ԵԱՔԴ/0114/01/10





ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

«25» օգոստոսի 2010թ. ք.Երևան

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը (այսուհետ` Դատարան)` նախագահող դատավոր Մ.Պապոյան, քարտուղարությամբ Ռ.Ավետյանի, մասնակցությամբ մեղադրող Ռ.Խաչատրյանի, տուժող Հ.Թորոսյանի, տուժողի օրինական ներկայացուցիչ Ս.Ավետիսյանի, դռնբաց դատական նիստում քննելով քրեական գործն ըստ մեղադրանքի Մովսես Համլետի Հարությունյանի (ծնված 1972 թվականի փետրվարի 6-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատապարտված, չի աշխատում, հաշվառված է Երևան քաղաքի Նոր Նորքի 7-րդ զանգվածի 39-րդ շենքի 13-րդ բնակարանում)` ՀՀ քրեական օրենսգրքի 118-րդ հոդվածով

ՊԱՐԶԵՑ

2010 թվականի մայիսի 4-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ ՀՀ քրեական օրենսգրքի 118-րդ հոդվածով նախատեսված հանցագործության հատկանիշներով հարուցվել և վարույթ է ընդունվել թիվ 09110110 քրեական գործը:
2010 թվականի հուլիսի 21-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09110110 քրեական գործով Մովսես Համլետի Հարությունյանի նկատմամբ ՀՀ քրեական քրեական օրենսգրքի 136-րդ հոդվածի 2-րդ մասով քրեական հետապնդում չի իրականացվել հանցակազմի բացակայության հիմքով:
2010 թվականի հուլիսի 27-ին ՀՀ ոստիկանության Քանաքեռ-Զեյթունի քննչական բաժնի քննիչ Կ.Մկրտչյանի որոշմամբ թիվ 09110110 քրեական գործով Մովսես Համլետի Հարությունյանին մեղադրանք է առաջադրվել ՀՀ քրեական օրենսգրքի 118-րդ հոդվածով:
2010 թվականի օգոստոսի 2-ին Մովսես Համլետի Հարությունյանի վերաբերյալ քրեական գործը մեղադրական եզրակացությամբ ուղարկվել է Դատարան:
Մովսես Համլետի Հարությունյանին մեղադրանք է առաջադրվել ՀՀ քրեական օրենսգրքի 118-րդ հոդվածով` այն արարքի համար, որ նա 2010 թվականի ապրիլի 15-ին` ժամը 21:30-ի սահմաններում, Երևան քաղաքի Ռուբինյանց 28 հասցեում գտնվող «Պեժո» ավտոսրահի դիմաց անձնական օգտագործման «Տոյոտա ՌԱՎ-4» մակնիշի 60ՏՏ002 պետհամարանիշի ավտոմեքենայի մեջ գումարային պարտքը չմարելու մասին խոսակցություն է ունեցել անչափահաս Հովհաննես Սիսակի Թորոսյանի հետ, որի ընթացքում, բռնություն գործադրելով նրա նկատմամբ, ձախ ձեռքի բռունցքով հարվածել է դեմքին և դեմքի շրջանին ենթամաշկային արյունքհավաքի ձևով պատճառել առողջության թեթև վնասի հատկանիշներ չպարունակող մարմնական վնասվածքներ:
2010 թվականի օգոստոսի 25-ի դատական նիստի ժամանակ տուժող Հովհաննես Թորոսյանը և նրա օրինական ներկայացուցիչ Սոնա Ավետիսյանը հայտնեցին, որ հաշտվել են ամբաստանյալ Մովսես Հարությունյանի հետ և նշեցին, որ գիտակցում են հաշտվելու հետևանքնները:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Հովհաննես Թորոսյանը և նրա օրինական ներկայացուցիչ Սոնա Ավետիսյանը հաշտվել են ամբաստանյալ Մովսես Համլետի Հարությունյանի հետ, գտնում է, որ թիվ ԵԱՔԴ/0114/01/10 քրեական գործի վարույթը պետք է կարճել և Մովսես Համլետի Հարությունյանի նկատմամբ քրեական հետապնդումը դադարեցնել:
ՀՀ քրեական դատավարության օրենսգրքի 151-րդ հոդվածի 2-րդ մասի համաձայն` խափանման միջոցը վերացվում է, երբ վերանում է դրա անհրաժեշտությունը:
Դատարանը, նկատի ունենալով, որ վերը նշված հիմնավորմամբ թիվ ԵԱՔԴ/0114/01/10 քրեական գործի վարույթը պետք է կարճել և Մովսես Համլետի Հարությունյանի նկատմամբ քրեական հետապնդումը դադարեցնել, գտնում է, որ նրա նկատմամբ խափանման միջոց կիրառելու անհրաժեշտությունը վերացել է, ուստի սույն որոշումն օրինական ուժի մեջ մտնելուց հետո Մովսես Համլետի Հարությունյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ սույն որոշումն օրինական ուժի մեջ մտնելուց հետո 2010 թվականի հունիսի 24-ի որոշմամբ իրեղեն ապացույց ճանաչված Հովհաննես Թորոսյանի բրդյա սվիտրը պետք է վերադարձնել նրան:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 116-րդ, 119-րդ, 151-րդ, 183-րդ և 313-րդ հոդվածներով` Դատարանը



ՈՐՈՇԵՑ

Թիվ ԵԱՔԴ/0114/01/10 քրեական գործի վարույթը կարճել և Մովսես Համլետի Հարությունյանի նկատմամբ քրեական հետապնդումը դադարեցնել` տուժողի հաշտվելու հիմքով:
Որոշումն օրինական ուժի մեջ մտնելուց հետո Մովսես Համլետի Հարությունյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Որոշումն օրինական ուժի մեջ մտնելուց հետո 2010 թվականի հունիսի 24-ի որոշմամբ իրեղեն ապացույց ճանաչված Հովհաննես Թորոսյանի բրդյա սվիտրը վերադարձնել նրան
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ