04.11.2010թ. գործ N ԵԱՔԴ/0112/01/10


Դ Ա Տ Ա Վ Ճ Ի Ռ

Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանը


նախագահությամբ` դատավոր Ա.Մկրտչյանի
քարտուղարությամբ` Մ.Հայրապետյանի
մասնակցությամբ`
մեղադրող Ա.Չիչոյանի
ամբաստնյալ Հ.Սուքասյանի
պաշտպան Կ.Աղաջանյանի

2010թ. նոյեմբերի 04-ին, դատարանում, դռնբաց դատական նիստում, քննեց քրեական գործն ըստ մեղադրանքի Հարություն Մարտինի Սուքասյանի, ծնված 12.08.1966թ. ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, խնամքին երկու անչափահաս երեխա, նախկինում դատված, դատվածությունը մարված, հաշվառված և բնակվում է Երևան քաղաքի Դավիթաշեն 3-րդ թաղ. 13 շենքի 18 բնակարանում: Մեղադրվում է ՀՀ քրեական օրենսգրքի 205-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական նախապատմությունը
2008թ. հունիսի 11-ին ՀՀ ԿԱ ՊԵԿ ՀԾ հետաքննության բաժնում ՀՀ քրեական օրենսգրքի 205-րդ հոդվածի 2-րդ մասի հատկանիշներով հարուցվել է թիվ 83156508 քրեական գործը:
2010թ. հուլիսի 14-ին Հարություն Սուքասյանը ներգրավվել է որպես մեղադրյալ, նրան մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասով և խափանման միջոց է ընտրվել կալանավորումը:
2010թ. հուլիսի 19-ին թիվ 83156508 քրեական գործը մեղադրական եզրակացությամբ ուղարկվել է Երևան քաղաքի Արաբկիր և Քանաքեռ-Զեյթուն համայնքների ընդհանուր իրավասության առաջին ատյանի դատարան:

2.Գործի փաստական հանգամանքները
Նախաքննության մարմինն ամբաստանյալ Հարություն Մարտինի Սուքասյանին մեղադրանք է առաջադրել այն արարքի համար, որ նա 2006թ. փետրվարի 21-ից հանդիսանալով ՙՎանուան՚ ՍՊ ընկերության տնօրեն, 2006-2007թթ. ընկած ժամանակահատվածում զբաղվելով շինանյութի առուվաճառքով, մի շարք կազմակերպությունների մատակարարել է տարբեր տեսակի ապրանքանյութական արժեքներ, սակայն հարկային մարմիններին օրենսդրությամբ նախատեսված 2006-2007թթ. հաշվետու տարիների համար, շահութահարկի հաշվարկներ, 2006թ. 3-րդ, 4-րդ եռամսյակների, 2007թ. մարտ ամսվա ավելացված արժեքի հարկի հաշվարկներ, 2006թ. փետրվար ամսից մինչև 2008թ. հունվար ամիսն ընկած ժամանակահատվածի համար պարտադիր սոցիալական ապահովագրության վճարի հաշվետվություններ չներկայացնելու միջոցով չարամտորեն խուսափել է առանձնապես խոշոր չափի` 61.029.700 դրամ հարկեր և պարտադիր սոցիալական վճարումներ կատարելուց, որից շահութահարկ` 30.423.600 դրամ, ԱԱՀ` 30.423.700 դրամ, պարտադիր սոցիալական վճար` 182.400 դրամ:
Բացի այդ նա, 2007թ. հոկտեմբերի 25-ից հանդիսանալով ՙԱգուն՚ ՍՊ ընկերության տնօրեն, 2007-2008թթ. Իրանի Իսլամական Հանրապետությունից Հայաստանի Հանրապետություն ներկրել ու իրացրել է տարբեր տեսակի շինանյութ, սակայն 2007-2008թթ. հաշվետու տարիների համար ֆինանսական ադյունքների մասին ձև 2 հաշվետվություններ, շահութահարկի հաշվարկներ, 2007թ. 4-րդ եռամսյակի, 2008թ. փետրվար, մարտ ամիսների համար ավելացված արժեքի հարկի հաշվարկներ, 2007թ. 4-րդ եռամսյակի, 2008թ. հունվար-փետրվար ամիսների գործատուների պարտադիր սոցիալական ապահովագրության վճարների հաշվետվությունները հարկային մարմիններին չներկայացնելու միջոցով չարամտորեն խուսափել է առանձնապես խոշոր չափի` 69.370.800 դրամի հարկեր և պարտադիր սոցիալական վճարներ վճարելուց, որից 35.272.800 դրամ շահութահարկ, 34.058.200 ավելացված արժեքի հարկ 39.800 դրամ պարտադիր սոցիալական վճարումներ կատարելուց:
Բացի այդ նա, 2007թ. ապրիլի 12-ից հանդիսանալով ՙՏենս-Հ.Ս.՚ ՍՊ ընկերության տնօրեն, տարատեսակ շիրարարական ապրանքներ է մատակարարել մի շարք կազմակերպությունների, սակայն իրականացված գործունեության վերաբերյալ 2007-2008թթ. հաշվետու տարիների համար կազմած և Մյասնիկյանի ՀՏ ներկայացրած հարկման հիմք համարվող փաստաթղթերում` այսինքն ֆինանսական ադյունքների մասին ձև 2 հաշվետվություններում, շահութահարկի հաշվարկներում, ինչպես նաև 2007թ. 2-րդ, 3-րդ, 4-րդ, եռամսյակների 2008թ. մարտ, ապրիլ, մայիս, հունիս, հուլիս, օգոստոս, սեպտեմբեր, նոյեմբեր, դեկտեմբեր ամիսների և 2009թ 1-ից 4-րդ եռամսյակների համար հարկային մարմիններին օրենսդրությամբ նախատեսված ավելացված արժեքի հարկի հաշվարկներում ակնհայտ խեղաթյուրված տվյալներ մտցնելու, ավելացված արժեքի հարկի կրեդիտի գումարը նվազեցնելու 2009թ. ֆինանսական ադյունքների մասին ձև 2 հաշվետվությունը և շահութահարկի հաշվարկը չներկայացնելու միջոցով չարամտորեն խուսափել է առանձնապես խոշոր չափի` 116.358.300 դրամի հարկեր վճարելուց, որից 58.608.800 դրամ շահութահարկ, 57.749.500 դրամ ավելացված արժեքի հարկ:


3.Ապացույցների հետազոտում
Առաջադրված մեղադրանքում ամբաստանյալ Հարություն Սուքասյանն իրեն լիովին մեղավոր է ճանաչել և տվել խոստովանական ցուցմունքներ այն մասին, որ շինանյութի առք ու վաճառքի գործունություն ծավալելու նպատակով 2006թ. գնել է ՙՎանուան՚ ՍՊ ընկերությունը և 2006թ.-ի փետրվարի 21-ից հանդիսացել է նշված կազմակերպության տնօրենը:
2006-2007թթ. ընթացքում վերը նշված կազմակերպության անունից շինանյութի մատարարարման գործարքներ է կատարել ՙԱրագոնիտ՚ և ՙԻմպերիալ-Տուր՚ ՍՊ ընկերությունների հետ:
2007թ. հոկտեմբերի 25-ին շինանյութի մեծածախ առք ու վաճառք կազմակերպելու նպատակով միջոցով հիմնադրել է ՙԱգուն՚ ՍՊ ընկերությունը և հանդիսացել է նշված կազմակերպության տնօրենը: ՙԱգուն՚ ՍՊ ընկերության անունից ինքը հիմնականում գործարքներ է կատարել ՙԷրեբունու շինվերանորոգում՚ ԲԲ և ՙՄոնտաժտրասնշին՚ ՓԲ ընկերություների հետ:
Նույն թվականին նույնատեսակ գործունեություն ծավալելու նպատակով ինքը հիմնադրել է ՙՏենս-Հ.Ս.՚ ՍՊ ընկերությունը և ՀՀ ԿԱ ՊԵԿ Մյասնիկյանի հարկային տեսչությունում հաշվառվել և 2007թ. ապրիլի 12-ից հանդիսացել է այդ կազմակերպության տնօրենը: ՙՏենս-ՀՍ՚ ՍՊ ընկերության անունից ինքը շինանյութ է մատակարարել ՙԱրագոնիտ՚ ՍՊ ընկերությանը և գործարքներ է կնքել:
Նշված կազմակերպություններին մատակարարված շինարարական ապրանքները ինքը հիմնականում ձեռք է բերել կանխիկ գումարով` տոնավաճառներից, շուկաներից և անհատներից` առանց փաստաթղթի: Մատակարարված ապրանքատեսակների մի մասն իր կողմից ներկրվել է Իրանի Իսլամական Հանրապետությունից: Նշված ընկերություններն ապրանքի դիմաց վճարումը կատարել են փոխանցումով` իր տնօրինությամբ գործող ընկերությունների բանկային հաշ¬վեհա¬մարով, որոնց մեջ ներառված է եղել նաև ավելացված արժեքի հարկը: Ապրանքները մատակարարել է հաշիվ-ապրանքագրերով, որոնք կնքել և ստորագրել է անձամբ:
Նշված կազմակերպություններին մատակարարված ապրանքների բեռնափո¬խադրու¬մը կատարվել է իր միջոցով և իր հաշվին: Որոշ դեպքերում գնորդ կազմակերպությունների հետ կնքվել է պայմանագրեր: Ապրանքի դիմաց վճար¬ված գումարները կանխիկացրել ու տնօրինել է անձամբ:
Իր կողմից ղեկավարվող կազմակերպությունները հաշվապահ կամ այլ աշխատակից չեն ունեցել և օրենքով սահմանված հաշվետվություններ և հաշվարկներ հարկային մարմիններին ներկայացնելու պատասխանատվությունը կրել է ինքը` որպես տնօրեն: Ծավալած գործունեության վերաբերյալ հարկային մարմիններին հաշվարկներ և հաշվետվություններ չի ներկայացրել, քանի որ գործարքների գումարները կանխիկացնելուց հետո ծախսել է իր սեփական կարիքները հոգալու նպատակով, քանի որ ունեցել է ֆինանսական դժվարություններ:
Փորձագետի հ. եզրակացությունների հետ համա¬ձայն է, առարկություններ չունի:
Գիտակցում է, որ ՙԱգուն՚, ՙՎանուան՚ և ՙՏԵՆՍ-Հ.Ս.՚ ՍՊ ընկերություններով 2006-2009թթ. ընթացքում զբաղվել է ձեռնար¬կատիրական գործունեությամբ, սակայն ծավալած գործունեության վերաբերյալ հաշվարկներ և հաշվետվություններ չի ներկայացրել, ինչը պարտավոր էր անել, իսկ ՙՏԵՆՍ-ՀՍ՚ ՍՊ ընկերությունով ծավալած գործունեության վերաբերյալ հաշվարկների և հաշվետվությունների մի մասը հարկային տես¬չություն է ներկայացրել խեղաթյուրված տվյալներով` հաշվետու ժամանակաշրջանի համար ավելացված արժեքի հարկի կրեդիտի գումարը ամհիմն նվազեցնելու եղանակով:
Հատոր-5 գ/թ. 68-70, 281-283, 287-288
Հատոր-6 գ./թ. 135-136, 126-127, 286, 126-127, 135-136

Դատաքննության ժամանակ ամբաստանյալ Հարություն Սուքասյանն իրեն լիովին մեղավոր ճանաչեց և ըստ էության պնդեց նախաքննության փուլում տված ցուցմունքները:
Ամբաստանյալին առաջադրված մեղադրանքը, բացի նրա խոստովանական ցուցմունքից հիմնավորվել է նաև գործով ձեռք բերված հետևյալ ապացույցներով.
Ամբաստանյալ Հարություն Սուքասյանը դատաքննությամբ իրեն լիովին մեղավոր է ճանաչել առաջադրված մեղադրանքում և ըստ էության պնդել է նախաքննական ցուցմունքները:
Վկա, ՙԻմպերիալ-Տուր՚ ՍՊ ընկերության տնօրեն Գագիկ Բիշարյանի նախաքննական ցուցմունքով այն մասին, որ ՙՎանուան՚ ՍՊ ընկերության տնօրեն Հարություն Սուքասյանից 2006թ. ընթացքում ձեռք է բերել շի շարք շինարարական ապրանքներ, որոնց վերաբերյալ երկու կազմակերպությունների միջև կազմվել են համապատասխան հաշիվ-ապրանքագրեր, որոնք երկուստեք կնքվել և ստորագրվել են: Ձեռք բերված ապրանքների համար գումարը, նեռարյալ ավելացված արժեքի հարկի գումարը բանկով փոխանցվել է ՙՎանուան՚ ՍՊ ընկերության հաշվեհամարին:
Հատոր-1 գ.թ. 144-145

Վկա, ՙԱրագոնիտ՚ ՍՊ ընկերության տնօրեն` Կամո Սարգսյանի նախաքննական ցուցմունքով այն մասին, որ նա պայմամագրեր է կնքել ՙՎանուան՚ և ՙՏենս-ՀՍ՚ ՍՊ ընկերությունների հետ, որոնց շրջանակներում 2006-2009թթ. ընթացքում նշված կազմակերպությունների տնօրեն Հարություն Սուքասյանի հետ իրականացրել է մի շարք գործարքներ: Վերը նշված կազմակերպությունների անունից Հարություն Սուքասյանը մատարարակել է ՙԱրագոնիտ՚ ՍՊ ընկերությանը տարբեր տեսակի շինարարական նյութեր, որոնց համար կազմվել են համապատասխան հաշիվ-ապրանքագրեր, որոնք իր և Հարություն Սուքասյանի կողմից ստորագրվել և կնքվել են: Կատարված գործարքները փաստացի կատարելուց հետո գործարքի գումարը ինքը ամբողջությամբ, նեռարյալ ավելացված արժեքի գումարները փոխանցել է ՙՎանուան՚ և ՙՏենս-ՀՍ՚ ՍՊ ընկերությունների բանկային հաշիվներին:
Հատոր-1, գ.թ.109-110,

Վկա ՙՄոնտաժտրանսշին՚ ՍՊ ընկերության տնօրեն Գրիգոր Սեդրակյանի ցուցմունքով այն մասին, որ 2007թ. աշնանը ծանոթացել է ՙԱգուն՚ ՍՊ ընկերության տնօրեն Հարություն Սուքասայնի հետ, որը իմանալով որ ինքը իրականացնում է Վեդի քաղաքի մարզադպրոցի վերանորոգումը առաջարկել է հետագայում մատակարարել է վերանորոգման համար անհրաժեշտ շինանյութերը: Կատարված թվով 4 գործարքների գումարը ներառյալ ավելացված արժեքի հարկի գումարները իր կողմից փոխանցվել են ՙԱգուն՚ ՍՊ ընկերության բանկային հաշվին: Նշված գործարքները հաստատող հաշիվ-ապրանքագրերը կնքվել և ստորագրվել են իր և Հարություն Սուքասյանի կողմից:
Հատոր-6, գ.թ. 46-49, 121-123,

Վկա ՙԷրեբունու Շինվերանորոգում՚ ԲԲ ընկերության տնօրեն Աշոտ Այվազյանի նախաքննական ցուցմունքով այն մասին, որ 2007-2008թթ. շինանյութի առուծախի պայմանագրեր է կնքել ՙԱգուն՚ ՍՊ ընկերության տնօրեն Հարություն Սուքասայնի հետ, որի շրջանակներում վերջինիս կողմից կազմակերպությանն են մատակարարվել տարբեր տեսակի շինարարական նյութեր: Նշված նյութերի արժեքը, ներառյալ ավելացված արժեքի հարկի գումարները ինքը փոխանցել է ՙԱգուն՚ ՍՊ ընկերության բանկային հաշվին, գործարքները փաստացի կատարելուց հետո: Գործարքների վերաբերյալ կազմվել են համապատասխան հաշիվ-ապրանքագրեր, որոնք կնքվել և ստորագրվել են իր և ՙԱգուն՚ ՍՊ ընկերության տնօրեն Հարություն Սուքասայնի կողմից:
Հատոր-2, գ.թ. 431-432

Դատաքննության ժամանակ Աշոտ Այվազյանը ըստ էության պնդեց նախաքննության ընթացքում տված ցուցմունքներն այն մասին, որ 2007-2008թթ. ընթացքում շինանյութի առուծախի պայմանագրեր է կնքել ՙԱգուն՚ ՍՊԸ-ի հետ և բոլոր գործարքները օրինական կարգով է կատարել, վճարել է ԱԱՀ-ի գումարները, կազմել է համապատասխան հաշիվ-ապրանքագրեր և հարկային պարտավորությունների վերաբերյալ բոլոր փաստաթղթերին օրինական ձևակերպումներ է տվել:

Ամբաստանյալ Հարություն Սուքասյանին մեղսագրվող արարքը հիմնավորվել է նաև.

Դատահաշվապահական փորձաքննության 11.06.2010թ. թիվ 10-1333 եզրակացությամբ այն մասին, որ ՙԱգուն՚ ՍՊ ընկերությունում ՀՀ ԿԱ ՊԵԿ ՕՀՎ 3-րդ բաժնի աշխատակիցների կողմից 17.05.2010թ. կազմված թիվ 1009656 ստուգման ակտում արձանագրված դրվագներով և փորձաքննությամբ կատարված ճշգրտումներով լրացուցիչ առաջանում են պետ. բյուջե վճարման ենթակա 183.850.800 ՀՀ դրամ հարկային և պարտադիր սոցիալական ապահովագրության վճարների գծով պարտավորություններ, այդ թվում` 35.272.800 ՀՀ դրամ շահութահարկ, 34.058.200 ՀՀ դրամ ավելացված արժեքի հարկ, 39.800 ՀՀ դրամ պարտադիր սոցիալական ապահովագրության վճարներ, 37.955.800 ՀՀ դրամ տույժեր և 76.524.200 ՀՀ դրամ տուգանքներ: Վերոգրյալ 69.370.800 ՀՀ դրամ լրացուցիչ գանձման ենթակա հարկերից 35.272.800 գումարի շահութահարկն առաջացել է ՙԱգուն՚ ՍՊ ընկերության կողմից 2007-2008թթ. հաշվետու տարիների համար հաշվետվություններ և շահութահարկի հաշվարկներ չկազմելու և չներկայացնելու, այսինքն ՙՇահութահարկի մասին՚ ՀՀ օրենքի 46-րդ հոդվածի 1-ին կետի խախտման հետևանքով:
69.370.800 ՀՀ դրամ լրացուցիչ գանձման ենթակա հարկերից 34.058.200 ՀՀ դրամ գումարի լրացուցիչ ավելացված արժեքի հարկը առաջացել է ՙԱվելացված արժեքի հարկի մասին՚ ՀՀ օրենքի 33-րդ հոդվածի խախտման հետևանքով, իսկ 39.800 դրամ լրացուցիչ գանձման ենթակա պարտադիր սոցիալական ապահովագրության վճարը` ՙՊարտադիր սոցիալական ապահովագրության վճարների մասին՚ ՀՀ օրենքի 6-րդ հոդվածի 1-ին և 6-րդ կետերի պահանջների խախտման արդյունքում, այսինքն ՙԱգուն՚ ՍՊ ընկերության կողմից 2007-2008թթ. հաշվետու տարիների համար հաշվետվություններ և հաշվարկներ չկազմելու և չներկայացնելու հետևանքով:

Դատահաշվապահական փորձաքննության 10.05.2010թ. թիվ 10-0964 եզրակացությամբ այն մասին, որ ՙՎանուան՚ ՍՊ ընկերությունում ՀՀ ԿԱ ՊԵԿ ՕՀՎ 3-րդ բաժնի աշխատակիցների կողմից 17.05.2010թ. կազմված թիվ 1009659 ստուգման ակտում արձանագրված դրվագներով և փորձաքննությամբ կատարված ճշգրտումներով լրացուցիչ առաջանում են պետ. բյուջե վճարման ենթակա 61.029.700 ՀՀ դրամ հարկային և պարտադիր սոցիալական ապահովագրության վճարների գծով պարտավորություններ, այդ թվում 30.423.600 ՀՀ դրամ շահութահարկ, 30.423.700 ՀՀ դրամ ավելացված արժեքի հարկ, 1.824.000 ՀՀ դրամ պարտադիր սոցիալական ապահովագրության վճարներ, 33.413.600 ՀՀ դրամ տույժեր և 67.114.400 ՀՀ դրամ տուգանքներ: Նշված գումարները առաջացել են 2006-2007թթ. հաշվարկներ և հաշվետվություններ չկազմելու և չներկայացնելու, այսինքն ՙՇահութահարկի մասին՚ ՀՀ օրենքի 46-րդ հոդվածի 1-ին կետի, ՙԱվելացված արժեքի հարկի մասին՚ ՀՀ օրենքի 33-րդ հոդվածի, ՙՊարտադիր սոցիալական ապահովագրության վճարների մասին՚ ՀՀ օրենքի 6-րդ հոդվածի 1-ին և 6-րդ կետերի պահանջների խախտման հետևանքով:
ՙՏենս-Տ.Ս.՚ ՍՊ ընկերությունում ՀՀ ԿԱ ՊԵԿ ՕՀՎ 3-րդ բաժնի աշխատակիցների կողմից 17.05.2010թ. կազմված թիվ 1009658 ստուգման ակտում արձանագրված դրվագներով և փորձաքննությամբ կատարված ճշգրտումներով լրացուցիչ առաջանում են պետ. բյուջե վճարման ենթակա 116.358.300 ՀՀ դրամ հարկային պարտավորություններ, այդ թվում 58.608.800 ՀՀ դրամ շահութահարկ, 57.749.500 ՀՀ դրամ ավելացված արժեքի հարկ, 45.771.400 ՀՀ դրամ տույժեր և 56.328.200 ՀՀ դրամ տուգանքներ: Նշված գումարներն առաջացել են 2007-2008թթ. հաշվետու տարիների համար կազմած և Մյասնիկյանի ՀՏ ներկայացրած հարկման հիմք համարվող փաստաթղթերում այն է` ֆինանսական ադյունքների մասին ձև 2 հաշվետվություններում, շահութահարկի հաշվարկներում, ինչպես նաև 2007թ. 2-րդ, 3-րդ, 4-րդ, եռամսյակների 2008թ. մարտ, ապրիլ, մայիս, հունիս, հուլիս, օգոստոս, սեպտեմբեր, նոյեմբեր, դեկտեմբեր ամիսների և 2009թ. 1-ից 4-րդ եռամսյակների համար հարկային մարմիններին օրենսդրությամբ նախատեսված ավելացված արժեքի հարկի հաշվարկներում ակնհայտ աղավաղված տվյալներ մտցնելու, ավելացված արժեքի հարկի կրեդիտի գումարը նվազեցնելու 2009թ. ֆինանսական ադյունքների մասին ձև 2 հաշվետվությունը և շահութահարկի հաշվարկը չներկայացնելու արդյունքում, ինչով խախտվել են ՙՇահութահարկի մասին՚ ՀՀ օրենքի 10-րդ հոդվածի 1-ին կետը, 46-րդ հոդվածի 1-ին կետը, ՙԱվելացված արժեքի հարկի մասին՚ ՀՀ օրենքի 20-րդ, 23-րդ հոդվածները:
Հատոր-6, գ.թ. 2-23

Հարություն Սուքասյանին առաջադրված մեղադրանքը հիմ¬նավորվել է նաև ապա¬ցույց ճանաչված ՙԱգուն՚, ՙՎանուան՚, ՙՏենս-Հ.Ս՚ ՍՊ ընկերությունների հարկային և սոցիալական ապահովադրի գործերով, ՙԱգուն՚ և ՙՏենս-ՀՍ՚ ՍՊ ընկերությունների մաքսային թղթապանակներով, ՀՀ ԿԱ ՊԵԿ տեղեկատվական բազայից 04.03.2010թ.-ի թիվ ն-3345/6-2 գրությամբ ստացված վերը նշված ընկերությունների 2006-2009թթ. կատարված առևտրային գործարքների ավելացված արժեքի հարկի հաշվարկների խաչաձև ստուգուման վերաբերյալ տեղեկություններով, քրեական գործում առկա առգրավված և ներկայացված պայմանագրերով, հաշիվ-ապրանքագրերով, վճարման հանձնարարագրերով, դրամարկղային ելքի կտրոններով, կանխիկ մուտքի հայտարարագրերով, մեմորալ օրդերներով, ՙՎանուան՚, ՙԱգուն՚, ՙՏենս-Հ.Ս.՚ ՍՊ ընկերություններում կատարված բյուջեի հետ փոխհարաբերությունների ճշտության և հարկային մարմնի կողմից վերահսկվող օրենսդրության առանձին պահանջների կատարման ճշտության ստուգումների արդյունքում կազմված թիվ 1009656, թիվ 1009658 և թիվ 1009659 ակտերով:
Դատարանը գտնում է, որ գործով անթույլատրելի և ոչ վերաբերելի ապացույցներ չկան:

4.Դատարանի իրավական վերլուծությունները
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հարություն Մարտինի Սուքասյանին առաջադրված մեղադրանքը ՀՀ քրեական օրենսգրքի 205-րդ հոդվածի 2-րդ մասով, հիմնավորված է: Նրա կողմից կատարված արարքը համապատասխանում է ՀՀ քրեական օրենսգրքի 205-րդ հոդվածի 2-րդ մասի հատկանիշներին :
Ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում այն, որ նա հանցանքն ընդունել և անկեղծորեն զղջում է կատարած արարքի համար, խնամքին են գտնվում երկու անչափահաս 1993 թվականին և 1998 թվականին ծնված 2 դուստրերը:
Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրել:
Կատարած արարքի համար ամբաստանյալ Հարություն Սուքասյանը ենթակա է քրեական պատասխանատվության և պատժի:
Պատիժ նշանակելիս դատարանը հաշվի է առնում Հարություն Սուքասյանի կատարած արարքի հանրության համար վտանգավորության աստիճանը և բնույթը, նրա անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
Դատարանը գտնում է, որ ամբաստանյալ Հ.Սուքասյանի նկատմամբ պետք է կիրառել ՀՀ քրեական օրենսգրքի 205-րդ հոդվածի 2-րդ մասի սանկցիայով նախատեսված լրացուցիչ պատիժը` գույքի բռնագրավումը, սակայն ոչ ավելին, քան հանցագործությամբ պատճառված վնասի չափը` 246.758.800 ՀՀ դրամ:
Քննության առնելով ՀՀ գլխավոր դատախազության քաղաքացիական հայցը` ամբաստանյալ Հարություն Սուքասյանի տնտեսությունից և անձնական վաստակից հօգուտ պետական բյուջեի 246.758.800 ՀՀ դրամ բռնագանձելու վերաբերյալ, նկատի ունենալով, որ Հարություն Սուքասյանի գործողությունների հետևանքով վնաս է պատճառվել պետության գույքային շահերին, դատարանը գտնում է, որ ՀՀ գլխավոր դատախազության քաղաքացիական հայցը հիմնավոր է և ենթակա բավարարման ամբողջությամբ:
Գործով իրեղեն ապացույց ճանաչված առգրավված և ներկայացված պայմանագրերը, հաշիվ-ապրանքագրերը, վճարման հանձնարարգրերը, դրամարկղային ելքի կտրոնները, կանխիկ մուտքի հայտարարագրերը, մեմորալ օրդերները, ՙՎանուան՚, ՙԱգուն՚, ՙՏենս-Հ.Ս՚ ՍՊ ընկերություններում կատարված բյուջեի հետ փոխհարաբերությունների ճշտության և հարկային մարմնի կողմից վերահսկվող օրենսդրության առանձին պահանջների կատարման ճշտության ստուգումների արդյունքում կազմված թիվ 1009656, թիվ 1009658 և թիվ 1009659 ակտերը պետք է պահել քրեական գործում:
Ղեկավարվելով ՀՀ քրեական դատավարության օրենսգրքի 357-360-րդ հոդվածներով, դատարանը

Վ Ճ Ռ Ե Ց


Հարություն Մարտինի Սուքասյանին մեղավոր ճանաչել ՀՀ քրեական օրենսգրքի 205-րդ հոդվածի 2-րդ մասով և նրան դատապարտել ազատազրկման 5/ հինգ/ տարի ժամկետով` գույքի բռնագրավումով, ոչ ավելի, քան հանցագործությամբ պատճառված վնասի չափը` 246.758.800 /երկու հարյուր քառասունվեց միլիոն յոթ հարյուր հիսունութ հազար ութ հարյուր/ ՀՀ դրամ:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Հարություն Սուքասյանի նկատմամբ ընտրված խափանման միջոցը` կալանավորումը, թողնել անփոփոխ, մինչև դատավճռի օրինական ուժի մեջ մտնելը:
Պատժի սկիզբը հաշվել 2010 թվականի փետրվարի 25-ից:
Հարություն Սուքասյանի տնտեսությունից և անձնական վաստակից հօգուտ պետական բյուջեի բռնագանձել 246.758.800 /երկու հարյուր քառասունվեց միլիոն յոթ հարյուր հիսունութ հազար ութ հարյուր/ ՀՀ դրամ, որպես հանցագործությամբ պատճառված վնասի փոխհատուցում:
06.08.2008թ. գույքի վրա կալանք դնելու մասին որոշումը թողնել անփոփոխ :
Իրեղեն ապացույց ճանաչված, առգրավված և ներկայացված պայմանագրերը, հաշիվ-ապրանքագրերը, վճարման հանձնարարգրերը, դրամարկղային ելքի կտրոնները, կանխիկ մուտքի հայտարարագրերը, մեմորալ օրդերները, ՙՎանուան՚, ՙԱգուն՚, ՙՏենս-Հ.Ս՚ ՍՊ ընկերություններում կատարված բյուջեի հետ փոխհարաբերությունների ճշտության և հարկային մարմնի կողմից վերահսկվող օրենսդրության առանձին պահանջների կատարման ճշտության ստուգումների արդյունքում կազմված թիվ 1009656, թիվ 1009658 և թիվ 1009659 ակտերը պահել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան` հրապարակման պահից մեկամսյա ժամկետում: