Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների
ընդհանուր իրավասության առաջին ատյանի դատարանը

նախագահող դատավոր Լ. Ավետիսյան
դատական նիստերի քարտուղար Ե. Կարապետյան
մեղադրողներ Վ. Շահինյան, Ն. Մարգարյան
պաշտպան Ա. Լալայան
տուժողի իրավահաջորդ Ռ. Կուրղինյան

2011 թվականի ապրիլի 28-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի Արթուր Վաղինակի Նահապետյանի, ծնված 17.11.1973թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, գտնվում է փաստական ամուսնական հարաբերությունների մեջ, խնամքին մեկ անձ, նախկինում չդատված, չի աշխատել, հաշվառված և բնակվել է Երևան քաղաքի Անդրանիկի փողոցի 15 շենքի թիվ 52 բնակարանում, մեղադրվում է ՀՀ քրեական օրենսգրքի 104 հոդվածի 2-րդ մասի 2-րդ կետով և 235 հոդվածի 1-ին մասով, արգելանքի տակ է 2010 թվականի հուլիսի 18-ից,

Պ Ա Ր Զ Ե Ց

1.Գործի դատավարական նախապատմությունը.
2008թ. փետրվարի 21-ին ՀՀ ոստիկանության ՔԳՎ ՀԿԳ քննության վարչությունում ՀՀ քրեական օրենսգրքի 104 հոդվածի 1-ին մասով և 235 հոդվածի 1-ին մասով նախատեսված հանցագործության հատկանիշներով հարուցվել է թիվ 69101208 քրեական գործը:
2008թ. փետրվարի 28-ին Արթուր Վաղինակի Նահապետյանը ներգրավվել է որպես մեղադրյալ` ՀՀ քրեական օրենսգրքի 104 հոդվածի 1-ին մասով և 235 հոդվածի 1-ին մասով, որպես խափանման միջոց ընտրվել է կալանավորումը և նրա նկատմամբ հայտարարվել է հետախուզում:
2010թ. հուլիսի 18-ին Արթուր Վաղինակի Նահապետյանը հայտնաբերվել է:
2010թ. հուլիսի 19-ին Արթուր Վաղինակի Նահապետյանը ներկայացվել է ՀՀ ոստիկանության ՔԳՎ ՀԿԳ քննության վարչություն, նույն օրը նրան մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով և 235 հոդվածի 1-ին մասով, նրա նկատմամբ որպես խափանման միջոց ընտրված կալանավորումը վերահաստատվել է:
2010թ. օգոստոսի 31-ին թիվ 69101208 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան:
2010թ. նոյեմբերի 3-ին մեղադրողի որոշմամբ Արթուր Վաղինակի Նահապետյանին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 104 հոդվածի 2-րդ մասի 2-րդ կետով, 235 հոդվածի 1-ին մասով:
2.Գործի փաստական հանգամանքները.
Նախաքննության մարմինն ամբաստանյալ Արթուր Վաղինակի Նահապետյանին մեղադրանք է առաջադրել հետևյալ արարքի համար.
Արթուր Նահապետյանը, հասարակական պարտքի կատարման հետ կապված Ռոստոմ Մելքոնի Կուրղինյանին ապօրինաբար կյանքից զրկելու դիտավորությամբ 2008թ. փետրվարի 21-ին, ապօրինի կերպով կրելով հրազեն հանդիսացող ատրճանակ, հետապնդել է Կուրղինյանին և երբ վերջինս ժամը 2020-ի սահմաններում ցանկացել է մտնել իր քրոջ՝ Ռիմա Կուրղինյանի Երևան քաղաքի Մամիկոնյանց փողոցի 56Ա շենքի առաջին մուտքի երկրորդ հարկում գտնվող թիվ 5 բնակարան և գտնվել է բնակարանի միջանցքում, Արթուր Նահապետյանը, Ռ.Կուրղինյանի կնոջ՝ Մարիա Մարտինովայի ներկայությամբ, ուղղակի նշանառությամբ ատրճանակից երեք կրակոցներ արձակելով Ռոստոմ Կուրղինյանի վրա, սպանել է նրան և դեպքի վայրից դիմել փախուստի։
3.Ապացույցների հետազոտում.
Արթուր Նահապետյանն առաջադրված նոր մեղադրանքում` ՀՀ քրեական օրենսգրքի 104 հոդվածի 2-րդ մասի 2-րդ կետով իրեն մեղավոր չի ճանաչել և հայտնել է, որ իրեն մեղավոր է ճանաչում ՀՀ քրեական օրենսգրքի 104 հոդվածի 1-ին և 235 հոդվածի 1-ին մասերով: Հրաժարվելով ցուցմունք տալուց պնդել է նախնական քննության ընթացքում տված ցուցմունքը: Համաձայն այդ ցուցմունքի, 2007թ. վերջերին, գտնվելով ՌԴ Մոսկվա քաղաքում, տեղեկացել է, որ իր մորեղբոր՝ Գագիկ Բղդոյանի գործընկեր ՙՍինկրիստալ ԱՌ՚ ՓԲԸ-ի hամասեփականատեր Ռոստոմ Կուրղինյանի բողոքների արդյունքում Գ.Բղդոյանի նկատմամբ քրեական գործ է հարուցվել և նա կալանավորվել է: Չկարողանալով կապ հաստատել մորեղբոր հետ, ժամանել է Հայաստան: Որոշ ժամանակ սպասել է, սակայն երբ տեղեկացել է, որ մորեղբայրը դատարանի կողմից դատապարտվել է 4 տարի 6 ամիս ժամանակով ազատազրկման, որոշել է վրեժխնդիր լինել Ռ.Կուրղինյանից՝ սպանելով նրան։Իր հանցավոր նպատակին հասնելու համար, գործով չպարզված ոմն Վալերից, որի հետ ծանոթացել է Թուրքիայում, Երևան քաղաքում 3000 ԱՄՆ դոլարով գնել է չեխական արտադրության ատրճանակ, որի մեջ լիցքավորված են եղել 8 հատ փամփուշտներ։Հետաքրքրվել ու իմացել է, որ Ռ.Կուրղինյանր բնակվում է իր քրոջ բնակարանում, որը գտնվում է Երևան քաղաքի Մամիկոնյանց 56Ա շենքում, 1-ին մուտքի 2-րդ հարկում: Սպանության նպատակով մի քանի անգամ հետապնդել է Ռոստոմ Կուրղինյանին, սակայն քանի որ վերջինս միշտ այլ մարդկանց հետ է եղել, մարդաշատ վայրերում, ուստի չի իրագործել իր մտադրությունը։
2008թ. փետրվարի 21-ին, ժամը 1930-ի սահմաններում, Ռ.Կուրղինյանին սպանելու նպատակով գնացել է Երևան քաղաքի Մամիկոնյանց փողոցի 56Ա շենքի մոտ, մտել նույն շենքի 2-րդ շքամուտք և սպասել Ռ.Կուղինյանին։Որոշ ժամանակ անց տեսել է, որ Ռ.Կուրղինյանի քրոջ որդու սպիտակ գույնի ՙՆիվա՚ մակնիշի ավտոմեքենան մոտեցել է շենքի 1-ին շքամուտքին, որի աջ դռնից դուրս է եկել Ռ.Կուրղինյանը և մտել 1-ին շքամուտք։Նույն պահին ավտոմեքենան, որով եկել էր Ռ.Կուրղինյանը, դուրս է եկել շենքի բակից և հեռացել։Գրպանից հանելով ատրճանակն ու լիցքավորելով այն, ինքը վազքով մտել է շենքի 1-ին շքամուտք, աստիճաններով բարձրացել 2-րդ հարկ և տեսել, որ բնակարանի մուտքի դուռը բաց է, իսկ ներսում՝ դռան մոտ ռուսի արտաքինով մի կին է կանգնած: Ավելի խորքում՝ բնակարանի միջանցքում, կանգնած է եղել Ռ.Կուրդինյանը։Ատրճանակը Ռ.Կուրղինյանի ուղղությամբ պահած մոտեցել է դռանը, որպեսզի կրակի նրա վրա, սակայն նշված կինը մարմնով փակել է իր տեսադաշտը և թույլ չի տվել, որպեսզի ինքը նշան բռնի Կուրղինյանի վրա։Խույս տալով այդ կնոջից, մեկ անգամ կրակել է Ռ.Կուրղինյանի աջ ուսին, որից նա վայր է ընկել։Կինը կրկին խանգարել է իրեն, սակայն կրկին խույս տալով այդ կնոջից, ինքը կարողացել է ևս երկու կրակոց արձակել Ռ.Կուրղինյանի վրա: Տեսնելով, որ իր կրակած գնդակներից մեկը վնասել է Կուրղինյանի պարանոցը և հասկանալով, որ սպանել է նրան, անմիջապես դիմել է փախուստի։Աստիճաններով վազքով իջնելու ընթացքում տեսել է, որ նշված կինը հետապնդելով իրեն, աստիճաների վրա վայր է ընկել: Վազքով դուրս գալով շենքի շքամուտքից, շենքերի բակերով գնացել է մինչև Կոմիտասի պողոտա, պատահական տաքսի ավտոմեքենա է կանգնեցրել և դրանով հեռացել է դեպքի վայրից: ՙՍուրբ Սարգիս՚ եկեղեցու մոտ իջնելով տաքսի ավտոմեքենայից նշված զենքը և դրանում գտնվող փամփուշտները նետել է մոտակայքում գտնվող ձորը: Զղջում է կատարած հանցագործության համար։
Ամբաստանյալին առաջադրված մեղադրանքը, բացի նրա ցուցմունքից հիմնավորվել է նաև գործով ձեռք բերված հետևյալ ապացույցներով.
Տուժողի իրավահաջորդ Ռիմա Մելքոնի Կուրղինյանը ցուցմունքով այն մասին, որ եղբայրը՝ Ռոստոմ Կուրղինյանը ՌԴ քաղաքացի է եղել, կնոջ՝ Մարիա Մարտինովայի հետ միասին բնակվել են Մոսկվա քաղաքում։Վերջին հինգ տարիների ընթացքում Ռ.Կուրղինյանը հաճախ է ժամանել Հայաստան, քանի որ հանդիսացել է անգլիական ՙՍինկրիստալ՚ կազմակերպության ներկայացուցիչը Հայաստանի Հանրապետությունում: Բացի դա, հանդիսացել է այդ կազմակերպության կողմից գնված, Հայաստանում գտնվող նույնանուն կազմակերպության տնօրենների խորհրդի նախագահը։Երևանում գտնվելու ընթացքում Ռոստոմն ու նրա կինը՝ Մարիան բնակվել են իրենց՝ Երևան քաղաքի Մամիկոնյանց փողոցի 56Ա շենքի թիվ 5 բնակարանում։Վերը նշված կազմակերպության երկակի նշանակության սարքերն առանց Ռ.Կուրղինյանի գիտության վաճառվելու վերաբերյալ վերջինիս հաղորդման հիման վրա հարուցվել է քրեական գործ, որով կազմակերպության բաժնետեր Գագիկ Բղդոյանր դատապարտվել է: Այնուհետև, դատապարտված Գագիկ Բղդոյանի ԱՄՆ-ում բնակվող եղբոր՝ Լևոն Բղդոյանի Հայաստան գալուց հետո, երբ վերջինս տարբեր ատյաններին դիմում-բողոքներ է ուղարկել, իր եղբոր՝ Ռ.Կուրղինյանի նկատմամբ նույնպես քրեական գործ է հարուցվել, որը քննվել է ՀՀ ոստիկանության քննչական գլխավոր վարչությունում։
2008թ. փետրվարի 21-ին, ժամը 1400-ին Ռոստոմ Կուրղինյանը գնացել է քննչական վարչություն՝ առերես հարցաքննության, իսկ ինքը, Մ.Մարտինովան և իր ամուսինը` Լազր Գիշյանը գտնվել են իրենց բնակարանում։ Ժամը 20-ի սահմաններում, երբ իրենք գտնվել են իրենց բնակարանի հյուրասենյակում, հնչել է բնակարանի մուտքի դռան զանգը։Մ.Մարտինովան արագ գնացել է դուռը բացելու՝ իր հետևից փակելով հյուրասենյակի դուռը։Մի պահ լռությունից հետո լսվել են հրազենի երեք կրակոցների ձայներ, որից անմիջապես հետո ինքը դուրս է եկել սենյակից ու տեսել, որ բնակարանի նախասրահում բերանքսիվայր հատակին է ընկած իր եղբայր Ռոստոմ Կուրղինյանը, ում մոտ արյան լճակ է գոյացած եղել։Ենթադրելով, որ Մ.Մարտինովան վազել է մարդասպանի հետևից, բղավելով դուրս է եկել շքամուտք, աստիճաններով իջել և տեսել է, որ Մ.Մարտինովան ընկել է աստիճանների վրա և ոտքը բռնած բղավում է։Այդ պահին դուրս են եկել հարևանները, իսկ ինքը վազելով դուրս է եկել շքամուտքից` հանցագործին տեսնելու ակնկալիքով, սակայն շենքի բակում մարդ կամ ավտոմեքենա չտեսնելով, վերադարձել է և հարևանների օգնությամբ Մ.Մարտինովային տարել են հարևան բնակարան։Վերջինս պատմել է, որ երբ բացել է բնակարանի մուտքի դուռը և Ռ.Կուրղինյանը մտել է ներս, շատ արագ մի երիտասարդ տաղամարդ է բարձրացել, մոտեցել իրենց բնակարանի դռանը և ատրճանակը պահել Ռ.Կուրղինյանի վրա: Մ.Մարտինովան փորձել է իր մարմնով պաշտպանել ամուսնուն, սակայն հանցագործին հաջողվել է Մարտինովայի ուսի վերևով ատրճանակն ուղղել Ռ.Կուրղինյանի վրա և կատարել երեք կրակոց։
Վկա Մարիա Իվանի Մարտինովայի նախնական քննության ընթացքում տված և դատաքննության ընթացքում հետազոտված ցուցմունքով այն մասին, որ իր ամուսնու՝ Ռոստոմ Մելքոնի Կուրղինյանի հետ բնակվել են Մոսկվա քաղաքում: Վերջինս հաճախակի է եկել Հայաստան, քանի որ հանդիսացել է ՙՍինկրիստալ-ԱՌ՚ ՓԲԸ-ի տնօրենների խորհրդի նախագահը: 2007 թվականից Ռ.Կուրղինյանն ու ինքը բնակվել են ամուսնու քրոջը` Ռիմա Կուրղինյանին պատկանող, Երևան քաղաքի Մամիկոնյանց փողոցի 56Ա շենքի 5-րդ բնակարանում: 2008թ. փետրվարի 21-ին, ժամը 1330-ի սահմաններում Ռ.Կուրղինյանը դուրս է եկել տանից, գնացել է ՀՀ ոստիկանության քննչական գլխավոր վարչության ՀԿԳ քննության վարչություն, որտեղ այդ ժամանակ քննվել է քրեական գործ: Նույն օրը, ժամը 2010-ից 2020-ի սահմաններում, երբ վերոհիշյալ բնակարանի հյուրասենյակում են գտնվել ինքը, ամուսնու քույրը՝ Ռիմա Կուրղինյանը և վերջինիս ամուսին Լազր Գիշյանը, հնչել է բնակարանի մուտքի դռան զանգը։Քանի որ սպասելիս է եղել ամուսնուն, անմիջապես գնացել, բացել է դուռը: Ամուսնուն ներս թողնելու համար կանգնել է բաց դռան մոտ: Վերջինս մտել է ներս, անցել իր մոտով և կանգնել բնակարանի միջանցքում՝ իր թիկունքի հետևում: Ինքը փորձել է փակել բնակարանի մուտքի դուռը և այդ պահին տեսել է, թե ինչպես է շքամուտքի աստիճաններով արագ՝ երկու ցատկով մի տղամարդ բարձրացել և հասել է իրենց բնակարանի դռան մոտ: Նրա աջ ձեռքում ատրճանակ է եղել: Քանի որ այդ տղամարդու ձեռքը, որում ատրճանակն է եղել, ուղղված է եղել իրենց բնակարանի դռանը, հասկացել է, որ նա ցանկանում է կրակել և սպանել իր ամուսնուն: Մի քայլ առաջ գնալով՝ իր մարմնով փակել է այդ տղամարդու ճանապարհը դեպի բնակարանի ներսը: Այդ տղամարդը սկսել է տարբեր շարժումներ անել՝ դեպի աջ, ձախ, վերև, ներքև, կքանստել, թռել է տեղում, որպեսզի կարողանա ատրճանակը պահել Ռոստոմ Կուրղինյանի վրա, իսկ ինքն այդ ընթացքում փորձելով իր մարմնով պաշտպանել ամուսնուն՝ կրկնել է այդ տղամարդու գործողությունները։Չնայած իր ջանքերին, այդ տղամարդուն հաջողվել է շրջանցել իրեն և երեք կրակոց արձակել իր թիկունքի հետևում գտնվող Ռ.Կուրղինյանի ուղղությամբ, որից հետո վազելով աստիճաններով իջել է ներքև։Ինքը փորձել է հետապնդել այդ տղամարդուն, սակայն աստիճանների վրա ոտքը ոլորվել է, ուժեղ ցավ է զգացել և ընկել է՝ չկարողանալով շարունակել հետապնդումը։Բացվել են հարևանների դռները, նրանցից ինչ-որ մեկը վազել է դուրս։Ինքը վերադարձել է բնակարան և տեսել որ ամուսինը՝ Ռոստոմ Կուրղինյանն ընկած է իրենց բնակարանի մուտքի դռան առջև՝ բնակարանի միջանցքում: Հասկացել է, որ կրակոցների արդյունքում ամուսինը լուրջ վնասվածքներ է ստացել։Այդ ամենը շատ կարճ է տևել, ոչ ոք ոչինչ չի ասել, հանցագործը՝ նույնպես։Քանի որ իր ոտքը վնասված է եղել, շտապ օգնության ավտոմեքենայով իրեն տեղափոխել են հիվանդանոց, որտեղ էլ, ոտքի վիրահատությունից հետո իմացել է, որ ամուսինը վերը նշված անձի կրակոցներից սպանվել է։Իր ամուսնու վրա կրակող անձնավորությունը եղել է արագաշարժ, 165–170սմ հասակով, ամրակազմ, մոտավորապես 25-30 տարեկան, կլորավուն, հայկական տիպի, սափրված դեմքով, խիտ, մուգ գույնի հոնքերով, միջին լայնությամբ ճակատով, կլորավուն կզակով, կարճ կտրած, քիչ ցից, ուղիղ, մուգ մազերով: Հագին եղել է գոտիից ցածր, շղթայով կոճկած կիսաբաճկոն, մուգ գույնի անդրավարտիք։ Հանցագործի ատրճանակը, որից նա կրակել ու սպանել է իր ամուսնուն, եղել է սև գույնի, քիչ երկարավուն և լայն փողով, լայն բռնակով։
Նախաքննության ընթացքում իրեն ճանաչման ներկայացված 4 լուսանկարների վրա պատկերված անձանց շարքում ինքը ճանաչել է ձախից 3-րդ, թիվ 3 համարի տակ փակցված լուսանկարում պատկերված անձին՝ որպես իր ամուսնուն սպանող հանցագործի: 27.07.2010թ. իրեն ճանաչման ներկայացված 4 անձանց շարքում ճանաչել է ձախից 3-րդ տեղում կանգնած անձին և հայտարարել է, որ իր կողմից ճանաչած անձը հանդիսանում է այն անձը, ով 2008թ. փետրվարի 21-ին ժամը 2020-ի սահմաններում Երևան քաղաքի Մամիկոնյանց փողոցի 56Ա շենքի 52-րդ բնակարանի միջանցքում ատրճանակից արձակելով երեք կրակոցներ, սպանել է իր ամուսնուն՝ Ռոստոմ Մելքոնի Կուրղինյանին և դիմել է փախուստի: Հետագայում տեղեկացել է, որ այդ անձը Գագիկ Բղդոյանի քրոջ որդի Արթուր Վաղինակի Նահապետյանն է։
Արթուր Նահապետյանի դեմ ներկայացրել է 10.810.000 ՀՀ դրամի քաղաքացիական հայց։
Վկա Վիլեն Լազրի Գիշյանի նախնական քննության ընթացքում տված և դատաքննության ժամանակ հետազոտված ցուցմունքով այն մասին, որ 2008թ. փետրվարի 21-ին, իր մորեղբոր՝ Ռոստոմ Մելքոնի Կուրղինյանի խնդրանքով նրան իր ՙՎԱԶ 2121՚ (Նիվա) մակնիշի սպիտակ գույնի ավտոմեքենայով ժամը 20-ի սահմաններում Երևան քաղաքի Մոոսկովյան 1 հասցեում գտնվող ՀՀ ոստիկանության քննչական գլխավոր վարչության շենքի մոտից տեղափոխել է իրենց՝ Երևան քաղաքի Մամիկոնյանց 56Ա շենքի մոտ, որտեղ մորեղբայրն իջնելով ավտոմեքենայից` մտել է շենքի 1-ին շքամուտքը։Ինքը ավտոմեքենայով դուրս է եկել շենքի բակից և երբ հասել է հարակից Քոչարի փողոց, զանգահարել է իրենց շենքի բնակիչներից մեկն ու հուզված ձայնով ասել, որ ի մայրը՝ Ռիմա Կուրղինյանն իրեն շտապ կանչում է։Մի քանի րոպեից, երբ հասել է Մամիկոնյանց 56Ա շենք, տեսել է, որ ոստիկանության աշխատակիցներ կան, տեսել է, որ իր հայրական, նշված շենքի թիվ 5 բնակարանի միջանցքում ընկած է մորեղբոր՝ Ռոստոմ Կուրղինյանի դին: Տեղեկացել է, որ երբ Ռ.Կուրղինյանն իր ավտոմեքենայից իջել, բարձրացել է շենքի 2-րդ հարկ, մտել է հիշյալ բնակարանը, մի անծանոթ տղամարդ, ատրճանակը ձեռքին վազելով հասել է իրենց բնակարանի դռան մոտ։Ռ.Կուրղինյանի կինը՝ Մարխս Մարտինովան փորձել է թույլ չտալ, որպեսզի վերջինս կրակի ամուսնու վրա, սակայն այդ տղամարդը, խույս տալով Մ.Մարտինովայից, երեք անգամ կրակել ու սպանել է Ռ.Կուրղինյանին, որից հետո դիմել փախուստի։Մ.Մարտինովան փորձել է հետապնդել հանցագործին, սակայն աստիճանների վրա վայր է ընկել և կոտրել է ոտքը։
Նախաքննության ընթացքում իմացել է, որ մարդասպանը Գագիկ Բղդոյանի քրոջ որդի Արթուր Նահապետյանն է, ում Մ.Մարտինովան դեռևս 2008թ. ճանաչել է լուսանկարով, իսկ այնուհետև, երբ Ա.Նահապետյանը բռնվել է, նրան ճանաչել է նաև անձին ճանաչման ներկայացնելու քննչական գործողության ընթացքում։
Վկա Լազր Նիկոլայի Գիշանի ցուցմունքով այն մասին, որ կնոջ՝ Ռիմա Կուրղինյանի եղբայրը՝ Ռոստոմ Կուրղինյանը ՌԴ քաղաքացի է եղել և կնոջ՝ Մարիա Մարտինովայի հետ միասին բնակվել են Մոսկվա քաղաքում։1999թ. Ռ.Կուրղինյանը գնել է Աշտարակի տրանզիստորների գործարանը, որից հետո հաճախակի է եկել Հայաստան, որտեղ բնակվել է իրենց՝ Երևան քաղաքի Մամիկոնյանց փողոցի 56Ա շենքի թիվ 5 բնակարանում։ Նշված կազմակերպության որոշ սարքեր առանց Ռ.Կուրղինյանի գիտության վաճառվելու կապակցությամբ հարուցվել է քրեական գործ, որով կազմակերպության բաժնետեր Գագիկ Բղդոյանը դատապարտվել է։
2008թ. փետրվարի 21-ին, ժամը 1400-ին Ռոստոմ Կուրղինյանը գնացել է քննչական վարչություն: Մոտավորապես ժամը 2020-ի սահնմաններում, երբ ինքը, Մ.Մարտինովան և իր կինը՝ Ռիմա Կուրղինյանը գտնվել են իրենց բնակարանի հյուրասենյակում, հնչել է բնակարանի մուտքի դռան զանգը։Մ.Մարտինովան արագ գնացել է դուռը բացելու, որից որոշ ժամանակ անց լսվել են հրազենի երեք կրակոցների ձայներ և Մարիա Մարտինովայի ճիչը։Անմիջապես ինքը դուրս է եկել սենյակից, իր հետևից էլ՝ կինը և տեսել, որ բնակարանի միջանցքում, գլխով դեպի մուտքի դուռը բերանքսիվայր հատակին ծնկաչոք ընկած է Ռոստոմ Կուրղինյանը։Դուրս գալով շքամուտք, աստիճաններով իջել և տեսել է, որ Մ.Մարտինովան ընկել է աստիճանների վրա և կոտրել է ոտքը: Ինքը վազելով դուրս է եկել շքամուտքից՝ հանցագործին տեսնելու ակնկալիքով, սակայն ինչպես իրենց բակում, այնպես է հարակից փողոցում մարդ կամ ավտոմեքենա չտեսնելով, վերադարձել Է, բարձրացել իր բնակարան և հույս ունենալով, որ Ռ.Կուրղինյանը դեռևս հնարավոր Է ողջ լինի, շրջել Է նրան, սակայն` ապարդյուն։Ոստիկանների հետ ժամանած դատական բժիշկը փաստել է, որ Ռոստոմ Կուրղինյանը մահացած Է։
Վկա Արմեն Ռաֆիկի Երեմյանի նախնական քննության ընթացքում տված և դատաքննության ընթացքում հետազոտված ցուցմունքով այն մասին, որ ՙՍինկրիստսալ ԱՌ՚ ՓԲԸ-ի համասեփականատեր, իր ծանոթ Ռոստոմ Կուրղինյանի բողոքով դատապարտվել է նույն ընկերության համասեփականատեր, իր ծանոթ Գագիկ Բղդոյանը, որից հետո վերջինիս քրոջ որդի Արթուր Վաղինակի Նահապետյանն իր հետ ունեցած զրույցներից մեկի ժամանակ իրեն ասել է, որ Ռոստոմ Կուրղինյանը կործանել է իր քեռուն և երդվել է սպանել Ռ.Կուրղինյանին։
Երբ 2008թ. փետրվարի 21-ին լսել է, որ Ռոստոմ Կուրղինյանն իր բնակարանի մուտքի առջև սպանվել է, ինքը կասկածել է, որ սպանությունը կարող է կատարած լինել Արթուր Նահապետյանը, ով մինչ այդ երդվել է սպանել նրան։Հետագայում տեղեկանալով, որ Ռ.Կուրղինյանի կինը ականատես է եղել սպանությանը և որոշ տեղեկություններ իմանալով Ռ.Կուրղինյանի կնոջ մոտ տպավորված՝ մարդասպանի արտաքին հատկանիշների մասին, այդ հատկանիշները համադրել է Ա.Նահապետյանի արտաքին հատկանիշների հետ և հասկացել, որ սպանությունը կատարել է հենց Արթուր Նահապետյանը։
Ամբաստանյալի կատարած հանցանքը հիմնավորվել է նաև քրեական գործով ձեռք բերված հետևյալ ապացույցներով.
Դեպքի վայրի զննության արձանագրությամբ, համաձայն որի Երևան քաղաքի Մամիկոնյանց փողոցի 56Ա շենքի 5-րդ բնակարանը գտնվում է երկու մուտքանի բնակելի շենքի 1-ին մուտքի 2-րդ հարկի հարթակի միջնամասում, աստիճանահարթակի դեմ դիմաց։Զննության ժամանակ, բնակարանի միջանցքում բնակարանի մուտքի դռան դեմ դիմաց մեջքի վրա ընկած վիճակում գտնվել է Ռոստոմ Մելքոնի Կուրղինյանի դիակը, որի հագին եղած վերարկուի աջ գրպանի եզրով, գագաթով դեպի դուրս ուղղված վիճակում մխրճված է եղել սպիտակ գույնի մետաղյա գնդակ։Դիակը տեղաշարժելու ժամանակ հագուստների մոտ, աջ սրունքի շրջանում հայտնաբերվել Է սպիտակ գույնի, արծաթափայլ մետաղյա գնդակ։Զննությամբ 2-րդ հարկի աստիճանահարթակում և բնակարանի մուտքի դռնից ներս ու դուրս հայտնաբերվել են թվով երեք հատ նույնանման կրակված պարկուճներ։
Արթուր Վաղինակհ Նահապետյանի մասնակցությամբ կատարված քննչական փորձարարության արձանագրությամբ, համաձայն որի՝ Արթուր Նահապետյանը մատնացույց Է արել Երևան քաղաքի Մամիկոնյանց 56Ա շենքի 2-րդ շքամուտքը և հայտարարել, որ այդ շքամուտքում Է 21.02.2008թ. երեկոյան սպասել տուժող Ռոստոմ Կուրղինյանին, ոից հետո, երբ վերջինս ժամը 20-ի սահմաններում ավտոմեքենայից իջել ու մտել Է նույն շենքի 1-ին շքամուտք, հետապնդել Է նրան և իր մոտ եղած ատրճանակը լիցքավորելով, վազքով բարձրացել է 1-ին շքամուտքի երկրորդ հարկ։Այնուհետև, Ա.Նահապետյանը, մատնացույց անելով Մամիկոնյանց 56Ա շենքի թիվ 5 բնակարանի մուտքի դուռը, հայտարարել Է, որ հասնելով այդ դռան մոտ, տեսել Է, որ Ռ.Կուրղինյանն արդեն բնակարանի միջանցքում կանգնած Է, իսկ դռան մոտ կանգնած Է եղել ռուսի արտաքինով մի կին։ Ա.Նահապետյանը ցույց Է տվել նաև, թե ինչպիսի դիրքով Է կանգնած եղել դռան առջև, երբ Ռ.Կուրղինյանի վրա պահելով ատրճանակը և խույս տալով իր դիմացը փակող կնոջից, երեք անգամ կրակել Է Ռ.Կուրղինյանի վրա և սպանել նրան, որից հետո դիմել է փախուստի։
Անձին լուսանկարով ճանաչման ներկայացնելու մասին արձանագրությամբ, համաձայն որի գործով վկա Մարիա Իվանի Մարտինովան իրեն ճանաչման ներկայացված լուսանկարների վրա պատկերված անձանց շարքում ճանաչել է ձախից 3-րդ, թիվ 3 համարի տակ փակցված լուսանկարում պատկերված անձին՝ Արթուր Վաղինակի Նահապետյանին և հայտարարել է, որ իր կողմից ճանաչած անձը 21.02.2008թ. ժամը 2020-ի սահմաններում Երևան քաղաքի Մամիկոնյանց փողոցի 56Ա շենքի 5-րդ բնակարանի միջանցքում ատրճանակից երեք կրակոցներ արձակելով սպանել է իր ամուսնուն՝ Ռոստոմ Մելքոնի Կուրղինյանին և դիմել է փախուստի։Ինքը նրան ճանաչել է դեմքի կառուցվածքից և ձևից, մազերի գույնից, ձևից, խտությունից, ճակատի և հոնքերի ձևից ու լայնությունից, այտերի կառուցվածքից, ինպես նաև ընդհանուր դիմագծերից:
Անձին ճանաչման ներկայացնելու մասին արձանագրությամբ, համաձայն որի գործով վկա Մարիա Իվանի Մարտինովան իրեն ճանաչման ներկայացված 4 անձանց շարքում ճանաչել է ձախից 3-րդ տեղը կանգնած անձին և հայտարարել է, որ իր կողմից ճանաչած անձը հանդիսանում է այն անձը, ով 2008թ. փետրվարի 21-ին ժամը 2020-ի սահմաններում Երևան քաղաքի Մամիկոնյանց փողոցի 56Ա շենքի 5-րդ բնակարանի միջանցքում ատրճանակից երեք կրակոցներ արձակելով սպանել է իր ամուսնուն՝ Ռոստոմ Մելքոնի Կուրղինյանին և դիմել է փախուստի։ Ինքը նրան ճանաչել է դեմքի կառուցվածքից և ձևից, մազերի գույնից, ձևից, խտությունից, ճակատի և հոնքերի ձևից ու լայնությունից, այտերի կառուցվածքից, րնդհանուր դիմագծերից, մարմնակազմությունից, ինչպես նաև մնացած հատկանիշներից։
Ճանաչման ներկայացնելու քննչական գործողության ժամանակ՝ Մ.Մարտինովայի կողմից Ա.Նահապետյանին որպես Ռ.Կուրղինյանին սպանած անձին ճանաչելուց հետո, Ա.Նահապետյանը հայտարարել է, որ իրոք ինքն է սպանել Ռ.Կուրղինյանին։
Դատաբժշկական փորձաքննության թիվ 217 եզրակացությամբ, համաձայն որի Ռոստոմ Կուրղինյանի մահը վրա է հասել տրավմատիկ հեմոռագիկ շոկից՝ պարանոցի, կրծքավանդակի ձախ վերին վերջույթի համակցված հրազենային գնդակային, միջանցիկ և կույր վիրավորումներ ստանալու հետևանքով։Ռ.Կուրղինյանի դիակի վրա հայտնաբերված վնասվածքները պատճառվել են կենդանության օրոք գնդակով լիցքավորված հրազենից արձակված կրակոցների հետևանքով, որոնք կատարվել են տվյալ զենքին բնորոշ կրակոցի լրացուցիչ գործոնների ազդեցության սահմաններից դուրս։Նման վնասվածքները կենդանի անձանց մոտ դասվում են կյանքին վտանգ սպառնացող ծանր մարմնական վնասվածքների շարքին, որոնցով էլ պայմնավորված է եղել Ռ.Կուրղինյանի մահը։Ռ.կուրղինյանը, պարանոցի հրազենային գնդակային կույր վիրավորումը ստանալու պահին պարանոցի առաջակողմնային ձախ մակերեսով ուղղված է եղել դեպի հրազենի փողի լայնական կտրվածքի կողմը, կրծքավանդակի աջ կեսի հրազենային գնդակային միջանցիկ վիրավորումը ստանալու պահին կրծքավանդակի վերին հետին մակերեսով ուղղված է եղել դեպի հրազենի փողի լայնական կտրվածքի կողմը, իսկ ձախ բազկի հրազենային գնդակային միջանցիկ վիրավորումը ստանալու պահին՝ Ռ.Կուրղինյանը ձախ բազկի կողմնային մակերեսով ուղղված է եղել դեպի հրազենի փողի լայնական կտրվածքի կողմը: Չի բացառվում, որ ստացած մարմնական վնասվածքներով Ռ.Կուրղինյանը որոշակի շատ կարճ ժամանակահատված կարողանար կատարել որևէ ինքնուրույն գործողություն /շարժվել, բղավել և այլն/։
Դատաձգաբանական փորձաքննության թիվ 321 եցրակացությամբ, համաձայն որի դեպքի վայրի զննությամբ հայտնաբերված և փորձաքննությանը ներկայացված երեք պարկուճները գործարանային արտադրության 7.65մմ տրամաչափի փամփուշտների մասեր են` կրակված պարկուճներ։Նշված փամփուշտները նախատեսված են ՙԲրաունինգ՚ ատրճանակների և մի շարք այլ զենքերի համար։Երեք պարկուճներն էլ կրակված են միևնույն զենքից։Դեպքի վայրի զննությամբ հայտնաբերված երկու, ինչպես նաև Ռոստոմ Կուրղինյանի դիահերձման ժամանակ նրա մարմնից հանված մեկ գնդակները, այսինքն՝ փորձաքննությանը ներկայացված երեք գնդակները, գործարանային արտադրության 7.65մմ տրամաչափի փամփուշտների մասեր են՝ կրակված գնդակներ: Նշված գնդակները նախատեսված են ՙԲրաունինգ՚ ատրճանակների և մի շարք այլ զենքերի համար։Երեք պարկուճներն էլ կրակված են միևնույն զենքի փողից։Գնդակների վրա անդրադարձման բնորոշ հետքեր չեն հայտնաբերվել։Ներկայացված երեք պարկուճների և երեք գնդակների վրա զենքի դետալների կողմից թողնված կրակման հետքերը բնորոշ են ՙճժՄհԽԸ իըՀԿժԹԽԸ՚ մոդելի 27 ատրճանակներից կրակված պարկուճների, գնդակների վրա առաջացող հետքերին: Ներկայացված երեք պարկուճները լիցքավորված են եղել անծուխ վառոդով։
Դատաձգաբանական և դատաքիմիական համալիր փորձաքննության թիվ 379 եզրակացությամբ, համաձայն որի փորձաքննությանը ներկայացված Ռոստոմ Կուրղինյանի հագուստների վրայի վնասվածքները մուտքի և ելքի հրազենային գնդակային վնասվածքներ են` պատճառված նիկել և պղինձ պարունակող 6–8մմ տրամագիծ ունեցող երեք գնդակներով, երեք կրակոցների արդյունքում, լիցքի լրացուցիչ գործոնների ազդեցության սահմաններից դուրս տարածությունից։Ներկայացված հագուստների վրայի հրազենային վնասվածքներն իրենց վրա չեն կրում անդրադարձի ենթարկված գնդակի հետևանքով առաջացող վնասվածքի հատկանիշներ։
Ռոստոմ Մելքոնի Կուրղինյանի հագուստները, 7.65մմ տրամաչափի կրակված երեք պարկուճները և երեք գնդակները իրեղեն ապացույցներ ճանաչելու որոշումներով։
Ամբաստանյալի հանցանքը հիմնավորվել է նաև նոր մեղադրանք առաջադրելու որոշման հետ մեղադրողների կողմից դատարան ներկայացված և դատարանում հետազոտված հետևյալ ապացույցներով`
հանգուցյալ տուժող Ռոստոմ Կուրղինյանի կողմից 22.07.2005թ. ՀՀ գլխավոր դատախազին հասցեագրված հաղորդումով, որի հիման վրա Գագիկ Բղդոյանի և մյուսների վերաբերյալ ՀՀ գլխավոր դատախազությունում 25.08.2005թ. քրեական գործ հարուցելու մասին որոշում է կայացվել,
2006-2007թթ. ՀՀ նախագահին, ՀՀ վարչապետին, ՀՀ գլխավոր դատախազին, ՀՀ ԱԱԾ տնօրենին, ՀՀ ոստիկանության քննչական գլխավոր վարչության պետին հասցեագրված դիմումներով,
նյութերի նախապատրաստման և քրեական գործի քննության ընթացքում հանգուցյալ Ռ.Կուրղինյանի կողմից տրված բացատրություններով և ցուցմունքներով,
Գագիկ Բղդոյանի և մյուսների վերաբերյալ քրեական գործով 02.11.2006թ. հաստատված մեղադրական եզրակացությամբ,
ՀՀ հյուսիսային քրեական դատարանի 24.01.2008թ. դատավճռով, համաձայն որի Գագիկ Բղդոյանը, Ռուբեն Բաղդասարյանը և Արա Բաղդասարյանը ՀՀ քրեական օրենսգրքի 215 հոդվածի 2-րդ և 214 հոդվածի 2-րդ մասերով դատապարտվել են համապատասխան պատիժների: Ընդ որում նրանցից Գագիկ Բղդոյանը դատապարտվել է 4 տարի 6 ամիս ժամկետով ազատազրկման և 400.000 ՀՀ դրամ տուգանքի:
Դատարանը գտնում է, որ գործով անթույլատրելի և ոչ վերաբերելի ապացույցներ չկան:
4.Դատարանի իրավական վերլուծությունները.
Վերը նշված փաստերի հիման վրա դատարանը գալիս է այն եզրահանգման, որ Արթուր Վաղինակի Նահապետյանը ապօրինի կերպով կրելով հրազեն հանդիսացող ատրճանակ, 2008 թվականի փետրվարի 21-ին, ժամը 2020-ի սահմաններում, Երևան քաղաքի Մամիկոնյանց փողոցի 56Ա շենքի թիվ 5 բնակարանի միջանցքում, Ռոստոմ Կուրղինյանի կնոջ՝ Մարիա Մարտինովայի ներկայությամբ, Ռ.Կուրղինյանի կողմից իր հասարակական պարտքի կատարման հետ կապված, ապօրինաբար կյանքից զրկելու դիտավորությամբ ուղղակի նշանառությամբ ատրճանակից երեք կրակոցներ արձակելով Ռոստոմ Մելքոնի Կուրղինյանի վրա, սպանել է նրան և դեպքի վայրից դիմել փախուստի, որպիսի արարքը համապատասխանում է ՀՀ քրեական օրենսգրքի 104 հոդվածի 2-րդ մասի 2-րդ կետի և 235 հոդվածի 1-ին մասի հատկանիշներին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Վաղինակի Նահապետյանին առաջադրված մեղադրանքը ՀՀ քրեական օրենսգրքի 104 հոդվածի 2-րդ մասի 2-րդ կետով և 235 հոդվածի 1-ին մասով հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 104 հոդվածի 2-րդ մասի 2-րդ կետի և 235 հոդվածի 1-ին մասի հատկանիշներին և արարքի որակումը ճիշտ է:
Ամբաստանյալ Արթուր Նահապետյանի նկատմամբ պատիժ նշանակելիս, դատարանը հաշվի է առնում նրա կատարած արարքի հանրության համար վտանգավորության աստիճանը և բնույթը, ինչպես նաև հանցավորի անձը:
Որպես ամբաստանյալի անձը դրականորեն բնութագրող, պատասխանատվությունը և պատիժը մեղմացնող հանգամանքներ դատարանը հաշվի է առնում այն, որ նա զղջում է կատարածի համար, խնամքին է գտնվում ինը տարեկան երեխան:
Ամբաստանյալի պատասխանատվությունը և պատիժը ծանրացնող հանգամանքներ չկան:
Կատարած արարքի համար ամբաստանյալ Արթուր Վաղինակի Նահապետյանը ենթակա է քրեական պատասխանատվության և պատժի:
Հաշվի առնելով Արթուր Վաղինակի Նահապետյանի կատարած արարքի հանրության համար վտանգավորության աստիճանը և բնույթը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 104 հոդվածի 2-րդ մասի սանկցիայով նախատեսված է պատիժ միայն ազատազրկման ձևով, իսկ 235 հոդվածի 1-ին մասի սանկցիայով նախատեսված է պատիժ նաև ազատազրկման ձևով, դատարանը գտնում է, որ պատժի նպատակներին հասնելու համար Արթուր Նահապետյանի նկատմամբ ՀՀ քրեական օրենսգրքի 104 հոդվածի 2-րդ մասի 2-րդ կետով և 235 հոդվածի 1-ին մասով կատարած արարքների համար պատիժներ պետք է նշանակել ազատազրկման ձևով: Արթուր Նահապետյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
Սույն քրեական գործով տուժողի իրավահաջորդ Ռիմա Կուրղինյանը պնդել է ներկայացված քաղաքացիական հայցը` ամբաստանյալ Արթուր Նահապետյանից պահանջելով հանցագործությամբ իրենց պատճառված վնասը` 10.810.000 ՀՀ դրամ, (տուժողի հուղարկավորության համար ծախսեր, գերեզմանաքարի տեղադրման համար` 250.000 ՀՀ դրամ, Մ.Մարտինովայի Երևան-Մոսկվա չվերթի ավիատոմսերի արժեքը` 515.220 ՀՀ դրամ, ՀՀ-ում բուժման համար` 138.400 ՀՀ դրամ, ՌԴ-ում բուժման համար` 490.000 ՀՀ դրամ, ինպլանտատի արժեքը` 260.000 ՀՀ դրամ, Ռ.Կուրղինյանի մահվան օրվանից թոշակին կից չստացված աշխատավարձի 2.5 տարվա գումարը, ելնելով նրա աշխատավարձից` սպանության օրվա դրությամբ` 9 միլիոն 155 հազար ՀՀ դրամ):
Դատարանը գտնում է, որ քաղաքացիական հայցը ենթակա է բավարարման մասնակի, այդ թվում, որպես տուժող Ռոստոմ Կուրղինյանի հուղարկավորության ծախսեր անհրաժեշտ է բռնագանձել մեկ միլիոն հինգ հարյուր հազար (1.500.000) ՀՀ դրամ, որպես Մարիա Մատինովայի բուժման և ճանապարհածախսի հատուցում` մեկ միլիոն չորս հարյուր երեք հազար վեց հարյուր քսան (1.403.620) ՀՀ դրամ:
Դատարանը գտնում է, որ հանգուցյալ տուժողի գերեզմանաքարի տեղադրման հետ կապված պահանջը (250.000 ՀՀ դրամ) ենթակա է մերժման (համաձայն ՀՀ վճռաբեկ դատարանի 30.11.2007թ. կայացված ՎԲ-150/07 նախադեպային որոշման):
Դատարանը գտնում է, որ քաղաքացիական հայցը` տուժող Ռոստոմ Կուրղինյանի աշխատավարձի և թոշակի վերաբերյալ պահանջի մասով (9.155.000 ՀՀ դրամ) պետք է թողնել առանց քննության` տուժողի իրավահաջորդ Ռիմա Կուրղինյանին իրավունք վերապահելով այդ մասով քաղաքացիական դատավարության կարգով հայց ներկայացնելու դատարան:
Դատարանը գտնում է, որ 2010թ. օգոստոսի 3-ի որոշմամբ Արթուր Վաղինակի Նահապետյանի գույքի վրա դրված կալանքը պետք է թողնել անփոփոխ:
Անդրադառնալով իրեղեն ապացույցների տնօրինման հարցին, դատարանը գտնում է, որ 2008թ. մարտի 21-ի որոշմամբ իրեղեն ապացույց ճանաչված և ՀՀ ոստիկանության փորձաքրեագիտական վարչությունում պահվող 7.65մմ տրամաչափի կրակված երեք պարկուճները և երեք գնդակները պետք է թողնել փորձաքրեագիտական վարչության տնօրինությանը:
2009թ. ապրիլի 25-ի որոշմամբ իրեղեն ապացույց ճանաչված և ՀՀ ոստիկանության ՔԳՎ ՀԿԳ քննության վարչության իրեղեն ապացույցների սենյակում պահվող տուժող Ռոստոմ Մելքոնի Կուրղինյանի հագին եղած վերարկուն, պիջակը, սվիտերը, երկարաթև շապիկը պետք է վերադարձնել տուժողի իրավահաջորդ Ռիմա Կուրղինյանին:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց

Արթուր Վաղինակի Նահապետյանին մեղավոր ճանաչել ՀՀ քրեական օրենսգրքի 104 հոդվածի 2-րդ մասի 2-րդ կետով և 235 հոդվածի 1-ին մասով:
ՀՀ քրեական օրենսգրքի 104 հոդվածի 2-րդ մասի 2-րդ կետով Արթուր Վաղինակի Նահապետյանին դատապարտել ազատազրկման տասներկու (12) տարի ժամկետով, ՀՀ քրեական օրենսգրքի 235 հոդվածի 1-ին մասով` ազատազրկման երկու (2) տարի ժամկետով: ՀՀ քրեական օրենսգրքի 66 հոդվածի հիման վրա` նշանակված պատիժները մասնակի գումարելու սկզբունքով, Արթուր Վաղինակի Նահապետյանի նկատմամբ վերջնական պատիժ նշանակել ազատազրկում տասներեք (13) տարի ժամկետով:
Պատժի սկիզբը հաշվել 2010 թվականի հուլիսի 18-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Արթուր Վաղինակի Նահապետյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Արթուր Վաղինակի Նահապետյանից հօգուտ Ռիմա Մելքոնի Կուրղինյանի, որպես հանցագործությամբ պատճառված վնաս, բռնագանձել երկու միլիոն իննը հարյուր երեք հազար վեց հարյուր քսան (2.903.620) ՀՀ դրամ:
Տուժող Ռոստոմ Կուրղինյանի աշխատավարձի և թոշակի վերաբերյալ տուժողի իրավահաջորդ Ռիմա Կուրղինյանի պահանջը (9.155.000 ՀՀ դրամ) թողնել առանց քննության` նրան իրավունք վերապահելով այդ մասով քաղաքացիական դատավարության կարգով առանձին պահանջ ներկայացնելու դատարան:
Արթուր Վաղինակի Նահապետյանի գույքի վրա դրված կալանքը թողնել անփոփոխ:
Դատավճիռն օրինական ուժի մեջ մտնելուց հետո 2008թ. մարտի 21-ի որոշմամբ իրեղեն ապացույց ճանաչված և ՀՀ ոստիկանության փորձաքրեագիտական վարչությունում պահվող 7.65մմ տրամաչափի կրակված երեք պարկուճները և երեք գնդակները թողնել փորձաքրեագիտական վարչության տնօրինությանը:
2009թ. ապրիլի 25-ի որոշմամբ իրեղեն ապացույց ճանաչված և ՀՀ ոստիկանության ՔԳՎ ՀԿԳ քննության վարչության իրեղեն ապացույցների սենյակում պահվող տուժող Ռոստոմ Կուրղինյանի հագին եղած վերարկուն, պիջակը, սվիտերը, երկարաթև շապիկը վերադարձնել տուժողի իրավահաջորդ Ռիմա Կուրղինյանին:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակվելու օրվանից մեկամսյա ժամկետում:

ԴԱՏԱՎՈՐ` ստորագրություն
Բնագրի հետ ճիշտ է
ԴԱՏԱՎՈՐ Լ. ԱՎԵՏԻՍՅԱՆ