17.11.2010թ. գործ No ԵԱՔԴ /0144/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն


Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Հ.Արտաշեսյանի
մասնակցությամբ`
մեղադրող Լ.Մանուկյանի
ամբաստանյալ Ա.Հունանյանի
պաշտպան Ա.Բաբայանի


2010թ. նոյեմբերի 17-ին, դատարանում, դռնբաց դատական նիստում, արագացված դատաքննության կարգով քննեց քրեական գործն ըստ մեղադրանքի Արթուր Ազատի Հունանյանի, ծնված 10.03.1990թ., գ.Արագած, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, հաշվառված է ՀՀ Արագածոտնի մարզ, գյուղ Արագած, Արագածյան փող. 1-ին նրբ. 2-րդ տուն:
Մեղադրվում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով:

Պ Ա Ր Զ Ե Ց

1.Գործի դատավարական նախապատմությունը
2010թ. սեպտեմբերի 02-ին ՀՀ ոստիկանության Երևան քաղաքի քննչական վարչության Քանաքեռ-Զեյթունի քննչական բաժնում ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներով հարուցվել է թիվ 09119110 քրեական գործը:
2010թ. սեպտեմբերի 11-ին Արթուր Հունանյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և խափանման միջոց է ընտրվել ստորագրություն չհեռանալու մասին:
2010թ. սեպտեմբերի 30-ին թիվ 09119110 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Արթուր Հունանյանին մեղադրանք է
առաջադրել այն արարքի համար, որ նա առանց իրացնելու նպատակի Արագած գյուղի հարակից արտերից քաղելով կանեփի թուփ, դրանից ապօրինի պատրաստել և իր մոտ է պահել խոշոր չափի` 9.1 գրամ հաստատուն քաշով մարիխուանա տեսակի թմրամիջոց, որը 15.08.2010թ. Երևան քաղաքի ՙՀաղթանակ՚ զբոսայգում հայտնաբերվել է նրա տաբատի գրպանից` ոստիկանության աշխատակիցների կողմից:

3. Արագացված դատական քննություն
Մինչև դատաքննությունն սկսելն ամբաստանյալ Արթուր Հունանյանը միջնորդել է դատական քննությունն անցկացնել արագացված կարգով և հայտարարել, որ առաջադրված մեղադրանքը պարզ է, համաձայն է իրեն առաջադրված մեղադրանքին, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո:
Միջնորդությունը հաստատել է նաև ամբաստանյալի պաշտպան Ա.Բաբայանը:
Մեղադրող Լ.Մանուկյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Հունանյանին առաջադրված մեղադրանքը ՀՀ քրեական օրենսգրքի 268-րդ հոդվածի 2-րդ մասի 2-րդ կետով հիմնավորված է: Նրա կողմից կատարած արարքը համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատկանիշներին:
Արարքի քրեաիրավական որակումը ճիշտ է:
Արթուր Հունանյանի նկատմամբ պատիժ նշանակելիս դատարանը հաշվի է առնում կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը բնութագրող տվյալները:
Ամբաստանյալ Արթուր Հունանյանի պատասխանատվությունը և պատիժը մեղմացնող, ինչպես նաև անձը բնութագրող հանգամանքներ դատարանը հաշվի է առնում այն, որ նա ընդունել է մեղքը և անկեղծորեն զղջացել է կատարած արարքի համար, նախկինում դատված չի եղել, բնութագրվում է դրական:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Անդրադառնալով Արթուր Ազատի Հունանյանի նկատմամբ նշանակվող պատժին, դատարանը գտնում է, որ նրա ուղղվելը հնարավոր է առանց պատիժ կրելու:
Նման եզրահանգման դատարանը գալիս է` հաշվի առնելով հատկապես ամբաստանյալի անձը բնութագրող, պատասխանատվությունն ու պատիժը մեղմացնող հանգամանքների ամբողջությունը:
Ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով, դատարանը

Վ Ճ Ռ Ե Ց

Արթուր Ազատի Հունանյանին մեղավոր ճանաչել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և նրա նկատմամբ պատիժ նշանակել ազատազրկում 6 /վեց/ ամիս ժամկետով:
Կիրառել ՀՀ քրեական օրենսգրքի 70-րդ հոդվածը և Արթուր Հունանյանի նկատմամբ ազատազրկման ձևով նշանակված պատիժը պայմանականորեն չկիրառել, սահմանել փորձաշրջան 2 /երկու/ տարի ժամկետով:
Գործով իրեղեն ապացույց ճանաչված 9.1 գրամ քաշով ՙՄարիխուանա՚ տեսակի թմրամիջոցը ոչնչացնել:
Արթուր Հունանյանի նկատմամբ ընտրված խափանման միջոցը` ստորագրություն չհեռանալու մասին, թողնել անփոփոխ, մինչև դատավճռի օրինական ուժի մեջ մտնելը:
Դատավճիռը բացի ՀՀ քրեական դատավարության օրենսգրքի 395-րդ հոդվածի 1-ին մասով նախատեսված հիմքից, կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: