ԵԱՔԴ/0119/01/10






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՐԱԲԿԻՐ ԵՎ ՔԱՆԱՔԵՌ-ԶԵՅԹՈՒՆ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«4» նոյեմբերի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)


Նախագահող դատավոր
դատական նիստերի քարտուղարներ
մեղադրող
տուժողներ






պաշտպաններ




Մ.Պապոյան
Ռ.Ավետյան, Ա.Մնացականյան
Գ.Շահբազյան Ռ.Հակոբյան, Հ.Զաքարյան, Ն.Կոստանյան, Հ.Հովհաննիսյան, Գ.Մանուկյան, Վ.Ղարիբյան, Վ.Մարգարյան, Դ.Բաբայան, Զ.Ավագյան, Գ.Համբարձումյան, Պ.Ճաղարյան, Ա.Առաքելյան, Ա.Գաբրիելյան Տ.Գրիգորյան, Հ.Իսրայելյան, Ա.Ավագյան, Վ.Զուռնաչյան, Ա.Ումրշատյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արսեն Գրիգորի Գևորգյանի` ծնված 1966 թվականի հունվարի 8-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, դատվածություն չունեցող, չի աշխատում, հաշվառված է Երևան քաղաքի Քանաքեռի 3-րդ փողոցի 1-ին տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, 178-րդ հոդվածի 2-րդ մասի 1-ին, 2-րդ, 3-րդ կետերով և 34-178 հոդվածի 2-րդ մասի 1-ին, 3-րդ կետերով, արգելանքի տակ է 2009 թվականի դեկտեմբերի 8-ից,
Սուրեն Սամվելի Պողոսյանի` ծնված 1981 թվականի օգոստոսի 7-ին Երևան քաղաքում, ացգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատապարտված, չի աշխատում, հաշվառված է Երևան քաղաքի Քանաքեռի 6-րդ փողոցի 1-ին նրբանցքի 5-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, արգելանքի տակ է 2010 թվականի մարտի 31-ից,
Գևորգ Աշոտի Ավետիսյանի` ծնված 1990 թվականի մարտի 22-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, չի աշխատում, հաշվառված է Երևան քաղաքի Քանաքեռի 6-րդ փողոցի 18-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, խափանման միջոց է ընտրվել ստորագրություն չհեռանալու մասին,
Արա Մհերի Սիմոնյանի` ծնված 1986 թվականի փետրվարի 18-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատապարտված, չի աշխատում, հաշվառված է Երևան քաղաքի Աղասու փողոցի 45-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով, խափանման միջոց է ընտրվել ստորագրություն չհեռանալու մասին,
Մանուկ Պողոսի Հայրապետյանի` ծնված 1987 թվականի դեկտեմբերի 24-ին Ղըրղստանի Հանրապետությունում, ազգությամբ հայ, ՀՀ քաղաքացի, ութամյա կրթությամբ, չամուսնացած, նախկինում չդատապարտված, չի աշխատում, հաշվառված է Երևան քաղաքի Քանաքեռի 6-րդ փողոցի 25/1 տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով, արգելանքի տակ է 2010 թվականի հունիսի 11-ից,
Արտաշես Արամի Նալբանդյանի` ծնված 1962 թվականի նոյեմբերի 12-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատապարտված, «Լուսարքա» ՍՊ ընկերության տնօրեն, հաշվառված է Երևան քաղաքի Քանաքեռի 6-րդ փողոցի 16-րդ տանը: Մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 1-ին կետով, արգելանքի տակ է 2010 թվականի հունիսի 7-ից:
1. Գործի դատավարական նախապատմությունը.
2008 թվականի փետրվարի 6-ին Ուկրաինայի ՆԳՆԳՎ Օդեսսայի մարզի ՔՎ ՕՔՎ ավագ քննիչ Ն.Ուրվանցևայի որոշմամբ Ուկրաինայի քրեական օրենսգրքի 190-րդ հոդվածի 2-րդ մասով նախատեսված հանցագործության հատկանիշներով հարուցվել և վարույթ է ընդունվել թիվ 02200800028 քրեական գործը:
2008 թվականի փետրվարի 12-ին Ուկրաինայի ՆԳՆԳՎ Օդեսսայի մարզի ՔՎ ՕՔՎ ավագ քննիչ Ն.Ուրվանցևայի որոշմամբ թիվ 02200800028 քրեական գործով Արսեն Գրիգորի Գևորգյանին մեղադրանք է առաջադրվել Ուկրաինայի քրեական օրենսգրքի 190-րդ հոդվածի 2-րդ մասով և 15-190-րդ հոդվածի 2-րդ մասով:
2008 թվականի ապրիլի 14-ին Ուկրաինայի ՆԳՆԳՎ Օդեսսայի մարզի ՔՎ ՕՔՎ ավագ քննիչ Ն.Ուրվանցևայի որոշմամբ թիվ 02200800028 քրեական գործով Արսեն Գրիգորի Գևորգյանին մեղադրանք է առաջադրվել Ուկրաինայի քրեական օրենսգրքի 190-րդ հոդվածի 2-րդ մասով և 15-190-րդ հոդվածի 2-րդ մասով:
2008 թվականի մայիսի 12-ին Արսեն Գրիգորի Գևորգյանի և մյուսների վերաբերյալ թիվ 02200800028 քրեական գործը մեղադրական եզրակացությամբ ուղարկվել է Օդեսսա քաղաքի Պրիմորսկի շրջանի դատարան:
2008 թվականի սեպտեմբերի 4-ին Օդեսսա քաղաքի Պրիմորսկի շրջանի դատարանի որոշմամբ Արսեն Գրիգորի Գևորգյանի նկատմամբ հայտարարվել է հետախուզում: Նույն որոշմամբ Արսեն Գրիգորի Գևորգյանի և մյուսների վերաբերյալ քրեական գործից առանձին վարույթում առանձնացվել է Արսեն Գրիգորի Գևորգյանի վերաբերյալ մասը` Ուկրաինայի քրեական օրենսգրքի 190-րդ հոդվածի 2-րդ մասով և 15-190-րդ հոդվածի 2-րդ մասով, որին շնորհվել է 1-1329/08 համարը:
Քրեական հետապնդումը փոխանցելու մասին Օդեսսա քաղաքի Պրիմորսկի շրջանի դատարանի միջնորդությամբ Արսեն Գրիգորի Գևորգյանի վերաբերյալ թիվ 1-1329/08 քրեական գործը փոխանցվել է Հայաստանի Հանրապետության իրավասու մարմիններին:
2009 թվականի սեպտեմբերի 2-ին ՀՀ ոստիկանության Քանաքեռ-Զեյթունի բաժնի հետաքննության բաժանմունքի տեսուչ Խ.Սարոյանի որոշմամբ ՀՀ քրեական օրենսգրքի 177-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 09155109 քրեական գործը:
2009 թվականի սեպտեմբերի 7-ին ՀՀ ոստիկանության Քանաքեռ-Զեյթունի բաժնի հետաքննության բաժանմունքի տեսուչ Խ.Սարոյանի որոշմամբ թիվ 09155109 քրեական գործն ուղարկվել է ՀՀ ոստիկանության Քանաքեռ-Զեյթունի քննչական բաժին` նախաքննություն կատարելու համար:
2009 թվականի սեպտեմբերի 7-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործն ընդունվել է վարույթ:
2009 թվականի հոկտեմբերի 21-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով վարույթը կասեցվել է հանցագործություն կատարած անձի ինքնությունը պարզված չլինելու հիմքով:
2009 թվականի դեկտեմբերի 8-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով վարույթը վերսկսվել է:
2009 թվականի դեկտեմբերի 11-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Արսեն Գրիգորի Գևորգյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
2009 թվականի դեկտեմբերի 11-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գևորգ Ռեմիկի Խանոյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
2009 թվականի դեկտեմբերի 11-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գևորգ Աշոտի Ավետիսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին և 4-րդ կետերով:
2010 թվականի մարտի 5-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Սուրեն Սամվելի Պողոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով:
2010 թվականի մարտի 11-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ Ուկրաինայից ստացված թիվ 1-1329/08 քրեական գործն ընդունվել է վարույթ և շնորհվել 09106110 համարը: Նույն որոշմամբ թիվ 09106110 քրեական գործով արարքը` նախատեսված Ուկրաինայի քրեական օրենսգրքի 190-րդ հոդվածի 2-րդ մասով և 15-190-րդ հոդվածի 2-րդ մասով, համապատասխանեցվել է ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերին և 34-178-րդ հոդվածի 2-րդ մասի 1-ին, 3-րդ կետերին:
2010 թվականի մարտի 11-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09106110 քրեական գործը միացվել է թիվ 09155109 քրեական գործին և նախաքննությունը շարունակվել է 09155109 համարով:
2010 թվականի մարտի 29-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Մանուկ Պողոսի Հայրապետյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2010 թվականի մարտի 30-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Արա Մհերի Սիմոնյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2010 թվականի մայիսի 31-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գևորգ Ռեմիկի Խանոյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով:
2010 թվականի հունիսի 10-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Արտաշես Արամի Նալբանդյանին մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 1-ին կետով:
2010 թվականի հունիսի 25-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Համլետ Գեղամի Հակոբյանի նկատմամբ ՀՀ քրեական օրենսգրքի 177-րդ հոդվածի հատկանիշներով քրեական հետապնդում չի իրականացվել` կատարված հանցագործությանը նրա մասնակցությունն ապացուցված չլինելու հիմքով:
2010 թվականի հունիսի 25-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գրիգոր Խաչատուրի Խաչատրյանի նկատմամբ ՀՀ քրեական օրենսգրքի 177-րդ հոդվածի հատկանիշներով քրեական հետապնդում չի իրականացվել` կատարված հանցագործությանը նրա մասնակցությունն ապացուցված չլինելու հիմքով:
2010 թվականի հունիսի 25-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գևորգ Ռեմիկի Խանոյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով:
2010 թվականի հունիսի 25-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործից անջատվել է Գևորգ Ռեմիկի Խանոյանի վերաբերյալ մասը, որին շնորհվել է 09155109/1 համարը:
2010 թվականի հուլիսի 30-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Անդրանիկ Գևորգի Գևորգյանի նկատմամբ ՀՀ քրեական օրենսգրքի 177-րդ հոդվածի հատկանիշներով քրեական հետապնդում չի իրականացվել` կատարված հանցագործությանը նրա մասնակցությունն ապացուցված չլինելու հիմքով:
2010 թվականի օգոստոսի 3-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Մանուկ Պողոսի Հայրապետյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2010 թվականի օգոստոսի 3-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Արսեն Գրիգորի Գևորգյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, 178-րդ հոդվածի 2-րդ մասի 1-ին, 2-րդ, 3-րդ կետերով և 34-178-րդ հոդվածի 2-րդ մասի 1-ին, 3-րդ կետերով:
2010 թվականի օգոստոսի 3-ին ՀՀ ոստիկանության Քանաքեռ-Զեյթունի քննչական բաժնի Ն.Համբարձումյանի որոշմամբ թիվ 09155109 քրեական գործով Արա Մհերի Սիմոնյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով:
2010 թվականի օգոստոսի 5-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գրիշա Գուրգենի Համբարձումյանին պատկանող «ԳԱԶ-3110-411» մակնիշի Տ6507 պետհամարանիշի ավտոմեքենայից 4.000 ՀՀ դրամ արժողության ձայնային ազդանշաններ գաղտնի հափշտակելու փաստի առթիվ քրեական հետապնդում չի իրականացվել` հանցակազմի բացակայության հիմքով:
2010 թվականի օգոստոսի 5-ին ՀՀ ոստիկանության Քանաքեռ-Զեյթունի քննչական բաժնի քննիչ Ն.Համբարձումյանի որոշմամբ թիվ 09155109 քրեական գործով Գևորգ Աշոտի Ավետիսյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով:
2010 թվականի օգոստոսի 18-ին Արսեն Գրիգորի Գևորգյանի, Սուրեն Սամվելի Պողոսյանի, Գևորգ Աշոտի Ավետիսյանի, Արա Մհերի Սիմոնյանի, Մանուկ Պողոսի Հայրապետյանի և Արտաշես Արամի Նալբանդյանի վերաբերյալ քրեական գործը մեղադրական եզրակացությամբ ուղարկվել է Դատարան:
Արսեն Գրիգորի Գևորգյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, 178-րդ հոդվածի 2-րդ մասի 1-ին, 2-րդ, 3-րդ կետերով և 34-178 հոդվածի 2-րդ մասի 1-ին, 3-րդ կետերով` այն արարքների համար, որ նա 2007 թվականի նոյեմբերի վերջերին (ստույգ ժամանակը քննության ընթացքում չի պարզվել) նախապես համաձայնության է եկել Աննա Վիկտորի Գևորգյան-Պուզանովայի, Վիկտոր Վիտալիի Սալիի և անհայտ անձի հետ խաբեությամբ և վստահությունը չարաշահելու ճանապարհով ուրիշի ունեցվածքին տիրանալու ուղղությամբ, այն է եկամուտների մասին կեղծ տեղեկանք օգտագործելով վարկ ստանալու նպատակով:
Հետագայում, գործելով նախապես բաժանված դերերին համապատասխան, անհայտ անձը որպես հանցավոր ոտնձգության առարկա է ընտրել Պուշկինսկայա 31 հասցեում գտնվող «Զարգացման երիտասարդական կենտրոն» հասարակական կազմակերպությունը: Վ.Սալին, Ա.Գևորգյանի հետ միասին, ընտրել են մի անձի, որի անունով պետք ձևակերպվեր եկամուտների մասին կեղծ տեղեկանքն ու վարկը, որը հանդիսացել է Նատալյա Նիկոլայի Գալիցկայան, և վերջինին ներգրավել են իրենց հանցավոր դիտավորությունների մեջ: Ա.Գևորգյան-Պուզանովան իր ունեցած համակարգչի վրա պատրաստել է «Զարգացման երիտասարդական կենտրոն» հասարակական կազմակերպության եկամուտների մասին կեղծ տեղեկանք Ն.Գալիցկայայի անունով, որի համաձայն նա համարվում է վերը նշված կենտրոնի աշխատակից և կես տարվա համար նրա աշխատավարձը կազմում է 21.900 ուկրաինական գրիվնիա։ Վերը նշված կեղծ տեղեկանքը Ա.Գևորգյան-Պուզանովան փոխանցել է Ն.Գալիցկայային։
Իրականացնելով իրենց հանցավոր դիտավորությունը` 2007 թվականի նոյեմբերի 29-ին Ն.Գալիցկայան, Վ.Սալիի հետ միասին, ժամանել են Պուշկինսկայա 31 հասցեում գտնվող «Զարգացման երիտասարդական կենտրոն» հասարակական կազմակերպություն, ակնհայտորեն և վստահորեն իմանալով, որ վերը նշված տեղեկանքը կեղծված է (քանի որ նա երբեք չի աշխատել «Զարգացման երիտասարդական կենտրոնում» և այնտեղից աշխատավաձ չի ստացել), վերը նշված ակնհայտ կեղծ տեղեկանքը ներկայացրել է «ԲՏԱ բանկ» ԲԲԸ, որը գտնվում է Օդեսսա քաղաքի Պուշկինսկայա փողոցի 31 հասցեում, նշված բանկից վարկ ստանալու նպատակով` նախապես մտադրություն ունենալով չմարել վարկը:
Մոլորության մեջ գցելով բանկի աշխատակիցներին վերը նշված տեղեկանքի կեղծված լինելու հետ կապված` Ն.Գալիցկայան խաբեությամբ ստացել է 1.050.697,6 ՀՀ դրամին համարժեք 17.441,86 ուկրաինական գրիվնիայի չափով վարկ:
Խարդախությամբ ձեռք բերված վերը նշված գումարը Ա.Պուզանովա-Գևորգյանը, Ն.Գալիցկայան, Ա.Գևորգյանը, Վ.Սալին և անհայտ անձը իրար միջև բաժանել են ըստ մասնաբաժնի:
Բացի այդ, 2007 թվականի նոյեմբերի վերջին (ստույգ ժամանակը քննության ընթացքում չի պարզվել) Ա.Գևորգյանը նախապես համաձայնության է եկել Ա.Պուզանովա-Գևորգյանի, Վ.Սալիի և անհայտ անձի հետ խաբեությամբ և վստահությունը չարաշահելու ճանապարհով ուրիշի ունեցվածքին տիրանալու ուղղությամբ, այն է եկամուտների մասին կեղծ տեղեկանք օգտագործելով վարկ ստանալու նպատակով։
Հետագայում, գործելով նախապես բաժանված դերերին համապատասխան, անհատ անձը որպես հանցավոր ոտնձգության առարկա է ընտրել Պուշկինսկայա 31 հասցում գտնվող «Զարգացման երիտասարդական կենտրոն» հասարակական կազմակերպությունը: Վ.Սալին, Ա.Գևորգյանի հետ միասին, ընտրել են մի անձի, որի անունով պետք է ձևակերպվեր եկամուտների մասին կեղծ տեղեկանքն ու վարկը, որը Վալերի Վլադիմիրի Նեստերենկոն է, և ներգրավել նրան հանցավոր դիտավորությունների մեջ: Ա.Պուզանովա-Գևորգյանն իր ունեցած համակարգչի վրա պատրաստել է «Զարգացման երիտասարդական կենտրոն» հասարակական կազմակերպության եկամուտների մասին կեղծ տեղեկանք Վ.Նեստերենկոյի անունով, որի համաձայն նա համարվում է վերը նշված կենտրոնի աշխատակից և կես տարվա համար նրա աշխատավարձը կազմում է 23.100 ուկրաինական գրիվնիա: Վերը նշված կեղծ տեղեկանքը Ա.Պուզանովա-Գևորգյանը փոխանցել է Վ.Նեստերենկոյին:
Իրականացնելով իրենց հանցավոր դիտավորությունը` 2007 թվավանի դեկտեմբերի 4-ին Վ.Նեստերենկոն, Վ.Սալիի հետ միասին, ժամանել են Պուշկինսկայա 31 հասցում գտնվող «Զարգացման երիտասարդական կենտրոն» հասարակական կազմակերպություն, ակնհայտորեն և վստահորեն իմանալով, որ վերը նշված տեղեկանքը կեղծված է (քանի որ նա երբեք չի աշխատել «Զարգացման երիտասարդական կենտրոնում» և այնտեղից աշխատավարձ չի ստացել), վերը նշված ակնհայտ կեղծ տեղեկանքը ներկայացրել է «ԲՏԱ բանկ» ԲԲԸ, որը գտնվում է Օդեսսա քաղաքի Պուշկինսկայա փողոցի 31 հասցեում, նշված բանկից վարկ ստանալու նպատակով` նախապես մտադրություն ունենալով չմարել վարկը:
Մոլորության մեջ գցելով բանկի աշխատակիցներին վերը նշված տեղեկանքի կեղծված լինելու հետ կապված` Վ.Նեստերենկոն խաբեությամբ ստացել է 1.056.279 ՀՀ դրամին համարժեք 17.441,86 ուկրաինական գրիվնիայի չափով վարկ:
Խարդախությամբ ձեռք բերված վերը նշված գումարը Ա.Պուզանովա-Գևորգյանը, Վ.Նեստերենկոն, Ա.Գևորգյանը, Վ.Սալին և անհայտ անձը իրար միջև բաժանվել են ըստ մասնաբաժնի:
Բացի այդ, 2008 թվականի փետրվարի սկզբին (ստույգ ժամկետը քննությամբ չի պարզվել) Ա.Գևորգյանը նախապես համաձայնության է եկել Ա.Պուզանովա-Գևորգյանի, Վ.Սալիի և անհայտ անձի հետ խաբեությամբ և վստահությունը չարաշահելու ճանապարհով ուրիշի ունեցվածքին տիրանալու ուղղությամբ, այն է եկամուտների մասին կեղծ տեղեկանք օգտագործելով վարկ ստանալու նպատակով:
Իրականացնելով իրենց հանցավոր գործունեությունը ուղղված խարդախությամբ վարկ ստանալուն` 2008 թվականի փետրվարի սկզբին Ա.Պուզանովա-Գևորգյանը իր ունեցած համակարգչի վրա պատրաստել է «Զարգացման երիտասարդական կենտրոն» հասարակական կազմակերպության եկամուտների մասին կեղծ տեղեկանք Ն.Գալիցկայայի անունով, որի համաձայն նա համարվում է վերը նշված կենտրոնի աշխատակից և կես տարվա համար նրա աշխատավարձը կազմում է 21.900 ուկրաինական գրիվնիա: Վերը նշված կեղծ տեղեկանքը Ա.Պուզանովան փոխանցել է Ն.Գալիցկայային:
Իրականացնելով իրենց հանցավոր մտադրությունը` 2008 թվականի փետրվարի 4-ին Ն.Գալիցկայան, Ա.Գևորգյանի և Վ.Վ.Սալիի հետ միասին, կեղծ փաստաթղթերով վարկ ստանալու նպատակով ժամանել են Սեմաֆորնոմու պողոտայի 4 հասցեում գտնվող «Սիթիկոմ» խանութում գտնվող «ՎԱԲ բանկ»։ Այնուհետև Ն.Գալիցկայան, ակնհայտորեն և վստահորեն իմանալով, որ վերը նշված տեղեկանքը կեղծված է (քանի որ նա երբեք չի աշխատել «Զարգացման երիտասարդական կենտրոնում» և այնտեղից աշխատավարձ չի ստացել), վերը նշված ակնհայտ կեղծ տեղեկանքը ներկայացրել է «ՎԱԲ բանկ» ԲԲԸ` 486.830,7 ՀՀ դրամին համարժեք 7.990 ուկրաինական գրիվնիայի չափով վարկ ստանալու նպատակով` նախապես մտադրություն ունենալով չմարել վարկը:
Այնինչ, Ա.Գևորգյանը, Ն.Գալիցկայան, Ա.Պուզանովա-Գևորգյանը, Վ.Սալին չեն կարողացել ավարտին հասցնել իրենց հանցավոր դիտավորությունը իրենցից անկախ պատճառներով:
Բացի այդ, Արսեն Գևորգյանը, Գևորգ Ռեմիկի Խանոյանի և Գևորգ Աշոտի Ավետիսյանի հետ նախնական համաձայնությամբ, 2009 թվականի օգոստոսի վերջերին` գիշերը, ուրիշի գույքի գաղտնի հափշտակություն կատարելու նպատակով ապօրինի մուտք է գործել Ֆանարջյան փողոցի` Հովհաննես Սահակի Զաքարյանին պատկանող թիվ 2 տան բակ, որտեղից կրկին անգամ գաղտնի հափշտակել է 12 մետր երկարությամբ 19 հատ 12մմ հաստության և 1 հատ 10մմ հաստության մետաղյա ամրաններ` Հ.Զաքարյանին պատճառելով զգալի չափերի` 60.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի օգոստոս ամսին` գիշերը, Գևորգ Ռեմիկի Խանոյանի և Գևորգ Աշոտի Ավետիսյանի հետ նախնական համաձայնությամբ, Քանաքեռի 4-րդ փողոցի 8-րդ տան դիմաց կայանված, Գառնիկ Եփրեմի Մանուկյանի կողմից շահագործվող «Գազել» մակնիշի Տ2192 պետհամարանիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Գ.Մանուկյանին պատճառելով զգալի չափերի` 38.000 ՀՀ դրամի գույքային վնաս:
Բացի այդ, Արսեն Գևորգյանը և Գևորգ Ավետիսյանը, 2009 թվականի օգոստոսի կեսերին` գիշերը, նախնական համաձայնությամբ, ապօրինի մուտք են գործել Քանաքեռի 13ա տան բակ, բացել Պավել Ճաղարյանին պատկանող «ՎԱԶ-2121» մակնիշի ավտոմեքենայի շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Պ.Ճաղայանին պատճառելով զգալի չափերի հասնող` 10.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի օգոստոսին վերջերին` գիշերը, Գևորգ Ռեմիկի Խանոյանի և Գևորգ Աշոտի Ավետիսյանի հետ նախնական համաձայնությամբ, Քանաքեռի 4-րդ փողոցի 47-րդ տան դիմաց կայանված, Վարդան Ժուդեկսի Եփրեմյանին պատկանող «Գազել» մակնիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Վ.Եփրեմյանին պատճառելով զգալի չափերի` 32.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի սեպտեմբերի սկզբներին` գիշերը, Գևորգ Ռեմիկի Խանոյանի և Գևորգ Աշոտի Ավետիսյանի հետ նախնական համաձայնությամբ, Ծարավ Աղբյուրի փողոցի 12-րդ տան դիմաց կայանված, Հարություն Լևոնի Հովհաննիսյանին պատկանող «Գազել» մակնիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Հ.Հովհաննիսյանին պատճառելով զգալի չափերի` 10.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի սեպտեմբերի սկզբներին` գիշերը, Գևորգ Ռեմիկի Խանոյանի և Գևորգ Աշոտի Ավետիսյանի հետ նախնական համաձայնությամբ, բացել են Քանաքեռի 2-րդ փողոցի 53-րդ տան դիմաց կայանված, Նշան Վաչագանի Կոստանյանին պատկանող «ՎԱԶ-2102» մակնիշի 61-274 պետհամարանիշի ավտոմեքենայի շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Ն.Կոստանյանին պատճառելով 10.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի սեպտեմբերի սկզբներին` գիշերը, Գևորգ Աշոտի Ավետիսյանի, Գևորգ Ռեմիկի Խանոյանի և Սուրեն Սամվելի Պողոսյանի հետ նախնական համաձայնությամբ, դարպասի վրայով ապօրինի մուտք է գործել Քանաքեռի 4-րդ փողոցի 26ա տան բակ և այնտեղ կայանված, Ռոման Հակոբի Հակոբյանին պատկանող «ԳԱԶ-3110» մակնիշի 09ՏՏ185 պետհամարանիշի ավտոմեքենայի առջևի աջ դռան ապակին կոտրելու միջոցով մեքենայի սրահից կրկին անգամ գաղտնի հափշտակել է ձայնագրիչը` Ռ.Հակոբյանին պատճառելով զգալի չափերի` 40.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի սեպտեմբերի սկզբներին` գիշերը, Սուրեն Սամվելի Պողոսյանի, Գևորգ Աշոտի Ավետիսյանի և Գևորգ Ռեմիկի Խանոյանի հետ նախնական համաձայնությամբ, Ֆանարջյան փողոցի 12-րդ տան դիմաց կայանված, Արտաշես Գաբրիելյանին պատկանող «ՎԱԶ-2106» մակնիշի ավտոմեքենայի բեռնախցիկից կրկին անգամ գաղտնի հափշտակել են մեքենայի պահեստային անվադողը և ամբարձիչը` Ա.Գաբրիելյանին պատճառելով զգալի չափերի` 10.000 ՀՀ դրամի գույքային վնաս:
Բացի այդ, Արսեն Գևորգյանը 2009 թվականի սեպտեմբերի 2-ին` ժամը 01:00-ից 02:00-ն ընկած ժամանակահատվածում, Գևորգ Աշոտի Ավետիսյանի հետ նախնական համաձայնությամբ, Քանաքեռի 6-րդ փողոցի 18-րդ տան դիմաց կայանված, Գրիշա Գուրգենի Համբարձումյանին պատկանող «ԳԱԶ-3110-411» մակնիշի Տ6507 պետհամարանիշի ավտոմեքենայի առջևի աջ դռան ապակին կոտրելու միջոցով սրահից կրկին անգամ գաղտնի հափշտակել է 12.000 ՀՀ դրամ արժողության «Պիոներ» ֆիրմայի ձայնագրիչը և 42.000 ՀՀ դրամ արժողության հաշվիչ-հայելին` Գ.Համբարձումյանին պատճառելով զգալի չափերի հասնող` 54.000 ՀՀ դրամի գույքային վնաս:
Սուրեն Սամվելի Պողոսյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով` այն արարքների համար, որ նա, Գևորգ Ռեմիկի Խանոյանի, Գևորգ Աշոտի Ավետիսյանի և Արսեն Գրիգորի Գևորգյանի հետ նախնական համաձայնությամբ, 2009 թվականի սեպտեմբերի սկզբներին` գիշերը, դարպասի վրայով ապօրինի մուտք են գործել Քանաքեռի 4-րդ փողոցի 26ա տան բակ և այնտեղ կայանված, Ռոման Հակոբի Հակոբյանին պատկանող «ԳԱԶ-3110» մակնիշի 09ՏՏ185 պետհամարանիշի ավտոմեքենայի առջևի աջ դռան ապակին կոտրելու միջոցով մեքենայի սրահից գաղտնի հափշտակել են մագնիտոլան` Ռ.Հակոբյանին պատճառելով զգալի չափերի հասնող` 40.000 ՀՀ դրամի գույքային վնաս:
Այնուհետև, 2009 թվականի սեպտեմբերի սկզբներին` գիշերը, Սուրեն Սամվելի Պողոսյանը, Գևորգ Ռեմիկի Խանոյանի, Գևորգ Աշոտի Ավետիսյանի և Արսեն Գրիգորի Գևորգյանի հետ նախնական համաձայնությամբ, կրկին անգամ, Ֆանարջյան փողոցի 12-րդ տան դիմաց կայանված, Արտաշես Գաբրիելյանին պատկանող «ՎԱԶ-2106» մակնիշի ավտոմեքենայի բեռնախցիկից գաղտնի հափշտակել են մեքենայի պահեստային անվադողը և ամբարձիչը Ա.Գաբրիելյանին պատճառելով զգալի չափերի հասնող` 10.000 ՀՀ դրամի գույքային վնաս:
Գևորգ Աշոտի Ավետիյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով` այն արարքների համար, որ նա 2008 թվականի աշնանը` գիշերը, Արա Մհերի Սիմոնյանի և Մանուկ Պողոսի Հայրապետյանի հետ նախնական համաձայնությամբ, Զենիկ Ավագյանին պատկանող` Զ.Սարկավագի 32 հասցեում գտնվող հողամասից գողացել են ընդհանուր 40 մետր երկարությամբ մետաղյա խողովակներ` Զ.Ավագյանին պատճառելով զգալի չափերի հասնող` 60.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը, Գևորգ Ռեմիկի Խանոյանի և Արսեն Գրիգորի Գևորգյանի հետ նախնական համաձայնությամբ, 2009 թվականի օգոստոսի վերջերին` գիշերը, ուրիշի գույքի գաղտնի հափշտակություն կատարելու նպատակով ապօրինի մուտք է գործել Ֆանարջյան փողոցի` Հովհաննես Սահակի Զաքարյանին պատկանող թիվ 2 տան բակ, որտեղից կրկին անգամ գաղտնի հափշտակել է 12 մետր երկարությամբ 19 հատ 12մմ հաստության և 1 հատ 10մմ հաստության մետաղյա ամրաններ` Հ.Զաքարյանին պատճառելով զգալի չափերի` 60.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի օգոստոս ամսին` գիշերը, Գևորգ Ռեմիկի Խանոյանի և Արսեն Գրիգորի Գևորգյանի հետ նախնական համաձայնությամբ, Քանաքեռի 4-րդ փողոցի 8-րդ տան դիմաց կայանված, Գառնիկ Եփրեմի Մանուկյանի կողմից շահագործվող «Գազել» մակնիշի Տ2192 պետհամարանիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Գ.Մանուկյանին պատճառելով զգալի չափերի` 38.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի օգոստոսին` գիշերը, Քանաքեռի 15-րդ փողոցի միջնամասում կայանված, Վահան Հովհաննեսի Մարգարյանին պատկանող «Օպել-Վեկտրա» մակնիշի` 10ՏՕ416 պետհամարանիշի ավտոմեքենայի առջևի ձախ դռան ապակին կոտրելու միջոցով մեքենայի սրահից կրկին անգամ գաղտնի հափշտակել է մագնիտոլան և անսարք ռադիոկապը` Վ.Մարգարյանին պատճառելով զգալի չափերի հասնող` 15.000 ՀՀ դրամի գույքային վնաս:
Բացի այդ, Գևորգ Ավետիսյանը և Արսեն Գևորգյանը 2009 թվականի օգոստոսի կեսերին` գիշերը, նախնական համաձայնությամբ, ապօրինի մուտք են գործել Քանաքեռի 13ա տան բակ, բացել Պավել Ճաղարյանին պատկանող «ՎԱԶ-2121» մակնիշի ավտոմեքենայի շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Պ.Ճաղարյանին պատճառելով զգալի չափերի հասնող` 10.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի օգոստոսի վերջերին` գիշերը, Քանաքեռի 9-րդ փողոցում գտնվող գիշերօթիկ դպրոցի մոտակայքում կայանված, Արամ Վլադիմիրի Առաքելյանին պատկանող «ՎԱԶ-2107» մակնիշի ավտոմեքենայից կրկին անգամ գաղտնի հափշտակել է ձայնագրիչը` Ա.Առաքելյանին պատճառելով զգալի չափերի հասնող` 30.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի օգոստոսի վերջերին` ժամը 24:00-ից 01:00-ն ընկած ժամանակահատվածում, Քանաքեռի 13-րդ փողոցի 2-րդ տան մոտ կայանված, Դավիթ Վլադիմիրի Բաբայանին պատկանող «ՎԱԶ-2108» մակնիշի 43ՕՕ995 պետհամարանիշի ավտոմեքենայի առջևի ձախ դռան ապակին կոտրելու միջոցով սրահից կրկին անգամ գաղտնի հափշտակել է մագնիտոլան` Դ.Բաբայանին պատճառելով զգալի չափերի հասնող` 20.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի օգոստոսի վերջերին` գիշերը, Գևորգ Ռեմիկի Խանոյանի և Արսեն Գրիգորի Գևորգյանի հետ նախնական համաձայնությամբ, Քանաքեռի 4-րդ փողոցի 47-րդ տան դիմաց կայանված, Վարդան Ժուդեկսի Եփրեմյանին պատկանող «Գազել» մակնիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Վ.Եփրեմյանին պատճառելով զգալի չափերի հասնող` 32.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի սեպտեմբերի սկզբներին` գիշերը, Գևորգ Ռեմիկի Խանոյանի և Արսեն Գրիգորի Գևորգյանի հետ նախնական համաձայնությամբ, Ծարավ Աղբյուրի փողոցի 12-րդ տան դիմաց կայանված, Հարություն Լևոնի Հովհաննիսյանին պատկանող «Գազել» մակնիշի ավտոմեքենայի սրահից բացել են շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Հ.Հովհաննիսյանին պատճառելով զգալի չափերի` 10.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի սեպտեմբերի սկզբներին` գիշերը, Գևորգ Ռեմիկի Խանոյանի և Արսեն Գրիգորի Գևորգյանի հետ նախնական համաձայնությամբ, բացել են Քանաքեռի 2-րդ փողոցի 53-րդ տան դիմաց կայանված, Նշան Վաչագանի Կոստանյանին պատկանող «ՎԱԶ-2102» մակնիշի 61-274 պետհամարանիշի ավտոմեքենայի շարժիչի ծածկոցը և կրկին անգամ գաղտնի հափշտակել էլեկտրական մարտկոցը` Ն.Կոստանյանին պատճառելով 10.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի սեպտեմբերի սկզբներին` գիշերը, Արսեն Գրիգորի Գևորգյանի, Գևորգ Ռեմիկի Խանոյանի և Սուրեն Սամվելի Պողոսյանի հետ նախնական համաձայնությամբ, դարպասի վրայով ապօրինի մուտք է գործել Քանաքեռի 4-րդ փողոցի 26ա տան բակ և այնտեղ կայանված, Ռոման Հակոբի Հակոբյանին պատկանող «ԳԱԶ-3110» մակնիշի 09ՏՏ185 պետհամարանիշի ավտոմեքենայի առջևի աջ դռան ապակին կոտրելու միջոցով մեքենայի սրահից կրկին անգամ գաղտնի հափշտակել է ձայնագրիչը` Ռ.Հակոբյանին պատճառելով զգալի չափերի` 40.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի սեպտեմբերի սկզբներին` գիշերը, Սուրեն Սամվելի Պողոսյանի, Արսեն Գրիգորի Գևորգյանի և Գևորգ Ռեմիկի Խանոյանի հետ նախնական համաձայնությամբ, Ֆանարջյան փողոցի 12-րդ տան դիմաց կայանված, Արտաշես Գաբրիելյանին պատկանող «ՎԱԶ-2106» մակնիշի ավտոմեքենայի բեռնախցիկից կրկին անգամ գաղտնի հափշտակել են մեքենայի պահեստային անվադողը և ամբարձիչը` Ա.Գաբրիելյանին պատճառելով զգալի չափերի` 10.000 ՀՀ դրամի գույքային վնաս:
Բացի այդ, Գևորգ Աշոտի Ավետիսյանը 2009 թվականի սեպտեմբերի 2-ին` ժամը 01:00-ից 02:00-ն ընկած ժամանակահատվածում, Արսեն Գրիգորի Գևորգյանի հետ նախնական համաձայնությամբ, Քանաքեռի 6-րդ փողոցի 18-րդ տան դիմաց կայանված, Գրիշա Գուրգենի Համբարձումյանին պատկանող «ԳԱԶ-3110-411» մակնիշի Տ6507 պետհամարանիշի ավտոմեքենայի առջևի աջ դռան ապակին կոտրելու միջոցով սրահից կրկին անգամ գաղտնի հափշտակել է 12.000 ՀՀ դրամ արժողության «Պիոներ» ֆիրմայի ձայնագրիչը և 42.000 ՀՀ դրամ արժողության հաշվիչ-հայելին` Գ.Համբարձումյանին պատճառելով զգալի չափերի հասնող` 54.000 ՀՀ դրամի գույքային վնաս:
Արա Մհերի Սիմոնյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով` այն արարքի համար, որ նա 2008 թվականի աշնանը` գիշերը, Գևորգ Աշոտի Ավետիսյանի և Մանուկ Պողոսի Հայրապետյանի հետ նախնական համաձայնությամբ, Զենիկ Ավագյանին պատկանող` Զ.Սարկավագի 32 հասցեում գտնվող հողամասից գողացել են 40 մետր ընդհանուր երկարությամբ մետաղյա խողովակներ` Զ.Ավագյանին պատճառելով գգալի չափերի հասնող` 60.000 ՀՀ դրամի գույքային վնաս:
Մանուկ Պողոսի Հայրապետյանին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին կետով` այն արարքի համար, որ նա 2008 թվականի աշնանը` գիշերը, Գևորգ Աշոտի Ավետիսյանի և Արա Մհերի Սիմոնյանի հետ նախնական համաձայնությամբ, Զենիկ Ավագյանի` Զ.Սարկավագի 32 հասցեում գտնվող հողամասից գողացել են 40 մետր ընդհանուր երկարությամբ մետաղյա խողովակներ` Զ.Ավագյանին պատճառելով զգալի չափերի հասնող` 60.000 ՀՀ դրամի գույքային վնաս:
Արտաշես Արամի Նալբանդյանին մեղադրանք է առաջադրվել ՀՀ քրեական օրենսգրքի 38-177-րդ հոդվածի 2-րդ մասի 1-ին կետով` այն արարքի համար, որ նա օժանդակել է Արա Մհերի Սիմոնյանի, Գևորգ Աշոտի Ավետիսյանի և Մանուկ Պողոսի Հայրապետյանի կողմից, նախնական համաձայնությամբ, 2008 թվականի աշնանը Զենիկ Ավագյանին պատկանող` Զ.Սարկավագի 32 հասցեում գտնվող հողամասից 40 մետր մետաղյա խողովակներ գողանալուն: Այն է.
Արտաշես Նալբանդյանը, տեղյակ լինելով, որ Արա Սիմոնյանը, Մանուկ Հայրապետյանը և Գևորգ Ավետիսյանը ցանկանում են նախնական համաձայնությամբ գողանալ մետաղյա խողովակներ, նախապես խոստացել է ձեռք բերել դրանք` 1 մետրը 300 ՀՀ դրամ հաշվելու պայմանով: 2008 թվականի աշնանը Արա Սիմոնյանը, Մանուկ Հայրապետյանը և Գևորգ Ավետիսյանը Զ.Սարկավագի 32 հասցեում գտնվող` Զ.Ավագյանին պատկանող հողամասից, նախնական համաձայնությամբ, գողացել են 40 մետր մետաղյա խողովակներ, որոնք նույն գիշեր տեղափոխել են Արտաշես Նալբանդյանի տան բակ, և հաջորդ օրը չափագրելուց ու հաշվարկ կատարելուց հետո վերջինը Արա Սիմոնյանին վճարել է 5.000 ՀՀ դրամ, իսկ մնացած 7.000 ՀՀ դրամը հաշվել է որպես Մանուկ Հայրապետյանի և Գևորգ Ավետիսյանի պարտք եղած գումարի մարում:
2. Արագացված դատական քննություն.
Մինչ դատաքննությունն սկսելն ամբաստանյալներ Արսեն Գրիգորի Գևորգյանը, Սուրեն Սամվելի Պողոսյանը, Գևորգ Աշոտի Ավետիսյանը, Արա Մհերի Սիմոնյանը, Մանուկ Պողոսի Հայրապետյանը և Արտաշես Արամի Նալբանդյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունները ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ են, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Սուրեն Սամվելի Պողոսյանը կատարել է արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, ամբաստանյալ Գևորգ Աշոտի Ավետիսյանը` արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով, ամբաստանյալ Արա Մհերի Սիմոնյանը` արարք` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին կետով, ամբաստանյալ Մանուկ Պողոսի Հայրապետյանը` արարք` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին կետով, ամբաստանյալ Արտաշես Արամի Նալբանդյանը` արարք` նախատեսված ՀՀ քրեական օրենսգրքի 38-177-րդ հոդվածի 2-րդ մասի 1-ին կետով, իսկ ամբաստանյալ Արսեն Գրիգորի Գևորգյանը` արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, 178-րդ հոդվածի 2-րդ մասի 1-ին, 3-րդ կետերով և 34-178 հոդվածի 2-րդ մասի 1-ին, 3-րդ կետերով: Ինչ վերաբերում է Արսեն Գրիգորի Գևորգյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով (խարդախությունը, որը կատարվել է խոշոր չափերով) առաջադրված մեղադրանքին, ապա Դատարանը նշվածին կանդրադառնա ստորև:
3. Դատարանի իրավական վերլուծությունները.
Ըստ մեղադրանքի կողմի Արսեն Գրիգորի Գևորգյանին ՀՀ քրեական օրենսգրքի 178-րդ հոդվածի 2-րդ մասի 2-րդ կետով մեղադրանք առաջադրելու հիմք է հանդիսացել, այն որ նա 2007 թվականի նոյեմբերի 29-ին և դեկտեմբերի 4-ին Ուկրաինայի Օդեսսա քաղաքի Պուշկինսկայա փողոցի 31 հասցեում գտնվող «ԲՏԱ բանկ» ԲԲ ընկերությունից, յուրաքանչյուր անգամ խարդախությամբ հափշտակել է համապատասխանաբար 1.050.697,6 և 1.056.279 ՀՀ դրամին համարժեք 17.441,86 ուկրաինական գրիվնիա:
ՀՀ քրեական օրենսգրքի 15-րդ հոդվածի 1-ին մասի համաձայն` Հայաստանի Հանրապետության տարածքից դուրս հանցանք կատարած Հայաստանի Հանրապետության քաղաքացիները ենթակա են քրեական պատասխանատվության ՀՀ քրեական օրենսգրքով, եթե նրանց կատարած արարքը ճանաչված է հանցագործություն դրա կատարման վայրի պետության օրենսդրությամբ, և եթե նրանք չեն դատապարտվել այլ պետությունում: Նշված անձանց դատապարտելիս պատիժը չի կարող գերազանցել օտարերկրյա այն պետության օրենքով նախատեսված պատժի վերին սահմանը, որի տարածքում կատարվել է հանցանքը:
Ուկրաինայի քրեական օրենսգրքի համաձայն.
«Հոդված 190. Խարդախություն
1. Խաբեությամբ կամ վստահությունը չարաշահելով ուրիշի գույքին տիրանալը կամ գույքի նկատմամբ իրավունք ձեռք բերելը (խարդախություն)`
պատժվում է (...)
2.Խարդախությունը, որը կատարվել է կրկին անգամ կամ մի խումբ անձանց կողմից նախնական համաձայնությամբ կամ որը զգալի վնաս է պատճառել տուժողին`
պատժվում է տուգանքով` քաղաքացիների նվազագույն չհարկվող եկամտի հիսնապատկից մինչև հարյուրապատիկի չափով, կամ ուղղիչ աշխատանքներով` մեկից երկու տարի ժամկետով, կամ ազատության սահմանափակմամբ` մինչև հինգ տարի ժամկետով կամ ազատազրկմամբ` մինչև երեք տարի ժամկետով:
3.Խարդախությունը, որը կատարվել է խոշոր չափերով կամ էլեկտրոնային հաշվողական տեխնիկայի կիրառմամբ անօրինական գործողությունների եղանակով`
պատժվում է (...)»:
Ուկրաինայի քրեական օրենսգրքի 185-րդ հոդվածի ծանոթագրության 3-րդ կետի համաձայն` Ուկրաինայի քրեական օրենսգրքի 185-191-րդ հոդվածներում խոշոր չափերով կատարված է համարվում այն հանցագործությունը, որը կատարվել է մեկ անձի կամ անձանց խմբի կողմից` հանցագործության պահին քաղաքացիների նվազագույն չհարկվող եկամուտը երկու հարյուր հիսուն և ավելի անգամ գերազանցող գումարի չափով:
«Ֆիզիկական անձանց եկամտահարկի մասին» Ուկրաինայի օրենքի 22-րդ հոդվածի 22.5 կետի համաձայն` եթե այլ օրենքների նորմերը պարունակում են նվազագույն չհարկվող եկամտին կատարված հղում, ապա դրանց կիրառման համար օգտագործվում է 17 գրիվնիա գումարը, բացառությամբ վարչական և քրեական օրենսդրությունում հանցագործությունների և իրավախախտումների որակման մասերի, որոնց համար նվազագույն չհարկվող եկամուտը սահմանվում է հարկային սոցիալական արտոնությունների մակարդակով, որը համապատասխան տարվա համար որոշվում է «Ֆիզիկական անձանց եկամտահարկի մասին» օրենքի 6-րդ հոդվածի 6.1 կետի 6.1.1 ենթակետով (հաշվի առնելով 22-րդ հոդվածի 22.4 կետի դրույթները):
«Ֆիզիկական անձանց եկամտահարկի մասին» Ուկրաինայի օրենքի 22-րդ հոդվածի 22.4 կետի համաձայն` անցումային ժամանակահատվածում, բացառությամբ «Ֆիզիկական անձանց եկամտահարկի մասին» օրենքի 4-րդ հոդվածի 4.2 կետի 4.2.4 ենթակետով նախատեսված դեպքերի, սահմանվում են հարկային սոցիալական արտոնության հետևյալ չափերը`
(...)
-2007 թվականին` «Ֆիզիկական անձանց եկամտահարկի մասին օրենքի 6-րդ հոդվածի 6.1 կետի 6.1.1 ենթակետով սահմանված հարկային սոցիալական արտոնության 100 տոկոս գումարի չափով:
«Ֆիզիկական անձանց եկամտահարկի մասին» Ուկրաինայի օրենքի 6-րդ հոդվածի 6.1 կետի համաձայն` «հաշվի առնելով սույն հոդվածի 6.5 կետի նորմերը` հարկատուն իրավունք ունի նվազեցնել ընդհանուր ամսական հարկվող եկամտի գումարը, որը ստացվում է աշխատավարձի տեսքով մեկ գործատուից Ուկրաինայի տարածքում գտնվող աղբյուրներից հարկային սոցիալական արտոնության գումարի հետևյալ չափերով.
6.1.1. մեկ նվազագույն աշխատավարձի (ամսվա հաշվարկով) 50 տոկոսի չափով, որը օրենքով սահմանվում է ցանկացած հարկատուի համար հաշվետու հարկային տարվա հունվարի 1-ի դրությամբ:
«Ուկրաինայի 2007 թվականի պետական բյուջեի մասին» Ուկրաինայի օրենքի 76-րդ հոդվածի համաձայն` 2007 թվականին նվազագույն աշխատավարձի չափը (...) կմեծանա և կկազմի.
-2007 թվականի հունվարի 1-ից` ամսական 400 գրիվնիա,
-2007 թվականի հուլիսի 1-ից` ամսական 420 գրիվնիա,
-2007 թվականի դեկտեմբերի 1-ից` ամսական 450 գրիվնիա:
Վերոգրյալ իրավանորմերի համադրումից հետևում է, որ անձի արարքը Ուկրաինայի քրեական օրենսգրքի 190-րդ հոդվածի 3-րդ մասով (խարդախությունը, որը կատարվել է խոշոր չափերով) որակելու համար հափշտակված գույքի արժեքը 2007 թվականի նոյեմբերին պետք է լիներ նվազագույնը 52.500 (420 : 2 x 250) գրիվնիա, իսկ 2007 թվականի նոյեմբերին` 56.250 (450 : 2 x 250) գրիվնիա:
Դատարանը, նկատի ունենալով, որ Ուկրաինայի օրենսդրությամբ 17.441,86 ուկրաինական գրիվնիան չի հանդիսանում խոշոր չափերի գումար, այսինքն 17.441,86 ուկրաինական գրիվնիա խարդախությամբ հափշտակելը Ուկրիանիայի օրենսդրությամբ ճանաչված չէ որպես խոշոր չափերով խարդախություն, գտնում է որ Արսեն Գրիգորի Գևորգյանին չպետք է մեղավոր ճանաչել ՀՀ քրեական օրենսգրքի 178-րդ հոդվածի 2-րդ մասի 2-րդ կետով (խարդախությունը, որը կատարվել է խոշոր չափերով):
ՀՀ քրեական դատավարության օրենսգրքի 366-րդ հոդվածի 2-րդ մասի համաձայն` դատարանը պարտավոր է ՀՀ քրեական դատավարության օրենսգրքի 35-րդ հոդվածի 1-3-րդ կետերով և 2-րդ մասով նախատեսված հիմքերից որևէ մեկի առկայության դեպքում տվյալ դատական նիստում կայացնել արդարացման դատավճիռ: Դատարանը հարկ է համարում նշել, որ սույն գործով ՀՀ քրեական օրենսգրքի 178-րդ հոդվածի 2-րդ մասի 2-րդ կետով Արսեն Գրիգորի Գևորգյանին առաջադրված մեղադրանքի բացառումը նվազեցնում է առաջադրված մեղադրանքի սահմանը, ինչի արդյունքոմ, սակայն, հոդվածի կամ հոդվածի մասի փոփոխություն տեղի չի ունենում: Նման պարագայում արդարացման դատավճռի կայացումը և ամբաստանյալի անմեղության հռչակումը Դատարանը գտնում է անիրատեսական, քանի որ ամբաստանյալ Արսեն Գրիգորի Գևորգյանին մեղադրանք է առաջադրված եղել նաև նույն հոդվածի նույն մասի այլ կետով, որով նա ճանաչվել է մեղավոր:
Դատարանը, ուսումնասիրելով ամբաստանյալների անձը բնութագրող, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագրերը, բնութագրերը, ՀՀ ԱՆ «Հոգեբուժական բժշկական կենտրոն» ՓԲ ընկերության Ավանի հոգեբուժական կլինիկայի ղեկավարի գրությունները, ստացիոնար դատահոգեբուժական փորձաքննությունների եզրակացությունները, ծննդյան վկայականների, առողջական վիճակի վերաբերյալ փաստաթղթերի և զինվորական գրքույկի պատճենները, տուժողների դիմումները, եկավ հետևյալ եզրահանգման.
Արսեն Գրիգորի Գևորգյանի անձը դրականորեն բնութագրող հանգամանքներ են ամուսնացած լինելը, մասնակի խոստովանական ցուցմունքներ տալը և կատարածի համար զղջալը:
Արսեն Գևորգյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեք թոռների (Գեղամ Մինասի Գևորգյան` ծնված 2005 թվականի մարտի 5-ին, Կարինե Մինասի Գևորգյան` ծնված 2006 թվականի ապրիլի 20-ին և Գագիկ Մինասի Գևորգյան` ծնված 2008 թվականի դեկտեմբերի 12-ին) առկայությունը:
Դատարանը գտնում է, որ Արսեն Գևորգյանի պատասխանատվությունն ու պատիժը մեղմացնող հանգամանք պետք է դիտել նաև դրականորեն բնութագրվելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Արսեն Գևորգյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Արսեն Գևորգյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արսեն Գևորգյանը ենթակա է քրեական պատասխանատվության և պատժի:
Դատարանը, հաշվի առնելով Արսեն Գևորգյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժներ պետք է նշանակել ազատազրկման ձևով:
Դատարանը, նկատի ունենալով, որ Արսեն Գրիգորի Գևորգյանի ՀՀ քրեական օրենսգրքի 178-րդ հոդվածի 2-րդ մասի 1-ին, 3-րդ կետերով և 34-178 հոդվածի 2-րդ մասի 1-ին, 3-րդ կետերով նախատեսված արարքները կատարել է Ուկրիանիայում, գտնում է, որ վերոգրյալ իրավանորմերի ուժով, նշված արարքները կատարելու համար նրա նկատմամբ առավելագույն պատիժ կարող է նշանակվել ազատազրկում` երեք տարի ժամկետով:
Դատարանը գտնում է, որ ամբաստանյալ Արսեն Գևորգյանի նկատմամբ վերջնական պատիժ պետք է նշանակել ՀՀ քրեական օրենսգրքի 66-րդ հոդվածով սահմանված` պատիժները մասնակիորեն գումարելու կանոնի կիրառմամբ, որը նա պետք է կրի:
Դատարանը գտնում է, որ Արսեն Գևորգյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Ամբաստանյալ Արսեն Գևորգյանի պատժի կրման սկիզբը պետք է հաշվել 2009 թվականի դեկտեմբերի 8-ից, քանի որ նա ձերբակալվել է այդ օրը, իսկ 2009 թվականի դեկտեմբերի 11-ին նրա նկատմամբ որպես խափանման միջոց ընտրվել է կալանավորումը: Դատարանը միաժամանակ գտնում է, որ Արսեն Գևորգյանի նկատմամբ նշանակված պատժի ժամկետին պետք է հաշվակցել սույն քրեական գործով Ուկրաինայում 2008 թվականի փետրվարի 11-ից մինչև 2008 թվականի փետրվարի 14-ը ձերբակալված լինելու ժամկետը` 3 (երեք) օրը:
Սուրեն Սամվելի Պողոսյանի անձը դրականորեն բնութագրող հանգամանքներ են ամուսնացած լինելը և առաջադրված մեղադրանքում իրեն մեղավոր ճանաչելը:
Սուրեն Պողոսյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Նվեր Սուրենի Արղամանյան` ծնված 2004 թվականի հունիսի 15-ին) առկայությունը:
Դատարանը գտնում է, որ Սուրեն Պողոսյանի պատասխանատվությունն ու պատիժը մեղմացնող հանգամանքներ են նաև նախկինում արատավորված` դատապարտված չլինելը, դրականորեն բնութագրվելը, վատառողջ (նրա մոտ հայտնաբերվել է «Գլխուղեղի օրգանական ախտահարման մնացորդային երևույթներ` մտավոր թերզարգացումով») և երկրորդ խմբի հաշմանդամ լինելը:
Դատարանը միաժամանակ արձանագրում է, որ Սուրեն Պողոսյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Սուրեն Պողոսյանը ենթակա է քրեական պատասխանատվության և պատժի:
Դատարանը, հաշվի առնելով Սուրեն Պողոսյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Սուրեն Պողոսյանի կողմից կատարված արարքների համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալն արդյոք պետք է կրի իր նկատմամբ նշանակված պատիժը, թե` ոչ:
ՀՀ քրեական օրենսգրքի 70-րդ հոդվածի համաձայն` եթե դատարանը, ազատազրկման ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մաuին: ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել: ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է: Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները: Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»:
Դատարանը, հաշվի առնելով Սուրեն Պողոսյանի արարքների բնույթն ու կատարման հանգամանքները, նրան դրականորեն բնութագրող և պատասխանատվությունն ու պատիժը մեղմացնող վերը նշված հանգամանքները, գալիս է այն հետևության, որ ամբաստանյալ Սուրեն Պողոսյանի ուղղվելը հնարավոր է առանց նրա կողմից ազատազրկման ձևով նշանակված պատիժը կրելու, այսինքն` կիրառելի է ՀՀ քրեական օրենսգրքի 70-րդ հոդվածը:
ՀՀ քրեական դատավարության օրենսգրքի 360-րդ հոդվածի 1-ին մասի 15-րդ կետի համաձայն` դատավճիռ կայացնելիս դատարանը լուծում է այն հարցը, թե հանցանքը կատարելու մեջ մեղավոր ճանաչված ամբաստանյալի նկատմամբ անհրաժեշտ է արդյոք կիրառել հարկադրական բուժում:
ՀՀ քրեական օրենսգրքի 97-րդ հոդվածի 1-ին մասի մասի համաձայն բժշկական բնույթի հարկադրանքի միջոցներ դատարանը կարող է նշանակել այն անձի նկատմամբ`
1) ով սույն օրենսգրքի Հատուկ մասի հոդվածով նախատեսված արարքը կատարել է անմեղսունակության վիճակում,
2) ում մոտ հանցանքը կատարելուց հետո առաջացել է պատժի նշանակումը կամ կատարումն անհնար դարձնող հոգեկան խանգարում,
3) ով հանցանք է կատարել սահամանափակ մեղսունակության վիճակում,
4) ով հանցանք է կատարել և ճանաչվել է ալկոհոլամոլությունից կամ թմրամոլությունից բուժման կարիք ունեցող:
Դատարանը գտնում է, որ Սուրեն Պողոսյանի նկատմամբ չպետք է նշանակել բժշկական բնույթի հարկադրանքի միջոցներ, քանի որ վերը նշված հիմքերից որևէ մեկն առկա չէ:
ՀՀ քրեական դատավարության օրենսգրքի 374-րդ հոդվածի համաձայն` ամբաստանյալի նկատմամբ պատիժը պայմանականորեն չկիրառելու դեպքում, եթե ամբաստանյալը կալանքի տակ է գտնվում, դատարանը նրան անհապաղ ազատում է կալանքից դատական նիստի դահլիճում: Քանի որ ամբաստանյալ Սուրեն Պողոսյանի նկատմամբ նշանակված պատիժը վերոգրյալ հիմնավորմամբ պետք է պայմանականորեն չկիրառվի, ուստի նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Գևորգ Աշոտի Ավետիսյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Գևորգ Ավետիսյանի պատասխանատվությունն ու պատիժը մեղմացնող հանգամանքներ են հանցագործությունները բացահայտելուն և հանցագործության մյուս մասնակիցներին մերկացնելուն աջակցելը, ինչպես նաև տուժողների մի մասին պատճառված վնասը կամովին հատուցելը:
Դատարանը գտնում է, որ Գևորգ Ավետիսյանի պատասխանատվությունն ու պատիժը մեղմացնող հանգամանք պետք է դիտել նաև նախկինում արատավորված` դատապարտված չլինելը, դրականորեն բնութագրվելը և վատառողջ լինելը (նրա մոտ հայտնաբերվել է «Անձի հիստերիկ խանգարում»):
Դատարանը միաժամանակ արձանագրում է, որ Գևորգ Ավետիսյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Գևորգ Ավետիսյանը ենթակա է քրեական պատասխանատվության և պատժի:
Դատարանը, հաշվի առնելով Գևորգ Ավետիսյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Գևորգ Ավետիսյանի կողմից կատարված արարքների համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով:
ՀՀ քրեական օրենսգրքի 64-րդ հոդվածի 1-ին մասի համաձայն` հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի` հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսված է այդ հոդվածով, կամ չկիրառել որպես պարտադիր նախատեսված լրացուցիչ պատիժ: ՀՀ վճռաբեկ դատարանն իր` 2007 թվականի օգոստոսի 30-ի թիվ ՎԲ-145/07 որոշմամբ ՀՀ քրեական օրենսգրքի 64-րդ հոդվածի կիրառման կապակցությամբ արտահայտել է այն իրավական դիրքորոշումը, որ «պատիժը մեղմացնելու բացառիկ հիմքին հավասարազոր է խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելը: Պատիժը մեղմացնելու հարցում դա ունի նույն դերը, ինչ գործի բացառիկ հանգամանքն է»:
Դատարանը, նկատի ունենալով, որ Գևորգ Ավետիսյանը ակտիվորեն աջակցել է խմբի կատարած հանցանքները բացահայտելուն` մերկացնելով խմբակային հանցագործությունների մյուս մասնակիցներին, գտնում է, որ նրա նկատմամբ կարող է նշանակվել ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված պատժի նվազագույն չափից ավելի ցածր պատիժ, այսինքն կիրառելի է ՀՀ քրեական օրենսգրքի 64-րդ հոդվածը:
Դատարանը գտնում է, որ Գևորգ Ավետիսյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, գտնում է, որ Գևորգ Ավետիսյանի նկատմամբ չպետք է նշանակել բժշկական բնույթի հարկադրանքի միջոցներ, քանի որ այդպիսիք նշանակելու վերոգրյալ հիմքերից որևէ մեկն առկա չէ:
Արա Մհերի Սիմոնյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Արա Սիմոնյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Էրիկ և Մհեր Արայի Սիմոնյաններ` ծնված 2004 թվականի ապրիլի 4-ին) առկայությունը:
Դատարանը գտնում է, որ Արա Սիմոնյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը, դրականորեն բնութագրվելը և վատառողջ լինելը (նրա մոտ հայտնաբերվել է «Անձի էմոցիոնալ անկայունության խանգարում գլխուղեղի օրգանական անբարենպաստ ֆոնի վրա»):
Դատարանը միաժամանակ արձանագրում է, որ Արա Սիմոնյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արա Սիմոնյանը ենթակա է քրեական պատասխանատվության և պատժի:
Դատարանը, հաշվի առնելով Արա Սիմոնյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արա Սիմոնյանի կողմից կատարված արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 2 (երկու) տարի ժամկետով:
«Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշման 1-ին կետի 1-ին ենթակետի համաձայն` պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց: Նույն որոշման 14-րդ կետի համաձայն` «Համաներում հայտարարելու մասին» ՀՀ Ազգային ժողովի 2009 թվականի հունիսի 19-ի որոշումը կիրառվում է այն անձանց նկատմամբ, որոնք հանցագործություն են կատարել մինչև 2009 թվականի հունիսի 1-ը ներառյալ, իսկ Արա Սիմոնյանը հանրորեն վտանգավոր արարքը կատարել է 2008 թվականի աշնանը: Համաներման որոշման 8-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 8-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում է ՀՀ քրեական օրենսգրքի 177-րդ հոդվածի 2-րդ մասը, այսինքն` ՀՀ քրեական օրենսգրքի 177-րդ հոդվածի 2-րդ մասով նախատեսված արարք կատարած անձանց նկատմամբ համաներման կիրառումը սահմանափակված չէ: Սույն քրեական գործի նյութերում բացակայում է նաև համաներման որոշման 8-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ Արա Սիմոնյանի նկատմամբ համաներման ակտի կիրառման համար: Հիմք ընդունելով վերը նշվածը` դատարանը գտնում է, որ ամբաստանյալ Արա Սիմոնյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պաժից:
Դատարանը գտնում է, որ Արա Սիմոնյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, գտնում է, որ Արա Սիմոնյանի նկատմամբ չպետք է նշանակել բժշկական բնույթի հարկադրանքի միջոցներ, քանի որ այդպիսիք նշանակելու վերոգրյալ հիմքերից որևէ մեկն առկա չէ:
Մանուկ Պողոսի Հայրապետյանի անձը դրականորեն բնութագրող հանգամանք է ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Մանուկ Հայրապետյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և վատառողջ լինելը (նրա մոտ հայտնաբերվել է «Մտավոր հետամնացություն»):
Դատարանը միաժամանակ արձանագրում է, որ Մանուկ Հայրապետյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Մանուկ Հայրապետյանը ենթակա է քրեական պատասխանատվության և պատժի:
Դատարանը, հաշվի առնելով Մանուկ Հայրապետյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Մանուկ Հայրապետյանի կողմից կատարված արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 2 (երկու) տարի ժամկետով:
Դատարանը, հաշվի առնելով, որ Մանուկ Հայրապետյանը հանրորեն վտանգավոր արարքը կատարել է 2008 թվականի աշնանը, և հիմք ընդունելով «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի որոշման կիրառման վերաբերյալ վերը նշված հիմնավորումները, գտնում է, որ ամբաստանյալ Մանուկ Հայրապետյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պատժից:
ՀՀ քրեական դատավարության օրենսգրքի 374-րդ հոդվածի համաձայն` ամբաստանյալի նկատմամբ պատիժը կրելուց ազատելով մեղադրական դատավճիռ կայացնելու դեպքում, եթե ամբաստանյալը կալանքի տակ է գտնվում, դատարանը նրան անհապաղ ազատում է կալանքից դատական նիստի դահլիճում: Քանի որ ամբաստանյալ Մանուկ Հայրապետյանը վերոգրյալ հիմնավորմամբ պետք է ազատվի պատիժը կրելուց, ուստի նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Դատարանը, գտնում է, որ Մանուկ Հայրապետյանի նկատմամբ չպետք է նշանակել բժշկական բնույթի հարկադրանքի միջոցներ, քանի որ այդպիսիք նշանակելու վերոգրյալ հիմքերից որևէ մեկն առկա չէ:
Արտաշես Արամի Նալբանդյանի անձը դրականորեն բնութագրող հանգամանքներ են աշխատելը, ամուսնացած լինելը և առաջադրված մեղադրանքում իրեն մեղավոր ճանաչելը:
Դատարանը գտնում է, որ Արտաշես Նալբանդյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Արտաշես Նալբանդյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Արտաշես Նալբանդյանը ենթակա է քրեական պատասխանատվության և պատժի:
Դատարանը, հաշվի առնելով Արտաշես Նալբանդյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Արտաշես Նալբանդյանի կողմից կատարված արարքի համար ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ միայն ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկում` 2 (երկու) տարի ժամկետով:
Դատարանը, հաշվի առնելով, որ Արտաշես Նալբանդյանը հանրորեն վտանգավոր արարքը կատարել է 2008 թվականի աշնանը, և հիմք ընդունելով «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի որոշման կիրառման վերաբերյալ վերը նշված հիմնավորումները, գտնում է, որ ամբաստանյալ Արտաշես Նալբանդյանին «Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման կիրառմամբ պետք է ազատել նշանակված պատժից:
Դատարանը, հաշվի առնելով, որ Արտաշես Նալբանդյանը վերոգրյալ հիմնավորմամբ պետք է ազատվի պատիժը կրելուց, գտնում է, որ նրա նկատմամբ ընտրված խափանման միջոցը` կալանավորումը, պետք է վերացնել և նրան անհապաղ ազատ արձակել:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2009 թվականի սեպտեմբերի 23-ի որոշմամբ իրեղեն ապացույց ճանաչված և տուժող Գրիշա Գուրգենի Համբարձումյանին ի պահ հանձնված ձայնագրիչն ու հաշվիչ-հայելին պետք է թողնել Գրիշա Գուրգենի Համբարձումյանի տնօրինությանը, 2009 թվականի սեպտեմբերի 28-ի որոշմամբ իրեղեն ապացույց ճանաչված` գրառումով կապտավուն երանգի թուղթը պահել քրեական գործի հետ միասին, 2010 թվականի մայիսի 25-ի որոշմամբ իրեղեն ապացույց ճանաչված և ամբաստանյալ Արտաշես Նալբանդյանի կնոջը` Լուսինե Ներսիսյանին ի պահ հանձնված 12 կտոր 6սմ տրամագծով, 20մ ընհանուր երկարությամբ և 1 կտոր 11սմ տրամագծով, 3մ երկարությամբ խողովակները վերադարձնել տուժող Զենիկ Ավագյանին, իսկ 2010 թվականի հունիսի 25-ի որոշմամբ իրեղեն ապացույց ճանաչված մարտկոցը վերադարձնել տուժող Պավել Ճաղարյանին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերն ամբաստանյալներից ենթակա չեն բռնագանձման, քանի որ տուժողները, հնարավորությունը ունենալով ներկայացնելու իրենց շահերը, ամբաստանյալներին որևէ պահանջ չեն ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753-րդ հոդվածի 8-րդ մասի, ամբաuտանյալներից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 374-րդ, 3751-րդ և 3753-րդ հոդվածներով` Դատարանը

ՎՃՌԵՑ

Արսեն Գրիգորի Գևորգյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով, 178-րդ հոդվածի 2-րդ մասի 1-ին, 3-րդ կետերով և 34-178-րդ հոդվածի 2-րդ մասի 1-ին, 3-րդ կետերով:
ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ, 4-րդ կետերով Արսեն Գրիգորի Գևորգյանի նկատմամբ պատիժ նշանակել ազատազրկում` 3 (երեք) տարի 6 (վեց) ամիս ժամկետով:
ՀՀ քրեական օրենսգրքի 178-րդ հոդվածի 2-րդ մասի 1-ին, 3-րդ կետերով Արսեն Գրիգորի Գևորգյանի նկատմամբ պատիժ նշանակել ազատազրկում` 2 (երկու) տարի 6 (վեց) ամիս ժամկետով:
ՀՀ քրեական օրենսգրքի 34-178-րդ հոդվածի 2-րդ մասի 1-ին, 3-րդ կետերով Արսեն Գրիգորի Գևորգյանի նկատմամբ պատիժ նշանակել ազատազրկում` 2 (երկու) տարի ժամկետով:
ՀՀ քրեական օրենսգրքի 66-րդ հոդվածով սահմանված կարգով` նշանակված պատիժները մասնակիորեն գումարելու միջոցով, Արսեն Գրիգորի Գևորգյանի վերջնական պատիժ նշանակել ազատազրկում` 4 (չորս) տարի ժամկետով:
Արսեն Գրիգորի Գևորգյանի նկատմամբ նշանակված պատժի ժամկետին հաշվակցել սույն քրեական գործով Ուկրաինայում 2008 թվականի փետրվարի 11-ից մինչև 2008 թվականի փետրվարի 14-ը ձերբակալված լինելու ժամկետը` 3 (երեք) օրը, և վերջնական պատիժ թողնել կրելու` ազատազրկում` 3 (երեք) տարի 11 (տասնմեկ) ամիս 27 (քսանյոթ) օր ժամկետով` պատժի կրման սկիզբը հաշվելով 2009 թվականի դեկտեմբերի 8-ից:
Արսեն Գրիգորի Գևորգյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Սուրեն Սամվելի Պողոսյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով և պատիժ նշանակել ազատազրկում 2 (երկու) տարի ժամկետով` պատժի ժամկետին հաշվակցելով արգելանքի տակ գտնվելու ժամկետը:
ՀՀ քրեական օրենսգրքի 70-րդ հոդվածի կիրառմամբ Սուրեն Սամվելի Պողոսյանի նկատմամբ նշանակված պատիժը պայմանականորեն չկիրառել և սահմանել փորձաշրջան` 1 (մեկ) տարի ժամկետով:
Սուրեն Սամվելի Պողոսյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Գևորգ Աշոտի Ավետիյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին, 3-րդ և 4-րդ կետերով և ՀՀ քրեական օրենսգրքի 64-րդ հոդվածի կիրառմամբ պատիժ նշանակել ազատազրկում 6 (վեց) ամիս ժամկետով:
Պատժի կրման սկիզբը հաշվել արգելանքի վերցնելու պահից:
Գևորգ Աշոտի Ավետիյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Արա Մհերի Սիմոնյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով և պատիժ նշանակել ազատազրկում 2 (երկու) տարի ժամկետով:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Արա Մհերի Սիմոնյանին պատժից ազատել:
Արա Մհերի Սիմոնյանին նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Մանուկ Պողոսի Հայրապետյանին մեղավոր ճանաչել ՀՀ քրեական օրենսգրքի 177-րդ հոդվածի 2-րդ մասի 1-ին կետով և պատիժ նշանակել ազատազրկում 2 (երկու) տարի ժամկետով` պատժի ժամկետին հաշվակցելով արգելանքի տակ գտնվելու ժամկետը:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Մանուկ Պողոսի Հայրապետյանին պատժից ազատել:
Մանուկ Պողոսի Հայրապետյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Արտաշես Արամի Նալբանդյանին մեղավոր ճանաչել ՀՀ քրեական օրենսգրքի 38-177-րդ հոդվածի 2-րդ մասի 1-ին կետով և պատիժ նշանակել ազատազրկում 2 (երկու) տարի ժամկետով` պատժի ժամկետին հաշվակցելով արգելանքի տակ գտնվելու ժամկետը:
«Համաներում հայտարարելու մասին» ՀՀ Ազգային Ժողովի 2009 թվականի հունիսի 19-ի թիվ Ն-152-4 որոշման 1-ին կետի 1-ին ենթակետի կիրառմամբ Արտաշես Արամի Նալբանդյանին պատժից ազատել:
Արտաշես Արամի Նալբանդյանի նկատմամբ ընտրված խափանման միջոցը` կալանավորումը, վերացնել և նրան անհապաղ ազատել կալանքից:
Դատավճիռն օրինական ուժի մեջ մտնելուց հետո` 2009 թվականի սեպտեմբերի 23-ի որոշմամբ իրեղեն ապացույց ճանաչված և տուժող Գրիշա Գուրգենի Համբարձումյանին ի պահ հանձնված ձայնագրիչն ու հաշվիչ-հայելին թողնել Գրիշա Գուրգենի Համբարձումյանի տնօրինությանը, 2009 թվականի սեպտեմբերի 28-ի որոշմամբ իրեղեն ապացույց ճանաչված` գրառումով կապտավուն երանգի թուղթը պահել քրեական գործի հետ միասին, 2010 թվականի մայիսի 25-ի որոշմամբ իրեղեն ապացույց ճանաչված և ամբաստանյալ Արտաշես Նալբանդյանի կնոջը` Լուսինե Ներսիսյանին ի պահ հանձնված 12 կտոր 6սմ տրամագծով, 20մ ընհանուր երկարությամբ և 1 կտոր 11սմ տրամագծով, 3մ երկարությամբ խողովակները վերադարձնել տուժող Զենիկ Ավագյանին, իսկ 2010 թվականի հունիսի 25-ի որոշմամբ իրեղեն ապացույց ճանաչված մարտկոցը վերադարձնել տուժող Պավել Ճաղարյանին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ