գործ N ԵԱՔԴ/0137/01/10

Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ.Ավետիսյան
դատական նիստերի քարտուղար Ե.Կարապետյան
մեղադրող Ա.Գասպարյան
պաշտպան Ա.Հարությունյան

2010թ. նոյեմբերի 10-ին, Երևան քաղաքում, դռնբաց դատական նիստում, արագացված դատաքննության կարգով, քննեց քրեական գործն ըստ մեղադրանքի Արմեն Արամի Նալբանդյանի, ծնված 18.09.1990թ., Ալավերդի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, ՀՀ ՊՆ 31549 զորամասի ժամկետային զինծառայող, շարքային, հաշվառված և բնակվել է Լոռու մարզի Օձուն գյուղի 4-րդ փողոցի թիվ 55 տանը, մեղադրվում է ՀՀ քրեական օրենսգրքի 361 հոդվածի 1-ին մասով, խափանման միջոց է ընտրվել հրամանատարության հսկողության հանձնելը,

Պ Ա Ր Զ Ե Ց
1.Գործի դատավարական նախապատմությունը.
2010թ. օգոստոսի 21-ին ՀՀ ՊՆ քննչական ծառայության 4-րդ կայազորային քննչական բաժնում ՀՀ քրեական օրենսգրքի 361 հոդվածի 1-ին մասի հատկանիշներով հարուցվել է թիվ 90263110 քրեական գործը:
2010թ. սեպտեմբերի 03-ին Արմեն Արամի Նալբանդյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 361 հոդվածի 1-ին մասով:
2010թ. սեպտեմբերի 04-ին Արմեն Արամի Նալբանդյանի նկատմամբ որպես խափանման միջոց ընտրվել է զորամասի հրամանատարության հսկողության հանձնելը:
2010թ. սեպտեմբերի 23-ին թիվ 90263110 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարան:
2.Գործի փաստական հանգամանքները.
Նախաքննության մարմինն ամբաստանյալ Արմեն Արամի Նալբանդյանին մեղադրանք է առաջադրել հետևյալ արարքի համար.
Արմեն Արամի Նալբանդյանը հանդիսանալով ՀՀ ՊՆ 31549 զորամասի 2-րդ գումարտակի 3-րդ վաշտի 4-րդ դասակի ժամկետային զինծառայող, կոչումով շարքային 16.07.2010թ. ժամը 1720-ից մինչև 19.07.2010թ. 1900-ն երեք օրից ավելի, բայց մեկ ամսից ոչ ավելի տևողությամբ, այնուհետև 18.08.2010թ. ժամը 2230-ից մինչև 22.08.2010թ. ժամը 2300-ն կրկին երեք օրից ավելի, բայց մեկ ամսից ոչ ավելի տևողությամբ ինքնակամ թողել է զորամասը:
3. Արագացված դատական քննություն .
Մինչև դատաքննությունն սկսելն ամբաստանյալ Արմեն Նալբանդյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է իրեն առաջադրված մեղադրանքի հետ, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացրել է կամավոր` պաշտպանի հետ խորհրդակցելուց հետո: Միջնորդությունը հաստատել է նաև ամբաստանյալի պաշտպան Ա.Հարությունյանը:
Մեղադրող Ա.Գասպարյանը դատական քննության արագացված կարգ կիրառելուն չի առարկել:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննության անցկացնելու մասին:
4.Դատարանի իրավական վերլուծությունները.
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արմեն Արամի Նալբանդյանին առաջադրված մեղադրանքը ՀՀ քրեական օրենսգրքի 361 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 361 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ Արմեն Նալբանդյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը, ինչպես նաև հանցավորի անձը:
Որպես ամբաստանյալ Արմեն Նալբանդյանի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա հանցանքն ընդունել և զղջում է կատարածի համար, նախկինում դատված չի եղել:
Դատարանը գտնում է, որ որպես Արմեն Նալբանդյանի պատասխանատվությունն ու պատիժը ծանրացնող հանգամանք պետք է դիտել այն, որ զինվորական ծառայության կարգի դեմ ուղղված հանցանք կատարելով Արմեն Նալբանդյանը խախտել է զինվորական երդումը:
Կատարած արարքի համար ամբաստանյալ Արմեն Արամի Նալբանդյանը ենթակա է քրեական պատասխանատվության և պատժի:
Դատարանը, հաշվի առնելով Արմեն Նալբանդյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 361 հոդվածի 1-ին մասի սանկցիայով նախատեսված է պատիժ նաև կալանքի ձևով, գտնում է, որ նրա նկատմամբ պատիժ պետք է նշանակել կալանքի ձևով, որը նա պետք է կրի:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 3753 և 3754 հոդվածներով դատարանը

Վ Ճ Ռ Ե Ց

Արմեն Արամի Նալբանդյանին մեղավոր ճանաչել ՀՀ քրեական օրենսգրքի 361 հոդվածի 1-ին մասով և նրան դատապարտել կալանքի մեկ (1) ամիս ժամկետով:
Պատիժը պետք է կրի կայազորային կարգապահական մեկուսարանում:
Պատժի սկիզբը հաշվել նրան կալանավորելու օրվանից:
Արմեն Արամի Նալբանդյանի նկատմամբ ընտրված խափանման միջոցը` հրամանատարության հսկողության հանձնելը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում:
Դատավճիռը չի կարող բողոքարկվել ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ