Գործ հ. ԵԱՔԴ/0140/01/10

Ո Ր Ո Շ ՈՒ Մ
Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

12 մայիսի 2011թ. ք.Երևան

Հայաստանի Հանրապետության վերաքննիչ քրեական դատարանը
/այսուհետ` Վերաքննիչ դատարան/ հետևյալ կազմով`

ՆԱԽԱԳԱՀՈՂ ԴԱՏԱՎՈՐ` Ա.ՀՈՎՀԱՆՆԻՍՅԱՆ
ԴԱՏԱՎՈՐՆԵՐ` Ե.ԴԱՐԲԻՆՅԱՆ
Ս.ՉԻՉՈՅԱՆ
ՔԱՐՏՈՒՂԱՐՈՒԹՅԱՄԲ` Տ.ՀԱԿՈԲՅԱՆԻ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Հ.ՄԱՐՏԻՐՈՍՅԱՆԻ
ՊԱՇՏՊԱՆ` Ռ.ՍԱՖԱՐՅԱՆԻ

Դռնբաց դատական նիստում, վճռաբեկ վարույթի կանոններով, ամբաստանյալների վերաքննիչ բողոքների հիման վրա քննության առավ քրեական գործն ըստ մեղադրանքի` Հարություն Խաչիկի Դանիելյանի ՀՀ քրեական օրենսգրքի 177-րդ հոդվածի 3-րդ մասի 1-ին կետով և Արթուր Ռուսլանի Խաչատրյանի ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011 թվականի մարտի 14-ի դատավճռի դեմ բերված բողոքները

Պ Ա Ր Զ Ե Ց


1.Գործի դատավարական նախապատմությունը.
Թիվ 14116310 քրեական գործը հարուցվել է 2010թ. հունիսի 12-ին:
2010 թվականի հուլիսի 3-ի և հուլիսի 6-ի որոշումներով թիվ 09110210 քրեական գործերը միացվել են թիվ 14116310 քրական գործին:
Հ.Դանիելյանը և Ա.Խաչատրյանը ձերբակալվել են 2010թ. հունիսի 12-ին:
2010 թվականի հուլիսի 14-ին Հ.Դանիելյանը և Ա.Խաչատրյանը որպես մեղադրյալ են ներգրավվել և նրանց նկատմամբ խափանման միջոց է ընտրվել կալանավորումը:
2010թվականի սեպտեմբերի 18-ին Հ.Դանիելյանին և Ա.Խաչատրյանին առաջադրված մեղադրանքի ծավալը փոփոխվել և նրանց նոր մեղադրանք է առաջադրվել:
2010 թվականի սեպտեմբերի 24-ին թիվ 14116310 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը 2011թվականի մարտի14-ի դատավճռով Հարություն Խաչիկի Դանիելյանին մեղավոր է ճանաչել ՀՀ քրեական օրենսգրքի 177-րդ հոդվածի 3-րդ մասի 1-ին կետով և նրա նկատմամբ պատիժ է նշանակել ազատազրկում 5 (հինգ) տարի 6 (վեց) ամիս ժամկետով:
Պատիժը կրելու սկիզբը հաշվել է 2010թ. հունիսի 12-ից, որը պետք է կրի ՀՀ ԱՆ համապատասխան քրեակատարողական հիմնարկում:
Հարություն Դանիելյանի նկատմամբ ընտրված խափանման միջոցը` կալանավորումը, թողնվել է անփոփոխ մինչև դատավճռի օրինական ուժի մեջ մտնելը:
Արթուր Ռուսլանի Խաչատրյանին մեղավոր է ճանաչել ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով և նրա նկատմամբ պատիժ է նշանակել ազատազրկում 5 (հինգ) տարի 6 (վեց) ամիս ժամկետով:
Պատիժը կրելու սկիզբը հաշվել է 2010թ. հունիսի 12-ից, որը պետք է կրի ՀՀ ԱՆ համապատասխան քրեակատարողական հիմնարկում:
Արթուր Խաչատրյանի նկատմամբ ընտրված խափանման միջոց կալանավորումը` թողնել անփոփոխ, մինչև դատավճռի օրինական ուժի մեջ մտնելը:
Վճռվել է նաև` Հարություն Դանիելյանի և Արթուր Խաչատրյանի տնտեսությունից և անձնական վաստակից հօգուտ տուժողներ Նունե Գրիգորյանի բռնագանձել 676.000 ՀՀ դրամ, հօգուտ Հերմինե Մարգարյանի` 966.000 ՀՀ դրամ, հօգուտ Վարդան Մելքոնի` 200.000 ՀՀ դրամ, հօգուտ Արմեն Վահրամյանի` 4.464.000 ՀՀ դրամ:
Իրեղեն ապացույց ճանաչված` ՙPentium 4՚ համակարգիչը, համակարգչային մոնիտորը և ստեղնաշարը, ՙSony Ericsson՚ և ՙVoxtel՚ ապրանքանիշի բջջային հեռախոսները, ՙAzzaro՚ ապրանքանիշի օծանելիքը թողնել տուժող Արմեն Վահրամյանի` ՙLG՚ ապրանքանիշի հեռուստացույցը և դրա փաստաթղթերը, ոսկեգույն կանացի թևնոցը տուժող Հերմինե Մարգարյանի` տնօրինմանը:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի 2011թվականի մարտի14-ի դատավճռի դեմ վերաքննիչ բողոքներ են բերել ամբաստանյալներ` Հարություն Դանիելյանը և Արթուր Խաչատրյանը, որոնք Վերաքննիչ քրեական դատարանի 2011 թվականի ապրիլի 07-ի որոշմամբ ընդունվել են վարույթ:
Դատավարության մյուս մասնակիցների կողմից այլ վերաքննիչ բողոքներ և գրավոր պատասխաններ չեն ներկայացվել:
Քրեական գործը ՀՀ Վերաքննիչ քրեական դատարանում ստացվել է 2011թ. ապրիլի 04-ին:



2.Գործի փաստական հանգամանքները.
Նախաքննության մարմինն ամբաստանյալ Հարություն Խաչիկի Դանիելյանին ՀՀ քրեական օրենսգրքի 177-րդ հոդվածի 3-րդ մասի 1-ին կետով մեղադրանք է առաջադրել այն արարքի համար, որ ՙնա կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով նախկինում հափշտակության համար երկու և ավելի անգամ դատապարտված, դատվածությունները չմարված Արթուր Ռուսլանի Խաչատրյանի հետ, 2010թ. մայիս ամսվա սկզբներին ժամը 03:00-ի սահմաններում գնացել են Երևան քաղաքի Ա.Խաչատրյան 17 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու, գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Արմենուհի Աշոտի Մարտիրոսյանին պատկանող թիվ 77 բնակարանի պատուհանի փեղկը, ապօրինի մուտք է գործել բնակարան, սակայն բնակարանում արժեքավոր որևէ իր չհայտնաբերելով ու ոչինչ չգողանալով հեռացել են իրենց կամքից անկախ հանգամանքներում չկարողանալով հանցագործությունը ավարտին հասցնել:
Այնուհետև Հարություն Խաչիկի Դանիելյանը կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով նախկինում հափշտակության համար երկու և ավելի անգամ դատապարտված, դատվածությունները չմարված Արթուր Ռուսլանի Խաչատրյանի հետ, 2010թ. մայիս ամսվա սկզբին ժամը 03:00-ի սահմաններում գնացել են Երևան քաղաքի Կոմիտաս 36բ. շենքի մոտ որտեղ որոշել են, որ Արթուր Խաչատրյանը Հարություն Դանիելյանի հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ կոտրել է Վարդան Խաջեի Մելքոնին պատկանող թիվ 32 բնակարանի պատուհանի ապակին բացել է պատուհանի փեղկը և ապօրինի մուտք գործել բնակարան ու պատուհանից սավանների օգնությամբ իջեցրել են բնակարանից գողացված մեկ հատ ՙGVC՚ ապրանքանիշի հեռուստացույց, մեկ հատ տնային ալեհավաք և մեկ հատ վերմակ, որն էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Վ.Մելքոնին պատճառելով զգալի չափերի` 200.000 ՀՀ դրամի նյութական վնաս:
Բացի այդ, Հարություն Խաչիկի Դանիելյանը կրկին անգամ ապօրինի մուտք գործելու միջոցով բնակարանային գողություն կատարելու դիտավորությամբ նախնական համաձայնության գալով նախկինում երկու և ավելի անգամ հափշտակությունների համար դատապարտված, դատվածությունները չմարված Արթուր Ռուսլանի Խաչատրյանի հետ 2010թ. մայիս ամսվա սկզբին ժամը 03:00-ի սահմաններում գնացել են Երևան քաղաքի Փափազյան 27 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Պետրոս Գևորգի Թոմբուլյանին պատկանող թիվ 4-րդ բնակարանի պատուհանի փեղկը, ապօրինի մուտք է գործել բնակարան, սակայն բնակարանում արժեքավոր որևէ իր չհայտնաբերելով հեռացել են իրենց կամքից անկախ հանգամանքներում չկարողանալով հանցագործությունը ավարտին հասցնել:
Բացի այդ, Հարություն Խաչիկի Դանիելյանը կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով նախկինում երկու և ավելի անգամ հափշտակության համար դատապարտված, դատվածությունը չմարված Արթուր Ռուսլանի Խաչատրյանի հետ 2010թ. մայիսի 5-ից ժամը 09.00-ից մինչև մայիսի 6-ն ժամը 09.00-ն ընկած ժամանակահատվածում գնացել են Երևան քաղաքի Ռուբինյանց 23 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Հերմինե Վենետիկի Մարգարյանին պատկանող թիվ 1 բնակարանի պատուհանի փեղկը և ապօրինի մուտք գործել բնակարան ու պատուհանից սավանների օգնությամբ իջեցրել են բնակարանից գողացված մեկ հատ ՙLG՚ ապրանքանիշի հեռուստացույց, ՙPanasonic՚ ապրանքանիշի տնային կինոթատրոն` իր ձայնասփյուռներով, մեկ հատ արծաթե մետաղադրամ, տարբեր տեսակի կանացի զարդեր, որոնք էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Հերմինե Վենետիկի Մարգարյանին պատճառելով խոշոր չափերի` 561.400 ՀՀ դրամի նյութական վնաս:
Բացի այդ, Հարություն Խաչիկի Դանիելյանը կրկին անգամ բնակարան ապօրինի մուտք գործելով գողություն կատարելու դիտավորությամբ, նախնական համաձայնության գալով նախկինում երկու և ավելի անգամ հափշտակության համար դատապարտված, դատվածությունը չմարված Արթուր Ռուսլանի Խաչատրյանի հետ, 2010թ. մայիսի կեսերին ժամը 03:00-ի սահմաններում, գնացել են Երևան քաղաքի Փափազյան 29 շենքի մոտ, որտեղ որոշել են, որ Արթուր Խաչատրյանը հափշտակության գաղտնիությունը ապահովելու գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Նունե Լադոյի Գրիգորյանի թիվ 6 բնակարանի պատուհանի փեղկը, ապօրինի մուտք է գործել բնակարան և պատուհանից սավանների օգնությամբ իջեցրել են բնակարանից գողացված մեկ ճամպրուկ, 8 շիշ կոնյակ, 7 հատ անկողնու պարագա, 1 հատ մանկական խաղալիք, 13 հատ տղամարդու վերնաշապիկ, 2 շիշ օղի և 2 հատ կանացի պայուսակ, որն էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Ն.Գրիգորյանին պատճառելով խոշոր չափերի` 676.000 ՀՀ դրամի նյութական վնաս:
Բացի այդ, Հարություն Խաչիկի Դանիելյանը կրկին անգամ ապօրինի մուտք գործելու միջոցով բնակարանային գողություն կատարելու դիտավորությամբ նախնական համաձայնության գալով նախկինում երկու և ավելի անգամ հափշտակությունների համար դատապարտված, դատվածությունները չմարված Արթուր Ռուսլանի Խաչատրյանի հետ 2010թ. մայիսի 30-ից ժամը 13.20-ից մինչև 2010թ. մայիսի 31-ն ժամը 12.00-ն ընկած ժամանակահատվածում գնացել են Երևան քաղաքի Դրոյի 14/2 շենքի մոտ, որտեղ որոշել են, որ Արթուր Խաչատրյանը Հարություն Դանիելյանի անվտանգությունը հսկելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը բարձրանալով նշված շենքի Արմեն Արմենակի Վահրամյանին պատկանող թիվ 21 բնակարանի պատշգամբ իր հետ նախապես վերցրած երկաթյա լինգի գործադրմամբ պոկել է պատուհանի ճաղավանդակը ու պտուտակահանի գործադրմամբ բացել է պատուհանի փեղկը, ապօրինի մուտք է գործել բնակարան ու պատուհանից սավանների օգնությամբ իջեցրել է բնակարանից գողացված երկու հատ գանձատուփ, որոնց մեջ եղել է ընդհանուրը 2.000.000 ՀՀ դրամ կանխիկ գումար, կանացի և տղամարդու տարբեր տեսակների օծանելիքներ, ֆոտո և տեսախցիկներ, ՙSony՚ ապրանքանիշի դիվիդի նվագարկիչ, ՙSony Ericsson՚ և ՙVoxtel՚ տեսակի բջջային հեռախոսներ, մեկ հատ պատի ժամացույց, ՙPentium 4՚ տեսակի համակարգիչ իր մոնիտորով և այլ աքսեսուարներով, կանացի դրամապանակ, անկողնու պարագաներ, որոնք էլ Արթուր Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Ա.Վահրամյանին պատճառելով առանձնապես խոշոր չափերի` 4.464.000 ՀՀ դրամի նյութական վնաս՚:
Արթուր Ռուսլանի Խաչատրյանին ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով մեղադրանք է առաջադրվել այն արարքի համար, որ ՙնա նախկինում երկու և ավելի անգամ հափշտակությունների համար դատապարտված, դատվածությունները չմարված կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով Հարություն Խաչիկի Դանիելյանի հետ, 2010թ. մայիս ամսվա սկզբին ժամը 03:00-ի սահմաններում գնացել են Երևան քաղաքի Ա.Խաչատրյան 17 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու, գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Արմենուհի Աշոտի Մարտիրոսյանին պատկանող թիվ 77 բնակարանի պատուհանի փեղկը, ապօրինի մուտք է գործել բնակարան, սակայն բնակարանում արժեքավոր որևէ իր չհայտնաբերելով ու ոչինչ չգողանալով հեռացել են իրենց կամքից անկախ հանգամանքներում չկարողանալով հանցագործությունը ավարտին հասցնել:
Այնուհետև, Արթուր Ռուսլանի Խաչատրյանը կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով Հարություն Խաչիկի Դանիելյանի հետ, 2010թ. մայիս ամսվա սկզբին ժամը 03:00-ի սահմաններում գնացել են Երևան քաղաքի Կոմիտաս 36բ. շենքի մոտ որտեղ որոշել են, որ Արթուր Խաչատրյանը Հարություն Դանիելյանի հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ կոտրել է Վարդան Խաջեի Մելքոնին պատկանող թիվ 32 բնակարանի պատուհանի ապակին բացել է պատուհանի փեղկը և ապօրինի մուտք գործել բնակարան ու պատուհանից սավանների օգնությամբ իջեցրել են բնակարանից գողացված մեկ հատ ՙGVC՚ ապրանքանիշի հեռուստացույց, մեկ հատ տնային ալեհավաք և մեկ հատ վերմակ, որն էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը:Վ.Մելքոնին պատճառելով զգալի չափերի` 200.000 ՀՀ դրամ նյութական վնաս:
Բացի այդ, Արթուր Ռուսլանի Խաչատրյանը կրկին անգամ ապօրինի մուտք գործելու միջոցով բնակարանային գողություն կատարելու դիտավորությամբ նախնական համաձայնության գալով Հարություն Խաչիկի Դանիելյանի հետ 2010թ. մայիսի սկզբներին ժամը 03:00-ի սահմաններում գնացել են Երևան քաղաքի Փափազյան 27 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Պետրոս Գևորգի Թոմբուլյանին պատկանող թիվ 4-րդ բնակարանի պատուհանի փեղկը, ապօրինի մուտք է գործել բնակարան, սակայն բնակարանում արժեքավոր որևէ իր չհայտնաբերելով ու ոչինչ չգողանալով հեռացել են իրենց կամքից անկախ հանգամանքներում չկարողանալով հանցագործությունը ավարտին հասցնել:
Բացի այդ, Արթուր Ռուսլանի Խաչատրյանը կրկին անգամ բնակարան ապօրինի մուտք գործելով գողություն կատարելու դիտավորությամբ նախնական համաձայնության գալով Հարություն Խաչիկի Դանիելյանի հետ 2010թ. մայիսի 5-ից ժամը 09.00-ից մինչև մայիսի 6-ը ժամը 09.00-ն ընկած ժամանակահատվածում գնացել են Երևան քաղաքի Ռուբինյանց 23 շենքի մոտ որտեղ որոշել են, որ Արթուր Խաչատրյանը հափշտակության գաղտնիությունը ապահովելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Հերմինե Վենետիկի Մարգարյանին պատկանող թիվ 1 բնակարանի պատուհանի փեղկը և ապօրինի մուտք գործել բնակարան ու պատուհանից սավանների օգնությամբ իջեցրել են բնակարանից գողացված մեկ հատ ՙLG՚ ապրանքանիշի հեռուստացույց, ՙPanasonic՚ ապրանքանիշի տնային կինոթատրոն` իր ձայնասկավառակներով, մեկ հատ արծաթե մետաղադրամ, տարբեր տեսակի կանացի զարդեր, որոնք էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Հերմինե Վենետիկի Մարգարյանին պատճառելով խոշոր չափերի` 561.400 ՀՀ դրամի նյութական վնաս:
Բացի այդ, Արթուր Ռուսլանի Խաչատրյանը կրկին անգամ բնակարան ապօրինի մուտք գործելով գողություն կատարելու դիտավորությամբ, նախնական համաձայնության գալով Հարություն Խաչիկի Դանիելյանի հետ, 2010թ. մայիսի կեսերին ժամը 03:00-ի սահմաններում, գնացել են Երևան քաղաքի Փափազյան 29 շենքի մոտ, որտեղ որոշել են, որ Արթուր Խաչատրյանը հափշտակության գաղտնիությունը ապահովելու, գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը նշված շենքի գազատար խողովակի վրա բարձրանալով, պտուտակահանի գործադրմամբ բացել է Նունե Լադոյի Գրիգորյանի թիվ 6 բնակարանի պատուհանի փեղկը, ապօրինի մուտք գործել բնակարան և պատուհանից սավանների օգնությամբ իջեցրել են բնակարանից գողացված մեկ ճամպրուկ, 8 շիշ կոնյակ, 7 հատ անկողնու պարագա, 1 հատ մանկական խաղալիք, 13 հատ տղամարդու վերնաշապիկ, 2 շիշ օղի և 2 հատ կանացի պայուսակ, որն էլ Ա.Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը:Ն.Գրիգորյանին պատճառելով խոշոր չափերի` 676.000 ՀՀ դրամի նյութական վնաս:
Բացի այդ, Արթուր Ռուսլանի Խաչատրյանը կրկին անգամ ապօրինի բնակարան մուտք գործելու միջոցով բնակարանային գողություն կատարելու դիտավորությամբ նախնական համաձայնության գալով Հարություն Խաչիկի Դանիելյանի հետ 2010թ. մայիսի 30-ից ժամը 13.20-ից մինչև 2010թ. մայիսի 31-ն ժամը 12.00-ն ընկած ժամանակահատվածում գնացել են Երևան քաղաքի Դրոյի 14/2 շենքի մոտ, որտեղ որոշել են, որ Արթուր Խաչատրյանը Հարություն Դանիելյանի անվտանգությունը հսկելու և գողացված ապրանքները պատուհանից իջեցնելու և տեղափոխելու հարցում օգնելու համար կսպասի դրսում, իսկ Հարություն Դանիելյանը բարձրանալով նշված շենքի Արմեն Արմենակի Վահրամյանին պատկանող թիվ 21 բնակարանի պատշգամբ իր հետ նախապես վերցրած երկաթյա լինգի գործադրմամբ պոկել է պատուհանի ճաղավանդակը ու պտուտակահանի գործադրմամբ բացել է պատուհանի փեղկը, ապօրինի մուտք է գործել բնակարան ու պատուհանից սավանների օգնությամբ իջեցրել է բնակարանից գողացված երկու հատ գանձատուփ, որոնց մեջ եղել է ընդհանուրը 2.000.000 ՀՀ դրամ կանխիկ գումար, կանացի և տղամարդու տարբեր տեսակի օծանելիքներ, ֆոտո և տեսա խցիկներ, ՙSony՚ ապրանքանիշի դիվիդի նվագարկիչ, ՙSony Ericsson՚ և ՙVoxtel՚ տեսակի բջջային հեռախոսներ, մեկ հատ պատի ժամացույց, ՙPentium 4՚ տեսակի համակարգիչ իր մոնիտորով և այլ աքսեսուարներով, կանացի դրամապանակ, անկողնու պարագաներ, որոնք էլ Արթուր Խաչատրյանը վերցնելով տեղափոխել է իրենց կողմից վարած ՙReno՚ մակնիշի Տ 5197պ/հ ավտոմեքենայի բեռնախցիկը: Ա.Վահրամյանին պատճառելով առանձնապես խոշոր չափերի` 4.464.000 ՀՀ դրամ նյութական վնաս:


3.Վերաքննիչ բողոքի հիմքերը, հիմնավորումները և պահանջը.

ա/ Ամբաստանյալ Արթուր Խաչատրյանի վերաքննիչ բողոքի հիմքերն ու հիմնավորումները
Ամբաստանյալ` Ա.Խաչատրյանը գտնում է, որ իրեն մեղադրել և դատապարտել են անհիմն, քանի որ ինքը գողությանը մասնակից չի եղել:
Ամբաստանյալը իր վերաքննիչ բողոքում նշել է, որ իրեն անգիտակից վիճակում են բերել Արաբկիրի ոստիկանություն, ստիպել և սպառնացել են, իսկ ինքն էլ չդիմանալով ճնշմանը նրանց թելադրանքով գրել է ոչ ճիշտ: Իրեն բերել են Էրեբունի բժշկական կենտրոնից, եղել է սթրեսի մեջ, ինչի վերաբերյալ գործում առկա է համապատասխան տեղեկանք: Լավ չիմանալով իր իրավունքը դատարանին խնդրել է արագացված դատաքննություն կիրառել:
Ամբաստանյալը նշել է, որ ինքը տվյալ հանցանքը չի կատարել և Վերաքննիչ քրեական դատարանից խնդրել է վերանայել իր վճիռը ու վերականգնել արդարությունը:


բ/ Ամբաստանյալ Հարություն Դանիելյանի վերաքննիչ բողոքի հիմքերն ու հիմնավորումները
Ամբաստանյալ` Հ.Դանիելյանը նշել է, որ իրեն մեղավոր է ճանաչել մասնակիորեն և որ դատաքննության ընթացքում դատարանը հաշվի չի առել այն հանգամանքները, որ հենց նախաքննության սկզբից ինքը և Արթուր Խաչատրյանը ցուցմունք են տվել, որ Դրոյի փողոց 14/2 ենքի 21 բնակարանից հափշտակված գանձատուփի մեջ եղել է 340.000 ՀՀ դրամ գումար, ինչը կարելի է հաստատել, անցկացնելով շատ հստակ փորձաքննություն, քանի որ գանձատուփում մեծամասամբ եղել են մետաղադրամներ, ՀՀ դրամներ և մի քանի թղթադրամ ընդամենը 80 եվրոյի չափով:
Բացի վերոնշվածից դատարանը վճռում նշել է, որ հափշտակված ապրանքների մի մասը, որոնք հանդիսացել են իրեղեն ապացույց, պետք է թողնել տուժողների տնօրինությանը, սակայն վճռում նշված է գանձել իրենցից ընդհանուր հափշտակված գումարը:
Վերաքննիչ քրեական դատարանից խնդրել է բեկանել 14.03.2011թ. կայացրած դատավճիռը, կատարել նոր դատաքննություն` վերոհիշյալ հանգամանքները պարզել և նոր, արդար վճիռ կայացնել :



4.Վերաքննիչ դատարանի պատճառաբանությունները և եզրահանգումը.
Վերաքննիչ բողոքում նշված հիմքերի ու հիմնավորումների սահմաններում վերլուծելով գործի նյութերը, լսելով ամբաստանյալների կողմից իրենց վերաքննիչ բողոքների հիմնավորումները, պաշտպանին, մեղադրողի պատասխանը, ՀՀ Վերաքննիչ քրեական դատարանը գտավ, որ ամբաստանյալների վերաքննիչ բողոքը պետք է մերժել, դատական ակտը թողնելով օրինական ուժի մեջ` հետևյալ պատճառաբանությամբ:
Քրեական պատասխանատվության հիմքը ամրագրած ՀՀ քրեական օրենսդրության հիմնարար սկզբունք հանդիսացող ՀՀ քր. օր.-ի 3-րդ հոդ.-ի համաձայն` քրեական պատասխանատվության միակ հիմքը հանցանք, այսինքն` այնպիսի արարք կատարելն է, որն իր մեջ պարունակում է քրեական օրենքով նախատեսված հանցակազմի բոլոր հատկանիշները:
Անմեղության կանխավարկածի սկզբունքն ամրագրած ՀՀ քր. դատ. օր.-ի 18-րդ հոդ.-ի 3-րդ մասի համաձայն` հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ:
Ապացույցների ազատ գնահատման սկզբունքն ամրագրած ՀՀ քր. դատ. օր.-ի 25-րդ հդ.-ի 1-ին մասի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում:
ՀՀ քր. դատ. օր.-ի 124-րդ հոդ.-ի 1-ին մասի համաձայն` ապացուցումը գործի օրինական, հիմնավորված և արդարացի լուծման համար նշանակություն ունեցող հանգամանքներ բացահայտելու նպատակով ապացույցներ հավաքելը, ստուգելը և գնահատելն է:
ՀՀ քր. դատ. օր.-ի 126-րդ հոդ.-ի համաձայն` գործով հավաքված ապացույցները ենթակա են բազմակողմանի և օբյեկտիվ ստուգման` ձեռք բերված ապացույցի վերլուծության, այն այլ ապացույցների հետ համադրելու, նոր ապացույցներ հավաքելու, ապացույցների ձեռքբերման աղբյուրներն ստուգելու միջոցով:
ՀՀ քր. դատ. օր.-ի 127-րդ հոդ.-ի համաձայն` յուրաքանչյուր ապացույց ենթակա է գնահատման` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, նույն հոդվածի 2-րդ մասի համաձայն` հետաքննության մարմնի աշխատակիցը, քննիչը, դատախազը, դատավորը, ղեկավարվելով օրենքով, ապացույցները գնահատում են ապացույցների համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ:
ՀՀ քր. դատ. օր.-ի 107-րդ հոդ.-ի համաձայն` միայն ապացույցների հիման վրա են հաստատվում`
1/ դեպքը և հանգամանքները/կատարման ժամանակը, տեղը, եղանակը և այլն/.
2/ կասկածյալի և մեղադրյալի առնչությունը դեպքին.
3/ հանցագործության` քրեական օրենքով նախատեսված հատկանիշները.
4/ անձի մեղավորությունը քրեական օրենքով չթույլատրված արարքը կատարելու մեջ.
5/ քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6/ այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով:
Ապացուցման ենթակա հանգամանքների և քրեադատավարական ապացուցման տարրեր հանդիսացող ապացույցների ստուգման և գնահատման` ՀՀ քրեադատավարական օրենսդրության վերը նշված հիմնարար իրավադրույթների համատեքստում քննության առնելով քրեական գործով ձեռք բերված ապացույցների համակցությունը, ՀՀ Վերաքննիչ քրեական դատարանը գտնում է, որ ամբաստանյալների պատճառաբանություններն անհիմն են, նպատակ են հետապնդում ազատվել քրեական պատասխանատվությունից և պատժից, Հարություն Դանիելյանի կողմից ՀՀ քրեական օրենսգրքի 177-րդ հոդվածի 3-րդ մասի 1-ին կետով հանցանքը կատարելը, Արթուր Խաչատրյանի կողմից ՀՀ քրեական օրենսգրքի 177-րդ հոդվածի 3-րդ մասի 1-ին կետով նախատեսված հանցանքը կատարելը և նրանց մեղքը հաստատված, իսկ պատճառաբանությունները հերքված են քրեական գործով պատշաճ իրավական ընթացակարգի շրջանակներում ձեռք բերված և ընդհանուր իրավասության դատարանում հետազոտված հետևյալ ապացույցներով.
Առաջադրված մեղադրանքում ամբաստանյալ Հարություն Խաչիկի Դանիելյանն իրեն մեղավոր է ճանաչել մասնակի նշելով, որ Երևան քաղաքի Քանաքեռ-Զեյթուն համայնքի Դրոյի փողոց 14/2 շենքի 21 բնակարանից հափշտակված գումարի և իրերի ընդհանուր արժեքը կազմում է 2.804.000 ՀՀ դրամ, այլ ոչ թե 4.464.000 ՀՀ դրամ, քանի որ հափշտակված գանձատուփերի մեջ եղել է 340.000 ՀՀ դրամ գումար, այլ ոչ թե 2.000.000 ՀՀ դրամ: Նա հրաժարվել է նախաքննությամբ տրված իր ցուցմունքներից և նշել, որ գողությունները ինքը կատարել է ոչ թե Արթուր Խաչատրյանի, այլ ոմն Արմանի հետ, որի անձնական տվյալների մասին որև է տեղեկություն չունի:
ՀՀ Վերաքննիչ քրեական դատարանն ամբաստանյալ Հարություն Դանիելյանի նախաքննության ընթացքում տված ցուցմունքները համադրելով քրեական գործով ձեռք բերված և ստորև շարադրվող ապացույցների հետ, համարում է անարժանահավատ, մտացածին, որը չի համապատասխանում իրականությանը և նպատակ է հետապնդում խուսափել ՀՀ քրեական օրենսգրքի 177-րդ հոդվածի 3-րդ մասի 1-ին կետով նախատեսված քրեական պատասխանատվությունից և պատժից, որը հիմնավորվում է ներքոհիշյալ ապացույցներով.
Ամբաստանյալ Հարություն Դանիելյանը նախաքննության փուլում ցուցմունքներ է տվել այն մասին, որ մանուկ հասակից ճանաչել է Արթուր Ռուսլանի Խաչատրյանին: 2010թ. ապրիլ ամսին հանդիպել է Արթուր Խաչատրյանին և զրույցի ընթացքում միմյանց պատմել են, որ գտնվում են սոցիալական ծանր վիճակում, ու չեն կարողանում լավ վաստակել և հոգալ իրենց ընտանիքների առօրյա հոգսերը: Այդ զրույցից հետո որոշել են կատարել գողություններ և այդ կերպ հոգալ իրենց հոգսերը:
Դրանից հետո ինքը և Արթուր Խաչատրյանը 2010թ. ապրիլ ամսի վերջերին ժամը 03:00-ի սահմաններում գողություն կատարելու նպատակով իր կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Փափազյան փողոցի 29-րդ շենք, և տեսնելով, որ դրա վրա առկա է բարձրացող գազի խողովակ, որով հնարավոր է մուտք գործել երկրորդ հարկի բնակարան, որոշել են այդ շենքի երկրորդ հարկի բնակարաններից մեկից կատարել գողություն: Դրանից հետո ընտրել են շենքի աջակողմյան հատվածի թիվ 6 բնակարանի եվրո արտադրության, առանց ճաղավանդակի պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ներս է մտել նշված շենքի շքամուտք բարձրացել է երկրորդ հարկ և թակել երկրորդ հարկի նշված բնակարանի դուռը, որից հետո համոզվելով, որ տանը մարդ չկա վերադարձել է: Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ, նրանք որոշել են, որ Արթուր Խաչատրյանը կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ ինքը գազի խողովակի օգնությամբ բարձրացել է պատուհանին և իր հետ նախապես վերցրած պտուտակահանը մտցնելով պատուհանի փեղկի արանքը ճնշում գործադրելով բացել է այն: Այնուհետև ներս է մտել նշված բնակարան և զննելով այն հայտնաբերել է, որ բնակարանում գողանալու համար առկա են մեկ հատ հագուստներով լի ճամպրուկ և ՙՆաիրի՚ և ՙընտիր՚ տեսակների մոտ յոթ կամ վեց հատ կոնյակներ, մեկ շիշ վիսկի, օղիներ, արջուկի տեսքով մանկական խաղալիք, կանացի պայուսակ: Ննջասենյակի մահճակալի վրայից վերցրել է երեք հատ սավաններ, որոնցից մեկի մեջ փաթաթելով կապել է ճամպրուկը և կոնյակները, իսկ մյուս երկու սավաններով կապել է դրա կանթերը և դրանք պարանի տեղ օգտագործելով վերը նշված իրերը պատուհանից իջեցրել է դուրս: Արթուր Խաչատրյանը դրանք վերցնելով տարել և տեղավորել է նշված ավտոմեքենայի մեջ: Նույն ճանապարհով դուրս է եկել բնակարանից և վերադառձել են տուն: Հաջորդ օրը բացելով ճամպրուկը իրենք դրա մեջ եղած իրերից հաշվել են մոտ 13 հատ տղամարդու վերնաշապիկներ և անկողնային պարագաներ` սավաններ, բարձի և վերմակի ծածկոցներ: Հափշտակված նշված ապրանքները 7.000 ՀՀ դրամով վաճառել է Երևան քաղաքի Վերնիսաժ կոչվող շուկայում իրեն անծանոթ տարբեր մարդկանց: Վաճառքից ստացված 7.000 ՀՀ դրամ գումարը Արթուր Խաչատրյանի հետ բաժանել են միմյանց միջև և ծախսել կարիքների համար:
Այնուհետև կրկին գողություն կատարելու նպատակով 2010թ. մայիսի սկզբին, ժամը 03:00-ի սահմաններում իր կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Փափազյան փողոցի 27 շենք, և տեսնելով, որ դրա վրա առկա է բարձրացող գազի խողովակ, որով հնարավոր է մուտք գործել երկրորդ հարկի բնակարան, որոշել են այդ շենքի երկրորդ հարկի բնակարաններից մեկից կատարել գողություն: Դրանից հետո ընտրել են շենքի բակի կողմից, մեջտեղի հատվածի թիվ 4 բնակարանի եվրո արտադրության, առանց ճաղավանդակի պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ներս է մտել նշված շենքի շքամուտք բարձրացել է երկրորդ հարկ և թակել երկրորդ հարկի նշված բնակարանի դուռը և համոզվելով, որ տանը մարդ չկա վերադարձել է:Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ որոշել են, որ նա կսպասի դրսում անվտանգությունը հսկելու և գողացված իրերը իջեցնելիս իրեն օգնելու համար, իսկ ինքը գազի խողովակի օգնությամբ բարձրացել է պատուհանի մոտ և իր հետ նախապես վերցրած պտուտակահանը մտցնելով պատուհանի փեղկի արանքը ճնշում գործադրելով բացել է այն: Այնուհետև ներս է մտել նշված բնակարան և զննելով տեսել է, որ այնտեղ գողանալու համար հարմար իր չկա ու դուրս է եկել բնակարանից:
Նույն օրը` կրկին գողություն կատարելու նպատակով ժամը 04:00-ի սահմաններում գնացել են Երևան քաղաքի Ա.Խաչատրյան փողոցի թիվ 17 շենքի մոտ և տեսնելով, որ դրա վրա առկա է բարձրացող գազի խողովակ, որով հնարավոր է մուտք գործել երկրորդ հարկի թիվ 77 բնակարան, որոշել են այդ շենքի երկրորդ հարկի նշված բնակարանից կատարել գողություն: Դրանից հետո ընտրել են շենքի բակի կողմից, մեջտեղի հատվածի բնակարանի եվրո արտադրության, առանց ճաղավանդակի պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ինքը ներս է մտել նշված շենքի շքամուտք բարձրացել է երկրորդ հարկ և թակել երկրորդ հարկաբաժնի նշված բնակարանի դուռը ու համոզվելով, որ տանը մարդ չկա վերադարձել է: Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ որոշել են, որ նա կսպասի դրսում անվտանգությունը հսկելու և գողացված իրերը իջեցնելիս իրեն օգնելու համար, իսկ ինքը գազի խողովակի օգնությամբ բարձրացել է պատուհանի մոտ և իր հետ նախապես վերցրած պտուտակահանը մտցնելով պատուհանի փեղկի արանքը ճնշում գործադրելով բացել է այն: Այնուհետև ներս է մտել նշված բնակարան և զննելով տեսել է, որ բնակարանը գտնվում է վերանորոգման փուլում և այնտեղ գողանալու համար առարկա չգտնելով նույն ճանապարհով դուրս է եկել բնակարանից:
Դրանից հետո, 2010թ. մայիս ամսի վերջերին ժամը գիշերվա 03:00-ի սահմաններում գողություն կատարելու նպատակով իր կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Քանաքեռ-Զեյթուն համայնքի Դրոյի փ 14/2 հասցեում գտնվող շենքի մոտ և տեսնելով, որ դրա առաջին հարկը ավելացրած մաս ունի ու դրա տանիքով հնարավոր է մուտք գործել երկրորդ հարկի թիվ 21 բնակարան, որոշել են այդ շենքի երկրորդ հարկի նշված բնակարանից կատարել գողություն: Դրանից հետո ընտրել են շենքի աջակողմյան հատվածի բնակարանի եվրո արտադրության, ճաղավանդակով պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ներս է մտել նշված շենքի շքամուտք բարձրացել է երկրորդ հարկ և թակել է երկրորդ հարկաբաժնի նշված բնակարանների դուռը և համոզվելով, որ տանը մարդ չկա վերադարձել է: Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ որոշել են, որ նա կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ ինքը գազի խողովակի օգնությամբ բարձրացել է պատուհանին և իր հետ նախապես վերցրած երկաթյա լոմիկով քաշել պոկելու միջոցով տեղահան է արել ճաղավանդակի մի մասը այնպես որ հնարավոր լիներ անցնել և իր հետ վրցրած պտուտակահանը մտցնելով պատուհանի փեղկի արանքը ճնշում գործադրելով բացել է այն: Այնուհետև ներս է մտել նշված բնակարան և զննելով այն հայտնաբերել է, որ բնակարանում գողանալու համար առկա են երկու հատ ֆուտբոլի գնդակի և ջրամանի տեսքով գանձատուփեր, մեկ հատ համակարգիչ իր մոնիտորով և այլ աքսեսուարներով, մեկ հատ ՙDVD՚, թվային տեսախցիկ, ֆոտոխցիկներ, կանացի դրամապանակ, որի մեջ կար 30.000 կամ 40.000 ՀՀ դրամ, երկու հատ ՙSony Ericsson՚ և ՙVoxtel՚ ֆիրմաների բջջային հեռախոսներ, կանացի և տղամարդու օծանելիքներ, համակարգչային երկու հատ ձայնասփյուռներ, մեկ հատ սպիտակ գույնի պատի ժամացույց և այլ իրեր: Դրանք բաժանել է երկու մասի և մաս-մաս փաթաթելով բնակարանից վերցված սավանի մեջ պատուհանից իջեցրել է դուրս, որտեղ դրանք վերցրել է Արթուր Խաչատրյանը ու տեղավորել է ավտոմեքենայի մեջ: Այնուհետև նույն ճանապարհով դուրս է եկել բնակարանից ու վերադառձել են տուն: Հափշտակված ապրանքներից ՙDVD՚ տեսաձայնագրիչը և օծանելիքները Արթուր Խաչատրյանը վերցրել է իրեն, իսկ մնացածը ինքը տարել է տուն իր օգտագործելու համար: Հափշտակված գանձատուփերի մեջ իրենք հայտնաբերել են 340.000 ՀՀ դրամ գումար 100,200 և 500 ՀՀ դրամ կոպեկներով և թղթադրամաներով, որոնք հավասար բաժանել են միմյանց միջև ու ծախսել են իրենց կարիքների համար:
Դրանից հետո 2010թ. հունիսի յոթին կամ ութին ինքը ու Արթուր Խաչատրյանը ժամը գիշերվա 03:00-ի սահմաններում գողություն կատարելու նպատակով իր կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Կոմիտասի պողոտայի 36բ. շենք և տեսնելով, որ դրա վրա առկա է բարձրացող գազի խողովակ, որով հնարավոր է մուտք գործել երկրորդ հարկի բնակարան, որոշել են այդ շենքի երկրորդ հարկի թիվ 32 բնակարանից կատարել գողություն: Դրանից հետո ընտրել են շենքի հետնամասի աջակողմյան հատվածի բնակարանի մոսկովյան արտադրության, առանց ճաղավանդակի պատուհանը և դրանով կողմնորոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ներս է մտել նշված շենքի շքամուտք բարձրացել է երկրորդ հարկ և թակել է երկրորդ հարկաբաժնի նշված բնակարանի դուռը ու համոզվելով, որ տանը մարդ չկա վերադարձել է: Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ որոշել են, որ կսպասի դրսում անվտանգությունը հսկելու և գողացված իրերը իջեցնելիս իրեն օգնելու համար, իսկ ինքը գազի խողովակի օգնությամբ բարձրացել է պատուհանի մոտ և իր հետ նախապես վերցրած պտուտակահանով կոտրել է պատուհանի ապակին և ձեռքը ներս մտցնելով բացել է այն: Այնուհետև ներս է մտել նշված բնակարան և զննելով այն հայտնաբերել է, որ բնակարանում գողանալու համար առկա է մեկ հատ արտասահմանյան արտադրության հեռուստացույց, որը փաթաթել և կապել է նջասենյակի մահճակալի վրայից վերցրած երեք հատ սավաններով ու դրանք պարանի տեղ օգտագործելով վերը նշված իրերը պատուհանից իջեցրել է դուրս: Արթուր Խաչատրյանը հեռուստացույցը վերցնելով տարել և տեղավորել է նշված ավտոմեքենայի մեջ: Հափշտակված հեռուստացույցը 15.000 ՀՀ դրամով վաճառել է Երևան քաղաքի Վերնիսաժ կոչվող շուկայում, իրեն անծանոթ մի տղամարդու, նրան չհայտնելով հեռուստացույցի գողացված լինելու հանգամանքի մասին:
Դրանից հետո 2010թ. մայիս ամսի վերջերին ժամը գիշերվա 03:00-ի սահմաններում գողություն կատարելու նպատակով իր կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Քանաքեռ-Զեյթուն համայնքում գտնվող Ռուբինյանց 23 շենքի մոտ և տեսնելով, որ դրա վրա առկա է բարձրացող գազի խողովակ, որով հնարավոր է մուտք գործել երկրորդ հարկի թիվ 1 բնակարան, որոշել են այդ շենքի երկրորդ հարկի թիվ 1 բնակարանից կատարել գողություն: Դրանից հետո ընտրել են շենքի ձախակողմյան հատվածի բնակարանի եվրո արտադրության, առանց ճաղավանդակի պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով ինքը ներս է մտել նշված շենքի շքամուտք բարձրացել է երկրորդ հարկ և թակել է երկրորդ հարկաբաժնի նշված բնակարանների դուռը ու համոզվելով, որ տանը մարդ չկա վերադարձել է: Քանի որ Արթուր Խաչատրյանը ծանրամարմին էր ու չէր կարող գազի խողովակով բարձրանալ որոշել են, որ նա կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ ինքը գազի խողովակի օգնությամբ բարձրացել է պատուհանի մոտ և իր հետ նախապես վերցրած պտուտակահանը մտցնելով պատուհանի փեղկի արանքը ճնշում գործադրելով բացել է այն: Այնուհետև ներս է մտել նշված բնակարան և զննելով այն հայտնաբերել է, որ բնակարանում գողանալու համար առկա են մեկ հատ ՙDVD՚ տեսաձայնագրիչ, մեկ հատ տնային կինոթատրոն իր չորս ձայնասփյուռներով, ՙԼG՚ ֆիրմայի հարթ էկրանով մեծ հեռուստացույց, կանացի բիժուտերիա և այլ իրեր, որոնք չեմ կարող հիշել ու թվարկել: Ննջասենյակի մահճակալի վրայից վերցրել է երեք հատ սավաններ, որոնցից մեկի մեջ փաթաթելով կապել է հեռուստացույցը իսկ մյուս երկու սավաններով կապել է դրա կանթերը և դրանք պարանի տեղ օգտագործելով վերը նշված իրերը պատուհանից իջեցրել է դուրս: Այնուհետև նույն եղանակով բնակարանից դուրս է հանել մնացած իրերը և Արթուր Խաչատրյանը հեռուստացույցը և մնացած իրերը վերցնելով տարել և տեղավորել է նշված ավտոմեքենայի մեջ: Հափշտակված հեռուստացույցը Արթուր Խաչատրյանը 500 ԱՄՆ դոլարով վաճառել է իրեն անծանոթ մեկին, իսկ դիվիդին ու մնացած իրերը մասամբ վաճառել է Երևան քաղաքի Վերնիսաժ կոչվող շուկայում, իսկ մասամբ էլ մնացել է իր տանը: Հափշտակված հեռուստացույցի և թվարկված մյուս իրերի վաճառքից ստացված գումարը, որի ընդհանուր չափը չի կարող հիշել, ինքը ու Արթուր Խաչատրյանը հավասար բաժանել են միմյանց միջև և ծախսել են իրենց կարիքների համար:
Ամբաստանյալ Արթուր Ռուսլանի Խաչատրյանը առաջադրված մեղադրանքում իրեն մեղավոր չի ճանաչել և հրաժարվել է նախաքննական ցուցմունքներից` նշելով, որ ինքը գողություն չի կատարել և որևէ կերպ չի առնչվել նշված գողությունների հետ, միայն մեկ անգամ, հափշտակության ժամանակ նա գտնվել է մեքենայի մեջ, սակայն չի գիտակցել թե ինչ է կատարվում շուրջը, քանի որ այդ երեկո եղել է ալկոհոլի ազդեցության տակ և հափշտակության պահին քնած է եղել մեքենայում:
ՀՀ Վերաքննիչ քրեական դատարանն ամբաստանյալ Արթուր Խաչատրյանի նախաքննության ընթացքում տված ցուցմունքները համադրելով քրեական գործով ձեռք բերված և ստորև շարադրվող ապացույցների հետ, համարում է անարժանահավատ, մտացածին, որը չի համապատասխանում իրականությանը և նպատակ է հետապնդում խուսափել ՀՀ քրեական օրենսգրքի 177-րդ հոդվածի 3-րդ մասի 1-ին կետով նախատեսված քրեական պատասխանատվությունից և պատժից, որը հիմնավորվում է ներքոհիշյալ ապացույցներով.
Նախաքննության փուլում Արթուր Խաչատրյանը ցուցմունք է տվել այն մասին, որ մանկուց ճանաչել է Հարություն Խաչիկի Դանիելյանին: 2010թ. ապրիլ ամսին հանդիպել է նրա հետ և զրույցի ընթացքում միմյանց պատմել են, որ գտնվում են սոցիալական ծանր վիճակում, ու չեն կարողանում հոգալ իրենց ընտանիքների հոգսերը: Այդ զրույցից հետո որոշել են կատարել գողություններ:
Դրանից հետո ինքը և Հարություն Դանիելյանը 2010թ. ապրիլ ամսվա վերջերին ժամը 03:00-ի սահմաններում գողություն կատարելու նպատակով վերջինիս կողմից վարվող ՙԴամա՚ տաքսի ծառայությանը պատկանող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Փափազյան փողոցի 29-րդ շենք, և տեսնելով, որ առկա է բարձրացող գազի խողովակ, որով հնարավոր է մուտք գործել երկրորդ հարկի բնակարան, որոշել են կատարել գողություն: Դրանից հետո ընտրել են շենքի աջակողմյան հատվածի թիվ 6 բնակարանի եվրո արտադրության, առանց ճաղավանդակի պատուհանը և դրանով կողմնոշվել են բնակարանի տեղակայումը ու բնակարանում մարդ լինելու հանգամանքը ստուգելու նպատակով Հարություն Դանիելյանը ներս է մտել նշված շենքի շքամուտք և համոզվելով, որ տանը մարդ չկա վերադարձել: Քանի որ ինքը ծանրամարմին էր ու չէր կարող գազի խողովակով բարձրանալ, նրանք որոշել են, որ ինքը կսպասի դրսում անվտանգությունը հսկելու և գողացված իրերը իջեցնելու համար, իսկ Հարություն Դանիելյանը գազի խողովակի օգնությամբ բարձրացել է պատուհանին և իր հետ նախապես վերցրած պտուտակահանը մտցնելով պատուհանի փեղկի մեջ, ճնշում գործադրելով, բացել է այն:Այնուհետև ներս է մտել նշված բնակարան և քիչ անց սավանի մեջ կապած ներքև է իջեցրել ճամպրուկ, կոնյակներ,խաղալիք և այլ իրեր,իսկ ինքը, դրանք վերցնելով, տարել և տեղավորել է նշված ավտոմեքենայի մեջ: Հաջորդ օրը բացելով ճամպրուկը իրենք դրա մեջ եղած իրերից հաշվել են մոտ 13 հատ տղամարդու վերնաշապիկներ և անկողնային պարագաներ` սավաններ, բարձի և վերմակի ծածկոցներ: Հափշտակված նշված ապրանքները Հարություն Դանիելյանը 7.000 ՀՀ դրամով վաճառել է Երևան քաղաքի ՙվերնիսաժ՚ կոչվող շուկայում իրեն անծանոթ տարբեր մարդկանց: Վաճառքից ստացված 7.000 ՀՀ դրամ գումարը բաժանել են միմյանց միջև և ծախսել անձնական կարիքների համար:
Այնուհետև, կրկին գողություն կատարելու նպատակով 2010թ. մայիսի սկզբին, ժամը 03:00-ի սահմաններում Հարություն Դանիելյանի կողմից վարվող ՙReno՚ մակնիշի Տ 5197 պետհամարանիշի ավտոմեքենայով Հարություն Դանիելյանի հետ միասին գնացել են Երևան քաղաքի Փափազյան փողոցի 27 շենք և որոշել են դարձյալ, նույն եղանակով կատարել գողություն:Հարություն Դանիելյանը գազի խողովակի օգնությամբ բարձրացել է պատուհանին և իր հետ նախապես վերցրած պտուտակահանը մտցնելով պատուհանի փեղկի մեջ ճնշում գործադրելով բացել է այն և մուտք գործել բնակարան, սակայն Դանիելյանը վերադառնալով հայտնել է, որ գողանալու համար իրեր չկան:
Նույն օրը, կրկին գողություն կատարելու նպատակով ժամը 04:00-ի սահմաններումԴանիելյանի հետ գնացել են Երևան քաղաքի Ա.Խաչատրյան փողոցի թիվ 17 շենքի մոտ, դարձյալ գազի խողովակի վրա բարձրանալու միջոցով նա մուտք է գործել թիվ 77 բնակարան և քիչ անց, դուրս գալով բնակարանից, հայտնել է որ այնտեղ գողանալու համար ապրանքներ չկան:
Դրանից հետո 2010թ. մայիս ամսի վերջերին ժամը 03:00-ի սահմաններում գողություն կատարելու նպատակով Հարություն Դանիելյանի կողմից վարվող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Քանաքեռ-Զեյթուն համայնքի Դրոյի փ. 14/2 հասցեում գտնվող շենքի մոտ և տեսնելով, որ դրա առաջին հարկը ավելացրած մաս ունի ու դրա տանիքով հնարավոր է մուտք գործել երկրորդ հարկի թիվ 21 բնակարան, որոշել են այդ շենքի երկրորդ հարկի նշված բնակարանից կատարել գողություն:Համոզվելով,որ բնակարանում մարդ չկա որոշել են,որ ինքը կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ Հարություն Դանիելյանը գազի խողովակի օգնությամբ բարձրացել է պատուհանի մոտ և իր հետ նախապես վերցրած երկաթյա լինգով,քաշել պոկելու միջոցով տեղահան է արել ճաղավանդակի մի մասը այնպես, որ հնարավոր լիներ անցնել և իր հետ վրցրած պտուտակահանը մտցնելով պատուհանի փեղկի մեջ, ճնշում գործադրելով, բացել է այն: Այնուհետև ներս է մտել նշված բնակարան և քիչ անց ,սավանի մեջ փաթաթված, պատուհանից ներքև է իջեցրել երկու հատ գնդակի և ջրամանի տեսքով գանձատուփեր, մեկ հատ համակարգիչ իր մոնիտորով և այլ աքսեսուարներով, մեկ հատ ՙDVD՚ տեսաձայնագրիչ, թվային տեսախցիկ, ֆոտոխցիկներ, երկու հատ ՙSony Ericsson՚ և ՙVoxtel՚ ապրանքանիշերի բջջային հեռախոսներ, կանացի և տղամարդու օծանելիքներ: Հափշտակված ապրանքներից ՙDVD՚ տեսաձայնագրիչը,ՙVoxtel՚ ապրանքանիշի բջջային հեռախոսը և օծանելիքները ինքը վերցրել է իրեն, իսկ մնացածը Հարություն Դանիելյանը տարել է իրենց տուն: Հափշտակված գանձատուփերի մեջ իրենք հայտնաբերել են 340.000 ՀՀ դրամ գումար 200 և 500 ՀՀ դրամ կոպեկներով և թղթադրամաներով, որոնք հավասար բաժանել են միմյանց միջև ու ծախսել են իրենց կարիքների համար:
Դրանից հետո 2010թ. հունիսի յոթին կամ ութին Հարություն Դանիելյանի հետ միասին ժամը 03:00-ի սահմաններում գողություն կատարելու նպատակով Հարություն Դանիելյանի կողմից վարվող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Կոմիտասի պողոտայի 36բ շենք, ուսումնասիրելով շենքը, որոշել են այդ շենքի երկրորդ հարկի թիվ 32 բնակարանից կատարել գողություն: Համոզվելով, որ տանը մարդ չկա կրկին որոշել են, որ ինքը կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ Հարություն Դանիելյանը գազի խողովակի օգնությամբ բարձրացել է պատուհանին և իր հետ նախապես վերցրած պտուտակահանով կոտրել է պատուհանի ապակին և ձեռքը ներս մտցնելով բացել է այն: Այնուհետև ներս է մտել նշված բնակարան և քիչ անց, սավանի մեջ փաթաթված պատուհանից իջեցրել է մեկ հատ արտասահմանյան արտադրության հեռուստացույց, իսկ ինքը հեռուստացույցը վերցնելով, տարել և տեղավորել է նշված ավտոմեքենայի մեջ: Հափշտակված հեռուստացույցը Հարություն Դանիելյանը վաճառել է Երևան քաղաքի ՙՎերնիսաժ՚ կոչվող շուկայում:
Դրանից հետո 2010թ. մայիս ամսի վերջերին ժամը 03:00-ի սահմաններում գողություն կատարելու նպատակով Հարություն Դանիելյանի կողմից վարվող ՙReno՚ մակնիշի Տ 5197 պետհամարանիշի ավտոմեքենայով գնացել են Երևան քաղաքի Քանաքեռ-Զեյթուն համայնքում գտնվող Ռուբինյանց 23 շենքի մոտ և որոշել են այդ շենքի երկրորդ հարկի թիվ 1 բնակարանից կատարել գողություն:Համոզվելով, որ տանը մարդ չկա , որոշել են, որ ինքը կսպասի դրսում անվտանգությունը հսկելու և գողացված իրերը իջեցնելիս օգնելու համար, իսկ Հարություն Դանիելյանը գազի խողովակի օգնությամբ բարձրացել է պատուհանի մոտ և իր հետ նախապես վերցրած պտուտակահանը մտցնելով պատուհանի փեղկի մեջ, ճնշում գործադրելով բացել է այն: Այնուհետև ներս է մտել նշված բնակարան և քիչ անց սավանի մեջ փաթաթված պատուհանից իջեցրել է մեկ հատ ՙDVD՚ տեսաձայնագրիչ, մեկ հատ տնային կինոթատրոն իր չորս ձայնասփյուռներով, ՙLG՚ ապրանքանիշի հարթ էկրանով մեծ հեռուստացույց, կանացի արդուզարդ ու այլ իրեր և ինքը նշված իրերը տարել և տեղավորել է մեքենայի մեջ:
Հափշտակված հեռուստացույցը 500 ԱՄՆ դոլարով վաճառել է իր ծանոթ, իրենց թաղամասի բնակիչ Տիգրանին և այդ գումարը հավասարաչափ բաժանել են միմյանց միջև, իսկ ՙDVD՚ տեսաձայնագրիչը ու մնացած իրերը Հարություն Դանիելյանը տարելէ իրենց տուն:
Գործով հավաքված ապացույցները ենթարկելով բազմակողմանի և օբյեկտիվ ստուգման` ձեռք բերված յուրաքանչյուր ապացույցի վերլուծության, դրանք այլ ապացույցների հետ համադրելու և ապացույցների ձեռքբերման աղբյուրներն ստուգելու միջոցով, Վերաքննիչ քրեական դատարանը հանգում է այն հետևության, որ հանցանք գործելու մեջ ամբաստանյալների մեղավորությունը հաստատվել է գործին վերաբերող փոխկապակցված հավաստի ապացույցների բավարար ամբողջությամբ և նրանց մեղսագրված արարքներին քրեաիրավական ճիշտ գնահատական է տրվել, որը հիմնավորվում է նախաքննությամբ և դատաքննությամբ հետազոտված ներքոհիշյալ ապացույցներով.
Տուժող Նունե Լադոյի Գրիգորյանի նախաքննական ցուցմունքներով այն մասին, որ նա 1995 թվականին գնել է Երևան քաղաքի Փափազյան փողոցի 29 շենքի 6-րդ բնակարանը, սակայն մինչ օրս այդ բնակարանում որևէ մեկը չի բնակվում: Գրեթե ամեն օր այցելել է նշված բնակարան: 2010թ. մայիսի կեսերին հերթական անգամ գնացել է նշված բնակարան բացել է դուռը և ներս մտնելով տեսել է, որ այն խառնած և թափթփված վիճակում է, իսկ բնակարանի պատշգամբի պատուհանը գտնվում էր բաց վիճակում, վնասված հետքերով: Զննելով բնակարանը տեսել է, որ այնտեղից բացակայում են տարբեր տեսակի իրեր` մեկ հատ ՙՆաիրի՚ տեսակի հինգ լիտրանոց տարայով կոնյակ, որը գնահատել է 150.000 ՀՀ դրամ, յոթ շիշ ՙՆաիրի՚ տեսակի կոնյակներ, երկու շիշ ՙԶոլոտոյե կոլցո՚ տեսակի օղիներ, մեկ շիշ վիսկի, տղամարդու 13 հատ տարբեր տեսակի վերնաշապիկներ, մեկ հատ կանացի պայուսակ, մեկ կոմպլեկտ արծաթագույն զարդեր, պայուսակ և այլն: Կատարված հանցագործությամբ պատճառվել է ընդամենը` 676.000 ՀՀ դրամ նյութական վնաս: Ոստիկանությունում տեղեկացել է, որ իր բնակարանից նշված գողությունը կատարել են Երևան քաղաքի բնակիչներ Արթուր Ռուսլանի Խաչատրյանը և Հարություն Խաչիկի Դանիելյանը:
Տուժող Արմենուհի Աշոտի Մարտիրոսյանի նախաքննական ցուցմունքով այն մասին, որ Երևան քաղաքի Ա.Խաչատրյան փ. թիվ 17 շենքի 77 բնակարանը պատկանում է իրեն, սակայն իր ընտանիքի անդամների հետ միասին բնակվում է Երևան քաղաքի Դավիթաշեն 2-րդ թաղամասի 2-րդ շենքի 5-րդ բնակարանում: Երբեմն այցելել է Երևան քաղաքի Ա.Խաչատրյան փողոցի 17 շենքի իր նշված թիվ 77 բնակարանը: 2010թ. մայիսի սկզբներին հերթական անգամ գնացել է այնտեղ և տեսել է, որ պատշգամբի պատուհանը գտնվում է բաց վիճակում, սկզբում խիստ զարմացել է, սակայն հետո մտածել է, որ հնարավոր է, որ ինքն է բաց թողել: 2010թ. հունիսի 14-ին ոստիկանության Արաբկիրի բաժնից տեղեկացել է, որ նշված ժամանակահատվածում իր բնակարանից փորձել են գողություն կատարել և ինքը կատարված հանցագործության մասին հաղորդում է ներկայացրել: Ոստիկանությունում տեղեկացել է, որ Երևան քաղաքի Ա.Խաչատրյան փողոցի 17 շենքի ինձ պատկանող թիվ 77 բնակարանից գողություն փորձել են կատարել Երևան քաղաքի բնակիչներ Հարություն Խաչիկի Դանիելյանը և Արթուր Ռուսլանի Խաչատրյանը:
Տուժող Հերմինե Վենետիկի Մարգարյանի նախաքննական ցուցմուքնով այն մասին, որ Երևան քաղաքի Ռուբինյանց 23 շենքի թիվ 1 բնակարանը պատկանում է իրեն: 2010թ. մայիսի 5-ին աշխատանքից հետո գնացել է Կոտայքի մարզի Աբովյան քաղաք ծնողներին տեսակցելու և գիշերել է այնտեղ: Հաջորդ օրը 2010թ. մայիսի 6-ին առավոտյան վերադարձել է տուն և տեսել, որ բնակարանը գտնվում է խառնված ու թափթփված վիճակում: Զննելով բնակարանը տեսել է, որ այնտեղից գողացվել է մեկ հատ ՙLG՚ ֆիրմայի հեռուստացույց, մեկ հատ ՙPanasonic՚ ֆիրմայի տնային կինոթատրոն իր երկու հատ մեծ և չորս հատ փոքր ձայնասփյուռներով, մեկ հատ արծաթե մետաղադրամ, մեկ հատ կանացի ժամացույց, ոսկեղեն և այլ ապրանքներ: Կատարված հանցագործությամբ իրեն պատճառվել է 966.000 ՀՀ դրամի նյութական վնաս: Ոստիկանությունում տեղեկացել է, որ իր բնակարանից գողությունը կատարել են Երևան քաղաքի բնակիչներ Հարություն Խաչիկի Դանիելյանը և Արթուր Ռուսլանի Խաչատրյանը:
Տուժող Վարդան Խաջեի Մելքոնի նախաքննական ցուցմունքով այն մասին, որ նա Բնակվում է ԻԻՀ Թեհրան քաղաքում: 2007թ. գնել է Երևան քաղաքի Կոմիտաս 36բ շենքի 32 բնակարանը, որտեղ ոչ ոք չի բնակվում: 2010թ. Մարտի 31-ին ընտանիքով հերթական անգամ մեկնել են Պարսկաստան: 2010թ. հունիսի 16-ին ՀՀ ոստիկանությունից զանգահարել և հայտնել են, որ իր վերը նշված բնակարանից գողություն է կատարվել: Դրանից հետո 2010թ. հունիսի 24-ին վերադարձել է Հայաստանի Հանրապետություն, պարզել է, որ այնտեղ ամեն ինչ գտնվում է խառնված ու թափթփված, իսկ պատշգամբի պատուհանի ապակին կոտրված և փեղկը բաց վիճակում: Այնուհետև զննելով բնակարանը հայտնաբերել է, որ այնտեղից գողացվել է մեկ հատ ՙGVC՚ ֆիրմայի հեռուստացույցը և տնային ալեհավաքը, հանցագործության հետևանքով իրեն պատճառվել է 200.000 ՀՀ դրամի նյութական վնաս: Ոստիկանության Արաբկիրի բաժնում տեղեկացել է, որ իր բնակարանից գողությունը կատարել են Երևան քաղաքի բնակիչներ Արթուր Ռուսլանի Խաչատրյանը և Հարություն Խաչիկի Դանիելյանը:
Տուժող Պետրոս Գևորգի Թոմբուլյանի նախաքննական ցուցմունքով այն մասին, որ Երևան քաղաքի Փափազյան փողոցի թիվ 27 շենքի 4-րդ բնակարանը պատկանում է իրեն, սակայն իր ընտանիքի անդամների հետ բնակվում է Երևան քաղաքի Արաբկիր 38 փողոցի 2/1 տանը: Երբեմն, երբեմն այցելում է Երևան քաղաքի Փափազյան փողոցի 27 շենքի իր նշված թիվ 4-րդ բնակարանը ստուգելու, քանի որ այնտեղ ոչ ոք չի բնակվում: 2010թ. մայիսի սկզբներին հերթական անգամ գնացել է իր բնակարան և տեսել է, որ պատշգամբի պատուհանը գտնվում է բաց վիճակում սկզբում խիստ զարմացել է, սակայն հետո մտածել է, որ հնարավոր է ինքն է բաց թողել: 2010թ. հունիսի 14-ին ոստիկանության Արաբկիրի բաժնից տեղեկացել է, որ նշված ժամանակահատվածում իր բնակարանից փորձել են գողություն կատարել և կատարված հանցագործության մասին հաղորդում է տվել: Իր բնակարանից ոչինչ չի գողացվել, այնտեղ արժեքավոր որևէ իր չի եղել: Ոստիկանությունում տեղեկացել է, որ Երևան քաղաքի Փափազյան փողոցի 27 շենքի իրեն պատկանող թիվ 4-րդ բնակարանից գողություն փորձել են կատարել Երևան քաղաքի բնակիչներ Հարություն Խաչիկի Դանիելյանը և Արթուր Ռուսլանի Խաչատրյանը:
Տուժող Արմեն Արմենակի Վահրամյանի ցուցմունքով այն մասին, որ Երևան քաղաքի Դրոյի 14/2 շենքի թիվ 21 բնակարանը պատկանում է իրեն:Երբ 2010թ. մայիսի 31-ին վերադարձել է տուն տեսել է, որ բնակարանի պատուհանի ճաղավանդակը պոկված է, իսկ բնակարանը գտնվում է խառնած ու թափթփված վիճակում:Զննելով այն տեսել է, որ բնակարանից հափշտակվել է, տարբեր տեսակի տղամարդու և կանացի օծանելիքներ,կանացի զարդեր, համակարգիչ իր մոնիտորով և այլ աքսեսուարներով, բջջային հեռախոսներ,ՙDVD՚ նվագարկիչ, երկու ֆոտոխցիկներ, տեսախցիկ, 2.000.000 ՀՀ դրամ կանխիկ գումար և այլ իրեր: Կատարված հանցագործությամբ իրեն պատճառվել է ընդհամենը` 4.464.000 ՀՀ դրամ նյութական վնաս: Ոստիկանությունից ինքը տեղեկացել է, որ իր բնակարանից գողությունը կատարել են Երևան քաղաքի բնակիչներ Հարություն Խաչիկի Դանիելյանը և Արթուր Ռուսլանի Խաչատրյանը: Բացի այդ մասնակցել է կատարված քննչական փորձարարությանը և հստակ տեսել է, թե Հ.Դանիելյանը և Ա.Խաչատրյանը ինչպես են մատնացույց անում իր բնակարանը և բնակարանի այն հատվածները որտեղից կատարել են գողությունը:
Վկա Տիգրան Արմենի Պետրոսյանի նախաքննական ցուցմունքով այն մասին, որ 2010թ. մայիսի կեսերին նա գտնվել է իրենց շենքի բակում, երբ տեսել է, որ մի երիտասարդ տղամարդ ՙLG՚ ֆիրմայի հեռուստացույց է գրկած տանում: Իր հարցին, թե ուր է տանում նշված հեռուստացույցը, այդ տղամարդը պատասխանել է, որ դա իր տան հեռուստացույցն է և տանում է գրավադրելու: Ինքը մոտեցել է այդ տղամարդուն զննել է հեռուսատցույցը և նրան առաջարկել է վաճառել ու պայմանավորվել են, որ հեռուստացույցի դիմաց կվճարի 500 ԱՄՆ դոլլար: Հեռուստացույցը իրեն վաճառած տղամարդը ներկայացրել է նաև հեռուստացույցի փաստաթղթերը և իր մոտ այլևս կասկած չի առաջացել, որ այն կարող է գողացված լինել:
Քննչական փորձարարությունների ընթացքում մեղադրյալներ Հարություն Խաչիկի Դանիելյանը և Արթուր Ռուսլանի Խաչատրյանը մատնացույց են արել Երևան քաղաքի այն բնակարանները, որտեղից կատարել են գողություններ և դրանց վերաբերյալ կատարել են հայտարարություններ:
Երևան քաղաքի Դրոյի փողոցի 14/2 շենքի թիվ 21 բնակարանի և Ռուբինյանց 23 շենքի թիվ 1 բնակարաններից կատարված գողությունների դեպքի առթիվ կատարված դեպքի վայրի զննման արձանագրություններով:
Հափշտակված ՙPentium 4՚ համակարգիչը իր մոնիտորով և այլ աքսեսուարներով, ՙSony Ericsson՚ և ՙVoxtel՚ ֆիրմայի բջջային հեռախոսները, ՙAzzaro՚ ապրանքանիշի օծանելիքը, տուժող Արմեն Վահրամյանին, իսկ ՙLG՚ ֆիրմայի հեռուստացույցը և ոսկեգույն կանացի թևնոցը տուժող Հերմինե Մարգարյանին ճանաչման ներկայացնելու քննչական գործողության արձանագրությամբ, այն մասին, որ Ա.Վահրամյանը և Հ.Մարգարյանը ճանաչել են նշված իրերը և դրա վերաբերյալ կատարել են հայտարարություններ:
Գործով իրեղեն ապացույց ճանաչված հափշտակված ՙՊենտիում-4՚ համակարգիչով, համակարգչային մոնիտորով և ստեղնաշարով, Սոնի-Էրիքսոն և Վոքստել ֆիրմայի բջջային հեռախոսները, ՙAzzaro՚ ֆիրմայի օծանելիքը, ՙLG՚ ֆիրմայի հեռուստացույցով և դրա փաստաթղթերով և ոսկեգույն կանացի թևնոցով:
Դատաապրանքագիտական և դատանյութագիտական համալիր փորձաքննության թիվ 24381004 եզրակացությամբ:
Արթուր Ռուսլանի Խաչատրյանի և Հարություն Խաչիկի Դանիելյանի կողմից հափշտակված իրերը ներկայացնելու արձանագրություններով:
Հարություն Խաչիկի Դանիելյանին և Արթուր Ռուսլանի Խաչատրյանին գողություն կատարելու կասկածանքով բերման և նրանց անձնական խուզարկության ենթարկելու արձանագրություններով:
Քննության առնելով ամբաստանյալներ` Արթուր Ռուսլանի Խաչատրյանի և Հարություն Խաչիկի Դանիելյանի նկատմամբ նշանակված պատժի հարցը, Վերաքննիչ քրեական դատարանը գտնում է, որ ընդհանուր իրավասության դատարանն ամբաստանյալներից յուրաքանչյուրի նկատմամբ պատիժ նշանակելիս, պատժի տեսակը և չափը որոշելիս պահպանել է ՀՀ քր. օր.-ի 61հդ.-ով նախատեսված պատիժ նշանակելու ընդհանուր սկզբունքները, հաշվի է առել հանցագործության` հանրության համար վտանգավորության աստիճանը և բնույթը, հանցավորների անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները, նշանակել է համաչափ պատիժ, որի միջոցով հնարավոր է հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, այն է` սոցիալական արդարության վերականգնմանը, պատժի ենթարկված անձանց ուղղմանը և հանցագործությունների կանխմանը: Այն բխում է նաև ՀՀ քրեական օրենսգրքի 10-րդ հոդվածով սահմանված արդարության և պատասխանատվության անհատականացման սկզբունքից :
Քննության առնելով վերը նշված բոլոր հանգամանքներն իրենց համակցության մեջ, ՀՀ Վերաքննիչ քրեական դատարանը հանգում է այն հետևության, որ ՀՀ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011 թվականի մարտի 14-ին դատավճիռը քրեական գործով ըստ մեղադրանքի` Հարություն Խաչիկի Դանիելյանի ՀՀ քրեական օրենսգրքի 177-րդ հոդվածի 3-րդ մասի 1-ին կետով և Արթուր Ռուսլանի Խաչատրյանի ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով, օրինական է, հիմնավորված, պատճառաբանված և այն փոփոխելու կամ բեկանելու հիմքեր չկան, հետևաբար ամբաստանյալների վերաքննիչ բողոքները պետք է մերժել, ընդհանուր իրավասության դատարանի դատավճիռը թողնելով օրինական ուժի մեջ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-րդ, 394-րդ, 402-րդ, 418-րդ հոդվածներով, ՀՀ Վերաքննիչ քրեական դատարանը

Ո Ր Ո Շ Ե Ց

Ամբաստանյալների վերաքննիչ բողոքները մերժել:
Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի 2011 թվականի մարտի 14-ի դատավճիռը քրեական գործով ըստ մեղադրանքի` Հարություն Խաչիկի Դանիելյանի ՀՀ քրեական օրենսգրքի 177-րդ հոդվածի 3-րդ մասի 1-ին կետով և Արթուր Ռուսլանի Խաչատրյանի ՀՀ քրեական օրենսգրքի 177-րդ հոդվածի 3-րդ մասի 1-ին և 3-րդ կետերով, թողնել օրինական ուժի մեջ:
Որոշումը կարող է բողոքարկվել ՀՀ Վճռաբեկ դատարան` հրապարակման պահից մեկամսյա ժամկետում:



ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ


ՆԱԽԱԳԱՀՈՂ ԴԱՏԱՎՈՐ` Ա. ՀՈՎՀԱՆՆԻՍՅԱՆ