը ներքոհիշյալ հիմանվորմամբ պետք է թողնվի տուժող «Վարդան Փեփոյան» ՍՊ ընկերության տնօրինությանը, Դատարանը գտնում է, որ Հրաչ Գալստյանի դեմ ներկայացված «Վարդան Փեփոյան» ՍՊ ընկերության քաղաքացիական հայցի պահանջը պետք է բավարարել մասնակի, և Հրաչ Գալստյանից հօգուտ «Վարդան Փեփոյան» ՍՊ ընկերության, որպես հանցագործությամբ պատճառված վնաս, պետք է բռնագանձել 2.705.300 ՀՀ դրամ (3.500.000 ՀՀ դրամից հանելով (հաշվանցելով) 794.700 ՀՀ դրամը), քանի որ դա չի հակասում օրենքին և չի վերաբերվում այլ անձանց իրավունքներին:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ 2009 թվականի հուլիսի 8-ի որոշմամբ իրեղեն ապացույց ճանաչված և տուժող «Վարդան Փեփոյան» ՍՊ ընկերության տնօրեն Արսեն Խաչատրյանին ի պահ հանձնված իրերը (գազի գլանանոթը` իր բաշխիչով և մետաղյա խողովակներով, ցուցիչ սարքերի վահանակը` իր ցուցիչներով, օդի ֆիլտրի տուփը` խողովակով, առջևի և ետևի նստատեղերը, առջևի և ետևի լուսարձակները, առջևի և ետևի թափարգելները, շարժիչի կարտերի պաշտպանիչ վահանակը և վերնամասի կափարիչը, ետևի կամրջակը, փոխանցման տուփը` իր պաշտպանիչ վահանակով, ինժեկտորային բազմակետ սնուցման սարքը, երկու առջևի և երկու ետևի կախոցի մեղմիչները, երեք ոտնակները, բորտ-համակարգիչը, ջերմափոխանակիչի երեսպատոցը, վառելիքի և հովացման համակարգի ռետինե խողովակները, ապակու վերմաբարձ համակարգի ձեռքի մեխանիկական պտուտակը, հեղուկի երկու տարաները, արգելակման ֆիլտրը, յուղի ֆիլտրը, անվտանգության գոտիների` առջևի նստատեղերին կից ամրածվող երկու լծակները, կախոցքի կոմպլեկտավորող երկու դետալները, դիսկի պլիտան և սկավառակը, ղեկանիվի ստորին պաստառները, անվաթևերի տակի չորս կեղտապաշտպան վահանակները, հետին տեսանելիության երկու հայելիները, հողմապակիների երկու ռետինե խտարարները, կարտերի և կալեկտորի խողովակը) պետք է թողնել «Վարդան Փեփոյան» ՍՊ ընկերության տնօրինությանը
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալ Հրաչ Գալստյանից ենթակա չեն բռնագանձման, քանի որ տուժող «Վարդան Փեփոյան» ՍՊ ընկերության քաղաքացիական հայցի պահանջը պետք է բավարարել մասնակի: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաuտանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Հրաչ Հայկազունի Գալստյանին մեղավոր ճանաչել ՀՀ քրեական օրենսգրքի 177-րդ հոդվածի 3-րդ մասի 1-ին կետով և պատիժ նշանակել ազատազրկում` 4 (չորս) տարի 6 (վեց) ամիս ժամկետով` պատժի կրման սկիզբը հաշվելով 2010 թվականի ապրիլի 25-ից:
Հրաչ Հայկազունի Գալստյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
«Վարդան Փեփոյան» ՍՊ ընկերության քաղաքացիական հայցը բավարարել մասնակի. Հրաչ Հայկազունի Գալստյանից հօգուտ «Վարդան Փեփոյան» ՍՊ ընկերության, որպես հանցագործությամբ պատճառված վնաս, բռնագանձել 2.705.300 (երկու միլիոն յոթ հարյուր հինգ հազար երեք հարյուր) ՀՀ դրամ:
Դատավճիռն օրինական ուժի մեջ մտնելուց հետո` 2009 թվականի հուլիսի 8-ի որոշմամբ իրեղեն ապացույց ճանաչված և տուժող «Վարդան Փեփոյան» ՍՊ ընկերության տնօրեն Արսեն Խաչատրյանին ի պահ հանձնված իրերը թողնել «Վարդան Փեփոյան» ՍՊ ընկերության տնօրինությանը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ