ԵԱՔԴ/0126/01/10

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«17» սեպտեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Գ.Շահբազյան
տուժող «Քավսան» ՍՊԸ
տուժողի ներկայացուցիչ Լ.Նելիպովիչ
պաշտպան Է.Վարդանյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Գուրգեն Յակովի Սիմոնյանի` ծնված 1966 թվականի դեկտեմբերի 21-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, չի աշխատում, հաշվառված է Երևան քաղաքի Նոր Արեշի 35-րդ փողոցի 127/2 շենքի 712-714-րդ բնակարանում: Մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 3-րդ կետով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2010 թվականի մարտի 22-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ ՀՀ քրեական օրենսգրքի 179-րդ հոդվածի 2-րդ մասի 3-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 14109310 քրեական գործը:
2010 թվականի ապրիլի 19-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ թիվ 14109310 քրեական գործով Գուրգեն Յակովի Սիմոնյանին մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 3-րդ կետով:
2010 թվականի հունիսի 21-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ թիվ 14109310 քրեական գործով Գուրգեն Յակովի Սիմոնյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 3-րդ կետով:
2010 թվականի օգոստոսի 17-ին ՀՀ ոստիկանության Արաբկիրի քննչական բաժնի ավագ քննիչ Մ.Մանասյանի որոշմամբ թիվ 14109310 քրեական գործով Լուսինե Վալենտինի Նելիպովիչի նկատմամբ քրեական հետապնդում չի իրականացվել հանցակազմի բացակայության հիմքով:
2010 թվականի օգոստոսի 24-ին Գուրգեն Յակովի Սիմոնյանի վերաբերյալ քրեական գործը մեղադրական եզրակացությամբ ուղարկվել է Դատարան:
Գուրգեն Յակովի Սիմոնյանին մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 3-րդ կետով` այն արարքի համար, որ նա 2008 թվականի նոյեմբեր ամսից «Քավսան» ՍՊ ընկերությունում որպես վարորդ-առաքիչ աշխատանքի ընդունվելուց հետո, ընդհանուր խոշոր չափերի գումար յուրացնելու միասնական դիտավորությամբ, 2009 թվականի մարտ ամսից մինչև 2009 թվականի հոկտեմբեր ամիսն ընկած ժամանակահատվածում շարունակաբար յուրացրել է ՍՊ ընկերության կողմից իրեն վստահված և իր կողմից պարբերաբար առաքված հացի վաճառքներից գոյացած մասնակի չափի գումարներ, որի վերջնական արդյունքում «Քավսան» ՍՊ ընկերությանը պատճառել է 681.570 ՀՀ դրամի նյութական վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Գուրգեն Յակովի Սիմոնյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գուրգեն Յակովի Սիմոնյանը կատարել է արարք` նախատեսված ՀՀ քրեական օրենսգրքի 179-րդ հոդվածի 2-րդ մասի 3-րդ կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները և ՀՀ ոստիկանության ինֆորմացիոն կենտրոնի պահանջագիրը, ինչպես նաև ամբաստանյալի կողմից պատճառված վնասը կամովին հատուցելու վերաբերյալ տուժողի ներկայացուցչի հայտարարությունը, եկավ հետևյալ եզրահանգման.
Գուրգեն Սիմոնյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Գուրգեն Սիմոնյանի պատասխանատվությունն ու պատիժը մեղմացնող հանգամանք է հանցագործությամբ պատճառված գույքային վնասը կամովին հատուցելը:
Գուրգեն Սիմոնյանի պատասխանատվությունն ու պատիժը մեղմացնող հանգամանք է նաև նախկինում արատավորված` դատապարտված չլինելը (նման իրավական դիրքորոշում է արտահայտել ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ):
Դատարանը միաժամանակ արձանագրում է, որ Գուրգեն Սիմոնյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Գուրգեն Սիմոնյանը ենթակա է քրեական պատասխանատվության և պատժի:
Դատարանը, հաշվի առնելով Գուրգեն Սիմոնյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը գտնում է, որ Գուրգեն Սիմոնյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ դատական ծախսերն ամբաստանյալ Գուրգեն Սիմոնյանից ենթակա չեն բռնագանձման, քանի որ տուժողին հանցագործությամբ պատճառված վնասը փոխհատուցվել է, իսկ ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751-րդ և 3753-րդ հոդվածներով` Դատարանը
ՎՃՌԵՑ

Գուրգեն Յակովի Սիմոնյանին մեղավոր ճանաչել ՀՀ քրեական օրենսգրքի 179-րդ հոդվածի 2-րդ մասի 3-րդ կետով և պատիժ նշանակել տուգանք` նվազագույն աշխատավաձի չորսհարյուրապատիկի չափով:
Գուրգեն Յակովի Սիմոնյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ